Jakob ( 1689-?) Ábúandi íÞverdalskoti

hét búandi í Þverárdalskoti -1689-1690-.

Athugasemd: Má vera að hér sé kominn:

Jakob Egilsson (1657-1720). Hvammi á Laxárdal.

F. um 1657, á lífi á Marðarnúpi í Vatnsdal 1720. For. ókunnir. Bóndi á Hvalnesi á Skaga -1700-1703- og á Marðarnúpi -1720-. Jakob tók upp fjármuni hjá Jóni Þórólfssyni bónda í Hvammi á Laxárdal fremri, öldruðum manni og sjónlausum, árið 1688. Spratt af því langvinnur málarekstur. – Kona: Sigríður Ólafsdóttir, f. um 1664, á lífi á Hvalnesi 1703. For. ókunnir. Börn: Gísli, f. um 1692, b. í Höfðahólakoti á Skagaströnd, kv. Hallfríði Einarsdóttur, átti áður barn með Guðrúnu Jónsdóttur. Egill, f. um 1695, b. á Tjarnarkoti í Nesjum, átti barn með Guðrúnu Sigurðardóttur. Jón, f. um 1699, var hjá foreldrum sínum á Hvalnesi 1703. Guðrún, f. um 1701, var hjá foreldrum sínum á Hvalnesi 1703.

(Alþingisb. VIII, 233, 247, 425, 472-473 og 544, IX, 17-18, 82, 98-99 og 151 og XII, 510-511; Dómab. Hún. 3. des. 1720).

Jakob Jónsson (1815-1885) Bóndi í Finnstungu og Holtastöðum.

F. 26. sept. 1815 á Smyrlabergi á Ásum, d. 11. des. 1885 á Efra-Skúfi í Norðurárdal. For.: Jón Jónsson b. á Smyrlabergi og f.k.h. Guðrún Þorvarðsdóttir. Var hjá foreldrum sínum á Smyrlabergi 1816, en fermdist í Blöndudalshólasókn 1830. Vinnumaður á Æsustöðum 1834-1836, á Auðólfsstöðum 1836-1843 og á Æsustöðum aftur 1843-1847. Bóndi í Finnstungu 1847-1850. Vinnumaður á Holtastöðum í Langadal 1850-1851. Bóndi á Holtastöðum 1851-1852, á Smyrlabergi 1852-1856, í Finnstungu aftur 1856-1860 og í Ytra-Tungukoti 1860-1864. Vinnumaður í Sauðanesi á Ásum 1864-1865. Húsmaður í Sauðanesi 1865-1866. Bóndi á Brandsstöðum 1866-1868 og í Engihlíð í Langadal 1868-1876. Hann var í skjóli Jakobs sonar síns í Engihlíð 1876-1883 og á Efra-Skúfi 1883 til æviloka. – Fyrri kona, g. 8. maí 1848, Vilborg Bjarnadóttir, f. 30. nóv. 1809 á Litla-Búrfelli í Svínavatnshreppi, d. 30. jan. 1866 í Sauðanesi. For.: Bjarni Jónsson b. í Finnstungu og k.h. Elín Helgadóttir. Vilborg var hjá foreldrum sínum í Finnstungu 1816 og fermdist í Blöndudalshólasókn 1824. Hún var húskona í Sauðanesi 1864 til æviloka. Börn: Jón, f. 12. des. 1848 í Finnstungu, d. 12. des. 1849 á sama stað. Jakob Bjarni, f. 15. jan. 1854 á Smyrlabergi, b. á Efra-Skúfi, kv. Svanhildi Einarsdóttur. Seinni kona, g. 11. maí 1868, Kristín Ásmundsdóttir, f. 1818 eða 1819 í Reykjasókn í Skagafjarðarsýslu, d. 14. nóv. 1875 í Engihlíð, ekkja Eggerts Björnssonar b. á Brandsstöðum. For.: Ásmundur Ásmundsson b. á Írafelli í Svartárdal og k.h. Sesselja Gísladóttir. Kristín bjó ekkja á Brandsstöðum 1865-1866, en var bústýra hjá Jakobi á sama stað 1866-1868. Barnlaus. Barnsmóðir: Ingibjörg Ólafsdóttir, f. 13. okt. 1825 á Auðólfsstöðum, d. 28. nóv. 1885 í Sellandi, vk. á Auðólfsstöðum. For.: Ólafur Björnsson b. á Auðólfsstöðum og k.h. Margrét Snæbjörnsdóttir. Ingibjörg giftist síðar Illuga Jónassyni b. á Steiná. Barn: Einar, f. 6. sept. 1843 á Auðólfsstöðum, d. 2. febr. 1872 á Botnastöðum, vm. í Hvammi í Svartárdal 1860, en síðast á Botnastöðum, ókv., en gekkst við syni Dagbjartar Kráksdóttur. Barnsmóðir: Guðríður Guðmundsdóttir, f. 15. júní 1822 í Flatatungu á Kjálka, d. 8. jan. 1858 á Æsustöðum, vk. á Æsustöðum. For.: Guðmundur Guðmundsson b. á Ábæ í Austurdal og f.k.h. Valgerður Guðmundsdóttir. Barn: Þorsteinn, f. 3. ágúst 1845 á Æsustöðum, d. 8. sept. 1846 á sama stað.

(Skagfirzkar æviskrár 1850-1890 II, 4-5 og 68-72; Fremra-Hálsætt II, 42-43; Ættarskrá Bjarna Þorsteinssonar, 371 og 373; Hrakhólar og höfuðból, 47-49 og 205-206; Troðningar og tóftarbrot, 40; Ritsafn Stefáns Jónssonar á Höskuldsstöðum III, 65-66; Húnavaka 1988, 109-110; Skiptab. Hún. 24. sept. 1822; Ættatölub. Jóns Espólíns, 3063 og 4408; Ættatölub. Ólafs Snóksdalíns, 639 og 720).

Jannes Narfason (1715-1755?) Bóndi í Gautsdal.

F. nál. 1715, á lífi í Holtastaðasókn 1755. Faðir hans mun hafa verið Narfi Jónsson b. í Brekkukoti í Þingi. Búlaus í Vindhælishreppi 1740-1741- og á Auðólfsstöðum -1745-1746-. Bóndi í Gautsdal -1751-1754-. – Kona: Helga (föðurnafn ótilgreint), f. nál. 1715, á lífi í Holtastaðasókn 1755. For. ókunnir. Barn: Valgerður, var í Holtastaðasókn 1755. Ennfremur kann dóttir þeirra að hafa verið: Sigríður Jannesdóttir vk. í Bólstaðarhlíð 1762.

(Biskupsskjalasafn B VII).

Jóhann Gíslason (1804-1864) Bóndi í Eiríkstaðakoti, Torfustöðum, Sellandi og Ytra-Tungukoti.

F. 26. júlí 1804 á Svaðastöðum í Hofstaðabyggð, d. 17. ágúst 1864 í Ytra-Tungukoti. For.: Gísli Gíslason b. á Vatnsleysu í Viðvíkursveit og k.h. Arnfríður Jónsdóttir. Var hjá foreldrum sínum á Vatnsleysu 1816 og fermdist í Hofstaðasókn í Skagafjarðarsýslu 1818. Vinnumaður á Bakka í Viðvíkursveit 1822-1823-, í Ásgeirsbrekku í Viðvíkursveit -1827-1828, á Reykjum í Hjaltadal 1828-1830, á Hofdölum í Hofstaðabyggð 1830-1832 og í Miðhúsum í Óslandshlíð 1832-1833. Bóndi í Hólakoti á Höfðaströnd 1833-1836, í Ártúni á Höfðaströnd 1836-1840 og í Eiríksstaðakoti 1840-1844. Húsmaður í Eiríksstaðakoti 1844-1851. Bóndi á Torfustöðum 1851-1852 og í Sellandi 1852-1864, en síðast í Ytra-Tungukoti. Við húsvitjun í Hólasókn 1829 er Jóhann sagður hafa á sér allgott orð og við húsvitjun í sömu sókn 1830 er hann sagður mikill á lofti. – Kona, g. 1. des. 1836, Kristín Guðmundsdóttir, f. 14. okt. 1804 í Gröf á Höfðaströnd, d. 24. okt. 1868 á Bollastöðum. For.: Guðmundur Jónsson b. í Geitagerði hjá Reynistað og barnsm.h. Abigael Vilhjálmsdóttir húsm. í Gröf, áður g. Jóni Konráðssyni b. í Gröf. Kristín var hjá móður sinni í Gröf 1816 og fermdist í Hofssókn í Skagafjarðarsýslu 1818. Hún var bústýra hjá Jóhanni í Hólakoti 1833-1836. Kristín bjó ekkja í Ytra-Tungukoti 1864-1865, en var búsett á Bollastöðum 1865-1867. Próventukona á Bollastöðum 1867 til æviloka. Barnlaus. Barnsmóðir: Sigríður Erlendsdóttir, f. 6. júní 1787 á Munkaþverá á Staðarbyggð, d. 5. júní 1859 á Neðri-Vindheimum á Þelamörk, vk. á Reykjum. For.: Erlendur Hjálmarsson b. á Brúarlandi í Deildardal og f.k.h. Karítas Sveinsdóttir. Sigríður var gift Árna Jónssyni b. á Grindum í Deildardal 1827-1828. Barn: Jóhann, f. 15. maí 1830 á Reykjum. Barnsmóðir: Ólöf Ólafsdóttir, f. um 1802 í Fellssókn í Skagafjarðarsýslu, d. 11. júní 1873 í Eyhildarholti í Hegranesi, vk. á Hofdölum. For.: Ólafur Guðmundsson b. á Kappastöðum í Sléttuhlíð og k.h. Sigríður Jónsdóttir. Ólöf giftist síðar Hafliða Jónssyni b. á Hofdölum og svo Sigurði Þorleifssyni b. á Hofdölum. Barn: Anna, f. 11. júní 1831 á Hofdölum, g. Jóni Jónssyni b. á Mýlaugsstöðum í Aðaldal.

(Íslenzkar æviskrár I, 438-439; Skagfirzkar æviskrár 1850-1890 I, 232-233; Ættir Þingeyinga VIII, 120-137; Saga frá Skagfirðingum II, 73, 115, 166 og 176 og III, 66 og 171; Skagfirðingabók 2014, 138; Skiptab. Hún. 16. des. 1844; Ættatölub. Jóns Espólíns, 1638, 4736, 5492 og 5597).

Jóhannes Björnsson (1802-1858) Bóndi í Sellandi.

F. 29. jan. 1802 á Flugumýri í Blönduhlíð, d. 15. júní 1858 á Meyjarlandi á Reykjaströnd. For.: Björn Lúðvíksson b. í Efra-Lýtingsstaðakoti í Tungusveit og k.h. Þórunn Jónsdóttir. Var hjá foreldrum sínum í Efra-Lýtingsstaðakoti 1816 og fermdist í Mælifellssókn í Skagafjarðarsýslu 1817. Vinnumaður á Nýjabæ í Austurdal 1822-1824, á Uppsölum í Blönduhlíð 1824-1825-, á Keldulandi á Kjálka -1826-1827, á Miðvöllum í Svartárdal 1827-1828 og í Ytri-Svartárdal í Svartárdal 1828-1829. Ráðsmaður í Teigakoti í Tungusveit 1829-1833. Vinnumaður á Hrauni í Tungusveit 1833-1834, á Sveinsstöðum í Tungusveit 1834-1835-, í Goðdölum í Vesturdal -1837-1838, á Æsustöðum 1838-1839 og í Finnstungu 1839-1840. Bóndi í Sellandi 1840-1845. Vinnumaður á Mið-Grund í Blönduhlíð 1845-1846, á Hjaltastöðum í Blönduhlíð 1846-1847, á Álfgeirsvöllum á Efribyggð 1847-1848, í Ytri-Svartárdal aftur 1848-1849, í Goðdölum aftur 1849-1850, á Hofstöðum í Hofstaðabyggð 1850-1853, á Sauðá í Borgarsveit 1853-1854, á Veðramóti í Gönguskörðum 1854-1855, á Vatnsleysu í Viðvíkursveit 1855-1857 og á Meyjarlandi 1857 til æviloka. – Kona, g. 10. nóv. 1838, Halldóra Oddsdóttir, f. 17. apríl 1797 á Miðsitju í Blönduhlíð, d. 22. júlí 1869 á Meyjarlandi. For.: Oddur Ormsson b. í Litladal í Blönduhlíð og barnsm.h. Valgerður Jónsdóttir vk. á Miðsitju. Halldóra var vinnukona á Bergsstöðum -1816-1817, á Skeggsstöðum 1817-1818, á Ánastöðum í Svartárdal 1818-1819-, í Fremri-Svartárdal í Svartárdal -1834-1835-, í Goðdölum -1837-1838, á Æsustöðum 1838-1839 og í Finnstungu 1839-1840. Hún var vinnukona á Mið-Grund 1845-1847, í Ytri-Svartárdal 1847-1849, á Hofstöðum 1849-1852, á Veðramóti 1852-1856 og á Meyjarlandi 1856 til æviloka. Barnlaus. – Barnsfaðir Halldóru: Gísli Björnsson, f. 3. febr. 1807 í Litladalskoti í Tungusveit, d. 29. sept. 1859 í Litlabæ í Blönduhlíð, b. í Litlabæ. For.: Björn Lúðvíksson b. í Efra-Lýtingsstaðakoti og k.h. Þórunn Jónsdóttir. Barn: Jónas, f. 25. ágúst 1834 í Fremri-Svartárdal, b. á Skálamói í Vopnafirði, kv. Solveigu Jóhannesdóttur.

Athugasemd: Jóhannes virðist hafa verið vinnumaður á Álfgeirsvöllum að hálfu og í Ytri-Svartárdal að hálfu vistarárið 1848-1849.

(Skagfirzkar æviskrár 1850-1890 III, 46-48; Ritsafn Stefáns Jónssonar á Höskuldsstöðum I, 60, 125, 132 og 188; Syrpa úr handritum Gísla Konráðssonar I, 157; Ættatölub. Jóns Espólíns, 1846-1847; Ættatölub. Ólafs Snóksdalíns, 827; Ættatölub. Steingríms Jónssonar, 4822).

Jóhannes Guðmundsson (1753-1808) Bóndi í Hólabæ.

F. um 1753, d. 20. des. 1808 á Blöndubakka í Refasveit. Óvíst er um foreldra hans, en hann er sagður ættaður að norðan. Vinnumaður á Ytri-Löngumýri í Blöndudal 1788-1791 og hafði jafnframt bú í Hólabæ -1790-1791. Bóndi í Hólabæ 1791-1794, á Hurðarbaki á Ásum 1794-1795, í Holti á Ásum 1795-1803, á Stóra-Búrfelli í Svínavatnshreppi 1803-1804, í Vatnahverfi í Refasveit 1804-1805 og á Blöndubakka 1805 til æviloka. – Kona, g. 6. des. 1789, Jarþrúður Eiríksdóttir, f. um 1765, d. 1. maí 1818 á Stóru-Giljá í Þingi. For.: Eiríkur b. í Húnavatnssýslu og k.h. Kristín Björnsdóttir. Jarþrúður var vinnukona á Ytri-Löngumýri 1786-1791. Hún bjó ekkja á Blöndubakka 1808-1809, en var vinnukona á Torfalæk á Ásum 1809-1810, á Húnsstöðum á Ásum 1810-1811 og í Holti á Ásum 1812-1813. Húskona á Akri í Þingi 1814-1815, á Orrastöðum á Ásum 1815-1816 og á Skinnastöðum á Ásum 1817 til æviloka. Börn: Sigurlaug, f. 24. jan. 1790 á Löngumýri, vk. á Syðri-Þverá í Vesturhópi 1819, óg. Eiríkur, f. um 1791, vm. í Hrappsey á Breiðafirði 1818, en ráðsm. á Fellsenda í Miðdölum 1835, ókv., en átti dóttur með Katrínu Guðmundsdóttur. Guðmundur, f. 5. nóv. 1794 í Holti, var hjá foreldrum sínum í Holti 1801. Kristján, f. 22. okt. 1799 í Holti, tökupiltur á Hjaltabakka á Ásum 1816.

Athugasemd: Í Manntali á Íslandi 1816 er Eiríkur Jóhannesson, sonur Jóhannesar og Jarþrúðar, talinn fæddur í Holti, en það er rangt, því að foreldrar hans voru ekki komnir að Holti um það leyti sem hann fæddist.

(Skiptab. Hún. 5. apríl 1809; Ættatölub. Jóns Espólíns, 5618; Ættatölub. Ólafs Snóksdalíns, 312-313 (innskotsblöð) og 416).

Jóhannes Guðmundsson (1801-1870) Bóndi á Brandsstöðum og Stóru-Mörk.

F. 15. ágúst 1801 á Haukagili í Vatnsdal, d. 30. maí 1870 á Vatnsenda í Vesturhópi. For.: Guðmundur Jónsson b. á Vatnsenda og s.k.h. Helga Jónsdóttir. Léttapiltur á Flögu í Vatnsdal -1816-1817 og hjá móður sinni og stjúpa á Vatnsenda 1817-1818. Smali í Vesturhópshólum í Vesturhópi 1818-1821. Vinnumaður á Brandsstöðum 1821-1825, í Gafli í Svínadal 1825-1826 og á Guðrúnarstöðum í Vatnsdal 1826-1833 og hafði jafnframt bú á Brandsstöðum 1831-1833. Bóndi á Brandsstöðum 1833-1835, á Stóru-Mörk 1835-1837, í Melrakkadal í Víðidal 1837-1850 og á Vatnsenda 1850 til æviloka. – Kona, g. 17. maí 1833, Ingibjörg Sigurðardóttir, f. í des. 1810 í Valdarási í Víðidal, d. 6. febr. 1884 á Vatnsenda. For.: Sigurður Þórarinsson b. í Valdarási og k.h. Málfríður Jónsdóttir. Ingibjörg var hjá foreldrum sínum í Valdarási 1816 og fermdist í Víðidalstungusókn 1825. Hún var í skjóli Björns sonar síns á Vatnsenda 1870 til æviloka. Börn: Málfríður, f. 1. mars 1834 á Brandsstöðum, d. 8. febr. 1860 í Hnausum í Þingi, heimasæta á Vatnsenda, óg. og bl. Sigurður, f. 16. júní 1835 á Stóru-Mörk, d. 15. jan. 1839 í Melrakkadal. Anna, f. 19. ágúst 1836 á Stóru-Mörk, g. Jasoni Þórðarsyni b. á Vatnsenda. Jónas, f. 14. febr. 1838 í Melrakkadal, d. 8. mars 1838 á sama stað. Sigurður, f. 21. maí 1840 í Melrakkadal. Helga, f. 13. okt. 1841 í Melrakkadal, ráðsk. á Vatnsenda 1870, óg. Björn, f. 4. apríl 1845 í Melrakkadal, b. á Vatnsenda, kv. Rósu Magnúsdóttur. Jóbjörg, f. 16. okt. 1846 í Melrakkadal, d. 25. okt. 1846 á sama stað. Jónas, f. 17. maí 1848 í Melrakkadal, d. 30. maí 1848 á Þorkelshóli í Víðidal. Jón, f. 30. sept. 1849 í Melrakkadal, d. 9. okt. 1849 á sama stað. Jóhannes, f. 18. ágúst 1851 á Vatnsenda, b. á Þernumýri í Vesturhópi, kv. Arnbjörgu Guðmundsdóttur. Hólmfríður, f. 16. jan. 1853 á Vatnsenda, d. 17. febr. 1853 á sama stað. Gunnlaugur Nói, f. 3. mars 1855 á Vatnsenda, d. 8. mars 1855 á sama stað. Ennfremur kann sonur þeirra að hafa verið: Jakob Sigurður Jóhannesson, d. 13. maí 1840 í Melrakkadal, sagður 2 ára. Barnsmóðir: Hólmfríður Ólafsdóttir, f. 6. nóv. 1825 í Gröf í Víðidal, d. 15. des. 1891 í Bjarghúsum við Klapparstíg í Reykjavík, vk. á Vatnsenda. For.: Ólafur Magnússon b. í Lækjamótskoti í Víðidal og k.h. Helga Magnúsdóttir. Hólmfríður giftist síðar Þórði Stefánssyni verkam. í Reykjavík. Barn: Ingibjörg Jóhanna, f. 30. okt. 1853 á Vatnsenda, d. 21. apríl 1860 á Rauðará við Reykjavík.

(Bergsætt II, 293; Brandsstaðaannáll, 38; Ættatölub. Jóns Espólíns, 184 og 2799; Ættatölub. Ólafs Snóksdalíns, 69 og 640; Ættatölub. Steingríms Jónssonar, 4693).

Jóhannes Guðmundsson (1823-1879) Bóndi á Gunnsteinsstöðum, Gautsdal og syðri-Mjóadal.

F. 13. ágúst 1823 á Auðkúlu í Svínadal, d. 7. maí 1879 á Undirfelli í Vatnsdal. For.: Guðmundur Arnljótsson b. á Brún og barnsm.h. Þóranna Þorsteinsdóttir vk. á Guðlaugsstöðum í Blöndudal, síðar g. Jónasi Tómassyni b. á Stóru-Giljá í Þingi. Var hjá föður sínum á Guðlaugsstöðum 1835 og fermdist í Svínavatnssókn 1837. Bóndi á Gunnsteinsstöðum 1848-1867 og hafði jafnframt bú í Hólabæ 1865-1867. Bóndi í Gautsdal 1867-1868 og hafði jafnframt bú í Ytri-Mjóadal 1867-1868. Bóndi í Syðri-Mjóidal 1868-1869, í Mjóidal 1869-1870 og í Hólabæ 1870-1875. Húsmaður á Holtastöðum í Langadal 1875-1876 og á Móbergi í Langadal 1876-1877. Vinnumaður á Móbergi 1877-1878. Ráðsmaður á Undirfelli 1878 til æviloka. Hann var lengi hreppstjóri í Bólstaðarhlíðarhreppi. Einnig var hann um skeið vigtarmaður á Hólanesi á Skagaströnd. Jóhannes var meira en meðalmaður að vallarsýn, stór og þrekinn, dökkur á hár, hrokkinhærður og þunnhærður, ljósgráeygur, ófríður og dökkleitur í andliti, fremur stórskorinn og handstór, og voru handarvöðvar miklir og þumalfingur gildir og bognir eins og í hálfboga. Hann var framúrskarandi dagfarshægur og stillur, orðlagður gáfumaður, afar bókhneigður og prýðilega ritfær, hvorki hraðmæltur né snjall ræðumaður, en skýr og rökfastur, hamhleypa til allra verka og verkhagur að sama skapi, afkastamikill vefari, eftirsóttur blóðtökumaður og yfirsetumaður, strangur bindindismaður framan af ævi, en varð mjög vínhneigður á efri árum. Jóhannes tók virkan þátt í félagsmálum sveitunga sinna, beitti sér fyrir búnaðarframförum og jarðabótaframkvæmdum, og var formaður Lestrarfélags Langdæla um þrjátíu ára skeið. Hann safnaði þjóðsögum, skrifaði um örnefni og vann þarft verk að umbótum á markaskrám. Jóhannes eignaðist Gunnsteinsstaði með hjáleigunni Hólabæ. Hann byggði upp bæjarhús og hlöður á Gunnsteinsstöðum og réðist í miklar áveituframkvæmdir sem ekki lukkuðust jafn vel og vonir stóðu til. Hrakaði efnahag hans er fram liðu stundir og 21. nóv. 1861 seldi hann Gunnsteinsstaði með Hólabæ Jens Anders Knudsen verslunarstjóra á Hólanesi fyrir 1800 ríkisdali. – Kona, g. 15. okt. 1847, Solveig Benediktsdóttir, f. 12. júlí 1823 á Eiðsstöðum í Blöndudal, d. 18. apríl 1876 á Holtastöðum. For.: Benedikt Tómasson b. á Eiðsstöðum og k.h. Ingigerður Helgadóttir, síðar húsm. á Brandsstöðum. Hún var hjá móður sinni og stjúpa á Eiðsstöðum 1835 og fermdist í Blöndudalshólasókn 1837. Solveig er sögð hafa verið í meðallagi há, snoturlega vaxin, fremur ófríð í andliti, en góðmannleg. Þau hjón voru barngóð, gestrisin og hjálpsöm við fátæka. Börn: drengur, f. 30. apríl 1849 á Gunnsteinsstöðum. Hann fæddist andvana. Guðmundur, f. 31. mars 1850 á Gunnsteinsstöðum, d. 12. febr. 1851 á sama stað. Þóranna, f. 28. okt. 1851 á Gunnsteinsstöðum, d. 3. júní 1853 á sama stað. Guðmundur Jónas, f. 21. sept. 1853 á Gunnsteinsstöðum, d. 18. okt. 1853 á sama stað. Þóranna Sigurbjörg, f. 26. okt. 1854 á Gunnsteinsstöðum, d. 19. apríl 1866 á sama stað. Ingigerður, f. 4. ágúst 1856 á Gunnsteinsstöðum, d. 17. apríl 1866 á sama stað. Benedikt, f. 12. okt. 1857 á Gunnsteinsstöðum, d. 3. des. 1857 á sama stað. drengur, f. 31. des. 1862 á Gunnsteinsstöðum. Hann fæddist andvana.

(Íslenzkar æviskrár II, 125 og III, 32-33; Húnvetningasaga III, 913; Hlynir og hreggviðir, 142-209; Svipir og sagnir, 220; Troðningar og tóftarbrot, 45-55; Lífvörður Jörundar Hundadagakóngs, 90-91; Úr fórum Jóns Árnasonar I, 86-87, 114-116, 148-152, 177-178, 179-182, 189-192, 202-203, 252-253, 269-270 og 359-360 og II, 44 og 66-69; Föðurtún, 85-86; Húnavaka 1977, 94-95 og 1978, 48-51; Húnvetningur 1995, 55-58; Brandsstaðaannáll, 164-165 og 205).

Jóhannes Hannesson (1806-1859) Bóndi á Strjúgsstöðum, Finnstungu, Syðra-Tungukoti, Kálfárdal og Hvammi.

F. 16. des. 1806 á Orrastöðum á Ásum, d. 17. nóv. 1859 í Hvammi á Laxárdal. For.: Hannes Hannesson b. í Skyttudal og k.h. Björg Jónsdóttir. Var hjá foreldrum sínum á Tindum á Ásum 1816 og fermdist í Svínavatnssókn 1820. Bóndi á Strjúgsstöðum 1830-1831, í Finnstungu 1831-1849, í Syðra-Tungukoti 1849-1854, í Kálfárdal 1854-1858 og í Hvammi 1858 til æviloka. – Fyrri kona, g. 1. júní 1830, Margrét Andrésdóttir, f. 28. ágúst 1797 á Skefilsstöðum á Skaga, d. 10. júní 1858 í Hvammi. For.: Andrés Sigurðsson b. á Skefilsstöðum og k.h. Guðrún Jónsdóttir. Margrét var hjá foreldrum sínum á Skefilsstöðum 1801 og fermdist í Hvammsprestakalli í Skagafjarðarsýslu 1811. Hún var vinnukona á Vindhæli á Skagaströnd -1816-1825, á Kagaðarhóli á Ásum 1825-1829 og á Tindum 1829-1830. Börn: Hannes, f. 14. maí 1831 á Strjúgsstöðum, d. 5. febr. 1860 í Bólstaðarhlíðarsókn, vm. í Hvammi, ókv. Hann varð úti. Guðbjörg, f. 13. sept. 1832 í Finnstungu, d. 26. nóv. 1899 á Stóra-Búrfelli í Svínavatnshreppi, barnfóstra á Stóra-Búrfelli 1880, óg. Margrét, f. 25. júní 1837 í Finnstungu, d. 2. jan. 1898 í Bólstaðarhlíð, vk. á Fjósum 1880, óg. Seinni kona, g. 31. okt. 1858, Guðrún Magnúsdóttir, f. 6. okt. 1801 á Gilsbakka í Austurdal, d. 17. maí 1865 í Kálfárdal í Gönguskörðum, ekkja Rafns Þorkelssonar b. á Tyrfingsstöðum á Kjálka. For.: Magnús Lúðvíksson b. á Gilsbakka og k.h. Valgerður Ólafsdóttir. Guðrún var hjá foreldrum sínum á Gilsbakka 1816 og fermdist í Silfrastaðasókn í Skagafjarðarsýslu 1818. Hún bjó ekkja á Tyrfingsstöðum 1850-1852. Húskona á Hofi í Vesturdal 1852-1853 og í Hvammi í Laxárdal ytri 1853-1854. Vinnukona á Skíðastöðum í Laxárdal ytri 1854-1857. Hún var í skjóli Önnu dóttur sinnar í Selhaga 1857-1858, en gerðist þá bústýra hjá Jóhannesi í Hvammi. Guðrún bjó ekkja í Hvammi 1859-1860, en var í skjóli Ólafs sonar síns í Kálfárdal 1860 til æviloka. Hún mun hafa verið fríðleikskona. Barnlaus. – Fyrri maður Guðrúnar, g. 24. maí 1827, Rafn Þorkelsson, f. 21. des. 1796 í Vaglagerði í Blönduhlíð, d. 7. des. 1850 á Tyrfingsstöðum, b. á Minni-Ökrum í Blönduhlíð 1827-1829, á Stóru-Ökrum í Blönduhlíð 1829-1830, í Litladal í Blönduhlíð 1830-1831 og 1832-1843, en á Tyrfingsstöðum 1843 til æviloka. For.: Þorkell Þórðarson b. á Þorleifsstöðum í Blönduhlíð og k.h. Rannveig Klemensdóttir. Rafn var hjá foreldrum sínum í Vaglagerði 1802 og fermdist í Miklabæjarprestakalli í Skagafjarðarsýslu 1811. Hann var vinnumaður á Stóru-Ökrum -1816-1817-, á Höskuldsstöðum í Blönduhlíð -1822-1823, í Djúpadal í Blönduhlíð 1823-1825 og á Miklabæ í Blönduhlíð 1825-1826-, en húsmaður á Stóru-Ökrum 1831-1832. Rafn var spaugsamur og mjög meinyrtur, talinn þokkalega að sér á þeirrar tíðar vísu. Hann seldi 3 hundruð í Gilsbakka svila sínum Brynjólfi Magnússyni bónda á Gilsbakka fyrir 30 spesíur 25. jan. 1834. Börn: Guðrún, f. 26. sept. 1827 á Minni-Ökrum, g. fyrr Baldvini Hafliðasyni b. á Bessastöðum í Sæmundarhlíð, síðar Jósef Guðmundssyni Goodman verkam. í Winnipeg í Manitoba, átti áður dóttur með Brynjólfi Brynjólfssyni b. á Skeggsstöðum, þau systrabörn. Ólafur, f. 27. jan. 1832 á Stóru-Ökrum, b. í Kálfárdal í Gönguskörðum, kv. Sigríði Gunnarsdóttur. Anna, f. 26. ágúst 1833 í Litladal, g. Helga Steini Jónssyni b. í Syðri-Mjóadal. Sveinn, f. 17. sept. 1836 í Litladal, d. 1. okt. 1836 á sama stað. Sveinn, f. 16. maí 1838 í Litladal, d. 17. maí 1874 í Auðkúluprestakalli, vm. á Höskuldsstöðum á Skagaströnd 1870, en síðast á Reykjum á Reykjabraut, kv. Kristjönu Lilju Kristjánsdóttur, átti áður son með Guðrúnu Ólafsdóttur húsm. á Syðri-Ingveldarstöðum á Reykjaströnd. Lilja, f. 15. mars 1840 í Litladal, d. 18. mars 1840 á sama stað. – Barnsmóðir Rafns: Rósa Sigurðardóttir, f. 28. mars 1798 í Stóragerði í Myrkárdal, d. 13. des. 1879 í Grímsbúð í Ólafsvík, vk. á Höskuldsstöðum í Blönduhlíð. For.: Sigurður Bjarnason b. á Féeggsstöðum í Barkárdal og s.k.h. Anna Erlendsdóttir. Rósa giftist síðar Sigurði Jónssyni húsmanni í Eyrarbúð í Ólafsvík. Barn: Sigurður, f. 2. nóv. 1822 á Höskuldsstöðum, b. í Steinkoti í Kræklingahlíð, kv. Guðrúnu Árnadóttur. Barnsmóðir Rafns: Sigurlaug Guðmundsdóttir, f. 18. júní 1820 á Tindum, d. 25. mars 1899 í Sandhólum í Saurbæjarhreppi, vk. í Stokkhólma í Vallhólmi. For.: Guðmundur Guðmundsson b. á Vesturá á Laxárdal fremri og barnsm.h. Þuríður Hannesdóttir heimasæta á Tindum, síðar g. Eiríki Helgasyni b. á Miðgili í Langadal. Sigurlaug var vinnukona á Syðstabæ í Hrísey 1880 og á Kambhóli á Galmaströnd 1890. Barn: Frímann, f. 2. nóv. 1850 í Stokkhólma, d. 17. sept. 1858 í Hvammi á Laxárdal. Hann er nefndur Rafn Frímann Rafnsson í kirkjubók við greftrun.

Athugasemd: Guðbjörg og Margrét, dætur Jóhannesar og Margrétar, voru báðar sjónskertar frá barndómi, Margrét alblind að kalla en Guðbjörg sögð hafa séð mun dags og nætur. Héldu sumir að þetta hefði orsakast af því að þær hefðu spillt friði huldufólks á æskuárum sínum.

(Skagfirzkar æviskrár 1850-1890 I, 196-197, III, 236, V, 107-109 og VI, 21-23, 27-30, 118-119 og 275-278; Icelandic River Saga, 679-680; Ritsafn Eiðs Guðmundssonar á Þúfnavöllum III, 57; Ritsafn Stefáns Jónssonar á Höskuldsstöðum I, 127, 164 og 170 og II, 38, 85, 119-120 og 127; Húnavaka 1976, 50-52; Skagfirðingabók 1968, 194-195; Hjónabandsleyfi úr Hólabiskupsdæmi 1794 (Andrés Sigurðsson og Guðrún Jónsdóttir); Sýsluskj. Hún. XV, 3, 14. júlí og 1. og 3. sept. 1804 (samantekt um ættmenni Eyjólfs Gunnarssonar); Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1080, 1670, 1846, 4770-4771, 5493 og 6849; Ættatölub. Ólafs Snóksdalíns, 312-313 (innskotsblöð), 337, 721-722 og 830; Ættatölub. Steingríms Jónssonar, 4822; sagnir gamalla Bólhlíðinga).

Jóhannes Jóhannsson (1795-1839) Bóndi í stafni, Bólstaðarhlíð, Rugludal og Blöndudalshólum.

F. 28. okt. 1795 á Skáldsstöðum í Saurbæjarhreppi, d. 9. mars 1839 í Auðkúlusókn. For.: Jóhann Halldórsson b. á Skáldsstöðum og k.h. Helga Þorkelsdóttir. Var hjá foreldrum sínum á Skáldsstöðum 1801. Vinnumaður á Þormóðsstöðum í Sölvadal -1816-1820, í Þórormstungu í Vatnsdal 1820-1824, á Eldjárnsstöðum í Blöndudal 1824-1826 og í Stafni 1826-1827. Bóndi í Bólstaðarhlíð 1827-1828 og í Rugludal 1828-1829. Vinnumaður á Brún 1829-1831, í Þverárdal 1831-1835 og á Auðkúlu í Svínadal 1835-1836. Bóndi í Blöndudalshólum 1836-1837 og á Ytra-Hóli á Skagaströnd 1837 til æviloka. – Fyrri kona, g. 1. okt. 1826, Guðbjörg Árnadóttir, f. um 1799 á Hóli, d. 23. apríl 1847 í Stafni. For.: Árni Jónsson b. á Hóli og k.h. Margrét Guðmundsdóttir. Guðbjörg var hjá foreldrum sínum á Hóli 1801 og hjá móður sinni á sama stað 1816. Hún var vinnukona hjá móður sinni og stjúpa í Stafni 1826-1827 og 1829 til æviloka. Guðbjörg var dul í lund og fáskiptin, en ákaflega dugleg til vinnu. Jóhannes og Guðbjörg skildu. Barn: Jón, f. 22. febr. 1829 í Rugludal, d. 21. apríl 1829 á sama stað. Seinni kona, g. 22. okt. 1835, Sigríður Hinriksdóttir, f. 6. júní 1800 á Gunnólfsá í Ólafsfirði, d. 11. júlí 1867 á Gunnsteinsstöðum. For.: Hinrik Jónsson b. og hreppstj. í Réttarholti í Blönduhlíð og k.h. Sigríður Jónsdóttir. Sigríður var hjá foreldrum sínum á Gunnólfsá 1801. Hún var vinnukona á Mið-Grund í Blönduhlíð -1829-1831 og í Brekku hjá Víðimýri 1831-1832. Bústýra á Rútsstöðum í Svínadal 1833-1835, en vinnukona á sama stað 1835-1836. Eftir lát Jóhannesar giftist hún Jónasi Jónssyni b. á Ytra-Hóli og svo Guðmundi Helgasyni b. á Hafursstöðum á Skagaströnd. Sigríður var glæsileg kona og vel viti borin, en lundstór og stillti lítt skapinu. Á yngri árum átti hún í ástarsambandi við húsbónda sinn Jón Jónsson bónda á Mið-Grund og vakti það talsverða hneykslun í Skagafirði. Börn: Guðrún, f. 19. júlí 1836 í Blöndudalshólum, g. Hjalta Ólafssyni Thorberg b. á Gunnsteinsstöðum. Rannveig, f. 25. sept. 1837 á Ytra-Hóli, g. Frímanni Guðmundssyni b. og kennara á Kjalarlandi á Skagaströnd. Barnsmóðir: Guðrún Jónsdóttir, f. um 1802 á Eldjárnsstöðum, d. 31. mars 1838 á Steiná, vk. í Þverárdal. For.: Jón Auðunsson b. á Hamri á Bakásum og k.h. Sigríður Einarsdóttir. Guðrún var í fóstri á Syðri-Leifsstöðum 1816. Barn: Steinunn, f. 22. sept. 1834 í Þverárdal, g. Ólafi Frímanni Arasyni b. í Finnstungu. – Barnsfaðir Guðbjargar: Jón Sigurðsson, f. um 1792 í Stafni, d. 7. jan. 1862 á Steiná, b. í Stafni. For.: Sigurður Jónsson b. í Stafni og s.k.h. Helga Jónsdóttir. Barn: Margrét, f. 12. júní 1833 í Stafni, g. Bjarna Ólafssyni b. í Stafni. Margrét var við skírn lýst dóttir Magnúsar Jónssonar vm. á Hóli í Tungusveit. Barnsfaðir Guðbjargar: Jón Rafnsson, f. 15. júlí 1808 á Vindheimum í Tungusveit, d. 31. mars 1888 á Fjósum, b. í Barkarstaðagerði. For.: Rafn Jónsson b. í Litladalskoti í Tungusveit og barnsm.h. Margrét Eiríksdóttir vk. á Vindheimum, síðar húsm. í Pottagerði í Staðarhreppi. Barn: Árni, f. 20. des. 1834 í Stafni, b. og smiður á Klifi í Viðfirði 1880, kv. Ingibjörgu Jónsdóttur. – Barnsfaðir Sigríðar: Jónas Sigurðsson, f. 21. febr. 1797 á Egg í Hegranesi, d. 21. jan. 1847 á Hamri í Hegranesi, b. á Holtastöðum í Langadal. For.: Sigurður Sigurðsson b. á Egg og k.h. Björg Björnsdóttir. Barn: Sigríður, f. 21. sept. 1829 á Mið-Grund, var hjá móður sinni á Ytra-Hóli 1845.

