Salómon Sigurðsson (1663-1708) Bóndi í Rugludal.

F. um 1663, á lífi í Rugludal 1708. For. ókunnir. Bóndi í Rugludal -1699-1708-. – Kona: Ólöf Brandsdóttir, f. um 1675, á lífi í Rugludal 1703. Óvíst er um foreldra hennar, en hún gæti hafa verið systir Vigdísar Brandsdóttur vinnustúlku í Rugludal 1703. Börn: Brandur, f. um 1696, b. í Rugludal, kv. Guðrúnu Jónsdóttur. Halldór, f. um 1699, var hjá foreldrum sínum í Rugludal 1703. Gísli, f. um 1701, var hjá foreldrum sínum í Rugludal 1703.

(Vorþeyr og vébönd, 169 og 226).

Sigfús Hannesson. F. 20. des. 1837 í Húsey í Vallhólmi, d. 1. febr. 1913 við Narrows í Manitoba. For.: Hannes Jónatansson b. í Teigakoti og s.k.h. Sigríður Sigurðardóttir. Var hjá foreldrum sínum í Saurbæ á Neðribyggð 1840, en fermdist í Bergsstaðasókn 1852. Vinnumaður á Bergsstöðum 1857-1858 og á Bollastöðum 1858-1863. Bóndi á Stóra-Búrfelli í Svínavatnshreppi 1863-1865, á Eiríksstöðum 1865-1868 og á Barkarstöðum 1868-1870. Húsmaður í Mjóadal 1870-1871. Vinnumaður í Hólum í Fljótum 1871-1872. Bóndi í Nefsstaðakoti í Stíflu 1872-1887. Vinnumaður á Ysta-Vatni á Efribyggð 1888-1889. Húsmaður á Reykjavöllum á Neðribyggð 1889-1891. Vinnumaður á Löngumýri í Vallhólmi 1891-1892 og í Víðimýrarseli hjá Víðimýri 1892-1893. Húsmaður í Selhaga 1893-1894 og á Ytra-Þverfelli 1894-1895. Vinnumaður í Valadal á Skörðum 1895-1897 og á Nautabúi á Neðribyggð 1897-1898. Húsmaður í Hvammkoti í Tungusveit 1898-1899. Hann var í skjóli Jóhanns sonar síns á Mælifellsá á Efribyggð 1899-1900, í skjóli Ágústs sonar síns í Sellandi 1900-1901 og í skjóli Sigurðar sonar síns við Narrows 1901 til æviloka. Sigfús var greindur og bókhneigður, og las mikið síðustu árin er starfsþrekið fór að minnka, því sjón og sálarkröftum hélt hann lítt skertum til hinsta dags. – Kona, g. 21. júní 1863, Hólmfríður Halldórsdóttir, f. 3. mars 1831 á Eiðsstöðum í Blöndudal, d. 22. júní 1907 á Reykjavöllum, ekkja Björns Erlendssonar b. á Stóra-Búrfelli. For.: Halldór Auðunsson b. á Eiðsstöðum og k.h. Ingigerður Helgadóttir, áður húsm. á Brandsstöðum. Hólmfríður bjó ekkja á Stóra-Búrfelli 1861-1863 milli manna. Hún var vinnukona á Ysta-Vatni 1887-1889. Húskona á Reykjavöllum 1889-1890 og á Reykjum í Tungusveit 1890-1892. Vinnukona í Enni í Refasveit 1892-1896. Húskona í Enni 1896-1897. Tökukona á sama stað 1897-1898, en var í skjóli Sigurðar sonar síns á Höllustöðum í Blöndudal 1898-1899. Þurfakona á Hóli 1899-1900. Húskona í Gilkoti á Neðribyggð 1900-1902. Tökukona í Gilkoti 1902-1905 og á Reykjavöllum 1905 til æviloka. Hólmfríður var hagmælt. Börn: Björn Sigfús, f. 30. sept. 1863 á Stóra-Búrfelli, b. á Írafelli í Svartárdal, kv. Ingibjörgu Málfríði Jónsdóttur. Hannes Ágúst, f. 8. sept. 1864 á Stóra-Búrfelli, b. í Kálfárdal, kv. Sigurlaugu Bjarnadóttur. Sigríður Ragnheiður, f. 9. maí 1866 á Eiríksstöðum, d. 26. júní 1869 á Barkarstöðum. Jónas Jóhann, f. 22. maí 1868 á Barkarstöðum, b. á Mælifellsá, kv. (Hólmfríði) Kristrúnu Björnsdóttur. Herdís, f. 16. nóv. 1870 í Ytri-Mjóadal, d. 28. febr. 1871 á sama stað. Þorlákur Guðmundur, f. 17. maí 1873 í Nefsstaðakoti, d. 3. ágúst 1876 á sama stað. Sigurður, f. 3. jan. 1875 í Nefsstaðakoti, b. á Höllustöðum, kv. Margréti Illugadóttur. Þorlákur Guðmundur, f. 8. nóv. 1877 í Nefsstaðakoti, d. 14. maí 1894 í Enni.

(Skagfirzkar æviskrár 1850-1890 II, 248-250 og V, 142; Skagfirzkar æviskrár 1890-1910 I, 39-40; Húnavaka 1978, 48-51; Almanak Ólafs Thorgeirssonar 1914, 92-93 og 183, 1938, 76-77, 1940, 92 og 1950, 122; Heimskringla 5. apríl 1950; Lögberg 13. febr. og 10. apríl 1913, 23. febr. 1939 og 6. apríl 1950; Vesturfaraskrá, 236; Dómab. Skag. 15. nóv. 1869; Skiptab. Hún. 17. des. 1861; Steinárætt – Handrit Péturs Sigurðssonar á Skeggsstöðum).

Sigfús Oddsson (1790-1840) Bóndi í Selhaga, Fjósu og Eiríksstaðakoti.

F. 29. nóv. 1790 á Skarðsá í Sæmundarhlíð, d. 5. júní 1840 í Eiríksstaðakoti. For.: Oddur Oddsson b. og smiður í Geldingaholti í Seyluhreppi og barnsm.h. Helga Þorleifsdóttir vk. á Skarðsá, síðar húsm. í Selhaga. Var í fóstri hjá Jóni móðurbróður sínum á Skarðsá -1801-1802- og fermdist í Glaumbæjarprestakalli í Skagafjarðarsýslu 1805. Bóndi í Selhaga 1813-1826 og hafði jafnframt bú í Geitagerði í Staðarhreppi 1817-1821 og í Stóru-Gröf í Staðarhreppi 1821-1823. Bóndi á Fjósum 1826-1828 og hafði jafnframt bú í Selhaga 1826-1827. Bóndi í Eiríksstaðakoti 1828-1839. Húsmaður á sama stað 1839 til æviloka. Sigfús var vel meðalmaður á hæð og grannvaxinn. Hann var drenglundaður og gerði vel við snauða menn. – Kona, g. 1814, Björg Jónasdóttir, f. 16. júlí 1793 á Ytri-Ey á Skagaströnd, d. 25. febr. 1850 í Skyttudal. For.: Jónas Jónsson b. á Gili og k.h. Ingibjörg Jónsdóttir. Hún var hjá foreldrum sínum á Gili 1801. Sigfús og Björg skildu 1826. Eftir skilnaðinn var Björg húskona í Selhaga 1826-1827, í Nesi í Aðaldal 1827-1829 og í Bólstaðarhlíð 1829-1834. Hún bjó í Bólstaðarhlíð 1834-1835, en giftist þá Guðmundi Árnasyni b. í Bólstaðarhlíð. Börn: Eyjólfur, f. um 1815 í Selhaga, d. 27. nóv. 1820 á sama stað. Jónas, f. 13. sept. 1816 í Selhaga, b. í Fjósaseli, kv. Margréti Ólafsdóttur, átti einnig tvo syni með Solveigu Önundardóttur. Ingibjörg, f. 12. nóv. 1818 í Selhaga, g. Guðmundi Hermannssyni b. í Eyvindarstaðagerði. Jón, f. 22. mars 1824 í Selhaga, b. í Skyttudal, kv. Sigríði Jónsdóttur.

(Skagfirzkar æviskrár 1850-1890 III, 158-159; Skagfirzkar æviskrár 1890-1910 I, 99; Frændgarður II – Ættmeiður, 184-185 og 190; Húnvetningasaga III, 814-815; Saga frá Skagfirðingum II, 146-147; Búsæld og barningur, 150; Svipir og sagnir, 100; Vorþeyr og vébönd, 214; Húnavaka 1988, 127-131; Skiptab. Hún. 1. nóv. og 31. des. 1841, 9. sept. 1850 og 30. júlí og 14. ágúst 1851; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1142, 1181-1182 og 4760-4761; Ættatölub. Ólafs Snóksdalíns, 312-313 (innskotsblöð), 337 og 390-391; Ættatölub. Sighvats Grímssonar Borgfirðings, 2424; Ættatölub. Steingríms Jónssonar, 5270-5273).

Sigfús Pétursson (1840-1880) Bóndi á Eiríksstöðum.

F. 11. nóv. 1840 á Eiríksstöðum, d. 23. jan. 1880 í Skyttudal. For.: Pétur Eyjólfsson b. á Eiríksstöðum og k.h. Málfríður Jónatansdóttir. Sigfús var hjá móður sinni á Eiríksstöðum 1850 og fermdist í Bergsstaðasókn 1855. Bóndi á Eiríksstöðum 1872-1877. Vinnumaður á Refsstöðum á Laxárdal fremri 1877-1879. Húsmaður á Refsstöðum 1879 til æviloka. – Kona, g. 20. júní 1873, Engilráð Margrét Sigurðardóttir, f. 16. sept. 1848 í Hvammi á Laxárdal fremri, d. 28. maí 1922 í Pembina í Norður-Dakota. For.: Sigurður Sigurðsson b. í Hvammi og k.h. Helga Jónsdóttir. Engilráð var hjá foreldrum sínum í Hvammi 1855 og fermdist í Hjaltabakkasókn 1863. Hún var bústýra hjá Sigfúsi á Eiríksstöðum 1872-1873, vinnukona hjá foreldrum sínum á Refsstöðum 1877-1879, húskona hjá þeim á sama stað 1879-1881 og bústýra hjá föður sínum á sama stað 1881-1882. Hún bjó ekkja á Refsstöðum 1882-1886 og í Grundarkoti 1886-1887, en brá þá búi og fór vestur um haf. Settist hún að í Pembina og átti þar heima til æviloka, að undanteknum tveimur árum sem hún var vestur á Kyrrahafsströnd. Skömmu eftir að hún kom til Pembina, gat hún með tilstyrk dætra sinna komið sér upp húsi og mátti því heita, að hún ætti húsum að ráða til dauðadags. Engilráð var myndarkona, dugleg og djarfmannleg, hreinlát og velvirk. Hún var vel greind að náttúrufari og ágætlega sjálfmenntuð eftir því sem þá gerðist. Stórlynd var hún að upplagi og þoldi illa ójöfnuð í hverri mynd sem hann birtist, enda var hún sjálf frábitin allri afskiptasemi um annarra hagi. Hún var hreinskilin og sagði óhikað það, sem henni bjó í brjósti, en fyrir það ávann hún sér færri augnabliksvini. Aðallundareinkenni hennar voru tryggð, staðfesta og skyldurækni, ásamt sterkri sjálfstæðisþrá. Söngelsk var hún sem faðir hennar og kát og glaðsinna á yngri árum, en fremur einræn og ómannblendin á efri árum. Hún hlaut slæma byltu af hestbaki þegar hún var á besta aldri og beið þess aldrei bætur. Átti hún alla tíð síðan mjög örðugt um gang. – Börn: Helga Ingveldur, f. 16. júní 1873 á Eiríksstöðum, d. 2. sept. 1955 í Grafton í Norður-Dakota, g. James Robert Moorehead málara í Pembina. Hún gekk undir nafninu Inga vestra. Málfríður Ingiríður, f. 22. des. 1874 á Eiríksstöðum, d. 5. sept. 1876 á sama stað. Halldór Jón, f. 23. maí 1876 á Eiríksstöðum, d. 13. júní 1876 á sama stað. Solveig, f. 20. júlí 1877 á Refsstöðum, á lífi í Shaunavon í Saskatchewan 1955, g. Edward Landsiedel í Pembina. Hún gekk undir nafninu Veiga vestra. Halldóra, f. 16. febr. 1880 á Refsstöðum, d. 11. mars. 1881 á sama stað.

(Frændgarður I, 286; Saga Íslendinga í Norður-Dakota, 459; Almanak Ólafs Thorgeirssonar 1924, 102; Heimskringla 5. okt. 1955; Lögberg 17. maí 1923; Vesturfaraskrá, 238; Skeggsstaðaætt – Handrit Björns Bjarnasonar á Brandsstöðum; Steinárætt – Handrit Péturs Sigurðssonar á Skeggsstöðum).

Sigfús Sveinsson ( 1778-1811) Bóndi á Botnastöðum.

F. 1778 (sk. 16. júlí 1778) á Auðnum í Öxnadal, d. 8. júní 1811 á Botnastöðum. For.: Sveinn Runólfsson b. á Auðnum og k.h. Þorbjörg Sigfúsdóttir. Var hjá móður sinni í Gloppu í Öxnadal 1801. Bóndi á Botnastöðum 1803 til æviloka. – Kona: Helga Jónsdóttir, f. um 1761 á Fossum, d. 6. ágúst 1842 á Botnastöðum, ekkja Árna Jónssonar b. á Botnastöðum. For.: Jón Jónsson b. í Rugudal og k.h. Helga Jónsdóttir. Helga bjó ekkja á Botnastöðum 1811-1812, en giftist þá Jónasi Björnssyni b. á Botnastöðum. Börn: Guðrún, f. um 1803 á Botnastöðum, d. 4. des. 1838 í Hafnarfirði, bústýra í Selhaga, óg. Helga, f. um 1806 á Botnastöðum, g. Þorvarði Oddssyni b. á Botnastöðum. Barnsmóðir: Herdís Jónsdóttir, f. 1770 (sk. 3. sept. 1770) í Myrkársókn í Eyjafjarðarsýslu, d. 2. apríl 1812 á Hörgárdalsheiði, vk. í Gloppu. For.: Jón Stefánsson b. í Staðartungu í Hörgárdal og s.k.h. Ingibjörg Jónsdóttir. Herdís giftist síðar Sigfúsi Sigfússyni b. í Ásgerðarstaðaseli í Hörgárdal. Hún fórst í snjóflóði. Barn: Sigríður, f. 24. maí 1801 í Gloppu, g. fyrr Oddi Jónssyni b. á Auðólfsstöðum, síðar Ásmundi Jónssyni b. á Hofstöðum í Miklaholtshreppi.

(Dalamenn I, 289; Skagfirzkar æviskrár 1850-1890 III, 278-279; Ljósmæður á Íslandi I, 311; Frændgarður I, 247-248; Ritsafn Eiðs Guðmundssonar á Þúfnavöllum I, 91 og 93 og II, 143; Skriðuföll og snjóflóð II, 237-238; Húnavaka 1977, 79-81; Sýsluskj. Hún. XV, 6, 31. júlí 1811 (dánarbú Sigfúsar Sveinssonar á Botnastöðum); Skiptab. Eyj. 18. júní 1812; Skiptab. Gullbr. og Kjós. 16. des. 1839; Skiptab. Hún. 29. okt. 1811 og 24. maí 1843; Ættatölub. Jóns Espólíns, 3370; Ættatölub. Ólafs Snóksdalíns, 574).

Sighvatur Guðmundsson (1763-1819) Ráðsmaður í Ytri-Mjóadal.

F. um 1763 í Hólabæ, d. 28. okt. 1819 í Saurbæ á Neðribyggð. For.: Guðmundur Gunnarsson b. í Hólabæ og k.h. Guðrún Sæmundsdóttir. Ráðsmaður í Ytri-Mjóadal -1786-1787-. Vinnumaður í Hvammi í Svartárdal -1789-1790-. Húsmaður í Kolgröf á Efribyggð -1800-1802-. Búsettur í Brekkukoti á Efribyggð -1803-1804. Bóndi í Saurbæ 1804 til æviloka. – Kona, g. 8. des. 1800, Sigríður Símonsdóttir, f. um 1759 í Syðra-Vallholti í Vallhólmi. For. ókunnir. Sigríður var búsett í Ytra-Vallholti í Vallhólmi -1786-1787- og á Brenniborg á Neðribyggð -1793-1794-. Hún bjó ekkja í Saurbæ 1819-1821. Börn: Ástríður, f. um 1800, d. 26. maí 1802 í Kolgröf. Guðmundur, f. 14. jan. 1804 í Brekkukoti, d. 12. júní 1865 í Mælifellsprestakalli í Skagafjarðarsýslu, vm. í Teigakoti í Tungusveit 1845, ókv. Helga, f. 6. apríl 1806 í Saurbæ, g. Hermanni Sigfússyni b. í Bitrugerði í Kræklingahlíð, átti áður son með Jóhanni Jóhannessyni b. á Vindheimum í Tungusveit. Barnsmóðir: Solveig Magnúsdóttir, f. um 1765 á Hóli í Tungusveit, d. 5. jan. 1843 í Villinganesi í Tungusveit, vk. á Bollastöðum. For.: Magnús Gunnlaugsson b. á Hóli og k.h. Solveig Brandsdóttir. Solveig giftist síðar Hinriki Magnússyni b. í Fremri-Svartárdal í Svartárdal. Hún var vinnukona á Tunguhálsi í Tungusveit 1785. Barn: Solveig, f. 1792 á Bollastöðum, g. Ólafi Ólafssyni b. í Villinganesi, átti áður son með Jóni Guðmundssyni b. í Stapa í Tungusveit. – Barnsfaðir Sigríðar: Björn Illugason, f. um 1760 á Syðri-Leifsstöðum, d. 10. febr. 1856 á Hofstöðum í Hofstaðabyggð, b. og hreppstj. í Neðra-Ási í Hjaltadal. For.: Illugi Björnsson b. á Syðri-Leifsstöðum og k.h. Þorbjörg Sæmundsdóttir. Barn: Björn, f. 20. sept. 1786 í Ytra-Vallholti, b. á Óslandi í Óslandshlíð, kv. Salnýju Jónsdóttur, átti einnig tvíbura með Sigurlaugu Jónsdóttur. Barnsfaðir Sigríðar: Bjarni Bjarnason, f. um 1767 á Undirfelli í Vatnsdal, d. 30. júní 1845 á Bjargi í Miðfirði, b. og hreppstj. á Bjargi. For.: Bjarni Jónsson pr. á Undirfelli og m.k.h. Sigríður Jóhannsdóttir. Barn: Sigríður, f. 4. okt. 1793 á Brenniborg, g. fyrr Jóni Guðbrandssyni b. á Svertingsstöðum í Miðfirði, síðar Halldóri Jónssyni b. á Svertingsstöðum, átti áður dóttur með Jóhanni Bjarnasyni b. í Litluhlíð í Víðidal og son með Helga Björnssyni b. á Litlabakka í Miðfirði.

Athugasemdir: 1) Sighvatur virðist hafa verið vinnumaður á Bollastöðum 1792. 2) Sigríður er sögð fara frá Saurbæ að Ytri-Mælifellsá á Efribyggð 1821 í skrám yfir burtvikna í Prestsþjónustubók Glaumbæjarprestakalls.

(Íslenzkar æviskrár I, 178-179; Skagfirzkar æviskrár 1850-1890 IV, 150-151 og V, 269-271; Feðraspor og fjörusprek, 123-143; Skagfirðingabók 1969, 18-52; Skiptab. Skag. 17. des. 1847; Norðri 1856 (nr. 5), 20).

Sigmundur Hallgrímsson (1710-1746?) Bóndi í Skyttudal og Ytri-Mjóadal.

F. nál. 1710, á lífi í Ytri-Mjóadal 1746. For. ókunnir. Bóndi í Skyttudal -1737-1738 og í Ytri-Mjóadal 1738-1746-. – Kona: Hallbera Eiríksdóttir, f. nál. 1705, á lífi í Ytri-Mjóadal 1759. For. ókunnir. Hallbera var búsett í Bergsstaðaprestakalli -1723-1724-. Hún bjó ekkja í Ytri-Mjóadal -1751-1759-. Hallberu var úthlutað gjafakorni 28. des. 1756. Börn: Guðmundur, f. um 1737, b. á Torfustöðum, kv. Guðrúnu Guðmundsdóttur. Þorkell, f. um 1739, var hjá bróður sínum í Ytri-Mjóadal 1762. Elín, f. um 1744, var hjá bróður sínum í Ytri-Mjóadal 1762. Guðrún, f. um 1752, var hjá bróður sínum í Ytri-Mjóadal 1762. – Barnsfaðir Hallberu: Hákon Guðmundsson, f. nál. 1705, vm. í Húnavatnssýslu. For. ókunnir. Barn þeirra fæddist 1723 eða 1724 í Bergsstaðaprestakalli.

Athugasemd: Föðurnafn Hallberu hefur misritast í Skýrslu um ,,þau fátækustu börn í Bergsstaða- og Bólstaðarhlíðarsóknum” 1755. Þar er hún ranglega skráð Guðmundsdóttir. Föðurnafn hennar hefur einnig misritast í Skýrslum um gjafakorn 1756-1757. Þar er hún ranglega skráð Grímsdóttir.

(Biskupsskjalasafn B VII).

Sigmundur Helgason (1657-1723) Bóndi á Sneis.

F. um 1657, d. 27. okt. 1723. For.: Helgi Sigmundsson b. í Skagafjarðarsýslu og k.h. Elín Arngrímsdóttir. Bóndi á Fremstagili í Langadal -1699-1703-, á Sneis á Laxárdal fremri -1708-1709-, í Köldukinn á Ásum -1719-1720- og á Strjúgsstöðum -1721 til æviloka. Hann var orðinn hreppstjóri í Engihlíðarhreppi 1702. Sigmundur var skáldmæltur og liggja eftir hann rímur og lausavísur. Á manntalsþingi á Torfalæk 13. maí 1720 kom til tals um það, að hann hefði hvorki sótt manntalsþing í eigin persónu undanfarin þrjú ár né sent neinn til þeirra í sinn stað, og var hann dæmdur til útláta fyrir þá vanrækslu. Sigmundur seldi Þorvarði Bárðarsyni presti á Bergsstöðum 10 hundruð í Eiríksstöðum fyrir lausafé 28. sept. 1722. Hann undirritaði manntalsskýrslu úr Engihlíðarhreppi 24. júní 1703 og hluta jarðabókarskýrslu úr Engihlíðarhreppi 2. nóv. 1708. Hann dembdi einni vísu á mektarmennina um leið og hann undirritaði manntalsskýrsluna. – Kona, g. um 1709, Guðríður Gunnarsdóttir, f. um 1676, á lífi á Strjúgsstöðum 1735. For.: Gunnar Jónsson b. í Glaumbæ í Langadal og f.k.h. Hallfríður Snorradóttir. Guðríður var hjá föður sínum í Glaumbæ 1703. Hún bjó ekkja á Strjúgsstöðum 1723-1735-. Börn: Arngrímur, f. um 1711, b. í Kálfárdal, kv. Guðbjörgu Steingrímsdóttur. Elín, f. um 1713, g. Sigurði Þorlákssyni b. á Gunnsteinsstöðum. Árni, f. nál. 1715, vm. í Blöndudalshólaprestakalli, átti 1735 eða 1736 barn með Ingibjörgu Jónsdóttur. Guðmundur, f. nál. 1715, b. á Strjúgsstöðum, kv. Guðrúnu Jónsdóttur. Guðríður, f. nál. 1715, búlaus í Bólstaðarhlíðarhreppi -1737-1738. Guðrún. (Ættatölub. Ólafs Snóksdalíns, 679). Kristín. (Ættatölub. Ólafs Snóksdalíns, 679). Barnsmóðir ókunn. Barn: Sigurður, f. um 1687, var hjá föður sínum á Fremstagili 1703. Sigmundur var ásamt Þorsteini Helgasyni orðaður við faðerni barns Guðrúnar Pétursdóttur, f. um 1689, á lífi 1715, vk. í Engihlíðarhr. For. ókunnir. Hún var á sveitarframfæri í Engihlíðarhreppi 1703. Barnið fæddist 1712 eða 1713. Sigmundur sór fyrir það.

(Íslenzkar æviskrár IV, 203-204; Rímnatal II, 122-123; Saga Skagstrendinga og Skagamanna, 46; Syrpa úr handritum Gísla Konráðssonar I, 304-305; Alþingisb. X, 174-175 og 260; Dómab. Hún. 13. maí 1720 og 17. apríl 1722; Ættatölub. Jóns Magnússonar, 119; Ættatölub. Ólafs Snóksdalíns, 679; Ættatölub. Steingríms Jónssonar, 4579).

Sigríður Daníelsdóttir(1798-1866) Húskona Eiríkstaðakoti.

F. 12. ágúst 1798 á Þorsteinsstöðum á Kjálka, d. 5. júní 1866 á Steiná. For.: Daníel Sveinsson b. í Vík í Staðarhreppi og f.k.h. Sigríður Þorkelsdóttir. Sigríður var hjá foreldrum sínum í Hólakoti í Fljótum 1802 og fermdist í Glaumbæjarprestakalli í Skagafjarðarsýslu 1812. Vinnukona í Stóru-Gröf á Langholti -1820-1821, í Brekkukoti á Efribyggð 1821-1822, á Kúfustöðum 1822-1823, á Ytri-Mælifellsá á Efribyggð 1823-1824-, í Kolgröf á Efribyggð -1826-1827, á Kirkjuhóli hjá Víðimýri 1827-1828, á Kúfustöðum aftur 1828-1831, á Bollastöðum 1831-1833, í Valdarási í Víðidal 1833-1835, á Bollastöðum aftur 1835-1838 og á Steiná 1838-1839. Húskona í Eiríksstaðakoti 1839-1840. Vinnukona í Steinárgerði 1840-1841 og í Eyvindarstaðagerði 1841-1842. Húskona á Steiná 1842-1843. Húsmóðir í Hólsseli 1843-1852 og í Kúfustaðaseli 1852-1853. Húskona á Litla-Vatnsskarði á Laxárdal fremri 1853-1855. Húsmóðir í Hvammsseli 1855-1856. Húskona á Steiná 1856-1860 og í Steinárseli 1860 til æviloka. Ógift og barnlaus.

(Skiptab. Skag. 14. okt. 1841; Ábúendatal í Staðarhreppi – Handrit Jóns Sigurðssonar á Reynistað, 20; Ættatölub. Jóns Espólíns, 5551).

Sigríður Jónasdóttir (1829-1893) Bústýra á Gili.

F. 26. okt. 1829 á Stóru-Mörk, d. 5. jan. 1893 á Sauðanesi á Langanesi. For.: Jónas Einarsson b. á Gili og k.h. Guðrún Illugadóttir. Var hjá foreldrum sínum á Gili 1840 og fermdist í Bólstaðarhlíðarsókn 1843. Húskona í Gröf í Skilmannahreppi 1856-1857. Húsmóðir að Austurstræti 3 í Reykjavík 1857-1858, í Doktorshúsi í Reykjavík 1858-1859, að Kirkjugarðsstræti 3 í Reykjavík 1859-1862, á Vegamótum í Reykjavík 1862-1863, í Melshúsum í Reykjavík 1863-1865 og að Tjarnargötu 4 í Reykjavík 1865-1866. Bústýra hjá Einari bróður sínum á Gili 1866-1868. Húskona á Gili 1868-1871 og á Botnastöðum 1871-1872. Vinnukona í Blöndudalshólum 1872-1873. Bústýra í Glaumbæ á Langholti 1873-1874 og á Reykjum í Tungusveit 1874-1875. Vinnukona á Skeggsstöðum 1875-1876 og á Hjaltabakka á Ásum 1876-1880. Húskona í Skyttudal 1880-1881. Hún var í skjóli mágs síns séra Arnljóts Ólafssonar á Ytri-Bægisá á Þelamörk 1884-1890 og á Sauðanesi 1890 til æviloka. – Maður, g. 13. sept. 1856, Gísli Ólafsson, f. 20. des. 1828 á Auðólfsstöðum, d. 8. júlí 1865 í Melshúsum, húsmaður í Gröf 1856-1857, en síðan í Reykjavík til æviloka. For.: Ólafur Björnsson b. á Auðólfsstöðum og k.h. Margrét Snæbjörnsdóttir. Gísli var hjá foreldrum sínum á Auðólfsstöðum 1835 og fermdist í Holtastaðasókn 1843. Hann var smali á Bollastöðum 1843-1845. Við Manntal á Íslandi 1845 var hann við nám hjá séra Þorláki Stefánssyni í Blöndudalshólum, en búsettur hjá systkinum sínum á Auðólfsstöðum -1849-1850-. Gísli var jarðyrkjumaður. Hann hafði framfæri sitt af verslunarstörfum fyrsta árið í Reykjavík, en svo af búskap og jarðyrkju næstu fjögur ár. Hann ritaði greinar í Ný félagsrit og Norðra. Börn: Guðrún, f. 18. des. 1856 í Gröf, d. 21. maí 1862 í Reykjavík. Margrét Sigríður, f. 28. mars 1858 í Reykjavík, d. 19. júlí 1931 á Þórshöfn, vk. á Sauðanesi 1901, en síðast bankam. á Þórshöfn, óg. Ingibjörg, f. 5. júlí 1859 í Reykjavík, d. 7. ágúst 1859 á sama stað. Kristjana, f. 6. des. 1861 í Reykjavík, vk. á Eiðsstöðum í Blöndudal 1880, óg. Arnljótur, f. 1. nóv. 1863 í Melshúsum, b. á Ytra-Lóni á Langanesi, kv. Sigurveigu Jónsdóttur. Gísli Jónas, f. 25. ágúst 1865 í Melshúsum, ráðsm. á Höllustöðum í Blöndudal, ókv. Barnsfaðir: Björn Guðmundsson, f. 6. apríl 1830 á Refsteinsstöðum í Víðidal, d. 17. febr. 1873 í Klömbrum í Vesturhópi, b. og söðlasmiður í Ásbjarnarnesi í Vesturhópi. For.: Guðmundur Jónsson b. á Refsteinsstöðum og s.k.h. Sigurlaug Guðmundsdóttir. Barn: Guðrún, f. 21. sept. 1854 á Gili, d. 10. sept. 1855 á sama stað.

Athugasemd: Guðrún Björnsdóttir var af sumum talin laundóttir Hinriks Hinrikssonar pr. á Bergsstöðum í Svartárdal. Svo mun og hafa verið um Guðrúnu Gísladóttur.

(Íslenzkar æviskrár II, 74 og 348-349 og V, 414-415; Borgfirzkar æviskrár III, 52; Ættarskrá Bjarna Þorsteinssonar, 371 og 373; Sjómenn og sauðabændur, 223; Hrakhólar og höfuðból, 47-49; Húnavaka 1979, 109-110 og 1988, 109-110; Almanak Ólafs Thorgeirssonar 1914, 96-97 og 1938, 76 og 124; Skiptab. Hún. 21. sept. 1858; Eiðsstaðaætt – Handrit Björns Bjarnasonar á Brandsstöðum; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 275, 551, 1399 og 4759; Ættatölub. Ólafs Snóksdalíns, 125, 336, 338, 477 og 722).

Sigríður Jónsdóttir (1763-1843) Húsmóðir á Kirkjuskarði.

F. um 1763, d. 4. jan. 1843 í Gafli í Svinadal. For. ókunnir. Vinnukona á Kárastöðum á Bakásum 1791-1792-. Húsmóðir á Kirkjuskarði á Laxárdal fremri 1793-1803, í Hvammi í Langadal 1803-1807, á Njálsstöðum á Skagaströnd 1807-1809, á Kirkjuskarði aftur -1810-1811, á Stóra-Búrfelli í Svínavatnshreppi 1811-1812, í Skarðsseli í Geitaskarði 1812-1816 og í Strjúgsstaðaseli 1816-1817. Vinnukona í Stóradal í Svínavatnshreppi 1817-1818-. Húskona á Ytri-Löngumýri í Blöndudal -1819-1820 og í Eyvindarstaðagerði í Blöndudal 1820-1821-, en bjó með Birni syni sínum á Þröm í Blöndudal 1822-1824 og í Hólaborg í Blöndudal 1824-1825. Húsmóðir í Hólaborg 1826-1842. Síðasta árið var hún í skjóli Önnu dóttur sinnar á Höllustöðum í Blöndudal og í skjóli Björns sonar síns í Gafli í Svínadal. Við húsvitjun í Auðkúluprestakalli 1791 er Sigríður sögð fróm og þæg og rétt fínlega að sér. – Maður, g. 5. ágúst 1792, Þorvaldur Björnsson, f. um 1755, d. 1807 eða 1808, b. á Kirkjuskarði, í Hvammi og á Njálsstöðum. For. ókunnir. Þorvaldur var ráðsmaður á Höllustöðum 1785-1788, en vinnumaður á Syðri-Löngumýri í Blöndudal 1788-1789 og á Kárastöðum 1789-1792-. Við húsvitjun í Auðkúluprestakalli 1791 er Þorvaldur sagður frómur og iðinn og sæmilega að sér. Þorvaldur og Sigríður áttu saman barn í lausaleik í Auðkúluprestakalli 1791, og var það fyrsta frillulífisbrot beggja. Börn: Anna, f. 20. júní 1791 á Hamri á Bakásum, d. 24. sept. 1791 á sama stað. Anna, f. um 1793 á Kirkjuskarði, g. Jóni Halldórssyni b. á Höllustöðum, átti áður son með Jóni Jónssyni b. á Hellu í Blönduhlíð. Björn, f. um 1794 í Holtastaðasókn, b. í Gafli, kv. fyrr Rósu Halldórsdóttur, síðar Ragnheiði Ólafsdóttur, átti áður dóttur með Solveigu Jónsdóttur og son með konu sem heimildir nafngreina ekki. Jón, f. um 1798 á Kirkjuskarði, d. 18. des. 1820 á Steiná, vm. á Fremstagili í Langadal 1816, en síðast á Steiná.

(Borgfirzkar æviskrár I, 464-465; Skagfirzkar æviskrár 1850-1890 V, 176-180; Húnavaka 1977, 88-90).

Sigríður Magnúsdóttir (1772-1853) Húsmóðir á Strjúgsstaðaseli.

F. um 1772 á Heiði í Gönguskörðum, d. 27. maí 1853 á Strjúgsstöðum. Móðir: Guðrún Pétursdóttir vk. á Heiði. Húsmóðir á Vesturá á Laxárdal fremri -1797-1824. Húskona á sama stað 1824-1825. Húsmóðir á Vesturá aftur 1825-1827 og í Strjúgsstaðaseli 1827-1828. Hún var í skjóli Jóns sonar síns í Strjúgsstaðaseli 1834-1850, orðin ekkja árið 1840, en síðast þurfakona á Strjúgsstöðum. – Maður: Guðmundur Höskuldsson, f. um 1761 í Hólkoti á Reykjaströnd, á lífi á Breiðavaði í Langadal 1835, b. á Vesturá. For.: Höskuldur Árnason b. í Tungu í Gönguskörðum og k.h. Signý Eyjólfsdóttir. Guðmundur fermdist í Höskuldsstaðasókn 1777, þá sagður 16 ára. Hann var húsmaður á Vesturá -1830-1832, í skjóli Þórunnar dóttur sinnar í Vatnahverfi í Refasveit 1832-1833, en búsettur á Breiðavaði -1834-1835-. Guðmundur og Sigríður voru að öðrum og þriðja lið að frændsemi. Börn: Þórunn, f. um 1794 á Vesturá, g. fyrr Guðmundi Brandssyni b. í Engihlíð í Langadal, síðar Jónasi Jónassyni b. í Harastaðakoti á Skagaströnd, átti áður son með Helga Eilífssyni vm. í Skrapatungu á Laxárdal fremri. Steinunn, f. 1. júlí 1797 á Vesturá, var hjá foreldrum sínum á Vesturá 1801. Hún var skírð í Höskuldsstaðasókn. Anna, f. um 1799, var hjá foreldrum sínum á Vesturá 1801. Jón, f. 5. febr. 1800 á Vesturá, b. á Strjúgsstöðum, kv. Guðrúnu Einarsdóttur. Pétur, f. 6. júlí 1803 á Vesturá, b. á Vesturá, kv. Guðrúnu Guðmundsdóttur. Kristján, f. 18. nóv. 1812 á Vesturá, b. á Strjúgsstöðum, kv. Maríu Guðmundsdóttur, átti áður dóttur með Sigríði Einarsdóttur. Anna, f. um 1816 á Vesturá, d. 13. apríl 1845 á Hrafnabjörgum í Svínadal, síðast vk. á Hrafnabjörgum, óg. – Barnsmóðir Guðmundar: Ingiríður Eiríksdóttir, f. 1777 (sk. 10. sept. 1777) í Haga í Aðaldal, d. 9. okt. 1857 á Hömrum í Reykjadal, vk. á Sneis á Laxárdal fremri. For.: Eiríkur Pálsson b. í Garði í Aðaldal og barnsm.h. Hildur Gamladóttir vk. í Haga. Barn: Sigríður, f. 4. febr. 1804 á Sneis.

(Saga frá Skagfirðingum II, 62 og 165; Sagnir um slysfarir í Skefilsstaðahreppi, 56-58; Með álfum, 7-185; Landsyfirréttardómar I, 304; Biskupsskjalasafn B VII; Dómab. Skag. 1. og 2. maí 1811; Skiptab. Hún. 18. jan. 1832 og 9. des. 1845; Hjónabandsleyfi úr Hólabiskupsdæmi 1794 (Guðmundur Höskuldsson og Sigríður Magnúsdóttir); Ættatölub. Jóns Espólíns, 6132; Ættatölub. Ólafs Snóksdalíns, 831; Ættatölub. Steingríms Jónssonar, 4951).

Sigurður (1689-?) Ábúandi í Þverárdal

hét búandi í Þverárdal 1689-1690-.

Sigurður (1699-?) Ábúandi á Hóli

hét búandi á Hóli -1699-1700-.

Sigurður (1699-?) Ábúandi á Skyttudal

hét búandi í Skyttudal -1699-1700-.

Sigurður Andrésson (1657-1708) Bóndi á Auðólfsstaðakoti og Stóru-Mörk.

F. um 1657, á lífi á Stóru-Mörk 1708. For. ókunnir. Bóndi í Auðólfsstaðakoti -1701-1703- og á Stóru-Mörk -1708- og hafði jafnframt bú á Litlu-Mörk -1708-. – Kona: Þórdís Halldórsdóttir, f. um 1655, á lífi í Auðólfsstaðakoti 1703. For. ókunnir. Ókunnugt um börn.

(Vorþeyr og vébönd, 156 og 211-212).

Sigurður Benediktsson (1795-1859) Bóndi á Bergsstöðum,Steinárgerði, Rugludal og á Fossum.

F. 1795 í Þverárdal, d. 23. sept. 1859 á Þorsteinsstöðum í Tungusveit. For.: Benedikt Magnússon húsmaður í Siglufjarðarkauptúni og barnsm.h. Guðrún Árnadóttir vk. í Þverárdal. Var með móður sinni í Þverárdal -1799-1801-. Vinnumaður í Þverárdal -1813-1814- og í Höfðakaupstað -1816-1817-. Bóndi á Breiðavaði í Langadal 1825-1826. Húsmaður á Botnastöðum 1826-1827. Bóndi á Bergsstöðum 1827-1830, í Steinárgerði 1830-1831, í Rugludal 1831-1832, á Fossum 1832-1833 og á Þorsteinsstöðum 1833-1857. Húsmaður á sama stað 1857-1858. Bóndi á Þorsteinsstöðum aftur 1858-1859. Síðast húsmaður á sama stað. Sigurður var skýrleiksmaður. Hann var mjög vínhneigður, hávaðasamur og illskiptinn þegar hann var drukkinn, og fann sér margt til deilu. – Fyrri kona, g. 13. okt. 1827, Solveig Árnadóttir, f. um 1798 á Botnastöðum, d. 24. jan. 1835 á Þorsteinsstöðum. For.: Árni Jónsson b. á Botnastöðum og k.h. Helga Jónsdóttir. Solveig var hjá móður sinni á Botnastöðum 1801 og 1816. Hún lést á barnssæng; gat ekki fætt. Börn: Guðmundur, f. 2. júní 1827 á Bergsstöðum, d. 8. júní 1827 á sama stað. Elínborg, f. 14. ágúst 1828 á Bergsstöðum, g. Þorsteini Jónssyni b. á Nautabúi á Neðribyggð. Elísabet, f. 10. ágúst 1829 á Bergsstöðum, d. 24. ágúst 1829 á sama stað. Lárus, f. 21. ágúst 1830 í Steinárgerði, d. 3. júní 1859 í Þingnesi í Bæjarsveit, síðast vm. á Reynistað í Staðarhreppi, ókv. Rannveig, f. 4. maí 1832 í Rugludal, bjó með Bjarna Bjarnasyni b. í Brekkuhúsum hjá Víðimýri. Jónas, f. 2. ágúst 1833 á Þorsteinsstöðum, d. 12. mars 1834 á sama stað. Seinni kona, g. 27. okt. 1836, Guðný Jónsdóttir, f. 4. ágúst 1804 í Tungukoti á Kjálka, d. 14. jan. 1865 á Daufá á Neðribyggð. For.: Jón Guðmundsson b. á Hafgrímsstöðum í Tungusveit og barnsm.h. Sigríður Ólafsdóttir vk. í Tungukoti, síðar g. Guðmundi Þorvarðssyni b. í Sólheimagerði í Blönduhlíð. Guðný fermdist í Silfrastaðasókn í Skagafjarðarsýslu 1819. Hún var vinnukona á Hryggjum á Staðarfjöllum -1820-1821 og á Syðsta-Vatni á Efribyggð 1821-1822-, en hjá föður sínum í Stokkhólma í Vallhólmi -1826-1827. Hún var vinnukona á Ánastöðum í Svartárdal 1827-1831, á Hafgrímsstöðum 1831-1834, í Sölvanesi á Fremribyggð 1834-1835 og í Neðra-Lýtingsstaðakoti í Tungusveit 1835-1836. Guðný var vinnukona í Teigakoti í Tungusveit 1858-1859. Húskona á Þorsteinsstöðum 1859-1860. Vinnukona í Víðinesi í Hjaltadal 1860-1861, í Djúpadal í Blönduhlíð 1861-1862, í Stokkhólma 1862-1863 og á Daufá 1863-1864, en var í skjóli Elínborgar stjúpdóttur sinnar á sama stað 1864 til æviloka. Börn: Solveig, f. 15. júlí 1837 á Þorsteinsstöðum, g. Ólafi Eggert Guðmundssyni sjóm. í Sæborg á Bæjarklettum, átti áður dóttur með Bjarna Skúlasyni b. í Áshildarholti í Borgarsveit. Guðrún, f. 27. nóv. 1838 á Þorsteinsstöðum, d. 1. des. 1838 á sama stað. Sigurður, f. 1. nóv. 1839 á Þorsteinsstöðum, d. 13. sept. 1840 á sama stað. Kristín, f. 14. maí 1841 á Þorsteinsstöðum, á lífi í Kaupmannahöfn 1883, vk. á Ytri-Ey á Skagaströnd 1870, óg. Kristbjörg, f. 2. des. 1842 á Þorsteinsstöðum, d. 27. apríl 1881 á Hofi í Vesturdal, vk. á Syðsta-Vatni 1870, óg. Margrét, f. 25. nóv. 1843 á Þorsteinsstöðum, d. 19. des. 1843 á sama stað. Elená, f. 2. des. 1846 á Þorsteinsstöðum, g. Jóni Jafetssyni Reinholt b. og trésmið í Ögmundarstaðaseli í Staðarhreppi. Barnsmóðir: Steinunn Oddsdóttir, f. 26. apríl 1807 á Giljum í Vesturdal, d. 8. júní 1869 í Holtsmúla á Langholti, vk. á Brúnastöðum í Tungusveit. For.: Oddur Guðmundsson b. á Giljum og k.h. Guðrún Gísladóttir. Steinunn bjó síðar með Guðmundi Magnússyni b. í Syðra-Vallholti í Vallhólmi, en áður í Bólstaðarhlíð. Barn: Guðmundur, f. 11. apríl 1836 á Brúnastöðum, b. í Mikley í Vallhólmi, kv. Sigríði Jónsdóttur. – Barnsfaðir Guðnýjar: Gunnar Guðmundsson, f. um 1796 í Klausturhólasókn í Árnessýslu, d. 9. jan. 1860 í Miðhúsum í Blönduhlíð, b. í Miðhúsum. For. ókunnir. Barn: María, f. 5. okt. 1834 á Hafgrímsstöðum, d. 28. jan. 1881 í Skagafjarðarsýslu, vk. á Flugumýri í Blönduhlíð 1870, óg., en átti dóttur með Jóni Jónassyni b. og hagyrðingi í Grundarkoti í Blönduhlíð og syni með Guðjóni Jónssyni b. í Haugsnesi í Blönduhlíð og Magnúsi Gíslasyni b. á Ytri-Hofdölum í Hofstaðabyggð, einn með hvorum. María varð úti í stórhríð sunnan og ofan við Stokkhólma.

Athugasemd: Í Manntali á Íslandi 1816 er Sigurður talinn fæddur í Þverárdal. En í legorðsskýrslu úr Húnavatnssýslu 1795, dagsettri 29. mars 1796, er móðir hans sögð hafa verið vinnukona næstliðið ár á Mörk.

(Frá Hvanndölum til Úlfsdala III, 882-883; Skagfirzkar æviskrár 1850-1890 I, 77-78, II, 230-233 og 286-287, V, 26-30, 112-117, 169-171, 255-257, 296-299 og 384-385 og VI, 223-226; Skagfirzkar æviskrár 1890-1910 III, 28-29; Saga Íslendinga í Norður-Dakota, 458-459; Þorsteinsætt í Staðarsveit II, 409-415; Sjómenn og sauðabændur, 53-59; Saga frá Skagfirðingum III, 44 og IV, 36-37 og 125; Misskipt er manna láni I, 123-131 og 145; Ritsafn Stefáns Jónssonar á Höskuldsstöðum II, 167-182 og III, 131-132, 187-189, 194-196 og 205; Sagnaþættir Gísla Konráðssonar, 5-6; Sagnablöð hin nýju, 159 og 169-170; Skuggsjá III, 139-140; Húnavaka 1977, 79-80; Skagfirzkur annáll 1847-1947 I, 165; Skiptab. Gullbr. og Kjós. 16. des. 1839; Skiptab. Skag. 24. júlí 1835, 18. des. 1860 og 6. okt. 1883; Ábúendatal í Staðarhreppi – Handrit Jóns Sigurðssonar á Reynistað, 204; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 2223, 5137 og 5656; Ættatölub. Ólafs Snóksdalíns, 498, 574 og 701).

Sigurður Bessason (1661-1745) Bóndi á Gili, Þverárdal og Botnastöðum.

F. um 1661, á lífi 1745. For.: Bessi Björnsson b. á Norðurlandi og k.h. Halldóra Rafnsdóttir. Bóndi á Gili nál. 1695, í Þverárdal -1699-1703-, á Reykjum í Tungusveit -1712-1713- og á Botnastöðum nál. 1720. Búsettur í Bólstaðarhlíð -1744-. Hann var orðinn hreppstjóri í Bólstaðarhlíðarhreppi í fyrra skiptið 1702 og í seinna skiptið 1722. Sigurður undirritaði manntalsskýrslu úr Bólstaðarhlíðarhreppi 7. júní 1703 og hluta jarðabókarskýrslu úr Lýtingsstaðahreppi í Skagafjarðarsýslu 8. maí 1713. – Kona: Steinunn Halldórsdóttir, f. um 1653, á lífi í Þverárdal 1703. For.: Halldór Ásmundsson b. og prentari í Ásgeirsbrekku í Viðvíkursveit og s.k.h. Sigríður Grímsdóttir. Barn: Þóra, f. um 1697, var hjá foreldrum sínum í Þverárdal 1703.

Athugasemd: Sigurður var bóndi í Bólstaðarhlíðarhreppi -1719-1723-. Hann virðist enn hafa átt heima í Bólstaðarhlíð árið 1745.

(Vorþeyr og vébönd, 212-213; Alþingisb. XIII, 214; Dómab. Hún. 27. maí 1720, 19. apríl 1721, 17. apríl 1722, 12. maí 1723 og 27. apríl 1758; Ættatölub. Jóns Espólíns, 5166 og 5625; Ættatölub. Jóns Magnússonar, 498; Ættatölub. Ólafs Snóksdalíns, 416 og 651; Ættatölub. Steingríms Jónssonar, 3445 og 3600).

Sigurður Egilsson (1720-1759) Bóndi í Hvammi.

F. nál. 1720, á lífi í Hvammi í Svartárdal 1759. For.: Egill Illugason b. í Hvammi og k.h. Engilráð Bjarnadóttir. Bóndi í Hvammi 1745-1759-. Hann bjó í Hvammi til æviloka, en ekki er vitað hvenær hann dó. Sigurður var skýrleiksmaður og kallaður forspár, liðlegur, tölugur og skáldmæltur. Í Landsbókasafni er varðveittur kveðskapur eftir hann. Hann var ókvæntur. – Barnsmóðir: Ólöf Sigfúsdóttir, f. nál. 1720, vk. í Bólstaðarhlíðarhreppi. For.: Sigfús Magnússon b. í Skinþúfu í Vallhólmi og k.h. Guðrún Ingjaldsdóttir. Sigurður og Ólöf voru þremenningar að frændsemi. Barn þeirra fæddist 1751 eða 1752 í Bólstaðarhlíðarhreppi. Barnsmóðir: Guðrún Jónsdóttir, f. nál. 1720, vk. í Bólstaðarhlíðarhreppi. For. ókunnir. Barn þeirra fæddist 1751 eða 1752 í Bólstaðarhlíðarhreppi. Barnsmóðir: Guðrún Auðunsdóttir, f. um 1722, d. 12. des. 1791 á Völlum í Vallhólmi, húsm. á Ytri-Leifsstöðum. For.: Auðun Jónsson b. og hreppstj. í Hraunsási í Hálsasveit og k.h. Guðrún Ásbjörnsdóttir. Barn þeirra fæddist 1753 eða 1754 í Bólstaðarhlíðarhreppi. Það dó ungt. Dóttir Sigurðar, annað hvort með Ólöfu Sigfúsdóttur eða Guðrúnu Jónsdóttur, var: Guðrún, f. um 1751 í Hvammi í Svartárdal, g. Þorsteini Oddssyni b. á Krithóli á Neðribyggð. Önnur börn Sigurðar hétu Sigríður og Sigurður, en móðerni þeirra verður ekki greint með fyrirliggjandi heimildakosti.

Athugasemd: Hægt er að láta sér til hugar koma að það muni hafa verið Ólöf Sigfúsdóttir en ekki Guðrún Jónsdóttir sem var móðir Guðrúnar Sigurðardóttur.

(Íslenzkar æviskrár IV, 215; Borgfirzkar æviskrár I, 89; Húnvetningasaga I, 215-216, 218-221 og 329; Saga frá Skagfirðingum I, 159; Feðraspor og fjörusprek, 126-127; Söguþættir Gísla Konráðssonar, 134; Æfisaga Gísla Konráðssonar, 22; Alþingisb. XV, 298-299; Ættatölub. Jóns Espólíns, 1847, 3365, 3368-3369 og 3651-3652; Ættatölub. Ólafs Snóksdalíns, 15-16, 542, 552 og 553; Ættatölub. Steingríms Jónssonar, 688, 3680, 3993, 4250, 4252 og 5882).

Sigurður Gíslason (1755-1825) Bóndi á Hvammi á Laxárdal og Skyttudal.

F. um 1755 á Refsstöðum á Laxárdal fremri, d. 8. ágúst 1825 í Ytra-Vallholti í Vallhólmi. For.: Gísli Helgason b. á Stóru-Mörk og k.h. Þóra Einarsdóttir. Bjó með móður sinni á Stóru-Mörk 1781-1786 og taldist hann fyrir búinu 1781-1782 og -1784-1786, en hún 1782-1783-. Bóndi á Reykjum á Reykjabraut 1786-1794, í Hvammi á Laxárdal fremri 1794-1805, í Skyttudal 1805-1811 og í Syðri-Mjóadal 1811-1816. Húsmaður á sama stað 1816-1819. Bóndi í Syðri-Mjóadal 1819-1820 og í Skyttudal 1820-1821, en var í skjóli fóstursonar síns Péturs Jónssonar á sama stað 1821-1823. Próventumaður hjá bróðursyni sínum Gísla Jónssyni í Ytra-Vallholti 1823 til æviloka. Sigurður skrifaði undir verslunarkærubréf í Bólstaðarhlíð 20. sept. 1797. – Fyrri kona: Oddný Björnsdóttir, f. um 1762, á lífi í Hvammi 1801. For.: Björn Arason b. í Syðri-Mjóadal og k.h. Ingibjörg Illugadóttir. Barnlaus. Seinni kona: Guðrún Björnsdóttir, f. um 1779 í Höfnum á Skaga, d. 2. júlí 1861 á Gaul í Staðarsveit. For.: Björn Guðmundsson b. á Auðólfsstöðum og k.h. Ingibjörg Steinsdóttir. Guðrún fermdist í Blöndudalshólaprestakalli 1792, þá sögð 14 ára, og var hjá foreldrum sínum á Auðólfsstöðum 1801. Hún var í skjóli Gísla sonar síns á Kirkjubæ í Norðurárdal 1826-1827, en vinnukona í Réttarholti í Blönduhlíð -1834-1835-. Hún var í skjóli Margrétar systur sinnar á Valabjörgum á Skörðum -1844-1847-, en vinnukona í Ytra-Vallholti -1848-1849. Guðrún var í skjóli Gísla sonar síns á Gaul 1849 til æviloka. Barnlaus. – Barnsfaðir Guðrúnar: Árni Guðmundsson, f. um 1776, d. 8. febr. 1805 á Guðlaugsstöðum í Blöndudal, vm. í Stóradal í Svínavatnshreppi. For.: Guðmundur b. í Vindhælishreppi og k.h. Þórunn Jónsdóttir. (Faðir Árna mun annað hvort hafa verið Guðmundur Illugason b. á Sæunnarstöðum í Hallárdal -1773-1784 eða Guðmundur Þórarinsson b. á Þverá í Hallárdal -1773-1785). Árni ólst upp á Sæunnarstöðum -1784-1786 og á Harastöðum á Skagaströnd 1787-1790-. Hann fermdist í Hofsprestakalli 1790. Hann var vinnumaður á Auðólfsstöðum -1800-1802, í Stóradal 1802-1804 og á Guðlaugsstöðum 1804 til æviloka. Barn: Gísli, f. 1802 á Auðólfsstöðum, b. á Kirkjubæ, kv. Margréti Einarsdóttur, átti einnig börn með Lilju Sölvadóttur.

(Húnvetningasaga I, 240-241; Saga frá Skagfirðingum III, 15, 28-29, 41-42, 118 og 163; Búsæld og barningur, 132; Húnaþing I, 492-495; Húnavaka 1976, 91-92 og 1988, 109; Biskupsskjalasafn B VII; Skiptab. Hún. 28. ágúst 1805; Ættatölub. Jóns Espólíns, 550-551 og 6843; Ættatölub. Ólafs Snóksdalíns, 125-126, 442 og 496-497 (innskotsblöð); Ættatölub. Steingríms Jónssonar, 6124).

Sigurður Jónsson (1629-?) Ábúandi á Eiríkstöðum.

hét búandi á Eiríksstöðum -1629-.

(Biskupsskjalasafn B, VIII, 3).

Sigurður Jónsson (1635-1707) Bóndi á Steiná.

F. um 1635, á lífi í Bjarnanesi í Nesjum 1707. For.: Jón Teitsson b. og lögréttum. á Stóru-Borg í Vesturhópi og k.h. Agnes Pétursdóttir. Bóndi á Steiná nál. 1670, í Ási í Hegranesi -1681-1682- og á Bakka í Viðvíkursveit -1689-. Bjó einnig í Kálfárdal í Gönguskörðum. Sigurður var í skjóli Þuríðar dóttur sinnar á Höskuldsstöðum í Breiðdal -1691-1695- og í skjóli Rannveigar dóttur sinnar í Bjarnanesi -1702-1707-. Hann átti heima í Bjarnanesi til æviloka, en ekki er vitað hvenær hann dó. Sigurður lærði í Hólaskóla. Hann var manndómsmaður, löghygginn og skynsamur, skrifaði upp Ættartölubók, sem kennd er við Jón Gunnlaugsson bónda á Skjöldólfsstöðum á Jökuldal. Sigurður varð lögréttumaður úr Húnavatnsþingi 1669 og úr Hegranesþingi 1673. Hann var einn þeirra sem kærðu Árna Jónsson prest á Hofi á Skagaströnd fyrir galdra árið 1678. Sigurður hafði makaskipti á Finnastöðum á Látraströnd fyrir Kálfárdal í Gönguskörðum með hjáleigunni Skálahnjúki við Sigríði Magnúsdóttur húsfreyju á Möðruvöllum í Hörgárdal 19. nóv. 1681. – Kona: Guðrún Guðmundsdóttir, f. nál. 1640, d. 1689 á Bakka. For.: Guðmundur Bjarnason b. á Steiná og k.h. Þuríður Jónsdóttir. Guðrún sór fyrir alla karlmenn nema bónda sinn á dómþingi á Ríp í Hegranesi 1. okt. 1679. Börn: Rannveig, f. um 1665, g. Benedikt Jónssyni pr. í Bjarnanesi. Guðrún, f. um 1669, vk. í Bjarnanesi, óg., en átti tvær dætur með Ólafi Jónssyni staðarmanni á Hólum í Hjaltadal. Jón, f. um 1669, b. á Skaga, faðir Jóns Jónssonar, sem kallaði til sveitar í Engihlíðarhreppi 1738. Þorlákur, f. um 1671, b. á Kolmúla í Fáskrúðsfirði, kv. Guðrúnu Jónsdóttur. Teitur, f. um 1674, b. á Hádegishóli í Nesjum, kv. Guðrúnu Jónsdóttur. Pétur, f. um 1678, b. á Svínaskála í Reyðarfirði, kv. Gróu Þorleifsdóttur. Guðmundur, f. nál. 1670, d. 1689 á Bakka, vm. á Bakka. Ingunn, f. nál. 1670, dó ung. Þuríður, f. nál. 1670, g. Gísla Eiríkssyni b. og lögréttum. á Höskuldsstöðum. Alls áttu Sigurður og Guðrún 12 börn. Barnsmóðir ókunn. Barn: Þóra, f. um 1663, g. Jóni Jónssyni b. í Kýrholti í Viðvíkursveit.

(Íslenzkar æviskrár I, 130-131, IV, 234 og VI, 551; Lögréttumannatal, 152-153, 335-336 og 465; Sýslumannaæfir IV, 744-748; Íslenzkir ættstuðlar II, 78; Ættir Austfirðinga, 696-697; Saga frá Skagfirðingum I, 10, 15, 25, 79, 129 og 131; Saga I, 214-215; Annálar 1400-1800 I, 571; Jarðabréf frá 16. og 17. öld – Útdrættir, 250; Alþingisb. VIII, 343-344, 484 og 539-540 og XII, 125; Prestastefnudómar og bréfab. Gísla biskups Þorlákssonar, 89-94; Dómab. Hún. 6. maí 1738; Dómab. Skag. 1. okt. 1679; Æfir lærðra manna (þáttur Sigurðar Jónssonar lögréttumanns í Ási); Ættatölub. Jóns Espólíns, 1668-1674; Ættatölub. Jóns Magnússonar, 459; Ættatölub. Ólafs Snóksdalíns, 494-495; Ættatölub. Steingríms Jónssonar, 856, 2185 og 3677; Ættatölub. Þórðar Jónssonar I, 140 og II, 468-469).

Sigurður Jónsson (1662-1703) Bóndi á Stóru-Mörk.

F. um 1662, á lífi á Stóru-Mörk 1703. For. ókunnir. Bóndi á Stóru-Mörk -1701-1703- og hafði jafnframt bú á Litlu-Mörk -1701-1703-. – Kona: Þorbjörg Sæmundsdóttir, f. um 1666, á lífi á Stóru-Mörk 1703. For. ókunnir. Börn: Guðrún, f. um 1690, var hjá foreldrum sínum á Stóru-Mörk 1703. Guðrún, f. um 1692, var hjá foreldrum sínum á Stóru-Mörk 1703. Jón, f. um 1698, var hjá foreldrum sínum á Stóru-Mörk 1703. Jón, f. um 1700, var hjá foreldrum sínum á Stóru-Mörk 1703.

Sigurður Jónsson (1718-1781) Bóndi á Brún.

F. um 1718, d. 1781 á Brún. For. ókunnir. Búlaus í Bólstaðarhlíðarhreppi -1737-1738 og í Mjóadal 1738-1739-. Bóndi í Syðri-Mjóadal -1744-1745 og á Brún 1745 til æviloka. Sigurður var gildur fyrir sér og harðfengur og átti stundum í ryskingum við nafna sinn Sigurð Jónsson bónda í Holti í Svínadal sem var honum áþekkur að skaplyndi og atgervi. Sagnir herma að hann hafi eitt sinn unnið bug á mannýgu nauti sem veittist að honum á Hofmannaflöt undir Ármannsfelli. – Kona, ls. 1738 eða 1739, Guðbjörg Jónsdóttir, f. um 1717, d. 23. jan. 1794 á Brún. Óvíst er um foreldra hennar, en hún gæti hafa verið systir Vilborgar Jónsdóttur k. Ara Gunnarssonar b. í Blöndudalshólum. Hún bjó ekkja á Brún 1781 til æviloka. Sigurður og Guðbjörg áttu saman barn í lausaleik í Bólstaðarhlíðarhreppi 1738 eða 1739, og var það fyrsta frillulífisbrot beggja. Börn: Árni, f. 1738 eða 1739 í Bólstaðarhlíðarhreppi, b. á Brún, ókv. Valgerður, f. um 1747, vk. á Brún 1801, óg. Þorsteinn, f. um 1748 á Brún, b. í Galtanesi í Víðidal, kv. fyrr Ástríði Guðmundsdóttur, síðar Helgu Magnúsdóttur, átti einnig son með Guðrúnu Jónsdóttur og dóttur með Björgu Ólafsdóttur. Jón, f. um 1753 á Brún, b. á Torfustöðum, kv. fyrr Sigríði Björnsdóttur, síðar Unu Jónsdóttur. Guðrún, f. um 1754 á Brún, g. Tómasi Jónssyni b. á Brún.

Athugasemdir: 1) Sigurður gæti verið samnefndur maður (föðurnafn ótilgreint) sem var búlaus í Mjóadal -1734-1735-. 2) Hægt er að láta sér til hugar koma að móðir Sigurðar kunni að hafa verið Guðrún Sigurðardóttir sem var búlaus í Bólstaðarhlíðarhreppi -1737-1738 og í Mjóadal 1738-1740. 3) Björg Jónsdóttir kona Jóns Jónssonar bónda á Skeggsstöðum er talin hafa verið í ætt við annað hvort þeirra Brúnarhjóna. Í Húnvetningasögu er hún sögð systir Sigurðar, en í Ættatölub. Jóns Espólíns er hún sögð systir Guðbjargar.