Athugasemdir: 1) Í Manntali á Íslandi 1816 er Guðrún Jónsdóttir talin fædd á Eldjárnsstöðum og virðist það ótrúverðugt, því foreldrar hennar voru búandi á Þröm í Blöndudal um það leyti sem hún fæddist. 2) Árni Jónsson var af sumum talinn launsonur Jóns Sigurðssonar b. í Stafni. Í því samhengi er vert að veita því athygli að Jónas Húnford, sonur Jóns Rafnssonar, nefnir Árna ekki á nafn þegar hann telur upp systkini sín í æviágripi í Almanaki Ólafs Thorgeirssonar. 3) Sigríður Jónasdóttir var af sumum talin laundóttir Jóns Jónssonar b. á Mið-Grund.

(Íslenzkar æviskrár V, 322; Skagfirzkar æviskrár 1850-1890 II, 96 og 125-126, IV, 238-240 og V, 243-245; Kennaratal á Íslandi I, 148; Ættir Austfirðinga, 433; Saga frá Skagfirðingum II, 115, 145-146, 148, 176 og 183-184 og III, 5-8, 11-12, 15, 17, 40-41, 54-55, 66-67 og 68 og IV, 12 og 41-42; Saga Skagstrendinga og Skagamanna, 202; Hlynir og hreggviðir, 93-125; Langt inn í liðna tíð, 97-98; Mannaferðir og fornar slóðir, 103-123; Húnavaka 1976, 54-56; Almanak Ólafs Thorgeirssonar 1911, 52-55; Dómab. Hún. 3. des. 1833; Skiptab. Hún. 5. des. 1837, 10. og 14. mars 1840, 4. apríl 1845, 15. nóv. 1847, 11. júní 1849, 27. des. 1851 og 17. ágúst og 11. sept. 1856; Skiptab. Skag. 28. júlí 1828; Ábúendatal í Inn-Eyjafirði – Handrit Stefáns Aðalsteinssonar í Reykjavík, 1193-1194; Steinárætt – Handrit Péturs Sigurðssonar á Skeggsstöðum; Ættatölub. Bjarna Jóhannessonar, 1047; Ættatölub. Jóns Espólíns, 466, 1695, 3807-3808, 5267-5268 og 5285; Ættatölub. Ólafs Snóksdalíns, 412, 563, 574, 825 og 848; Ættatölub. Steingríms Jónssonar, 4932-4933 og 5069-5070).

Jóhannes Jónsson (1772-1853) Bóndi í Sneis, Gautsdal og Hvammi á Laxárdal.

F. um 1772 á Mörk, d. 26. jan. 1853 á Svaðastöðum í Hofstaðabyggð. For.: Jón Jónsson b. á Stóru-Mörk og k.h. Guðrún Jónsdóttir. Fermdur í Höskuldsstaðasókn 1787. Bóndi á Balaskarði á Laxárdal fremri 1796-1800, á Sneis á Laxárdal fremri 1800-1801- og í Gautsdal 1802-1821 og hafði jafnframt bú í Hvammi á Laxárdal 1810-1815 og 1816-1821. Bóndi í Hvammi á Laxárdal 1821-1826, á Rútsstöðum í Svínadal 1826-1836, á Hofi í Vesturdal 1836-1840 og á Sveinsstöðum í Tungusveit 1840-1846. Húsmaður á Sveinsstöðum 1846-1850, á Syðri-Leifsstöðum 1850-1851 og á Sveinsstöðum aftur 1851-1852, en var í skjóli Þorkels tengdasonar síns á Svaðastöðum 1852 til æviloka. Hann var meðhjálpari í Bólstaðarhlíðarkirkju. Jóhannes var góður smiður, hugvitssamur, framkvæmdasamur og ráðagóður, mikill reiðmaður. Hann var merkisbóndi og efnaðist vel. Hann stofnaði styrktarsjóð handa efnalitlum bændum í Lýtingsstaðahreppi 18. des. 1850. Jóhannes átti bæði Gautsdal og Hvamm. Hann seldi Rútsstaði Jónasi Jónassyni bónda í Gafli í Svínadal fyrir 1000 ríkisdali árið 1836. Hann keypti Hof af Magnúsi Snæbjörnssyni bónda á sama stað fyrir 1400 ríkisdali vorið 1836. Síðar keypti hann Sveinsstaði. – Kona, g. 17. okt. 1794, Helga Jónsdóttir, f. um 1774 í Brekku hjá Víðimýri, d. 10. maí 1849 á Svaðastöðum. For.: Jón Þorkelsson b. í Gautsdal og k.h. Solveig Jónsdóttir. Jóhannes og Helga skildu 1821. Eftir skilnaðinn bjó Helga í Gautsdal 1821-1836, en var í skjóli Rannveigar dóttur sinnar á sama stað 1836-1845 og í skjóli Þorkels tengdasonar síns á Svaðastöðum 1845 til æviloka. Við skilnað og fjárskipti milli Jóhannesar og Helgu kom Gautsdalur og 9 hundruð í lausafé í hennar hlut. Barn: Rannveig, f. 11. okt. 1797 á Balaskarði, húsm. í Gautsdal, g. Þorkeli Jónssyni.

(Skagfirzkar æviskrár 1850-1890 I, 118-120 og 275-278; Húnvetningasaga II, 510 og 620; Saga Skagstrendinga og Skagamanna, 80; Saga frá Skagfirðingum III, 66, 103, 123 og 173 og IV, 101; Syrpa úr handritum Gísla Konráðssonar II, 339; Skagfirzk fræði X, 42-50; Húnavaka 1979, 114; Skagfirðingabók 1992, 8-19; Norðri 1853 (nr. 11 og 12), 48; Brandsstaðaannáll, 114-115, 123-124 og 180; Ættatölub. Jóns Espólíns, 2126, 4770 og 5492; Ættatölub. Ólafs Snóksdalíns, 312-313 (innskotsblöð), 337 og 508; Ættatölub. Sighvats Grímssonar Borgfirðings, 2424; Ættatölub. Steingríms Jónssonar, 101).

Jóhannes Sigfússon (1809-1858) Bóndi á Botnastöðum .

F. 13. júlí 1809 á Þingeyrum í Þingi, d. 8. ágúst 1858 í Stokkhólma í Vallhólmi. For.: Sigfús Þorleifsson b. á Efstalandi í Öxnadal og barnsm.h. Ingibjörg Björnsdóttir vk. á Þingeyrum, síðar g. Jónasi Gunnlaugssyni b. á Þverá í Núpsdal. Ólst upp með móður sinni og fermdist í Efra-Núpssókn 1825. Vinnumaður í Skyttudal 1829-1832, á Auðólfsstöðum 1832-1833, í Skyttudal aftur 1833-1839, í Hvammi á Laxárdal 1839-1842, á Stóru-Seylu á Langholti 1842-1844 og á Valabjörgum á Skörðum 1844-1851. Bóndi á Botnastöðum 1851-1855. Vinnumaður í Valadal á Skörðum 1855-1856 og í Stokkhólma 1856 til æviloka. – Kona, g. 22. maí 1852, Margrét Guðmundsdóttir, f. 6. ágúst 1823 í Syðri-Mjóadal, d. 26. júlí 1878 í Stokkhólma. For.: Guðmundur Björnsson b. í Syðri-Mjóadal og k.h. Svanhildur Árnadóttir. Margrét ólst upp hjá föðursystur sinni Margréti Björnsdóttur og manni hennar Birni Ólafssyni á Valabjörgum og fermdist í Víðimýrarsókn í Skagafjarðarsýslu 1838. Hún var bústýra hjá Jóhannesi á Botnastöðum 1851-1852, en vinnukona í Valadal 1855-1856, í Stokkhólma 1856-1862, í Selhaga 1862-1863, í Húsey í Vallhólmi 1863-1864, í Stokkhólma aftur 1864-1865, í Ytra-Vallholti í Vallhólmi 1865-1866, í Sólheimum í Blönduhlíð 1866-1868, í Litlu-Gröf á Langholti 1868-1869-, í Húsey aftur 1870-1872, í Ytra-Vallholti aftur 1872-1873, á Skarðsá í Sæmundarhlíð 1873-1875- og í Stokkhólma enn 1876 til æviloka. Jóhannes og Margrét voru systkinabörn. Börn: Margrét, f. 17. júlí 1849 á Valabjörgum, d. 5. ágúst 1851 á Botnastöðum. Margrét, f. 26. sept. 1851 á Botnastöðum, d. 31. ágúst 1933 á Daufá á Neðribyggð, vk. á Steinsstöðum í Tungusveit 1890, óg. Barnsmóðir: María Hannesdóttir, f. 27. ágúst 1817 í Kýrholti í Viðvíkursveit, d. 7. okt. 1910 á Frostastöðum í Blönduhlíð, húsm. á Stóru-Seylu. For.: Hannes Bjarnason pr. á Ríp í Hegranesi og k.h. Sigríður Jónsdóttir. María var gift Magnúsi Magnússyni b. á Stóru-Seylu. Barn: Jóhannes, f. 1. júní 1845 á Stóru-Seylu, d. 16. nóv. 1849 á Reykhólum í Reykhólasveit.

(Íslenzkar æviskrár II, 304-305; Dalamenn I, 77; Skagfirzkar æviskrár 1850-1890 I, 186-187; Saga frá Skagfirðingum III, 117; Búsæld og barningur, 132; Ritsafn Eiðs Guðmundssonar á Þúfnavöllum I, 136; Húnavaka 1976, 91-92 og 1988, 109; Ættatölub. Jóns Espólíns, 550, 551, 3584, 5121 og 5123; Ættatölub. Ólafs Snóksdalíns, 125-126, 282, 284, 347 og 611).

Jóhannes Þorláksson (1799-1853) Bóndi í Stafni og Kúfusstöðum.

F. 30. maí 1799 á Miðsitju í Blönduhlíð, d. 25. júlí 1853 á Sveinsstöðum í Tungusveit. For.: Þorlákur Höskuldsson b. á Bjarnastöðum í Blönduhlíð og k.h. Björg Jónsdóttir. Var hjá foreldrum sínum á Miðsitju 1802 og á Hólum í Hjaltadal 1816. Bóndi á Kálfsstöðum í Hjaltadal 1830-1848, í Stafni 1848-1851 og hafði jafnframt bú á Kúfustöðum 1850-1851. Bóndi á Sveinsstöðum 1851 til æviloka. – Fyrri kona, g. 8. okt. 1830, Guðrún Jónsdóttir, f. 13. júlí 1787 á Hóli á Upsaströnd, d. 25. júlí 1843 á Kálfsstöðum, ekkja Gísla Ásgrímssonar b. á Kálfsstöðum. For.: Jón Rögnvaldsson b. á Hóli og f.k.h. Ingibjörg Þorvaldsdóttir. Guðrún var í fóstri hjá föðurforeldrum sínum Rögnvaldi Jónssyni og Arnbjörgu Sigurðardóttur á Hóli 1801 og fermdist í Upsasókn í Eyjafjarðarsýslu sama ár. Hún var vinnukona á Urðum í Svarfaðardal 1812-1824 og í Neðra-Ási í Hjaltadal 1824-1825, bústýra hjá Gísla Ásgrímssyni á Kálfsstöðum 1825-1828, en gekk þá að eiga hann. Guðrún var ráðvönd og iðjusöm. Börn: Gísli, f. 3. jan. 1833 á Kálfsstöðum, d. 6. maí 1841 á sama stað. drengur, f. 3. jan. 1833 á Kálfsstöðum. Hann fæddist andvana. Seinni kona, g. 11. okt. 1844, Sigurbjörg Sigurðardóttir, f. um 1801 í Stafni, d. 18. júlí 1866 á Varmavatnshólum í Öxnadal, ekkja Guðmundar Guðmundssonar b. í Stokkhólma í Vallhólmi. For.: Sigurður Jónsson b. í Stafni og s.k.h. Helga Jónsdóttir. Sigurbjörg var hjá móður sinni í Stafni 1816. Hún var bústýra á Þröm í Blöndudal 1824-1825. Vinnukona í Stafni 1825-1826, í Húsey í Vallhólmi 1826-1827, í Syðra-Vallholti í Vallhólmi 1827-1828, á Brún 1828-1829, á Eiríksstöðum 1829-1833, í Stafni aftur 1833-1834, á Bergsstöðum 1834-1836- og í Stafni enn 1840-1841, en bjó með fyrra manni sínum í Stokkhólma 1841-1842. Vinnukona á Starrastöðum á Fremribyggð 1842-1844. Sigurbjörg bjó ekkja á Sveinsstöðum 1853-1859, en var húskona á Nýjabæ í Austurdal 1859-1860. Bústýra í Stigaseli í Austurdal 1860-1862 og 1863-1866. Síðast húskona á Varmavatnshólum. Barnlaus. Barnsmóðir: Steinunn Jónsdóttir, f. 29. okt. 1804 á Botni í Þorgeirsfirði, d. 11. febr. 1856 í Hvammi í Vatnsdal, vk. á Kálfsstöðum. For.: Jón Jónsson b. á Brekku í Hvalavatnsfirði og k.h. Steinunn Árnadóttir. Steinunn var gift Einari Pálssyni b. á Vatni á Höfðaströnd 1836-1838. Barn: Ólafur, f. 2. sept. 1842 á Kálfsstöðum, d. 29. júlí 1843 á sama stað. Barnsmóðir: Gyða Þórðardóttir, f. um 1807 í Brekkukoti í Hjaltadal, d. 20. okt. 1873 í Keldudal í Hegranesi, vk. í Stafni. For.: Þórður Helgason b. í Brekkukoti og k.h. Guðríður Halldórsdóttir. Börn: Jón, f. 24. júlí 1848 í Stafni, d. 25. júlí 1848 á sama stað. Sigurbjörg, f. 24. júlí 1848 í Stafni, d. 1. júlí 1869 á Frostastöðum í Blönduhlíð, síðast vk. á Frostastöðum, óg. – Fyrri maður Guðrúnar, g. 3. okt. 1828, Gísli Ásgrímsson, f. 1768 (sk. 11. sept. 1768) í Ásgeirsbrekku í Viðvíkursveit, d. 26. jan. 1830 á Kálfsstöðum, b. í Ásgeirsbrekku 1797-1799, á Bakka í Viðvíkursveit 1809-1814, á Hólum í Hjaltadal 1816-1825 og á Kálfsstöðum 1825 til æviloka. For.: Ásgrímur Þorláksson b. og setjari í Ásgeirsbrekku og k.h. Jófríður Gísladóttir. Gísli var ráðsmaður í Ásgeirsbrekku 1793-1794-. Vinnumaður í Felli í Sléttuhlíð -1800-1802-. Búlaus á Höfða á Höfðaströnd 1805-1806-og á Vatni á Höfðaströnd -1807-1809. Húsmaður á Hólum 1814-1816. Á uppboði Hólastólsjarða árið 1802 keypti Gísli tvo þriðju úr kúgildi sem fylgdu Höfða, tvö kúgildi sem fylgdu Miklahóli í Viðvíkursveit, eitt kúgildi sem fylgdi Nautabúi í Hjaltadal og tvö kúgildi sem fylgdu Svaðastöðum í Hofstaðabyggð. Ekki er borið lof á hann í Sögu frá Skagfirðingum. Börn: Ásgrímur, f. 9. sept. 1827 á Kálfsstöðum, d. 17. febr. 1847 á Þverá í Núpsdal, vm. á Kálfsstöðum, ókv. Anna, f. 6. nóv. 1829 á Kálfsstöðum, d. 4. sept. 1844 á sama stað. – Fyrri maður Sigurbjargar, g. 14. nóv. 1840, Guðmundur Guðmundsson, f. 28. júlí 1806 á Hamri í Hegranesi, d. 18. júlí 1843 á Starrastöðum, b. í Stokkhólma 1841-1842. For.: Guðmundur Ólafsson b. á Hamri og k.h. Þorgerður Jónsdóttir. Guðmundur var hjá foreldrum sínum á Hamri 1816 og fermdist í Rípursókn í Skagafjarðarsýslu 1826. Hann var smali í Þverárdal 1826-1827. Vinnumaður í Skyttudal 1827-1829, á Mánaskál á Laxárdal fremri 1829-1830, í Höfðahólum á Skagaströnd 1830-1833, á Gunnsteinsstöðum 1833-1835-, á Skottastöðum 1839-1841 og á Starrastöðum 1842 til æviloka. Barnlaus. Barnsfaðir Sigurbjargar: Krákur Jónsson, f. um 1796 á Steiná, d. 30. maí 1868 í Steinárgerði, b. í Steinárgerði. For.: Jón Jónsson b. á Steiná og 2.k.h. Margrét Bjarnadóttir. Barn: Ólafur, f. 17. júlí 1825 í Stafni, d. 25. okt. 1825 á sama stað. – Fyrri kona Gísla: Þórdís Eiríksdóttir, f. 24. nóv. 1792 á Bakka í Viðvíkursveit, d. 23. okt. 1824 á Hólum. For.: Eiríkur Bjarnason pr. á Staðarbakka í Miðfirði og k.h. Herdís Jónsdóttir. Þórdís var fóstruð af móðurforeldrum sínum Jóni Bjarnasyni og Sigurlaugu Jónsdóttur á Bakka, og fermdist í Viðvíkursókn í Skagafjarðarsýslu 1805. Börn: Ásgrímur, f. 1815 á Hólum, d. 21. júní 1815 á Hringveri í Hjaltadal. Sigurlaug, f. 5. ágúst 1816 á Hólum, g. Sigurði Jónatanssyni b. á Víðivöllum í Blönduhlíð. Sigríður, f. 26. ágúst 1818 á Hólum, d. 7. sept. 1818 á sama stað. drengur, f. 12. okt. 1824 á Hólum. Hann fæddist andvana. Barnsmóðir Gísla: Helga Guðmundsdóttir, f. um 1773 á Barkarstöðum, d. 17. ágúst 1825 á Hrauni í Unadal, vk. í Ásgeirsbrekku. For.: Guðmundur Guðmundsson b. í Syðra-Tungukoti og k.h. Sigríður Ólafsdóttir. Helga var vinnukona á Stóru-Ökrum í Blönduhlíð 1816. Barn: Sigurður, f. 14. des. 1795 í Ásgeirsbrekku, b. og ferjumaður á Mið-Grund í Blönduhlíð, kv. Sigríði Þorláksdóttur.

(Íslenzkar æviskrár I, 399-400; Skagfirzkar æviskrár 1850-1890 I, 223-224 og II, 143-144 og 252-253; Svarfdælingar II, 382-384; Stéttartal bókagerðarmanna I, 70; Ættir Þingeyinga I, 20 og 185; Húnvetningasaga II, 359 og III, 729; Saga frá Skagfirðingum II, 47-48, 115 og 176; Hlynir og hreggviðir, 93-95; Ritsafn Stefáns Jónssonar á Höskuldsstöðum I, 46, III, 45-48 og IV, 131; Æfisaga Gísla Konráðssonar, 5; Sagnaþættir Þjóðólfs, 256; Föðurtún, 122-123 og 124-125; Skagfirðingabók 1970, 132, 133-134, 139 og 140-141; Brandsstaðaannáll, 185; Skiptab. Hún. 2. des. 1843, 7. maí 1847 og 5. febr. 1857; Skiptab. Skag. 5. maí 1813, 28. febr. og 13. júní 1825, 26. febr. og 18. júní 1830 og 22. mars, 20. apríl og 7. nóv. 1844; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 466-467, 1847, 2104, 2127, 2207-2208, 3807-3808, 4022-4024, 4342, 4601, 4751-4752, 5120-5121 og 5265; Ættatölub. Ólafs Snóksdalíns, 212, 282, 336, 412, 507, 509, 536, 543, 670 og 821-822; Ættatölub. Steingríms Jónssonar, 97, 103, 4547-4548, 4828, 4895-4897, 4917-4918, 4925, 5040 og 5433).

Jóhannes Þorleifsson (1804-1844) Bóndi á Stóru-Mörk.

F. um 1804 á Stóru-Mörk, d. 8. febr. 1844 á sama stað. For.: Þorleifur Þorleifsson b. á Stóru-Mörk og k.h. Ingibjörg Jónsdóttir. Var hjá foreldrum sínum á Stóru-Mörk 1816 og fermdist í Bólstaðarhlíðarsókn 1818. Vinnupiltur á Mosfelli í Svínadal 1821-1823. Vinnumaður á Stóru-Mörk 1823-1824, í Ljótshólum í Svínadal 1824-1826 og hjá móður sinni og stjúpa á Litla-Búrfelli í Svínavatnshreppi 1826-1828. Bóndi á Litla-Búrfelli 1828-1837 og á Stóru-Mörk 1837 til æviloka. Jóhannes átti Stóru-Mörk. – Kona, g. 5. sept. 1829, Solveig Guðmundsdóttir, f. 29. des. 1799 á Ásum á Bakásum, d. 20. maí 1866 í Gröf í Víðidal. For.: Guðmundur Guðmundsson b. á Vesturá á Laxárdal fremri og k.h. Guðrún Bjarnadóttir. Solveig var á sveitarframfæri í Sólheimum í Svínavatnshreppi -1800-1806, á Þröm í Blöndudal 1806-1807, á Eldjárnsstöðum í Blöndudal 1807-1808, í Sólheimum 1808-1810 og 1813-1814 og fermdist í Auðkúlusókn 1814. Hún var vinnustúlka í Hvammi í Langadal -1816-1817 og í Sólheimum 1817-1818-, en vinnukona á Stóra-Búrfelli í Svínavatnshreppi -1826-1827-. Solveig var húskona í Holti í Svínadal 1844-1846. Vinnukona á Tindum á Ásum 1846-1848. Bústýra á Strjúgsstöðum 1848-1850. Vinnukona á Höllustöðum í Blöndudal 1850-1851, í Eyvindarstaðagerði 1851-1853, í Ljótshólum í 1853-1855, í Litladal í Svínavatnshreppi 1855-1856 og á Auðkúlu í Svínadal 1856-1857. Barnfóstra í Holti 1857-1859. Húskona í Ljótshólum 1859-1860. Vinnukona í Ljótshólum 1860-1861, en var í skjóli Jóns sonar síns í Glaumbæ í Langadal 1861-1862. Húskona í Melrakkadal í Víðidal 1862-1863. Vinnukona í Miðhópi í Víðidal 1863-1866, en síðast í Gröf. Börn: Ingiríður, f. 23. okt. 1829 á Litla-Búrfelli, g. Sæmundi Halldórssyni b. á Mosfelli, átti áður dóttur með Bjarna Einarssyni b. í Efri-Lækjardal í Refasveit. Björn, f. 28. júní 1831 á Litla-Búrfelli, d. 27. sept. 1878 í Litladal, síðast vm. í Litladal, ókv., en átti son með Ragnheiði Elíasdóttur. Ingibjörg, f. 25. júní 1832 á Litla-Búrfelli, g. fyrr Bjarna Frímanni Jónssyni vm. á Auðunarstöðum í Víðidal, síðar Erlendi Ólafssyni b. á Hólmi í Víðinesbyggð í Nýja-Íslandi. Ósk, f. 18. febr. 1834 á Litla-Búrfelli. Jón, f. 1835 í Svínavatnssókn, b. í Glaumbæ, ókv., en átti dætur með Þorbjörgu Jónsdóttur og Sigríði Þorsteinsdóttur, eina með hvorri. Ósk, f. 27. ágúst 1836 á Litla-Búrfelli, g. Jóni Jónssyni b. á Bakka í Svarfaðardal. Guðrún Ingibjörg, f. 15. maí 1838 á Stóru-Mörk, d. 16. apríl 1878 á Efri-Mýrum í Refasveit, síðast bústýra á Efri-Mýrum, óg. Björg, f. 4. mars 1840 á Stóru-Mörk, vk. í Galtarnesi í Víðidal 1880, óg. Þorleifur, f. 8. febr. 1841 á Stóru-Mörk, b. á Syðri-Leifsstöðum, kv. Guðbjörgu Þórðardóttur, átti áður dóttur með Rósu Þorsteinsdóttur. Elísabet, f. 3. maí 1842 á Stóru-Mörk, d. 2. júlí 1842 á sama stað. Elísabet, f. 28. júní 1843 á Stóru-Mörk, d. 16. júlí 1843 á sama stað. Barnsmóðir: Jóhanna Jónsdóttir, f. 7. nóv. 1798 í Brekku í Þingi, d. 17. apríl 1869 á Egilsstöðum á Vatnsnesi, vk. í Ljótshólum. For.: Jón Ketilsson b. í Syðri-Mjóadal og barnsm.h. Kristín Jónsdóttir vk. í Brekku. Jóhanna var bústýra á Bjarnastöðum í Vatnsdal 1850-1851, í Vesturhópshólum í Vesturhópi 1851-1852 og á Egilsstöðum 1852-1868. Börn: Jón, f. 25. jan. 1825 í Ljótshólum, d. 9. ágúst 1843 á Stóru-Mörk, vm. á Stóru-Mörk. stúlka, f. 11. sept. 1827 í Ljótshólum. Hún fæddist andvana. Barnsmóðir: Solveig Kristjánsdóttir, f. 22. apríl 1820 á Litla-Vatnsskarði á Laxárdal fremri, á lífi á Brenniborg á Neðribyggð 1902, vk. á Stóru-Mörk. For.: Kristján Jónsson b. á Litla-Vatnsskarði og k.h. Sigurlaug Jónsdóttir. Solveig giftist síðar Þorvarði Jónssyni b. í Blöndudalshólum og svo Arnljóti Jónssyni b. í Blöndudalshólum. Barn: Guðmundur, f. 1. des. 1842 á Stóru-Mörk, d. 5. jan. 1843 á sama stað.

(Skagfirzkar æviskrár 1850-1890 III, 242-243 og IV, 56-58; Svarfdælingar II, 130; Feðraspor og fjörusprek, 186; Fortíð og fyrirburðir, 75-76; Húnavaka 1976, 49-50; Skiptab. Hún. 18. des. 1844 og 10. mars og 1. apríl 1845; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3677, 4022 og 5991; Ættatölub. Ólafs Snóksdalíns, 670 og 810; Ættatölub. Steingríms Jónssonar, 4547 og 5100-5101).

Jón (1688-?) Ábúandi á Þverárdal.

hét búandi í Þverárdal -1688-1689.

Athugasemd: Má vera að hér sé kominn:

Jón Jónsson (1645-?) Bóndi í Þverárdal.

F. nál. 1645. For. ókunnir. Bóndi í Þverárdal. – Kona: Hallfríður Þorvaldsdóttir, f. nál. 1645. For.: Þorvaldur Skúlason b. í Vindhælishreppi og 2.k.h. Kolfinna Þorleifsdóttir. Ókunnugt um börn.

(Sýslumannaæfir I, 510; Ættatölub. Jóns Espólíns, 4951; Ættatölub. Ólafs Snóksdalíns, 694).

Jón (1699-?) Ábúandi á Barkarstöðum.

hét búandi á Barkarstöðum -1699-1700-.

Jón (1699-?) Ábúandi á Eiríksstöðum.

hét búandi á Eiríksstöðum -1699-1700-.

Jón Árnason (1708-?) Ráðsmaður á Barkarstöðum.

hét ráðsmaður á Barkarstöðum -1708-1709-. Hann undirritaði hluta jarðabókarskýrslu úr Bólstaðarhlíðarhreppi 7. nóv. 1708.

(Vorþeyr og vébönd, 219).

Jón Árnason (1734-?) Ábúandi á Kúfustöðum

hét búandi á Kúfustöðum -1734-1746-.

Athugasemd: Má vera að hér sé kominn:

Jón Árnason (1675-1710) .

F. nál. 1675, á lífi í Auðkúluprestakalli 1710. For. ókunnir. Búsettur í Auðkúluprestakalli -1709-1710-. – Kona, ls. 1709 eða 1710, Guðrún Þorleifsdóttir, f. um 1669, ekkja Guðmundar Andréssonar b. á Dalgeirsstöðum í Miðfirði. For.: Þorleifur Ólafsson pr. í Finnstungu og k.h. Þórunn Kortsdóttir. Hún bjó ekkja á Dalgeirsstöðum -1705-1706- milli manna. Jón og Guðrún áttu saman barn í lausaleik í Auðkúluprestakalli 1709 eða 1710, og var það fyrsta frillulífisbrot beggja, en áður hafði hún átt barn í hórdómi. Börn: Engilráð, f. nál. 1715, g. Þorleifi Sæmundssyni b. í Stafni. Guðmundur, barnlaus. (Ættatölub. Jóns Espólíns, 1181). – Fyrri maður Guðrúnar: Guðmundur Andrésson, f. um 1661, b. á Kjörseyri í Hrútafirði -1702-1703-, en síðast á Dalgeirsstöðum. For. ókunnir. Hann er kenndur við Bálkastaði í Miðfirði. (Ættatölub. Steingríms Jónssonar, 2091). Hann var orðinn hreppstjóri í Bæjarhreppi í Strandasýslu 1702. Guðmundur seldi Syðra-Tungukot Halldóru Erlendsdóttur húsfreyju í Bólstaðarhlíð fyrir 10 hundruð í Dalgeirsstöðum og 4 hundruð í lausafé 1. febr. 1700. Börn: Þorleifur, f. um 1697, var hjá foreldrum sínum á Kjörseyri 1703. Andrés, f. um 1700, var hjá foreldrum sínum á Kjörseyri 1703. Þórunn, f. um 1701, d. 31. mars 1766 í Holtastaðasókn, var hjá foreldrum sínum á Kjörseyri 1703. Ása, f. um 1702, var hjá foreldrum sínum á Kjörseyri 1703. Barnsfaðir Guðrúnar: Helgi Gunnarsson, f. um 1658, á lífi í Fremri-Vífilsdal í Hörðudal 1743, b. í Neðri-Vífilsdal í Hörðudal 1703. For.: Gunnar Bjarnason b. í Borgarfirði og k.h. Vigdís Þorvaldsdóttir. Helgi var kominn í hjúskap þegar hann átti barnið með Guðrúnu. Hann var dæmdur útlægur úr Norðlendingafjórðungi fyrir fimmta frillulífisbrot sitt árið 1690. Ókunnugt um barn. – Ennfremur var barn Guðmundar Andréssonar: Jón, f. um 1694, var hjá föður sínum og stjúpu á Kjörseyri 1703.

Athugasemd: Jón Árnason, sem var búsettur í Stafni 1753, átti barn í lausaleik með Guðrúnu Jónsdóttur, sem var búsett í Eiríksstaðakoti 1753. Má vera að þetta sé allt einn og sami maður.

(Dalamenn I, 72; Strandamenn, 52; Feðraspor og fjörusprek, 43; Jarðabréf frá 16. og 17. öld – Útdrættir, 203; Alþingisb. VIII, 288 og IX, 187; Dómab. Hún. 21. júní 1771; Ættatölub. Jóns Espólíns, 1180-1184; Ættatölub. Jóns Magnússonar, 503; Ættatölub. Ólafs Snóksdalíns, 36; Ættatölub. Sighvats Grímssonar Borgfirðings, 636 og 753; Ættatölub. Steingríms Jónssonar, 2091).

Jón Árnason (1745-?) Ábúandi í Þverárdal

hét búandi í Þverárdal 1745-1746-.

Jón Árnason (1726-1805) Bóndi í Bólstaðarhlíð.

F. um 1726, d. í sept. 1805 í Bólstaðarhlíð. For.: Árni Þorsteinsson b. í Bólstaðarhlíð og f.k.h. Halldóra Jónsdóttir. Var í Hólaskóla veturinn 1739-1740 og mun vera sá Jón Árnason sem fékk uppreisn 17. júní 1746 og leyfi til að ganga aftur í skólann, en óvíst er hvort hann hefur nýtt sér það eða orðið stúdent. Bóndi í Hindisvík á Vatnsnesi -1751-1753, í Ásbjarnarnesi í Vesturhópi 1753-1756, á Stóru-Borg í Vesturhópi 1756-1757, í Krossanesi á Vatnsnesi 1757-1763- og í Bólstaðarhlíð -1773-1779. Ráðsmaður á Hólum í Hjaltadal 1779-1784. Sú ráðsmennska lánaðist illa, enda urðu mikil harðindi eftir Skaftáreldana 1783, og lét hann af starfinu örsnauður. Hann var í skjóli Björns sonar síns í Bólstaðarhlíð -1800 til æviloka. Jón samdi allmikið málsháttasafn eftir málsháttasafni Hálfdanar Einarssonar rektors á Hólum og jók það hvar sem hann gat. Það safn eignaðist Benedikt Jónsson Gröndal yfirdómari í Reykjavík og jók það og lagaði, að sögn. Það var haft eftir Jóni Auðunssyni presti á Bergsstöðum, að mjög ólíkt væri þeim feðgum farið við presta sína, Árna Þorsteinssyni og Jóni Árnasyni, því Árni væri þeim jafnan illur, en Jón afar vel. – Fyrri kona, kl. 13. apríl 1748, Margrét Jónsdóttir, f. um 1727, d. 4. febr. 1776 í Bólstaðarhlíð. For.: Jón Björnsson b. í Hindisvík og k.h. Guðrún Jónsdóttir. Jón og Margrét voru þremenningar að frændsemi. Börn: Björn, f. 1749 í Hindisvík, pr. í Bólstaðarhlíð, kv. fyrr Ingibjörgu Ólafsdóttur, síðar Valgerði Klemensdóttur. Jón, f. um 1751 í Ásbjarnarnesi, b. í Kálfárdal, kv. Ingiríði Jónsdóttur. Seinni kona, g. 1776, Elísabet Benediktsdóttir, f. um 1725, d. 27. febr. 1789 í Stóradal í Svínavatnshreppi. For.: Benedikt Þorsteinsson lögm. í Rauðaskriðu í Skriðuhverfi og k.h. Þórunn Björnsdóttir. Elísabet var húskona í Möðrufelli í Hrafnagilshreppi -1762-1763-, en búlaus í Bólstaðarhlíð 1780-1787-. Hún var síðast í skjóli frænda síns Björns Jónssonar í Stóradal. Jón og Elísabet voru bræðrabörn. Þau skildu. Barnlaus. Barnsmóðir: Þórdís Loftsdóttir, f. um 1725, á lífi á Akri í Þingi 1801, vk. í Krossanesi. For.: Loftur Grímsson b. á Vatnsenda í Vesturhópi og k.h. Guðrún Jónsdóttir. Þórdís giftist síðar Jóni Jónssyni b. í Umsvölum í Þingi. Hún var vinnukona í Krossanesi -1762-1763-. Barn: Bjarni, f. um 1762, b. í Útgarði á Skagaströnd, kv. Sigríði Þorbergsdóttur. Barnsmóðir: Margrét Ásgrímsdóttir, f. um 1736, d. 11. júní 1811 í Klömbrum í Vesturhópi, vk. í Krossanesi. For.: Ásgrímur Bessason b. í Katadal á Vatnsnesi og k.h. Guðrún Jónsdóttir. Margrét giftist síðar Arngrími Sigurðssyni b. í Bakkakoti í Víðidal. Hún var vinnukona í Tungu á Vatnsnesi -1762-1763-. Barn: Margrét, f. um 1766 í Krossanesi, g. Jónatan Sigurðssyni pr. á Stað í Hrútafirði.

Athugasemd: Í Manntali á Íslandi 1816 er Jón Jónsson, sonur Jóns og Margrétar, talinn fæddur í Ásbjarnarnesi og virðist það ótrúverðugt, því foreldrar hans voru búandi í Hindisvík um það leyti sem hann fæddist.

(Íslenzkar æviskrár I, 77, 142-143 og 227-228 og III, 46 og 342; Skagfirzkar æviskrár 1850-1890 IV, 172-177; Sýslumannaæfir I, 117-122, 250-251 og 587-588; Saga frá Skagfirðingum II, 36; Saga Skagstrendinga og Skagamanna, 42 og 58; Svipir og sagnir, 100; Vorþeyr og vébönd, 206-207; Söguþættir Gísla Konráðssonar, 129-130; Syrpa úr handritum Gísla Konráðssonar I, 188-189 og II, 120-121; Föðurtún, 112-113; Annálar 1400-1800 IV, 558 og 560, V, 434 og VI, 39, 195 og 304; Sýsluskj. Hún. XV, 3, 14. mars 1789 (dánarbú Elísabetar Benediktsdóttur í Stóradal); Alþingisb. XVI, 45, 316 og 531-532; Lbs. 86, 4to, 13. apríl 1748 (hjúskaparleyfi Jóns Árnasonar og Margrétar Jónsdóttur); Lbs. 696, 8vo (Minnisbók Jóns Espólíns); Lbs. 962, 8vo; Æfir lærðra manna (þáttur Jóns Árnasonar í Bólstaðarhlíð); Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 574-576, 4967 og 6105; Ættatölub. Ólafs Snóksdalíns, 228 og 539; Ættatölub. Steingríms Jónssonar, 290-291, 3599 og 4795).

Jón Árnason (1819-1860) Bóndi á Torfustöðum.