(Skagfirzkar æviskrár 1850-1890 III, 16-18; Húnvetningasaga I, 198-199 og 206 og II, 358; Annálar 1400-1800 IV, 579; Sýsluskj. Hún. XV, 3, 11. júní 1794 (dánarbú Guðbjargar Jónsdóttur á Brún); Ættatölub. Jóns Espólíns, 462, 3952, 4258, 4604 og 4758; Ættatölub. Ólafs Snóksdalíns, 412 og 684).

Sigurður Jónsson (1742-1799) Bóndi á Stóru-Mörk, Ytri-Leifsstöðum, og Hvammi á Laxárdal.

F. um 1742, d. 5. sept. 1799 í Grundarkoti í Vatnsdal. For.: Jón Jónsson b. á Stóru-Mörk og k.h. Guðríður Hannesdóttir. Vinnumaður á Stóru-Mörk -1762-1763-. Bóndi á Stóru-Mörk -1764-1765, á Ytri-Leifsstöðum nál. 1765, í Hvammi á Laxárdal fremri -1773-1780, í Holti á Ásum 1780-1781, í Vöglum í Vatnsdal 1781-1785, í Ási í Vatnsdal 1785-1791, í Brekkukoti í Þingi 1791-1793 og í Grundarkoti 1793 til æviloka. Talið er að Sigurður væri dæmdur frá lífi eftir Stóradómi fyrir ítrekaðan hórdóm, en það er þó víst, að lífi hélt hann og landvist. Sigurður keypti 8 hundruð í Stóru-Mörk 21. okt. 1758. Hann keypti Ytri-Leifsstaði af Sigríði Sigurðardóttur húskonu á Hólum í Hjaltadal fyrir 40 ríkisdali 8. nóv. 1765. – Kona: Guðrún Eilífsdóttir, f. um 1733, d. 30. jan. 1800 í Grundarkoti. Óvíst er um foreldra hennar, en hún er sögð ættuð að austan. (Ættatölub. Ólafs Snóksdalíns, 312-313). Guðrún var vinnukona á Bergsstöðum -1762-1763-. Hún bjó ekkja í Grundarkoti 1799 til æviloka. Börn: Ingibjörg, f. um 1763, g. Jóni Jónssyni b. á Kornsá í Vatnsdal. Halldóra, f. um 1764 á Mörk, g. fyrr Guðmundi Jónssyni vm. í Sauðanesi á Ásum, síðar Guðmundi Guðmundssyni b. í Meðalheimi á Ásum, átti einnig son með Sveini Halldórssyni b. á Hnjúkum á Ásum. Sigríður, f. um 1766 á Leifsstöðum, g. Guðmundi Árnasyni b. á Hvoli í Vesturhópi. Barnsmóðir: Ólöf Eyvindsdóttir, f. um 1767, d. 18. júlí 1843 á Mið-Grund í Blönduhlíð, vk. í Ási og í Grundarkoti. For.: Eyvindur Björnsson vm. í Helguhvammi á Vatnsnesi 1785 og barnsm.h. Þorgerður Guðmundsdóttir vk. í Húnavatnssýslu, síðar g. Bjarna Einarssyni b. á Felli í Kollafirði. Hún var vinnukona í Gröf í Víðidal 1787-1789, í Kambakoti á Skagaströnd -1795-1796-, á Þorleifsstöðum í Blönduhlíð -1801-1802-, á Starrastöðum á Fremribyggð 1829-1831, í Villinganesi í Tungusveit 1831-1832 og á Breið í Tungusveit 1833-1834, en barnfóstra í Stafni 1834-1836. Fyrri barneign Sigurðar með Ólöfu var önnur hórdómssök hans, en sú seinni þriðja hórhómssök hans. Börn: Sigurlaug, f. 8. mars 1791 í Ási, g. Eiríki Jóhannssyni b. í Selási í Línakradal. Benonía, f. 1793 í Grundarkoti, d. 26. des. 1846 á Sauðadalsá á Vatnsnesi, bústýra á Vigdísarstöðum á Vatnsnesi, óg., en átti dóttur með Þorvarði Jónssyni pr. á Hofi á Skagaströnd.

(Strandamenn, 201; Niðjatal Jóns prests Þorvarðarsonar, 138; Húnvetningasaga II, 359-360; Sýsluskj. Hún. XV, 3, 11. júní 1765 (úttekt á Stóru-Mörk þegar Sigurður Jónsson við skildi en Jón Jónsson við tók) og 19. júní 1786 (dánarbú Jóns Björnssonar á Fossi í Hrútafirði / samantekt um ættmenni Guðríðar Hannesdóttur); Dómab. Hún. 1. maí 1766; Dómab. Skag. 2. maí 1759; Ættatölub. Jóns Espólíns, 3669, 4773-4774 og 5493; Ættatölub. Ólafs Snóksdalíns, 312-313 (innskotsblöð), 337-338 og 809; Ættatölub. Sighvats Grímssonar Borgfirðings, 2421-2425; Ættatölub. Steingríms Jónssonar, 5095).

Sigurður Jónsson (1743-1815) Bóndi í Stafni.

F. um 1743, d. í júlí 1815 í Stafni. For.: Jón Jónsson b. á Krithóli á Neðribyggð og s.k.h. Guðrún Konráðsdóttir. Bóndi á Reykjavöllum á Neðribyggð -1775-, á Álfgeirsvöllum á Efribyggð -1781-1790, í Stafni 1790-1806, á Völlum í Vallhólmi 1806-1808, í Héraðsdal í Tungusveit 1808-1809 og í Stafni aftur 1809 til æviloka. Sigurður var ákefðarmaður, bráðlyndur og óðamála. Hann var vel efnum búinn og átti Stafn. Byggði hann stundum öðrum jörðina að hluta eða heild. Hann hafði makaskipti á Stafni fyrir Velli við Gottskálk Egilsson bónda á Völlum. Síðar makaskiptu þeir aftur til fyrra horfs. Sigurður skrifaði undir verslunarkærubréf í Bólstaðarhlíð 20. sept. 1797. – Fyrri kona, g. 1774 eða 1775, Engilráð Jónsdóttir, f. nál. 1740, d. 1788, ekkja Árna Tómassonar b. á Reykjavöllum. For.: Jón Rafnsson b. á Merkigili í Austurdal og k.h. Ragnheiður Þórðardóttir. Engilráð bjó ekkja á Reykjavöllum 1773-1774-. Börn: Sigurður, f. 1775 (sk. 20. mars 1775) á Reykjavöllum, b. á Löngumýri í Vallhólmi, kv. Guðrúnu Þorkelsdóttur. Þuríður, f. 1783 (sk. 19. febr. 1783) á Álfgeirsvöllum, g. Jóni Guðmundssyni b. í Stapa í Tungusveit. stúlka, f. 10. sept. 1785 á Álfgeirsvöllum, d. 11. mars 1786 á sama stað. Hún er nefnd Rannveig í kirkjubók við skírn, en Ragnheiður í kirkjubók við greftrun. Guðrún, f. 28. des. 1786 á Álfgeirsvöllum, á lífi 1788. Seinni kona: Helga Jónsdóttir, f. 1768 (sk. 20. febr. 1768) á Silfrastöðum í Blönduhlíð, d. 30. júní 1824 í Stafni. For.: Jón Gunnarsson b. í Stafni og s.k.h. Margrét Eggertsdóttir. Helga bjó ekkja í Stafni 1815-1820, en giftist þá Bjarna Jónssyni b. í Stafni. Börn: Jón, f. um 1792 í Stafni, b. í Stafni, kv. fyrr Margréti Guðmundsdóttur, síðar Ingibjörgu Ólafsdóttur, átti einnig börn með Guðbjörgu Árnadóttur, eitt eða tvö. Guðrún, f. um 1795 í Stafni, g. Birni Sigurðssyni b. og skáldi á Hamri í Hegranesi. Engilráð, f. um 1796 í Stafni, g. Jóni Jónssyni b. á Bergsstöðum. Eggert, f. um 1798 í Stafni, d. 18. des. 1842 á Barkarstöðum, var á Hrafnabjörgum í Svínadal 1835, ókv. Sigurbjörg, f. um 1801 í Stafni, g. fyrr Guðmundi Guðmundssyni b. í Stokkhólma í Vallhólmi, síðar Jóhannesi Þorlákssyni b. í Stafni, átti áður son með Kráki Jónssyni b. í Steinárgerði. Árni, f. um 1803 í Stafni, b. á Torfustöðum, kv. Þorbjörgu Guðmundsdóttur, átti áður dóttur með Sigurlaugu Þórðardóttur. Jón, f. 10. júlí 1806 á Völlum, b. á Brún, kv. Guðrúnu Þorkelsdóttur, bjó síðar með Guðrúnu Pálsdóttur, átti einnig syni með Svanborgu Oddsdóttur og Guðrúnu Sigurðardóttur, einn með hvorri. Ingibjörg, f. um 1807, g. Gísla Jónssyni b. í Skinþúfu í Vallhólmi, átti áður börn með Pétri Þórðarsyni b. í Barkarstaðagerði og Önundi Jónssyni vm. í Stafni, tvö með þeim fyrrnefnda og eitt með þeim síðarnefnda. Barnsmóðir: Ólöf Gunnarsdóttir, f. um 1763, d. 9. mars 1813 í Litladal í Tungusveit, vk. í Enni í Refasveit. For. ókunnir. Ólöf var vinnukona á Spákonufelli á Skagaströnd -1800-1801-. Barn: Rósa, f. 2. ágúst 1788 í Enni, d. 11. okt. 1788 á Álfgeirsvöllum. – Fyrri maður Engilráðar: Árni Tómasson, f. um 1727, d. 1773 (gr. 10. ágúst 1773) á Reykjavöllum, b. á Reykjavöllum -1771 til æviloka. For.: Tómas Gíslason b. á Veturliðastöðum í Fnjóskadal og k.h. sem ýmist er talin hafa heitið Guðný Jónsdóttir (b. á Garðsá í Kaupangssveit, Árnasonar) eða Sigríður Þorláksdóttir (b. á Möðruvöllum í Saurbæjarhreppi, Jónssonar). Árni varð bráðkvaddur í rúmi sínu. Börn: Gísli, f. um 1769, b. og hreppstj. í Hofstaðaseli í Hofstaðabyggð, kv. Hólmfríði Skúladóttur, átti áður dóttur með Ingibjörgu Skúladóttur. Sigurlaug, f. 1771 (sk. 5. okt. 1771) á Reykjavöllum, d. 1771 (gr. 23. okt. 1771) í Mælifellsprestakalli í Skagafjarðarsýslu. Jón, f. 1772 (sk. 15. des. 1772) á Reykjavöllum, b. á Fremstagili í Langadal, kv. fyrr Steinunni Björnsdóttur, síðar Guðrúnu Jónsdóttur, átti einnig syni með Kristínu Þorleifsdóttur og Guðnýju Guðmundsdóttur, tvo með þeirri fyrrnefndu og einn með þeirri síðarnefndu.

Athugasemd: Gísli Árnason var af sumum talinn launsonur Guðmundar Ólafssonar b. í Göngustaðakoti í Svarfaðardal.

(Íslenzkar æviskrár I, 246; Skagfirzkar æviskrár 1850-1890 II, 55-57, 124-126, 143-144, 184-186 og 243-244; Ættir Þingeyinga IV, 15; Húnvetningasaga II, 359 og III, 729; Saga frá Skagfirðingum I, 79, 80 og 160, II, 57, 83 og 164 og III, 96, 97 og 173; Hlynir og hreggviðir, 28-29, 93-97 og 100-104; Ritsafn Stefáns Jónssonar á Höskuldsstöðum III, 29 og 33; Sagnaþættir Gísla Konráðssonar, 60; Syrpa úr handritum Gísla Konráðssonar II, 197; Æfisaga Gísla Konráðssonar, 4-5, 57-58 og 71; Föðurtún, 124-126; Húnaþing I, 492-495; Húnavaka 1978, 57-59; Annálar 1400-1800 IV, 549; Dómab. Skag. 22. júní 1807; Skiptab. Hún. 26. nóv. 1824 og 2. des. 1843; Skiptab. Skag. 17. maí 1774, í febr. og 8. nóv. 1785 og 31. maí 1788; Lbs. 696, 8vo (Minnisbók Jóns Espólíns); Ábúendatal í Staðarhreppi – Handrit Jóns Sigurðssonar á Reynistað, 162; Skeggsstaðaætt – Handrit Björns Bjarnasonar á Brandsstöðum; Ættatölub. Bjarna Jóhannessonar, 78 og 88; Ættatölub. Jóns Espólíns, 465-467, 1641-1642, 3807-3808 og 4716-4717; Ættatölub. Ólafs Snóksdalíns, 412, 543 og 684-685; Ættatölub. Steingríms Jónssonar, 3988 og 5432-5433).

Sigurður Jónsson (1789-1864) Bóndi á Torfustöðum og Fossum.

F. um 1789 á Skeggsstöðum, d. 2. júní 1864 á Fossum. For.: Jón Sigurðsson b. á Torfustöðum og f.k.h. Sigríður Björnsdóttir. Var hjá foreldrum sínum á Skeggsstöðum 1801. Húsmaður á Torfustöðum -1813-1821. Bóndi á Torfustöðum 1821-1829 og á Hóli 1829-1835. Húsmaður á Kúfustöðum 1835-1836. Bóndi á Fossum 1836 til æviloka. – Fyrri kona: Sigríður Þórðardóttir, f. um 1775 á Torfustöðum í Miðfirði, d. 12. maí 1826 á Torfustöðum í Svartárdal. For.: Þórður Jónsson b. á Reykjum í Miðfirði -1773-1777 og á Efri-Torfustöðum í Miðfirði 1777-1784 og k.h. Margrét Bjarnadóttir. Sigríður var með foreldrum sínum á Eiríksstöðum 1786, en í fóstri hjá föðurbróður sínum Gísla Jónssyni og konu hans Guðrúnu Símonsdóttur á sama stað 1786-1787 og á Gili 1787-1790-. Hún var vinnukona í Hvammi í Langadal -1800-1801-. Börn: Margrét, f. 29. júní 1808 á Torfustöðum, ráðsk. á Rútsstöðum í Svínadal, óg. Gísli, f. 21. ágúst 1811 á Torfustöðum, b. á Stóru-Mörk, kv. Ásdísi Magnúsdóttur, gekkst einnig við dóttur Sigríðar Guðmundsdóttur. Þórður, f. um 1815 á Torfustöðum, d. 2. okt. 1820 á sama stað. Björn, f. 19. júlí 1817 á Torfustöðum, d. 26. des. 1853 á Fossum, vm. á Fossum, ókv. Hann andaðist úr holdsveiki. Sæunn, f. 23. maí 1821 á Torfustöðum, bjó með Kristjáni Björnssyni b. á Hrafnhólum á Kjalarnesi. Seinni kona, g. 28. maí 1827, Marsibil Jónsdóttir, f. 16. jan. 1796 á Ytri-Löngumýri í Blöndudal, d. 27. maí 1858 á Fossum. For.: Jón Auðunsson b. á Syðri-Leifsstöðum og barnsm.h. Sigríður Aradóttir vk. á Ytri-Löngumýri, síðar g. Gísla Jónssyni b. í Haga í Þingi. Marsibil var með móður sinni á Syðri-Reykjum í Miðfirði 1801, en hjá föður sínum á Syðri-Leifsstöðum 1814. Börn: Stefán, f. 22. sept. 1827 á Torfustöðum, b. á Fossum, kv. Guðríði Gísladóttur, átti einnig dóttur með Guðrúnu Guðmundsdóttur. Guðmundur, f. 22. ágúst 1828 á Torfustöðum, d. 21. okt. 1828 á sama stað. Guðmundur, f. 12. sept. 1829 á Hóli, b. í Steinárgerði, kv. Helgu Davíðsdóttur. Sigríður, f. 12. sept. 1829 á Hóli, d. 24. sept. 1829 á sama stað. Jón, f. 13. júlí 1831 á Hóli, b. í Kóngsgarði, kv. Margréti Jónsdóttur.

Athugasemd: Í Manntali á Íslandi 1816 er Sigríður Þórðardóttir talin fædd á Torfustöðum í Miðfirði og virðist það ótrúverðugt, því foreldrar hennar voru ekki komnir að Efri-Torfustöðum um það leyti sem hún fæddist.

(Kjalnesingar, 485 og 487; Skagfirzkar æviskrár 1850-1890 II, 186-187; Skagfirzkar æviskrár 1890-1910 III, 287-288; Húnavaka 1976, 96 og 1981, 115-116; Skiptab. Hún. 8. des. 1826 og 28. des. 1864; Ættatölub. Jóns Espólíns, 577, 3770 og 4604-4605; Ættatölub. Ólafs Snóksdalíns, 534; Ættatölub. Steingríms Jónssonar, 117).

Sigurður Jónsson (1797-1854) Bóndi á Gili, Kóngsgarði og Bergsstöðum.

F. 5. júlí 1797 á Írafelli í Svartárdal, d. 3. ágúst 1854 á Eyrarlandi á Laxárdal fremri. For.: Jón Sigurðsson b. á Daufá á Neðribyggð og k.h. Hallfríður Sigurðardóttir. Var hjá foreldrum sínum á Írafelli 1801 og fermdist í Goðdalaprestakalli í Skagafjarðarsýslu 1811. Bóndi á Krithóli á Neðribyggð 1826-1827, á Gili 1827-1828, í Saurbæ á Neðribyggð 1828-1838, í Kóngsgarði 1838-1841, á Bergsstöðum 1841-1842, í Móbergsseli í Litla-Vatnsskarði 1842-1843, á Litla-Vatnsskarði á Laxárdal fremri 1843-1849 og á Eyrarlandi 1849 til æviloka. Við húsvitjun í Víðimýrarsókn 1834 er Sigurður sagður ráðvandur. – Kona, g. 13. apríl 1828, Kristín Magnúsdóttir, f. 1. júlí 1786 á Bjarnastöðum í Vatnsdal, d. 19. febr. 1856 á Eyrarlandi. For.: Magnús Tómasson b. á Bjarnastöðum og k.h. Kristín Jónsdóttir. Kristín fermdist í Undirfellsprestakalli 1800. Hún var vinnukona í Hvammi í Vatnsdal -1800-1801-, en hjá móður sinni í Umsvölum í Þingi 1804-1806. Kristín var vinnukona á Þverá í Núpsdal -1810-1811-, í Stóradal í Svínavatnshreppi -1816-1818, á Auðkúlu í Svínadal 1818-1819-, á Geithömrum í Svínadal -1820-1821, í Tungukoti á Kjálka 1821-1822 og í Litladal í Tungusveit 1822-1826, en bústýra hjá Sigurði á Krithóli 1826-1827 og á Gili 1827-1828. Hún bjó ekkja á Eyrarlandi 1854 til æviloka. Við húsvitjun í Víðimýrarsókn 1834 er Kristín sögð ágætlega að sér. Börn: Hallfríður, f. 23. nóv. 1824 í Litladal, d. 27. júní 1826 á Krithóli. Hallfríður, f. 11. ágúst 1826 á Krithóli, g. Stefáni Jóhannessyni b. á Núpi á Laxárdal fremri. – Barnsfaðir Kristínar: Jónas Jónsson, f. 6. sept. 1786 á Litlu-Ásgeirsá í Víðidal, d. 12. sept. 1846 í Viðvík í Helgafellssveit, húsmaður í Skoreyjum á Breiðafirði 1835. For.: Jón Arngrímsson b. á Bergsstöðum í Miðfirði og k.h. Guðrún Magnúsdóttir. Barn: Hjálmar, f. 22. okt. 1810 á Þverá, b. í Bakkagerði á Skagaströnd, kv. Katrínu Benediktsdóttur, bjó síðar með Ingibjörgu Bjarnadóttur. Barnsfaðir Kristínar: Guðmundur Sigurðsson, f. 23. apríl 1788 á Rútsstöðum í Svínadal, d. 30. apríl 1839 á Aðalbóli í Miðfirði, b. á Aðalbóli. For.: Sigurður Sigurðsson b. á Rútsstöðum og k.h. Vigdís Halldórsdóttir. Barn: Bjarni, f. 11. ágúst 1818 á Auðkúlu, b. í Vöglum í Vatnsdal, kv. Jóhönnu Jónasdóttur, átti einnig dóttur með Sigríði Snæbjörnsdóttur.

(Sýslumannaæfir I, 620 og 640; Frændgarður I, 291-292; Ættarskrá Bjarna Þorsteinssonar, 262-363; Hrakhólar og höfuðból, 95-96 og 118-130; Skiptab. Hún. 30. ágúst 1807, 2. des. 1816, 4. des. 1840, 8. nóv. 1854 og 16. jan. 1857; Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 394-395, 3680, 5241 og 5994; Ættatölub. Ólafs Snóksdalíns, 230, 552, 723, 810 og 827; Ættatölub. Steingríms Jónssonar, 5006, 5102-5103 og 5154).

Sigurður Magnússon (1778-1778) Bóndi í Blöndudalshólum.

F. 1778 (sk. 21. sept. 1778) á Úlfagili á Laxárdal fremri, d. 9. nóv. 1857 á Þverá í Norðurárdal. For.: Magnús Ingimundarson b. í Ytra-Tungukoti og barnsm.h. Helga Gunnarsdóttir heimasæta á Úlfagili. Fermdur í Höskuldsstaðasókn 1795. Bóndi á Efri-Mýrum í Refasveit 1812-1823, í Blöndudalshólum 1823-1824 og í Hvammshlíð í Norðurárdal 1824-1834. Vinnumaður í Skrapatungu á Laxárdal fremri 1834-1835 og í Holti á Ásum 1835-1837. Bóndi í Höskuldsstaðaseli á Sléttárdal 1837-1843. Vinnumaður á Þverá í Norðurárdal 1843-1848. Bóndi á Kirkjubæ í Norðurárdal 1848-1849. Húsmaður á Þverá 1849 til æviloka. – Kona: Sigurlaug Teitsdóttir, f. um 1779 á Gunnfríðarstöðum á Bakásum, d. 29. ágúst 1854 á Stóra-Búrfelli í Svínavatnshreppi. For.: Teitur Þorsteinsson b. á Gunnfríðarstöðum og k.h. sem ýmist er talin hafa heitið Helga Sigurðardóttir (b. í Holti í Svínadal, Jónssonar) eða Solveig Sveinsdóttir (b. í Litladal í Svínavatnshreppi, Oddssonar). Sigurlaug ólst upp á Guðlaugsstöðum í Blöndudal og fermdist í Svínavatnssókn 1794. Hún var vinnukona á Guðlaugsstöðum -1800-1804-, en á Hamri á Bakásum 1849-1850, á Kárastöðum á Bakásum 1850-1852, á Stóra-Búrfelli 1852-1853 og á Gunnfríðarstöðum 1853-1854. Barnlaus.

(Troðningar og tóftarbrot, 108; Sagnir um slysfarir í Skefilsstaðahreppi, 37-38; Skiptab. Hún. 1. okt. 1814; Eiðsstaðaætt – Handrit Björns Bjarnasonar á Brandsstöðum; Ættatölub. Ólafs Snóksdalíns, 338 og 724).

Sigurður Oddsson (1600-1651) Íbúi í Bólstaðarhlíðarhreppi.

F. nál. 1600, á lífi í Bólstaðarhlíðarhreppi 1651. For.: Oddur Tumason b. á Norðurlandi og k.h. Helga Gottskálksdóttir. Bóndi í Svartárdal. Sigurður hyllti konung í Bólstaðarhlíð 24. maí 1649. Hann seldi hálfa Ása í Svínavatnshreppi Þorláki Skúlasyni biskupi á Hólum í Hjaltadal fyrir óánefnd 10 hundruð í jörðu 17. apríl 1634. Þau 10 jarðarhundruð lét hann biskup hafa aftur fyrir 16 hundruð í lausafé 8. júlí 1651 og tilskildi sér þá jarðarábýli á Brún eða einhverri annarri jörð sem biskup átti ráð á. – Kona: Engilráð Jónsdóttir, f. nál. 1605. For.: Jón Grímsson b. á Brenniborg á Neðribyggð og k.h. Guðrún Stígsdóttir. Börn: Helgi, f. nál. 1635, b. á Norðurlandi, kv. Valgerði. Jón. (Ættatölub. Jóns Espólíns, 2230). Barnsmóðir ókunn. Barn: Jón. (Ættatölub. Þórðar Jónssonar, 283).

(Sýslumannaæfir I, 349 og 479; Hyllingarskjöl 1649, 48-49; Ættatölub. Jóns Espólíns, 2229-2230 og 4888; Ættatölub. Jóns Magnússonar, 21 og 532; Ættatölub. Ólafs Snóksdalíns, 642 og 663; Ættatölub. Steingríms Jónssonar, 660, 3239 og 3364-3365 (17. apríl 1634 og 8. júlí 1651); Ættatölub. Þórðar Jónssonar, 283).

Sigurður Ólafsson (1729-1800?) Bóndi í Sellandi.

F. um 1729, d. 1799 eða 1800. For.: Ólafur Sigurðsson b. á Lýtingsstöðum í Tungusveit og k.h. Guðríður Ólafsdóttir. Bóndi á Lýtingsstöðum -1752-1753. Búlaus í Bólstaðarhlíðarhreppi 1753-1754. Bóndi í Sellandi -1755-1759-, á Álfgeirsvöllum á Efribyggð -1761-1769-, á Húsabakka á Glaumbæjareyjum nál. 1773, á Ípishóli á Langholti -1777-1782, í Brekku hjá Víðimýri 1785-1786 og í Vatnshlíð 1786 til æviloka. Sigurður keypti Selland í makaskiptum fyrir 10 hundruð í Lýtingsstöðum af Ólafi Stefánssyni bónda á Lýtingsstöðum 11. mars 1753. Honum var úthlutað gjafakorni 28. des. 1756. – Fyrri kona: Katrín Jónsdóttir, f. um 1731, á lífi á Álfgeirsvöllum 1764. For. ókunnir. Árið 1762 voru hjá þeim þrír drengir 3, 2 og 1/2 árs. Börn: Herdís, f. um 1759, g. fyrr Þorbergi Jónssyni b. á Veðramóti í Gönguskörðum, síðar Sveini Jónssyni b. á Veðramóti. Ólafur, f. 1762 (sk. 1. febr. 1762) á Álfgeirsvöllum. Jón, f. 1764 (sk. 2. okt. 1764) á Álfgeirsvöllum, d. 1764 (gr. 14. nóv. 1764) á sama stað. Seinni kona: Gróa (föðurnafn ótilgreint), f. nál. 1740, á lífi í Vatnshlíð 1795. For. ókunnir. Barn: Katrín, f. um 1771, g. Guðmundi Jónssyni b. í Ytra-Tungukoti.

(Sagnaþættir Gísla Konráðssonar, 174; Söguþættir Gísla Konráðssonar, 5-6; Syrpa úr handritum Gísla Konráðssonar I, 86 og 279; Dómab. Skag. 7. maí 1753 og 27. júní og 24. júlí 1777; Skiptab. Skag. 12. júní 1824; Verslunarb. Hofsóskaupstaðar 1782, 37; Verslunarb. Hofsóskaupstaðar 1787-1788, 6; Lbs. 95, fol. (Verslunarb. Hofsóskaupstaðar 1764-1769); Ættatölub. Jóns Espólíns, 5994; Ættatölub. Ólafs Snóksdalíns, 827).

Sigurður Ólafsson (1783-1860) Bóndi í Stóru-Mörk og Strjúgsstöðum.

F. um 1783 á Leifsstöðum, d. 17. júní 1860 á Syðra-Hóli á Skagaströnd. For.: Ólafur Sveinsson b. í Finnstungu og s.k.h. Guðrún Benediktsdóttir. Var hjá foreldrum sínum á Geithömrum í Svínadal 1801. Húsmaður á Geithömrum 1808-1812 og 1813-1819. Bóndi í Ljótshólum í Svínadal 1819-1821 og í Miðhúsum í Vatnsdal 1821-1843. Húsmaður í Vatnsdalshólum í Vatnsdal 1843-1844. Bóndi á Stóru-Mörk 1844-1845 og á Strjúgsstöðum 1845-1847. Húsmaður á Stóru-Mörk 1847-1849. Bóndi á Stóru-Mörk 1849-1850. Húsmaður á Syðri-Ey á Skagaströnd 1850-1851. Hann var í skjóli Bjargar dóttur sinnar á Syðra-Hóli -1855 til æviloka. – Fyrri kona, g. 14. okt. 1807, Hólmfríður Jónsdóttir, f. um 1776 á Grund í Svínadal, d. 4. apríl 1819 á Geithömrum. For.: Jón Hálfdanarson b. á Grund og s.k.h. Þorbjörg Sveinsdóttir. Hólmfríður fermdist í Auðkúlusókn 1791. Hún var hjá föður sínum á Grund 1801, en vinnukona á Snæringsstöðum -1806-1807-. Hólmfríður andaðist af barnsförum. Herma sagnir að þegar hún lá á sæng hafi hún ekki getað fætt og viðstaddir álitið að hún væri skilin við. Var hún þá borin út í skemmu frammi á hlaðinu og lögð þar til. Morguninn eftir, þegar heimilisfólk ætlaði að fara í skemmuna, var eitthvað fyrir hurðinni, er varnaði inngöngu. Brotist var inn í skemmuna, en þá var konan í hnipri innan við hurðina með barnið í fanginu, hvort tveggja látið. Konan hafði verið í öngviti, þegar hún var borin út, en raknað við, fætt barnið og komist á fætur með það. Börn: drengur, f. í apríl 1807 á Snæringsstöðum. Hann fæddist andvana. Guðrún, f. 12. júlí 1809 á Geithömrum, d. 12. júlí 1809 á sama stað. Björg, f. 2. sept. 1810 á Geithömrum, g. fyrr Benedikt Björnssyni b. á Stóru-Mörk, síðar Jóni Jónssyni b. á Syðra-Hóli. Seinni kona, g. 5. jan. 1822, Kristín Halldórsdóttir, f. 13. sept. 1796 á Másstöðum í Vatnsdal, d. 16. ágúst 1851 í Tungu í Gönguskörðum. For.: Halldór Halldórsson b. í Miðhúsum og k.h. Sigríður Magnúsdóttir. Kristín var hjá foreldrum sínum í Miðhúsum 1801. Hún var vinnukona á Grund í Svínadal -1816-1818 og á Syðri-Löngumýri í Blöndudal 1818-1819, en bústýra hjá Sigurði í Ljótshólum 1819-1821 og í Miðhúsum 1821-1822. Börn: Ingibjörg, f. 30. júlí 1821 í Miðhúsum, g. Gísla Gíslasyni b. á Stóru-Mörk. Sigurður, f. 7. sept. 1822 í Miðhúsum, d. 14. ágúst 1827 á sama stað. Sigurður, f. 3. júlí 1829 í Miðhúsum, b. á Skeggsstöðum, kv. fyrr Ingigerði Þorbergsdóttur, síðar Margréti Þorsteinsdóttur, átti einnig tvíbura með Jóhönnu Júlíönu Jóhannsdóttur og dóttur með Helgu Magnúsdóttur. Sigurbjörg, f. 29. mars 1835 í Miðhúsum, d. 5. febr. 1836 á sama stað. Guðmundur Frímann, f. 6. febr. 1841 í Miðhúsum, b. á Ytra-Þverfelli, kv. Helgu Gísladóttur.

Athugasemd: Björg Sigurðardóttir er talin fædd 2. sept. 1810 í Prestsþjónustubók Auðkúluprestakalls við skírn, en sögð fædd 26. ágúst 1810 í Prestsþjónustubók Þingeyrasóknar við fermingu.

(Skagfirzkar æviskrár 1850-1890 III, 62-64; Skagfirzkar æviskrár 1890-1910 IV, 242-243; Frændgarður II – Ættmeiður, 183; Húnavaka 1962, 47-49, 1979, 115-116 og 1980, 117-119; Skiptab. Hún. 27. apríl og 22. maí 1844; Ættatölub. Jóns Espólíns, 1078, 1844, 2798 og 6719; Ættatölub. Ólafs Snóksdalíns, 68-69, 236, 499 og 640; Ættatölub. Steingríms Jónssonar, 4692).

Sigurður Sigurðsson (1818-1867) Bóndi í Gautsdal.

F. 7. mars 1818 í Valdarási í Víðidal, d. 20. júlí 1867 í Gautsdal. For.: Sigurður Þórarinsson b. og meðhjálpari í Valdarási og k.h. Málfríður Jónsdóttir. Fermdur í Víðidalstungusókn 1831. Bóndi á Vatnsenda í Vesturhópi 1845-1850, á Stóra-Búrfelli í Svínavatnshreppi 1850-1855 og í Gautsdal 1855 til æviloka. – Kona, g. 7. okt. 1845, Guðrún Pálmadóttir, f. 17. febr. 1824 á Efri-Mýrum í Refasveit, d. 12. júní 1895 í Gautsdal. For.: Pálmi Jónsson b. í Sólheimum í Svínavatnshreppi og barnsm.h. Danhildur Gísladóttir vk. á Efri-Mýrum, síðar g. Jóni Þorkelssyni b. í Skrapatungu á Laxárdal fremri og svo Eiríki Guðmundssyni b. í Neðri-Lækjardal í Refasveit. Guðrún var hjá móður sinni í Neðri-Lækjardal 1835 og fermdist í Höskuldsstaðasókn 1839. Hún bjó ekkja í Gautsdal 1867-1869, en giftist þá Birni Guðmundssyni b. í Gautsdal. Börn: Ósk Málfríður, f. 10. júní 1846 á Vatnsenda, d. 25. júní 1846 á sama stað. Jakob Pálmi, f. 2. júní 1847 á Vatnsenda. Sigurður, f. 2. sept. 1848 á Vatnsenda, b. í Mjóadal, kv. Þorbjörgu Sigurðardóttur. Ingiríður Ósk, f. 26. sept. 1849 á Vatnsenda, ráðsk. í Mjóadal, óg. Sigurbjörg, f. 29. mars 1851 á Stóra-Búrfelli, d. 5. apríl 1851 á sama stað. Pálmi, f. 19. sept. 1852 á Stóra-Búrfelli, b. á Æsustöðum, kv. Sigríði Gísladóttur, þau systrabörn. Málfríður, f. 23. jan. 1857 í Gautsdal, d. 14. nóv. 1857 á sama stað. Þorlákur Jón, f. 2. júní 1858 í Gautsdal, d. 12. júní 1858 á sama stað. Guðrún Jóhanna, f. 26. júlí 1864 í Gautsdal, g. Sveini Jóni Magnússyni b. í Hvammi á Laxárdal.

(Frá austri til vesturs, 214-215; The Point and Beyond – Arnes and District 1876-1990, 156-157; Hjónin Jakob Lárusson Bergstað og Guðný Ragnhildur Hjartardóttir frá Litla-Enni á Blönduósi, 76-78; Feðraspor og fjörusprek, 195-197; Fortíð og fyrirburðir, 91-93; Hrakhólar og höfuðból, 37-40; Föðurtún, 148-149 og 308-309; Húnavaka 1976, 48-49; Skiptab. Hún. 31. maí 1843, 20. apríl 1847 og 27. des. 1869; Ættatölub. Jóns Espólíns, 4760; Ættatölub. Ólafs Snóksdalíns, 335 og 537).

Sigurður Sigurðsson (1821-1887) Bóndi í Hvammi á Laxárdal.

F. 29. okt. 1821 í Bólstaðarhlíð, d. 14. maí 1887 í Stóradal í Svínavatnshreppi. For.: Sigurður Sigurðsson b. á Eyjólfsstöðum í Vatnsdal og barnsm.h. Ingveldur Jónsdóttir vk. í Bólstaðarhlíð, síðar g. Guðmundi Jónssyni b. í Eyvindarstaðagerði. Ólst upp hjá föður sínum og stjúpu á Geithömrum í Svínadal og fermdist í Auðkúlusókn 1836. Vinnumaður hjá móður sinni og stjúpa á Hóli 1839-1841 og hjá föður sínum og stjúpu á Geithömrum 1841-1845. Bóndi á Ytri-Löngumýri í Blöndudal 1845-1846, í Hvammi á Laxárdal 1846-1856 og á Kagaðarhóli á Ásum 1856-1873. Húsmaður hjá Engilráð dóttur sinni á Eiríksstöðum 1873-1876. Bóndi á Refsstöðum á Laxárdal fremri 1876-1882. Vinnumaður á Eldjárnsstöðum í Blöndudal 1882-1883. Bóndi á Refsstöðum aftur 1883-1886. Búsettur í Stóradal 1886 til æviloka. Hann var hreppstjóri í Torfalækjarhreppi. Sigurður var afbragðs söngmaður og tók oft lagið með vinum sínum. Hann var mikill drykkjumaður og hestamaður og átti góða reiðhesta. Einnig var hann listagóður tamningamaður. Sigurður keypti hálfan Kagaðarhól af Kristjáni Konráð Ólafssyni bónda á Eyvindarstöðum fyrir 500 ríkisdali. Ekki er borið lof á hann í Ævisögu Sigurðar Ingjaldssonar frá Balaskarði. – Kona, g. 17. okt. 1845, Helga Jónsdóttir, f. 26. sept. 1823 á Bergsstöðum, d. 6. jan. 1881 á Refsstöðum, ekkja Baldvins Ólafssonar b. á Hrafnabjörgum í Svínadal. For.: Jón Jónsson b. á Bergsstöðum og k.h. Engilráð Sigurðardóttir. Helga var góð kona og gjörvileg. Börn: Engilráð, f. 6. júní 1846 í Hvammi, d. 23. ágúst 1846 á sama stað. Engilráð, f. 5. ágúst 1847 í Hvammi, d. 26. mars 1848 á sama stað. Engilráð Margrét, f. 16. sept. 1848 í Hvammi, g. Sigfúsi Péturssyni b. á Eiríksstöðum. Barnsmóðir: Sólrún Gísladóttir, f. 5. maí 1805 á Þorkelshóli í Víðidal, d. 15. febr. 1873 á Geithömrum, vk. í Efri-Lækjardal í Refasveit. For.: Gísli Sigurðsson b. á Þorkelshóli og k.h. Helga Aradóttir. Sólrún var vinnukona á Guðlaugsstöðum í Blöndudal 1845. Barn: Jónas, f. 1839 (sk. 18. ágúst 1839) í Efri-Lækjardal, d. 21. mars 1846 á Ytri-Löngumýri.

(Frændgarður I, 285-286 og 292-293; Búsæld og barningur, 136; Hlynir og hreggviðir, 102-104; Ævisaga Sigurðar Ingjaldssonar frá Balaskarði, 70-71 og 86-95; Húnavaka 1978, 57-59 og 1981, 120-123; Almanak Ólafs Thorgeirssonar 1924, 102; Lögberg 17. maí 1923; Skiptab. Hún. 27. mars 1847; Brandsstaðaannáll, 194; Eiðsstaðaætt – Handrit Björns Bjarnasonar á Brandsstöðum; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 466 og 4699; Ættatölub. Ólafs Snóksdalíns, 336, 405, 412, 720 og 723; Ættatölub. Steingríms Jónssonar, 4875).

Sigurður Sveinsson (1723-1783) Bóndi í Eiríksstaðakoti, Ytra-Tungukoti og Æsustöðum.

F. um 1723, dr. í febr. eða í mars 1783 í Svartá. For. ókunnir. Bóndi í Eiríksstaðakoti -1744-1746-, í Ytra-Tungukoti -1751-1753, á Æsustöðum 1753-1754- og í Ytra-Tungukoti aftur -1755 til æviloka. Sigurði var úthlutað gjafakorni 28. des. 1756. – Fyrri kona: ónafngreind, f. um 1722, á lífi í Ytra-Tungukoti 1762. For. ókunnir. Ókunnugt um börn. Seinni kona, g. 9. júní 1770, Sigríður Björnsdóttir, f. um 1727, á lífi í Vatnshlíð 1799. For.: Björn Jónsson b. á Syðri-Löngumýri í Blöndudal og k.h. Hallfríður Jónsdóttir. Sigríður var búlaus í Svínavatnshreppi 1766-1768. Hún bjó ekkja í Ytra-Tungukoti 1783-1786, en var í skjóli Hallfríðar dóttur sinnar á sama stað 1786-1798 og í Vatnshlíð 1798-1799-. Hún átti heima í Vatnshlíð til æviloka, en ekki er vitað hvenær hún dó. Ókunnugt um börn. – Dóttir Sigríðar var: Hallfríður Gunnarsdóttir, f. um 1765 á Syðri-Löngumýri, g. Magnúsi Ásgrímssyni b. í Vatnshlíð.

Athugasemd: Hægt er að láta sér til hugar koma að faðir Hallfríðar kunni að hafa verið Gunnar Hákonarson sem var búlaus í Svínavatnshreppi 1760-1765, en bóndi á Gunnfríðarstöðum á Bakásum 1765-1766. Ennfremur má vel gera sér í hugarlund að þau Gunnar Hákonarson og Sigríður Björnsdóttir kunni að hafa verið hjón, þar sem hún skýtur upp kollinum í skrám yfir framteljendur í Svínavatnshreppi sama árið og hann hættir að koma þar fyrir.

(Annálar 1400-1800 IV, 591-592 og VI, 248; Skiptab. Hún. 14. og 15. mars 1775).

Sigurður Þórðarson (1654-1708) Bóndi á Skottastöðum.

F. um 1654, á lífi í Bólstaðarhlíðarhreppi 1708. Bóndi á Skottastöðum -1699-1703-. Sigurður undirritaði hluta jarðabókarskýrslu úr Bólstaðarhlíðarhreppi 9. nóv. 1708. – Kona, ls. 1688 eða 1689, Guðrún Pétursdóttir, f. um 1658, á lífi á Skottastöðum 1703. Sigurður og Guðrún áttu saman barn í lausaleik í Húnavatnssýslu 1688 eða 1689, og var það fyrsta frillulífisbrot beggja. For. ókunnir. Börn: Þórður, f. um 1691, var hjá foreldrum sínum á Skottastöðum 1703. Pétur, f. um 1692, b. í Gautsdal. Guðrún, f. um 1693, var hjá foreldrum sínum á Skottastöðum 1703. Vigfús, f. um 1696, b. á Bollastöðum, kv. Guðríði Samsonsdóttur, átti einnig barn með tveimur öðrum konum, hið yngra með Guðrúnu Jónsdóttur. Guðrún, f. um 1699, var hjá foreldrum sínum á Skottastöðum 1703. Guðmundur, f. 1702 eða 1703, var hjá foreldrum sínum á Skottastöðum 1703.

Athugasemd: Sigurður hefur trúlega enn verið búandi á Skottastöðum árið 1708. Jörðin var þá setin, en láðst hefur að skrá nafn ábúandans í Jarðabók Árna Magnússonar og Páls Vídalíns.

(Vorþeyr og vébönd, 220).

Sigurður Þorláksson (1712-1781) Bóndi á Gunnsteinsstöðum.

F. um 1712, d. 1781 á Gunnsteinsstöðum. For.: Þorlákur Jónsson b. í Bólstaðarhlíðarhreppi og f.k.h. Ingibjörg Guðmundsdóttir. Ólst upp hjá móðurafa sínum Guðmundi Steingrímssyni bónda á Auðólfsstöðum. Búlaus í Bólstaðarhlíðarhreppi -1734-1738, á Auðólfsstöðum 1738-1739- og í Bólstaðarhlíðarhreppi -1740-1741-. Bóndi á Gunnsteinsstöðum -1745-1779, en var í skjóli Árna sonar síns á sama stað 1779 til æviloka. Í Höskuldsstaðaannál er Sigurður sagður hafa verið megandi góðgjörðamaður. Hann gaf vitnisburð um Teigana í Svartárdal 21. júní 1771. – Kona: Elín Sigmundsdóttir, f. um 1713, d. 1. jan. 1779 á Gunnsteinsstöðum. For.: Sigmundur Helgason b. á Strjúgsstöðum og k.h. Guðríður Gunnarsdóttir. Elín var búlaus í Bólstaðarhlíðarhreppi -1737-1738. Árið 1762 voru hjá þeim fimm drengir 20, 19, 18, 16 og 12 ára og ein stúlka 10 ára. Börn: Árni, f. um 1743, b. á Gunnsteinsstöðum, kv. Elínu Arnljótsdóttur. Guðmundur, f. um 1743, stúdent í Kaupmannahöfn, ókv. og bl. Elín, f. um 1752, var hjá bróður sínum á Gunnsteinsstöðum 1801, óg. Sighvatur, f. nál. 1745, búlaus á Gunnsteinsstöðum 1779-1781 og -1784-1785. Ennfremur mun sonur þeirra hafa verið: Sigmundur Sigurðsson, f. nál. 1745, búlaus í Bólstaðarhlíð 1779-1780. Alls átti Sigurður 8 börn.

(Íslenzkar æviskrár II, 180; Íslenzkir Hafnarstúdentar, 113; Fortíð og fyrirburðir, 45; Þjóðsögur Jóns Árnasonar III, 389-390; Annálar 1400-1800 IV, 580; Dómab. Hún. 21. júní 1771; Ættatölub. Jóns Espólíns, 4025; Ættatölub. Ólafs Snóksdalíns, 409b og 679; Ættatölub. Steingríms Jónssonar, 4545).

Sigurður Þorleifsson (1790-1852) Bóndi á Stóru-Mörk, Skyttudal, Hvammi á Laxárdal og Gautsdal.

F. um 1790 í Skyttudal, d. 29. okt. 1852 í Gautsdal. For.: Þorleifur Þorleifsson b. á Stóru-Mörk og k.h. Ingibjörg Jónsdóttir. Var í fóstri á Reykjum á Reykjabraut 1798-1802. Sagnir herma að Sigurður hafi verið í vinnumennsku á Gili á yngri árum. Hann var búlaus á Tindum á Ásum 1814-1815. Vinnumaður í Holti í Svínadal -1816-1817. Ráðsmaður í Litladal í Svínavatnshreppi 1817-1820. Bóndi á Mosfelli í Svínadal 1820-1822, í Ljótshólum í Svínadal 1822-1823 og á Stóru-Mörk 1823-1824 og hafði jafnframt bú í Ljótshólum 1823-1824. Bóndi í Ljótshólum 1824-1825, í Skyttudal 1825-1839, í Hvammi á Laxárdal 1839-1846 og í Gautsdal 1846 til æviloka. Hermt er að Sigurður hafi verið sérstæður maður. – Fyrri kona, g. 18. sept. 1820, Halldóra Ólafsdóttir, f. um 1794 í Finnstungu, d. 23. maí 1848 í Litladal, ekkja Guðmundar Ólafssonar ráðsm. á Mosfelli. For.: Ólafur Sveinsson b. í Finnstungu og s.k.h. Guðrún Benediktsdóttir. Halldóra var hjá foreldrum sínum á Geithömrum í Svínadal 1801 og fermdist í Auðkúlusókn 1808. Hún var vinnukona á Mosfelli -1816-1819, en bjó ekkja á Mosfelli 1819-1820. Sigurður og Halldóra skildu 1829. Eftir skilnaðinn var Halldóra vinnukona á Grund í Svínadal 1829-1840, en bústýra á Grund 1840-1846 og í Litladal 1846 til æviloka. Börn: Sigvaldi, f. 7. febr. 1821 á Mosfelli, b. í Hvammi á Laxárdal, kv. Guðrúnu Sigurðardóttur, átti einnig syni með Kristínu Kristjánsdóttur og Guðrúnu Magnúsdóttur, tvo með þeirri fyrrnefndu og einn með þeirri síðarnefndu. Hjalti, f. 12. apríl 1822 á Mosfelli, b. í Blöndudalshólum, kv. Guðlaugu Guðvarðsdóttur, átti áður son með Guðnýju Gunnarsdóttur. Björg, f. 9. júlí 1823 á Stóru-Mörk, d. 12. sept. 1823 á sama stað. Björg, f. 20. júní 1827 í Skyttudal, d. 23. jan. 1856 í Ljótshólum, síðast vk. í Ljótshólum, óg. Seinni kona, g. 3. jan. 1833, Signý Sigfúsdóttir, f. um 1807 á Auðólfsstöðum, d. 16. nóv. 1881 á Ytri-Brekkum í Blönduhlíð. For.: Sigfús Þorleifsson b. á Efstalandi í Öxnadal og barnsm.h. Ingibjörg Björnsdóttir vk. á Auðólfsstöðum, síðar g. Jónasi Gunnlaugssyni b. á Þverá í Núpsdal. Signý fermdist í Hofssókn 1820. Hún var hjá móðurfólki sínu á Auðólfsstöðum 1820-1821, hjá föður sínum á Efstalandi 1821-1822 og hjá móður sinni á Þverá 1822-1829, en vinnukona í Skyttudal 1829-1833. Hún bjó ekkja í Gautsdal 1852-1854, en var húskona á sama stað 1854-1855 og á Gili 1855-1856. Vinnukona á Æsustöðum 1856-1857, í Þverárdal 1857-1858 og á Æsustöðum 1858-1860. Húskona í Gautsdal 1860-1863 og á Gili 1863-1864. Vinnukona á Botnastöðum 1864-1868. Húskona í Þverárdal 1868-1869, en barnfóstra á sama stað 1869-1870. Hún var í skjóli fósturdóttur sinnar Margrétar Björnsdóttur á Ytri-Brekkum 1870-1874, á Ríp í Hegranesi 1874-1880 og á Ytri-Brekkum 1880 til æviloka. Börn: Jónas Frímann, f. 4. nóv. 1832 í Skyttudal, b. í Hvammi á Laxárdal, kv. Sigurlaugu Sölvadóttur, átti einnig börn með Guðnýju Guðbrandsdóttur og Halldóru Björnsdóttur, eitt með þeirri fyrrnefndu og þrjú með þeirri síðarnefndu. Ingibjörg, f. 6. ágúst 1834 í Skyttudal, g. Erlendi Erlendssyni b. í Grundarkoti, bjó síðar með Jónasi Skúlasyni b. á Akri á Skaga, en áður á Syðra-Hóli á Skagaströnd. Margrét, f. 6. ágúst 1834 í Skyttudal, var hjá foreldrum sínum í Skyttudal 1835. Barnsmóðir: Guðbjörg Ólafsdóttir, f. 6. apríl 1795 í Tungunesi á Bakásum, d. 8. des. 1870 í Höfðahólum á Skagaströnd, vk. í Auðunarstaðakoti í Víðidal. For.: Ólafur Bjarnason b. í Mánavík á Skaga og barnsm.h. Guðrún Guðmundsdóttir vk. í Tungunesi, síðar g. Þorsteini Sveinssyni b. á Skeggjastöðum á Skagaströnd. Guðbjörg var bústýra á Hofi á Skagaströnd 1841-1849. Barn: Sigurður, f. 18. okt. 1818 í Auðunarstaðakoti, b. í Gilhagaseli á Gilhagadal, kv. Oddnýju Sigurðardóttur. Barnsmóðir: Guðlaug Jónsdóttir, f. 3. júní 1797 á Skútum á Þelamörk, d. 14. júní 1862 í Gilkoti á Neðribyggð, vk. í Skyttudal. For.: Jón Sveinsson b. í Heiðarhúsum á Þelamörk og k.h. Guðlaug Jónsdóttir, síðar húsm. í Hvammi í Langadal. Guðlaug giftist síðar Jóni Andréssyni b. í Merkigarði í Tungusveit. Barn: drengur, f. 26. sept. 1828 í Skyttudal. Hann fæddist andvana. – Fyrri maður Halldóru, g. 9. okt. 1817, Guðmundur Ólafsson, f. 11. ágúst 1795 á Stóra-Búrfelli í Svínavatnshreppi, d. 20. ágúst 1818 á Mosfelli, ráðsm. á Mosfelli. For.: Ólafur Jónsson b. á Mosfelli og s.k.h. Valgerður Guðmundsdóttir. Guðmundur var hjá foreldrum sínum á Stóra-Búrfelli 1801. Barn: Valgerður, f. 12. apríl 1818 á Mosfelli, g. Þórði Þórðarsyni b. í Ljótshólum.

(Dalamenn I, 77; Skagfirzkar æviskrár 1850-1890 II, 263-265 og III, 100-102 og 209-210; Skagfirzkar æviskrár 1890-1910 I, 123-124; Laugardalsætt II, 809; Saga Skagstrendinga og Skagamanna, 127; Búsæld og barningur, 132; Feðraspor og fjörusprek, 54; Svipir og sagnir, 143-158; Ritsafn Eiðs Guðmundssonar á Þúfnavöllum I, 136; Húnavaka 1976, 91-92, 1979, 115-116, 1988, 109 og 1994, 130-131; Brandsstaðaannáll, 180; Skiptab. Hún. 30. sept. 1834, 30. júlí 1840, 2. des. 1848 og 31. maí 1853; Skiptab. Skag. 15. júlí 1845; Ættatölub. Jóns Espólíns, 550, 1844, 4022, 5123 og 5991; Ættatölub. Ólafs Snóksdalíns, 125-126, 670 og 829; Ættatölub. Steingríms Jónssonar, 4547).

Sigurlaug Björnsdóttir (1766-1839) Húsmóðir í Hvammi í Svartárdal og Barkarstöðum.

F. um 1766 á Geitaskarði í Langadal, d. 23. okt. 1839 á Flugumýri í Blönduhlíð. For.: Björn Ólafsson b. á Bergsstöðum og k.h. Ingiríður Jónsdóttir. Húsmóðir í Hvammi í Svartárdal 1797-1798. Húskona á Barkarstöðum -1799-1801-. Húsmóðir á Barkarstöðum 1802-1837, en var í skjóli Guðmundar sonar síns á Flugumýri 1837 til æviloka. – Barnsfaðir: Eyjólfur Jónsson, f. 1761 á Skeggsstöðum, d. 16. febr. 1843 á Barkarstöðum, ráðsm. á Eiríksstöðum. For.: Jón Jónsson b. á Skeggsstöðum og k.h. Björg Jónsdóttir. Barn: Guðmundur, f. um 1790 á Bergsstöðum, ráðsm. á Barkarstöðum, kv. Ingibjörgu Ólafsdóttur.

Athugasemd: Guðmundur Eyjólfsson var af sumum talinn launsonur Björns Jónssonar pr. í Bólstaðarhlíð.

(Skagfirzkar æviskrár 1850-1890 II, 124-126; Húnvetningasaga II, 453; Saga frá Skagfirðingum III, 89; Svipir og sagnir, 101; Föðurtún, 113; Skiptab. Hún. 26. febr. 1844; Skiptab. Skag. 17. júní 1844; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 4605, 4759 og 4760; Ættatölub. Ólafs Snóksdalíns, 335; Ættatölub. Sighvats Grímssonar Borgfirðings, 2433).

Sigvaldi Sigurðsson (1821-1869) Bóndi í Hvammi.

F. 7. febr. 1821 á Mosfelli í Svínadal, d. 24. des. 1869 í Litladal í Svínavatnshreppi. For.: Sigurður Þorleifsson b. í Gautsdal og f.k.h. Halldóra Ólafsdóttir. Fermdur í Auðkúlusókn 1836. Vinnumaður á Grund í Svínadal -1840-1846, í Litladal 1846-1848, í Ljótshólum í Svínadal 1848-1852, á Stóru-Giljá í Þingi 1852-1853, í Ljótshólum aftur 1853-1855 og á Refsstöðum á Laxárdal fremri 1855-1856. Ráðsmaður í Hvammi á Laxárdal 1856-1857. Bóndi í Hvammi 1857-1858 og á Holtastöðum í Langadal 1858-1861. Vinnumaður í Sólheimum í Svínavatnshreppi 1862-1866, á Reykjum á Reykjabraut 1866-1867 og í Litladal aftur 1867-1868. Húsmaður á Hamri á Bakásum 1868-1869. Síðast lausamaður í Litladal. – Kona, g. 17. apríl 1857, Guðrún Sigurðardóttir, f. 27. ágúst 1814 á Torfalæk á Ásum, d. 17. maí 1900 á Eiðsstöðum í Blöndudal, ekkja Jónasar Kristjánssonar b. á Brún. For.: Sigurður Sveinsson b. á Akri í Þingi og k.h. Þórunn Þorláksdóttir. Guðrún var húskona á Strjúgsstöðum 1861-1862 og á Kirkjuskarði á Laxárdal fremri 1862-1863, en bjó í Skarðsseli í Geitaskarði -1865-1866-. Hún var húskona í Grundarkoti 1868-1869 og á Neðri-Mýrum í Refasveit 1869-1871, en bjó í Holtastaðareit á Ásum 1871-1888. Þurfakona á Eiðsstöðum 1888 til æviloka. Barnlaus. Barnsmóðir: Kristín Kristjánsdóttir, f. 26. júní 1818 á Snæringsstöðum í Svínadal, d. 4. maí 1894 á Hrafnabjörgum í Svínadal, vk. á Grund. For.: Kristján Jónsson b. í Stóradal í Svínavatnshreppi og barnsm.h. Sigríður Jónsdóttir vk. á Snæringsstöðum. Kristín giftist síðar Benedikt Jónssyni b. á Mosfelli í Svínadal. Börn: Sveinn, f. 21. febr. 1841 á Grund, b. í Selhaga, kv. Ingibjörgu Hannesdóttur, átti einnig son með Stefaníu Stefánsdóttur. Helgi, f. 28. júlí 1844 á Grund, b. á Neðra-Skúfi í Norðurárdal, kv. Elínu Jónsdóttur. Barnsmóðir: Guðrún Magnúsdóttir, f. 19. nóv. 1829 í Stapa í Tungusveit, d. 17. okt. 1886 á Holtastöðum, vk. í Litladal. For.: Magnús Snæbjörnsson b. í Stafni og barnsm.h. Þóra Gunnlaugsdóttir húsk. í Stapa, síðar húsm. í Móbergsseli í Litla-Vatnsskarði. Guðrún var ekkja eftir Árna Jónsson b. á Stóru-Mörk. Barn: Sigurður, f. 18. maí 1868 á Holtastöðum, d. 16. okt. 1946 í Reykjavík, verkam. í Reykjavík, kv. Guðfinnu Þorvaldsdóttur.

Athugasemd: Sigvaldi er sagður koma frá Úlfagili að Sólheimum 1862 í skrám yfir innkoma í Prestsþjónustubók Svínavatnssóknar.

(Íslenzkar æviskrár V, 427-428; Borgfirzkar æviskrár X, 299; Skagfirzkar æviskrár 1850-1890 II, 36-38 og 290-293 og III, 100-102; Búsæld og barningur, 164-165; Svipir og sagnir, 143-144; Húnavaka 1994, 126-140; Steinárætt – Handrit Péturs Sigurðssonar á Skeggsstöðum).

Símon Egilsson (1724-1767) Bóndi í Finnstungu.

F. um 1724, d. 31. júlí 1767 í Blöndudalshólasókn. For.: Egill Árnason b. á Eyvindarstöðum og k.h. Jórunn Símonsdóttir. Búlaus á Eyvindarstöðum 1739-1741-. Bóndi í Tungunesi á Bakásum 1743-1747 og í Finnstungu -1751-1763-. Símoni var úthlutað gjafakorni 28. des. 1756. – Kona: Málfríður Þorkelsdóttir, f. um 1723, á lífi á Eyvindarstöðum 1792. For.: Þorkell Björnsson b. á Eyvindarstöðum og k.h. Guðríður Jónsdóttir. Árið 1762 voru hjá þeim einn drengur 12 ára og þrjár stúlkur 18, 8 og 7 ára. Börn: Jórunn, f. um 1744, var hjá foreldrum sínum í Blöndudalshólasókn 1755. Guðmundur, f. um 1750, b. á Syðri-Leifsstöðum, kv. Valgerði Illugadóttur. Málfríður, f. um 1752, g. fyrr Þorkeli Sigfússyni b. á Ípishóli á Langholti, síðar Júst Ólafssyni vm. í Tungu í Bolungarvík 1801. Guðríður, f. um 1753, g. Eiríki Jónssyni b. á Eyvindarstöðum.

Athugasemd: Símon er talin 38 ára í Manntali á Íslandi 1762, en 46 ára við andlát 1767 í Prestsþjónustubók Blöndudalshólaprestakalls.

(Biskupsskjalasafn B VII; Dómab. Hún. 22. maí 1792; Ættatölub. Jóns Espólíns, 607 og 1844-1845; Ættatölub. Sighvats Grímssonar Borgfirðings, 638).

Símon Gíslason (1640-1680?) Bóndi á Brandsstöðum.

F. nál. 1640. For. ókunnir. Bóndi á Brandsstöðum nál. 1680. Hann bjó á Brandsstöðum til æviloka, en ekki er vitað hvenær hann dó. – Kona: Þórunn Brandsdóttir, f. um 1645, á lífi á Brandsstöðum 1703. For. ókunnir. Þórunn bjó ekkja á Brandsstöðum -1699-1703-. Börn: Valgerður, f. um 1672, á lífi á Brandsstöðum 1738, var hjá móður sinni á Brandsstöðum 1703. Ingiríður, f. um 1680, d. í ágúst 1758 í Blöndudalshólasókn, var hjá móður sinni á Brandsstöðum 1703. Jón, f. um 1681, b. á Brandsstöðum, kv. Guðnýju Jónsdóttur. Ingveldur, f. um 1685, g. Ólafi Péturssyni b. á Kringlu á Ásum.

(Vorþeyr og vébönd, 228-229; Ættatölub. Ólafs Snóksdalíns, 536).

Símon Jónsson (1724-1777) Bóndi í Rugludal og Brandsstöðum.

F. um 1724, d. 18. maí 1777 á Brandsstöðum. For.: Jón Símonsson b. á Brandsstöðum og k.h. Guðný Jónsdóttir. Bóndi í Rugludal -1751-1752 og 1753-1757 og á Brandsstöðum 1757 til æviloka. Símon gaf vitnisburð um Teigana í Svartárdal 21. júní 1771. – Kona, g. 1745, Ingigerður Brandsdóttir, f. um 1723, d. 28. jan. 1783 á Brandsstöðum. For.: Brandur Salómonsson b. í Rugludal og k.h. Guðrún Jónsdóttir. Ingigerður bjó ekkja á Brandsstöðum 1777 til æviloka. Árið 1762 var hjá þeim ein stúlka 14 ára. Börn: Guðrún, f. um 1748, g. Gísla Jónssyni b. á Gili. Ólöf, f. um 1764 á Brandsstöðum, g. fyrr Birni Vigfússyni b. á Brandsstöðum, síðar Helga Þórðarsyni b. á Brandsstöðum.

Athugasemdir: 1) Símon er talin 38 ára í Manntali á Íslandi 1762, en 56 ára við andlát 1777 í Prestsþjónustubók Blöndudalshólaprestakalls. 2) Ingigerður er talin 39 ára í Manntali á Íslandi 1762, en 57 ára við andlát 1783 í Prestsþjónustubók Blöndudalshólaprestakalls.

(Vorþeyr og vébönd, 228-229; Dómab. Hún. 1. maí 1760, 14. maí 1761, 27. apríl 1770 og 21. júní 1771; Eiðsstaðaætt – Handrit Björns Bjarnasonar á Brandsstöðum; Ættatölub. Ólafs Snóksdalíns, 535).

Skúli Björnsson (1723-1785) Bóndi í Vatnshlíð.