F. 6. apríl 1819 í Bólstaðarhlíð, d. 6. mars 1860 í Kóngsgarði. For.: Árni Jónsson b. á Skottastöðum og f.k.h. Herdís Einarsdóttir. Var hjá föður sínum á Skottastöðum 1827 og fermdist í Bergsstaðasókn 1834. Smali í Hvammi í Svartárdal -1839-1840. Vinnumaður á Bollastöðum 1840-1841- og á Eyvindarstöðum -1843-1845. Ráðsmaður í Hvammi í Svartárdal 1845-1849. Húsmaður í Selhaga 1849-1851. Bóndi á Torfustöðum 1851-1852. Húsmaður í Dæli í Sæmundarhlíð 1852-1853. Bóndi á Höll 1853-1857 og á Syðri-Leifsstöðum 1857-1859. Húsmaður í Kóngsgarði 1859 til æviloka. – Kona, g. 28. okt. 1847, Guðrún Gísladóttir, f. 27. ágúst 1815 á Kolgrímastöðum í Saurbæjarhreppi, d. 15. mars 1860 í Kóngsgarði. For.: Gísli Þorsteinsson b. á Kolgrímastöðum og k.h. Guðrún Kjartansdóttir. Guðrún var hjá foreldrum sínum á Kolgrímastöðum 1816 og fermdist í Saurbæjarsókn í Eyjafjarðarsýslu 1830. Hún var vinnukona á Kolgrímastöðum 1833-1834, á Draflastöðum í Sölvadal 1834-1835, á Hrísum í Saurbæjarhreppi 1835-1836-, á Lundi í Fnjóskadal 1838-1839-, á Þórðarstöðum í Fnjóskadal -1840-1845 og í Eiríksstaðakoti 1845-1846-. Börn: Sigurgeir, f. 16. júní 1851 á Torfustöðum, d. 6. maí 1852 á sama stað. Sigurgeir, f. 1. des. 1852 í Dæli, d. 27. júlí 1941 í Vatnshlíð, húsmaður á Miðsitju í Blönduhlíð 1890, en síðar í Ytri-Vík í Staðarhreppi, kv. Ólínu Jónasdóttur, átti einnig dóttur með Hannínu Guðbjörgu Hannesdóttur. Rebekka, f. 23. ágúst 1854 á Höll, g. Katli Einarssyni b. í Geitagerði hjá Reynistað. Ólafur, f. 16. okt. 1859 í Kóngsgarði, d. 12. júní 1862 í Rugludal. Barnsmóðir: Helga Hannesdóttir, f. 26. ágúst 1822 í Mýrarkoti á Laxárdal fremri, d. 1. jan. 1860 í Tjarnarkoti á Álftanesi, vk. á Eiríksstöðum. For.: Hannes Jónsson b. í Skrapatungu á Laxárdal fremri og k.h. Guðrún Ólafsdóttir. Helga giftist síðar Magnúsi Björnssyni húsmanni í Árnakoti á Álftanesi 1850. Barn: Árni, f. 3. sept. 1843 á Eiríksstöðum, d. 16. okt. 1910 í Reykjavík, húsmaður í Sveinskoti á Álftanesi 1880, kv. Sigríði Illugadóttur. – Barnsfaðir Guðrúnar: Jósef Jónsson, f. 7. apríl 1804 í Möðrufelli í Hrafnagilshreppi, d. 25. júlí 1877 í Kristnesi í Hrafnagilshreppi, b. á Hrísum 1835. For.: Jón Sigurðsson b. á Litlahóli í Hrafnagilshreppi og k.h. Friðfinna Jósefsdóttir. Barn: Jósef, f. 8. des. 1836 á Hrísum, d. 29. des. 1836 á sama stað.

(Skagfirzkar æviskrár 1890-1910 II, 196-197 og 290-292; Bergsætt III, 49-51; Eyfirskar ættir I, 124-126; Sjómenn og sauðabændur, 296-297 og 299-301; Skiptab. Hún. 11. júní 1841; Ábúendatal í Staðarhreppi – Handrit Jóns Sigurðssonar á Reynistað, 188; Ábúendatal í Inn-Eyjafirði – Handrit Stefáns Aðalsteinssonar í Reykjavík, 562-563, 1175-1177 og 2582-2583; Guðmundur í Hvammi – Handrit Kristínar Sigvaldadóttur á Skeggsstöðum; Steinárætt – Handrit Péturs Sigurðssonar á Skeggsstöðum; Ættatölub. Bjarna Jóhannessonar, 55, 666 og 780-781; Ættatölub. Jóns Espólíns, 2219 og 4546; Ættatölub. Ólafs Snóksdalíns, 553 og 842; Ættatölub. Steingríms Jónssonar, 4057 og 5014).

Jón Ásmundsson (1807-1870) Bóndi á Syðri-Leifsstöðum og Hvammi.

F. 10. júlí 1807 á Fjöllum í Kelduhverfi, d.20. febr. 1870 í Hvammi í Svartárdal. For.: Ásmundur Pálsson b. á Fjöllum og s.k.h. Kristrún Stefánsdóttir. Var hjá foreldrum sínum á Fjöllum 1816 og fermdist í Garðssókn í Þingeyjarsýslu 1823. Vinnumaður á Hólum í Hjaltadal 1831-1836, í Melrakkadal í Víðidal 1836-1838 og í Miðhópi í Víðidal 1838-1843. Átti heima í Reykjavík 1843-1846 og nam þar trésmíði. Vinnumaður í Viðey á Kollafirði 1846-1853. Húsmaður í Stöðlakoti í Reykjavík 1853-1856 og í Gíslahúsi í Reykjavík 1856-1857. Vinnumaður á Geitaskarði í Langadal 1857-1861, á Bergsstöðum 1861-1862 og á Skottastöðum 1862-1863. Bóndi á Syðri-Leifsstöðum 1863-1864 og í Hvammi 1864 til æviloka. Jón sótti sjó frá Suðurlandi á yngri árum. – Kona, g. 31. okt. 1861, Ingibjörg Gísladóttir, f. 5. júlí 1812 á Kolgrímastöðum í Saurbæjarhreppi, d. 5. mars 1876 á Fjósum, ekkja Ólafs Pálssonar b. á Syðri-Leifsstöðum. For.: Gísli Þorsteinsson b. á Kolgrímastöðum og k.h. Guðrún Kjartansdóttir. Ingibjörg bjó ekkja í Eiríksstaðakoti 1870-1872 og í Barkarstaðagerði 1872-1873 og var Pétur sonur hennar fyrirvinna hjá henni öll þau ár. Hún var bústýra hjá Pétri á Barkarstöðum 1873-1875, en síðan húskona á Fjósum til æviloka. Barnlaus. Barnsmóðir: Signý Halldórsdóttir, f. 8. des. 1797 á Stóru-Tjörnum í Ljósavatnsskarði, d. 4. mars 1865 á Borgum í Þistilfirði, vk. í Garði í Kelduhverfi. For.: Halldór Halldórsson b. á Stóru-Tjörnum og k.h. Guðrún Pétursdóttir. Signý giftist síðar Jónasi Ásmundssyni b. í Nýjabæ í Kelduhverfi. Barn: Jón, f. 9. okt. 1831 í Garði, d. 4. des. 1834 í Nýjabæ.

(Ættir Þingeyinga XI, 9-10 og 43-44; Skiptab. Hún. 11. júní 1841 og 21. sept. og 4. des. 1858; Ábúendatal í Inn-Eyjafirði – Handrit Stefáns Aðalsteinssonar í Reykjavík, 1175-1177; Guðmundur í Hvammi – Handrit Kristínar Sigvaldadóttur á Skeggsstöðum; Ættatölub. Bjarna Jóhannessonar, 55 og 780-781; Ættatölub. Jóns Espólíns, 2219; Ættatölub. Ólafs Snóksdalíns, 692b og 842; Ættatölub. Steingríms Jónssonar, 5014).

Jón Auðunsson (1716-1782) Prestur og Bóndi í Blöndudalshólum.

F. 1716 í Hraunsási í Hálsasveit, d. í jan. 1782 í Bólstaðarhlíð. For.: Auðun Jónsson b. og hreppstj. í Hraunsási og k.h. Guðrún Ásbjörnsdóttir. Lærði í Skálholtsskóla og varð stúdent þaðan 1737. Búsettur á Auðkúlu í Svínadal 1737-1738. Vígðist 15. maí 1738 aðstoðarprestur séra Jóns Bjarnasonar á Holtastöðum. Bóndi í Blöndudalshólum 1738-1742 og á Bergsstöðum 1745 til æviloka. Hann var aðstoðarprestur í Blöndudalshólaprestakalli 1738-1742, en sóknarprestur í Bergsstaðaprestakalli 1742 til æviloka. Séra Jón var gjörvilegur álitum og ástsæll af sóknarfólki sínu, en mjög fátækur. Hann tók saman átta miðvikudagapredikanir og húspostillu og þýddi ævintýri úr dönsku. Manntalsárið 1762 skráði séra Jón samviskusamlega nöfn allra sóknarbarna sinna, en flestir prestar létu sér nægja að skrá nöfn húsráðenda en tilgreindu aðeins tölu og aldur annars heimilisfólks. Séra Jóni var úthlutað gjafakorni 8. jan. 1757. – Kona, g. 1738, Helga Illugadóttir, f. um 1704, d. 1780 á Bergsstöðum. For.: Illugi Jónsson b. á Finnsstöðum á Skagaströnd og k.h. Guðrún Jónsdóttir. Börn: Hólmfríður, f. um 1740, g. Bjarna Ólafssyni b. á Fossum. Guðrún, f. um 1743, var hjá foreldrum sínum á Bergsstöðum 1762, óg. og bl. Björg, f. um 1745, d. 1777, var hjá foreldrum sínum á Bergsstöðum 1762, óg. og bl. Auðunn, f. 2. febr. 1750 á Bergsstöðum, pr. í Blöndudalshólum, kv. Halldóru Jónsdóttur.

Athugasemd: Djáknaannálar telja séra Jón hafa dáið 15. jan. 1782, en Höskuldsstaðaannáll telur hann hafa verið greftraðan 15. jan. 1782.

(Íslenzkar æviskrár I, 107 og III, 56; Borgfirzkar æviskrár I, 89; Húnvetningasaga I, 329; Annálar 1400-1800 I, 665, IV, 454 og 585, V, 405 og VI, 237; Æfir lærðra manna (þáttur Jóns Auðunssonar á Bergsstöðum); Prestaæfir Sighvats Grímssonar Borgfirðings (þáttur Jóns Auðunssonar á Bergsstöðum); Ættatölub. Jóns Espólíns, 3651-3652, 3928-3929 og 3973; Ættatölub. Jóns Magnússonar, 267 og 478; Ættatölub. Ólafs Snóksdalíns, 15-16 og 342; Ættatölub. Sighvats Grímssonar Borgfirðings, 432 og 1363; Ættatölub. Steingríms Jónssonar, 117, 3993-3994 og 4250).

Jón Auðunsson (1779-1837) Bóndi á Syðri-Leifsstöðum.

F. um 1779 á Bergsstöðum, d. 4. apríl 1837 á Syðri-Leifsstöðum. For.: Auðun Jónsson pr. í Blöndudalshólum og k.h. Halldóra Jónsdóttir. Vinnumaður á Geitaskarði í Langadal -1800-1801-. Bóndi á Syðri-Leifsstöðum 1806 til æviloka. Hann var meðhjálpari í Bergsstaðakirkju. Jón var farsæll búhöldur. Hann varð heilsulítill. – Kona, g. 1806, Helga Kráksdóttir, f. um 1783 í Stafni, d. 17. júlí 1845 á Syðri-Leifsstöðum. For.: Krákur Sveinsson b. á Syðri-Leifsstöðum og s.k.h. Kristín Sveinsdóttir. Helga var hjá föður sínum á Syðri-Leifsstöðum 1801, en bjó á sama stað 1805-1806. Hún bjó ekkja á Syðri-Leifsstöðum 1837-1839, en var í skjóli sona sinna á sama stað 1839 til æviloka. Við húsvitjun í Bergsstaðaprestakalli 1844 er Helga sögð vönduð og vel að sér. Börn: Krákur, f. um 1807 á Leifsstöðum, b. í Kóngsgarði, kv. Kristrúnu Daníelsdóttur. Stefán, f. 11. júlí 1810 á Leifsstöðum, b. á Syðri-Leifsstöðum, kv. Steinunni Björnsdóttur, þau systrabörn. Kristín, f. 1814, var hjá foreldrum sínum á Syðri-Leifsstöðum 1814. Halldóra, f. 8. sept. 1815 á Leifsstöðum, g. Birni Björnssyni b. í Skyttudal. Björn, f. 25. jan. 1821 á Leifsstöðum, ráðsm. í Hvammi í Svartárdal, ókv., en átti son með Sigríði Helgadóttur. Barnsmóðir: Sigríður Aradóttir, f. um 1768 í Grundarkoti í Vatnsdal, d. 11. júní 1821 í Haga í Þingi, vk. á Ytri-Löngumýri í Blöndudal. For.: Ari Gissursson b. í Grundarkoti og k.h. Sigríður Tómasdóttir. Sigríður giftist síðar Gísla Jónssyni b. í Haga. Hún var vinnukona á Syðri-Reykjum í Miðfirði 1801. Barn: Marsibil, f. 16. jan. 1796 á Ytri-Löngumýri, g. Sigurði Jónssyni b. á Fossum.

(Íslenzkar æviskrár I, 107; Skagfirzkar æviskrár 1850-1890 III, 23-24 og VI, 329-330; Húnavaka 1976, 95-96; Brandsstaðaannáll, 127; Skiptab. Hún. 21. apríl og 31. okt. 1838; Ættatölub. Jóns Espólíns, 476-478 og 576-578; Ættatölub. Ólafs Snóksdalíns, 342 og 534; Ættatölub. Steingríms Jónssonar, 117 og 251).

Jón Bessason (1600-1656) Bóndi á Gunnsteinsstöðum og Stjúgsstöðum.

F. nál. 1600, d. 1656. For. ókunnir. Bóndi á Gunnsteinsstöðum -1635-1637- og á Strjúgsstöðum nál. 1645. Jón var ríkur maður að lausafé. Hann varð fyrir þeim búsifjum að þjófur að nafni Hákon Þorsteinsson fór í fjárhús hans að næturþeli árið 1635 og stal þaðan gömlum sauð og veturgamalli á. – Kona: Gunnvör Egilsdóttir, f. nál. 1610. For.: Egill Jónsson b. og lögréttum. á Geitaskarði í Langadal og k.h. Rannveig Markúsdóttir. Börn: Guðríður, f. um 1646, g. Halldóri Jónssyni b. á Geirmundarstöðum í Sæmundarhlíð. Hún bjó ekkja í Hólakoti á Höfðaströnd 1703. Ragnheiður, f. um 1648, g. Eiríki Guðmundssyni b. á Lýtingsstöðum í Tungusveit. Hún bjó ekkja á Steinsstöðum í Tungusveit 1703. Jón, f. nál. 1645, sigldi og kom ekki aftur.

(Íslenzkar æviskrár I, 331; Lögréttumannatal, 97; Sýslumannaæfir I, 369, 531 og 574; Annálar 1400-1800 I, 344; Magnús Ketilsson III, 149; Prestastefnudómar og bréfab. Gísla biskups Þorlákssonar, 192-193; Dómab. Hún. 15. jan. og 3. sept. 1636; Dómab. Skag. 31. jan. 1679; Ættatölub. Jóns Espólíns, 3357-3361; Ættatölub. Jóns Magnússonar, 476-477 og 500; Ættatölub. Ólafs Snóksdalíns, 557-558; Ættatölub. Steingríms Jónssonar, 2149).

Jón Bjarnason (1620-?) Bóndi í Stafni.

F. nál. 1620. For.: Bjarni Ólafsson b. og lögréttum. í Stafni og á Steiná og s.k.h. Ingunn Guðmundsdóttir. Bóndi í Stafni nál. 1665. Jón var spakur og forspár. Hann hyllti konung í Bólstaðarhlíð 24. maí 1649. – Kona: Geirlaug Þorbjörnsdóttir, f. nál. 1630. For.: Þorbjörn Koðránsson b. í Húnavatnssýslu og k.h. ónafngreind Jónsdóttir. Börn: Bjarni, f. um 1663, b. í Hvammi í Svartárdal, kv. Kristínu Eiríksdóttur. Þuríður, f. um 1665, g. Agli Sigfússyni pr. í Glaumbæ á Langholti. Grímur, f. um 1666, b. á Syðri-Leifsstöðum, kv. Þórunni Björnsdóttur. Þorsteinn, f. nál. 1660, b. í Húnavatnssýslu, kv. Þórvöru Jónsdóttur. Þorbjörn. (Ættatölub. Jóns Magnússonar, 16). Barnsmóðir: Guðrún Markúsdóttir, f. nál. 1625, vk. í Húnavatnssýslu. For. ókunnir. Barneign Jóns með Guðrúnu var fyrsta hórdómssök hans. Barn: Jón, f. 1655 eða 1656 í Húnavatnssýslu, b. og hreppstj. á Bakka í Svarfaðardal, kv. Þuríði Þorvarðsdóttur. Alls átti Jón 19 börn.

(Íslenzkar æviskrár I, 332-333; Svarfdælingar II, 124; Lögréttumannatal, 58-59; Íslenzkir ættstuðlar II, 147; Hyllingarskjöl 1649, 48; Ættatölub. Jóns Espólíns, 5562-5564, 5566 og 5635; Ættatölub. Jóns Magnússonar, 16; Ættatölub. Ólafs Snóksdalíns, 637; Ættatölubók Steingríms Jónssonar, 856 og 3576-3577; Ættatölub. Þórðar Jónssonar, 281).

Jón Bjarnason (1675-1729) Bóndi á Strjúgsstöðum, Fjósum og Hóli.

F. um 1675, á lífi í Bólstaðarhlíðarhreppi 1729. Móðir hans var fyrri kona Guðmundar Sveinssonar b. á Kirkjuskarði á Laxárdal fremri. Vinnumaður á Strjúgsstöðum -1702-1703-. Bóndi á Strjúgsstöðum -1708-1709- og hafði jafnframt bú í Kárahlíð -1708-1709-. Bóndi á Fjósum -1722-1723- og á Hóli -1725-1726- og nytjaði jafnframt Teigana. Jón undirritaði hluta jarðabókarskýrslu úr Bólstaðarhlíðarhreppi 14. nóv. 1708. – Kona: Solveig Runólfsdóttir, f. um 1674. For.: Runólfur Jónsson b. í Bólstaðarhlíðarhreppi og k.h. Guðrún Tómasdóttir. Solveig var hjá móður sinni á Strjúgsstöðum 1703. Barn: Árni, f. um 1707, b. á Hóli.

Athugasemd: Það er afar sennilegt að Jón hafi verið tvíkvæntur og að seinni kona hans hafi verið Solveig Sæmundsdóttir húsmóðir á Hóli.

(Vorþeyr og vébönd, 211; Dómab. Hún. 6. okt. 1722, 1. maí 1760 og 21. júní og 1. okt. 1771).

Jón Bjarnason (1688-1746) Prestur og bóndi í Blöndudalshólum.

F. um 1688, d. 1746 á Holtastöðum í Langadal. For.: Bjarni Sigurðsson b. og lögréttum. á Heynesi á Akranesi og k.h. Helga Gísladóttir. Er talinn meðal skólapilta í Skálholti í Biskupstungum 1703. Lærði í Skálholtsskóla og varð stúdent þaðan 1711. Var síðan um tveggja ára skeið við nám hjá Jóni Halldórssyni presti í Hítardal í Hraunhreppi. Vígðist 1. okt. 1713 til Blöndudalshóla. Bóndi í Blöndudalshólum 1716-1727 og á Holtastöðum -1733 til æviloka og hafði jafnframt bú á Vesturá á Laxárdal fremri -1737-1738. Hann var sóknarprestur í Blöndudalshólaprestakalli 1713 til æviloka. Séra Jón var lítill vexti, en harðger og hraustur. Hann átti ábúðarjörð sína Holtastaði og varð þar bráðkvaddur í bæjardyrum. – Kona: Þuríður Einarsdóttir, f. um 1699, d. 9. mars 1784 á Holtastöðum, ekkja Ólafs Árnasonar Vídalín b. á Bergsstöðum. For.: Einar Sigurðsson b. og skytta á Hraunum í Fljótum og k.h. Þórunn Guðmundsdóttir. Hún bjó ekkja á Holtastöðum 1746 til æviloka. Þuríður var nokkuð stórráð. Hún andaðist blind og karlæg. Þuríður seldi Sneis á Laxárdal fremri Árna Einarssyni bónda í Kálfárdal fyrir lausafé 5. okt. 1751. Hún hafði makaskipti á Indriðastöðum í Skorradal fyrir 10 hundruð í Holtastöðum við Magnús Árnason bónda á Mófellsstöðum í Skorradal 1. júlí 1772, og fékk auk þess 162 ríkisdali í milligjöf. Árið 1762 var hjá henni ein stúlka 28 ára. Börn: Elín, f. um 1733, var á Holtastöðum 1801, óg. og bl. Helga, f. nál. 1735, var á Holtastöðum, óg. og bl. Þær systur voru hinar efnilegustu stúlkur í uppvexti, en biluðust á geðsmunum eftir fráfall föður síns, fyrst Helga og síðan Elín eftir lát hennar, að því er sagnir herma. Hermt er að Jón Símonsson bóndi og stúdent á Tannstaðabakka hafi boðist til að lækna Elínu, ef hann fengi að eiga hana, en móðir hennar hafnað því boði.

(Íslenzkar æviskrár I, 190 og III, 67-68; Borgfirzkar æviskrár I, 369; Lögréttumannatal, 61; Sýslumannaæfir II, 92, III, 109 og IV, 284; Huld I, 101-102; Saga XIII, 152-161; Föðurtún, 78; Annálar 1400-1800 I, 613, IV, 540 og 599 og VI, 26, 64 og 259; Alþingisb. XV, 315; Dómab. Hún. 1. maí 1752; Æfir lærðra manna (þáttur Jóns Bjarnasonar á Holtastöðum); Prestaæfir Sighvats Grímssonar Borgfirðings (þáttur Jóns Bjarnasonar á Holtastöðum); Ættatölub. Jóns Espólíns, 443-444, 1612 og 5590; Ættatölub. Ólafs Snóksdalíns, 393 og 670; Ættatölub. Steingríms Jónssonar, 243).

Jón Bjarnason (1724-1783) Bóndi í Vatnshlíð.

F. um 1724, á lífi í Vatnshlíð 1783. Faðir: Bjarni Tómasson b. í Elivogum á Langholti. Bóndi á Ípishóli á Langholti -1756-1770- og í Vatnshlíð -1772-1783-. Jón gaf vitnisburð um Stórueyri sunnan Elivoga 19. sept. 1765. Honum var úthlutað gjafakorni 2. apríl 1757. – Fyrri kona: ónafngreind, f. um 1715, á lífi á Ípishóli 1762. For. ókunnir. Árið 1762 voru hjá þeim tveir drengir 10 og 4 ára og ein stúlka 14 ára. Barn: Jón, f. um 1752, b. á Giljum í Vesturdal, kv. Guðrúnu Gísladóttur. Seinni kona: Sigríður Erlendsdóttir, f. 1734 (sk. 17. júlí 1734) í Hólasókn í Skagafjarðarsýslu. For.: Erlendur Þorleifsson b. á Þverá í Hallárdal og k.h. Guðrún Jónsdóttir. Börn: Sigríður, f. um 1771 á Ípishóli, d. 26. júlí 1843 í Sauðanesi á Ásum, vk. á Æsustöðum 1801 og í Finnstungu 1816, en á Kringlu á Ásum 1835, óg. og bl. Helga, f. um 1773 á Ípishóli, g. Jóni Jónssyni b. í Finnstungu. Bjarni, f. um 1774 í Vatnshlíð, b. í Finnstungu, kv. Elínu Helgadóttur. Alls áttu Jón og Sigríður 7 börn.

Athugasemdir: 1) Föðurnafn Jóns hefur misritast í Manntali á Íslandi 1762. Þar er hann ranglega skráður Jónsson. 2) Jón var orðinn heimilisfastur í Bólstaðarhlíðarhreppi 1771. Á manntalsþingi í Bólstaðarhlíð 3. maí 1771 var borin upp krafa frá Halldóri Bjarnasyni Vídalín klausturhaldara á Reynistað til Jóns Bjarnasonar um greiðslu á hálfu kúgildi. Mun hér hafa verið um innistæðukúgildi að ræða, en Ípishóll var Reynistaðarklaustursjörð sem Halldór hafði umboð fyrir. Má því ætla, að Jón og Sigríður hafi farið búferlum frá Ípishóli að Vatnshlíð ekki seinna en í fardögum 1771. 3) Í Manntali á Íslandi 1816 er Helga Jónsdóttir, dóttir Jóns og Sigríðar, talin fædd á Ípishóli og virðist það ótrúverðugt, því foreldrar hennar voru komin að Vatnshlíð um það leyti sem hún fæddist.

(Skagfirzkar æviskrár 1850-1890 II, 230-233; Skjalasafn prófasta; Dómab. Hún. 15. apríl 1722, 3. maí 1771 og 8. júní 1773; Dómab. Skag. 23. apríl 1763; Skiptab. Skag. 14. sept. 1773; Lbs. 95, fol. (Verslunarb. Hofsóskaupstaðar 1764-1769); Ættatölub. Ólafs Snóksdalíns, 526, 558, 574 og 668).

Jón Bjarnason (1724-1762) Bóndi í Sellandi.

F. um 1724, á lífi í Sellandi 1762. For. ókunnir. Bóndi í Sellandi -1762-. – Kona: ónafngreind, f. um 1730, á lífi í Sellandi 1762. For. ókunnir. Árið 1762 var hjá þeim einn drengur 2 ára. Ókunnugt um börn.

Jón Bjarnason (1730-1785) Bóndi í Rugludal, Kálfárdal, Refsstöðum og Æsustöðum.

F. um 1730, d. 23. apríl 1785 í Þingeyrasókn. Faðir: Bjarni Jónsson. Bóndi í Rugludal 1757-1763-, í Kálfárdal -1773-1778, á Refsstöðum á Laxárdal fremri 1778-1783- og á Æsustöðum -1784 til æviloka. – Kona: Margrét Sveinsdóttir, f. um 1734. For.: Sveinn Jónsson b. í Neðri-Lækjardal í Refasveit og k.h. Guðrún Hallgrímsdóttir. Árið 1762 var hjá þeim einn drengur 4 ára. Börn: Sveinn, f. um 1758 í Rugludal, b. og smiður á Sleitustöðum í Kolbeinsdal, kv. Þuríði Sigmundsdóttur. Ólafur, f. um 1763 í Rugludal, b. á Æsustöðum, kv. fyrr Guðrúnu Eyjólfsdóttur, síðar Steinunni Árnadóttur.

(Saga frá Skagfirðingum II, 115-116 og 176; Sagnaþættir Gísla Konráðssonar, 186-187; Söguþættir Gísla Konráðssonar, 135-136; Syrpa úr handritum Gísla Konráðssonar II, 151; Húnavaka 1976, 59-60; Ættatölub. Jóns Espólíns, 1551-1552 og 5593-5594; Ættatölub. Ólafs Snóksdalíns, 671).

Jón Bjarnason (1763-1829) Bóndi í Steinárgerði.

F. um 1763 á Marðarnúpi í Vatnsdal, d. 4. okt. 1829 í Steinárgerði. For.: Bjarni Jónsson b. á Steiná og k.h. Margrét Þórðardóttir. Búlaus í Bólstaðarhlíðarhreppi 1795-1796 og 1798-1799 og á Skeggsstöðum 1799-1801-. Bóndi í Steinárgerði 1802 til æviloka. Jón var talinn einrænn. Hann átti 27 hundruð í Steiná. – Kona: Guðbjörg Þorsteinsdóttir, f. um 1777 í Ási í Vatnsdal, d. 12. okt. 1839 á Steiná. For.: Þorsteinn Sigurðsson b. í Galtanesi í Víðidal og f.k.h. Ástríður Guðmundsdóttir. Guðbjörg var fóstruð af föðurömmu sinni Guðbjörgu Jónsdóttur húsmóður á Brún. Hún bjó ekkja í Steinárgerði 1829-1830, en giftist þá Ólafi Oddssyni b. í Rugludal. Barn: Guðrún, f. um 1806 í Steinárgerði, d. 3. júní 1823 á sama stað, var í fóstri hjá föðursystur sinni á Skottastöðum 1816, en síðast hjá foreldrum sínum í Steinárgerði.

(Skagfirzkar æviskrár 1850-1890 III, 178-180; Húnvetningasaga II, 673-674; Skiptab. Hún. 3. júní 1830).

Jón Bjarnason (1782-1813) Hreppstjóri og bóndi á Eyvindarstöðum.

F. um 1782, d. 29. ágúst 1813 á Eyvindarstöðum. For.: Bjarni Bjarnason b. og hreppstj. í Holti í Svínadal og k.h. Hólmfríður Jónsdóttir. Fermdur í Auðkúluprestakalli 1798. Var hjá foreldrum sínum í Holti 1801. Húsmaður í Holti 1806-1808. Bóndi á Eyvindarstöðum 1808 til æviloka. Hann var hreppstjóri í Bólstaðarhlíðarhreppi. Jón var gáfumaður, góður skrifari og laglega hagmæltur. Hann byggði upp Eyvindarstaðabæ úr timbri úr Másstaðakirkju, sem hann keypti fyrir 63 ríkisdali á uppboði 10. okt. 1811, en kirkjan hafði laskast illa í snjóflóði á undangengnum páskum og var því aflögð. Hann keypti Saurbæ á Neðribyggð fyrir 100 ríkisdali. – Kona, g. 21. apríl 1808, Ingiríður Guðmundsdóttir, f. 1790 í Hvammi í Svartárdal, d. 9. júní 1828 á Eyvindarstöðum. For.: Guðmundur Jónsson b. í Hvammi og k.h. Ingibjörg Andrésdóttir. Ingiríður var hjá foreldrum sínum í Stóradal í Svínavatnshreppi 1801 og fermdist í Svínavatnssókn 1803. Hún bjó ekkja á Eyvindarstöðum 1813-1815, en giftist þá Ólafi Tómassyni b. á Eyvindarstöðum. Ingibjörg var örlynd og stórgjöful og gerði vel við fólk sitt. Börn: Guðmundur, f. 18. okt. 1808 á Eyvindarstöðum, b. á Brún, kv. Ingveldi Jónsdóttur, átti einnig dóttur með Svanborgu Oddsdóttur. Eyjólfur, f. 22. jan. 1812 á Eyvindarstöðum, d. 21. maí 1838 í Eyvindarstaðagerði, vm. í Eyvindarstaðagerði, ókv. Hann var vangefinn. Ingibjörg, f. um 1813 á Eyvindarstöðum, d. um 1819 í Húnavatnssýslu, var hjá móður sinni á Eyvindarstöðum 1816. Barnsmóðir: Sigríður Guðmundsdóttir, f. um 1781 í Syðra-Tungukoti, d. 25. apríl 1845 á Harastöðum á Skagaströnd, vk. í Holti. For.: Guðmundur Guðmundsson b. í Syðra-Tungukoti og k.h. Sigríður Ólafsdóttir. Barn: Jón, f. 17. ágúst 1804 í Holti, d. 21. mars 1836 í Hlíðarhúsum í Reykjavík, vm. á Snæringsstöðum í Svínadal 1835, ókv., en átti son með Vilborgu Bjarnadóttur.

(Íslenzkar æviskrár VI, 167-168; Skagfirzkar æviskrár 1890-1910 I, 291-292; Hrakhólar og höfuðból, 8-9 og 185-187; Svipir og sagnir, 100 og 103-114; Skriðuföll og snjóflóð II, 236-237; Föðurtún, 132-133; Húnavaka 1978, 65-70; Sýsluskj. Hún. XV, 7, 25. apríl og 31. maí 1814 (dánarbú Jóns Bjarnasonar á Eyvindarstöðum); Dómab. Skag. 25. maí 1812; Skiptab. Hún. 31. maí 1814, 13. maí 1829, 10. sept. 1836, 29. okt. 1838 og 21. apríl 1845; Eiðsstaðaætt – Handrit Björns Bjarnasonar á Brandsstöðum; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3932-3933 og 4758; Ættatölub. Ólafs Snóksdalíns, 336, 342 og 720; Ættatölub. Sighvats Grímssonar Borgfirðings, 1365-1366 og 2433).

Jón Bjarnason (1824-1896) Bóndi á Strjúgsstöðum.

F. 26. sept. 1824 á Strjúgsstöðum, d. 11. júní 1896 í Kálfárdal. For.: Bjarni Sveinsson b. á Strjúgsstöðum og k.h. Sigríður Jónsdóttir. Var í fóstri hjá föðurömmu sinni á Strjúgsstöðum 1835 og fermdist í Holtastaðasókn 1839. Vinnupiltur í Hvammi í Langadal -1840-1841-. Vinnumaður á Strjúgsstöðum -1844-1845. Vinnumaður að hálfu á Stóru-Mörk og húsmaður að hálfu á Strjúgsstöðum 1845-1846. Bóndi á Strjúgsstöðum 1846-1853. Vinnumaður á Vesturá á Laxárdal fremri 1853-1854. Bóndi í Selhólum í Gönguskörðum 1854-1855. Vinnumaður á Heiði í Gönguskörðum 1855-1858, á Spákonufelli á Skagaströnd 1858-1865, á Kálfshamri í Nesjum 1866-1867, á Hrauni á Skaga 1867-1868 og á Fjalli á Skagaströnd 1868-1869. Ráðsmaður í Örlygsstaðaseli í Skagaheiði 1869-1870. Vinnumaður í Hvammshlíð í Norðurárdal 1870-1871, á Njálsstöðum á Skagaströnd 1871-1874, á Neðri-Mýrum í Refasveit 1874-1876, á Njálsstöðum aftur 1876-1877, á Neðri-Mýrum aftur 1877-1878, á Efri-Mýrum í Refasveit 1878-1880, á Kárastöðum á Bakásum 1880-1881, á Höllustöðum í Blöndudal 1881-1882, á Efri-Mýrum aftur 1882-1883, á Æsustöðum 1883-1886 og á Torfalæk á Ásum 1886-1887. Hann var á sveitarframfæri í Ytra-Tungukoti 1887-1888, á Auðólfsstöðum 1888-1893, í Bólstaðarhlíð 1893-1894 og í Kálfárdal 1894 til æviloka. – Sambýliskona: Ólöf Jónsdóttir, f. 1816 eða 1817 á Syðra-Hóli á Skagaströnd, d. 5. júní 1873 í Teigakoti, vk. á Sneis á Laxárdal fremri 1860. For.: Jón Jónsson b. á Tjörn í Nesjum og k.h. Margrét Ólafsdóttir. Ólöf var bústýra hjá Jóni á Strjúgsstöðum 1850-1853 og í Selhólum 1854-1855. Hún var bústýra í Kálfárdal í Gönguskörðum 1855-1859, en síðar í Teigakoti. Börn: Sigríður, f. 19. sept. 1850 á Strjúgsstöðum, g. Jóni Sigurðssyni b. og skáldi í Marðarnúpsseli í Svínadal, bjó áður með Ólafi Björnssyni b. á Höllustöðum. Bjarni, f. 26. febr. 1854 á Vesturá, vm. í Eyjarkoti á Skagaströnd 1874. Anna Margrét, f. 28. ágúst 1855 í Kálfárdal í Gönguskörðum, vk. á Eiðsstöðum í Blöndudal 1901, óg. Barnsmóðir: Sigurlaug Sæmundsdóttir, f. 29. júlí 1810 í Gröf í Víðidal, d. 30. júlí 1901 á Grenjaðarstað í Aðaldal, húsk. í Hvammi á Laxárdal fremri. For.: Sæmundur Jónsson vm. á Stað í Súgandafirði 1816 og barnsm.h. Ingibjörg Halldórsdóttir vk. á Lækjamóti í Víðidal 1816. Sigurlaug var gift Birni Jónssyni b. á Stóru-Mörk. Barn: Jakob, f. 23. ágúst 1846 í Hvammi, d. 5. sept. 1846 á Stóru-Mörk. Barnsmóðir: Guðrún Magnúsdóttir, f. 19. nóv. 1829 í Stapa í Tungusveit, d. 17. okt. 1886 á Holtastöðum í Langadal, vk. á Höllustöðum í Blöndudal. For.: Magnús Snæbjörnsson b. í Stafni og barnsm.h. Þóra Gunnlaugsdóttir húsk. í Stapa, síðar húsm. í Móbergsseli í Litla-Vatnsskarði. Guðrún giftist síðar Árna Jónssyni b. á Stóru-Mörk. Barn: Margrét, f. 4. okt. 1848 á Höllustöðum, var í fóstri á Stóru-Mörk 1860.

(Íslenzkar æviskrár III, 270-271; Skagfirzkar æviskrár 1850-1890 V, 157-159 og VI, 192-195; Rímnatal II, 96; Mannaferðir og fornar slóðir, 204; Vér Íslands börn I, 56-68; Sagnablöð hin nýju, 234-237; Húnavaka 1994, 135-139).

Jón Bjarnason (1833-1880) Bóndi á Eiríksstöðum og Syðri-Leifsstöðum.

F. 7. júní 1833 á Kúfustöðum, d. 27. nóv. 1880 í Gafli í Svínadal. For.: Bjarni Jónsson b. á Kúfustöðum og k.h. Sigríður Styrsdóttir. Var hjá foreldrum sínum á Kúfustöðum 1845 og fermdist í Bergsstaðasókn 1848. Vinnumaður á Torfustöðum 1850-1851, á Eiríksstöðum 1851-1852, á Bollastöðum 1852-1855, á Eiðsstöðum í Blöndudal 1855-1856 og í Steinárgerði 1856-1857. Bóndi á Eiríksstöðum 1857-1858, á Syðri-Leifsstöðum 1858-1859, í Forsæludalsseli í Vatnsdal 1859-1861, í Auðkúluseli í Sléttárdal 1861-1866 og í Gafli 1866 til æviloka. Hann mun hafa verið kallaður Jón goggur. – Kona, g. 6. nóv. 1853, Hólmfríður Kristjánsdóttir, f. 11. des. 1822 á Litla-Vatnsskarði á Laxárdal fremri, d. í okt. 1897 í Hallsonbyggð í Norður-Dakota. For.: Kristján Jónsson b. á Litla-Vatnsskarði og k.h. Sigurlaug Jónsdóttir. Hólmfríður var léttastúlka á Fannlaugarstöðum í Laxárdal ytri 1834-1835-, en fermdist í Auðkúlusókn 1838. Hún var vinnukona á Hrafnabjörgum í Svínadal -1837-1838-, í Gafli -1840-1841, á Gunnfríðarstöðum á Bakásum 1841-1844, á Hóli í Sæmundarhlíð 1844-1847, á Snæringsstöðum í Svínadal 1848-1850, á Bollastöðum 1850-1855, á Eiðsstöðum 1855-1856 og í Steinárgerði 1856-1857. Hólmfríður bjó ekkja í Gafli 1880-1886, en var í skjóli Guðmundar sonar síns á sama stað 1886-1888 og í Norður-Dakota 1888 til æviloka. Barn: Guðmundur Bjarni, f. 31. ágúst 1854 á Bollastöðum, b. í Gafli, kv. Valgerði Jónatansdóttur. – Barnsfaðir Hólmfríðar: Jóhannes Björnsson, f. um 1820 á Beinakeldu á Reykjabraut, d. 27. febr. 1879 í Húnavatnssýslu, b. á Tyrfingsstöðum á Akranesi 1855, en síðast vm. á Svínavatni í Svínavatnshreppi. Faðir: Björn Þorvaldsson b. í Gafli. Hann varð úti á heimleið utan af Skagaströnd að Svínavatni. Barn: Jóhannes, f. 8. júlí 1843 á Gunnfríðarstöðum, d. 25. júlí 1843 á sama stað. Barnsfaðir Hólmfríðar ókunnur. Barn: Guðmundur Ólafsson, f. 1845 í Reynistaðarsókn, d. 4. mars 1850 á Snæringsstöðum.

(Borgfirzkar æviskrár I, 464-465, V, 206-207 og IX, 451-452; Saga Íslendinga í Norður-Dakota, 215 og 375; Húnavaka 1977, 88-90; Almanak Ólafs Thorgeirssonar 1899, 70 og 1939, 102; Lögberg 17. mars 1938; Vesturfaraskrá, 231; Annáll nítjándu aldar IV, 310; Skiptab. Hún. 27. apríl, 22. maí og 30. des. 1844; Steinárætt – Handrit Péturs Sigurðssonar á Skeggsstöðum).

Jón Björnsson (1648-1708) Bóndi í Stafni.

F. um 1648, á lífi í Stafni 1708. For. ókunnir. Bóndi í Stafni -1699-1708-. – Kona: Þóra Jónsdóttir, f. um 1654, á lífi í Stafni 1703. For. ókunnir. Börn: Jón, f. um 1681, var hjá foreldrum sínum í Stafni 1703. Sæmundur, f. um 1683, var hjá foreldrum sínum í Stafni 1703. Guðmundur, f. um 1685, var hjá foreldrum sínum í Stafni 1703. Björn, f. um 1687, b. á Syðri-Löngumýri í Blöndudal, kv. Hallfríði Jónsdóttur. Sveinn, f. um 1688, var hjá foreldrum sínum í Stafni 1703. Valgerður, f. um 1691, var hjá foreldrum sínum í Stafni 1703. Guðrún, f. um 1694, var hjá foreldrum sínum í Stafni 1703.

(Vorþeyr og vébönd, 168-169 og 224).

Jón Davíðsson (1799-1861) Bóndi í Ytri-Mjóadal.

F. 9. apríl 1799 í Holti í Hrafnagilshreppi, d. 28. febr. 1861 á Finnastöðum í Hrafnagilshreppi. For.: Davíð Davíðsson b. í Holti og k.h. Steinunn Jónsdóttir. Var hjá foreldrum sínum í Holti 1801 og fermdist í Grundarsókn í Eyjafjarðarsýslu 1813. Húsmaður í Holti 1828-1833. Bóndi í Ytri-Mjóadal 1833-1836. Vinnumaður á Hrísum í Saurbæjarhreppi 1837-1845, á Arnarstöðum í Saurbæjarhreppi 1845-1846, á Æsustöðum í Saurbæjarhreppi 1846-1847, að hálfu á Arnarstöðum og að hálfu í Leyningi í Saurbæjarhreppi 1847-1848 og á Hrísum 1848-1853. Húsmaður á Hrísum 1853-1855. Vinnumaður á Æsustöðum í Saurbæjarhreppi 1855-1856 og á Hrísum 1856-1857. Húsmaður á Hrísum 1857-1858. Vinnumaður í Núpufelli í Saurbæjarhreppi 1858-1859, en var í skjóli Guðrúnar dóttur sinnar á Finnastöðum 1859 til æviloka. – Kona, g. 30. okt. 1828, Oddný Þorleifsdóttir, f. um 1803 í Ytri-Mjóadal, d. 18. jan. 1866 á Jódísarstöðum á Staðarbyggð. For.: Þorleifur Þorleifsson b. í Ytri-Mjóadal og k.h. Guðrún Ólafsdóttir. Oddný var hjá móður sinni í Ytri-Mjóadal 1816 og fermdist í Bólstaðarhlíðarsókn 1818. Hún var vinnukona á Auðólfsstöðum 1836-1837, á Hrísum 1837-1845, á Arnarstöðum 1845-1861 og á Jódísarstöðum 1861 til æviloka. Börn: Guðrún, f. 4. ágúst 1829 í Holti, g. Birni Benjamínssyni b. á Dvergsstöðum í Hrafnagilshreppi 1880. Sigurður, f. 1830 (sk. 26. sept. 1830) í Holti, húsmaður í Hólshúsum í Hrafnagilshreppi 1880, kv. Oddnýju Friðfinnsdóttur. Steinunn, f. 7. okt. 1831 í Holti, d. 20. júlí 1835 í Ytri-Mjóadal. Jóhann Andrés, f. 9. nóv. 1833 í Ytri-Mjóadal, d. 21. febr. 1834 á sama stað. Benedikt, f. 20. júlí 1835 í Ytri-Mjóadal, vm. í Ytri-Mjóadal 1860, ókv. Friðfinna, f. 7. nóv. 1838 á Hrísum, g. Jóhanni Ólafssyni húsmanni á Þinghóli í Kræklingahlíð 1880. Ólafur, f. 21. okt. 1840 á Hrísum, b. í Kálfagerði í Saurbæjarhreppi 1880, kv. Helgu Eiríksdóttur. Steinunn Jóhanna, f. 15. ágúst 1844 á Hrísum, d. 1844 (gr. 25. ágúst 1844) á sama stað.

(Eyfirskar ættir I, 147-153; Skiptab. Hún. 8. mars 1837 og 1. nóv. 1847; Ábúendatal í Inn-Eyjafirði – Handrit Stefáns Aðalsteinssonar í Reykjavík, 659-660; Ættatölub. Bjarna Jóhannessonar, 1054-1055, 1060 og 1062; Ættatölub. Jóns Espólíns, 1183, 2190 og 6844; Ættatölub. Ólafs Snóksdalíns, 125, 408-409, 496-497 (innskotsblöð) og 839; Ættatölub. Steingríms Jónssonar, 4992).

Jón Egilsson (1648-?)

hét búandi í Bólstaðarhlíðarhreppi -1648-1649-. Hann hyllti konung í Bólstaðarhlíð 24. maí 1649.

Athugasemd: Trúlega er hér um að ræða Jón Egilsson b. á Eyvindarstöðum nál. 1645.

(Hyllingarskjöl 1649, 48).

Jón Egilsson (1595-1645?) Bóndi á Eyvindarstöðum.

F. nál. 1595. Faðir: Egill Jónsson b. og lögréttum. á Geitaskarði í Langadal. Bóndi á Eyvindarstöðum nál. 1645. – Ókunnugt um kvonfang, en óskilgetinn sonur hans var: Bjarni, f. nál. 1630, b. á Eyvindarstöðum, kv. Guðrúnu Árnadóttur.

Athugasemdir: 1) Jón gæti vel verið samnefndur maður sem hyllti konung í Bólstaðarhlíð 24. maí 1649. 2) Í Ættatölubók Jóns Magnússonar greinir að móðir Bjarna hafi verið Guðríður Guðmundsdóttir, Indriðasonar. Það fær ekki staðist tímans vegna.

(Lögréttumannatal, 56-57, 97 og 268-269; Annálar 1400-1800 III, 160; Hyllingarskjöl 1649, 48; Ættatölub. Jóns Espólíns, 604-606 og 1399; Ættatölub. Jóns Magnússonar, 457-458 og 523; Ættatölub. Ólafs Snóksdalíns, 52 og 479; Ættatölub. Steingríms Jónssonar, 10, 306 og 3584).

Jón Egilsson (1720-1785) Bóndi í Hvammi í svartárdal, Sellandi og Kúfustöðum.

F. um 1720, d. í febr. eða í mars 1785 í Sveinskoti á Reykjaströnd. For.: Egill Illugason b. í Hvammi í Svartárdal og k.h. Engilráð Bjarnadóttir. Bóndi í Hvammi í Svartárdal -1744-1745 og á Veðramóti í Gönguskörðum -1746-1751. Búlaus í Bólstaðarhlíðarhreppi 1751-1752 og í Hvammi í Svartárdal 1752-1753. Bóndi í Sellandi 1753-1754-, á Kúfustöðum -1755-1759-, í Hvammi aftur -1762-1763-, á Óslandi í Óslandshlíð -1765-1771-, á Reykjum á Reykjaströnd -1775-1783 og í Sveinskoti -1784 til æviloka. Hann var hreppstjóri í Sauðárhreppi í Skagafjarðarsýslu 1775-1784. Jón var sterkur og þrekmikill, digurvaxinn og lotinn í herðum, svartur á hár, brúnaþungur og fremur ófrýnn álitum. Hann var gæfur í skapi og hægur í bragði, dulur að sér og heldur orðstaður, en drjúglátur, vel viti borinn, ritfær og skáldmæltur. Hann var einn af tiltölulega fáum mönnum sem var í náinni vináttu við skáldkonuna og einfarann Látra-Björgu. Eitthvað af kveðskap Jóns er varðveitt Í Landsbókasafni og Gísli Konráðsson eignar honum Blómsturvallarímur sem ekki hafa komið fram og kvæði um veturinn Hreggvið (1753-1754). Jón var haldinn fjölkunnugur og kemur nokkuð við þjóðsögur. Honum var gefið að sök að hafa rænt líkum Reynistaðarbræðra á Kili sumarið 1781 í félagi eða með vitund Sigurðar sonar síns og Björns Illugasonar vinnumanns á Reynistað. Spratt af því mikill málarekstur sem lauk með yfirréttardómi á alþingi 18. júlí 1785. Var þar staðfestur héraðsdómur frá 28. maí 1783 þess efnis að hinir ákærðu skyldu innan sex vikna frá dómsuppsögn eiðsverja sig frá þessum áburði. Þá var Jón genginn til feðra sinna, en Sigurður og Björn unnu aldrei eiðinn, því að hvorki buðust þeir til né voru til kvaddir af sýslumanni. Jóni var úthlutað gjafakorni 8. jan. 1757. – Kona, g. 15. okt. 1747, Ingibjörg Jónsdóttir, f. um 1723, d. í jan. 1811 í Krossanesi í Vallhólmi. Móðir: Guðrún Ólafsdóttir húsmóðir eða vinnukona í Skagafjarðarsýslu. Ingibjörg var í skjóli Sigurðar sonar síns í Vatnskoti í Hegranesi 1789-1801 og í Krossanesi 1801 til æviloka. Hún var sögð hæglát og hjartagóð, heilsuveil og flogaveik er á ævina leið. Jón og Ingibjörg trúlofuðust viku fyrir jólaföstu 1746, en giftingin drógst á langinn vegna lasleika hennar. Börn: Bjarni, f. um 1748, var hjá foreldrum sínum á Óslandi 1769. Sigríður, f. um 1749, g. Jóni Hallsteinssyni b. og smið á Syðstu-Grund í Blönduhlíð. Ingibjörg, f. um 1752 í Hvammi, d. 12. febr. 1820 á Botnastöðum, vk. á Reykjum, óg., en átti son með Birni Jónssyni lausam. á Daðastöðum á Reykjaströnd. Jón, f. um 1757, á lífi í Krossanesi 1812, vm. á Refsstöðum á Laxárdal fremri, ókv., en átti börn með Ingibjörgu Guðmundsdóttur og Helgu Jónsdóttur, tvö með hvorri, var einnig kennt barn af Guðrúnu Gunnarsdóttur. Guðríður, f. um 1759 í Hvammi, d. 5. nóv. 1838 í Krossanesi, vk. í Krossanesi, óg. Sigurður, f. um 1760 í Hvammi, b. og hreppstj. í Krossanesi, kv. Ingveldi Jónsdóttur, var einnig orðaður við faðerni barns Steinunnar Björnsdóttur. Bjarni, dó ungur. (Ættatölub. Jóns Espólíns, 3371). Guðmundur, dó ungur. (Ættatölub. Jóns Espólíns, 3371). Þórður, dó ungur. (Ættatölub. Jóns Espólíns, 3371). Barnsmóðir ókunn. Barn: Guðrún, f. um 1761, d. 1812 eða 1813, g. Oddi Magnússyni b. og stúdent á Syðra-Laugalandi á Staðarbyggð 1805-1810, en síðar á Auðunarstöðum í Víðidal.

Athugasemdir: 1) Í Jarða- og búendatali í Skagafjarðarsýslu 1781-1958 er Ingibjörg ranglega talin hafa búið á Ytri-Ingveldarstöðum á Reykjaströnd 1786-1788. Þá bjó þar kona með Ingibjargarnafni, en föðurnafn hennar er ekki tilgreint í Manntalsbókum Skagafjarðarsýslu. Af Verslunarbókum Hofsóskaupstaðar 1787-1788 má sjá að hér er um að ræða Ingibjörgu Stefánsdóttur, ekkju Eyjólfs Sveinssonar b. á Ytri-Ingveldarstöðum 1785-1786. Hún var fædd um 1759 á Skatastöðum í Austurdal.

(Íslenzkar æviskrár III, 91-92 og IV, 17; Rímnatal II, 77-78; Húnvetningasaga I, 215-216, 218-221, 321-324, 330, 332 og 336-338; Saga frá Skagfirðingum I, 79, 110-113, 114-115, 117, 118-119, 159 og 175, II, 69 og 166 og IV, 51-52; Feðraspor og fjörusprek, 119-138; Ættir og óðal, 78-82; Söguþættir Gísla Konráðssonar, 17-24, 27-49 og 132-146; Syrpa úr handritum Gísla Konráðssonar I, 88-89 og II, 208; Æfisaga Gísla Konráðssonar, 123 og 135-136; Sagnaþættir Þjóðólfs, 285-295; Þjóðsögur Jóns Árnasonar III, 390; Skagfirzk fræði VI, 71-80 og 86-119; Jarða- og búendatal í Skagafjarðarsýslu 1781-1958 I, 34 og IV, 230; Brandsstaðaannáll, 130-131 og 157; Annálar 1400-1800 IV, bls. 581-582 og VI, bls. 234-235; Íslands Árbækur XI, 29-30, 36, 45 og 47; Biskupsskjalasafn B VII; Alþingisb. XVI, 200-201, 236-237 og 239-241; Dómab. Hún. 20. ágúst 1814; Dómab. Skag. 21. maí 1748, 28. apríl 1749, 5. maí 1750, 29. apríl 1751, 1. maí 1753, 26. maí 1766, 19. maí 1767, 27. maí 1768, 8. maí og 25. okt. 1769, 5. júní 1771, 31. maí 1775, 27. sept. 1781, 10. jan., 31. mars og 28. maí 1783, 30. júní 1784 og 21. maí, 31. ágúst og 3. nóv. 1812; Skiptab. Skag. 16. okt. 1846 og 17. ágúst og 30. des. 1847; Verslunarb. Hofsóskaupstaðar 1782, 116, 148 og 155; Verslunarb. Hofsóskaupstaðar 1787-1788, 46; HSk. 103, 4to (uppskrift Stefáns Jónssonar úr skjölum í Biskupsskjalasafni B VII – Ársskýrslum presta og prófasta í Skagafjarðarprófastsdæmi 1745-1798), 33-34 og 37; Lbs. 95, fol. (Verslunarb. Hofsóskaupstaðar 1764-1769); Ábúendatal í Inn-Eyjafirði – Handrit Stefáns Aðalsteinssonar í Reykjavík, 2119-2120; Lbs. 696, 8vo (Minnisbók Jóns Espólíns); Ættatölub. Jóns Espólíns, 3369-3371; Ættatölub. Ólafs Snóksdalíns, 553; Ættatölub. Steingríms Jónssonar, 3680).

Jón Egilsson (1745-1783) Bóndi á Auðólfsstöðum.

F. nál. 1745, á lífi í Skrapatungu á Laxárdal fremri 1783. For. ókunnir. Bóndi á Auðólfsstöðum 1776-1777, í Auðólfsstaðakoti 1777-1778, í Gafli í Svínadal 1778-1779, á Marðarnúpi í Vatnsdal 1779-1781 og í Skrapatungu 1781-1783. – Ókunnugt um kvonfang og börn.

Jón Einarsson (1670-1727?) Bóndi í Ytri-Mjóadal.

F. um 1670, á lífi 1727. Óvíst er um foreldra hans, en hann var bróðir Hallfríðar Einarsdóttur k. Gísla Jakobssonar b. í Höfðahólakoti á Skagaströnd, Kolfinnu Einarsdóttur húsk. í Auðólfsstaðakoti 1741 og Þuríðar Einarsdóttur k. Sveins Jónssonar b. á Brún. Vinnumaður í Þverárdal -1702-1703-. Bóndi í Ytri-Mjóadal -1721-1722-. Jón keypti Ytri-Mjóadal af Laurits Hanssyni Scheving sýslumanni á Möðruvöllum í Hörgárdal fyrir 150 ríkisdali í peningum og lausafé 25. okt. 1712. Síðar eignaðist hann Brún og Gautsdal. Hann gerði próventusamning við Arngrím Tómasson lögréttumann í Seyluþingsókn í Skagafjarðarsýslu 13. nóv. 1727 og gaf honum helming eigna sinna. Að Jóni önduðum kölluðu lögerfingjar til arfs eftir hann og varð Arngrímur að láta sér nægja fjórðung eignanna. – Barnsmóðir: Jórunn Jónsdóttir, f. um 1677, á lífi á Ytri-Leifsstöðum í Svartárdal 1707, vk. í Bólstaðarhlíðarhreppi. For. ókunnir. Jórunn var húskona í Kálfárdal -1702-1703-. Barn þeirra fæddist 1699 eða 1700 í Bólstaðarhlíðarhreppi.

(Alþingisb. X, 196, XI, 559 og XII, 510-511; Dómab. Hún. 17. apríl 1722 og 3. maí 1732).

Jón Eyjólfsson (1660-1708?) Bóndi í Brún.

F. um 1660, á lífi á Brún 1708. Óvíst er um foreldra hans, en hann gæti hafa verið bróðir Ingibjargar Eyjólfsdóttur heimilisstúlku á Brún. 1703. Bóndi á Stóra-Búrfelli í Svínavatnshreppi nál. 1695 og á Brún 1702-1708-. – Kona: Björg Ásmundsdóttir, f. um 1661, á lífi á Brún 1703. For. ókunnir. Barn: Ásmundur, f. um 1699, var hjá foreldrum sínum á Brún 1703.

Athugasemdir: 1) Jón var bóndi á Stóra-Búrfelli um 17 ára skeið. 2) Jón gæti verið samnefndur maður sem var búlaus í Bólstaðarhlíðarhreppi -1734-1735-.

(Vorþeyr og vébönd, 218; Lbs. 520, 4to (21. júlí 1703), 29-30).

Jón Eyjólfsson (1749-1804) Bóndi í Steinárgerði.

F. um 1749, d. 1804 (gr. 22. maí 1804) á Narfastöðum í Viðvíkursveit. For. ókunnir. Bóndi í Steinárgerði 1780-1789 og hafði jafnframt bú á Ytri-Leifsstöðum 1785-1786. Húsmaður á Hóli 1789-1790. Bóndi á Narfastöðum 1790 til æviloka. Jón keypti eitt og hálft kúgildi sem fylgdi Narfastöðum á uppboði Hólastólsjarða árið 1802. – Kona: Guðrún Þórarinsdóttir, f. um 1736, d. í nóv. 1814 á Hólum í Hjaltadal. For.: Þórarinn Ásgrímsson b. í Kýrholti í Viðvíkursveit og k.h. Guðrún Jónsdóttir. Guðrún var hjá foreldrum sínum í Kýrholti 1762. Hún var vinnukona í Viðvík í Viðvíkursveit -1764-, en bjó ekkja á Narfastöðum 1804-1809. Hún var búsett á Narfastöðum -1813-, en síðast á Hólum. Jón og Guðrún arfleiddu hvort annað. Barnlaus. Barnsmóðir: Guðrún Sæmundsdóttir, f. 1774 (sk. 23. mars 1774) í Enni í Viðvíkursveit, d. 17. maí 1846 í Vatnshlíð, vk. á Narfastöðum. For.: Sæmundur Þorleifsson b. í Enni og k.h. Ingibjörg Sigurðardóttir. Guðrún giftist síðar Símoni Jónssyni vm. í Flugumýrarsókn í Skagafjarðarsýslu. Hún var vinnukona á Svaðastöðum í Hofstaðabyggð 1800-1801-. Barn: Ingibjörg, f. 12. febr. 1800 á Narfastöðum, g. Kjartani Guðmundssyni b. og smið á Undhóli í Óslandshlíð. Ingibjörg var við fæðingu lýst dóttir Bjarna Hákonarsonar vm. á Stóra-Vatnsskarði á Skörðum 1801.

Athugasemd: Föðurnafn Guðrúnar Þórarinsdóttur hefur misritast í Manntali á Íslandi 1801. Þar er hún ranglega skráð Þorgrímsdóttir.

(Skagfirzkar æviskrár 1850-1890 VI, 205-206; Feðraspor og fjörusprek, 137-138; Skagfirðingabók 1970, 132; Dómab. Skag. 28. maí 1796 og 11. febr. 1802; Skiptab. Skag. 5. maí 1813; ÍB. 692, 8vo (Minnisbók Halldórs Hjálmarssonar); Lbs. 696, 8vo (Minnisbók Jóns Espólíns); Ættatölub. Jóns Espólíns, 1182 og 3820; Ættatölub. Ólafs Snóksdalíns, 336).

Jón Finnsson (1655-1703) Bóndi í Kálfárdal.

F. um 1655, á lífi í Kálfárdal 1703. For. ókunnir. Bóndi í Kálfárdal -1699-1703-. Hann bjó í Kálfárdal til æviloka, en ekki er vitað hvenær hann dó. – Kona: Soffía Steinsdóttir, f. um 1660, á lífi í Kálfárdal 1708. For. ókunnir. Soffía bjó ekkja í Kálfárdal -1708-. Börn: Jón, f. um 1683, var hjá foreldrum sínum í Kálfárdal 1703. Bjarni, f. um 1695, var hjá foreldrum sínum í Kálfárdal 1703. Guðrún, f. um 1698, var hjá foreldrum sínum í Kálfárdal 1703.

(Vorþeyr og vébönd, 214).

Jón Gíslason (1747-1816) Bóndi í Stóru-Mörk.

F. um 1747, d. 5. jan. 1816 í Ytra-Vallholti í Vallhólmi. For.: Gísli Helgason b. á Stóru-Mörk og k.h. Þóra Einarsdóttir. Búlaus á Refsstöðum á Laxárdal fremri -1773-1778. Bóndi á Stóru-Mörk 1778-1794 og hafði jafnframt bú á Litlu-Mörk 1780-1781. Bóndi í Ytra-Vallholti 1794-1808, en var í skjóli Gísla sonar síns á sama stað 1808 til æviloka. Hann var hreppstjóri í Seyluhreppi í Skagafjarðarsýslu 1796-1803. Jón var merkur og réttorður. – Kona, g. 22. sept. 1772, Solveig Eyjólfsdóttir, f. um 1749 á Strjúgsstöðum, d. 3. nóv. 1830 í Ytra-Vallholti. For.: Eyjólfur Eyjólfsson b. á Strjúgsstöðum og k.h. Helga Jónsdóttir. Solveig var hjá foreldrum sínum í Holtastaðasókn 1755. Hún var í skjóli Gísla sonar síns í Ytra-Vallholti 1808 til æviloka. Börn: Margrét, f. um 1773 á Refsstöðum, g. Jóni Jónssyni b. í Skinþúfu í Vallhólmi. Kristín, f. um 1780 í Bólstaðarhlíðarsókn, g. Ingimundi Jónssyni b. á Skeggsstöðum. Gísli, f. um 1787 á Stóru-Mörk, b. í Ytra-Vallholti, kv. fyrr Ingibjörgu Guðmundsdóttur, síðar Margréti Finnsdóttur. Barnsmóðir: Þórunn Guðmundsdóttir, f. um 1763 í Bólstaðarhlíð, d. 9. nóv. 1831 á Botnastöðum, vk. í Ytra-Vallholti. For.: Guðmundur Oddsson b. í Skyttudal og k.h. Þuríður Jónsdóttir. Þórunn var vinnukona í Stokkhólma í Vallhólmi 1816. Barn: Þórunn, f. 9. okt. 1800 í Ytra-Vallholti, g. Jóni Árnasyni b. á Ysta-Vatni á Efribyggð.

(Skagfirzkar æviskrár 1850-1890 IV, 170-172; Húnvetningasaga I, 240-241; Syrpa úr handritum Gísla Konráðssonar I, 14-15, 34 og 41; Æfisaga Gísla Konráðssonar, 28 og 29-30; Saga Natans Ketilssonar og Skáld Rósu, 4; Sagan af Natan Ketilssyni, 3; Biskupsskjalasafn B VII; Dómab. Skag. 1. maí 1796, 10. maí 1803 og 27. maí 1805; Ættatölub. Jóns Espólíns, 551, 1645 og 6843; Ættatölub. Ólafs Snóksdalíns, 126, 496-497 (innskotsblöð) og 684).

Jón Grímsson (1733-?) Ábúandi á Ytri-Leifsstöðum.

hét búandi á Ytri-Leifsstöðum -1733-1735-.

Jón Guðmundsson (1772-1841) Bóndi í Skyttudal.

F. um 1772 á Syðra-Hóli á Skagaströnd, d. 7. júní 1841 í Króki á Skagaströnd. For.: Guðmundur Þorsteinsson b. í Hvammshlíð í Norðurárdal og k.h. Sigríður Magnúsdóttir. Fermdur í Höskuldsstaðasókn 1788. Búlaus í Hvammi á Laxárdal fremri 1799-1800. Bóndi á Síðu í Refasveit 1800-1815 og í Kúskerpi í Refasveit 1815-1819 og hafði jafnframt bú á Síðu 1815-1816. Bóndi í Skyttudal 1819-1820 og í Kúskerpi 1820-1837. Húsmaður á Blöndubakka í Refasveit 1837-1838, í Svangrund í Refasveit 1838-1839 og í Vatnahverfi í Refasveit 1839-1840. Bóndi í Hróarsstaðaseli í Skagaheiði 1840-1841. – Fyrri kona: Guðrún Jónsdóttir, f. um 1769 á Grund í Svínadal, d. 15. ágúst 1825 í Kúskerpi. For.: Jón Hálfdanarson b. á Grund og s.k.h. Þorbjörg Sveinsdóttir. Barn: Sigurlaug, f. 1799 eða 1800 í Hvammi, g. Kristjáni Jónssyni b. á Litla-Vatnsskarði á Laxárdal fremri. Seinni kona, g. 29. júní 1828, Halldóra Erlendsdóttir, f. 19. febr. 1796 á Ytra-Rauðamel í Eyjahreppi, d. 20. júní 1863 í Ásbúðum á Skaga. For.: Erlendur Bjarnason vm. á Gufuskálum undir Jökli 1801 og barnsm.h. Guðrún Brynjólfsdóttir vk. á Ytra-Rauðamel. Halldóra var með móður sinni á Ytra-Rauðamel 1801. Hún var vinnukona í Stóradal í Svínavatnshreppi 1821-1824 og í Kúskerpi 1824-1828. Húskona í Örlygsstaðaseli í Skagaheiði 1841-1842-. Vinnukona á Steinnýjarstöðum á Skagaströnd -1845-1846-, á Árbakka á Skagaströnd -1847-1848-, á Skeggjastöðum á Skagaströnd -1849-1850 og á Bakka á Skagaströnd 1850-1851. Húskona á Kálfshamri á Skagaströnd 1851-1852, en reisti þá bú á Bakka á Skagaströnd með seinni manni sínum Bjarna Bjarnasyni, sem hún gekk að eiga 1850. Börn: Halldór, f. 17. jan. 1828 í Kúskerpi, d. 21. okt. 1834 á sama stað. Salóme, f. 26. ágúst 1829 í Kúskerpi, d. 5. okt. 1829 á sama stað. Ingibjörg, f. 4. ágúst 1831 í Kúskerpi, d. 21. ágúst 1831 á sama stað. Jón, f. 26. okt. 1833 í Kúskerpi, d. 11. nóv. 1834 á sama stað. Barnsmóðir: Ólöf Ólafsdóttir, f. um 1797 á Leifsstöðum, d. 9. maí 1831 í Grundarkoti í Vatnsdal, vk. í Kúskerpi. For.: Ólafur Ingimundarson vm. á Syðri-Leifsstöðum 1801 og k.h. Guðfinna Guðmundsdóttir. Ólöf var hjá foreldrum sínum á Syðri-Leifsstöðum 1801. Barn: María, f. 21. des. 1817 í Kúskerpi, g. Semingi Semingssyni b. í Vatnahverfi í Refasveit, átti einnig dóttur með Hallgrími Jónssyni b. í Syðra-Tungukoti og son með Hjálmari Loftssyni b. í Þverárdal. – Barnsfaðir Halldóru: Jónas Guðmundsson, f. um 1792 á Frostastöðum í Blönduhlíð, d. 1. ágúst 1857 á Harastöðum á Skagaströnd, b. í Skriðu í Hallárdal. For.: Guðmundur Illugason b. á Kárastöðum í Hegranesi og f.k.h. Margrét Jónsdóttir. Barn: Sveinn, f. 27. mars 1823 í Stóradal, b. í Bakkakoti í Svarfaðardal, kv. Guðrúnu Jónsdóttur. Barnsfaðir Halldóru: Magnús Guðmundsson, f. 12. sept. 1787 á Sölvabakka í Refasveit, d. 4. okt. 1869 á Hjaltabakka á Ásum, vm. á Neðri-Mýrum í Refasveit. For.: Guðmundur Gamalíelsson b. á Sölvabakka og k.h. Sigríður Magnúsdóttir. Magnús var hjá foreldrum sínum á Sölvabakka 1801 og fermdist í Höskuldsstaðasókn 1802. Hann var kallaður hinn blessaði. Barn: Jón, f. 26. júlí 1825 í Kúskerpi, d. 13. apríl 1828 á sama stað.

(Svarfdælingar II, 138; Mannaferðir og fornar slóðir, 157 og 159; Húnavaka 1980, 117-119; Skiptab. Hún. 17. mars 1832 og 23. apríl 1847; Skiptab. Skag. 1. júlí 1794, 13. og 19. júní 1816 og 31. des. 1866; Ættatölub. Jóns Espólíns, 1078; Ættatölub. Ólafs Snóksdalíns, 417, 499, 523 og 548).

Jón Guðmundsson (1800-1853) Bóndi í Strjúgstaðarseli og Strjúgsstöðum.

F. 5. febr. 1800 á Vesturá á Laxárdal fremri, d. 14. júlí 1853 í Auðkúluseli í Sléttárdal. For.: Guðmundur Höskuldsson b. á Vesturá og k.h. Sigríður Magnúsdóttir, síðar húsm. í Strjúgsstaðaseli. Var hjá foreldrum sínum á Vesturá 1816 og fermdist í Holtastaðasókn 1819. Bóndi í Strjúgsstaðaseli 1834-1850 og á Strjúgsstöðum 1850-1851. Vinnumaður á Strjúgsstöðum 1851-1852 og í Stóradal í Svínavatnshreppi 1852-1853. Síðast bóndi í Auðkúluseli. – Kona, g. 5. okt. 1835, Guðrún Einarsdóttir, f. 22. sept. 1813 í Vík í Staðarhreppi, d. 9. apríl 1877 á Þorbrandsstöðum í Langadal. For.: Einar Brynjólfsson b. í Vík og k.h. Hallfríður Ófeigsdóttir. Hún var bústýra hjá Jóni í Strjúgsstaðaseli 1834-1835. Eftir lát hans bjó hún ekkja í Auðkúluseli 1853-1854, en var vinnukona í Álfhóli á Skagaströnd 1854-1855. Húskona í Kleifarseli í Skagaheiði 1855-1856. Vinnukona á Brún 1856-1857 og í Teigakoti 1857-1858. Bústýra í Teigakoti 1858-1861, en giftist svo Birni Jónssyni b. í Leifsstaðaseli. Guðrún var kölluð sparihúfa, því að hún var tilhaldssöm, þrátt fyrir fátækt og basl. Börn: Anna María, f. 2. des. 1834 í Strjúgsstaðaseli, d. 4. maí 1836 á sama stað. Guðrún, f. 20. jan. 1836 í Strjúgsstaðaseli, húsk. í Syðra-Tungukoti, óg., en átti dóttur með Jónasi Ísleifssyni húsmanni í Strjúgsstaðaseli. Pétur, f. 25. júlí 1837 í Strjúgsstaðaseli, b. í Barkarstaðagerði, kv. Ingibjörgu Helgadóttur. Þuríður, f. 18. ágúst 1842 í Strjúgsstaðaseli, d. 18. okt. 1859 á Syðri-Hofdölum í Hofstaðabyggð, síðast vk. á Syðri-Hofdölum, óg. María, f. 16. jan. 1844 í Strjúgsstaðaseli, g. Birni Sigurði Friðrikssyni Schram b. í Eiríksstaðakoti. Anna, f. 6. júlí 1845 í Strjúgsstaðaseli, d. 16. ágúst 1846 á sama stað. Jóhannes, f. 25. sept. 1848 í Strjúgsstaðaseli, d. 8. okt. 1848 á sama stað.

(Skagfirzkar æviskrár 1850-1890 III, 154-156 og IV, 261-262; Skagfirzkar æviskrár 1890-1910 III, 39-40; Nípukotsætt, 176; Feðraspor og fjörusprek, 181-182; Troðningar og tóftarbrot, 40; Skiptab. Hún. 5. ágúst 1844 og 30. maí 1854; Ábúendatal í Staðarhreppi – Handrit Jóns Sigurðssonar á Reynistað, 109; Ættatölub. Jóns Espólíns, 5463; Ættatölub. Ólafs Snóksdalíns, 390 og 535; Ættatölub. Steingríms Jónssonar, 5866).

Jón Guðmundsson (1804-1864) Bóndi á Syðri-Leifsstöðum.