F. um 1723, d. 7. maí 1785 á Núpi á Laxárdal fremri. For.: Björn Skúlason pr. á Hjaltastöðum í Blönduhlíð og k.h. Halldóra Stefánsdóttir. Bóndi á Stóru-Seylu á Langholti -1749-1750-, í Vatnshlíð -1751-1756 og á Geitaskarði í Langadal 1756-1759 og hafði jafnframt bú á Neðri-Mýrum í Refasveit 1758-1759-. Bóndi á Neðri-Mýrum -1762-1763-, á Neðstabæ í Norðurárdal -1773-1774, á Neðri-Mýrum aftur 1774-1780, á Blöndubakka í Refasveit 1780-1781 og á Neðri-Mýrum enn 1781-1784. Húsmaður á Núpi 1784 til æviloka. Skúli seldi Mýrarkot á Laxárdal fremri Árna Einarssyni bónda á Illugastöðum í Laxárdal ytri fyrir 30 ríkisdali 27. júlí 1774. – Kona: Svanhildur Þorgrímsdóttir, f. 1719 (sk. 20. des. 1719) í Fornhaga í Hörgárdal, d. 1. mars 1802 á Torfalæk á Ásum. For.: Þorgrímur Þorgrímsson b. í Mýrarkoti á Laxárdal fremri og f.k.h. Guðrún Sigfúsdóttir. Svanhildur var í skjóli Guðrúnar dóttur sinnar á Torfalæk 1785 til æviloka. Árið 1762 voru hjá þeim þrír drengir 13, 12 og 3 ára og tvær stúlkur 13 og 8 ára. Börn: Guðrún, f. um 1751 í Vatnshlíð, g. fyrr Erlendi Guðmundssyni b. á Torfalæk, síðar Ólafi Ingimundarsyni b. og stúdent á Torfalæk, átti áður dóttur með Bjarna Björnssyni b. á Neðra-Skúfi í Norðurárdal. Jón, f. um 1751, d. 1763 (gr. 19. júní 1763) í Höskuldsstaðasókn. Þorgrímur. (Ættatölub. Steingríms Jónssonar, 116). Barnsmóðir: Guðrún Sigurðardóttir, f. nál. 1745, vk. á Mánaskál á Laxárdal fremri. For. ókunnir. Barn: Hólmfríður, f. 1773 á Mánaskál, g. fyrr Gísla Árnasyni b. og hreppstj. í Hofstaðaseli í Hofstaðabyggð, síðar Jóhannesi Jónssyni b. og hreppstj. í Hofstaðaseli.

Athugasemd: Hólmfríður Skúladóttir var af sumum talin laundóttir Eggerts Eiríkssonar pr. í Glaumbæ á Langholti.

(Íslenzkar æviskrár I, 247, IV, 55-56 og V, 316; Skagfirzkar æviskrár 1850-1890 I, 120-121; Lögréttumannatal, 552; Ættir Skagfirðinga, 196; Dómab. Hún. 4. júlí 1778 og 27. maí 1786; Dómab. Skag. 25. nóv. 1749 og 6. maí 1750; Ættatölub. Jóns Espólíns, 2129 og 3920; Ættatölub. Ólafs Snóksdalíns, 283 og 534; Ættatölub. Steingríms Jónssonar, 116).

Skúli Einarsson (1555-1618?) Bóndi á Eiríksstöðum.

F. nál. 1555, á lífi í Bólstaðarhlíðarhreppi 1618. For.: Einar Þórarinsson b. í Bólstaðarhlíð og k.h. Guðrún Þorsteinsdóttir. Bóndi á Eiríksstöðum -1597-1598-. Skúli átti Eiríksstaði, Stafn og fleiri jarðir. Hann átti í deilu um Fossadal við Brynjólf Árnason prest á Bergsstöðum. – Kona, g. 18. okt. 1590, Steinunn Guðbrandsdóttir, f. 1571, d. 1649. For.: Guðbrandur Þorláksson biskup á Hólum í Hjaltadal og barnsm.h. Guðrún Gísladóttir vk. á Norðurlandi. Steinunn var á Miðgrund í Blönduhlíð -1630-1631-. Hún gaf Þorláki syni sínum svo mikið í Eiríksstöðum sem honum mætti til réttra erfðaskipta reiknast til móts við önnur hennar börn 6. sept. 1630. Börn: Þorlákur, f. 24. ágúst 1597 á Eiríksstöðum, biskup á Hólum, kv. Kristínu Gísladóttur. Björg, f. nál. 1595, g. Bergþóri Sæmundssyni b. og lögréttum. á Hjaltastöðum í Blönduhlíð. Halldóra, f. nál. 1595, g. Illuga Jónssyni b. og lögréttum. í Ási í Vatnsdal. Ingunn, f. nál. 1595, g. Magnúsi Jónssyni pr. á Mælifelli á Fremribyggð. Þorvaldur, f. nál. 1595, b. í Vindhælishreppi, kv. fyrst Guðrúnu Erlendsdóttur, svo Kolfinnu Þorleifsdóttur, síðast konu sem heimildir nafngreina ekki. Einar, f. nál. 1600, b. og umboðsm. á Hraunum í Fljótum, kv. Þuríði Sigurðardóttur, átti áður tvo syni, annan með Ragnhildi húsmóður á Hofdölum í Hofstaðabyggð. Björg, f. nál. 1605, g. Hrólfi Sigurðssyni sýslum. á Grýtubakka í Höfðahverfi. Guðrún, f. nál. 1605, g. Halldóri Teitssyni pr. í Gufudal í Gufudalssveit. Helga, f. nál. 1605, g. Þórði Gíslasyni pr. á Kvíabekk í Ólafsfirði. Sesselja, f. nál. 1605, g. Bárði Gíslasyni b. og lögréttum. í Vatnsdal í Fljótshlíð, átti áður barn með Jóni Brandssyni djákna á Þingeyrum. Valgerður, f. nál. 1605, g. Vigfúsi Árnasyni pr. á Hofi í Vopnafirði. Barnsmóðir: Guðríður Káradóttir, f. nál. 1560, vk. á Norðurlandi. For.: Kári b. í Bárðardal í Þingeyjarsýslu og k.h. Guðný Sigurðardóttir. Barn þeirra varð ekki langlíft.

(Íslenzkar æviskrár I, 114 og 152, II, 271-272, 376 og 389, III, 80 og 432, V, 43-44, 93-94 og 166-167 og VI, 446; Svarfdælingar II, 222-223; Íslenzkir Hafnarstúdentar, 14, 16 og 19; Biskupasögur Hins íslenzka bókmenntafélags II, 674, 691 og 703-708; Biskupasögur Sögufélagsins II, 71-74; Lögréttumannatal, 37-38, 47 og 248-249; Sýslumannaæfir I, 97-102, 508-511 og IV, 127-131 og 467-468; Föðurtún, 119-120; Húnavaka 1988, 107; Annálar 1400-1800 I, 152 og 181, II, 77 og 111 og III, 255; Hyllingarskjöl 1649, 49; Bréfab. Guðbrands byskups Þorlákssonar, 517, 624-626 og 641-643; Prestastefnudómar og bréfab. Gísla biskups Þorlákssonar, 336; Bréfab. Þorláks biskups Skúlasonar, xviii-xxi; JS. 597, 4to; Ættatölub. Jóns Espólíns, 4946-4976 og 5012; Ættatölub. Jóns Magnússonar, 436, 489-493 og 498; Ættatölub. Ólafs Snóksdalíns, 397, 406 og 691-696; Ættatölub. Steingríms Jónssonar, 881-885, 1318, 3322-3323, 3675 og 3687; Ættatölub. Þórðar Jónssonar, 101 og 254-258).

Skúli Friðrik Hjálmarsson (1822-1869) Vinnumaður í Selhaga.

F. 1. des. 1822 á Bakka í Öxnadal, d. 12. júní 1869 á Hæli á Ásum. For.: Hjálmar Jónsson b. og skáld á Minni-Ökrum í Blönduhlíð og k.h. Guðný Ólafsdóttir. Var hjá foreldrum sínum í Bólu í Blönduhlíð 1835 og fermdist í Silfrastaðasókn í Skagafjarðarsýslu 1838. Vinnumaður á Uppsölum í Blönduhlíð -1840-1841, í Selhaga 1841-1842, á Hrólfsstöðum í Blönduhlíð 1842-1843, í Sólheimagerði í Blönduhlíð 1843-1844, í Sólheimum í Svínavatnshreppi 1844-1846, í Sauðanesi á Ásum 1846-1848, á Sigríðarstöðum í Vesturhópi 1849-1850, í Ásbjarnarnesi í Vesturhópi 1850-1851 og á Beinakeldu á Reykjabraut 1851-1852. Bóndi í Grundarkoti 1852-1855. Vinnumaður á Beinakeldu aftur 1855-1856 og í Sauðanesi aftur 1856-1857. Húsmaður á Reykjum á Reykjabraut 1857-1858 og á Akri í Þingi 1858-1859. Bóndi í Giljárseli á Sauðadal 1859-1860. Húsmaður í Hafursstaðakoti á Skagaströnd 1860-1862. Vinnumaður á Balaskarði á Laxárdal fremri 1866-1867 og á Breiðavaði í Langadal 1867-1868. Lausamaður á Breiðavaði 1868-1869. Síðast húsmaður á Hæli. Skúli var greindur og gjörvilegur, lagvirkur og góður verkmaður, en enginn kappsmaður og fjárgæslumaður lítill. Hann var drengur góður og kom sér hvarvetna vel. – Kona, g. 6. sept. 1847, Solveig Jónsdóttir, f. 9. sept. 1817 í Köldukinn á Ásum, d. 8. maí 1855 í Grundarkoti. For.: Jón Oddsson b. á Orrastöðum á Ásum og s.k.h. Vilborg Jónsdóttir. Solveig ólst upp hjá móðurforeldrum sínum Jóni Einarssyni og Solveigu Jónsdóttur á Balaskarði og fermdist í Höskuldsstaðasókn 1832. Hún var vinnukona í Holti á Ásum 1837-1839-, á Hjaltabakka á Ásum -1840-1841, í Tungunesi á Bakásum 1841-1842, í Sauðanesi 1842-1843, í Sólheimum 1843-1846, í Sauðanesi aftur 1846-1848 og á Kringlu á Ásum 1848-1849, en húskona á Sigríðarstöðum 1849-1850. Vinnukona í Ásbjarnarnesi 1850-1851 og á Beinakeldu 1851-1852. Börn: Ósk, f. 19. ágúst 1845 í Sólheimum, d. 12. nóv. 1927 á Tindum á Ásum, vk. á Hrafnabjörgum í Svínadal 1890, óg. Guðbjörg, f. 22. okt. 1846 í Sauðanesi, d. 4. júní 1922 í Spanish Fork í Utah, g. Þorvarði Sigurðssyni smið í Spanish Fork. Solveig, f. 7. nóv. 1854 í Grundarkoti, d. 3. mars 1920 á Gunnsteinsstöðum, vk. á Hesteyri í Jökulfjörðum 1890, óg. Sambýliskona: Signý Pétursdóttir, f. 21. apríl 1830 á Halldórsstöðum í Laxárdal, d. 4. júlí 1908 á Jarlsstöðum í Bárðardal. For.: Pétur Jóhannesson b. í Hraungerði í Aðaldal og k.h. Elín Bessadóttir. Signý var hjá foreldrum sínum í Hraungerði 1840, en fermdist í Reykjahlíðarsókn í Þingeyjarsýslu 1844. Hún var vinnukona í Baldursheimi í Mývatnssveit 1845-1850, á Kálfaströnd í Mývatnssveit 1850-1851, á Ytri-Löngumýri í Blöndudal 1851-1852, á Litlu-Ásgeirá í Víðidal 1852-1854, á Beinakeldu 1854-1856, í Sauðanesi 1856-1857 og á Beinakeldu aftur 1857-1858. Hún var vinnukona á Akureyri 1862-1863, á Björk á Staðarbyggð 1863-1864, á Ytri-Tjörnum á Staðarbyggð 1864-1865, á Borgarhóli á Staðarbyggð 1865-1866, í Hólum í Reykjadal 1866-1867, á Brettingsstöðum í Laxárdal 1867-1869, á Einarsstöðum í Reykjadal 1869-1870, í Narfastaðaseli í Reykjadal 1870-1871, í Garði í Aðaldal 1871-1872 og á Ytra-Fjalli í Aðaldal 1872-1873. Bústýra á Syðri-Leikskálaá í Köldukinn 1873-1883, í Hellnaseli í Aðaldal 1883-1884, í Hafralækjargerði í Aðaldal 1884-1885-, á Nípá í Köldukinn -1888-1889 og á Björgum í Köldukinn 1889-1897. Húskona á Björgum 1897-1899. Þurfakona á Litlu-Tjörnum í Ljósavatnsskarði 1899-1902, á Öxará í Bárðardal 1902-1906 og í Svartárkoti í Bárðardal 1906-1907, en síðan á Jarlsstöðum. Signý varð blind í elli. Eftir að leiðir þeirra Skúla skildu, eignaðist hún barn með manni sem sendi henni skriflegt uppsagnarbréf, eftir að barnið fæddist. Signý sendi bréfið til ritstjóra Norðanfara og bað hann að birta það í blaðinu með eftirfarandi umsögn: ,,Þessar fáu línur, bið jeg yður heiðraði ritstjóri að taka í blað yðar, höfundinum til virðingar.” Varð ritstjórinn við þessum tilmælum. Börn: Magnús, f. 24. ágúst 1857 á Beinakeldu, d. 15. júní 1862 á sama stað. Helga María, f. 4. sept. 1859 í Giljárseli, d. 19. júní 1861 í Hafursstaðakoti. Jón, f. 27. ágúst 1861 í Hafursstaðakoti, d. 17. apríl 1862 á sama stað. Barnsmóðir: Hólmfríður Kristjánsdóttir, f. 1814 í Stóru-Brekku í Fljótum, d. 20. mars 1905 í Teigi í Óslandshlíð, vk. á Fjósum. For.: Kristján Jónsson b. á Hugljótsstöðum á Höfðaströnd og 1.k.h. Ingibjörg Sumarliðadóttir. Hólmfríður var bústýra á Spáná í Unadal 1849-1850. Barn: Guðvarður, f. 22. júlí 1842 á Fjósum, dr. 26. júlí 1863 í Eyhildarholtskvísl í Héraðsvötnum, vm. á Sjávarborg í Borgarsveit 1860, en síðast í Eyhildarholti, ókv. Barnsmóðir: Guðlaug Guðmundsdóttir, f. 1. apríl 1845 í Skrapatungu á Laxárdal fremri, d. 6. jan. 1884 á Hrafnagili í Laxárdal ytri, vk. í Skrapatungu. For.: Guðmundur Davíðsson b. í Skrapatungu og k.h. Ósk Þorkelsdóttir. Guðlaug giftist síðar Guðmundi Guðmundssyni b. á Ytra-Hóli á Skagaströnd. Barn: Guðmundur, f. 6. júlí 1867 í Skrapatungu, d. 9. júlí 1867 á sama stað. – Barnsfaðir Solveigar: Markús Snorrason, f. 12. okt. 1789 í Niðribæ í Flatey, d. 20. apríl 1867 á Skeggjastöðum á Skagaströnd, b. á Bakka á Skagaströnd. For.: Snorri Jakobsson vm. á Stóra-Eyrarlandi í Hrafnagilshr. 1801 og k.h. Málfríður Markúsdóttir. Barn: Jón, f. 30. des. 1838 í Holti, ráðsm. á Skinnastöðum á Ásum 1870, ókv. – Sambýlismaður Signýjar: Benedikt Jakobsson, f. 25. mars 1835 á Ófeigsstöðum í Köldukinn, d. 13. júní 1907 á Breiðumýri í Reykjadal, b. á Ytra-Fjalli 1865-1873 og á Syðri-Leikskálaá 1873-1883, en síðar húsmaður í Hellnaseli, í Hafralækjargerði, á Nípá og á Björgum. For.: Jakob Hallgrímsson b. á Ytra-Fjalli og k.h. Helga Jónsdóttir. Benedikt var hjá foreldrum sínum á Skriðulandi í Skriðuhverfi 1845 og fermdist í Múlasókn í Þingeyjarsýslu 1849. Hann var vinnumaður í Torfunesi í Köldukinn 1897-1898 og á Björgum 1898-1899, en í skjóli Önnu dóttur sinnar í Grjótárgerði í Bárðardal 1899-1903 og í skjóli Hallgríms sonar síns á Breiðumýri 1904 til æviloka. Benedikt varð blindur í elli. Barnlaus. Barnsfaðir Signýjar: Jón Jónsson, f. 7. júní 1831 í Efstalandskoti í Öxnadal, d. 31. júlí 1887 í Efsta-Samtúni í Kræklingahlíð, b. lengst á Helgustöðum í Fljótum, en síðast í Efsta-Samtúni. For.: Jón Hermannsson b. í Efstalandskoti og barnsm.h. Ásdís Jónsdóttir vk. í Efstalandskoti, síðar g. Svanlaugi Svanlaugssyni vm. í Stóra-Dunhaga í Hörgárdal. Barn: Pálína Helga, f. 9. apríl 1866 á Borgarhóli, d. 2. maí 1867 í Hólum í Reykjadal. – Kona Benedikts, g. 4. okt. 1860, Guðmunda Þórný Guðmundsdóttir, f. 4. jan. 1840 á Ytra-Fjalli, d. 16. apríl 1906 í Hellnaseli. For.: Guðmundur Jónsson b. og vefari í Tröllakoti á Tjörnesi og k.h. Helga Jónsdóttir. Guðmunda var hjá foreldrum sínum á Héðinshöfða á Tjörnesi 1850 og fermdist í Húsavíkursókn í Þingeyjarsýslu 1854. Hún bjó á Ytra-Fjalli 1873-1875 og á Hálsi í Köldukinn 1875-1878, en var húskona á Húsabakka í Aðaldal -1880-1881, á Núpum í Aðaldal 1881-1882-, í Garði í Aðaldal -1888-1889, á Tjörn í Aðaldal 1889-1892, í Garði aftur 1892-1893, á Tjörn aftur 1893-1896, á Hafralæk í Aðaldal 1896-1898. Hún var hjá Bjarna syni sínum í Hellnaseli 1898 til æviloka. Guðmunda var hagmælt. Benedikt og Guðmunda skildu. Börn: Bjarni, f. 6. nóv. 1863 á Ytra-Fjalli, b. í Hellnaseli, kv. Hólmfríði Eyjólfsdóttur. Margrét Jakobína, f. 29. okt. 1864 á Ytra-Fjalli, d. 25. mars 1955 á Skútustöðum í Mývatnssveit, vk. á Arnarvatni í Mývatnssveit 1910, óg. Guðmundur, f. 27. mars 1866 á Ytra-Fjalli, d. 5. sept. 1866 á sama stað. Helga Jónína, f. 3. sept. 1867 á Ytra-Fjalli, g. Jakob Pétri Hallgrímssyni b. í Fossseli í Reykjadal. Hallgrímur, f. 25. nóv. 1868 á Ytra-Fjalli, b. á Breiðumýri, kv. Guðnýju Bjarnadóttur. Kristín Sigríður, f. 29. jan. 1870 á Ytra-Fjalli, d. 27. des. 1937 á Helgastöðum í Reykjadal, lausak. á Halldórsstöðum í Laxárdal 1910, óg. Guðný Hólmfríður, f. 18. okt. 1871 á Ytra-Fjalli, g. Jóni Þórðarsyni b. á Jódísarstöðum í Skriðuhverfi. Anna Pálína, f. 13. maí 1873 á Ytra-Fjalli, g. Halldóri Marteinssyni b. í Grjótárgerði.

(Íslenzkar æviskrár II, 355; Laxdælir, 188-189; Skagfirzkar æviskrár 1850-1890 II, 24-25, IV, 226-229 og V, 27 og 185-188; Bólu-Hjálmar – Niðjar og ævi, 17-20; Hraunkotsættin, 112-115; Reykjahlíðarætt II, 969-970; Ættir Þingeyinga III, 179-180, X, 246-253 og 458 og XIV, 353-357; Svipir og sagnir, 182-192; Ritsafn Bólu-Hjálmars III, 259-261; Ritsafn Eiðs Guðmundssonar á Þúfnavöllum I, 138-139 og II, 61; Sagnir um slysfarir í Skefilsstaðahreppi, 141-145; Skagfirzkur annáll 1847-1947 I, 74; Almanak Ólafs Thorgeirssonar 1923, 103; Alþýðublað Hafnarfjarðar 19. júní 1975; Heimskringla 6. júlí 1911; Norðanfari 26. mars 1867; Skiptab. Hún. 7. nóv. 1855).

Skúli Illugason (1700-1744) Bóndi og Prestur á Bergsstöðum.

F. 1700 í Nesi í Höfðahverfi, d. 1744 (gr. 16. júlí 1744) á Ósi í Hörgárdal. For.: Illugi Jónsson b. og smiður í Nesi og k.h. Þorgerður Sigurðardóttir. Var hjá foreldrum sínum í Nesi 1703. Lærði í Hólaskóla og var síðan þénari hjá Steini Jónssyni biskupi á Hólum í Hjaltadal um skeið. Vígðist til Bergsstaða í apríl eða í maí 1726, en varð að rýma staðinn sama ár fyrir séra Birni Magnússyni sem hafði fengið konungsveitingu fyrir brauðinu. Bóndi á Bergsstöðum hluta af árinu 1726. Búsettur á Seylu á Langholti 1726-1727. Bóndi á Reistará á Galmaströnd -1734-1735 og á Ósi 1735 til æviloka. Hann var sóknarprestur í Bergsstaðaprestakalli 1725-1726, í Glaumbæjarprestakalli í Skagafjarðarprófastsdæmi 1726-1727 og í Möðruvallaklaustursprestakalli í Eyjafjarðarprófastsdæmi 1727 til æviloka. Séra Skúli var listaskrifari og orðlagður söngmaður. Hann seldi Þorvaldi Sigurðssyni 7 og hálft hundrað í Syðra-Kambhóli á Galmaströnd fyrir 8 hundruð lausafjár 30. ágúst 1727. – Kona, g. 17. okt. 1734, Helga Tómasdóttir, f. 1715 (sk. 26. jan. 1715) á Ósi, d. 23. okt. 1785 í Vogum í Mývatnssveit. For.: Tómas Tómasson b. og hreppstj. á Ósi og k.h. Þóranna Þorláksdóttir. Helga bjó ekkja á Ósi 1744-1746, en giftist þá Jóni Þórarinssyni b. á Ósi. Hún var síðast í skjóli Ólafar dóttur sinnar í Vogum, ,,átti 16 börn, 24 barnabörn”, ritar tengdasonur hennar í kirkjubók við greftrun hennar. Börn: Þóreiður, f. 1735 (sk. 26. jan. 1735) á Reistará, d. 1735 (gr. 3. apríl 1735) á sama stað. Tómas, f. 1736 (sk. 2. febr. 1736) á Ósi, pr. á Grenjaðarstað í Aðaldal, kv. fyrr Álfheiði Einarsdóttur, síðar Ólöfu Þorgeirsdóttur. Erlendur, f. 1737 (sk. 21. ágúst 1737) á Ósi. Þuríður, f. 1739 (sk. 25. des. 1739) á Ósi, g. fyrr Sveini Halldórssyni b. á Syðri-Bægisá í Öxnadal, síðar Marteini Guðmundssyni b. á Grund í Svínadal. Hildur, f. 1741 (sk. 5. jan. 1741) á Ósi, d. 1741 (gr. 19. nóv. 1741) á sama stað. Benedikt, f. 1742 (sk. 30. ágúst 1742) á Ósi, d. 1742 (gr. 21. nóv. 1742) á sama stað. Skúli, f. 1744 (sk. 10. okt. 1744) á Ósi, sigldi til að læra handverk. Ennfremur eru þau hjón ranglega talin hafa átt son með Jónsnafni. – Seinni maður Helgu, g. 18. jan. 1746, Jón Þórarinsson, f. 1711 í Stærra-Árskógi á Árskógsströnd, d. 28. júlí 1791 á Myrká í Hörgárdal, b. á Ósi 1746-1748, á Eyjardalsá í Bárðardal 1748-1752 og í Vogum 1752-1777. For.: Þórarinn Jónsson pr. í Nesi í Aðaldal og 3.k.h. Ragnhildur Illugadóttir. Jón lærði í Hólaskóla og varð stúdent þaðan 1742. Var síðan skrifari hjá Skúla Magnússyni sýslumanni á Stóru-Ökrum í Blönduhlíð um skeið. Hann vígðist til Eyjadalsár 28. jan. 1748 og var sóknarprestur í Eyjardalsárprestakalli í Þingeyjarprófastsdæmi 1748-1752 og í Mývatnsþingum í Þingeyjarprófastsdæmi 1752-1777. Hann var í skjóli Þórarins sonar síns á Lækjarbakka í Hörgárdal 1782-1785 og á Myrká 1785 til æviloka, ,,átti 8 börn, 4 pilta, 4 stúlkur, 2 synir hans embættismenn”, ritar sonur hans í kirkjubók við greftrun hans. Séra Jón var sæmilega að sér og góður skrifari, en heilsutæpur og mjög fátækur. Almannarómur eignaði honum eitt barn sem skrifað var á annan. Árið 1762 voru hjá þeim Jóni og Helgu fjórir drengir 18, 15, 10 og 3 ára og fjórar stúlkur 22, 14, 13 og 12 ára. Börn: Jón, f. 1746 (sk. 2. okt. 1746) á Ósi, nemi á Hólum í Hjaltadal 1763-1765. Guðmundur, f. 1747 (sk. 23. ágúst 1747) á Ósi, b. á Krónustöðum í Saurbæjarhreppi, kv. Guðbjörgu Halldórsdóttur. Ólöf, f. um 1748, g. Einari Hjaltasyni pr. í Vogum 1785, en á Arnarvatni í Mývatnssveit 1801. Helga, f. um 1750, vk. á Myrká 1785, en í Núpufelli í Saurbæjarhreppi 1801, óg. Sigríður, f. um 1752, g. Jóni Jónssyni b. í Hólsgerði í Saurbæjarhreppi. Þórarinn, f. 1755 í Vogum, pr. og skáld á Myrká 1785, en síðast í Múla í Aðaldal, kv. Guðrúnu Stefánsdóttur. Benedikt, f. 13. nóv. 1760 í Vogum, yfirdómari og skáld í Nesi við Seltjörn, kv. Þuríði Ólafsdóttur. Hann tók sér ættarnafnið Gröndal. Guðrún, dó ung. (Ættatölub. Jóns Espólíns, 209; Ættatölub. Steingríms Jónssonar, 305).

Athugasemdir: 1) Hægt er að láta sér til hugar koma að Skúli Illugason kunni að hafa búið í Auðbrekku 1727-1731-. 2) Jón Þórarinsson er talin 50 ára í Manntali á Íslandi 1762, en 82 ára við andlát 1791 í Prestsþjónustubók Myrkársóknar.

(Íslenzkar æviskrár I, 123-124 og 359, III, 144 og 303, IV, 290-291 og V, 17, 73 og 75; Svarfdælingar I, 106-108, Íslenzkir Hafnarstúdentar, 109-110 og 131-132; Lögfræðingatal I, 220-221; Sýslumannaæfir I, 250-251; Ættir Austfirðinga, 1460-1461; Ættir Þingeyinga VII, 109 og 187; Ritsafn Eiðs Guðmundssonar á Þúfnavöllum I, 80 og II, 170-171; Annálar 1400-1800 IV, 483, V, 201 og VI, 58 og 317; Alþingisb. XI, 559; ÍB. 50, 4to; Lbs. 472, 8vo; Æfir lærðra manna (þættir Jóns Þórarinssonar í Vogum og Skúla Illugasonar á Ósi); Prestaæfir Sighvats Grímssonar Borgfirðings (þættir Jóns Þórarinssonar í Vogum og Skúla Illugasonar á Ósi); Ættatölub. Jóns Espólíns, 608-609, 4162-4167, 5022 og 5141; Ættatölub. Ólafs Snóksdalíns, 283, 479 og 546-547; Ættatölub. Steingríms Jónssonar, 15b, 87, 305 og 3921).

Soffía Jónsdóttir (1789-1878) Bústýra á Brandsstöðum.

F. um 1789 í Reynistaðarsókn í Skagafjarðarsýslu, d. 16. nóv. 1878 á Reykjavöllum á Neðribyggð. For.: Jón Dagsson b. á Syðra-Mallandi á Skaga og k.h. Guðrún Guðmundsdóttir. Var hjá föðurbróður sínum Jóni Dagssyni á Heiði í Gönguskörðum 1801. Vinnukona á Heiði -1821-1822 og á Ytri-Mælifellsá á Efribyggð 1822-1823-. Bústýra á Reykjavöllum -1824-1834. Húskona á Reykjavöllum 1834-1835. Bústýra á Brandsstöðum 1835-1836. Vinnukona á Brandsstöðum 1836-1837. Bústýra á Bessastöðum í Sæmundarhlíð 1837-1839, á Tunguhálsi í Tungusveit 1839-1840 og í Breiðargerði í Tungusveit 1840-1850. Þurfakona í Breiðargerði 1850-1851 og á Tunguhálsi 1851-1853. Bústýra hjá fóstursyni sínum Ólafi Eyjólfssyni í Villinganesi í Tungusveit 1853-1856, í Héraðsdal í Tungusveit 1856-1861, á Gvendarstöðum á Staðarfjöllum 1861-1863 og í Brennigerði í Borgarsveit 1863-1864. Hún var með Ólafi í Glaumbæ á Langholti 1864-1865, á Krithóli á Neðribyggð 1865-1866, á Vindheimum í Tungusveit 1866-1868, í Villinganesi 1868-1870, á Breið í Tungusveit 1870-1871, á Reykjum í Tungusveit 1871-1873 og á Krithóli aftur 1873-1874, hjá honum í Reykjaseli í Mælifellsdal 1874-1876 og í Valagerði á Skörðum 1876-1877, en með honum á Reykjavöllum 1877 til æviloka. Við húsvitjun í Glaumbæjarprestakalli 1865 er Soffía sögð allgreind. – Sambýlismaður: Þorsteinn Pálsson, f. 1768 á Steinsstöðum í Tungusveit, d. 9. jan. 1834 á Reykjavöllum, b. á Reykjavöllum 1795-1818 og 1822 til æviloka. For.: Páll Sveinsson b. og silfursmiður á Steinsstöðum og k.h. Guðrún Jónsdóttir. Hann var búlaus á Reykjavöllum 1818-1822. Þorsteinn var grannlegur og skarpleitur, ör og hreinlyndur, þrifinn og iðjusamur, vel að sér og skáldmæltur. Hann orti bæjavísur um bændur í Lýtingsstaðahreppi, nokkur brúðkaupsljóð og eina rímu sem hann kallaði Ásgarðsför. Hann var hreppstjóri í Lýtingsstaðahreppi 1796-1801. Barn: Guðrún, f. 9. júlí 1824 á Reykjavöllum, d. 8. maí 1826 á sama stað. – Kona Þorsteins, g. 12. júní 1794, Ingibjörg Skúladóttir, f. um 1766, d. 17. okt. 1815 á Reykjavöllum. For.: Skúli Sveinsson b. á Skíðastöðum á Neðribyggð og k.h. Vigdís Þorfinnsdóttir. Hún var vinnukona í Brekkukoti á Efribyggð -1791-1792-. Börn: Páll, f. 6. maí 1795 á Reykjavöllum, b. og skáld á Grænhóli í Borgarsveit, kv. Gunnvöru Rafnsdóttur. Guðrún, f. 14. sept. 1796 á Reykjavöllum, d. 26. okt. 1796 á sama stað. Guðrún, f. 10. jan. 1798 á Reykjavöllum, g. fyrr Bjarna Jónssyni b. og skyttu á Sjávarborg í Borgarsveit, síðar Sigvalda Jónssyni b. og skáldi á Sjávarborg. Rannveig, f. 23. febr. 1799 á Reykjavöllum, d. 8. júní 1799 á sama stað. Rannveig, f. 2. júní 1800 á Reykjavöllum, d. 26. júní 1800 á sama stað. Vigdís, f. um 1802, d. 16. júlí 1810 á Reykjavöllum. Guðmundur, f. 27. apríl 1803 á Reykjavöllum, dr. í sept. 1834 í Héraðsvötnum í Skagafjarðarsýslu, vm. í Skagafjarðarsýslu. Skúli, f. 13. mars 1807 á Reykjavöllum, b. á Reykjavöllum, kv. Ingiríði Þorkelsdóttur. María, f. 10. júlí 1808 á Reykjavöllum, g. Sölva Guðmundssyni b. og hreppstj. á Sjávarborg. – Barnsfaðir Ingibjargar: Gísli Árnason, f. um 1769, d. 26. maí 1815 í Hofstaðaseli í Hofstaðabyggð, b. og hreppstj. í Hofstaðaseli. For.: Árni Tómasson b. á Reykjavöllum og k.h. Engilráð Jónsdóttir, síðar g. Sigurði Jónssyni b. á Reykjavöllum, en síðar í Stafni. Barn: Rannveig, f. 3. jan. 1792 í Brekkukoti, d. 1798 (gr. 18. júní 1798) á Reykjavöllum.

(Íslenzkar æviskrár IV, 149 og 281 og V, 225; Skagfirzkar æviskrár 1850-1890 I, 235-237 og 260-261, II, 75-77 og III, 177-178; Kennaratal á Íslandi II, 160-161; Ljósmæður á Íslandi I, 195; Rímnatal II, 149-150; Saga frá Skagfirðingum I, 117 og 175, II, 57, 58, 61, 83, 87, 97, 100 og 169 og III, 25, 44, 72-73, 91, 107, 166, 172 og 174; Ritsafn Stefáns Jónssonar á Höskuldsstöðum I, 140; Sagnaþættir Gísla Konráðssonar, 145-163; Syrpa úr handritum Gísla Konráðssonar II, 134-147; Sagnablöð hin nýju, 148-164; Sagnir um slysfarir í Skefilsstaðahreppi, 27-32; Skagfirðingabók 1966, 164-184 og 1990, 105; Dómab. Skag. 9. maí 1796 og 9. júní 1801; Skiptab. Skag. 26. apríl 1785 og 3. júní, 27. okt. og 2. nóv. 1815; Ábúendatal í Staðarhreppi – Handrit Jóns Sigurðssonar á Reynistað, 284; Lbs. 696, 8vo (Minnisbók Jóns Espólíns); Ættatölub. Jóns Espólíns, 3950).

Sólmundur Jónsson (1783-1843) Bóndi í Ytri-Mjóadal.

F. 1783 (sk. 31. júní 1783) í Hjallabúð á Brimilsvöllum, d. 6. maí 1843 í Ytri-Mjóadal. For. ókunnir. Ráðsmaður í Ytri-Mjóadal -1813-1814. Bóndi í Ytri-Mjóadal 1814-1839, en var í skjóli Björns stjúpsonar síns á sama stað 1839 til æviloka. Sólmundur var skýrleiksmaður. – Kona, g. 1814, Guðrún Ólafsdóttir, f. um 1769 í Mjóadal, d. 28. des. 1845 í Ytri-Mjóadal, ekkja Þorleifs Þorleifssonar b. í Ytri-Mjóadal. For.: Ólafur Arason b. í Ytri-Mjóadal og k.h. Guðrún Illugadóttir. Guðrún var í skjóli Björns sonar síns í Ytri-Mjóadal 1839 til æviloka. Barnlaus.

(Ættatölub. Jóns Espólíns, 1183 og 6843-6844; Ættatölub. Ólafs Snóksdalíns, 496-497 (innskotsblöð).

Sólrún Benediktsdóttir (1747-1827) Ekkja á Skeggstöðum.

F. um 1747 á Geitaskarði í Langadal, d. 27. júní 1827 á Brandsstöðum. For.: Benedikt Benediktsson b. í Bólstaðarhlíð og k.h. Katrín. Var hjá foreldrum sínum í Holtastaðasókn 1755. Húsmóðir í Hvammi í Langadal -1773-1774, í Holtastaðakoti í Langadal 1774-1775 og á Akri í Þingi 1775-1777. Búlaus með manni sínum á Reykjum á Reykjabraut 1777-1778. Húsmóðir í Meðalheimi á Ásum 1778-1780 og í Holti á Ásum 1780-1783-. Búlaus á Skeggsstöðum 1787-1788, þá ekkja. Hún bjó ekkja á Skeggsstöðum 1788-1789, en var búlaus á Gili 1791-1792, í Bólstaðarhlíðarhreppi 1792-1793, í Finnstungu 1793-1797- og í Bólstaðarhlíðarhreppi 1798-1799. Vinnukona í Litladal í Svínavatnshreppi 1804-1805-, en var í skjóli systurdóttur sinnar Halldóru Ólafsdóttur á Hrafnabjörgum í Svínadal -1816-1817 og í skjóli systur sinnar Guðrúnar Benediktsdóttur á Geithömrum í Svínadal 1817-1818. – Maður, g. 1771, Jón Jónsson, f. nál. 1740, á lífi í Holti 1783. For. ókunnir. Ókunnugt um börn.

Athugasemd: Hægt er að láta sér til hugar koma að Jón og Sólrún kunni að hafa búið í Skrapatungu á Laxárdal fremri 1783-1785. Þá bjó þar maður að nafni Jón Jónsson, en kvonfang hans verður ekki greint. Hann dó 1784 eða 1785.

(Biskupsskjalasafn B VII; Sýsluskj. Hún. XV, 4, 21. apríl og 7. og 8. júní 1797 og 16. febr. 1799 (dánarbú Þorsteins Benediktssonar á Stóru-Giljá).

Solveig Sæmundsdóttir (1668-1755) Húsmóðir á Hóli.

F. um 1668, d. 20. nóv. 1755 á Eiðsstöðum í Blöndudal. For. ókunnir. Vinnukona á Auðólfsstöðum -1702-1703-. Húsmóðir á Hóli -1734-1735-, þá ekkja, en var síðast í skjóli Helgu dóttur sinnar á Eiðsstöðum. Maður: Jón. Börn: Helga, f. um 1710, g. Guðmundi Bjarnasyni b. á Hóli. Þórunn, f. nál. 1710, vk. á Hóli.

Athugasemd: 1) Jón Jónsson gaf vitnisburð um Teigana í Svartárdal 21. júní 1771. Í þeim vitnisburði sagði hann mæðgurnar Solveigu Sæmundsdóttur og Þórunni Jónsdóttur hafa verið á Hóli 10 ár. 2) Það er afar sennilegt að eiginmaður Solveigar hafi verið Jón Bjarnason bóndi á Hóli.

(Dómab. Hún. 21. júní og 1. okt. 1771).

Stefán Ásmundsson (1826-1908) Bóndi á Kúfustöðum.

F. 26. nóv. 1826 í Eyhildarholti í Hegranesi, d. 10. júlí 1908 í Rípursókn í Skagafjarðarsýslu. For.: Ásmundur Þorbergsson b. í Hamarsgerði á Fremribyggð og barnsm.h. Björg Þórðardóttir vk. í Eyhildarholti, síðar g. Guðmundi Magnússyni b. í Selhaga. Var hjá móður sinni í Syðra-Vallholti í Vallhólmi 1835, en fermdist í Reykjasókn í Skagafjarðarsýslu 1841. Vinnumaður á Reykjum í Tungusveit 1845-1846, en hjá móður sinni og stjúpa í Reykjaseli í Mælifellsdal 1846-1848. Vinnumaður í Stafni 1848-1850. Bóndi á Kúfustöðum 1850-1851. Vinnumaður á Torfustöðum 1851-1852, í Bjarnastaðahlíð í Vesturdal 1852-1853, á Ytri-Mælifellsá á Efribyggð 1853-1854 og í Sölvanesi á Fremribyggð 1854-1855, en hjá föður sínum og stjúpu í Hamarsgerði 1855-1859. Bóndi í Grænhóli í Borgarsveit 1859-1862 og 1867-1870 og í Beingarði í Hegranesi 1870-1905. Hann var á sveitarframfæri í Garði í Hegranesi 1905-1908. Stefán var tæplega meðalmaður á vöxt, dökkur á hár, harðgjör og þróttmikill, snarmenni í hreyfingum á yngri árum og áhugasamur um að leysa verk sín vel úr hendi. Hann var mikill hestamaður og fór með fleiri Skagfirðingum suður Kjalveg um hávetur til að kaupa hunda í Árnessýslu, þegar hundafár gekk í Skagafirði. – Fyrsta kona, g. 31. maí 1850, Svanborg Oddsdóttir, f. 11. júní 1819 í Bjarnastaðahlíð, d. 10. sept. 1852 á sama stað. For.: Oddur Jónsson b. á Þorsteinsstöðum í Tungusveit og k.h. Ingibjörg Brynjólfsdóttir. Svanborg fermdist í Mælifellssókn í Skagafjarðarsýslu 1834. Hún var vinnukona á Brúnastöðum í Tungusveit 1837-1839, á Hóli 1839-1843-, á Brún -1844-1849 og í Stafni 1849-1850, en á Torfustöðum 1851-1852 og síðast í Bjarnastaðahlíð. Börn: Björg, f. 25. júlí 1850 á Kúfustöðum, d. 18. mars 1924 á Steini á Reykjaströnd, vk. á Sauðá í Borgarsveit 1890, óg., en átti syni með Júlínusi Jónassyni vm. á Skálá í Sléttuhlíð 1880 og Jóni Jónssyni b. á Hólabaki í Þingi, einn með hvorum. María, f. 25. júní 1851 á Kúfustöðum, d. 11. júní 1852 í Kálfárdal. Ásmundur, f. 1852, d. 23. sept. 1852 í Bjarnastaðahlíð. Önnur kona, g. 16. júní 1858, Guðrún Stefánsdóttir, f. um 1816 á Nýlendi á Höfðaströnd, d. 13. nóv. 1865 á Þverá í Blönduhlíð, ekkja Friðbergs Einarssonar b. á Hofi á Höfðaströnd. For.: Stefán Þorbergsson b. í Hvammkoti á Höfðaströnd og k.h. Guðrún Eiríksdóttir. Guðrún var hjá foreldrum sínum á Nýlendi 1835. Hún var vinnukona á Nýlendi 1843-1844, í Neðra-Ási í Hjaltadal 1844-1846, í Viðvík í Viðvíkursveit 1846-1849, á Þverá í Blönduhlíð 1849-1850, á Merkigili í Austurdal 1850-1856 og í Hamarsgerði 1857-1859, en síðast aftur á Þverá. Stefán og Guðrún voru bræðrabörn. Barnlaus. Þriðja kona, g. 1869, Anna Þóra Jósefsdóttir, f. 6. okt. 1845 á Sævarlandi í Laxárdal ytri, d. 19. febr. 1905 í Rípursókn. For.: Jósef Gíslason b. á Ferjuklöpp í Langadal og barnsm.h. Guðrún Sveinsdóttir heimasæta á Sævarlandi, síðar bústýra á Neðstabæ í Norðurárdal. Anna var með móður sinni á Sævarlandi 1845 og fermdist í Ketusókn á Skaga 1860. Hún var vinnukona í Hafursstaðakoti á Skagaströnd 1861-1862, á Björnólfsstöðum í Langadal 1862-1865, á Mælifelli á Fremribyggð 1865-1867 og á Sjávarborg í Borgarsveit 1867-1868-. Barnlaus. Barnsmóðir: Una Jóhannesdóttir, f. 16. jan. 1824 í Minna-Holti í Fljótum, d. 18. jan. 1891 á Fossum, vk. í Kolgröf á Efribyggð. For.: Jóhannes Guðvarðsson b. á Sigríðarstöðum í Flókadal og k.h. Sigríður Ólafsdóttir. Una giftist síðar Halldóri Jónassyni b. í Syðra-Tungukoti. Barn: Una, f. 24. maí 1856 í Kolgröf, d. 20. apríl 1858 á sama stað. – Barnsfaðir Svanborgar: Guðmundur Jónsson, f. 18. okt. 1808 á Eyvindarstöðum, d. 26. okt. 1885 á Brún, b. á Brún. For.: Jón Bjarnason b. á Eyvindarstöðum og k.h. Ingiríður Guðmundsdóttir. Barn: Sigríður, f. 16. nóv. 1842 á Hóli, g. Bjarna Krákssyni b. á Hraunshöfða í Öxnadal. Barnsfaðir Svanborgar: Björn Björnsson, f. 22. maí 1814 í Vorsabæjarhól í Gaulverjabæjarhreppi, vm. á Eyjólfsstöðum í Vatnsdal 1845. For.: Björn Erlendsson b. í Vorsabæjarhól og s.k.h. Kristín Þórarinsdóttir. Barn: Kristín, f. 26. sept. 1845 á Brún, g. Níelsi Pálssyni b. í Laxholti í Borgarhreppi. Barnsfaðir Svanborgar: Jón Sigurðsson, f. 10. júlí 1806 á Völlum í Vallhólmi, d. 17. júní 1859 í Málmey á Skagafirði, b. á Brún. For.: Sigurður Jónsson b. í Stafni og s.k.h. Helga Jónsdóttir. Barn: Eiríkur, f. 24. okt. 1848 á Brún, smali á Kúfustöðum 1870, ókv. – Fyrri maður Guðrúnar, g. 16. okt. 1838, Friðbergur Einarsson, f. 9. júlí 1807 á Molastöðum í Fljótum, d. 4. febr. 1843 á Hofi á Höfðaströnd, b. á Reykjarhóli í Fljótum 1832-1834, í Hvammkoti á Höfðaströnd 1837-1838, í Þrastarstaðagerði á Höfðaströnd 1839-1840 og á Hofi 1840 til æviloka. For.: Einar Jónsson b. á Reykjarhóli og f.k.h. Guðrún Þorleifsdóttir. Friðbergur var hjá föður sínum á Stóru-Þverá í Fljótum 1816 og fermdist í Holtssókn í Skagafjarðarsýslu 1821. Hann var vinnumaður í Viðvík 1834-1835 og á Hofsósi 1835-1837. Friðbergur var vel að sér. Börn: Stefán Friðrik, f. 1. ágúst 1839 í Þrastarstaðagerði, d. 23. apríl 1898 á Þórarinsstaðaeyrum í Seyðisfirði, sjóm. á Bæjarstæði í Seyðisfirði 1890, kv. Guðnýju Guðmundsdóttur. Jóhann, f. 27. júlí 1840 á Hofi, d. 21. júní 1898 á Grímsnesi á Látraströnd, vm. á Hóli í Þorgeirsfirði 1880, kv. Sigríði Davíðsdóttur, átti áður tvíburastúlkur með Sigurbjörgu Jóhannesdóttur. – Barnsfaðir Önnu: Jón Jónsson, f. 19. sept. 1807 í Holti í Svínadal, d. 4. sept. 1893 í Winnipeg í Manitoba, b. á Björnólfsstöðum í Langadal. For.: Jón Jónsson b. á Syðra-Hóli á Skagaströnd og k.h. Halldóra Ingjaldsdóttir. Barn: Ingibjörg, f. 2. jan. 1866 á Mælifelli. – Fyrri kona Friðbergs, g. 1. okt. 1831, Anna Jónsdóttir, f. 11. jan. 1815 í Stóra-Holti í Fljótum, d. 31. mars 1838 í Hvammkoti. For.: Jón Ólafsson b. í Stóra-Holti og s.k.h. Halldóra Jónsdóttir. Anna var hjá foreldrum sínum í Stóra-Holti 1816 og fermdist í Holtssókn 1829. Börn: Magnús, f. 5. sept. 1833 á Reykjarhóli, d. 3. nóv. 1833 á sama stað. Einar, f. 17. ágúst 1835 á Hofsósi, d. 11. júní 1854 í Stóru-Brekku á Höfðaströnd, síðast vm. í Stóru-Brekku, ókv. Ólafur, f. 2. febr. 1837 á Hofsósi, d. 6. febr. 1837 í Gröf á Höfðaströnd.

Athugasemd: Það er afar sennilegt að Stefán hafi verið ráðsmaður hjá móður sinni í Grænhóli á árabilinu 1862-1867.

(Borgfirzkar æviskrár VIII, 48; Skagfirzkar æviskrár 1890-1910 I, 15-16 og 75, II, 184-186 og 298-301, III, 226-227, IV, 116-117, V, 222-225 og VI, 43-45; Skagfirzkar æviskrár 1890-1910 I, 291-292 og II, 167-169; Ættir Þingeyinga XIV, 279-287; Ritsafn Eiðs Guðmundssonar á Þúfnavöllum II, 65; Sagnaþættir Gísla Konráðssonar, 76-77 og 81-82; Syrpa úr handritum Gísla Konráðssonar II, 261-262 og 265; Húnavaka 1978, 68-69; Skiptab. Hún. 5. okt. 1854; Skiptab. Skag. 9. okt. 1838 og 27. des. 1854; Ábúendatal í Staðarhreppi – Handrit Jóns Sigurðssonar á Reynistað, 113 og 197; Ættatölub. Jóns Espólíns, 4608 og 4609).

Stefán Halldórsson (1811-1877) Bóndi á Strjúgsstöðum.

f. 28. júní 1811 á Strjúgsstöðum, d. 22. júlí 1877 í Köldukinn á Ásum. For.: Halldór Jónsson b. á Strjúgsstöðum og k.h. Helga Jónsdóttir. Var hjá foreldrum sínum á Strjúgsstöðum 1816 og fermdist í Þingeyrasókn 1828. Vinnumaður í Vatnsdalshólum í Vatnsdal 1834-1836, á Ytri-Löngumýri í Blöndudal -1840-1841, á Kirkjuskarði á Laxárdal fremri 1841-1842- og á Móbergi í Langadal -1845-1846-. Bóndi á Strjúgsstöðum 1847-1860. Vinnumaður á Höllustöðum í Blöndudal 1860-1862. Bóndi á Kirkjuskarði 1862-1863, á Þorbrandsstöðum í Langadal 1863-1864 og í Glaumbæ í Langadal 1864-1865. Vinnumaður í Köldukinn 1865-1866 og á Höllustöðum 1866 til æviloka. Hann var jarðsettur á Holtastöðum í Langadal, væntanlega að eigin ósk. – Kona, g. 12. des. 1852, Anna Sveinsdóttir, f. 10. apríl 1826 í Köldukinn, d. 8. maí 1894 á Þingeyrum í Þingi. For.: Sveinn Jónsson b. í Köldukinn og f.k.h. Helga Gísladóttir. Anna var fóstruð af föðurbróður sínum Gísla Jónssyni og seinni konu hans Sigþrúði Hannesdóttur í Köldukinn, og fermdist í Hjaltabakkasókn 1841. Hún bjó á Holtastöðum 1860-1862, en var vinnukona í Köldukinn 1865-1867. Hún var húskona í Glaumbæ 1867-1868, á Móbergi 1868-1870 og í Köldukinn 1870-1879, en bjó ekkja á Geitabóli á Sauðadal 1879-1884. Húskona í Brekkukoti í Þingi 1884-1886. Vinnukona í Brekkukoti 1886-1888. Hún var tökukona á Reykjum á Reykjabraut 1888-1891, á Hólabaki í Þingi 1891-1892 og í Öxl í Þingi 1892-1893, en í skjóli Bjargar dóttur sinnar á Þingeyrum 1893 til æviloka. Börn: Björg, f. 19. des. 1852 á Strjúgsstöðum, g. Pétri Tímóteusi Tómassyni b. í Meðalheimi á Ásum. Sveinn, f. 26. des. 1856 á Strjúgsstöðum, b. á Brandsstöðum, kv. Jósefínu Jósefsdóttur. Gísli, f. 20. júní 1858 á Strjúgsstöðum, d. 4. júní 1867 í Vatnshlíð. Barnsmóðir: Ósk Guðmundsdóttir, f. 11. sept. 1828 á Móbergi, d. 15. júlí 1887 á sama stað, heimasæta á Móbergi. For.: Guðmundur Guðmundsson b. á Móbergi og k.h. Þuríður Jónsdóttir. Ósk giftist síðar Halldóri Konráðssyni b. á Strjúgsstöðum. Barn: Jón Konráð, f. 1. des. 1849 á Móbergi, b. á Strjúgsstöðum, kv. Helgu Jónsdóttur.

Stefán Jónsson (1810-1861) Bóndo á Syðri-Leifsstöðum.

f. 11. júlí 1810 á Leifsstöðum, d. 5. okt. 1861 í Breiðargerði í Tungusveit. For.: Jón Auðunsson b. á Syðri-Leifsstöðum og k.h. Helga Kráksdóttir. Var hjá foreldrum sínum á Syðri-Leifsstöðum 1816 og fermdist í Bergsstaðasókn 1824. Ráðsmaður hjá móður sinni á sama stað 1837-1839. Bóndi á Syðri-Leifsstöðum 1839-1846, á Sveinsstöðum í Tungusveit 1846-1851 og í Breiðargerði 1851 til æviloka. Stefán var siðprýðismaður, greindur og vel að sér. – Kona, g. 9. okt. 1839, Steinunn Björnsdóttir, f. 3. júní 1811 í Skyttudal, d. 1887 við Færeyjar. For.: Björn Magnússon b. í Skyttudal og k.h. Guðrún Kráksdóttir. Steinunn var hjá móður sinni í Skyttudal 1816 og fermdist í Bólstaðarhlíðarsókn 1825. Hún var bústýra í Þverárdal 1834-1835, en vinnukona í Þverárdal 1835-1837, á Ásum á Bakásum 1837-1838 og á Stóra-Vatnsskarði á Skörðum 1838-1839. Hún bjó ekkja í Breiðargerði 1861-1864, en giftist þá Þorsteini Þorsteinssyni b. í Breiðargerði, en áður ráðsm. á Gili. Steinunn bjó með seinni manni sínum í Breiðargerði 1864-1871, en var með honum í húsmennsku á sama stað 1871-1872. Hún bjó með honum í Ölduhrygg í Svartárdal 1872-1874, en var í húsmennsku á Sveinsstöðum 1874-1881 og á Tunguhálsi í Tungusveit 1881-1883. Tökukona í Goðdölum í Vesturdal -1884-1887, en andaðist um borð í skipi á leið til Vesturheims. Steinunn var skýrleikskona og vel að sér. Hún var blind síðustu æviárin. Stefán og Steinunn voru systrabörn. Börn: Kristín, f. 18. okt. 1840 á Leifsstöðum, d. 26. apríl 1912 á Ósi í Fljótsbyggð í Nýja-Íslandi, vk. í Flatatungu á Kjálka 1880, óg. Eyjólfur, f. 30. maí 1843 á Leifsstöðum, d. 7. jan. 1874 á Skatastöðum í Austurdal, vm. í Bjarnastaðahlíð í Vesturdal 1870, ókv. Guðrún, f. 10. júlí 1847 á Sveinsstöðum, g. Lárusi Þórarni Björnssyni b. á Skíðastöðum á Neðribyggð, þau systkinabörn.

(Skagfirzkar æviskrár 1850-1890 III, 164-165 og VI, 329-330 og 370-371; Ölfusingar, 41; Icelandic River Saga, 214-217; Saga frá Skagfirðingum IV, 101; Húnavaka 1976, 96; Skagfirðingabók 1992, 30-31; Almanak Ólafs Thorgeirssonar 1937, 117; Lögberg 20. júní 1912 og 24. des. 1936; Ættatölub. Jóns Espólíns, 477, 577 og 5619-5620; Ættatölub. Ólafs Snóksdalíns, 312-313 (innskotsblöð), 342, 534 og 548; Ættatölub. Steingríms Jónssonar, 117 og 251).

Stefán Sigurðsson (1827-1904) Bóndi í Syðra-Tungukoti, Hvammsseli og Fossum.

F. 22. sept. 1827 á Torfustöðum, d. 13. febr. 1904 í Minni-Brekku í Fljótum. For.: Sigurður Jónsson b. á Fossum og s.k.h. Marsibil Jónsdóttir. Var hjá foreldrum sínum á Hóli 1835 og fermdist í Bergsstaðasókn 1841. Vinnumaður á Bergsstöðum 1856-1857 og á Ytri-Mælifellsá á Efribyggð 1857-1858. Húsmaður í Finnstungu 1858-1859. Bóndi í Syðra-Tungukoti 1859-1860, í Hvammsseli 1860-1863, í Hringey í Vallhólmi 1863-1866, á Miðsitju í Blönduhlíð 1866-1867, á Fossum 1867-1871, á Berghyl í Fljótum 1871-1872 og í Minni-Brekku 1872 til æviloka. Stefán var meðalmaður á vöxt, móeygur, með rauðjarpt hár og skegg. Hann var prúður og góðmannlegur, dulur í skapi og orðvar. Stefán var ágætur lesari á eldri og yngri leturgerðir, minnugur og sagði vel frá, hafði laglega söngrödd og kunni mörg lög, forn og ný, unni kveðskap og gat látið fjúka í kviðlingum, en hreyfði því lítt. Hann var mjög góður skepnuhirðir og átti afburðagott sauðfé. – Kona, g. 1. júní 1856, Guðríður Gísladóttir, f. 1. jan. 1831 á Hrauni í Tungusveit, d. 8. júní 1911 í Minni-Brekku. For.: Gísli Jónsson b. á Hrauni og k.h. Sigríður Ólafsdóttir. Guðríður var hjá föður sínum á Hrauni 1845 og fermdist í Goðdalasókn í Skagafjarðarsýslu sama ár. Hún var vinnukona á Sveinsstöðum í Tungusveit -1849-1850, í Gilhagaseli á Gilhagadal 1850-1853, á Starrastöðum á Fremribyggð 1853-1854, í Stafni 1854-1855, á Fossum 1855-1856, á Bergsstöðum 1856-1857 og á Ytri-Mælifellsá 1857-1858. Hún bjó ekkja í Minni-Brekku 1904-1909, en var síðan í húsmennsku hjá Guðmundi syni sínum á sama stað til æviloka. Guðríður var meðalkona á hæð og vöxt, dökk á hár, skörp til geðs og gerðar. Hún var vel skynsöm, djörf og rökföst í viðræðum og dugleg við alla heimilisvinnu. Börn: Jónas, f. 7. ágúst 1856 á Bergsstöðum, d. 23. febr. 1859 á Brandsstöðum. Benedikt, f. 28. ágúst 1857 á Ytri-Mælifellsá, b. í Neðra-Haganesi í Fljótum, kv. Ingibjörgu Pétursdóttur. Jónas, f. 8. maí 1861 í Hvammsseli, b. í Minni-Brekku, kv. Önnu Sigríði Jónsdóttur. Guðmundur, f. 18. jan. 1867 á Miðsitju, b. í Minni-Brekku, kv. Ólöfu Pétursdóttur. Barnsmóðir: Guðrún Guðmundsdóttir, f. 19. ágúst 1816 á Ystagili í Langadal, d. 6. júlí 1852 á Hóli, vk. í Sellandi. For.: Guðmundur Sveinsson b. á Ystagili og k.h. Guðrún Jónsdóttir. Guðrún var hjá foreldrum sínum á Ystagili 1816 og fermdist í Holtastaðasókn 1830. Hún var vinnukona í Sellandi 1850, en síðast á Hóli. Barn: stúlka, f. 20. des. 1851 í Sellandi, d. 21. des. 1851 á sama stað.

(Skagfirzkar æviskrár 1850-1890 II, 53-55; Skagfirzkar æviskrár 1890-1910 II, 18-19 og 82-83 og III, 203-204 og 287-288; Mannaferðir og fornar slóðir, 211; Skiptab. Hún. 30. nóv. 1843, 2. maí 1846 og 21. jan. 1853; Ættatölub. Jóns Espólíns, 1544 og 4605; Ættatölub. Ólafs Snóksdalíns, 442, 499 og 552).

Steingrímur Guðmundsson (1691-1757) Bóndi á Auðólfsstöðum og Gautsdal.

F. um 1691, á lífi á Brenniborg á Neðribyggð 1757. For.: Guðmundur Steingrímsson b. á Auðólfsstöðum og k.h. Guðrún Grettisdóttir. Var hjá foreldrum sínum á Auðólfsstöðum 1703. Bóndi á Víðimýri í Seyluhreppi nál. 1720, á Sauðá í Borgarsveit -1734-1738-, á Geirmundarstöðum í Sæmundarhlíð -1740-1741-, á Auðólfsstöðum -1744-1754, í Gautsdal -1755-1756 og á Brenniborg 1756-1757-. Hann er kenndur við Móberg. (Ættatölub. Ólafs Snóksdalíns, 537). Hann var hreppstjóri í Sauðárhreppi í Skagafjarðarsýslu -1731-1738- og í Staðarhreppi í Skagafjarðarsýslu 1741-1742-. Steingrími var úthlutað gjafakorni 21. apríl 1757. – Kona: Ingibjörg Guðmundsdóttir, f. um 1681. For.: Guðmundur Þorsteinsson b. í Þverárdal og k.h. Guðrún Benediktsdóttir. Ingibjörg var hjá foreldrum sínum á Sneis á Laxárdal fremri 1703. Barn: Benedikt, f. nál. 1715, b. á Auðólfsstöðum, kv. Guðrúnu Davíðsdóttur. Barnsmóðir: Steinunn Vigfúsdóttir, f. um 1684, á lífi 1758, vk. í Blöndudalshólaprestakalli. For. ókunnir. Steinunn var vinnukona í Bólstaðarhlíð -1702-1703-. Barn: Guðbjörg, f. 1711 eða 1712 í Blöndudalshólaprestakalli, g. Arngrími Sigmundssyni b. í Kálfárdal.

Athugasemd: Steingrímur var orðinn bóndi í Sauðárhreppi 1731.

(Fortíð og fyrirburðir, 36-39; Saga I, 209; Dómab. Hún. 26. apríl 1758; Dómab. Skag. 19. júní 1732, 26. og 28. apríl 1738 og 22. júní 1741; Ættatölub. Jóns Espólíns, 2114 og 6134-6153; Ættatölub. Jóns Magnússonar, 497; Ættatölub. Ólafs Snóksdalíns, 537; Ættatölub. Steingríms Jónssonar, 75).

Steinvör Egilsdóttir (1723-1801) Ekkja í Finnstungu.

F. um 1723, á lífi á Eyvindarstöðum 1801. For.: Egill Árnason b. á Eyvindarstöðum og k.h. Jórunn Símonsdóttir. Húsmóðir á Mosfelli í Svínadal 1754-1774 og á Hamri á Bakásum 1774-1778. Hún bjó ekkja á Hamri 1778-1781 og í Finnstungu 1781-1783-, en var þurfakona í Blöndudalshólum -1791-1792- og í skjóli bróðurdóttur sinnar Guðríðar Símonsdóttur á Eyvindarstöðum -1800-1801-. – Maður: Jón Jónsson, f. um 1730, d. 1778 eða 1779, b. á Mosfelli og á Hamri. For. ókunnir. Árið 1762 voru hjá þeim fjórar stúlkur 9, 7, 5 og 4 ára. Ókunnugt um börn. – Jón var ásamt Grími Björnssyni orðaður við faðerni barns Bjargar Sæmundsdóttur, f. nál. 1725, vk. á Geithömrum í Svínadal. For. ókunnir. Barnið fæddist 17. mars 1760.

Athugasemd: Hægt er að láta sér til hugar koma að Björg Sæmundsdóttir kunni að hafa verið dóttir Sæmundar Teitssonar b. í Hvammi á Laxárdal 1735 og k.h. Guðrúnar Sveinsdóttur.

(Dómab. Hún. 26. sept. 1760).

Svanhildur Jónsdóttir (1793-1858) Bústýra á Steiná.