F. 24. júní 1804 í Glaumbæ í Langholti, dr. 28. apríl 1864 á Skagafirði. For.: Guðmundur Sigurðsson vm. í Glaumbæ og barnsm.h. Bryngerður Þorsteinsdóttir vk. í Glaumbæ. Var á sveitarframfæri í Elivogum á Langholti 1817 og fermdist í Glaumbæjarsókn í Skagafjarðarsýslu 1819. Vinnumaður á Auðnum í Sæmundarhlíð -1826-1827, á Ytri-Mælifellsá á Efribyggð 1827-1829 og í Krossanesi í Vallhólmi 1829-1830. Ráðsmaður á Stóru-Seylu á Langholti 1830-1832. Bóndi á Stóru-Seylu 1832-1836. Búsettur í Brekku hjá Víðimýri 1836-1837. Vinnumaður á Víðimýri í Seyluhreppi 1837-1838-, á Stóra-Vatnsskarði á Skörðum -1839-1842-, á Bergsstöðum -1844-1846, á Sveinsstöðum í Tungusveit 1846-1847, á Valabjörgum á Skörðum 1847-1848 og á Bergsstöðum aftur 1848-1849. Húsmaður á Syðri-Leifsstöðum 1849-1851. Vinnumaður í Stafni 1851-1852, í Steinárgerði 1852-1854, á Hóli 1854-1855, á Steiná 1855-1856 og á Gili 1856-1857. Húsmaður á Mosfelli í Svínadal 1857-1858. Bóndi á Syðri-Leifsstöðum 1858-1859. Húsmaður í Teigakoti 1859-1861 og á Brún hjá Víðimýri 1861 til æviloka. Við húsvitjun í Víðimýrarsókn 1837 er Jón sagður slarkmenni og sæmilega gáfaður. – Fyrri kona, g. 22. okt. 1832, Guðríður Sæmundsdóttir, f. 1801 eða 1802 á Litlu-Seylu á Langholti, d. 10. febr. 1851 á Syðri-Leifsstöðum, ekkja Jóhanns Sigurðssonar b. á Stóru-Seylu 1825-1830. For.: Sæmundur Jónsson b. á Litlu-Seylu og s.k.h. Valgerður Magnúsdóttir. Guðríður var hjá foreldrum sínum á Litlu-Seylu 1802 og fermdist í Glaumbæjarprestakalli 1816. Hún bjó ekkja á Stóru-Seylu 1830-1832 milli manna og var Jón fyrirvinna hjá henni öll þau ár. Hún var vinnukona í Brekku 1836-1837, á Stóra-Vatnsskarði -1839-1841, á Syðri-Leifsstöðum 1841-1842, á Bergsstöðum 1842-1846, á Sveinsstöðum 1846-1847, á Bergsstöðum aftur 1847-1848 og á Syðri-Leifsstöðum aftur 1848 til æviloka. Við húsvitjun í Víðimýrarsókn 1837 er Guðríður sögð mikið ráðvönd. Börn: Stefán, f. 26. júlí 1833 á Stóru-Seylu, d. 25. ágúst 1833 á sama stað. Björn, f. 13. ágúst 1834 á Stóru-Seylu, d. 17. ágúst 1834 á sama stað. Rannveig, f. 16. ágúst 1839 á Stóra-Vatnsskarði, d. 19. júní 1896 á Gili, vk. á Gili 1870, óg., en átti tvo syni með Gísla Björnssyni b. á Ytra-Þverfelli. Agnes, f. 14. ágúst 1841 á Syðri-Leifsstöðum, g. Benedikt Jónssyni b. í Breiðargerði í Tungusveit. Jóhanna, f. 15. okt. 1845 á Bergsstöðum, g. Jóni Björnssyni b. í Gloppu í Öxnadal. Seinni kona, g. 28. apríl 1856, Solveig Hannesdóttir, f. 1. ágúst 1824 í Mýrarkoti á Laxárdal fremri, d. 13. júní 1862 á Brún hjá Víðimýri. For.: Hannes Jónsson b. í Skrapatungu á Laxárdal fremri og k.h. Guðrún Ólafsdóttir. Solveig var hjá móður sinni og stjúpa í Króki á Skagaströnd 1835 og fermdist í Höskuldsstaðasókn 1839. Hún var vinnukona í Sellandi 1843-1844-, á Bollastöðum -1845-1850, á Steiná 1850-1851, á Eiðsstöðum í Blöndudal 1851-1853, á Syðri-Leifsstöðum 1853-1855, á Bergsstöðum 1855-1856 og á Gili 1856-1857. Börn: Jón, f. 24. jan. 1856 á Steiná, verkam. á Ísafirði 1883-1887, en síðar b. við Tantallon í Saskatchewan og á Point Roberts í Washington, kv. Pálínu Davíðsdóttur. Hann tók sér ættarnafnið Bartels. Guðríður, f. 6. mars 1861 í Teigakoti, d. 8. júní 1862 á Brún hjá Víðimýri. Barnsmóðir: Guðbjörg Pétursdóttir, f. 1. febr. 1816 á Þorleifsstöðum í Blönduhlíð, d. 21. júní 1890 á Sauðárkróki, vk. í Elivogum. For.: Pétur Skúlason b. á Gili og barnsm.h. Guðbjörg Ásmundsdóttir vk. á Þorleifsstöðum, g. Sveini Jónssyni vm. í Sólheimum í Blönduhlíð. Guðbjörg giftist síðar Sigurði Árnasyni b. á Kjalarlandi á Skagaströnd og svo Eldjárn Sveinssyni b. á sama stað. Hún var vinnukona í Hróarsdal í Hegranesi 1835 og á Hafsteinsstöðum í Staðarhreppi 1840. Barn: Sveinbjörn, f. 6. apríl 1834 í Elivogum, d. 1837 (gr. 31. jan. 1837) í Reynistaðarsókn í Skagafjarðarsýslu. – Fyrri maður Guðríðar, g. 11. des. 1825, Jóhann Sigurðsson, f. 1795 eða 1796 á Stóru-Seylu, d. 20. júní 1830 á sama stað, b. á Stóru-Seylu. For.: Sigurður Ólafsson b. á Stóru-Seylu og s.k.h. Þuríður Oddsdóttir. Jóhann var hjá foreldrum sínum á Stóru-Seylu 1802 og fermdist í Glaumbæjarprestakalli 1808. Hann var vinnumaður á Miklahóli í Viðvíkursveit 1815-1816 og í Stóru-Brekku í Fljótum 1816-1817-, en húsmaður á Litlu-Seylu 1824-1825. Börn: Bjarni, f. 17. ágúst 1824 á Litlu-Seylu, d. 19. apríl 1859 á Hólum í Hjaltadal, síðast vm. á Hólum, ókv. Sæmundur, f. 23. okt. 1826 á Stóru-Seylu, d. 15. ágúst 1827 á sama stað. Björn, f. 27. apríl 1829 á Stóru-Seylu, d. 2. jan. 1830 á sama stað. Jóhanna, f. 8. júlí 1830 á Stóru-Seylu, g. Friðrik Jónssyni b. í Litlu-Sólheimum í Blönduhlíð.

Athugasemd: Í Manntali á Íslandi 1816 er Jón talinn fæddur í Miklagarði á Langholti. Það stangast á við kirkjubækur.

(Skagfirzkar æviskrár 1850-1890 II, 149-150 og VI, 53-54; Skagfirzkar æviskrár 1890-1910 I, 15-16 og II, 68-69; Önfirðingar, 288; Sjómenn og sauðabændur, 261-262; Ritsafn Eiðs Guðmundssonar á Þúfnavöllum II, 14; Æfisaga Gísla Konráðssonar, 5; Skagfirzkur annáll 1847-1947 I, 80; Heimskringla 19. sept. 1945; Lögberg 20. sept. 1945; Ættatölub. Jóns Espólíns, 1081, 1183, 2282-2283, 3805 og 6933).

Jón Gunnarsson (1648-?)

hét búandi í Bólstaðarhlíðarhreppi -1648-1649-. Hann hyllti konung í Bólstaðarhlíð 24. maí 1649.

(Hyllingarskjöl 1649, 48-49).

Jón Gunnarsson (1709-1784) Bóndi í Stafni .

F. um 1709, d. 1784. For.: Gunnar Helgason b. á Bústöðum í Austurdal og k.h. Ragnhildur Björnsdóttir. Bóndi í Bjarnastaðahlíð í Vesturdal -1734-1735-, á Þorljótsstöðum í Vesturdal -1740-1742-, á Bústöðum í Austurdal -1746-1763-, á Silfrastöðum í Blönduhlíð -1764-1775-, í Stafni 1777-1779 og í Sölvanesi á Fremribyggð -1781 til æviloka. Jón var mikill búmaður, gróðasæll og samhaldssamur. Þó að hann yrði fyrir verulegum áföllum og fjármissi í búskapartíð sinni, varð hann vellauðugur og var kallaður hinn ríki. Hann keypti Brekkukot á Efribyggð í tveimur áföngum, fyrst hálfa jörðina af Sæmundi Magnússyni presti á Miklabæ í Blönduhlíð fyrir 30 ríkisdali 27. apríl 1743 og svo hálfa jörðina af Skúla Magnússyni sýslumanni á Stóru-Ökrum í Blönduhlíð fyrir 34 ríkisdali 15. maí 1747, og fylgdi 1 kúgildi með í seinni kaupunum. Hann keypti Silfrastaði af Hannesi Hanssyni Scheving klausturhaldara á Möðruvöllum í Hörgárdal fyrir 240 ríkisdali 5. okt. 1759. Ennfremur eignaðist hann Stafn, Sölvanes, Skyttudal og Ölduhrygg í Svartárdal. Jón seldi Hóla í Fljótum Þorleifi Kárssyni bónda á Hraunum í Fljótum fyrir 100 ríkisdali 5. maí 1769. Fjármark hans var heilrifað hægra og fjöður framan vinstra. Sagnir herma að Jón hafi andast á ferð milli bæja í Lýtingsstaðahreppi, og hefði haft pening á milli tannanna, þegar hann fannst. Árið 1762 var hjá honum ein stúlka 20 ára. – Fyrri kona: Helga Gísladóttir, f. nál. 1710, á lífi á Þorljótsstöðum 1740. For.: Gísli Ólafsson b. og lögréttum. á Ríp í Hegranesi og k.h. Margrét Eiríksdóttir. Árið 1740 áttu þau tvö börn á lífi. Börn: Margrét, f. um 1734 á Hofi í Vesturdal, g. Guðmundi Guðmundssyni b. á Bústöðum. Margrét, f. nál. 1740, g. Ólafi b. í Skagafjarðarsýslu. Ragnhildur, f. nál. 1740, á lífi 1784. Seinni kona, g. 10. okt. 1766, Margrét Eggertsdóttir, f. um 1736, á lífi á Lýtingsstöðum í Tungusveit 1801. For.: Eggert Sæmundsson pr. á Undirfelli í Vatnsdal og k.h. Sesselja Hallsdóttir. Margrét bjó ekkja í Sölvanesi 1784-1787 og á Álfgeirsvöllum á Efribyggð 1787-1796, en var búlaus í Lýtingsstaðahreppi í Skagafjarðarsýslu 1797-1801. Hún var húskona á Lýtingsstöðum -1800-1801-. Margrét seldi Skyttudal Þorleifi Þorleifssyni vinnumanni í Hátúni á Langholti fyrir 25 ríkisdali í krónumynt og 10 ríkisdali í kúrantmynt 5. júní 1788. Hún seldi Ölduhrygg í Svartárdal Sigurði Ólafssyni bónda á Stóra-Vatnsskarði á Skörðum fyrir 26 ríkisdali og 32 skildinga í kúrantmynt 22. maí 1794. Börn: Árni, f. 1766 (sk. 21. des. 1766) á Silfrastöðum, b. á Skatastöðum í Austurdal, kv. Hallfríði Skúladóttur, átti einnig syni með Ingibjörgu Aradóttur ráðsk. á Skottastöðum og Sigríði Kjartansdóttur, einn með hvorri. Helga, f. 1768 (sk. 20. febr. 1768) á Silfrastöðum, g. Sigurði Jónssyni b. í Stafni. Hallur, f. 1769 (sk. 2. okt. 1769) á Silfrastöðum, b. í Efra-Lýtingsstaðakoti í Tungusveit, kv. Þóreyju Jónsdóttur, átti áður dóttur með Ingibjörgu Aradóttur ráðsk. á Skottastöðum. Helga, f. 1771 (sk. 26. okt. 1771) í Silfrastaðasókn, d. 1773 (gr. 7. sept. 1773) í sömu sókn. María, f. 1774 (sk. 20. júní 1774) á Silfrastöðum, g. Jóhannesi Jónssyni b. í Hólkoti í Unadal.

Athugasemd: Ragnhildur Jónsdóttir, dóttir Jóns og Helgu, gæti verið samnefnd kona sem var hjá dóttur sinni í Litladal í Blönduhlíð -1801-1802-, sögð 62 ára, ekkja.

(Íslenzkar æviskrár I, 326-327; Lögréttumannatal, 160; Saga frá Skagfirðingum I, 108 og 173 og II, 78; Ritsafn Stefáns Jónssonar á Höskuldsstöðum III, 22-23, 31-33, 36-37 og 58-60; Sagnaþættir Gísla Konráðssonar, 60; Syrpa úr handritum Gísla Konráðssonar II, 197; Annálar 1400-1800 IV, 686 og VI, 229; Alþingisb. XIII, 365, XV, 106 og 221 og XVII, 293-294; Dómab. Hún. 18. júní 1788; Dómab. Skag. 10. júní 1740, 9. des. 1746, 1. maí 1751 og 12. júní 1765; Skiptab. Skag. 5. okt. 1784; Ættatölub. Jóns Espólíns, 465-467 og 4413; Ættatölub. Ólafs Snóksdalíns, 412, 639 og 686; Ættatölub. Steingríms Jónssonar, 88, 1985, 3988 og 5432-5433).

Jón Hálfdanarson (1623-1689?) Bóndi á Steiná.

F. nál. 1625, á lífi 1689. Faðir: Hálfdan Rafnsson pr. á Undirfelli í Vatnsdal. Bóndi á Steiná -1680-1681-. Hann er kenndur við Hól í Svartárdal. (Íslenzkar æviskrár III, 141). Jón kann að hafa lært í skóla. Hann var ágætlega skáldmæltur og liggja eftir hann nokkur kvæði, meðal annars Orðskviðaklasi, sem er víða til í uppskriftum. Þegar séra Magnús Sigurðsson vígðist að Bergsstöðum orti Jón til hans sálm, og vildi með því bjóða hann velkominn í prestakallið. – Ókunnugt um kvonfang og börn.

(Íslenzkar æviskrár III, 141; Húnavaka 1969, 57-58).

Jón Hallsson (1775-1846) Bóndi í Ytri-Svartárdal.

F. um 1775 á Stafshóli í Deildardal, d. 2. sept. 1846 í Ytri-Svartárdal í Svartárdal. For.: Hallur Kársson b. á Stafshóli og s.k.h. Guðrún Jónsdóttir. Ráðsmaður á Eyvindarstöðum 1801-1802- og í Sellandi -1805-1806-. Bóndi í Ytri-Svartárdal 1807 til æviloka. Jón þótti harðlyndur, skapbráður og óvæginn. Hann keypti Ytri-Svartárdal árið 1804. – Kona, g. 14. okt. 1820, Guðrún Jónsdóttir, f. 1791 á Finnastöðum í Sölvadal, d. 1. okt. 1846 í Ytri-Svartárdal. For.: Jón Hallsson b. á Finnastöðum og k.h. Valgerður Tómasdóttir. Guðrún var hjá móður sinni á Finnastöðum 1801, en fermdist í Saurbæjarsókn í Eyjafjarðarsýslu 1807. Hún var vinnukona í Saurbæ í Saurbæjarhreppi 1807-1820, en réðist þá bústýra til Jóns í Ytri-Svartárdal og gekk að eiga hann síðar á því sama ári. Börn: Jón, f. 21. maí 1821 í Ytri-Svartárdal, d. 16. okt. 1821 á sama stað. Jón, f. 9. ágúst 1822 í Ytri-Svartárdal, d. 4. okt. 1827 á sama stað. Rut, f. 8. jan. 1824 í Ytri-Svartárdal, g. fyrr Erlendi Björnssyni b. í Ytri-Svartárdal, síðar Birni Björnssyni b. í Ytri-Svartárdal, átti áður dóttur með Sigurði Sigurðssyni b. í Krókárgerði í Norðurárdal. Guðrún, f. 30. apríl 1825 í Ytri-Svartárdal, g. Finnboga Þorlákssyni b. á Þorsteinsstöðum í Tungusveit. Jónas, f. 9. maí 1826 í Ytri-Svartárdal, d. 16. maí 1826 á sama stað. Elín, f. 23. jan. 1828 í Ytri-Svartárdal, g. Skúla Bergþórssyni b. og skáldi í Kálfárdal í Gönguskörðum. Lárus, f. 16. maí 1834 í Ytri-Svartárdal, d. 21. ágúst 1834 á sama stað. Barnsmóðir: Guðrún Jónsdóttir, f. um 1765 í Blöndudalshólasókn, d. 8. des. 1849 á Neðra-Skúfi í Norðurárdal, húsm. í Sellandi. For. ókunnir. Guðrún var ekkja eftir Ólaf Tómasson b. í Sellandi. Hún giftist síðar Guðmundi Guðmundssyni b. í Sellandi. Barn þeirra fæddist 1805 í Sellandi.

Athugasemd: Guðrún er sögð fædd 15. júlí 1791, en skírð 14. júlí 1791 í Prestsþjónustubók Grundarþinga.

(Íslenzkar æviskrár IV, 289; Skagfirzkar æviskrár 1850-1890 II, 12-14, 38-39 og 262-263; Skagfirzkar æviskrár 1890-1910 I, 290 og III, 58-60; Rímnatal II, 131-132; Saga frá Skagfirðingum II, 111 og 174 og III, 130-131; Ritsafn Stefáns Jónssonar á Höskuldsstöðum I, 146-147 og III, 184-187; Æfisaga Gísla Konráðssonar, 6; Sagnablöð hin nýju, 210-216; Skiptab. Hún. 17. nóv. 1821; Ábúendatal í Inn-Eyjafirði – Handrit Stefáns Aðalsteinssonar í Reykjavík, 1658-1660; Ættatölub. Jóns Espólíns, 2131-2132 og 3808; Ættatölub. Ólafs Snóksdalíns, 529, 533 og 542).

Jón Hannesson (1750-1796) Bóndi á Æsustöðum.

F. um 1750, d. 19. sept. 1796 á Litlu-Ásgeirsá í Víðidal. Faðir: Hannes Jónsson b. á Stóru-Mörk. Búlaus á Torfustöðum 1774-1775, í Stafni 1776-1777, í Bólstaðarhlíð 1777-1778 og í Svínavatnshreppi 1778-1779. Bóndi í Vöglum í Vatnsdal 1779-1781. Búlaus á Ásum á Bakásum 1781-1782. Bóndi á Æsustöðum 1782-1783- og á Þröm í Blöndudal -1784-1786. Vinnumaður í Þverárdal 1786-1787- og í Tungunesi á Bakásum 1791-1792. Bóndi á Litlu-Ásgeirsá -1793 til æviloka. Sumarið 1785 var Jóni og Guðmundi tengdaföður hans falið að leita uppi grunaðan sakamann, Ámunda Jónsson. Þeir riðu fram á hann á Bitruhálsi í Strandasýslu og færðu að Víðidalstungu til Magnúsar Gíslasonar sýslumanns. – Kona: Ingunn Guðmundsdóttir, f. um 1748 í Ljótshólum í Svínadal, d. 2. ágúst 1831 á Vatnshorni í Línakradal. For.: Guðmundur Hálfdanarson b. á Ásum á Bakásum og f.k.h. Ingibjörg Jónsdóttir. Ingunn var í Auðkúluprestakalli 1767, þá sögð 19 ára. Hún var vinnukona á Syðri-Löngumýri í Blöndudal 1788-1792-. Ingunn bjó ekkja á Litlu-Ásgeirsá 1796-1797, en giftist þá Þorleifi Halldórssyni b. á Litlu-Ásgeirsá. Börn: Guðrún, f. um 1778 á Ytri-Löngumýri, g. Jóni Þórðarsyni b. í Litlu-Tungu í Miðfirði. Steingrímur, f. um 1781 í Vöglum, b. í Kurfi á Skagaströnd, kv. Sigríði Ólafsdóttur. Soffía, f. um 1783 á Æsustöðum, g. Sigurði Þorsteinssyni húsmanni á Ægissíðu á Vatnsnesi. Jón, f. um 1787, b. á Stóru-Mörk, kv. Þuríði Vormsdóttur. Einar, f. 1. júní 1790 á Syðri-Löngumýri, húsmaður á Kálfatjörn á Vatnsleysuströnd 1845, kv. Ólöfu Ólafsdóttur, átti áður tvö börn með konum í Snæfellsnessýslu. Ingibjörg, f. 1793 á Litlu-Ásgeirsá. Barnsmóðir: Guðrún Rafnsdóttir, f. um 1735, vk. í Bólstaðarhlíð. For.: Rafn Gunnarsson b. í Bási í Hörgárdal og k.h. Guðrún Þórisdóttir. Barn: Þuríður, f. um 1776, g. Magnúsi Björnssyni b. í Hvammi í Svartárdal.

(Íslenzkar æviskrár V, 436; Dalamenn III, 187; Skagfirzkar æviskrár 1850-1890 III, 282-284; Nípukotsætt, 11; Húnvetningasaga II, 360; Vér Íslands börn II, 16-17; Biskupsskjalasafn B VII; Sýsluskj. Snæf. II, 2, 1. maí 1819 (bréf Björns Ólsen til Isaaks Jacobs Bonnesen); Skiptab. Hún. 6. júní 1797 og 20. maí 1831; Ættatölub. Jóns Espólíns, 3743 og 4772; Ættatölub. Ólafs Snóksdalíns, 337, 442 og 816; Ættatölub. Steingríms Jónssonar, 5145 og 6121).

Jón Helgason (1781-1851) Bóndi í Syðri-Mjóadal.

F. um 1781 á Ósi í Nesjum, d. 1. júní 1851 á Hróarsstöðum á Skagaströnd. For.: Helgi Helgason b. á Ósi og k.h. Sigríður Jónsdóttir. Vinnumaður á Auðólfsstöðum -1800-1801-. Bóndi í Syðri-Mjóadal 1816-1819 og á Hróarsstöðum 1819-1844 og hafði jafnframt bú í Kurfi á Skagaströnd 1819-1828. Húsmaður á Hróarsstöðum 1844 til æviloka. Við húsvitjun í Hofsprestakalli 1826 er Jón sagður ráðvandur og dugandi. – Kona: Ásta Björnsdóttir, f. um 1792 á Auðólfsstöðum, d. 3. júní 1851 á Hróarsstöðum. For.: Björn Guðmundsson b. á Auðólfsstöðum og k.h. Ingibjörg Steinsdóttir. Ásta var hjá foreldrum sínum á Auðólfsstöðum 1801. Við húsvitjun í Hofsprestakalli 1826 er hún sögð ráðvönd og góðkvendi. Börn: Sigríður, f. um 1816 í Syðri-Mjóadal, g. Birni Þorleifssyni b. í Skyttudal. Ingibjörg, f. 11. sept. 1817 í Syðri-Mjóadal, d. 1820 á Hróarsstöðum. Björn, f. 1819 á Hróarsstöðum. Ingibjörg, f. 1823 (sk. 18. apríl 1823) á Hróarsstöðum, d. 1828 (gr. 4. apríl 1828) á sama stað. Guðrún, f. 26. febr. 1824 á Hróarsstöðum, g. fyrr Þorleifi Þorleifssyni b. í Harastaðakoti á Skagaströnd, síðar Guðmundi Þorsteinssyni b. á Skeggjastöðum á Skagaströnd. Ólafur, f. 9. nóv. 1828 á Hróarsstöðum, b. í Hróarsstaðaseli í Skagaheiði, kv. Unu Björnsdóttur. Margrét María, f. 1830 (sk. 31. mars 1830) á Hróarsstöðum, d. 3. apríl 1830 á sama stað. Helgi Steinn, f. 1. des. 1833 á Hróarsstöðum, b. í Syðri-Mjóadal, kv. fyrr Önnu Rafnsdóttur, síðar Guðlaugu Guðlaugsdóttur.

Athugasemd: Björn Jónsson, sonur Jóns og Ástu, kann að hafa fæðst 28. júní 1819.

(Skagfirzkar æviskrár 1850-1890 VI, 118-119; Búsæld og barningur, 132; Húnavaka 1976, 91-92 og 1988, 109; Skiptab. Hún. 24. nóv. 1851; Ættatölub. Jóns Espólíns, 550-551 og 6855-6856; Ættatölub. Ólafs Snóksdalíns, 125-126).

Jón Hjálmsson (1830-1879) Bóndi á Barkarstöðum, Syðri-Leifsstöðum, Steinárgerði, Skottastöðum og á Fossum.

F. 13. jan. 1830 á Mælifelli á Fremribyggð, d. 7. maí 1879 á Valabjörgum á Skörðum. For.: Hjálmur Eiríksson b. á Kúskerpi í Blönduhlíð og barnsm.h. Margrét Magnúsdóttir vk. á Mælifelli, síðar g. Hinrik Hinrikssyni pr. á Bergsstöðum. Var í fóstri á Skatastöðum í Austurdal 1835, en ólst svo upp hjá móður sinni og stjúpa og fermdist í Mælifellssókn í Skagafjarðarsýslu 1845. Vinnumaður hjá móður sinni og stjúpa á Bergsstöðum 1848-1853. Bóndi á Barkarstöðum 1853-1855, á Syðri-Leifsstöðum 1855-1857, í Steinárgerði 1857-1865, á Skottastöðum 1865-1866 og á Fossum 1866-1867. Húsmaður í Stafni 1867-1868. Vinnumaður á sama stað 1868-1872-. Húsmaður í Stafni aftur -1873-1877. Vinnumaður á sama stað aftur 1877 til æviloka. Hann andaðist á ferð á Valabjörgum. Jón var gæflyndur, farsæll og vel látinn. Hann var gangnaforingi á Eyvindarstaðaheiði um 10 ára skeið. – Kona, g. 25. maí 1853, Kristín Gísladóttir, f. 15. júní 1823 á Snæringsstöðum í Svínadal, d. 7. apríl 1867 á Fossum. For.: Gísli Jónsson b. á Mosfelli í Svínadal og k.h. Helga Jónsdóttir. Kristín var í fóstri á Brún 1835 og fermdist í Bólstaðarhlíðarsókn 1838. Hún var vinnukona á Skeggsstöðum 1838-1849 og á Bergsstöðum 1849-1853. Barnlaus.

(Íslenzkar æviskrár II, 348-349; Skagfirzkar æviskrár 1850-1890 V, 133-135; Göngur og réttir III, 321-322; Húnavaka 1980, 123-124; Skiptab. Hún. 18. nóv. 1843, 1. apríl 1844 og 21. apríl 1845; Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 470; Ættatölub. Ólafs Snóksdalíns, 721 og 830).

Jón Illugason (1618-1745) Hreppstjóri og Bóndi á Gili.

F. um 1681, d. 1744 eða 1745. For.: Illugi Sigurðsson b. á Fossum og k.h. Margrét Þorsteinsdóttir. Vinnumaður á Auðólfsstöðum -1702-1703-. Bóndi á Löngumýri í Vallhólmi -1734-1735-, á Gili 1738-1741-, á Stóru-Giljá í Þingi -1742-1743 og í Brekku í Þingi 1743-1744. Hann var hreppstjóri í Seyluþingsókn í Skagafjarðarsýslu -1732-1735-, í Bólstaðarhlíðarhreppi 1737-1738- og í Torfalækjarhreppi -1742-1743. – Kona: Herdís Andrésdóttir, f. um 1696, á lífi á Kjartansstöðum á Langholti 1757. For.: Andrés Tómasson b. á Löngumýri og k.h. Ingibjörg Skúladóttir. Herdís var hjá foreldrum sínum á Löngumýri 1703. Hún bjó ekkja á Sveinsstöðum í Þingi 1744-1746-, á Halldórsstöðum á Langholti -1752-1753- og á Kjartansstöðum -1756-1757-. Herdísi var úthlutað gjafakorni 24. febr. 1757. Barn: Andrés, f. nál. 1730, b. á Ingveldarstöðum í Hjaltadal. Hann tók við gjafakorninu sem móður hans var úthlutað.

Athugasemdir: 1) Jón var orðinn bóndi í Seyluþingsókn 1731. 2) Jón gæti verið samnefndur maður sem átti barn með Guðrúnu Brynjólfsdóttur í Auðkúluprestakalli 1709 eða 1710 og síðar tvö börn með Ólöfu Eiríksdóttur í Bergsstaðasókn, hið eldra 1711 eða 1712, hið yngra 1713 eða 1714. Hún var ekkja eftir Svein Sæmundsson b. á Barkarstöðum.

(Dómab. Hún. 7. maí 1737, 18. jan. 1743 og 4. maí 1744; Dómab. Skag. 25. sept. 1731, 22. sept. 1732, 30. apríl 1735 og 10. apríl 1736; Ættatölub. Jóns Espólíns, 2137 og 3368; Ættatölub. Jóns Magnússonar, 475 og 496; Ættatölub. Ólafs Snóksdalíns, 536 og 553; Ættatölub. Steingríms Jónssonar, 3601 og 3680).

Jón Jóhannsson (1820-1876) Bóndi á Auðólfsstöðum.

F. 7. okt. 1820 á Syðsta-Mói í Flókadal, d. 4. mars 1876 á Tindum á Ásum. For.: Jóhann Jónsson b. á Þorbrandsstöðum í Langadal og k.h. Elísabet Vormsdóttir. Var hjá foreldrum sínum á Þorbrandsstöðum 1835 og fermdist í Holtastaðasókn sama ár. Bóndi á Auðólfsstöðum 1843-1851 og hafði jafnframt bú á Þorbrandsstöðum 1848-1849. Bóndi á Svínavatni í Svínavatnshreppi 1851-1861, á Holtastöðum í Langadal 1861-1863 og á Kirkjuskarði á Laxárdal fremri 1863-1864. Húsmaður á Ytri-Löngumýri í Blöndudal 1864-1865, í Stóradal í Svínavatnshreppi 1865-1866 og á Núpi á Laxárdal fremri 1867-1868. Bóndi á Núpi 1868-1869, en var í skjóli Önnu dóttur sinnar á Egilsá í Norðurárdal 1869-1870. Bóndi á Núpi aftur 1871-1873. Lausamaður í Spákonufellssókn 1873-1874, en var síðast á sveitarframfæri á Tindum. Jón þótti í fyrstu álitlegur bóndi, en hneigðist mjög fljótt til vínnautnar, sem hann náði engum tökum á og vanrækti bú og heimili. – Kona, g. 14. okt. 1842, Margrét Ólafsdóttir, f. 9. júlí 1820 á Auðólfsstöðum, d. 2. nóv. 1879 á Breið í Tungusveit. For.: Ólafur Björnsson b. á Auðólfsstöðum og k.h. Margrét Snæbjörnsdóttir. Margrét var hjá foreldrum sínum á Auðólfsstöðum 1835 og fermdist í Holtastaðasókn sama ár. Hún var húskona á Svínavatni 1861-1862, vinnukona á Ytri-Bægisá á Þelamörk 1864-1865 og á Syðri-Bægisá í Öxnadal 1865-1867, en í skjóli Önnu dóttur sinnar á Syðri-Bægisá 1867-1869, á Egilsá 1869-1874, á Keldulandi á Kjálka 1874-1875, í Borgargerði í Norðurárdal 1875-1876 og á Breið 1876 til æviloka. Börn: Elísabet, f. 29. febr. 1844 á Auðólfsstöðum, d. 26. mars 1904 á Bústöðum í Austurdal, vk. í Flatatungu á Kjálka 1890, óg. Anna Margrét, f. 11. júní 1845 á Auðólfsstöðum, d. 24. maí 1847 á sama stað. Ingiríður, f. 22. júní 1846 á Auðólfsstöðum, d. 30. júlí 1846 á sama stað. Anna Margrét, f. 25. des. 1847 á Auðólfsstöðum, g. Páli Andréssyni b. á Bústöðum. Jóhann Pétur, f. 30. des. 1849 á Auðólfsstöðum, b. á Molastöðum í Fljótum, kv. Sigurlaugu Jónínu Jóhannsdóttur. Ingibjörg, f. 4. sept. 1851 á Svínavatni, g. Kristjáni Kristjánssyni b. á Ábæ í Austurdal. Ólafur, f. 14. des. 1852 á Svínavatni, b. á Tyrfingsstöðum á Kjálka, kv. Björgu Ólafsdóttur. Sigríður, f. 23. nóv. 1854 á Svínavatni, d. 14. sept. 1858 á sama stað. Elísabet, f. 18. febr. 1858 á Svínavatni, g. Friðfinni Kristjánssyni b. á Fagranesi á Reykjaströnd. Sigríður, f. 7. mars 1860 á Svínavatni, d. 23. júní 1863 á Holtastöðum.

(Skagfirzkar æviskrár 1850-1890 V, 261-264 og VII, 242; Skagfirzkar æviskrár 1890-1910 I, 205 og 233-234, II, 60-61 og III, 152-153; Eyfirskar ættir I, 287; Ættarskrá Bjarna Þorsteinssonar, 371-373; Búsæld og barningur, 132-133; Hrakhólar og höfuðból, 47-49; Húnavaka 1988, 109-112; Skiptab. Hún. 26. apríl 1847; Ættatölub. Jóns Espólíns, 275, 551, 4210 og 5589; Ættatölub. Ólafs Snóksdalíns, 125, 477, 540 og 716-717 (innskotsblað); Ættatölub. Steingríms Jónssonar, 3902 og 5023).

Jón Jónsson (1648-?)

hét búandi í Bólstaðarhlíðarhreppi -1648-1649-. Hann hyllti konung í Bólstaðarhlíð 24. maí 1649.

(Hyllingarskjöl 1649, 48).

Jón Jónsson (1651-1703) Bóndi á Bollastöðum.

F. um 1651, á lífi á Bollastöðum 1703. For. ókunnir. Bóndi á Bollastöðum -1701-1703-. Hann bjó á Bollastöðum til æviloka, en ekki er vitað hvenær hann dó. – Kona: Helga Pétursdóttir, f. um 1658, á lífi á Bollastöðum 1708. For. ókunnir. Helga bjó ekkja á Bollastöðum -1708-. Börn: Pétur, f. um 1683, var hjá foreldrum sínum á Bollastöðum 1703. Margrét, f. um 1684, var hjá foreldrum sínum á Bollastöðum 1703. Ólafur, f. um 1687, var hjá foreldrum sínum á Bollastöðum 1703. Grímur, f. um 1693, b. á Bollastöðum, kv. Björgu Magnúsdóttur. Oddur, f. um 1695, b. á Eiðsstöðum í Blöndudal. Halldór, f. um 1697, b. á Þröm í Blöndudal. Jón, f. um 1700, var hjá foreldrum sínum á Bollastöðum 1703.

Athugasemd: Í Fortíð og fyrirburðum og Húnavöku hermir að Jón Jónsson, sonur Jóns og Helgu, hafi verið sami maður og bjó á Botnastöðum og var kvæntur Guðrúnu Árnadóttur. Fyrir því er engin vissa, en eftir sólarmerkjum að dæma kynni hann að vera sami maður og bjó í Ljótshólum í Svínadal og var kvæntur Helgu Oddsdóttur. Sömuleiðis kynni Ólafur Jónsson, sonur Jóns og Helgu, að hafa verið faðir Þórdísar Ólafsdóttur konu Helga Guðmundssonar bónda á Eldjárnsstöðum í Blöndudal. Framangreindar bollaleggingar virðast geta rímað fyllilega við upplýsingar um ættartengsl við barnið Sigríði Magnúsdóttur, dóttur Guðrúnar Sveinsdóttur, sem þurfti á framfærslustyrk að halda 1756.

(Fortíð og fyrirburðir, 45 og 49; Vorþeyr og vébönd, 226-227; Húnavaka 1969, 59-61; Dómab. Hún. 10. ágúst 1756; Ættatölub. Jóns Espólíns, 5646; Ættatölub. Ólafs Snóksdalíns, 679; Ættatölub. Steingríms Jónssonar, 4087).

Jón Jónsson (1654-1712) Bóndi á Gunnsteinsstöðum.

F. um 1654, á lífi á Gunnsteinsstöðum 1712. For.: Jón Egilsson b. og lögréttum. á Geitaskarði í Langadal og k.h. Sigríður Jónsdóttir. Bóndi á Álftanesi í Álftaneshreppi nál. 1690, á Knerri í Breiðuvík -1702-1703-, í Knararkoti í Breiðuvík -1706-1707 og á Gunnsteinsstöðum 1707-1712- og hafði jafnframt bú í Gunnsteinsstaðakoti -1708-1709-, í Gunnsteinsstaðaseli -1708-1709- og í Hólabæ -1708-1709-. Jón fékk hálft Geitaskarð í arf frá föður sínum og Gunnsteinsstaði í arf frá Guðmundi bróður sínum. Með samþykki konu sinnar seldi hann Högna Halldórssyni bónda í Straumfirði í Álftaneshreppi hálfan Straumfjörð 15. okt. 1687, en þá jarðeign mun kona hans hafa fengið í heimanmund eða arf frá foreldrum sínum. Jón var orðinn eigandi að þriðjungi Köldukinnar á Ásum árið 1706, hluta Hraunsnefs í Norðurárdal árið 1708 og Hamra í Hraunhreppi eins og þeir lögðu sig árið 1709. – Kona: Hallbera Guðmundsdóttir, f. um 1646, d. 1722 í Hvammi í Norðurárdal. For.: Guðmundur Árnason b. í Straumfirði og k.h. Ingibjörg Marteinsdóttir. Hallbera var síðast í skjóli Steinunnar dóttur sinnar í Hvammi. Hún dó í Hvammi á engjaslætti 1722, lagðist til svefns á fimmtudagskvöld með venjulegri aldurdóms heilsu, bauð fólkinu góða nótt, vaknaði ei og svaf hægt að mönnum sýndist þar til hún sálaðist um nóttina millum þriðjudags og miðvikudags. Börn: Steinunn, f. um 1687, g. Markúsi Eiríkssyni pr. á Bergsstöðum. Guðmundur, f. um 1689, d. 1707, var hjá Guðmundi föðurbróður sínum á Gunnsteinsstöðum 1703.

Athugasemd: Jón gæti verið samnefndur maður sem átti barn í hórdómi með Kolfinnu Einarsdóttur í Blöndudalshólaprestakalli 1709 eða 1710.

(Íslenzkar æviskrár III, 91 og 468-469; Borgfirzkar æviskrár VII, 477; Lögréttumannatal, 268-269; Sýslumannaæfir I, 367, 530 og 576-578; Vorþeyr og vébönd, 155 og 209-210; Jarðabréf frá 16. og 17. öld – Útdrættir, 53; Ættatölub. Jóns Espólíns, 1398-1399, 3319 og 3324; Ættatölub. Jóns Halldórssonar, 250-251; Ættatölub. Jóns Magnússonar, 403 og 474; Ættatölub. Ólafs Snóksdalíns, 52 og 204; Ættatölub. Steingríms Jónssonar, 1816 og 1888; Ættatölub. Þórðar Jónssonar, 217 og 359).

Jón Jónsson (1660-1721) Bóndi á Æsustöðum.

F. um 1660. For.: Jón Magnússon b. í Mjóadal og k.h. Jórunn Jónsdóttir. Bóndi á Æsustöðum -1699-1721-. Hann bjó á Æsustöðum til æviloka, en ekki er vitað hvenær hann dó. – Fyrri kona: Sigríður Halldórsdóttir, f. um 1674. For.: Halldór Jónsson b. á Gunnsteinsstöðum og k.h. Halldóra Benediktsdóttir. Ættatölur herma að Sigríður hafi verið gerð arflaus vegna þess að hún átti barn með Jóni áður en þau giftust. Börn: Marteinn, f. um 1698, b. í Hólabæ, kv. Þorbjörgu nokkurri, átti áður börn með Þóru Einarsdóttur, Þuríði Jónsdóttur og Guðlaugu Gísladóttur, eitt með hverri. Guðrún, f. um 1699, g. Guðmundi b. á Norðurlandi. Þórður, f. um 1701, var hjá foreldrum sínum á Æsustöðum 1703. Helga, f. um 1703, g. Bjarna Gunnsteinssyni b. á Torfustöðum. Þuríður. (Ættatölub. Jóns Espólíns, 3321). Seinni kona, ls. 1709 eða 1710, Helga Einarsdóttir, f. um 1677, á lífi á Æsustöðum 1762. For.: Einar b. í Skagafjarðarsýslu og k.h. Ólöf Jónsdóttir. Helga var vinnukona hjá Helga bróður sínum í Brekku hjá Víðimýri -1702-1703-. Hún bjó ekkja á Æsustöðum -1734-1762-. Þegar Ólöf dóttir Helgu fékk bónorð frá Árna Þorsteinssyni í Bólstaðarhlíð, taldi Helga lengi úr þeim ráðahag, kallaði Ólöfu sína lítið hafa að gera til Hlíðar, svo meinlaus sem hún væri, kallaði heldur sitt meðfæri verið hafa á ungdómsárum. Jón og Helga áttu saman barn í lausaleik í Bólstaðarhlíðarsókn 1709 eða 1710, og var það þriðja frillulífisbrot hans, en hennar fyrsta. Börn: Ólöf, f. 1709 eða 1710 í Bólstaðarhlíðarsókn, g. Árna Þorsteinssyni b. í Bólstaðarhlíð. Gísli, f. um 1723, b. á Æsustöðum, kv. Þóru Bjarnadóttur. Einar, f. nál. 1715, b. í Ytra-Tungukoti, kv. Guðrúnu Sæmundsdóttur.