F. um 1793 í Reynistaðarsókn í Skagafjarðarsýslu, d. 1. nóv. 1858 í Stóru-Brekku á Höfðaströnd. For.: Jón Þorsteinsson b. á Hryggjum á Staðarfjöllum og s.k.h. Guðbjörg Einarsdóttir. Var hjá foreldrum sínum á Hryggjum 1801. Vinnukona í Húsey í Vallhólmi -1816-1817, í Merkigarði í Tungusveit 1817-1818, á Reykjavöllum á Neðribyggð 1818-1820, á Steiná 1820-1827, á Víðimýri í Seyluhreppi 1827-1828 og í Hvammi í Laxárdal ytri 1828-1829. Bústýra í Kelduvík á Skaga 1829-1830 og á Hóli á Skaga 1830-1831. Vinnukona á Herjólfsstöðum í Laxárdal ytri 1831-1832 og á Víðimýri 1833-1834. Bústýra á Steiná 1834-1836. Vinnukona á Egg í Hegranesi 1836-1838, á Syðri-Brekkum í Blönduhlíð 1838-1840, á Nautabúi í Hjaltadal 1840-1843, í Enni í Viðvíkursveit 1843-1844, á Nautabúi 1844-1845, í Enni á Höfðaströnd 1845-1851, í Bæ á Höfðaströnd 1851-1852 og á Hofsósi 1852-1853. Hún var í skjóli Sigríðar dóttur sinnar á Mannskaðahóli á Höfðaströnd 1853-1854, á Hugljótsstöðum á Höfðaströnd 1854-1855 og í Stóru-Brekku 1855 til æviloka. Við húsvitjun í Rípurprestakalli 1837 er Svanhildur sögð skikkanleg og ráðsett. – Barnsfaðir: Semingur Semingsson, f. 8. maí 1783 í Hraunkoti í Aðaldal, d. 19. júlí 1843 í Hamrakoti á Ásum, b. í Hamrakoti. For.: Semingur Jónsson b. í Hraunkoti og k.h. Guðrún Jónsdóttir. Barn: Semingur, f. 14. okt. 1818 á Reykjavöllum, b. á Skinnastöðum á Ásum, kv. fyrst Maríu Jónsdóttur, svo Solveigu Guðmundsdóttur, síðast Kristínu Pétursdóttur. Barnsfaðir: Bjarni Jónsson, f. um 1801 á Steiná, b. á Kúfustöðum. For.: Jón Jónsson b. á Steiná og 2.k.h. Margrét Bjarnadóttir. Barn: Sigríður, f. 4. febr. 1822 á Steiná, g. Jónasi Sigurðssyni b. í Grafargerði á Höfðaströnd. Barnsfaðir: Jón Jónsson, f. um 1801, vm. á Steiná. For. ókunnir. Barn: Halldóra, f. 30. des. 1826 á Steiná. Barnsfaðir: Gísli Benjamínsson, f. 14. maí 1807 í Ystuvík í Grýtubakkahreppi, d. 31. júlí 1846 á Völlum í Vallhólmi, b. á Löngumýri í Vallhólmi. For.: Benjamín Brynjólfsson b. á Blómsturvöllum í Kræklingahlíð og k.h. Sigurlaug Sigfúsdóttir. Barn: Gestur, f. 30. nóv. 1834 á Steiná, d. 26. júlí 1837 á Egg.

Athugasemdir: 1) Föðurnafn Svanhildar hefur misritast í Manntali á Íslandi 1845. Þar er hún ranglega skráð Björnsdóttir. 2) Svanhildur mun annað hvort hafa verið vinnukona á Reykjum á Reykjaströnd eða á Veðramóti í Gönguskörðum vistarárið 1832-1833.

(Skagfirzkar æviskrár 1850-1890 V, 218-220; Saga frá Skagfirðingum I, 118 og 176 og II, 70 og 167; Ritsafn Eiðs Guðmundssonar á Þúfnavöllum IV, 34; Sagnaþættir Gísla Konráðssonar, 164-181; Söguþættir Gísla Konráðssonar, 12-13 og 15-16; Syrpa úr handritum Gísla Konráðssonar I, 274-280; Sagnaþættir Þjóðólfs, 277 og 281-283; Skagfirzk fræði VI, 63 og 67-69; Skiptab. Skag. 6. nóv. 1835 og 30. nóv. 1847; Ábúendatal í Staðarhreppi – Handrit Jóns Sigurðssonar á Reynistað, 286; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 3962-3963 og 6069-6970; Ættatölub. Ólafs Snóksdalíns, 651).

Sveinbjörn Árnason (1795-1859) Bóndi á Stóru-Mörk.

F. 26. maí 1795 í Kárdalstungu í Vatnsdal, d. 1. maí 1859 í Hvammi á Laxárdal. For.: Árni Jónsson b. á Kálfshamri í Nesjum og f.k.h. Sigríður Sveinbjörnsdóttir. Var hjá foreldrum sínum á Þröm í Blöndudal 1801, en ólst svo upp hjá móðursystur sinni Guðrúnu Sveinbjörnsdóttur og manni hennar Árna Þorleifssyni í Grundarkoti í Vatnsdal og fermdist í Undirfellssókn 1809. Vinnumaður í Enni í Refasveit 1822-1823, á Breiðstöðum í Gönguskörðum 1823-1826, í Hvammi í Laxárdal ytri 1826-1827, á Hofi á Skagaströnd 1827-1828 og á Kaldrana á Skaga 1828-1831. Bóndi á Skeggjastöðum á Skagaströnd 1831-1833. Vinnumaður í Hvammi í Laxárdal ytri aftur 1833-1834 og á Egg í Hegranesi 1834-1836. Bóndi á Syðra-Mallandi á Skaga 1836-1839 og í Fossseli í Skagaheiði 1839-1844. Vinnumaður hjá Guðmundi bróður sínum í Skyttudal 1844-1847. Húsmaður á Geitaskarði í Langadal 1847-1848. Bóndi á Þorbrandsstöðum í Langadal 1848-1849, á Björnólfsstöðum í Langadal 1849-1851 og á Geitaskarði 1852-1855. Húsmaður á Stóru-Mörk 1855-1856. Bóndi á Stóru-Mörk 1856-1858. Húsmaður í Hvammi 1858 til æviloka. Sveinbjörn var sagður þægur og vinnusamur, en varð uppvís að þjófnaði þegar hann var á Breiðstöðum. – Kona, g. 23. okt. 1832, Helga Oddsdóttir, f. 18. ágúst 1801 í Litladal í Blönduhlíð, d. 7. sept. 1873 á Sævarlandi í Laxárdal ytri. For.: Oddur Ormsson b. í Litladal og k.h. Hólmfríður Finnbogadóttir. Helga var á sveitarframfæri í Sólheimagerði í Blönduhlíð 1816 og fermdist í Miklabæjarsókn í Blönduhlíð 1818. Hún var vinnukona á Ögmundarstöðum í Víkurtorfu 1819-1820, á Halldórsstöðum á Langholti 1820-1821- og á Grófargili á Langholti -1826-1827. Hún var vinnukona á Refsstöðum á Laxárdal fremri 1859-1861 og á Vesturá á Laxárdal fremri 1861-1862. Þurfakona í Núpsöxl á Laxárdal fremri 1862-1863, í Hvammi í Langadal 1863-1866 og á Sævarlandi 1866 til æviloka. Barnlaus. Barnsmóðir: Sæunn Jónsdóttir, f. 11. des. 1795 á Hellulandi í Hegranesi, d. 30. apríl 1858 á Skefilsstöðum á Skaga, vk. í Hvammi í Laxárdal ytri. For.: Jón Jónsson b. á Breiðstöðum og k.h. Sigríður Magnúsdóttir. Sæunn giftist síðar Hallgrími Hallgrímssyni vm. á Herjólfsstöðum í Laxárdal ytri 1835. Barn: Katrín, f. 23. apríl 1827 í Hvammi, d. 31. mars 1838 á Syðra-Mallandi. Barnsmóðir: Þuríður Þorsteinsdóttir, f. 13. ágúst 1809 á Skeggjastöðum, d. 27. sept. 1835 í Stóradal í Svínavatnshreppi, heimasæta á Skeggjastöðum. For.: Þorsteinn Sveinsson b. á Skeggjastöðum og k.h. Guðrún Guðmundsdóttir. Barn: Júlíana, f. 22. apríl 1832 á Skeggjastöðum, d. 1. maí 1887 á Brandaskarði á Skagaströnd, vk. á Þangskála á Skaga 1860, óg., en átti dóttur með Sölva Helgasyni myndlistarm. – Barnsfaðir Helgu: Jón Jónsson, f. um 1776 á Víðimýri í Seyluhreppi, d. 19. nóv. 1849 í Torfgarði á Langholti, b. lengst á Grófargili, en síðast í Torfgarði. For.: Jón Björnsson b. á Víðimýri og k.h. Aldís Sveinsdóttir. Barn: Signý, f. 20. júlí 1826 á Grófargili, d. 3. ágúst 1892 á Sjávarborg í Borgarsveit, vk. í Dæli í Sæmundarhlíð 1880, óg, en átti börn.

(Íslenzkar æviskrár IV, 389; Skagfirzkar æviskrár 1850-1890 V, 171-174 og VII, 268-280; Húnvetningasaga II, 618-619; Saga frá Skagfirðingum II, 99-100, 103, 105-106, 111, 112, 117-118, 121, 172 og 177, III, 85 og 172 og IV, 37 og 125; Hrakhólar og höfuðból, 153; Mannaferðir og fornar slóðir, 246; Ritsafn Eiðs Guðmundssonar á Þúfnavöllum I, 86; Syrpa úr handritum Gísla Konráðssonar I, 157; Sagnir um slysfarir í Skefilsstaðahreppi, 43-44; Æfisaga Gísla Konráðssonar, 22; Saga Jóns Espólíns, 153; Föðurtún, 58; Dómab. Hún. 12. og 16. júli 1824; Dómab. Skag. 12. og 17. ágúst, 30. okt. og 12. og 23. nóv. 1824; Ættatölub. Jóns Espólíns, 1880, 1845 og 3795).

Sveinn Bjarnason (1806-1870) Bóndi á Syðra-Tungukoti og Syðri-Leifsstöðum.

F. um 1806 á Fossum, d. 25. okt. 1870 í Mjóadal. For.: Bjarni Sveinsson b. í Eiríksstaðakoti og k.h. Sigurlaug Bjarnadóttir. Var hjá foreldrum sínum á Fossum 1816 og fermdist í Bergsstaðaprestakalli 1820. Húsmaður á Brandsstöðum -1840-1843-. Bóndi í Syðra-Tungukoti 1844-1845. Húsmaður á Brandsstöðum 1845-1850-, í Rugludal -1855-1856 og á Steiná 1856-1857. Bóndi á Syðri-Leifsstöðum 1857-1858. Húsmaður á Kárastöðum í Hegranesi 1858-1859. Bóndi á Álfgeirsvöllum á Efribyggð 1859-1862. Húsmaður á Syðri-Leifsstöðum 1862-1863, í Hróarsdal í Hegranesi 1863-1865, í Kjartansstaðakoti á Langholti 1865-1867, á Marbæli á Langholti 1867-1869 og í Kjartansstaðakoti aftur 1869-1870, en síðast í Mjóadal. Sveinn var fáskiptinn, greindur og vel að sér, löngum heilsuveill. – Kona, g. 24. okt. 1831, Ólöf Oddsdóttir, f. 7. mars 1811 á Brún, d. 12. júní 1866 í Hróarsdal. For.: Oddur Ólafsson b. í Rugludal og k.h. Ingunn Jónsdóttir. Ólöf var hjá foreldrum sínum á Brún 1816 og fermdist í Bergsstaðasókn 1826. Hún var vinnukona í Barkarstaðagerði 1862-1863, en í skjóli Jónasar tengdasonar síns í Hróarsdal 1863 til æviloka. Ólöf var ráðvönd og sæmilega að sér. Barn: Sigurbjörg, f. 31. ágúst 1842 á Brandsstöðum, g. Jónasi Jónssyni b. og smáskammtalækni í Hróarsdal.

(Íslenzkar æviskrár III, 338-339; Skagfirzkar æviskrár 1850-1890 I, 251; Skagfirzkar æviskrár 1890-1910 I, 185-188; Ljósmæður á Íslandi I, 354-355; Ættatölub. Jóns Espólíns, 3395; Ættatölub. Ólafs Snóksdalíns, 559; Ættatölub. Steingríms Jónssonar, 5387).

Sveinn Eiríksson.

F. um 1669, á lífi á Illugastöðum í Laxárdal ytri 1751. For.: Eiríkur Jónsson b. í Bólstaðarhlíðarhreppi og k.h. Valgerður Tómasdóttir. Var hjá Tómasi bróður sínum á Fjósum -1702-1703-. Bóndi á Skeggsstöðum 1708-1738 og á Illugastöðum -1750-1751-. Hann bjó á Illugastöðum til æviloka, en ekki er vitað hvenær hann dó. – Kona: Guðrún Jónsdóttir, f. um 1676. For.: Jón Jónsson b. í Ytra-Vallholti í Vallhólmi og k.h. Ásta Símonsdóttir. Guðrún var hjá foreldrum sínum í Ytra-Vallholti 1703. Börn: Guðrún, f. um 1710, g. Þorkeli Jónssyni b. og hreppstj. í Ketu á Skaga. Björn, f. um 1715, b. og hreppstj. á Svínavatni í Svínavatnshreppi, kv. Þóru Guðmundsdóttur. Guðrún, f. um 1715, g. Steini Steinssyni b. á Hrauni á Skaga. Sigurður, f. nál. 1715, búlaus á Svínavatni, ókv. og bl. – Fyrri maður Guðrúnar ókunnur. Barn þeirra dó ungt.

(Fortíð og fyrirburðir, 82-85; Vorþeyr og vébönd, 216; Dómab. Hún. 1. maí 1760, 14. maí 1761 og 27. apríl 1770; Dómab. Skag. 30. apríl 1751 og 30. apríl 1753; Skiptab. Skag. 31. maí og 3. júní 1785 og 16. nóv. 1786; Ættatölub. Jóns Espólíns, 5568; Ættatölub. Jóns Magnússonar, 18; Ættatölub. Ólafs Snóksdalíns, 703; Ættatölub. Steingríms Jónssonar, 3577).

Sveinn Gunnlaugsson.

F. um 1673, á lífi á Breiðavaði í Langadal 1746. For.: Gunnlaugur Eiríksson húsmaður á Geithömrum í Svínadal og k.h. Margrét Jónsdóttir. Bóndi í Kóngsgarði -1699-1700-, í Finnstungu -1701-1709- og á Breiðavaði -1720-1746-. Sveinn var smiður mikill og græddi vel fé í föstu og lausu, mest á skónálasmíði. Hann keypti Breiðavað af Brynjólfi Þórðarsyni Thorlacius sýslumanni á Hlíðarenda í Fljótshlíð fyrir lausafé 27. júní 1716, Vatnahverfi í Refasveit af Sæmundi Magnússyni presti í Hofstaðaþingum í Skagafjarðarsýslu fyrir lausafé 11. des. 1720 og Síðu í Refasveit af Sigurði Einarssyni bónda á Geitaskarði í Langadal fyrir 13 hundruð í lausafé 17. sept. 1724. – Kona: Jarþrúður Hrómundsdóttir, f. um 1677. For.: Hrómundur Bjarnason b. í Ketu á Skaga og k.h. Þorgerður Eiríksdóttir húsm. í Finnstungu. Sveinn fastnaði og keypti Jarþrúði í mósalituðu pilsi. Var henni boðið að ljá henni betri fatnað, en Jarþrúður neitaði því, sagði Svein ei hafa hug á sér ef hann virti meir klæði en konu. Börn: Eiríkur, f. um 1704, b. á Móbergi í Langadal, ókv. og bl. Jarþrúður, f. um 1711, g. Jóni Stefánssyni b. á Syðri-Mælifellsá á Efribyggð. Bjarni, f. um 1715, b. á Holtastöðum í Langadal, kv. Helgu Jónsdóttur. Jón, f. nál. 1710, b. í Vatnahverfi, kv. Halldóru Stefánsdóttur.

Athugasemd: Sveinn var orðinn bóndi í Engihlíðarhreppi 1719.

(Saga frá Skagfirðingum I, 59; Vorþeyr og vébönd, 174 og 230; Annálar 1400-1800 I, 651-652; Alþingisb. X, 393 og XI, 159 og 288; Dómab. Hún. 28. maí 1720, 17. apríl 1721, 6. okt. 1722 og 2. maí 1754; Ættatölub. Jóns Espólíns, 3926, 5341-5342 og 6851-6852; Ættatölub. Ólafs Snóksdalíns, 186, 341 og 499; Ættatölub. Steingríms Jónssonar, 96 og 97).

Sveinn Ívarsson.

F. nál. 1705, d. 1762. For.: Ívar Þorsteinsson b. í Holti í Svínadal og k.h. Margrét Sveinsdóttir, síðar g. Tómasi Eiríkssyni b. á Fjósum. Búlaus í Bólstaðarhlíðarhreppi -1734-1735-. Bóndi í Stafni 1739-1741-, á Gili -1744-1746-, á Eiríksstöðum -1751-1758 og á Hóli 1758-1759-. Hann mun annað hvort hafa búið á Hóli til æviloka eða farið búferlum að Eiríksstöðum fyrir andlát sitt. Sveinn varð hreppstjóri í Bólstaðarhlíðarhreppi 1739. Hann seldi Jóni Snorrasyni bónda í Hafursstaðakoti á Skagaströnd 6 hundruð í Kjalarlandi á Skagaströnd 22. sept. 1744. – Kona: Þórunn Illugadóttir, f. um 1709, d. 11. okt. 1785 á Tittlingastöðum í Víðidal. For.: Illugi Jónsson b. á Finnsstöðum á Skagaströnd og k.h. Guðrún Jónsdóttir. Hún bjó ekkja á Eiríksstöðum 1762-1763-, en var í skjóli Margrétar dóttur sinnar á Tittlingastöðum 1779 til æviloka. Þórunn seldi Jóni Snorrasyni bónda í Hafursstaðakoti 4 hundruð í Kjalarlandi fyrir 16 ríkisdali 4. nóv. 1739. Börn: Margrét, f. um 1742 á Gili, g. fyrr Einari Jónssyni b. á Tittlingastöðum, síðar Jóni Jónssyni b. og hreppstj. í Miðhópi í Víðidal. Elín, f. um 1744 á Gili, g. Ögmundi Ögmundssyni b. á Kollsá í Hrútafirði. Kristín, f. um 1747, g. Kráki Sveinssyni b. á Syðri-Leifsstöðum.

(Strandamenn, 98; Alþingisb. XII, 576 og XIII, 281; Dómab. Hún. 30. apríl 1739 og 30. apríl 1762; Skiptab. Hún. 19. maí og 29. ágúst 1826; Hjónabandsleyfi úr Hólabiskupsdæmi 1788 (Jón Jónsson og Margrét Sveinsdóttir); Ættatölub. Jóns Espólíns, 3929-3930 og 3972; Ættatölub. Jóns Magnússonar, 267 og 478; Ættatölub. Ólafs Snóksdalíns, 342; Ættatölub. Sighvats Grímssonar Borgfirðings, 1363-1364).

Sveinn Jónsson.

F. um 1674, á lífi á Brún 1738. For. ókunnir. Vinnumaður í Vatnshlíð -1702-1703-. Bóndi í Eiríksstaðakoti -1708-1709-, í Syðri-Mjóadal -1733-1734 og á Brún 1734-1738. Sveinn seldi Birni Magnússyni presti á Bergsstöðum 5 hundruð í Brún fyrir 25 ríkisdali 11. apríl 1736, en þá jarðeign hafði kona hans fengið í arf frá bróður sínum. – Kona: Þuríður Einarsdóttir, f. um 1677, á lífi á Brún 1736. Óvíst er um foreldra hennar, en hún var systir Hallfríðar Einarsdóttur k. Gísla Jakobssonar b. í Höfðahólakoti á Skagaströnd, Jóns Einarssonar b. í Ytri-Mjóadal og Kolfinnu Einarsdóttur húsk. í Auðólfsstaðakoti 1741. Þuríður var vinnustúlka á Valabjörgum á Skörðum -1702-1703-. Ókunnugt um börn.

(Vorþeyr og vébönd, 217; Alþingisb. XII, 510-511; Dómab. Hún. 3. maí 1732).

Sveinn Jónsson

hét búandi í Finnstungu -1734-1735- og í Ytra-Tungukoti -1740-1741-.

Sveinn Jónsson.

F. nál. 1710, d. 10. jan. 1784 í Finnstungu. For. ókunnir. Bóndi í Finnstungu -1744 til æviloka. Sveinn var örfátækur. Hann gaf vitnisburð um Teigana í Svartárdal 21. júní 1771. Honum var úthlutað gjafakorni 28. des. 1756. – Kona, ls. 1740 eða 1741 / g. 8. mars 1744, Björg Þorkelsdóttir, f. um 1714, d. 26. okt. 1784 í Finnstungu. For.: Þorkell Björnsson b. á Eyvindarstöðum og k.h. Guðríður Jónsdóttir. Sveinn og Björg áttu saman barn í lausaleik í Svínavatnshreppi 1740 eða 1741, og var það fyrsta frillulífisbrot beggja. Árið 1762 voru hjá þeim tveir drengir 22 og 18 ára og ein stúlka 7 ára. Börn: Jón, f. 1740 eða 1741 í Svínavatnshreppi, á lífi í Finnstungu 1778, búlaus í Finnstungu -1773-1778. Ólafur, f. um 1745 í Finnstungu, b. í Finnstungu, kv. fyrr Halldóru Jónsdóttur, síðar Guðrúnu Benediktsdóttur. Þuríður, f. um 1753, d. 30. okt. 1814 á Hrafnabjörgum í Svínadal, var hjá bróður sínum á Geithömrum í Svínadal 1801, óg., en átti 1783 dóttur með Jóni Jónssyni vm. í Blöndudalshólasókn. Barnsmóðir: Sigríður Símonsdóttir, f. 1752 eða 1753 á Eyvindarstöðum, d. 1. ágúst 1819 á Æsustöðum, vk. í Finnstungu. For.: Símon Sigurðsson b. á Mosfelli í Svínadal og barnsm.h. Valgerður Jónsdóttir vk. á Eyvindarstöðum, áður g. Einari Vigfússyni b. í Blöndudalshólum. Sigríður giftist síðar Hrólfi Þorsteinssyni b. á Ípishóli á Langholti 1802. Barneign Sveins með Sigríði var fyrsta hórdómssök hans. Barn: Helga, f. 15. okt. 1780 í Finnstungu, d. 8. febr. 1860 í Litladal í Blönduhlíð, vk. á Valabjörgum á Skörðum 1801 og í Litlabæ í Blönduhlíð 1845, óg., en átti 1807 son með Jóni Jónssyni b. á Framnesi í Blönduhlíð.

Athugasemdir: 1) Í vitnisburði sínum um Teigana sagðist Sveinn hafa búið í Bólstaðarhlíðarhreppi 29 ár. Hann sagði sig vera 58 ára gamlan árið 1771. Sveinn er talinn 56 ára í Manntali á Íslandi 1762, en 71 árs við andlát 1784 í Prestsþjónustubók Blöndudalshólaprestakalls. 2) Hægt er að láta sér til hugar koma að Sveinn kunni að hafa verið sonur Jóns Geirmundssonar b. í Svínavatnshreppi og barnsm.h. Helgu Oddsdóttur vk. í Húnavatnssýslu. Jón og Helga áttu saman barn í hórdómi í Húnavatnssýslu 1713 eða 1714. 3) Björg er talin 48 ára í Manntali á Íslandi 1762, en 67 ára við andlát 1784 í Prestsþjónustubók Blöndudalshólaprestakalls.

(Skagfirzkar æviskrár 1850-1890 VI, 166-168; Húnavaka 1979, 115-116; Dómab. Hún. 21. júní 1771; Ættatölub. Jóns Espólíns, 607, 1843-1844, 3960-3962, 4732 og 5569; Ættatölub. Ólafs Snóksdalíns, 703; Ættatölub. Sighvats Grímssonar Borgfirðings, 638).

Sveinn Jónsson.

F. 16. okt. 1825 á Mælifelli á Fremribyggð, d. 15. júlí 1896 á Skeggsstöðum. For.: Jón Pálsson b. í Breiðholti í Seltjarnarneshreppi 1835 og barnsm.h. Margrét Magnúsdóttir vk. í Húsey í Vallhólmi, síðar g. Hinrik Hinrikssyni pr. á Bergsstöðum. Var hjá föður sínum í Breiðholti 1835, en hjá móður sinni og stjúpa í Efra-Ási í Hjaltadal 1839-1840. Fermdur í Reykjasókn í Skagafjarðarsýslu 1841. Léttapiltur í Ytra-Vallholti í Vallhólmi 1840-1842-. Vinnumaður í Ytra-Vallholti -1844-1846, í Kolgröf á Efribyggð 1846-1847, hjá móður sinni og stjúpa á Starrastöðum á Fremribyggð 1847-1848 og á Bergsstöðum 1848-1849, en á Gili 1849-1851. Bóndi á Þorbrandsstöðum í Langadal 1851-1853. Vinnumaður í Bólstaðarhlíð 1853-1855. Bóndi í Selhaga 1855-1857 og í Holti í Svínadal 1857-1858. Vinnumaður hjá móður sinni og stjúpa á Skorrastað í Norðfirði 1858-1859. Bóndi í Holti aftur 1859-1862, á Beinakeldu á Reykjabraut 1862-1868, í Hvammi í Svartárdal 1868-1869, á Skottastöðum 1869-1870 og á Bergsstöðum 1870-1871. Vinnumaður í Finnstungu 1871-1873. Ráðsmaður í Finnstungu 1873-1874. Bóndi í Ytra-Tungukoti 1874-1876. Vinnumaður í Bólstaðarhlíð aftur 1876-1877 og á Skeggsstöðum 1877-1878. Húsmaður í Bólstaðarhlíð 1878-1880. Bóndi í Skyttudal 1880-1884. Húsmaður í Eiríksstaðakoti 1884-1886. Bóndi á Bergsstöðum aftur 1886-1887. Vinnumaður á Bergsstöðum 1887-1889, á Brún 1889-1890 og í Eiríksstaðakoti 1890-1893. Hann var í skjóli fóstursonar síns Jónasar Einarssonar í Eiríksstaðakoti 1893-1896, en síðast á Skeggsstöðum. – Kona, g. 17. maí 1851, Þuríður Ásmundsdóttir, f. 22. ágúst 1833 í Hvammi í Langadal, d. 17. maí 1902 á Kúfustöðum. For.: Ásmundur Illugason b. í Holti og k.h. Helga Guðmundsdóttir. Þuríður var hjá foreldrum sínum í Holti 1845, en fermdist í Bólstaðarhlíðarsókn 1847. Hún var vinnukona á Gili 1847-1851, en húskona í Bólstaðarhlíð 1853-1855 og í Finnstungu 1871-1874. Vinnukona á Miklabæ í Blönduhlíð 1889-1890. Hún var bústýra hjá fóstursyni sínum Jónasi Einarssyni í Eiríksstaðakoti 1890-1896, vinnukona hjá honum á Skeggsstöðum 1896-1899 og í skjóli hans á Kúfustöðum 1899 til æviloka. Barnlaus. Barnsmóðir: Una Hinriksdóttir, f. um 1811 í Flugumýrarsókn í Skagafjarðarsýslu, d. 25. júlí 1883 á Brún, vk. á Tunguhálsi í Tungusveit. For.: Hinrik Jónsson b. og hreppstj. í Réttarholti í Blönduhlíð og k.h. Sigríður Jónsdóttir. Una var ekkja eftir Ásmund Ásmundsson vm. í Litladal í Saurbæjarhreppi. Hún var bústýra í Teigakoti 1873-1876. Barn: Sigríður, f. 21. jan. 1849 á Tunguhálsi, d. 1. des. 1851 á Þorbrandsstöðum.

(Íslenzkar æviskrár II, 348-349; Borgfirzkar æviskrár V, 45-46; Troðningar og tóftarbrot, 40-42; Húnavaka 1979, 110-113; Skiptab. Hún. 21. sept. 1858; Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 470, 2150 og 5486; Ættatölub. Ólafs Snóksdalíns, 338, 722 og 830).

Sveinn Níelsson.

F. 1801 (sk. 20. ágúst 1801) á Kleifum í Gilsfirði, d. 17. jan. 1881 í Reykjavík. For.: Níels Sveinsson b. á Kleifum og k.h. Sesselja Jónsdóttir. Var í fóstraður af móðurbróður sínum Jóni Jónssyni og föðursystur sinni Sigríði Sveinsdóttur í Snartartungu í Bitrufirði og fermdist í Óspakseyrarsókn í Strandasýslu 1815. Var hjá fósturforeldrum sínum í Snartartungu 1818. Nam undir skóla hjá Friðriki Jónssyni aðstoðarpresti á Stað á Reykjanesi. Lærði í Bessastaðaskóla og varð stúdent þaðan með mjög góðum vitnisburði 1824. Heimiliskennari og sýsluskrifari í Hvammi í Vatnsdal 1824-1826. Búsettur í Stærra-Árskógi á Árskógsströnd 1826-1827 og á Grenjaðarstað í Aðaldal 1827-1828. Varð 4. júní 1828 djákni séra Jóns Jónssonar á Grenjaðarstað og gegndi því embætti 1828-1835. Bóndi í Klömbrum í Aðaldal 1828-1835, í Blöndudalshólum 1836-1844, á Staðarbakka í Miðfirði 1844-1850 og á Staðastað í Staðarsveit 1850-1874. Búsettur í Reykjavík 1874-1879, á Hallormsstað í Skógum 1879-1880 og í Reykjavík 1880 til æviloka. Vígðist 8. júní 1835 til Blöndudalshóla. Hann var sóknarprestur í Blöndudalshólaprestakalli 1835-1843, í Staðarbakkaprestakalli 1843-1850 og í Staðastaðarprestakalli í Snæfellsnesprófastsdæmi 1850-1874, en í Hallormsstaðarprestakalli í Múlaprófastsdæmi 1879-1880. Prófastur í Snæfellsnesprófastsdæmi 1866-1874. Þjóðfundarfulltrúi Húnvetninga 1851. Alþingismaður Snæfellinga 1864-1869. Séra Sveinn var meðalmaður á vöxt og álitlegur, jarpur á hár og skegg, atgervismaður til líkama og sálar, burðagóður, en varð þungfær af holdum á síðari árum. Hann var gamansamur og góður félagi, en þótti nokkuð sjálfhælinn. Séra Sveinn var listamaður til munns og handa, prýðilega hagur á tré, járn, kopar og silfur, gott skáld og mikill fróðleiksmaður, orðlagður kennari og kenndi mörgum nemendum undir skóla. Hann var mikill búmaður og starfssamur, byggði vel upp bæjarhús og kirkju í Blöndudalshólum, og vann tréverkið mest allt sjálfur. Séra Sveinn safnaði þjóðsögum. Hann samdi ritgerð Um ljáasmíði sem birtist í tímaritinu Ármann á alþingi, tók saman Prestatal og prófasta á Íslandi og Útfararminningu séra Jóns Þorsteinssonar í Reykjahlíð, og hefur hvort tveggja verið gefið út. Útfararræða sem hann samdi um sinn gamla húsbónda Björn Auðunsson Blöndal sýslumann í Hvammi, er prentuð í bókinni Blöndalsættin. Hinn 15. febr. 1842 varð séra Sveinn fyrir þeim búsifjum að frambærinn í Blöndudalshólum brann; nýbyggt eldhús, bæjardyr og stofa, kistur og klæðnaður heimafólksins. Braust hann þá út um gluggann á skrifhýsi sínu og náði þar út fólkinu, klæðlitlu og komnu að köfnun. – Fyrri kona, g. 21. ágúst 1827, Guðný Jónsdóttir, f. 20. apríl 1804 í Saurbæ í Saurbæjarhreppi, d. 11. jan. 1836 á Raufarhöfn. For.: Jón Jónsson pr. og læknir á Grenjaðarstað og m.k.h. Þorgerður Runólfsdóttir. Hún var hjá foreldrum sínum í Auðbrekku í Hörgárdal 1816 og fermdist í Stærra-Árskógssókn í Eyjafjarðarsýslu 1818. Sveinn og Guðný skildu 1835. Eftir skilnaðinn var Guðný hjá systur sinni og mági á Raufarhöfn 1835 til æviloka. Hún var jarðsett á Skinnastað í Öxarfirði að eigin ósk. Guðný var fríð sýnum, smávaxin og fínbyggð, ljúflynd og viðkvæm. Hún var stórgreind og prýðilega skáldmælt, bókhneigð og söngelsk, farsæl yfirsetukona og elskuð og virt af flestum þeim sem af henni höfðu kynni. Þótti hún standa manni sínum framar að andlegu atgervi. Safn ljóða hennar var gefið út í bókinni Guðnýjarkver. Börn: Jón Aðalsteinn, f. 11. okt. 1827 á Grenjaðarstað, d. 2. nóv. 1828 á sama stað. Sigríður, f. 17. okt. 1828 í Klömbrum, d. 7. sept. 1829 í Grenjaðarstaðarsókn. Jón Aðalsteinn, f. 1. maí 1830 í Klömbrum, d. 1. febr. 1894 í Kaupmannahöfn, aðjúnkt í Nyköbing á Falstri, ókv. og bl. Sigríður, f. 11. júlí 1831 í Klömbrum, g. Níelsi Eyjólfssyni b. og trésmið á Grímsstöðum í Álftaneshreppi. Hún var ljósmóðir. Seinni kona, g. 4. okt. 1836, Guðrún Jónsdóttir, f. 27. mars 1807 á Ytra-Hóli á Skagaströnd, d. 10. júní 1873 á Staðastað. For.: Jón Pétursson b. í Bólstaðarhlíð og k.h. Elísabet Björnsdóttir. Hún var hjá foreldrum sínum á Ytra-Hóli 1817 og fermdist í Höskuldsstaðasókn 1821. Guðrún var hin ágætasta kona og mikill skörungur. Börn: Elísabet Guðný, f. 17. júlí 1839 í Blöndudalshólum, d. 11. júní 1922 í Reykjavík, g. Birni Jónssyni ráðherra og ritstj. í Reykjavík. Hallgrímur, f. 5. apríl 1841 í Blöndudalshólum, d. 16. des. 1909 í Reykjavík, biskup í Reykjavík, kv. Elinu Marie Bolette Feveile. Jón, f. 6. nóv. 1843 í Blöndudalshólum, b. á Slitvindastöðum í Staðarsveit, kv. Elínborgu Hansdóttur. Sveinn, f. 2. jan. 1846 á Staðarbakka, d. 22. nóv. 1918 í Reykjavík, trésmiður í Reykjavík, kv. Kristjönu Agnesi Hansdóttur.