(Íslenzkar æviskrár I, 77; Lögréttumannatal, 221; Hlynir og hreggviðir, 84-86; Vorþeyr og vébönd, 154 og 208-209; Söguþættir Gísla Konráðssonar, 130; Syrpa úr handritum Gísla Konráðssonar I, 188-189; Alþingisb. IX, 201; Dómab. Hún. 19. apríl 1721, 21. maí 1761 og 30. apríl 1767; Ættatölub. Jóns Espólíns, 578-579 og 3320-3322; Ættatölubók Ólafs Snóksdalíns, 164, 213 og 228; Ættatölub. Steingríms Jónssonar, 290-291 og 1656).

Jón Jónsson (1661-1708) Bóndi á Ytri-Leifsstöðum.

F. um 1661, á lífi á Ytri-Leifsstöðum 1708. For. ókunnir. Vinnumaður á Ytri-Leifsstöðum -1702-1703-. Bóndi á Ytri-Leifsstöðum -1706-1708- og hafði jafnframt bú á Syðri-Leifsstöðum 1708-. – Barnsmóðir: Jórunn Jónsdóttir, f. um 1677, á lífi á Ytri-Leifsstöðum 1707. For. ókunnir. Jórunn var húskona í Kálfárdal -1702-1703-. Barn þeirra fæddist 1706 eða 1707 á Ytri-Leifsstöðum.

(Vorþeyr og vébönd, 219-220).

Jón Jónsson (1665-1703) Bóndi í Eiríkstaðakoti.

F. um 1665, á lífi í Eiríksstaðakoti 1703. For. ókunnir. Bóndi í Eiríksstaðakoti -1701-1703-. – Kona: Arndís Jörundsdóttir, f. um 1657, á lífi í Eiríksstaðakoti 1703. For. ókunnir. Arndís bjó í Eiríksstaðakoti -1699-1700-, þá væntanlega ekkja. Ókunnugt um börn. – Fyrri maður eða barnsfaðir Arndísar: Þorgrímur. For. ókunnir. Barn: Sigríður, f. um 1692, var hjá móður sinni og stjúpa í Eiríksstaðakoti 1703.

(Vorþeyr og vébönd, 217).

Jón Jónsson (1727-?) Ábúandi í Blöndudalshólum.

hét búandi í Blöndudalshólum 1727-1728-.

(Prestaæfir Sighvats Grímssonar Borgfirðings (þáttur Jóns Bjarnasonar á Holtastöðum).

Jón Jónsson (1732-?) Ábúandi á Gili

hét búandi á Gili -1732-1735-.

Jón Jónsson (1734-?) Ábúandi á Torfustöðum.

hét búandi á Torfustöðum 1734-1735-.

Jón Jónsson (1737- ?) Ábúandi á Barkarstöðum.

hét búandi á Barkarstöðum -1737-1738.

Athugasemd: Jón gæti verið samnefndur maður sem var búlaus á Bergsstöðum 1738-1739-.

Jón Jónsson (1734-?) Ábúandi á Gunnsteinsstöðum.

hét búandi á Gunnsteinsstöðum -1734-1738.

Athugasemd: Jón gæti verið samnefndur maður sem var búlaus á Bergsstöðum 1738-1739-.

Jón Jónsson (1700-1762) Bóndi á Botnastöðum.

F. um 1700, á lífi á Botnastöðum 1762. For. ókunnir. Bóndi á Botnastöðum -1737-1762-. – Kona: Guðrún Árnadóttir, f. um 1710, á lífi á Botnastöðum 1762. For.: Árni Guðmundsson b. á Eyvindarstöðum og k.h. Guðríður Jónsdóttir. – Börn: Guðmundur, f. um 1736, var hjá foreldrum sínum á Botnastöðum 1762, kvæntist tvisvar. Eiríkur, f. um 1739, d. 8. febr. 1824 í Eyvindarstaðagerði, vm. í Þverárdal 1762, en í Bólstaðarhlíð 1801, ókv., en átti son með Þórdísi Einarsdóttur. Gísli, f. um 1744, var hjá foreldrum sínum á Botnastöðum 1762. Ólafur. Sigríður.

Athugasemdir: 1) Hægt er að láta sér til hugar koma að Jón kunni að hafa verið sonur Jóns Jónssonar b. á Bollastöðum og k.h. Helgu Pétursdóttur. 2) Guðrún er sögð 52 ára í Manntali á Íslandi 1762, en hlýtur að hafa verið nokkrum árum eldri. 3) Í Fortíð og fyrirburðum hermir að Gísli Jónsson, sonur Jóns og Guðrúnar, hafi verið sami maður og bjó á Eiríksstöðum og var kvæntur Guðrúnu Símonsdóttur, en það er alrangt. Hins vegar kann hann að vera sami maður og bjó á Stóra-Búrfelli í Svínavatnshreppi og var kvæntur Guðrúnu Guðmundsdóttur.

(Saga Skagstrendinga og Skagamanna, 28; Fortíð og fyrirburðir, 45 og 49; Hlynir og hreggviðir, 60; Vorþeyr og vébönd, 227-228; Húnavaka 1968, 52-53; Ættatölub. Jóns Espólíns, 607; Ættatölub. Ólafs Snóksdalíns, 479).

Jón Jónsson (1700-?) Bóndi á Stóru-Mörk.

f. nál. 1700, á lífi á Stóru-Mörk 1746. Óvíst er um foreldra hans, en hann var skagfirskur að uppruna. Smali á Bergsstöðum nál. 1720. Bóndi á Stóru-Mörk -1733-1746-. Hann mun hafa búið á Stóru-Mörk til æviloka, en ekki er vitað hvenær hann dó. Jón þótti ærið mislyndur en hverjum manni harðgjörvari, og var kallaður harði bóndi. Hann keypti Stóru-Mörk af Árna Þorsteinssyni bónda í Bólstaðarhlíð fyrir lausafé, og er eignarbréf hans fyrir jörðinni dagsett 16. sept. 1726. – Kona, ls. 1722 eða 1723, Guðríður Hannesdóttir, f. um 1699. Faðir: Hannes Ásgrímsson b. á Löngumýri í Vallhólmi. Hún var hjá föður sínum á Löngumýri 1703. Jón og Guðríður áttu saman barn í lausaleik í Bergsstaðaprestakalli 1722 eða 1723, og var það fyrsta frillulífisbrot beggja. Frá þeim hjónum er rakin Merkurætt eða Harðabóndaætt. Börn: Hannes, f. um 1724, b. á Stóru-Mörk, kv. fyrr Steinunni Árnadóttur, síðar Þuríður Bjarnadóttir, átti einnig börn með öðrum konum, síðast dóttur með Ingibjörgu Jónsdóttur. Sveinn, f. um 1724, b. í Fagradalstungu í Saurbæjarsveit, kv. Solveigu Þorláksdóttur. Ingibjörg, f. um 1727, g. Jóni Jónssyni b. á Ytri-Ey á Skagaströnd. Ingiríður, f. um 1728, g. Katli Einarssyni b. í Auðólfsstaðakoti. Vilborg, f. um 1728, g. Einari Marteinssyni b. á Þorbrandsstöðum í Langadal. Halldóra, f. um 1733, g. Einari Árnasyni b. á Hóli. Jón, f. um 1735, b. á Stóru-Mörk, kv. Guðrúnu Jónsdóttur, átti einnig barn með Guðrúnu Jónsdóttur. Helgi, f. um 1739, b. í Þverárdal, kv. Sigþrúði Árnadóttur. Þórunn, f. um 1740, vk. á Skottastöðum 1762, óg., en átti dóttur með Sigurði Ólafssyni b. á Stóra-Vatnsskarði á Skörðum. Sigurður, f. um 1742, b. í Hvammi á Laxárdal fremri, kv. Guðrúnu Eilífsdóttur, átti einnig börn með öðrum konum, síðast tvær dætur með Ólöfu Eyvindsdóttur. Jón. (Ættatölub. Jóns Espólíns, 4774 og 5495). Jósef. (Ættatölub. Jóns Espólíns, 4774 og 5495). Ennfremur kann sonur þeirra að hafa verið: Guðmundur Jónsson, f. um 1722, b. á Stóru-Mörk.

Athugasemd: Hægt er að láta sér til hugar koma að Jón kunni að hafa verið sonur Jóns Jónssonar b. í Málmey á Skagafirði 1703 og k.h. Solveigar Einarsdóttur.

(Dalamenn II, 354; Víkingslækjarætt I, 186 og III, 64; Húnvetningasaga I, 198 og II, 359-360; Búsæld og barningur, 144-146; Syrpa úr handritum Gísla Konráðssonar I, 55 og II, 338; Huld I, 82; Húnavaka 1976, 52; Sýsluskj. Hún. XV, 3, 19. júní 1786 (dánarbú Jóns Björnssonar á Fossi í Hrútafirði / samantekt um ættmenni Guðríðar Hannesdóttur); Dómab. Hún. 12. maí 1723, 9. maí 1733 og 4. maí 1746; Hjónabandsleyfi úr Hólabiskupsdæmi 1791 (Einar Ketilsson og Helga Jónsdóttir); Ættatölub. Jóns Espólíns, 4768-4777 og 5493-5495; Ættatölub. Ólafs Snóksdalíns, 312-313 (innskotsblöð) og 337-338; Ættatölub. Sighvats Grímssonar Borgfirðings, 1337 og 2421-2425).

Jón Jónsson (1705-1739) Bóndi í Stafni.

F. nál. 1705, d. 1739. For.: Jón Þórarinsson pr. í Hjarðarholti í Laxárdal og k.h. Rannveig Jónsdóttir. Bóndi í Stafni -1737 til æviloka. Jón var hreppstjóri í Bólstaðarhlíðarhreppi 1738 til æviloka. – Heitkona: Ólöf Egilsdóttir, f. 1703, á lífi í Kothvammi á Vatnsnesi 1762. For.: Egill Sigfússon pr. í Glaumbæ á Langholti og k.h. Þuríður Jónsdóttir. Ólöf var hjá foreldrum sínum í Glaumbæ 1703. Hún var hjá móður sinni á Stóra-Vatnsskarði á Skörðum -1737-1738, en bústýra í Stafni 1738-1739. Eftir lát Jóns bjó hún í Stafni 1739-1741-, á Skeggsstöðum -1744-1745 og á Eiríksstöðum 1745-1746-, en giftist svo Bergþóri Jónssyni b. á Illugastöðum á Vatnsnesi. Barnlaus.

(Íslenzkar æviskrár I, 332-333 og III, 303; Dalamenn I, 441; Lögréttumannatal, 46-47; Annálar 1400-1800 I, 665; Dómab. Hún. 7. maí 1738 og 30. apríl 1739; Ættatölub. Jóns Espólíns, 1593, 5152 og 5563; Ættatölub. Jóns Magnússonar, 16, 225 og 526; Ættatölub. Ólafs Snóksdalíns, 489 og 697; Ættatölub. Steingríms Jónssonar, 715, 3576 og 3577).

Jón Jónsson. (1705-?) Bóndi í Kálfárdal.

F. nál. 1705. For. ókunnir. Bóndi í Kálfárdal 1739-1741-. Hann er kenndur við Víðimýri. (Ættatölub. Jóns Espólíns, 2139). – Kona: Sigríður Einarsdóttir, f. nál. 1710. For.: Einar Skúlason b. í Álftagerði hjá Víðimýri og k.h. Halldóra Þórðardóttir. Hún var kölluð sól. Jón og Sigríður virðast hafa komið búferlum úr Skagafjarðarsýslu að Kálfárdal í fardögum 1739. Með þeim kom kona, Elín Jónsdóttir að nafni, sem hafði eignast þrjú óskilgetin börn í Seyluhreppi í Skagafjarðarsýslu, og fjórða barnið fæddi hún svo í Kálfárdal á árinu 1740. Upphófst af þessu tilefni harðvítug deila á milli Bjarna Halldórssonar sýslumanns Húnvetninga og Skúla Magnússonar sýslumanns Skagfirðinga, sem hvor um sig reyndi að koma Elínu af höndum sér yfir á hinn. Börn: Sigurður, f. um 1745, b. á Litla-Vatnsskarði á Laxárdal fremri, kv. Guðrúnu Jónsdóttur. Skúli, f. nál. 1735 á Víðivöllum í Blönduhlíð, b. í Brekkukoti ytra í Blönduhlíð -1781-1783, en ómagi á Narfastöðum í Viðvíkursveit 1801 og á Merkigili í Austurdal 1816, ókv., en átti börn, það elsta með Guðrúnu Guðbrandsdóttur og það yngsta með ónafngreindri konu á Svaðastöðum í Hofstaðabyggð.

Athugasemdir: 1) Jón gæti vel verið samnefndur maður sem bjó í Álftagerði -1734-1735-. 2) Skúli Jónsson, sonur Jóns og Sigríðar, er sagður 61 árs í Manntali á Íslandi 1801, en 85 ára í Manntali á Íslandi 1816.

(Skagfirzkar æviskrár 1850-1890 III, 96-98; Annálar 1400-1800 I, 635; Alþingisb. XIII, 15-18; Dómab. Hún. 28. apríl og 28. okt. 1740; Dómab. Skag. 4. og 22. apríl 1740; Ættatölub. Jóns Espólíns, 2139-2140; Ættatölub. Jóns Magnússonar, 268).

Jón Jónsson (1739-?) Ábúandi á Ytri-Leifsstöðum og Eiríksstaðakoti.

hét búandi á Ytri-Leifsstöðum 1739-1740 og í Eiríksstaðakoti 1740-1741-.

Athugasemd: Trúlega er hér um að ræða Jón Jónsson bónda á Skeggsstöðum -1744 til æviloka.

Jón Jónsson (1709-1783) Bóndi á Skeggstöðum.

f. um 1709, d. 1782 eða 1783 á Skeggsstöðum. For.: Jón Jónsson b. á Neðri-Dálksstöðum á Svalbarðsströnd og k.h. Steinunn Jónsdóttir. Sagnir herma að Jón hafi í æsku verið vinnupiltur á Miklabæ í Blönduhlíð. Bóndi á Skeggsstöðum -1744 til æviloka. Jón var smámenni en þó kartinn. Hann var mikið guðrækinn maður, þolinn og þrautgóður, ráðvandur og reglusamur en ei atgervismaður að afli eða hagleik. Frá honum er rakin Skeggstaðaætt. Jóni var úthlutað gjafakorni 28. des. 1756. – Kona: Björg Jónsdóttir, f. um 1718, á lífi í Þverárdal 1801. Óvíst er um foreldra hennar, en hún virðist hafa verið systir Magnúsar Jónssonar b. á Sæunnarstöðum í Hallárdal. Einnig er hún talin hafa verið systir annars hvors þeirra Brúnarhjóna, Sigurðar Jónssonar og Guðbjargar Jónsdóttur. Sagnir herma að Björg hafi í æsku átt heima á Eiríksstöðum. Hún bjó ekkja á Skeggsstöðum 1782-1787 og í Þverárdal 1787-1791, en var í skjóli Einars sonar síns á sama stað 1791-1801-. Hún átti heima í Þverárdal til æviloka, en ekki er vitað hvænær hún dó. Björg var fyrir flestum konum að skörungsskap, bústjórn, vinnu og þrifnaði, svo að í áliti var, að trauðlega fyndist í nálægum sveitum hennar líki. Börn: Ingibjörg, f. um 1740, var hjá foreldrum sínum á Skeggsstöðum 1762, óg. og bl. Eyjólfur, f. 1743, b. á Eiríksstöðum, kv. Þorbjörgu Pétursdóttur. Ingiríður, f. 1744 á Skeggsstöðum, g. fyrr Þorkeli Þorleifssyni ráðsm. í Eiríksstaðakoti, síðar Jóni Jónssyni b. í Kálfárdal. Jón, f. um 1745, dr. 14. nóv. 1781 á Húnaflóa, búlaus í Kálfárdal 1780 til æviloka, ókv. og bl. Guðmundur, f. nál. 1747, dó ungur. Guðmundur, f. nál. 1747, dó ungur. Guðmundur, f. 1749 á Skeggsstöðum, b. í Hvammi í Svartárdal, kv. Ingibjörgu Andrésdóttur. Ingiríður, f. um 1750 á Skeggsstöðum, g. Jóni Benediktssyni b. og hreppstj. í Sólheimum í Svínavatnshreppi. Guðrún, f. um 1751, g. Árna Jónssyni b. í Eiríksstaðakoti. Björg, f. um 1753 á Skeggsstöðum, g. Ólafi Andréssyni b. á Botnastöðum. Sigríður, f. um 1755 á Skeggsstöðum, d. 20. júlí 1843 í Sólheimum í Svínavatnshreppi, vk. í Þverárdal 1801 og á Syðri-Löngumýri í Blöndudal 1805, óg. og bl. Valgerður, f. um 1757 á Skeggsstöðum, g. Vigfúsi Erlendssyni b. á Þröm á Langholti. Ingibjörg, f. um 1760 á Skeggsstöðum, g. fyrr Jónasi Jónssyni b. á Gili, síðar Sigurði Sigurðssyni b. á Eyjólfsstöðum í Vatnsdal. Eyjólfur, f. 1761 á Skeggsstöðum, d. 16. febr. 1843 á Barkarstöðum, ráðsmaður á Eiríksstöðum, ókv., en átti son með Sigurlaugu Björnsdóttur húsmóður á Barkarstöðum. Einar, f. 1766 á Skeggsstöðum, b. í Þverárdal, kv. fyrr Valgerði Jónsdóttur, síðar Halldóru Jónsdóttur. Barnsmóðir: Guðrún Ólafsdóttir, f. nál. 1705, vk. í Bergsstaðaprestakalli. For. ókunnir. Barn: Guðrún, f. 1733 eða 1734 í Bergsstaðaprestakalli, g. Árna Einarssyni b. í Bólstaðarhlíðarhreppi.

Athugasemdir: 1) Jón gæti vel verið samnefndur maður sem bjó á Ytri-Leifsstöðum 1739-1740 og í Eiríksstaðakoti 1740-1741-. 2) Það er afar freistandi að geta sér þess til að Björg hafi verið alsystir Valgerðar Jónsdóttur k. Einars Vigfússonar b. í Blöndudalshólum.

(Íslenzkar æviskrár VI, 167-168; Skagfirzkar æviskrár 1850-1890 II, 32-34 og III, 91-95; Svalbarðsstrandarbók, 261; Frændgarður I, 292-293; Húnvetningasaga I, 198-199 og 206 og II, 358-359 og 365; Búsæld og barningur, 147-151; Fortíð og fyrirburðir, 73-74; Hlynir og hreggviðir, 21-31; Hrakhólar og höfuðból, 45-47; Svipir og sagnir, 98-114; Vorþeyr og vébönd, 216-217; Föðurtún, 117 og 462; Húnavaka 1976, 60 og 1978, 65-70; Brandsstaðaannáll, 144-145 og 162; Annálar 1400-1800 IV, 584 og VI, 231; Sýsluskj. Hún. XV, 5, 14. júní 1803 og 27. ágúst 1805 (dánarbú Jóns Jónssonar á Finnsstöðum); Dómab. Hún. 7. maí 1757; Ábúendatal í Staðarhreppi – Handrit Jóns Sigurðssonar á Reynistað, 68 og 269; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3952, 4258 og 4758-4762; Ættatölub. Ólafs Snóksdalíns, 335 og 336; Ættatölub. Sighvats Grímssonar Borgfirðings, 2433-2435).

Jón Jónsson (1710-1762) Bóndi á Barkarstöðum.

F. um 1710, á lífi á Barkarstöðum 1762. For. ókunnir. Bóndi á Barkarstöðum -1737-1762-. – Kona: Þórunn Jónsdóttir, f. um 1712, á lífi á Barkarstöðum 1762. For. ókunnir. Börn: Ingiríður, f. um 1733, g. Birni Ólafssyni b. á Bergsstöðum. Guðrún, f. um 1734 á Barkarstöðum, g. Ólafi Björnssyni b. á Barkarstöðum. Einar, f. um 1738, b. á Torfustöðum, kv. Sigríði Bjarnadóttur. Bergþór, f. um 1746 á Torfustöðum, b. á Ánastöðum í Svartárdal, kv. fyrr Guðrúnu Gunnlaugsdóttur, síðar Helgu Guðmundsdóttur. Halldóra, f. um 1747, var hjá foreldrum sínum á Torfustöðum 1762. Guðmundur, f. um 1748, var hjá foreldrum sínum á Torfustöðum 1762.

Athugasemd: Í Manntali á Íslandi 1816 er Bergþór Jónsson, sonur Jóns og Þórunnar, talinn fæddur á Torfustöðum og virðist það ótrúverðugt, því foreldrar hans voru búandi á Barkarstöðum um það leyti sem hann fæddist.

(Ættatölub. Jóns Espólíns, 4403 og 4604).

Jón Jónsson (1712-1767) Prestur og bóndi í Blöndudalshólum.

F. um 1712, d. 9. nóv. 1767 í Stærra-Árskógi á Árskógsströnd. For.: Jón Jónsson b. á Lækjarbakka í Hörgárdal og k.h. Ingibjörg. Lærði í Hólaskóla og varð stúdent þaðan 1739. Vígðist 27. jan. 1743 aðstoðarprestur séra Jóns Bjarnasonar á Holtastöðum. Bóndi í Blöndudalshólum 1745-1755, á Upsum á Upsaströnd 1755-1766 og í Stærra-Árskógi 1766 til æviloka. Hann var aðstoðarprestur í Blöndudalshólaprestakalli 1743-1746, en sóknarprestur í Blöndudalshólaprestakalli 1746-1754, í Upsaprestakalli í Eyjafjarðarprófastsdæmi 1754-1765 og í Stærra-Árskógsprestakalli í Eyjafjarðarprófastsdæmi 1765 til æviloka. Séra Jón var lítill vexti og óásjálegur og oft kallaður hinn litli. Hann var kjarkmikill og gáfaður, skarpur til náms og skilnings, vel hagmæltur og orti bæði sálma og rímur, en átti örðugt í búskap. Séra Jón vandist á drykkjuskap í Blöndudalshólum. Hann gat verið kappgjarn í orðadeilum og þá stundum stórorður. Almannarómur eignaði honum eitt barn sem skrifað var á annan. – Kona: Kristín Ísleifsdóttir, f. um 1716, d. í nóv. 1767 í Stærra-Árskógi. For.: Ísleifur Bjarnason b. á Holtastöðum í Langadal og k.h. Guðrún Jónsdóttir. Kristín lifði Jón um örfáa daga. Þau fóru í sömu gröf. Börn: Jón, f. um 1747, d. 6. sept. 1794 í Myrkársókn í Eyjafjarðarsýslu, lausam. í Bjarnarhöfn í Helgafellssveit 1784, kv. Guðrúnu Sveinsdóttur, átti einnig syni með Sigríði Símonsdóttur og Guðrúnu Sigurðardóttur, einn með hvorri og tvö börn með Oddnýju Gísladóttur. Ingibjörg, f. um 1749, á lífi 1768, var hjá foreldrum sínum á Upsum 1762, bl.

(Íslenzkar æviskrár III, 182 og V, 16; Borgfirzkar æviskrár XI, 399-400; Svarfdælingar II, 335-336; Lögréttumannatal, 252 og 547; Annálar 1400-1800 IV, 528, V, 352 og VI, 147 og 469; Skiptab. Eyj. (klerkdómur) 6. júní 1768; Lbs. 2576, 8vo; Æfir lærðra manna (þáttur Jóns Jónssonar í Stærra-Árskógi); Prestaæfir Sighvats Grímssonar Borgfirðings (þáttur Jóns Jónssonar í Stærra-Árskógi); Ættatölub. Jóns Espólíns, 865-866; Ættatölub. Ólafs Snóksdalíns, 411-412 og 913; Ættatölub. Steingríms Jónssonar, 983 og 4106).

Jón Jónsson (1715-?) Bóndi á Strjúgsstöðum.

F. nál. 1715, á lífi á Strjúgsstöðum 1746. For. ókunnir. Bóndi á Móbergi í Langadal -1744-1745 og á Strjúgsstöðum 1745-1746-. Hann bjó á Strjúgsstöðum til æviloka, en ekki er vitað hvenær hann dó. – Kona: Helga Jónsdóttir, f. um 1728, á lífi á Móbergi 1801. Hún er sögð hafa verið dóttir Jóns og Guðnýjar, búandi hjóna á Húnsstöðum á Ásum. Helga giftist síðar Eyjólfi Eyjólfssyni b. á Strjúgsstöðum. Barn: Jón, var í Holtastaðasókn 1755.

Athugasemdir: 1) Helga er talin 34 ára í Manntali á Íslandi 1762, en 79 ára í Manntali á Íslandi 1801. 2) Í Ættum Skagfirðinga hermir að Helga hafi verið dóttir Odds Bessasonar bónda á Úlfagili á Laxárdal fremri, en það virðist vera gersamlega út í hött. Í Manntali á Íslandi 1801 er Helga skráð Jónsdóttir.

(Ættir Skagfirðinga, 335; Syrpa úr handritum Gísla Konráðssonar I, 41; Biskupsskjalasafn B VII).

Jón Jónsson (1715-1750) Bóndi á Syðri-Leifsstöðum.

F. nál. 1715, á lífi á Syðri-Leifsstöðum 1750. For. ókunnir. Bóndi á Syðri-Leifsstöðum -1750-.

Barnsmóðir: Guðrún Þórðardóttir, f. nál. 1715, vk. á Hofdölum í Hofstaðabyggð. For. ókunnir. Jón tregðaðist í fyrstu við að gangast við barni Guðrúnar, en sá sig svo um hönd.

Barn þeirra fæddist 22. ágúst 1750.

Athugasemd: Hægt er að láta sér til hugar koma að Guðrún kunni að hafa verið dóttir Þórðar Þorvarðssonar b. í Djúpadal í Blönduhlíð 1713 og k.h. Guðrúnar Ólafsdóttur.

(Dómab. Skag. 10. nóv. 1750).

Jón Jónsson (1719-1762) Bóndi á Gili.

F. um 1719, á lífi á Gili 1762. For. ókunnir. Bóndi á Gili -1751-1762-. Hann bjó á Gili til æviloka, en ekki er vitað hvenær hann dó. – Kona: Guðrún Ólafsdóttir, f. um 1723, á lífi á Gili 1785. For.: Ólafur Bjarnason b. á Steiná og f.k.h. Guðrún Björnsdóttir. Guðrún ólst upp hjá Árna Þorsteinssyni í Bólstaðarhlíð. Hún hefur búið ekkja á Gili í nokkur ár, en giftist svo Bessa Þorbergssyni b. á Gili. Guðrún er sögð hafa dáið af skaðlegu meini. Börn: Gunnvör, f. um 1750, g. Magnúsi Sveinssyni b. á Löngumýri í Vallhólmi. Hrólfur, f. um 1753, var hjá foreldrum sínum á Gili 1762. Björn, f. um 1754, var hjá foreldrum sínum á Gili 1762. Guðrún, f. um 1758, g. Jóni Jörundssyni b. á Eiríksstöðum. Ragnheiður, f. um 1760, var hjá foreldrum sínum á Gili 1762. Torfi, f. 1762, var hjá foreldrum sínum á Gili 1762. Hann var sagður þjóðhaga smiður og mesti geðprýðismaður, en rammþjófóttur.

(Vorþeyr og vébönd, 222; Syrpa úr handritum Gísla Konráðssonar I, 186; Huld I, 83; Húnavaka 1969, 58; Dómab. Hún. 9. maí 1735; Ættatölub. Jóns Espólíns, 2144; Ættatölub. Ólafs Snóksdalíns, 213; Ættatölub. Steingríms Jónssonar, 764).

Jón Jónsson (1720-1792) Bóndi í Kálfárdal og Bollastöðum.

F. um 1720, á lífi 1792. For.: Jón b. í Húnavatnssýslu og k.h. Guðrún Jónsdóttir húsm. á Hnjúkum á Ásum. Bóndi í Umsvölum í Þingi -1751-1758, í Kálfárdal 1758-1763- og á Bollastöðum -1773-1786. Brá þá búi og fór frá Bollastöðum. Jón keypti Kálfárdal fyrir lausafé 7. febr. 1755. Hann keypti Bollastaði af Vigfúsi Sigurðssyni bónda á sama stað fyrir 105 ríkisdali og fékk jafnframt hjá honum hjáleiguna Selland í makaskiptum fyrir Saurbæ á Neðribyggð 20. júní 1772. – Kona, g. 18. sept. 1746, Kristín Jónsdóttir, f. um 1718, d. 1785 eða 1786 á Bollastöðum. For. ókunnir. Barn: Guðmundur, f. um 1749, b. á Bollastöðum, kv. Þórunni Helgadóttur.

(Hlynir og hreggviðir, 24; Vorþeyr og vébönd, 227; Sýsluskj. Hún. XV, 3, 3. og 29. maí 1793 (dánarbú Guðmundar Jónssonar á Bollastöðum); Dómab. Hún. 1. maí 1755 og 22. júní 1773; Ættatölub. Jóns Espólíns, 6844; Ættatölub. Ólafs Snóksdalíns, 496-497 (innskotsblöð).

Jón Jónsson (1735-1801) Bóndi á Stóru-Mörk og Sneis.

F. um 1735, á lífi á Núpi á Laxárdal fremri 1801. For.: Jón Jónsson b. á Stóru-Mörk og k.h. Guðríður Hannesdóttir. Bóndi á Herjólfsstöðum í Laxárdal ytri -1762-1763-, á Stóru-Mörk 1765-1778, á Sneis á Laxárdal fremri 1778-1780 og á Balaskarði á Laxárdal fremri 1780-1796. Búlaus á Núpi -1800-1801-. – Kona: Guðrún Jónsdóttir, f. um 1738, á lífi á Núpi 1801. Faðir: Jón Guttormsson b. í Vík í Staðarhreppi. Börn: Jón, f. um 1759, b. á Hurðarbaki á Ásum, kv. Guðrúnu Bjarnadóttur, Sigríður, f. um 1760 á Stóru-Mörk, g. Jóni Jónssyni b. í Syðra-Tungukoti. Jón, f. um 1763 á Herjólfsstöðum, b. á Snæringsstöðum í Svínadal, kv. Sigríði Jónsdóttur, átti einnig börn með Jóhönnu Sigurðardóttur og Margréti Þórðardóttur, tvö með hvorri. Benedikt, f. um 1765, b. á Gili, kv. fyrr Katrínu Jónsdóttur, síðar Sigríði Bjarnadóttur, átti einnig dætur með Þórunni Oddsdóttur og Sigríði Guðmundsdóttur, eina með hvorri. Jóhannes, f. um 1772 á Mörk, b. í Hvammi á Laxárdal fremri, kv. Helgu Jónsdóttur. Barnsmóðir: Guðrún Jónsdóttir, f. 1750 (sk. 1. febr. 1750) á Syðstu-Grund í Blönduhlíð, á lífi á Veðramóti í Gönguskörðum 1774, vk. á Veðramóti. For.: Jón Þorbergsson b. á Veðramóti og k.h. Sigríður Jónsdóttir. Barn þeirra fæddist 7. sept. 1773 á Veðramóti.

Athugasemd: Í Ættatölubókum Jóns Espólíns greinir að sonur Jóns og Guðrúnar hafi verið Finnur Jónsson bóndi á Ytri-Ey á Skagaströnd, en það er út í hött.

(Skagfirzkar æviskrár 1850-1890 I, 118-120 og V, 98-102; Húnvetningasaga II, 359-360; Saga Skagstrendinga og Skagamanna, 79-80; Svipir og sagnir, 170-175; Söguþættir Gísla Konráðssonar, 5-6; Syrpa úr handritum Gísla Konráðssonar I, 86-87; Sagnaþættir Þjóðólfs, 266-267; Skagfirzk fræði VI, 52-54; Húnavaka 1979, 114 og 1980, 120-123; Sýsluskj. Hún. XV, 3, 11. júní 1765 (úttekt á Stóru-Mörk þegar Sigurður Jónsson við skildi en Jón Jónsson við tók) og 19. júní 1786 (dánarbú Jóns Björnssonar á Fossi í Hrútafirði / samantekt um ættmenni Guðríðar Hannesdóttur); Dómab. Skag. 27. maí 1774 og 31. maí 1775; Ættatölub. Jóns Espólíns, 3965-3966, 4768-4770, 5491-5492 og 5493; Ættatölub. Ólafs Snóksdalíns, 312-313 (innskotsblöð), 337 og 686; Ættatölub. Sighvats Grímssonar Borgfirðings, 2424; Ættatölub. Steingríms Jónssonar, 111).

Jón Jónsson (1736-1776) Bóndi á Fossum og Rugludal.

F. um 1736, d. 27. sept. 1776 í Rugludal. For. ókunnir. Bóndi á Fossum -1762-1763- og í Rugludal -1773 til æviloka. – Kona: Helga Jónsdóttir, f. um 1726 á Brandsstöðum, d. 24. sept. 1820 í Ytra-Tungukoti, ekkja Halldórs Árnasonar á Fossum. For.: Jón Símonsson b. á Brandsstöðum og k.h. Guðný Jónsdóttir. Helga bjó ekkja í Rugludal 1776-1798, en var í skjóli Jóns sonar síns á sama stað 1798-1801- og í skjóli Ólafar dóttur sinnar í Ytra-Tungukoti -1816 til æviloka. Börn: Helga, f. um 1761 á Fossum, g. fyrst Árna Jónssyni b. á Botnastöðum, svo Sigfúsi Sveinssyni b. á Botnastöðum, síðast Jónasi Björnssyni b. á Botnastöðum. Árni, f. um 1764, b. á Hóli, kv. Margréti Guðmundsdóttur. Halldór, f. um 1765, b. á Ytri-Löngumýri í Blöndudal, kv. Solveigu Jónsdóttur. Jón, f. um 1767 í Rugludal, b. í Finnstungu, kv. fyrr Guðlaugu Erlendsdóttur, síðar Helgu Jónsdóttur. Ólöf, f. um 1769 í Rugludal, g. fyrr Helga Þórðarsyni b. á Brandsstöðum, síðar Vigfúsi Guðmundssyni b. á Brandsstöðum.

Athugasemd: Hægt er að láta sér til hugar koma að Jón kunni að hafa verið sonur Jóns Ólafssonar b. í Litluhlíð í Vesturdal og k.h. Ólafar Jónsdóttur.

(Feðraspor og fjörusprek, 64; Húnavaka 1977, 78-82; Skiptab. Hún. 23. júní 1808 og 22. maí 1817; Ættatölub. Ólafs Snóksdalíns, 574).

Jón Jónsson (1746-1824) Bóndi á Botnastöðum og Skyttudal.

F. um 1746 á Gauksstöðum á Skaga, d. 23. apríl 1824 á Geithömrum í Svínadal. For.: Jón Andrésson eða Jónsson (heimildum ber ekki saman um föðurnafnið) b. á Gauksstöðum og k.h. Helga Gunnarsdóttir. Búlaus á Harastöðum á Skagaströnd 1776-1780. Bóndi á Steinnýjarstöðum á Skagaströnd 1780-1785, á Botnastöðum 1785-1796 og í Skyttudal 1796-1800, en var í skjóli Bjargar dóttur sinnar á sama stað 1800-1805, á Orrastöðum á Ásum 1805-1815 og á Tindum á Ásum 1815-1818. Hann var tökukarl á Gili 1818-1819, en í skjóli Bjargar dóttur sinnar á Tindum 1819 til æviloka. Við húsvitjun í Þingeyrasókn 1812 er Jón sagður valmenni í öllu og skýrleiksmaður. Hann skrifaði undir verslunarkærubréf í Bólstaðarhlíð 20. sept. 1797. – Kona: Ingibjörg Pétursdóttir, f. um 1742 á Selá á Skaga, d. 9. sept. 1821 á Tindum. For.: Pétur Jónsson b. á Harastöðum og k.h. Valgerður Gunnarsdóttir. Hún var í skjóli Bjargar dóttur sinnar í Skyttudal 1800-1805, á Orrastöðum 1805-1815 og á Tindum 1815 til æviloka. Við húsvitjun í Þingeyrasókn 1812 er Ingibjörg sögð guðhrædd og vel að sér. Jón og Ingibjörg voru systrabörn og kunna einnig að hafa verið bræðrabörn. Barn: Björg, f. um 1777 á Harastöðum, g. Hannesi Hannessyni b. í Skyttudal.

Athugasemd: Jón gæti vel verið samnefndur maður sem var vinnupiltur í Hvammkoti á Skaga -1762-1763-, sagður 17 ára.

(Húnaþing I, 492-495; Húnavaka 1976, 50-52; Sýsluskj. Hún. XV, 3, 14. júlí og 1. og 3. sept. 1804 (samantekt um ættmenni Eyjólfs Gunnarssonar); Ættatölub. Jóns Espólíns, 3955 og 6848-6849; Ættatölub. Ólafs Snóksdalíns, 409b og 831; Ættatölub. Steingríms Jónssonar, 6113).

Jón Jónsson (1751-1825) Bóndi í Eiríksstaðakoti og Kálfárdal.

F. um 1751 í Ásbjarnarnesi í Vesturhópi, d. 11. ágúst 1825 í Kálfárdal. For.: Jón Árnason b. í Bólstaðarhlíð og f.k.h. Margrét Jónsdóttir. Var hjá foreldrum sínum í Krossanesi á Vatnsnesi 1762. Búlaus í Eiríksstaðakoti 1775-1777. Bóndi í Eiríksstaðakoti 1777-1778 og í Kálfárdal 1778-1822, en var í skjóli stjúpdóttur sinnar Bjargar Þorkelsdóttur á sama stað 1822 til æviloka. Jón var þrekinn og hraustur. Hann átti Kálfárdal. Hann skrifaði undir verslunarkærubréf í Bólstaðarhlíð 20. sept. 1797. – Kona, g. 1777 eða 1778, Ingiríður Jónsdóttir, f. 1744 á Skeggsstöðum, d. 6. des. 1823 í Kálfárdal, ekkja Þorkels Þorleifssonar ráðsm. í Eiríksstaðakoti. For.: Jón Jónsson b. á Skeggsstöðum og k.h. Björg Jónsdóttir. Ingiríður bjó ekkja í Eiríksstaðakoti 1775-1777 milli manna. Hún var í skjóli Bjargar dóttur sinnar í Kálfárdal 1822 til æviloka. Ingiríður var mesta dugnaðarkona og gjafmild við fátæka. Hún var fremri bónda sínum að bústjórn. Börn: Þorkell, f. 1779 í Kálfárdal, b. á Fjalli í Sæmundarhlíð, kv. Sigþrúði Árnadóttur. Margrét, f. um 1783 í Bólstaðarhlíðarsókn, húsm. í Kálfárdal, óg. Guðrún, f. 1786 í Kálfárdal, g. Jóni Árnasyni b. á Fremstagili í Langadal. Alls áttu Jón og Ingiríður 5 börn.

Athugasemd: Í Manntali á Íslandi 1816 er Jón Jónsson talinn fæddur í Ásbjarnarnesi og virðist það ótrúverðugt, því foreldrar hans voru búandi í Hindisvík á Vatnsnesi um það leyti sem hann fæddist.

(Íslenzkar æviskrár III, 46; Sýslumannaæfir I, 250-251 og 587-588; Húnvetningasaga II, 358-359 og 626-627; Saga frá Skagfirðingum II, 96, III, 124 og 136 og IV, 20, 24, 26 og 123; Hlynir og hreggviðir, 21-31; Svipir og sagnir, 98-102; Húnaþing I, 492-495; Húnavaka 1978, 60-65; Brandsstaðaannáll, 93; Ábúendatal í Staðarhreppi – Handrit Jóns Sigurðssonar á Reynistað, 35; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 574-575 og 4762; Ættatölub. Ólafs Snóksdalíns, 228 og 335; Ættatölub. Sighvats Grímssonar Borgfirðings, 2434; Ættatölub. Steingríms Jónssonar, 291).

Jón Jónsson (1764-1837) Bóndi á Skottastöðum og Steiná.

F. 1764 (sk. 28. júlí 1764) í Arnarnesi á Galmaströnd, d. 12. mars 1837 á Steiná. For.: Jón Sigurðsson b. á Kjarna á Galmaströnd og k.h. Margrét Björnsdóttir. Vinnumaður á Egilsá í Norðurárdal -1786-1787-. Bóndi á Vindheimum í Tungusveit 1788-1790, á Skottastöðum 1790-1796 og á Steiná 1796 til æviloka. Jón var merkisbóndi og mikilmenni á sinni tíð. Hann skrifaði undir verslunarkærubréf í Bólstaðarhlíð 20. sept. 1797. Frá honum er rakin Steinárætt. – Fyrsta kona, g. 6. júní 1787, Guðrún Árnadóttir, f. um 1751, d. 10. maí 1789 á Vindheimum. For.: Árni Þórarinsson b. í Héraðsdal í Tungusveit og k.h. Ingibjörg Tómasdóttir. Guðrún andaðist úr holdsveiki. Barnlaus. Önnur kona: Margrét Bjarnadóttir, f. um 1766, d. 17. ágúst 1814 á Steiná. For.: Bjarni Jónsson b. á Steiná og k.h. Margrét Þórðardóttir. Börn: Guðrún, f. um 1791 á Steiná, g. Skúla Guðmundssyni b. í Brekkukoti á Efribyggð. Árni, f. um 1793 á Skottastöðum, b. á Skottastöðum, kv. fyrr Herdísi Einarsdóttur, síðar Solveigu Pálsdóttur. Bjarni, f. um 1795 á Steiná, b. í Stafni, kv. fyrr Helgu Jónsdóttur, síðar Margréti Magnúsdóttur, átti áður son með Kristínu Ólafsdóttur. Krákur, f. um 1796 á Steiná, b. í Steinárgerði, kv. Helgu Þórðardóttur, átti áður syni með Sigurbjörgu Sigurðardóttur og Guðfinnu Einarsdóttur, einn með hvorri. Ólafur, f. um 1799 á Steiná, b. á Eiðsstöðum í Blöndudal, kv. Sigurbjörgu Tómasdóttur. Margrét, f. um 1800 á Steiná, d. 8. júní 1862 á Eiðsstöðum, vk. á Eiríksstöðum 1845, óg., en átti dóttur með Gunnlaugi Hinrikssyni b. á Tunguhálsi í Tungusveit. Bjarni, f. um 1801 í Bergsstaðasókn, b. á Kúfustöðum, kv. Sigríði Styrsdóttur, átti áður börn með Halldóru Tómasdóttur, Svanhildi Jónsdóttur og Ólöfu Jónsdóttur, eitt með hverri. Dagbjört, f. um 1804 á Steiná, g. Einari Einarssyni b. á Grímsstöðum í Svartárdal. Sigurlaug, f. um 1808 á Steiná, g. Birni Guðmundssyni b. á Miðvöllum í Svartárdal. Þriðja kona, g. 14. maí 1817, Guðbjörg Jónsdóttir, f. um 1790, d. 17. maí 1834 á Steiná. For.: Jón Þorsteinsson b. á Hryggjum á Staðarfjöllum og s.k.h. Guðbjörg Einarsdóttir. Guðbjörg var hjá foreldrum sínum á Hryggjum 1801. Börn: Sigurður, f. 3. mars 1818 á Steiná, d. 22. júlí 1868 á Þingvöllum í Þingvallasveit, vm. á Mosfelli í Svínadal 1850, ókv., en átti dóttur með Guðrúnu Gísladóttur. Björn, f. 20. febr. 1819 á Steiná, d. 16. júní 1835 í Brekkukoti á Efribyggð, vm. á Steiná, ókv. og bl. Benedikt, f. 22. febr. 1824 á Steiná, b. á Rútsstöðum í Svínadal, kv. Kristínu Kristjánsdóttur. Jón, f. 6. des. 1825 á Steiná, d. 9. ágúst 1853 á Mosfelli í Svínadal, vm. í Tungunesi á Bakásum 1845, ókv. og bl. Sesselja, f. 14. sept. 1827 á Steiná, g. Sigmundi Sigmundssyni b. í Hofsseli á Skagaströnd, átti áður syni með Brynjólfi Oddssyni vm. á Ánastöðum í Svartárdal og Gísla Guðmundssyni vm. á Ásum á Bakásum, einn með hvorum. Karítas, f. 30. sept. 1828 á Steiná, d. 2. mars 1893 í Hvammkoti í Tungusveit, vk. í Litladal í Tungusveit 1850, óg., en átti syni með Sigurði Sigurðssyni vm. í Fremri-Svartárdal í Svartárdal og Sigurði Árnasyni b. í Teigakoti, einn með hvorum. Sigríður, f. 13. des. 1829 á Steiná, d. 9. apríl 1889 í Gautsdal, vk. á Grímsstöðum í Svartárdal 1850, óg., en átti syni með Jóni Þorleifssyni vm. á Hjallalandi í Vatnsdal, Kristjáni Jónssyni b. í Stóradal í Svínavatnshreppi og (Karli) Friðriki Schram b. á Flögu í Vatnsdal, einn með hverjum. Ingibjörg, f. 23. febr. 1831 á Steiná, d. 3. júlí 1831 á sama stað. drengur, f. 8. maí 1834 á Steiná. Fjórða kona, g. 17. okt. 1836, Ingunn Jónsdóttir, f. um 1774 á Marðarnúpi í Vatnsdal, d. 1. jan. 1844 á Brenniborg á Neðribyggð, ekkja Odds Ólafssonar b. í Rugludal. For.: Jón Jónsson b. á Marðarnúpi og f.k.h. Ólöf Guðmundsdóttir. Ingunn bjó ekkja í Steinárgerði 1837-1838, í Eyvindarstaðagerði 1838-1840, á Steiná 1840-1842 og á Brenniborg 1842 til æviloka. Hún var jarðsett á Bergsstöðum að eigin ósk. Barnlaus. Barnmóðir: Steinunn Guðmundsdóttir, f. um 1762, vk. á Hóli. For.: Guðmundur Jónsson b. á Syðri-Leifsstöðum og k.h. Margrét Árnadóttir. Steinunn var búlaus á Hóli 1793-1794. Barn: Jón, f. 1794 á Hóli, b. á Bergsstöðum, kv. Engilráð Sigurðardóttur. Barnsmóðir: Ingibjörg Hrólfsdóttir, f. 9. sept. 1790 á Grófargili á Langholti, d. 25. des. 1859 í Valadal á Skörðum, vk. á Steiná. For.: Hrólfur Þorsteinsson b. á Ípishóli á Langholti og s.k.h. Sigríður Símonsdóttir. Ingibjörg giftist síðar Hannesi Ásmundssyni b. á Hömrum á Fremribyggð. Börn: Helga, f. 1. júní 1815 á Steiná, g. Þorvaldi Kristjánssyni b. í Stapa í Tungusveit. Guðbjörg, f. 4. júní 1817 á Steiná, d. 27. maí 1894 á Skíðastöðum á Neðribyggð, vk. á Hömrum 1850, óg., en átti dóttur með Einari Bjarnasyni fræðimanni og skáldi á Mælifelli á Fremribyggð. Alls átti Jón 23 börn.

Athugasemd: Jón gæti vel verið samnefndur maður (föðurnafn ótilgreint) sem var búlaus á Egilsá 1787-1788.

(Íslenzkar æviskrár I, 340; Borgfirzkar æviskrár IX, 451-452; Skagfirzkar æviskrár 1850-1890 I, 39-41, II, 25-26, 100-102, 112-113, 143-144, 191-193, 262-263 og 277-278, III, 188-189 og 276-277, V, 243-245 og VI, 25-27, 41-43, 231, 292-294 og 309-310; Sjómenn og sauðabændur, 296-301; Húnvetningasaga II, 673-674; Saga frá Skagfirðingum I, 80, 118 og 176, II, 70 og 167, III, 102-103, 123-124 og 173 og IV, 6 og 121; Feðraspor og fjörusprek, 53; Hlynir og hreggviðir, 102-104; Vorþeyr og vébönd, 222-223; Sagnaþættir Gísla Konráðssonar, 164-181; Söguþættir Gísla Konráðssonar, 12-13 og 15-16; Syrpa úr handritum Gísla Konráðssonar I, 274-280; Sagnaþættir Þjóðólfs, 277 og 281-283; Skagfirzk fræði VI, 63 og 67-69; Föðurtún, 122-123; Húnaþing I, 492-495; Húnavaka 1978, 51-59 og 1994, 130-131 og 139; Almanak Ólafs Thorgeirssonar 1911, 43; Brandsstaðaannáll, 127; Annáll nítjándu aldar III, 385-386; Sýsluskj. Hún. XV, 7, 29. sept. 1814 (dánarbú Margrétar Bjarnadóttur á Steiná); Skiptab. Eyj. 7. júní og 21. okt. 1786; Skiptab. Hún. 11. okt. 1814, 20. júní 1835 og 26. maí 1837; Skiptab. Skag. 25. maí og 19. júní 1789 og 3. des. 1860; Ábúendatal í Staðarhreppi – Handrit Jóns Sigurðssonar á Reynistað, 286; Steinárætt – Handrit Péturs Sigurðssonar á Skeggsstöðum; Ættatölub. Bjarna Jóhannessonar, 77 og 717; Ættatölub. Jóns Espólíns, 1507-1508, 1843, 3960-3961 og 3962-3963 og 5552; Ættatölub. Ólafs Snóksdalíns, 584 og 651; Ættatölub. Steingríms Jónssonar, 3994).

Jón Jónsson (1767-1822) Bóndi í Rugludal og Finnstungu.

F. um 1767 í Rugludal, d. 28. maí 1822 í Finnstungu. For.: Jón Jónsson b. í Rugludal og k.h. Helga Jónsdóttir. Bóndi í Rugludal 1798-1803 og í Finnstungu 1803 til æviloka. – Fyrri kona, g. 18. júlí 1797, Guðlaug Erlendsdóttir, f. um 1767, d. 16. mars 1808 í Finnstungu. For.: Erlendur Runólfsson b. í Geldingaholti í Seyluhreppi, síðast ráðsm. í Ytra-Tungukoti, og k.h. Guðlaug Eiríksdóttir. Börn: Erlendur, f. um 1799 í Rugludal, b. á Holtastöðum í Langadal, kv. Unu Guðmundsdóttur. Eiríkur, f. um 1800 í Rugludal, b. í Ytra-Tungukoti, kv. Guðrúnu Jónsdóttur. Halldór, f. um 1802, á lífi 1808. Seinni kona, g. 23. okt. 1811, Helga Jónsdóttir, f. um 1773 á Ípishóli á Langholti, á lífi á Húnsstöðum á Ásum 1835. For.: Jón Bjarnason b. í Vatnshlíð og s.k.h. Sigríður Erlendsdóttir. Helga var vinnukona á Giljum í Vesturdal -1793-1794- og á Hofi í Vesturdal -1800-1801-. Hún bjó ekkja í Finnstungu 1822-1825 og í Meðalheimi á Ásum 1825-1835, en var búsett á Húnsstöðum 1835-1836-. Barnlaus.

(Húnvetningasaga II, 544-546; Feðraspor og fjörusprek, 64-65; Húnavaka 1976, 90-91 og 1977, 79-81; Sýsluskj. Gullbr. og Kjós. XIV, 1.c, 24. júní og 6. júlí 1798 (dánarbú Bjarna Jónssonar í Reykjavík); Skiptab. Hún. 24. júní 1808 og 18. des. 1822; Ættatölub. Jóns Espólíns, 3065; Ættatölub. Ólafs Snóksdalíns, 526 og 574; Ættatölub. Steingríms Jónssonar, 966).

Jón Jónsson (1776-1864) Bóndi í Blöndudalshólum.

F. um 1776 í Ási í Vatnsdal, d. 23. mars 1864 á Torfalæk á Ásum. Faðir hans kann að hafa verið Jón Sigurðsson b. í Ási -1773-1774, á Breiðabólstað í Vatnsdal 1774-1776 og í Kárdalstungu í Vatnsdal 1776-1778. Vinnumaður á Höskuldsstöðum á Skagaströnd -1800-1801-. Bóndi á Höskuldsstöðum 1805-1818 og á Ytra-Hóli á Skagaströnd 1818-1829. Húsmaður á Ytra-Hóli 1829-1830 og í Blöndudalshólum 1830-1831. Bóndi í Blöndudalshólum 1831-1832. Húsmaður í Syðra-Tungukoti 1832-1835, í Tungunesi á Bakásum 1835-1836- og á Syðri-Löngumýri í Blöndudal -1837-1838-. Bóndi í Hafursstaðakoti á Skagaströnd 1839-1842 og á Hafursstöðum á Skagaströnd 1842-1843. Húsmaður í Hafursstaðakoti 1843-1844. Vinnumaður á Kjalarlandi á Skagaströnd 1844-1845, en var í skjóli Sigríðar dóttur sinnar í Sauðanesi á Ásum 1845-1863 og á Torfalæk 1863 til æviloka. Jón var meðhjálpari í Höskuldsstaðakirkju á Skagaströnd þegar hann bjó á Ytra-Hóli. – Fyrri kona: Sigurlaug Jónasdóttir, f. um 1780 í Vesturhópshólum í Vesturhópi, d. 26. mars 1829 á Ytra-Hóli. For.: Jónas Benediktsson pr. á Höskuldsstöðum og m.k.h. Sigríður Sigurðardóttir. Sigurlaug fermdist í Höskuldsstaðasókn 1793. Hún var hjá foreldrum sínum á Höskuldsstöðum 1801. Jón og Sigurlaug voru fátæk. Börn: Helga, f. 1802 á Höskuldsstöðum, g. Niels Stephan Ringsted verslunarstj. í Reykjavík. Sigríður, f. 22. sept. 1806 á Höskuldsstöðum, g. Jóni Sveinssyni b. og hreppstj. í Sauðanesi. Sigurður, f. 1810 á Höskuldsstöðum, b. á Blálandi í Hallárdal, kv. Þorgerði Guðmundsdóttur. Benedikt, f. 1816 eða 1817 á Höskuldsstöðum, b. í Hamrakoti á Ásum, kv. Guðbjörgu Guðmundsdóttur. Finnur, f. 1818 á Ytra-Hóli, d. 29. jan. 1821 á sama stað. Seinni kona, g. 1. nóv. 1830, Ragnhildur Ólafsdóttir, f. 15. mars 1802 á Stóru-Giljá í Þingi, d. 25. maí 1873 á Sæunnarstöðum í Hallárdal. For.: Ólafur Tómasson pr. í Blöndudalshólum og k.h. Helga Sveinsdóttir. Ragnhildur var hjá foreldrum sínum í Blöndudalshólum 1816. Hún var vinnukona á Kjalarlandi 1844-1845, í Sauðanesi 1845-1846, í Stóradal í Svínavatnshreppi 1846-1860, á Ytri-Löngumýri í Blöndudal 1860-1861, í Holti í Svínadal 1861-1862, á Valabjörgum á Skörðum 1862-1865 og á Bjarnastöðum í Blönduhlíð 1865-1867, en í skjóli Solveigar dóttur sinnar á Ytri-Brekkum í Blönduhlíð 1867-1868 og á Fremri-Kotum í Norðurárdal 1868-1869. Hún var á sveitarframfæri á Gunnfríðarstöðum á Bakásum 1869-1870, á Núpi á Laxárdal fremri 1870-1871 og á Húnsstöðum á Ásum 1871-1872, en síðast á Sæunnarstöðum. Barn: Solveig, f. 21. mars 1833 í Syðra-Tungukoti, g. Jóni Björnssyni b. á Fremri-Kotum. Hún var bústýra á Eyvindarstöðum 1855-1856. – Barnsfaðir Ragnhildar: Jón Jónsson, f. 30. jan. 1820 á Ósi í Nesjum, d. 12. febr. 1864 á Kambhóli í Víðidal, b. á Kambhóli. For.: Jón Oddsson b. á Orrastöðum á Ásum og s.k.h. Vilborg Jónsdóttir. Barn: Guðbjörg, f. 29. okt. 1841 í Hafursstaðakoti, d. 6. okt. 1842 á Orrastöðum.

(Íslenzkar æviskrár III, 330, IV, 88 og V, 411; Skagfirzkar æviskrár 1850-1890 II, 149-150; Sýslumannaæfir III, 130-132; Sjómenn og sauðabændur, 261-262; Húnvetningasaga II, 544; Saga Skagstrendinga og Skagamanna, 83; Ritsafn Eiðs Guðmundssonar á Þúfnavöllum II, 14; Ritsafn Stefáns Jónssonar á Höskuldsstöðum IV, 123-127; Sagnablöð hin nýju, 229; Húnvetningur 1995, 101-102; Skiptab. Hún. 2. okt. 1829; Ættatölub. Jóns Espólíns, 4165; Ættatölub. Ólafs Snóksdalíns, 205-206 og 546-547; Ættatölub. Steingríms Jónssonar, 452, 1274, 4795, 5270 og 6039).

Jón Jónsson (1778-1838) Bóndi á Hvammi á Laxárdal og Syðra-Tungukoti.

F. um 1778 á Kagaðarhóli á Ásum, d. 27. okt. 1838 á Stóru-Giljá í Þingi. For.: Jón Jónsson b. á Kagaðarhóli og s.k.h. Guðrún Jónsdóttir. Vinnumaður á Kagaðarhóli -1800-1801-. Bóndi í Hamrakoti á Ásum 1802-1805, í Hvammi á Laxárdal 1805-1810, í Syðra-Tungukoti 1810-1813 og á Þröm í Blöndudal 1813-1817. Húsmaður í Gafli í Svínadal 1817-1818. Bóndi á Marðarnúpi í Vatnsdal 1818-1819 og á Stóra-Búrfelli í Svínavatnshreppi 1819-1821. Vinnumaður á Svínavatni í Svínavatnshreppi 1823-1824, í Litladal í Svínavatnshreppi 1824-1825, á Auðkúlu í Svínadal 1826-1829, á Leysingjastöðum í Þingi 1829-1833 og í Umsvölum í Þingi 1834-1835. – Kona: Sigríður Jónsdóttir, f. um 1760 á Stóru-Mörk, d. 27. ágúst 1839 á Efra-Skúfi í Norðurárdal. For.: Jón Jónsson b. á Stóru-Mörk og k.h. Guðrún Jónsdóttir. Sigríður var hjá foreldrum sínum á Herjólfsstöðum í Laxárdal ytri 1762. Hún var vinnukona á Mosfelli í Svínadal 1821-1822 og í Holti á Ásum 1822-1826, en hjá Benedikt bróður sínum á Efra-Skúfi 1834 til æviloka. Börn: Solveig, f. um 1799 á Kagaðarhóli, g. Kristjáni Brandssyni b. á Hurðarbaki á Ásum. Jóhannes, f. 25. mars 1801 á Kagaðarhóli, b. í Umsvölum, kv. Margréti Hannesdóttur. Guðmundur, f. 16. des. 1802 í Hamrakoti, b. í Meðalheimi á Ásum, kv. Önnu Andrésdóttur. Guðrún. (Ættatölub. Ólafs Snóksdalíns, 337).

(Ættatölub. Jóns Espólíns, 4769 og 5618; Ættatölub. Ólafs Snóksdalíns, 312-313 (innskotsblöð) og 337; Ættatölub. Sighvats Grímssonar Borgfirðings, 2424).

Jón Jónsson (1783-1839) Prestur og Bóndi á Bergsstöðum.

F. í ágúst 1783 á Gilsbakka í Hvítársíðu, d. 30. maí 1839 á Bergsstöðum. For.: Jón Jónsson pr. á Gilsbakka og k.h. Ragnheiður Jónsdóttir, síðar g. Einari Guðbrandssyni pr. á Hjaltabakka á Ásum. Var hjá móður sinni á Brekku í Norðurárdal 1801. Lærði í Reykjavíkurskóla eldra 1799-1804, en varð stúdent úr heimaskóla frá Geir Jónssyni Vídalín biskupi á Lambastöðum á Seltjarnarnesi 1805. Vígðist 30. maí 1813 aðstoðarprestur séra Benedikts Árnasonar í Hjarðarholti í Laxárdal. Bóndi í Hjarðarholti 1813-1819, á Goddastöðum í Laxárdal 1819-1822, á Sleggjulæk í Stafholtstungum 1822-1826 og á Bergsstöðum 1826 til æviloka. Hann var aðstoðarprestur í Hjarðarholtsprestakalli í Dalaprófastsdæmi 1813-1821, en sóknarprestur í Bergsstaðaprestakalli 1825 til æviloka. Séra Jón var meðalmaður á hæð, mjög gildvaxinn um brjóst og herðar, karlmenni að burðum og fjöri og vel fær til glímu, ljósleitur í andliti og fríður sýnum, glaðlyndur og hispurslaus, vel gefinn og hagmæltur. Hann var góður búhöldur og auðsæll. Hann átti Sleggjulæk. – Kona, g. 2. júní 1818, Dýrfinna Jónsdóttir, f. 20. jan. 1795 á Kársstöðum í Helgafellssveit, d. 13. ágúst 1871 í Arnarholti í Stafholtstungum. For.: Jón Jónsson b. á Hornsstöðum í Laxárdal og k.h. Dýrfinna Egilsdóttir. Dýrfinna var hjá foreldrum sínum á Ytri-Hrafnabjörgum í Hörðudal 1801 og fermdist í Miðdalaþingum í Dalasýslu 1808. Hún var þjónustustúlka hjá Jóni í Hjarðarholti -1817-1818. Hún bjó ekkja á Bergsstöðum 1839-1841, en giftist þá Jóni Samsonssyni b. í Keldudal í Hegranesi. Hún bjó ekkja í Keldudal 1859-1860, var í húsmennsku hjá Jónasi stjúpsyni sínum á sama stað 1860-1861, en í skjóli Jónasar sonar síns í Arnarholti 1861 til æviloka. Dýrfinna var álitleg og góð kona og vel að sér. Barn: Jónas, f. 21. des. 1818 í Hjarðarholti, b. í Arnarholti, kv. Björgu Stefánsdóttur, átti einnig dóttur með Guðrúnu Guðmundsdóttur og son með Helgu Þorláksdóttur. Ennfremur eru þau hjón ranglega talin hafa átt dóttur með Dýrfinnunafni. Barnsmóðir: Gróa Jónsdóttir, f. nál. 1775, vk. í Görðum á Álftanesi. For. ókunnir. Barn: Sveinn, f. 13. des. 1805 í Garðaprestakalli í Gullbringusýslu, d. 28. febr. 1806 í Garðasókn í sömu sýslu. – Seinni maður Dýrfinnu, g. 13. maí 1841, Jón Samsonsson, f. 21. sept. 1794 í Stóru-Gröf á Langholti, d. 7. des. 1859 í Keldudal, b. í Stóru-Gröf 1824-1837 og í Keldudal 1837 til æviloka. For.: Samson Samsonsson b. í Geitagerði hjá Reynistað og k.h. Ingibjörg Jónsdóttir. Jón var hjá foreldrum sínum í Stóru-Gröf 1801. Hann var vinnumaður á Flugumýri í Blönduhlíð -1820-1821 og í Brekku hjá Víðimýri 1821-1823, en húsmaður í Brekku 1823-1824. Hann var hreppstjóri í Staðarhreppi í Skagafjarðarsýslu 1830-1837 og í Rípurhreppi í Skagafjarðarsýslu 1853-1859. Einnig var hann alþingismaður Skagfirðinga 1844-1858. Jón var tæplega meðalmaður á hæð, en saman rekinn og karlmenni að burðum og dugnaði, viðræðugóður og skemmtilegur, en fremur hlédrægur og hófsamur í hvívetna, mikill ákafamaður, úrræðagóður og þrautseigur, skáldmæltur og vel að sér til bóknáms. Jón var merkisbóndi og þjóðhagasmiður. Hann var yfirsmiður torfkirkjunnar á Víðimýri í Seyluhreppi sem enn stendur og er talin vera einn stílhreinasti og fegursti minjagripur íslenskrar byggingarlistar sem til er. Einnig var hann yfirsmiður torfkirkjunnar á Silfrastöðum í Blönduhlíð, en viðir hennar voru teknir niður á síðustu öld og hún síðan endurreist í Árbæjarsafni. Fleiri kirkjur á Jón að hafa reist í Skagafirði, auk þess sem hann byggði upp sinn eigin bæ í Keldudal og annan á Reynistað, svo traustlega, að þeir stóðu óhreyfðir fram undir seinna stríð. Hann var helsti hvatamaður þess að Sauðárkrókur var gerður að verslunarstað. Barnlaus. – Fyrri kona Jóns Samsonssonar, g. 29. nóv. 1822, Guðrún Sigurðardóttir, f. 6. ágúst 1795 á Miklabæ í Óslandshlíð, d. 22. okt. 1840 í Keldudal. For.: Sigurður Grímsson vm. á Hólum í Hjaltadal 1801 og barnsm.h. Guðrún Ólafsdóttir vk. á Miklabæ. Hún var með móður sinni á Miklabæ -1802-1803-, en vinnukona á Miklabæ -1821-1822 og í Brekku 1822-1823. Guðrún var talin afbragðskona að greind og dugnaði. Börn: Guðrún, f. 1827 í Stóru-Gröf, g. Magnúsi Jónssyni b. á Óspakseyri í Bitrufirði 1870. Sigurður, f. 7. júní 1829 í Stóru-Gröf, d. 5. nóv. 1907 á Næfranesi í Dýrafirði, trésmiður í Meðaldal í Dýrafirði 1880, en síðast í Haukadal í Dýrafirði, ókv., en átti dóttur með Þuríði Sigmundsdóttur. Jónas, f. 1831 í Stóru-Gröf, b. í Selhaga, kv. fyrr Þorbjörgu Árnadóttur, síðar Björgu Jónsdóttur. Jóhannes, f. 1832 eða 1833, d. 1835 (gr. 22. júní 1835) í Reynistaðarsókn. drengur, f. 1833 í Stóru-Gröf, d. 1833 (gr. 11. nóv. 1833) á sama stað. Hann fæddist andvana. Ennfremur kann sonur þeirra að hafa verið: Jónas Jónsson, f. 1830 eða 1831, d. 1831 (gr. 26. apríl 1831) í Reynistaðarsókn. Alls áttu Jón og Guðrún 6 börn. Barnsmóðir Jóns Samsonssonar: Katrín Gísladóttir, f. 1789 (sk. 16. mars 1789) á Ásum á Bakásum, d. 17. júlí 1849 í Núpsöxl á Laxárdal fremri, vk. í Brennigerði í Borgarsveit og í Áshildarholti í Borgarsveit. For.: Gísli Jónsson b. á Stóra-Búrfelli í Svínavatnshreppi og k.h. Guðrún Guðmundsdóttir. Katrín giftist síðar Kár Þorkelssyni b. í Hólkoti á Reykjaströnd. Börn: Jón, f. 24. júní 1816 í Brennigerði, b. á Miðgrund í Blönduhlíð, kv. Lilju Jónsdóttur, átti einnig börn með Guðrúnu Guðmundsdóttur, Elísabeti Hansdóttur og Sesselju Jónsdóttur, eitt með þeirri fyrstnefndu, tvö með þeirri næstnefndu og eitt með þeirri síðastnefndu. Katrín, f. 18. júlí 1818 í Áshildarholti, g. Tómasi Guðmundssyni b. í Stóruhlíð í Víðidal. Barnsmóðir: Jóns Samsonssonar: Anna Sölvadóttir, f. 2. júlí 1830 á Stóru-Seylu á Langholti, d. 16. sept. 1888 á Gimli í Nýja-Íslandi, vk. í Keldudal. For.: Sölvi Sigurðsson b. á Stóru-Seylu og k.h. Helga Einarsdóttir. Anna var vinnukona á Bakka í Vallhólmi 1880. Barn: Guðrún, f. 21. apríl 1859 í Keldudal, d. 4. júní 1930 á Round Hill í Alberta, g. Hannesi Hannessyni b. og kaupm. á Engimýri í Víðinesbyggð í Nýja-Íslandi.

Athugasemdir: 1) Hægt er að láta sér til hugar koma að Gróa Jónsdóttir kunni að hafa verið dóttir Jóns Erlendssonar b. á Lækjarbakka í Mýrdal 1801 og f.k.h. Ingibjargar Árnadóttur. 2) Guðrún Sigurðardóttir mun af sumum hafa verið talin laundóttir Jóns Þorsteinssonar b. á Miklabæ í Óslandshlíð 1782-1822. 3) Guðrún Jónsdóttir, dóttir Jóns og Guðrúnar, er talin fædd 28. sept. 1827 í Sóknarmannatali Rípursóknar, en sögð fædd 28. apríl 1827 við fermingu í Rípursókn árið 1841. 4) Jónas Jónsson, sonur Jóns og Guðrúnar, er talinn fæddur 12. ágúst 1831 í Sóknarmannatali Rípursóknar, en sagður fæddur 12. apríl 1831 við fermingu í Rípursókn árið 1845.

(Íslenzkar æviskrár III, 184, 197 og 253; Borgfirzkar æviskrár I, 329, VI, 33, 48-49, 64 og 376; Dalamenn I, 386-387, 438 og 443 og II, 30; Skagfirzkar æviskrár 1850-1890 I, 161-162 og 169-170, II, 195-197 og 293-294 og III, 120-121; Skyggir skuld fyrir sjón I, 211; Strandamenn, 153; Vestur-Skaftfellingar I, 334 og II, 213 og 319; Ættarskrá Bjarna Þorsteinssonar, 67-68; Saga Sauðárkróks I, 43-55; Saga frá Skagfirðingum II, 60, 145 og 165, III, 53, 62, 76-77, 107, 110, 124-125, 142 og 177 og IV, 43-44, 56-59 og 115-116; Æfisaga Gísla Konráðssonar, 9-10 og 348; Skagfirzk fræði IX, 9-33; Skagfirðingabók 1984, 76-79; Almanak Ólafs Thorgeirssonar 1931, 152; Heimskringla 26. nóv. 1930; Lögberg 4. sept. 1930; Norðri 1859 (nr. 33 og 34), 136 og 1860 (nr. 1 og 2), 7; Brandsstaðaannáll, 136; Skagfirzkur annáll 1847-1947 I, 13-16; Annáll nítjándu aldar II, 121 og III, 69-70; Dómab. Skag. 2. apríl 1859; Skiptab. Hún. 27. mars 1851; Ábúendatal í Staðarhreppi – Handrit Jóns Sigurðssonar á Reynistað, 211 og 215; Prestaæfir Sighvats Grímssonar Borgfirðings (þáttur Jóns Jónssonar á Bergsstöðum); Ættatölub. Jóns Espólíns, 288, 1638-1639, 2283, 4750-4751, 5124 og 5751-5752; Ættatölub. Ólafs Snóksdalíns, 30, 269, 290, 681, 684 og 827; Ættatölub. Steingríms Jónssonar, 423, 4773-4774 og 4797).

Jón Jónsson (1787-1837) Bóndi á Sneis og Stóru-Mörk.

F. um 1787, d. 6. mars 1837 á Illugastöðum á Laxárdal fremri. For.: Jón Hannesson b. á Æsustöðum og k.h. Ingunn Guðmundsdóttir. Var í fóstri á Eldjárnsstöðum í Blöndudal -1800-1801. Léttapiltur á Ytri-Löngumýri í Blöndudal 1801-1804-. Húsmaður í Köldukinn á Ásum 1819-1820. Bóndi á Kirkjuskarði á Laxárdal fremri 1820-1824, á Holtastöðum í Langadal 1824-1828, á Sneis á Laxárdal fremri 1828-1831, á Stóru-Mörk 1831-1835 og á Illugastöðum 1835 til æviloka. – Kona, g. 18. júní 1819, Þuríður Vormsdóttir, f. 11. nóv. 1788 í Hrauni í Öxnadal, d. 9. júní 1862 á Illugastöðum. For.: Vorm Símonsson Bech b. og hreppstj. á Geitaskarði í Langadal og k.h. Lilja Daníelsdóttir. Þuríður var vinnukona í Höfðakaupstað 1817-1818 og á Hjaltabakka á Ásum 1818-1819. Hún bjó ekkja á Illugastöðum 1837-1845, en var í skjóli Ingibjargar dóttur sinnar á sama stað 1845-1850-, í skjóli Lilju dóttur sinnar í Vík í Staðarhreppi 1853-1858 og á Grófargili á Langholti 1858-1860 og í skjóli Ingibjargar dóttur sinnar á Illugastöðum 1860 til æviloka. Hún var jarðsett á Holtastöðum, væntanlega að eigin ósk. Börn: Ingibjörg, f. 25. júlí 1819 í Köldukinn, g. Finnboga Guðmundssyni b. á Illugastöðum. Vorm Frímann, f. 1. ágúst 1821 á Kirkjuskarði, d. 23. júní 1842 í Reykjavík, vm. á Illugastöðum, ókv. Lilja Kristín, f. 20. ágúst 1823 á Kirkjuskarði, g. Stefáni Einarssyni b. í Vatnshlíð, átti áður son með Guðmundi Þorleifssyni b. í Bólstaðarhlíð. Lárus Jón, f. 17. júlí 1827 á Holtastöðum, d. 28. júlí 1844 á Illugastöðum, vm. á Illugastöðum, ókv. Anna Þuríður, f. 9. júlí 1829 á Sneis, d. 3. ágúst 1829 á sama stað. Þuríður Elísabet, f. 22. okt. 1830 á Sneis, g. Árna Jónssyni b. á Marbæli á Langholti, bjó síðar með Gísla Konráð Eiríkssyni b. á Krithóli á Neðribyggð, átti áður son með Birni Snæbjörnssyni b. í Marðarnúpsseli í Svínadal. Anna, f. 23. des. 1831 á Stóru-Mörk, d. 3. mars 1859 á Grófargili, síðast vk. á Grófargili, óg. Súlíma, f. 4. febr. 1833 á Stóru-Mörk, g. Birni Halldórssyni b. í Eyvindarstaðagerði. Ennfremur kann dóttir þeirra að hafa verið: Elín Jónsdóttir, d. 21. des. 1826 á Holtastöðum, sögð 0 ára.

Athugasemd: Jón er sagður koma að Köldukinn frá Löngumýri 1819 í skrám yfir innkomna í Prestsþjónustubók Hjaltabakkasóknar.

(Skagfirzkar æviskrár 1850-1890 I, 7-8, II, 17-18 og 281-283 og III, 48-49, 72-74 og 282-284; Frá austri til vesturs, 201-202; The Point and Beyond – Arnes and District 1876-1990, 133; Saga Íslendinga í Norður-Dakota, 396-397; Ættarskrá Bjarna Þorsteinssonar, 364; Ritsafn Eiðs Guðmundssonar á Þúfnavöllum II, 45; Hrakfallabálkur, 136-137; Lögberg 1. maí 1889; Sýsluskj. Snæf. II, 2, 1. maí 1819 (bréf Björns Ólsen til Isaaks Jacobs Bonnesen); Skiptab. Hún. 6. júní 1797, 20. maí 1831, 18. maí 1838, 20. júlí 1829, 10. júní 1834, 30. des. 1842 og 1. nóv. 1845; Ættatölub. Jóns Espólíns, 3743, 4209-4210 og 4772; Ættatölub. Ólafs Snóksdalíns, 337, 540-541 og 816; Ættatölub. Steingríms Jónssonar, 5022-5023 og 5145).

Jón Jónsson (1787-1860) Bóndi í Syðra-Tungukoti og Rugludal.