Athugasemdir: 1) Sveinn Níelsson er sagður fæddur 14. ágúst 1801 í ritverkinu Dalamenn og má vera rétt. 2) Færsla um andlát og greftrun Guðnýjar Jónsdóttur finnst ekki í prestsþjónustubókum.

(Íslenzkar æviskrár I, 230-231, II, 197 og 289-290, III, 192-193, 248 og 285 og IV, 371-372; Borgfirzkar æviskrár VIII, 40; Dalamenn II, 514-515 og III, 230-231; Strandamenn, 604; Niðjatal Þorvalds Böðvarssonar prests í Holti undir Eyjafjöllum og Björns Jónssonar prests í Bólstaðarhlíð, 58 og 62-65; Íslenzkir Hafnarstúdentar, 201-202, 211 og 213-214; Kennaratal á Íslandi I, 371; Ljósmæður á Íslandi I, 564; Sýslumannaæfir IV, 162-163; Ættir Austfirðinga, 1160; Saga frá Skagfirðingum I, 160, II, 109, III, 69, 136, 152-153, 171 og 178 og IV, 38-39; Ritsafn Eiðs Guðmundssonar á Þúfnavöllum IV, 29-30; Sagnaþættir Fjallkonunnar, 87; Sagnablöð hin nýju, 226; Með vorskipum, 207-222; Úr ævi og starfi íslenskra kvenna I, 238-257; Úr fórum Jóns Árnasonar I, 12 og 273 og II, 16-17; Föðurtún, 131; Són 2008, 51-52; Brandsstaðaannáll, 140 og 173; Annáll nítjándu aldar II, 79 og IV, 97 og 346-347; Skiptab. Hún. 6. nóv. 1847; Æfir lærðra manna (þáttur Sveins Níelssonar á Hallorðsstað); Prestaæfir Sighvats Grímssonar Borgfirðings (þáttur Sveins Níelssonar á Hallormsstað); Ættatölub. Jóns Espólíns, 460-461 og 3917; Ættatölub. Ólafs Snóksdalíns, 309, 372, 408 (innskotsblað), 426 og 535; Ættatölub. Steingríms Jónssonar, 3909, 4078, 4800 og 5801).

Sveinn Ólafsson.

F. 14. júní 1803 á Þingeyrum í Þingi, d. 19. maí 1866 í Skrapatungu á Laxárdal fremri. For.: Ólafur Tómasson pr. í Blöndudalshólum og k.h. Helga Sveinsdóttir. Var hjá foreldrum sínum í Blöndudalshólum 1816. Vinnumaður á Eiðsstöðum í Blöndudal -1829-1830, á Keldulandi á Skagaströnd 1830-1831 og á Steiná 1831-1834. Stóð fyrir dánarbúi foreldra sinna í Blöndudalshólum ásamt Önnu systur sinni 1834-1835. Bóndi í Sellandi 1835-1840 og á Balaskarði á Laxárdal fremri 1840-1842. Húsmaður á Balaskarði 1842-1843. Vinnumaður á Þverá í Hallárdal 1844-1846 og á Sæunnarstöðum í Hallárdal 1846-1847. Bóndi í Hafursstaðakoti á Skagaströnd 1847-1850. Ráðsmaður á Keldulandi 1850-1851. Vinnumaður á Hafursstöðum á Skagaströnd 1851-1852. Bóndi á Hafursstöðum 1852-1853. Vinnumaður í Hafursstaðakoti -1855-1856-. Húsmaður á Kjalarlandi á Skagaströnd -1860-1861-. Bóndi á Blálandi í Hallárdal 1863-1864. Húsmaður hjá Engilráð dóttur sinni á sama stað 1864-1865 og var í skjóli hennar í Skrapatungu 1865 til æviloka. – Kona, g. 17. okt. 1836, Ingunn Oddsdóttir, f. 6. júní 1816 á Brún, d. 7. okt. 1873 á Syðra-Hóli á Skagaströnd. For.: Oddur Ólafsson b. í Rugludal og k.h. Ingunn Jónsdóttir. Ingunn var hjá foreldrum sínum á Brún 1816 og fermdist í Bergsstaðasókn 1830. Hún var bústýra hjá Sveini í Sellandi 1835-1836. Ingunn var húskona á Balaskarði 1842-1843 og 1844-1845, en bústýra á Balaskarði 1845-1846. Húskona á Illugastöðum á Laxárdal fremri 1846-1847, en bústýra á Balaskarði aftur 1847-1851. Húskona á Njálsstöðum á Skagaströnd 1851-1852-. Vinnukona á Njálsstöðum -1855-1856- og á Höskuldsstöðum á Skagaströnd -1860-1861-, en var í skjóli Engilráðar dóttur sinnar í Skrapatungu 1865-1867, á Blálandi 1867-1870 og á Syðra-Hóli 1870 til æviloka. Börn: Engilráð, f. 6. des. 1839 í Sellandi, g. Guðmundi Guðmundssyni b. í Kambakoti á Skagaströnd. Júlíana Hólmfríður, f. 14. nóv. 1841 á Balaskarði, d. 2. febr. 1843 á sama stað.

Athugasemd: Sveinn var um skeið í Blöndudalshólum vorið 1831.

(Íslenzkar æviskrár IV, 88; Ritsafn Stefáns Jónssonar á Höskuldsstöðum IV, 123-127; Sagnablöð hin nýju, 229; Ættatölub. Jóns Espólíns, 3395 og 4165; Ættatölub. Ólafs Snóksdalíns, 546-547 og 559; Ættatölub. Steingríms Jónssonar, 1274, 4795 og 5387).

Sveinn Pétursson,

f. nál. 1725, d. 1795 eða 1796. Faðir: Pétur Nikulásson b. á Ytri-Ey á Skagaströnd. Búsettur í Ljótshólum í Svínadal -1751-1752-. Búlaus í Svínavatnshreppi 1759-1768 og á Guðlaugsstöðum í Blöndudal 1769-1770. Bóndi á Guðlaugsstöðum 1770-1783- og í Eyvindarstaðagerði -1784 til æviloka. – Kona: Ólöf Guðmundsdóttir, f. um 1727 á Gili, d. 1817 (gr. 15. júní 1817) á Guðlaugsstöðum. For.: Guðmundur Björnsson b. í Bólstaðarhlíðarhreppi og k.h. Helga Árnadóttir. Ólöf bjó ekkja í Eyvindarstaðagerði 1796-1797, en var í skjóli frændfólks síns á Guðlaugsstöðum -1800 til æviloka. Við húsvitjun í Auðkúluprestakalli 1803 er Ólöf sögð ráðvönd. Hún varð karlæg. Ólöf átti 8 hundruð í Guðlaugsstöðum. Hún gaf Sveini fjórðungsgjöf í eigum sínum í föstu og lausu, eftir sinn dag, 14. apríl 1770. Barnlaus. Barnsmóðir: Guðrún Jónsdóttir, f. nál. 1720, vk. í Svínavatnshreppi. For. ókunnir. Barn þeirra fæddist 1751 eða 1752 í Svínavatnshreppi.

(Sýslumannaæfir I, 400 og II, 376; Hlynir og hreggviðir, 26; Dómab. Hún. 27. apríl 1770; JS. 597, 4to; Ættatölub. Jóns Espólíns, 392; Ættatölub. Ólafs Snóksdalíns, 230 og 533; Ættatölub. Steingríms Jónssonar, 271).

Sveinn Sveinsson.

F. um 1765 á Steinnýjarstöðum á Skagaströnd, d. 26. júní 1827 á Syðri-Löngumýri í Blöndudal. For.: Sveinn Sveinsson b. í Háagerði á Skagaströnd og k.h. Sigríður Jónsdóttir. Ráðsmaður hjá móður sinni í Háagerði 1784-1785. Vinnumaður í Harastaðakoti á Skagaströnd 1785-1786 og á Finnsstöðum á Skagaströnd 1786-1787-. Búsettur á Sævarlandi í Laxárdal ytri -1795-1799. Búlaus á Strjúgsstöðum 1799-1801-. Bóndi á Strjúgsstöðum 1802-1806 og á Syðri-Löngumýri 1806 til æviloka. Sveinn var orðinn eigandi Strjúgsstaða 1801. Hann keypti Syðri-Löngumýri fyrir 361 ríkisdal á uppboði Hólastólsjarða árið 1802. – Kona, g. 18. okt. 1794, Sigurlaug Sigurðardóttir, f. um 1765 á Sævarlandi, d. 23. ágúst 1821 á Syðri-Löngumýri. For.: Sigurður Gunnarsson b. á Sævarlandi og k.h. Þórunn Ólafsdóttir. Börn: Sölvi, f. 12. okt. 1795 á Sævarlandi, b. á Syðri-Löngumýri, kv. Helgu Halldórsdóttur. Sigurlaug, f. 30. ágúst 1796 á Sævarlandi, d. 22. sept. 1796 á sama stað. Sigurlaug, f. 8. maí 1798 á Sævarlandi, d. 22. maí 1798 á sama stað. Stefán, f. um 1808 á Syðri-Löngumýri, b. á Ytri-Löngumýri í Blöndudal, kv. fyrr Ólöfu Halldórsdóttur, síðar Guðrúnu Guðmundsdóttur. Jón. (Ættatölub. Jóns Espólíns, 3954). Málfríður. (Ættatölub. Ólafs Snóksdalíns, 830; Ættatölub. Steingríms Jónssonar, 4945). Barnsmóðir: Solveig Halldórsdóttir, f. um 1793 á Þröm í Blöndudal, d. 12. jan. 1847 á Hurðarbaki í Vesturhópi, vk. á Ytri-Löngumýri. For.: Halldór Jónsson b. á Ytri-Löngumýri og k.h. Solveig Jónsdóttir. Solveig giftist síðar Markúsi Andréssyni b. á Lækjamóti í Víðidal. Barn: Ingibjörg, f. 1815 á Ytri-Löngumýri, g. Jósef Guðmundssyni b. á Hurðarbaki. Barnsmóðir: Ástríður Þórðardóttir, f. 12. des. 1795 á Kárastöðum á Bakásum, d. 16. nóv. 1829 á Syðri-Löngumýri, vk. á Syðri-Löngumýri. For.: Þórður Gíslason b. á Gilá í Vatnsdal og barnsm.h. Ingibjörg Árnadóttir vk. á Kárastöðum. Barn: Guðrún, f. 6. okt. 1826 á Syðri-Löngumýri, g. fyrr Sigurði Sveinssyni b. á Vindhæli á Skagaströnd, síðar Jóhanni Brandssyni b. í Bakkagerði á Skagaströnd, átti einnig dóttur með Vigfúsi Hanssyni vm. á Skefilsstöðum á Skaga 1855.

(Borgfirzkar æviskrár XII, 50 og XIII, 193; Saga Skagstrendinga og Skagamanna, 24; Mannaferðir og fornar slóðir, 210-211; Syrpa úr handritum Gísla Konráðssonar I, 258; Föðurtún, 139-140; Húnavaka 1977, 78-82 og 84-88; Norðri 1855 (nr. 13), 51-52; Brandsstaðaannáll, 44; Sýsluskj. Hún. XV, 3, 14. júlí og 1. og 3. sept. 1804 (samantekt um ættmenni Eyjólfs Gunnarssonar); Skiptab. Hún. 20. júní 1822; Ættatölub. Jóns Espólíns, 3953-3954; Ættatölub. Ólafs Snóksdalíns, 442 og 830; Ættatölub. Steingríms Jónssonar, 4945 og 6123).

Sveinn Sveinsson.

F. 14. maí 1802 á Hólabaki í Þingi, dr. 14. des. 1844 í Blöndu. For.: Sveinn Sveinsson b. á Hólabaki og k.h. Guðrún Þorsteinsdóttir, síðar húsm. í Hólabæ. Fermdur í Þingeyrasókn 1815. Var hjá móður sinni á Hólabaki 1816. Ráðsmaður hjá móður sinni á Strjúgsstöðum 1824-1825- og hjá Guðrúnu Gísladóttur á Breiðavaði í Langadal 1829-1830. Bóndi á Örlygsstöðum á Skagaströnd 1830-1831 og hafði jafnframt bú í Kurfi á Skagaströnd 1830-1831. Ráðsmaður hjá móður sinni á Strjúgsstöðum 1831-1835. Vinnumaður í Glaumbæ í Langadal 1835-1836. Bóndi á Hafursstöðum á Skagaströnd 1836-1837, á Holtastöðum í Langadal 1837-1838 og í Hólabæ 1838 til æviloka. Sveinn var gjörvilegur álitum, hagur og hugvitssamur, talinn nokkuð blendinn og gat verið meinyrtur. Hann fórst í vök á Blöndu suður og niður undan Holtastöðum ásamt bróður sínum Bjarna Sveinssyni bónda á Strjúgsstöðum og sambýlismanni hans Kristjáni Guðmundssyni bónda á sama stað. Voru þeir að flytja stóra og þunga eikarkistu á sleða frá Geitaskarði að Strjúgsstöðum. – Kona, g. 23. okt. 1835, Guðbjörg Ingimundardóttir, f. 16. maí 1808 í Glaumbæ, d. 9. ágúst 1890 á Illugastöðum á Laxárdal fremri. For.: Ingimundur Jónsson b. á Skeggsstöðum og k.h. Kristín Jónsdóttir. Guðbjörg var hjá foreldrum sínum í Glaumbæ 1816 og fermdist í Holtastaðasókn 1822. Hún var vinnukona í Steinárgerði 1828-1830, í Rugludal 1830-1831, á Steiná 1831-1832 og í Þverárdal 1832-1833. Hún bjó ekkja í Hólabæ 1844-1852, en giftist þá Stefáni Sveinssyni b. í Hólabæ. Börn: drengur, f. 17. júní 1836 á Hafursstöðum. Hann fæddist andvana. stúlka, f. 18. mars 1838 á Holtastöðum. Hún fæddist andvana. Sveinn, f. 14. sept. 1839 í Hólabæ, d. 4. des. 1846 á sama stað. Ingimundur, f. 28. ágúst 1842 í Hólabæ, b. í Mjóadal, kv. (Júlíönu) Ingibjörgu Ólafsdóttur, átti einnig dóttur með Hólmfríði Davíðsdóttur og son með Ósk Ingibjörgu Þorleifsdóttur. Bjarni, f. 7. júní 1844 í Hólabæ, b. á Illugastöðum á Laxárdal fremri, kv. Ingibjörgu Guðmundsdóttur.

Athugasemd: Guðbjörg Ingimundardóttir var af sumum talin laundóttir Björns Jónssonar pr. í Bólstaðarhlíð.

(Húnvetningasaga II, 613-614, 672-673 og 679 og III, 883-885 og 888-889; Mannaferðir og fornar slóðir, 200-201, 208-209 og 209-210; Föðurtún, 81 og 113; Húnavaka 1989, 138, 143-145 og 161-163; Brandsstaðaannáll, 150; Annáll nítjándu aldar II, 206-207 og 225-226; Skiptab. Hún. 29. des. 1845).

Sveinn Sæmundsson.

F. um 1673, á lífi á Barkarstöðum 1703. For. ókunnir. Bóndi á Barkarstöðum -1701-1703-. – Kona: Ólöf Eiríksdóttir, f. um 1674, á lífi í Bergsstaðasókn 1714. For. ókunnir. Ólöf var bústýra hjá Sveini á Barkarstöðum -1702-1703-, og voru þau þá ógift. Hún bjó ekkja á Barkarstöðum -1708-1709-. Ókunnugt um börn. – Barnsfaðir Ólafar: Jón Illugason, f. nál. 1680, vm. í Bergsstaðasókn. Börn þeirra tvö fæddust, hið eldra 1711 eða 1712 í Bergsstaðasókn, hið yngra 1713 eða 1714 í Bergsstaðasókn.

Athugasemd: Jón Illugason, barnsfaðir Ólafar, átti barn með Guðrúnu Brynjólfsdóttur í Auðkúluprestakalli 1709 eða 1710. Hér mun annað hvort vera um að ræða Jón Illugason, sem var í vinnumennsku á Auðólfsstöðum 1703, sagður 22 ára, eða Jón Illugason, sem var til heimilis á Snæringsstöðum í Svínadal 1703, sagður 21 árs. Sá fyrrnefndi bjó síðar á Gili.

(Vorþeyr og vébönd, 160 og 219).

Sveinn Tómasson.

F. 16. mars 1813 í Engimýri í Öxnadal, d. 28. okt. 1877 í Glaumbæjarprestakalli í Skagafjarðarsýslu. For.: Tómas Daníelsson b. í Borgargerði í Norðurárdal og k.h. Ingibjörg Þorláksdóttir. Var hjá foreldrum sínum í Borgargerði 1816 og fermdist í Silfrastaðasókn í Skagafjarðarsýslu 1828. Vinnumaður á Syðsta-Vatni á Efribyggð 1834-1835 og á Æsustöðum 1835-1841-. Bóndi í Selhaga 1842-1843, á Reykjum í Tungusveit 1843-1851, á Daufá á Neðribyggð 1851-1859, í Borgarey í Vallhólmi 1859-1868, í Laufási á Neðribyggð 1868-1869 og í Borgarey aftur 1869-1876. Sveinn var ráðvandur hæglætismaður, greindur og vel að sér. – Kona, g. 5. okt. 1843, Margrét Arnórsdóttir, f. 13. febr. 1815 á Bergsstöðum, d. 16. okt. 1885 í Syðra-Vallholti í Vallhólmi. For.: Arnór Árnason pr. á Bergsstöðum og k.h. Margrét Björnsdóttir. Margrét var hjá foreldrum sínum á Bergsstöðum 1816 og fermdist í Bólstaðarhlíðarsókn 1830. Hún var vinnukona í Þverárdal -1839-1841-, en bústýra hjá Sveini í Selhaga 1842-1843. Margrét var talin fyrir búi þeirra hjóna í Borgarey 1876-1877, en bjó ekkja í Borgarey 1877-1878. Hún var í skjóli fósturdóttur sinnar Margrétar Þórunnar Árnadóttur á sama stað 1878-1885, en síðast í Syðra-Vallholti. Margrét var greind og vel að sér. Barnlaus.

Athugasemdir: 1) Í Manntali á Íslandi 1816 er Sveinn talinn fæddur á Auðnum í Öxnadal. Það stangast á við kirkjubækur. 2) Sveinn er ekki skráður hjá konu sinni í Borgarey við húsvitjun í Glaumbæjarprestakalli veturinn 1876-1877. Þá er hún sögð ekkja.

(Íslenzkar æviskrár I, 81-82; Skagfirzkar æviskrár 1850-1890 III, 238-239; Niðjatal Þorvalds Böðvarssonar prests í Holti undir Eyjafjöllum og Björns Jónssonar prests í Bólstaðarhlíð, 51 og 57; Saga frá Skagfirðingum IV, 27; Ritsafn Eiðs Guðmundssonar á Þúfnavöllum II, 57; Ættatölub. Jóns Espólíns, 335, 1502 og 5254; Ættatölub. Ólafs Snóksdalíns, 534; Ættatölub. Steingríms Jónssonar, 4796).

Sæmundur Björnsson.

F. um 1684, á lífi í Bólstaðarhlíðarhreppi 1741. For. ókunnir. Vinnupiltur á Hofi í Vatnsdal -1702-1703-. Bóndi í Sellandi -1734-1739-. Búlaus í Bólstaðarhlíðarhreppi -1740-1741-. – Ókunnugt um kvonfang, en sonur hans var: Þorleifur, f. um 1713, b. í Stafni, kv. fyrr Engilráð Jónsdóttur, síðar Ragnheiði Ísaksdóttur.

(Ættatölub. Jóns Espólíns, 1181-1184).

Sæmundur Eggertsson.

F. um 1696, á lífi á Eiríksstöðum 1735. For.: Eggert Jónsson pr. á Svalbarði í Þistilfirði og f.k.h. Þórunn Þorvaldsdóttir. Var hjá foreldrum sínum á Svalbarði 1703, en síðar við nám á Hólum í Hjaltadal um tíma. Bóndi á Eiríksstöðum -1733-1735-. Hann bjó á Eiríksstöðum til æviloka, en ekki er vitað hvenær hann dó. – Kona, ls. 1717 eða 1718, Halldóra Eyjólfsdóttir, f. um 1682, á lífi á Eiríksstöðum 1739. For. ókunnir. Halldóra var vinnukona á Hofi á Skagaströnd -1702-1703-. Hún bjó ekkja á Eiríksstöðum -1737-1739. Sæmundur og Halldóra áttu saman barn í lausaleik í Bólstaðarhlíðarsókn 1717 eða 1718, og var það fyrsta frillulífisbrot beggja. Börn: Þórunn, f. um 1719, á lífi á Kúfustöðum 1799, var hjá systurdóttur sinni Margréti Jónsdóttur á Marðarnúpi í Vatnsdal 1792, en síðar á Kúfustöðum. Ingibjörg, f. um 1720, g. Jóni Tómassyni b. á Eyvindarstöðum.

(Íslenzkar æviskrár I, 322; Ættatölub. Jóns Espólíns, 6104; Ættatölub. Steingríms Jónssonar, 4011 og 4017).

Sæmundur Magnússon.

F. nál. 1715, d. 5. mars 1784 á Æsustöðum. For.: Magnús Skaftason b. á Víðimýri í Seyluhreppi og k.h. Ragnhildur Jónsdóttir. Var lengi búlaus hjá foreldrum sínum á Víðimýri. Bóndi á Víðimýri -1765-1774 og á Æsustöðum 1774 til æviloka. Hann var hreppstjóri í Seyluhreppi í Skagafjarðarsýslu 1747-1751 og 1758-1762-. Sæmundur var riðvaxinn, ærið loðbrýndur og skolbrýnn, og hárskúfur upp úr nefi, heldur sterkur, meðan hann var ungur, og allra manna þolnastur. Hann var nafnkenndur að hreysti og hugdirfsku, drykkjuskap og háreysti. Espaði hann sig jafnan mest við stórmenni og helst við danska kaupmenn og gjörði þeim óp og hark. Var hann áræðinn, svo fáir höfðu hendur á honum, og lést oft vera drukkinn, þó eigi væri hann. Hann varði sig stundum með staurum, er að honum var sótt, en stundum reið hann á sund og jafnt í sjávarvíkum sem vötnum, setti hann hestinn á flest, en barst þó lítt á og komst oft úr háska með ólíkindum, enda átti hann góða hesta. Einnig fældi hann marga með hljóðum sínum, því hann var raddmikill. Var hann nafnkenndur víða um land, og aldrei var þess getið, að hann legðist lengi fyrir, þó hann hlyti byltur óhaglegar eða fengi meiðingar í ferðum sínum. En hermt er að hann væri allur orðinn hnýttur og bæklaður af byltum sínum er hann lést. Jafnan var Sæmundur góður við snauða menn og alla þá er liðu þröng. Hann átti Æsustaði, Víðimýri og Brekku hjá Víðimýri, en seldi Brekku og hálfa Víðimýri Halldóri Bjarnasyni Vídalín klausturhaldara á Reynistað fyrir 290 ríkisdali í peningum og lausafé 15. apríl 1773. Honum var úthlutað gjafakorni 21. apríl 1757. – Fyrsta kona: Gróa Ísleifsdóttir, f. nál. 1715, d. 1743. For.: Ísleifur Bjarnason b. á Holtastöðum í Langadal og k.h. Guðrún Jónsdóttir. Gróa andaðist úr bólusótt. Barn þeirra dó ungt úr bólusótt. Önnur kona: Ragnheiður Þorláksdóttir, f. nál. 1720. For.: Þorlákur Markússon b. og annálaritari á Sjávarborg í Borgarsveit og k.h. Hólmfríður Aradóttir. Ragnheiður andaðist af barnsförum. Barn þeirra hefur dáið ungt. Þriðja kona: Sigríður Jónsdóttir, f. nál. 1710, d. 1771 á Víðimýri. For.: Jón Þórðarson pr. á Tjörn í Svarfaðardal og k.h. Sigríður Markúsdóttir. Börn: Ragnheiður, f. nál. 1750, g. Þorfinni Jónssyni b. og lögréttum. á Brenniborg á Neðribyggð. Ragnhildur. (Ættatölub. Steingríms Jónssonar, 80). Fjórða kona: Sesselja Gísladóttir, f. um 1726, á lífi í Bólstaðarhlíð 1814, ekkja Jóns Ólafssonar b. á Hofdölum í Hofstaðabyggð. For.: Gísli Konráðsson b. í Flugumýrarhvammi í Blönduhlíð og k.h. Steinunn Egilsdóttir. Sesselja var búlaus á Æsustöðum 1784-1785, en bjó ekkja á sama stað 1785-1787. Hún var búlaus á Æsustöðum 1787-1788, en bjó ekkja á sama stað 1788-1800. Sesselja var búlaus á Æsustöðum 1800-1804, búsett í Bólstaðarhlíð -1808-1809-, en þurfakona á sama stað 1811-1814. Hermt er að Sesselja hafi haft fremur ófríðan munnsvip. Barnlaus. Barnsmóðir: Þuríður Þórðardóttir, f. nál. 1710, vk. í Viðvíkurþingsókn í Skagafjarðarsýslu. For. ókunnir. Barn þeirra fæddist 1739 eða 1740. Það dó ungt. Ennfremur átti Sæmundur eitt óskilgetið barn sem dó ungt. – Fyrri maður Sesselju: Jón Ólafsson, f. nál. 1710, b. á Hofdölum -1741-1742-. For. ókunnir. Ókunnugt um börn.

Athugasemdir: 1) Tímans vegna virðist það í hæpnasta lagi að Sigríður Jónsdóttir, þriðja kona Sæmundar, hafi verið dóttir prestshjónanna á Tjörn. Ættatölur eru þó samsaga um að svo hafi verið. 2) Sesselja Gísladóttir má vel hafa dáið 1814 eða 1815, því hún hverfur af skrám yfir þurfafólk í Bólstaðarhlíðarhreppi árið 1815. 3) Hægt er að láta sér til hugar koma að Jón Ólafsson, fyrri maður Sesselju Gísladóttur, kunni að hafa verið faðir Þóru Jónsdóttur, f. um 1744 á Hofdölum, d. 15. júní 1817 í Syðra-Tungukoti, vinnukonu á Botnastöðum 1801. Hún gæti þó allt eins hafa verið dóttir Jóns Tómassonar bónda á Hofdölum -1741-1742-.

(Íslenzkar æviskrár III, 306-307 og V, 164; Svarfdælingar II, 223; Lögréttumannatal, 252, 547 og 558-559; Sýslumannaæfir I, 397-398 og III, 34-35; Húnvetningasaga I, 143, 160, 193, 286, 326-327, 328 og 332; Saga frá Skagfirðingum I, 40, 52, 53, 94-95, 105-106, 115, 141, 147, 162 og 174; Æfisaga Gísla Konráðssonar, 12-15; Annálar 1400-1800 IV, 216-235, 457, 540 og 600 og VI, 259; Alþingisb. XV, 369; Dómab. Skag. 20. apríl 1740, 8. maí 1747, 30. apríl og 20. sept. 1751, 22. apríl 1758 og 14. okt. 1761; Skiptab. Hún. 12. des. 1808; Skiptab. Skag. 1. júní 1781; Lbs. 95, fol. (Verslunarb. Hofsóskaupstaðar 1764-1769); Ættatölub. Jóns Espólíns, 567, 865, 922, 1634 og 4191; Ættatölub. Ólafs Snóksdalíns, 64, 231, 410, 411 og 683; Ættatölub. Steingríms Jónssonar, 80, 118, 287, 390, 3658 og 4106).

Sæmundur Teitsson.

F. um 1684, á lífi í Torfalækjarhreppi 1746. For.: Teitur Arngrímsson b. á Norðurlandi og k.h. Halldóra Jónsdóttir. Vinnumaður á Eyvindarstöðum -1702-1703-. Bóndi á Þorbrandsstöðum í Langadal nál. 1725, í Hvammi á Laxárdal -1733-1740, á Gunnsteinsstöðum 1740-1741- og á Strjúgsstöðum -1744-1745. Búlaus í Torfalækjarhreppi 1745-1746-. – Kona: Guðrún Sveinsdóttir, f. um 1697. For.: Sveinn Pálsson b. í Hvammi í Langadal og k.h. Björg Brynjólfsdóttir. Hún var hjá foreldrum sínum á Beinakeldu á Reykjabraut 1703. Sæmundur og Guðrún fengu gott orð. Börn: Kristín, f. um 1721, g. Sigurði Jónssyni b. á Hnjúki í Vatnsdal. Þorbjörg, f. um 1723, g. Illuga Björnssyni b. á Syðri-Leifsstöðum. Gísli, f. nál. 1725, fór til Kaupmannahafnar að nema koparsmíði. Ennfremur kunna dætur þeirra að hafa verið: Guðrún Sæmundsdóttir, f. um 1718, vk. í Þverárdal 1762. Björg Sæmundsdóttir, f. nál. 1725, vk. á Geithömrum í Svínavadal, óg., en átti barn sem fæddist 17. mars 1760.

Athugasemdir: 1) Sæmundur var orðinn bóndi í Bólstaðarhlíðarhreppi 1728. 2) Sæmundur og Guðrún voru bæði látin 1752.

(Dómab. Hún. 15. sept. 1752 og 3. maí og 26. sept. 1760; Ættatölub. Jóns Espólíns, 3925-3926, 4109, 4603-4604 og 4950; Ættatölub. Ólafs Snóksdalíns, 341, 500 og 694).