F. 5. sept. 1787 í Köldukinn á Ásum, d. 2. febr. 1860 í Blöndudalshólum. For.: Jón Jónsson b. á Smyrlabergi á Ásum og k.h. Sigríður Jónsdóttir. Léttapiltur á Guðlaugsstöðum í Blöndudal -1800-1804-. Vinnumaður á Guðlaugsstöðum -1816-1817-. Bóndi á Höllustöðum í Blöndudal 1823-1825, á Snæringsstöðum í Svínadal 1825-1827, í Syðra-Tungukoti 1827-1836, í Rugludal 1836-1854 og á Eyvindarstöðum 1854-1856. Húsmaður í Blöndudalshólum 1856 til æviloka. – Kona, g. 29. sept. 1825, Solveig Ketilsdóttir, f. 5. nóv. 1795 í Holti á Ásum, d. 1. ágúst 1855 á Eyvindarstöðum. For.: Ketill Rögnvaldsson b. á Björnólfsstöðum í Langadal og k.h. Þrúður Illugadóttir. Solveig var hjá foreldrum sínum á Björnólfsstöðum 1801. Hún var vinnukona á Skeggsstöðum -1813-1814- og á Guðlaugsstöðum -1816-1817-, en bústýra hjá Jóni á Höllustöðum -1824-1825. Börn: Guðmundur, f. 6. nóv. 1826 á Snæringsstöðum, d. 28. apríl 1879 á Breið í Tungusveit, vm. á Undirfelli í Vatnsdal 1860 og á Eiðsstöðum í Blöndudal 1870, en síðast á Breið, ókv. Jón, f. 31. jan. 1829 í Syðra-Tungukoti, d. 18. maí 1884 á Auðólfsstöðum, vm. á Gili 1860, en þurfam. á Brún 1870 og síðast á Auðólfsstöðum, ókv. Hann tapaði sjón. Arnljótur, f. 13. sept. 1831 í Syðra-Tungukoti, b. á Brún, kv. Solveigu Kristjánsdóttur.

Athugasemd: Í Manntali á Íslandi 1816 er Jón talinn fæddur á Smyrlabergi. Það stangast á við kirkjubækur.

(Húnavaka 1976, 53-54; Ættatölub. Jóns Espólíns, 3502; Ættatölub. Ólafs Snóksdalíns, 361, 403 og 533).

Jón Jónsson (1794-1872) Bóndi á Bergsstöðum.

F. 1794 á Hóli, d. 28. sept. 1872 á Eldjárnsstöðum í Blöndudal. For.: Jón Jónsson b. á Steiná og barnsm.h. Steinunn Guðmundsdóttir vk. á Hóli. Var hjá móðurfólki sínu á Hóli 1801 og 1816. Bóndi á Bergsstöðum 1820-1826 og á Eldjárnsstöðum 1826-1861 og hafði jafnframt bú á Þröm í Blöndudal 1826-1827. Hann var í skjóli Sigurðar sonar síns á Eldjárnsstöðum 1861 til æviloka. Jón var afburðamaður að þreki og dugnaði og vel viti borinn. Hann var framan af ævi leiguliði á Eldjárnsstöðum, en eignaðist býli sitt ásamt hálfu öðru ásauðarkúgildi með kaupsamningi 20. apríl 1846. Hann byggði vel upp jörðina, endurbætti túnið stórum og girti að nokkrum hluta. – Kona, g. 9. okt. 1820, Engilráð Sigurðardóttir, f. um 1796 í Stafni, d. 29. jan. 1880 á Eldjárnsstöðum. For.: Sigurður Jónsson b. í Stafni og s.k.h. Helga Jónsdóttir. Engilráð var hjá foreldrum sínum í Stafni 1801 og fermdist í Reykjasókn í Skagafjarðarsýslu 1809. Hún var hjá móður sinni í Stafni 1816, en í skjóli Sigurðar sonar síns á Eldjárnsstöðum 1861-1872 og í skjóli Ingibjargar ekkju hans á sama stað 1872 til æviloka. Engilráð var skynsöm og dugleg og svo vel verki farin að af bar, hvort sem var við tóskap, vefnað eða fínasta útsaum. Þau hjón bjuggu góðu búi á Eldjárnsstöðum. Börn: Sigurður, f. 23. febr. 1822 á Bergsstöðum, b. á Eldjárnsstöðum, kv. Ingibjörgu Guðmundsdóttur, átti einnig son með Ástríði Þórðardóttur. Helga, f. 26. sept. 1823 á Bergsstöðum, g. fyrr Baldvini Ólafssyni b. á Hrafnabjörgum í Svínadal, síðar Sigurði Sigurðssyni b. í Hvammi á Laxárdal. Guðmundur, f. 17. sept. 1827 á Eldjárnsstöðum, b. í Hvammi í Svartárdal, kv. Guðrúnu Árnadóttur, þau bræðrabörn. Jón, f. 2. apríl 1832 á Eldjárnsstöðum, d. 14. nóv. 1833 á sama stað. Steinunn, f. 3. febr. 1834 á Eldjárnsstöðum, g. Jóni Davíðssyni b. á Þröm, átti áður tvo syni með Jónasi Jónassyni b. í Laufási á Neðribyggð.

(Íslenzkar æviskrár V, 344; Skagfirzkar æviskrár 1850-1890 V, 214-216; Stéttartal bókagerðarmanna I, 255-256; Frændgarður I, 293; Húnvetningasaga II, 359 og III, 729; Hlynir og hreggviðir, 93-95 og 102-104; Æfisaga Gísla Konráðssonar, 5; Föðurtún, 122-123 og 124-125; Húnavaka 1978, 57-59 og 1981, 122; Annáll nítjándu aldar IV, 69-70; Almanak Ólafs Thorgeirssonar 1911, 43; Skiptab. Hún. 2. des. 1843 og 21. des. 1880; Guðmundur í Hvammi – Handrit Kristínar Sigvaldadóttur á Skeggsstöðum; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 466-467 og 3807-3808; Ættatölub. Ólafs Snóksdalíns, 412 og 543; Ættatölub. Steingríms Jónssonar, 5433).

Jón Jónsson (1796-1870) Bóndi í Bergstaðaseli, Syðri-Leifsstöðum og Bergsstöðum.

F. 22. nóv. 1796 á Litlahóli í Viðvíkursveit, d. 28. júlí 1870 á Bergsstöðum. For.: Jón Ólafsson b. á Miklahóli í Viðvíkursveit og k.h. Guðrún Jónsdóttir. Var hjá foreldrum sínum á Litlahóli 1801. Smali á Þverá í Svarfaðardal -1816-1817, á Narfastöðum í Viðvíkursveit 1817-1818, á Hrafnsstöðum í Hjaltadal 1818-1819, á Kálfsstöðum í Hjaltadal 1819-1821, á Hólum í Hjaltadal 1821-1822, í Hofstaðaseli í Hofstaðabyggð 1822-1823, á Starrastöðum á Fremribyggð 1823-1824, á Hofi í Vesturdal 1824-1825, á Hólum í Hjaltadal 1825-1826, á Starrastöðum aftur 1826-1829, á Víðimýri í Seyluhreppi 1829-1830 og á Álfgeirsvöllum á Efribyggð 1830-1831. Vinnumaður á Ytri-Mælifellsá á Efribyggð 1831-1834, í Gilhaga á Fremribyggð 1834-1836 og á Syðri-Mælifellsá á Efribyggð 1837-1838. Húsmaður á Syðri-Mælifellsá 1838-1839 og í Reykjaseli í Mælifellsdal 1839-1842. Vinnumaður í Stafni 1842-1845. Húsmaður í Hamarsgerði á Fremribyggð 1845-1847. Bóndi í Stafnsseli 1847-1859. Vinnumaður á Fossum 1859-1862 og á Bergsstöðum 1862-1863. Bóndi í Bergsstaðaseli 1863-1864 og á Syðri-Leifsstöðum 1864-1870, en síðast á Bergsstöðum. Jón var kallaður smali. – Kona, g. 20. apríl 1845, Sigurbjörg Sigurðardóttir, f. 25. febr. 1819 í Hamarsgerði, d. 24. febr. 1917 í Selkirk í Manitoba. For.: Sigurður Markússon b. í Hamarsgerði og k.h. Björg Jónsdóttir. Sigurbjörg fermdist í Mælifellssókn í Skagafjarðarsýslu 1832. Hún var húskona í Reykjaseli 1839-1840, en bústýra hjá Jóni á sama stað 1840-1842. Vinnukona í Stafni 1842-1845. Bústýra á Fossum 1859-1861. Vinnukona á Fossum 1861-1862 og á Bergsstöðum 1862-1863. Sigurbjörg bjó ekkja á Bergsstöðum 1870-1874, en var húskona í Stafni 1874-1875. Hún var í skjóli Guðbjargar dóttur sinnar í Finnstungu 1875-1877, á Mánaskál á Laxárdal fremri 1877-1887 og í Selkirk 1887 til æviloka. Börn: Björg, f. 23. maí 1845 í Hamarsgerði, d. 3. des. 1845 á sama stað. Guðbjörg, f. 3. des. 1847 í Stafnsseli, g. Guðmundi Guðmundssyni b. í Finnstungu. Sigurður, f. 8. júní 1849 í Stafnsseli, d. 2. okt. 1852 í Merkigarði í Tungusveit. Egill, f. 24. sept. 1851 í Stafnsseli, ráðsm. á Bergsstöðum, ókv. Barnsmóðir: Ásta Bjarnadóttir, f. 13. okt. 1800 á Syðri-Mælifellsá á Efribyggð, d. 4. febr. 1832 í Breiðargerði í Tungusveit, heimasæta í Þorsteinsstaðakoti í Tungusveit. For.: Bjarni Einarsson b. í Þorsteinsstaðakoti og k.h. Ásta Björnsdóttir. Ásta giftist síðar Stefáni Hjálmssyni b. í Breiðargerði. Barn: Oddný, f. 23. júlí 1824 í Þorsteinsstaðakoti, d. 27. okt. 1824 á sama stað. Barnsmóðir: Ragnhildur Finnsdóttir, f. 19. ágúst 1807 á Syðstu-Grund í Blönduhlíð, d. 8. mars 1860 í Kóngsgarði, vk. á Kirkjuhóli hjá Víðimýri og á Fossum. For.: Finnur Finnsson b. á Hafursstöðum á Skagaströnd og k.h. Guðrún Jónsdóttir. Hún var bústýra í Kóngsgarði 1859 til æviloka. Börn: Finnur, f. 15. apríl 1831 á Kirkjuhóli, d. 17. maí 1853 á Bergsstöðum, síðast vm. á Eiríksstöðum, ókv., en átti son með Dagbjörtu Eyjólfsdóttur. Jón, f. 29. júní 1834 á Fossum, vm. í Bjarnastaðahlíð í Vesturdal 1855. Barnsmóðir: Jóhanna Sigfúsdóttir, f. um 1809 í Víkurkoti í Blönduhlíð, d. 8. ágúst 1865 í Villinganesi í Tungusveit, vk. í Gilhaga. For.: Sigfús Þorsteinsson b. í Víkurkoti og k.h. Marín Þorsteinsdóttir. Jóhanna giftist síðar Guðmundi Þorsteinssyni b. í Villinganesi. Barn: Þorsteinn, f. 21. apríl 1836 í Gilhaga, d. 26. nóv. 1836 á sama stað.

(Skagfirzkar æviskrár 1850-1890 II, 95-96, Saga frá Skagfirðingum III, 106 og IV, 37; Sagnaþættir Gísla Konráðssonar, 165; Syrpa úr handritum Gísla Konráðssonar I, 274; Skagfirðingabók 1973, 145 og 1979, 43-55; Almanak Ólafs Thorgeirssonar 1918, 120; Lögberg 15. mars 1917; Skiptab. Hún. 10. des. 1853; Skiptab. Skag. 5. maí 1813; Ættatölub. Jóns Espólíns, 1075, 2103 og 6934-6935; Ættatölub. Ólafs Snóksdalíns, 498 og 536; Ættatölub. Steingríms Jónssonar, 94, 95 og 97).

Jón Jónsson (1799-1850) Vinnumaður á Gunnsteinsstöðum.

F. um 1799 í Glaumbæ í Langadal, d. 29. júní 1850 á Ytri-Kárastöðum á Vatnsnesi. For.: Jón Arngrímsson b. og hreppstj. í Glaumbæ og k.h. Sigríður Einarsdóttir. Var hjá foreldrum sínum í Glaumbæ 1801, en hjá Bjarna móðurbróður sínum á Skeggsstöðum -1813-1814-. Léttadrengur á Sneis á Laxárdal fremri -1816-1817-. Vinnumaður á Gunnsteinsstöðum -1834-1841-. Ráðsmaður í Hólabæ -1845-1846-. Vinnumaður á Ytri-Kárastöðum 1849 til æviloka. Ókvæntur og barnlaus.

Athugasemd: Jón er sagður koma frá Vatnshorni að Ytri-Kárastöðum 1849 í skrám yfir innkoma í Prestsþjónustubók Kirkjuhvammssóknar.

(Saga Skagstrendinga og Skagamanna, 46; Skiptab. Hún. 11. des. 1850; Ættatölub. Ólafs Snóksdalíns, 537).

Jón Jónsson (1802-1848) Bóndi í Strjúgsstaðaseli.

F. 1802 á Auðólfsstöðum, d. 13. júní 1848 á Núpi á Laxárdal fremri. For.: Jón Jónsson vm. á Refsstöðum á Laxárdal fremri og barnsm.h. Ingibjörg Guðmundsdóttir vk. á Auðólfsstöðum. Var á sveitarframfæri á Gunnsteinsstöðum 1816. Sagnir herma að Jón hafi lengi verið í vinnumennsku á Gunnsteinsstöðum á yngri árum. Vinnumaður á Auðólfsstöðum -1831-1832 og í Glaumbæ í Langadal 1832-1833. Bóndi í Strjúgsstaðaseli 1833-1834, á Geitaskarði í Langadal 1834-1835, á Breiðavaði í Langadal 1835-1837 og á Núpi 1837 til æviloka. Jón var hæglátur og góðlyndur, raddmaður og nokkuð hagmæltur, mjög drjúglátur og vissi af sér. Hann var knár og dugmikill og mjög starfssamur, afburða sláttumaður og er talinn hafa slegið eina dagsláttu á dag. – Kona, g. 23. okt. 1832, Kristín Ingimundardóttir, f. 5. júlí 1805 á Skeggsstöðum, d. 4. nóv. 1883 á Ingveldarstöðum á Reykjaströnd. For.: Ingimundur Jónsson b. á Skeggsstöðum og k.h. Kristín Jónsdóttir. Kristín var hjá foreldrum sínum í Glaumbæ 1816 og fermdist í Holtastaðasókn 1819. Hún var vinnukona á Tindum á Ásum 1830-1831. Hún bjó ekkja á Núpi 1848-1850, en giftist þá Gísla Andréssyni b. á Balaskarði á Laxárdal fremri. Kristín var stórlynd og nokkuð skaphörð. Hún var dugnaðarkona og þrekmikill búforkur. Börn: Kristmundur, f. 20. mars 1833 í Glaumbæ, d. 5. nóv. 1833 í Strjúgsstaðaseli. Kristín, f. 3. des. 1834 á Geitaskarði, g. Sveini Gíslasyni b. í Hólakoti á Reykjaströnd, átti áður dóttur með Magnúsi Sigurðssyni vm. á Hafragili í Laxárdal ytri 1855 og barn með manni í Hólaprestakalli í Skagafjarðarsýslu. Jón, f. 31. des. 1835 á Breiðavaði, b. í Miklagarði á Langholti, kv. Guðrúnu Sesselju Steinsdóttur, átti einnig tvær dætur með Ingibjörgu Tómasdóttur, var ennfremur orðaður við faðerni barns Guðlaugar Guðvarðsdóttur. Barnsmóðir: Rósa Brandsdóttir, f. 8. apríl 1801 á Ytra-Skörðugili á Langholti, d. 4. maí 1857 á Þorbrandsstöðum í Langadal, vk. á Auðólfsstöðum. For.: Brandur Brandsson b. á Ytra-Skörðugili og k.h. Bríet Jónsdóttir. Rósa giftist síðar Einari Jónssyni b. á Hóli í Sæmundarhlíð. Hún var bústýra í Vatnahverfi í Refasveit 1826-1827 og á Síðu í Refasveit 1834-1836. Rósa var skynsöm og léttlynd. Barn: Sigríður, f. 28. maí 1831 á Auðólfsstöðum, d. 7. júlí 1833 á sama stað. Barnsmóðir: Ingibjörg Þorsteinsdóttir, f. um 1799 í Holtskoti í Seyluhreppi, d. 21. des. 1837 í Haga í Þingi, vk. í Skrapatungu á Laxárdal fremri. For.: Þorsteinn Ingjaldsson b. og smiður í Stóru-Gröf á Langholti og k.h. Engilráð Sæmundsdóttir. Ingibjörg var í fóstri á Óslandi í Óslandshlíð 1803, en fermdist í Glaumbæjarsókn í Skagafjarðarsýslu 1820. Barn: Indriði, f. 2. ágúst 1831 í Skrapatungu, b. á Ytri-Ey á Skagaströnd, kv. Súsönnu Jóhannsdóttur.

(Skagfirzkar æviskrár 1850-1890 I, 51-52 og 102-103 og VII, 212-213; Skagfirzkar æviskrár 1890-1910 I, 304-305 og II, 163-164; Húnvetningasaga II, 667 og III, 840-842; Saga frá Skagfirðingum II, 49, 61-63 og 163 og III, 76, 85, 93 og 98 og IV, 13-14; Saga Skagstrendinga og Skagamanna, 143-145 og 163-164; Feðraspor og fjörusprek, 136-137 og 154; Hrakhólar og höfuðból, 100, 103-104 og 109; Sagnaþættir Gísla Konráðssonar, 167; Syrpa úr handritum Gísla Konráðssonar I, 275; Ævisaga Sigurðar Ingjaldssonar frá Balaskarði, 11-12; Skiptab. Hún. 10. nóv. 1838, 20. júní 1845 og 30. nóv. 1848; Skiptab. Skag. 1. júlí 1794, 10. nóv. 1838, 1. okt. 1840 og 12. okt. 1842; Ábúendatal í Staðarhreppi – Handrit Jóns Sigurðssonar á Reynistað, 54 og 216; Ættatölub. Jóns Espólíns, 3369-3370, 3913-3914 og 5460; Ættatölub. Ólafs Snóksdalíns, 535).

Jón Jónsson (1829-1873) Ráðsmaður í Hvammi í Svartárdal.

F. 4. ágúst 1829 í Flugumýrarsókn í Skagafjarðarsýslu. For.: Jón Jónsson b. á Bjarnastöðum í Blönduhlíð og k.h. Þuríður Jónsdóttir. Var hjá föður sínum á Bjarnastöðum 1835, en fermdist í Mælifellssókn í Skagafjarðarsýslu 1844. Léttapiltur á Syðri-Mælifellsá á Efribyggð 1843-1846 og á Mælifelli á Fremribyggð 1846-1848. Vinnumaður í Hnausum í Þingi 1848-1849. Ráðsmaður í Hvammi í Svartárdal 1849-1851. Vinnumaður á Bergsstöðum 1851-1852. Járnsmiður á Akureyri 1855-1859. Bóndi á Öngulsstöðum á Staðarbyggð 1859-1861 og stundaði jafnframt iðn sína. Járnsmiður á Akureyri aftur 1861-1874, en er þá sagður fara að Hofstöðum í Hofstaðabyggð. Jón virðist hafa lært járnsmíði af Friðriki Jafetssyni Reinholt járnsmíðameistara á Akureyri. – Kona, g. 24. okt. 1856, Þórunn Kristjánsdóttir, f. 21. mars 1831 á Finnastöðum í Hrafnagilshreppi, d. 28. mars 1873 á Akureyri. For.: Kristján Kristjánsson b. á Dvergsstöðum í Hrafnagilshreppi og k.h. Þórunn Davíðsdóttir. Þórunn var hjá foreldrum sínum í Öxnafellskoti í Saurbæjarhreppi 1840 og fermdist í Möðruvallasókn í Eyjafjarðarsýslu 1845. Hún var vinnukona á Akureyri 1845-1850, en hjá foreldrum sínum á Dvergsstöðum 1850-1852 og hjá móður sinni á sama stað 1852-1856. Börn: Jón Júlíus, f. 19. júlí 1857 á Akureyri, d. 9. sept. 1933 í Winnipeg í Manitoba, verktaki í Selkirk í Manitoba, kv. (Sigrúnu) Jónínu Jónsdóttur. Hann tók seinna skírnarnafn sitt upp sem ættarnafn vestra. Kristján Níels, f. 7. apríl 1859 á Akureyri, d. 25. okt. 1936 í Eyfordbyggð í Norður-Dakota, landbúnaðarverkam. og skáld í Eyfordbyggð, ókv. og bl. Hann tók sér ættarnafnið Júlíus vestra. Kristján gekk undir nafninu K.N. eða Káinn. Eleonóra Valgerður, f. 3. des. 1861 á Akureyri, d. 24. sept. 1938 í Winnipeg, forstöðuk. Elliheimilisins Betel á Gimli í Nýja-Íslandi, óg. og bl. Hún tók sér ættarnafnið Júlíus vestra. Jósef Vilhjálmur, f. 17. okt. 1864 á Akureyri, d. 22. ágúst 1868 á sama stað. Steinunn Sesselja, f. 10. sept. 1866 á Akureyri, d. 19. apríl 1959 í Vancouver í British Columbia, g. (Jóhannesi) Ásgeir Jónatanssyni Líndal í Victoria í British Columbia. Kristinn Bjarni, f. 22. mars 1868 á Akureyri, d. 11. mars 1934 í Winnipeg, verkam. í Winnipeg, kv. Sigurbjörgu Sveinsson. Hann tók sér ættarnafnið Júlíus vestra. Rósa Sigríður, f. 1. okt. 1870 á Akureyri, d. 27. des. 1953 á Helgastöðum í Saurbæjarhreppi, g. Guðmundi Þorvaldssyni vm. í Hvassafelli í Saurbæjarhreppi 1901.

(Íslenzkar æviskrár III, 377; Vestur-íslenzkar æviskrár I, 45-46 og 56-57 og IV, 166-167; Eyfirskar ættir I, 148-149; Saga frá Skagfirðingum II, 145-146, 148 og 183-184 og III, 5-8, 11-12, 15, 17, 40-41, 54-55, 66-67 og 68 og IV, 12 og 41-42; Almanak Ólafs Thorgeirssonar 1934, 79, 1935, 99, 1937, 117 og 1939, 110; Árdís VII, 34-35; Heimskringla 13. sept. 1933; Lögberg 23. ágúst 1923, 14. sept. 1933, 15. mars 1934, 29. okt. og 5. nóv. 1936, 29. sept. 1938 og 12. okt. 1939; Ábúendatal í Inn-Eyjafirði – Handrit Stefáns Aðalsteinssonar í Reykjavík, 2552-2555; Ættatölub. Jóns Espólíns, 4742).

Jón Jörundsson (1755-1811) Bóndi á Eiríksstöðum.

F. 1755 (sk. 19. nóv. 1755) á Kópareykjum í Reykholtsdal, d. 20. mars 1811 á Eyvindarstöðum á Álftanesi. For.: Jörundur Einarsson b. á Kópareykjum og k.h. Jóhanna Bjarnadóttir. Vinnumaður á Úlfsstöðum í Hálsasveit 1774-1778. Búlaus í Bólstaðarhlíð 1785-1786. Bóndi á Eiríksstöðum 1786-1787 og á Kjalarlandi á Skagaströnd 1787-1789. Húsmaður í Keflavík á Suðurnesjum 1789-1790, á Rafnkelsstöðum í Garði 1790-1791 og á Meiðastöðum í Garði 1791-1792. Bóndi á Brekku í Garði 1792-1802. Síðast búsettur í Svínadal í Húnavatnssýslu, en andaðist á Eyvindarstöðum þar sem hann var við sjóróðra. – Kona: Guðrún Jónsdóttir, f. um 1758, á lífi á Brekku 1801. For.: Jón Jónsson b. á Gili og k.h. Guðrún Ólafsdóttir. Börn: Jóhanna, f. 1. júní 1787, var hjá foreldrum sínum á Brekku 1801. Jón, f. 15. júlí 1788, d. 28. s.m. Jón, f. 18. apríl 1790, d. 24. s.m. Ragnheiður, f. 1. mars 1792, d. 3. sept. s.á. Einar, f. 9. jan. 1794, d. 24. júlí s.á. Jón, f. 24. maí 1795, d. 27. jan. 1796. Steingrímur, f. 22. sept. 1796, d. 13. febr. 1832, ómagi á Stafnesi á Miðnesi 1816, en síðast á Fitjum á Miðnesi. Ingibjörg, f. 5. nóv. 1798, d. 3. febr. 1799. Þorkell, f. 6. nóv. 1799, d. 20. febr. 1801. Ingibjörg, f. 25. mars 1801, d. 13. maí 1822, ómagi á Stafnesi á Miðnesi 1816, en síðast á Litlahólmi í Leiru.

(Borgfirzkar æviskrár VI, 443-444; Syrpa úr handritum Gísla Konráðssonar I, 186; Ættatölub. Jóns Espólíns, 2760 og 3108; Ættatölub. Ólafs Snóksdalíns, 120; Ættatölub. Steingríms Jónssonar, 1649).

Jón Ketilsson (1750-1817) Bóndi á Hvammi á Laxárdal og Syðri-Mjóadal.

F. um 1750, d. 1816 eða 1817. For.: Ketill Einarsson b. í Auðólfsstaðakoti og barnsm.h. Þórdís (föðurnafn ótilgreint). Var í Holtastaðasókn 1755, en hjá föður sínum á Stóru-Mörk 1762. Bóndi á Þorbrandsstöðum í Langadal 1774-1780, í Hvammi á Laxárdal fremri 1780-1794, á Reykjum á Reykjabraut 1794-1798, í Syðri-Mjóadal 1798-1811 og á Kirkjuskarði á Laxárdal fremri 1811 til æviloka. – Fyrri kona, ls. 1774 / g. 1774 eða 1775, Valgerður Pétursdóttir, f. um 1735, á lífi í Syðri-Mjóadal 1801. For. ókunnir. Jón og Valgerður áttu saman barn í lausaleik í Blöndudalshólaprestakalli 1774, og var það annað frillulífisbrot hans, en hennar fyrsta. Ókunnugt um börn. Seinni kona: Guðrún Sveinsdóttir, f. um 1770 í Grímstungu í Vatnsdal, d. 9. júní 1838 á Stóru-Giljá í Þingi. For.: Sveinn Símonsson b. á Guðrúnarstöðum í Vatnsdal og k.h. Guðrún Jónsdóttir. Guðrún var vinnukona í Grímstungu -1798-1799 og í Þverárdal 1799-1801-. Hún bjó ekkja á Kirkjuskarði 1816-1817, en giftist þá Erlendi Jónssyni b. á Kirkjuskarði. Börn: Valgerður, f. 5. jan. 1810 í Syðri-Mjóadal, d. 31. jan. 1837 á Stóru-Giljá í Þingi, vk. í Haga í Þingi 1835, óg. Kristján, f. 12. sept. 1811 á Kirkjuskarði, d. 2. júní 1865 í Hvammi í Vatnsdal, vm. í Hvammi 1835, ókv. Barnsmóðir: Þóra Bjarnadóttir, f. nál. 1740, á lífi í Engihlíðarhreppi 1777, vk. í Tjarnarprestakalli í Eyjafjarðarsýslu. For. ókunnir. Barn: Halldóra, f. um 1770 í Tjarnarprestakalli, g. Sigurði Jónssyni b. í Haga. Barnsmóðir: Kristín Jónsdóttir, f. um 1763, á lífi á Skinnastöðum á Ásum 1801, vk. í Brekku í Þingi. For.: Jón Helgason b. á Sigríðarstöðum í Vesturhópi og k.h. Margrét Sveinsdóttir. Barn: Jóhanna, f. 7. nóv. 1798 í Brekku, d. 17. apríl 1869 á Egilsstöðum á Vatnsnesi, bústýra á Egilsstöðum 1855, óg., en átti dætur með Guðmundi Ólafssyni b. á Auðunarstöðum í Víðidal og Finnboga Guðmundssyni b. á Illugastöðum á Laxárdal fremri, eina með hvorum, og son og dóttur með Jóhannesi Þorleifssyni b. á Stóru-Mörk. – Barnsfaðir Guðrúnar: Jón Jónsson, f. um 1775, vm. á Kornsá í Vatnsdal. For. ókunnir. Barn: Kristján, f. 1799 (sk. 14. apríl 1799) í Grímstungu, d. 8. mars 1804 á Kornsá, var í fóstri á Kornsá 1801.

(Biskupsskjalasafn B VII; Dómab. Hún. 12. apríl 1777; Skiptab. Hún. 11. des. 1837, 15. des. 1838 og 21. apríl 1845; Ættatölub. Jóns Espólíns, 3677; Ættatölub. Ólafs Snóksdalíns, 315 og 810; Ættatölub. Steingríms Jónssonar, 5100-5101).

Jón Magnússon (1628-1703) Bóndi í Mjóadal.

F. um 1628, á lífi á Æsustöðum 1703. For. ókunnir. Bóndi í Mjóadal nál. 1670. Húsmaður hjá Jóni syni sínum á Æsustöðum -1702-1703-. – Kona: Jórunn Jónsdóttir, f. nál. 1630. For. ókunnir. Barn: Jón, f. um 1660, b. á Æsustöðum, kv. fyrr Sigríði Halldórsdóttur, síðar Helgu Einarsdóttur.

(Vorþeyr og vébönd, 162; Ættatölub. Jóns Espólíns, 3320-3322; Ættatölub. Ólafs Snóksdalíns, 213).

Jón Magnússon (1630-?) Íbúi í Bólstaðarhlíðarhreppi.

F. nál. 1630. Óvíst er um foreldra hans, en hann var bróðir Vigfúsar Magnússonar b. í Seyluþingsókn í Skagafjarðarsýslu. Mun hafa verið búandi í Bólstaðarhlíðarhreppi. – Kona: Sesselja Jónsdóttir, f. nál. 1630. Óvíst er um foreldra hennar, en hún var systir Eiríks Jónssonar b. í Bólstaðarhlíðarhreppi og Runólfs Jónssonar b. í Bólstaðarhlíðarhreppi. Börn: Halldóra, móðir Guðnýjar Jónsdóttur k. Jóns Símonssonar b. á Brandsstöðum. Jórunn, móðir Guðrúnar Jónsdóttur og Jóns Jónssonar, sem bæði kölluðu til sveitar í Svínavatnshreppi.

Athugasemd: Halldóra Jónsdóttir, dóttir Jóns og Sesselju, gæti verið samnefnd kona, sem var í húsmennsku í Finnstungu 1703, aldur ótilgreindur.

(Dómab. Hún. 1. maí 1760, 14. maí 1761 og 27. apríl 1770; Dómab. Skag. 26. apríl 1678).

Jón Magnússon (1719-?) Íbúi í Bólstaðarhlíðarhreppi.

Hét búandi í Bólstaðarhlíðarhreppi -1719-1721, en fór þá búferlum úr Húnavatnssýslu.

Má vera að hér sé kominn:

Jón Magnússon (1690-1758?) Íbúi í Bólstaðarhlíðarhreppi.

F. 1690, á lífi á Stóra-Núpi í Gnúpverjahreppi 1758. For.: Magnús Sigurðsson b. í Bræðratungu í Biskupstungum og s.k.h. Þórdís Jónsdóttir. Bóndi í Bræðratungu -1722-1735- og á Stóra-Núpi -1746-1758-. Jón er sagður hafa orðið geðveikur á efri árum. Hann varð lögréttumaður úr Árnesþingi 1724. – Fyrsta kona: Sigríður Guðmundsdóttir, f. um 1696. For.: Guðmundur Steingrímsson b. á Auðólfsstöðum og k.h. Guðrún Grettisdóttir. Börn: Guðmundur, f. 1718, pr. á Krossi í Austur-Landeyjum, kv. fyrr Þórhildi Jónsdóttur, síðar Guðrúnu Halldórsdóttur. Sigríður, f. um 1720, g. fyrr Vigfúsi Sigurðssyni pr. í Nesi í Aðaldal, síðar Eiríki Guðmundssyni pr. á Stað í Hrútafirði. Þórður, f. 13. ágúst 1722, pr. á Hálsi í Hamarsfirði, kv. Ingibjörgu Eiríksdóttur, átti einnig barn með Arnbjörgu Einarsdóttur. Önnur kona: Bergljót Guðmundsdóttir, f. 1694. For.: Guðmundur Jónsson b. á Eyvindarmúla í Fljótshlíð og k.h. Guðríður Magnúsdóttir. Börn: Sigurður, f. 1723, b. á Stóra-Núpi 1762, en síðar í Vestra-Geldingaholti í Gnúpverjahreppi, kv. Vilborgu Jónsdóttur. Sigríður, f. 1724, g. Einari Hafliðasyni b. og lögréttum. í Þrándarholti í Gnúpverjahreppi. Guðmundur, f. 1728, b. í Hlíðargerði í Gnúpverjahreppi, kv. Ingibjörgu Jónsdóttur. Guðrún, f. nál. 1735, g. Þorleifi Nikulássyni b. og alþingisskrifara í Tungufelli í Hrunamannahreppi. Þriðja kona: Guðrún Skúladóttir, f. nál. 1680. Faðir: Skúli Ólafsson b. á Hvoli í Mýrdal. Þau voru barnlaus. Fjórða kona, g. 1751, Guðlaug Ólafsdóttir, f. um 1716, á lífi í Haugakoti í Sandvíkurhreppi 1783, ekkja Jóns Sigvaldasonar b. í Háholti í Gnúpverjahreppi. Faðir: Ólafur Þorsteinsson b. í Smjördölum í Sandvíkurhreppi. Hún bjó ekkja í Háholti 1747-1750- og í Haugakoti -1762-1783-. Barn: Þorbjörg, f. um 1754, var hjá móður sinni í Haugakoti 1783. Barnsmóðir: Guðrún Jónsdóttir, f. nál. 1685, vk. á Suðurlandi. For. ókunnir. Barn: Jón, f. um 1713, b. á Hrafnkelsstöðum í Hrunamannahreppi, kv. Sigríði Ingimundardóttur. Barnsmóðir ókunn. Barn: Jón, f. um 1741, skósmiður í Hafnarfirði og í Noregi, kvæntist þrisvar, síðast Herdísi Sæmundsdóttur. Hann tók sér ættarnafnið Núp. – Fyrri maður Guðlaugar: Jón Sigvaldason, f. um 1707, d. 1747, b. í Háholti -1746-1747. For.: Sigvaldi Jónsson b. í Háholti og k.h. Þorbjörg Jónsdóttir. Börn: Sigvaldi, f. um 1740, b. í Litlu-Sandvík í Sandvíkurhreppi, kv. Guðrúnu Grímsdóttur. Guðrún, f. um 1742, var hjá móður sinni í Haugakoti 1772. Þorbjörg, f. um 1744, var hjá móður sinni í Haugakoti 1783. Jón, f. 1747 (sk. 20. júlí 1747).

(Íslenzkar æviskrár I, 406, II, 162-163, III, 453 og V, 59-60, 104-105 og 183-184; Borgfirzkar æviskrár XII, 280; Holtamannabók II, 11; Landeyingabók, 188; Vestur-Skaftfellingar IV, 254-255; Lögréttumannatal, 107 og 314-315; Fortíð og fyrirburðir, 35-36; Saga I, 209; Dómab. Hún. 27. maí 1720 og 19. apríl 1721; Ættatölub. Jóns Espólíns, 156-167, 2718, 4278 og 6153; Ættatölub. Jóns Magnússonar, 192 og 497; Ættatölub. Ólafs Snóksdalíns, 49-50, 164, 385 og 537; Ættatölub. Steingríms Jónssonar, 3b, 22, 75-76, 230-233 og 1407).

Jón Magnússon (1734-?) Ábúandi á Eyvindarstöðum.

hét búandi á Eyvindarstöðum -1734-1735-.

Jón Markússon (1785-1849) Bóndi á Hvammi á Laxárdal og Sneis.

F. 8. júlí 1785 á Skipalóni í Hörgárdal, d. 7. apríl 1849 á Sneis á Laxárdal fremri. For.: Markús Markússon b. og umboðsmaður í Forsæludal í Vatnsdal og k.h. Guðrún Jónsdóttir. Fermdur í Grímstungusókn 1799. Var hjá móður sinni í Forsæludal 1801. Fyrirvinna hjá móður sinni á Guðrúnarstöðum í Vatnsdal -1807-1808 og Rútsstöðum í Svínadal 1808-1813. Bóndi á Rútsstöðum 1813-1814. Fyrirvinna hjá móður sinni á Rútsstöðum 1814-1817. Bóndi á Rútsstöðum 1817-1826, í Hvammi á Laxárdal 1826-1828, í Tungu í Gönguskörðum 1828-1846 og á Sneis 1846 til æviloka. – Kona, g. 10. okt. 1820, Guðný Guðmundsdóttir, f. um 1790 á Eiðsstöðum í Blöndudal, d. 18. jan. 1860 á Fremstagili í Langadal. For.: Guðmundur Einarsson b. á Gunnfríðarstöðum á Bakásum og k.h. Ósk Jónsdóttir. Guðný var í fóstri á Ögmundarstöðum í Staðarhreppi 1800-1801, en á sveitarframfæri í Sólheimum í Svínavatnshreppi 1801-1802 og fermdist í Svínavatnssókn 1803. Hún var léttastúlka í Holti í Svínadal 1803-1804-, en vinnukona á Hrafnabjörgum í Svínadal -1812-1813- og á Rútsstöðum -1816-1817-. Hún var húskona á Vesturá á Laxárdal fremri 1849-1850-, barnfóstra á Gunnsteinsstöðum -1855-1856-, en síðast í skjóli Bjarna sonar síns á Fremstagili. Í þurfalingaskrá Svínavatnshrepps 1803 er Guðný sögð frábær til munns og handa og við húsvitjun í Auðkúluprestakalli 1803 er hún sögð fínlega lesandi og skörp. Börn: Ingibjörg, f. 1. sept. 1821 á Rútsstöðum, d. 4. des. 1822 á sama stað. Jón, f. 8. maí 1823 á Rútsstöðum, d. 11. maí 1824 á sama stað. Anna, f. 1. júlí 1824 á Rútsstöðum, d. 23. mars 1828 í Hvammi. Bjarni, f. 18. sept. 1826 í Hvammi, b. í Mýrarkoti á Laxárdal fremri, kv. Halldóru Jónsdóttur. Anna, f. 10. nóv. 1828 í Fagranessókn í Skagafjarðarsýslu, vk. á Miklabæ í Blönduhlíð 1880, óg. Jón, f. 31. okt. 1831 í Fagranessókn, b. í Borgargerði í Norðurárdal, kv. Guðrúnu Sölvadóttur. Barnsmóðir ókunn. Barn: Ingibjörg, f. 1815 eða 1816 á Rútsstöðum, d. 18. nóv. 1820 á sama stað. Barnsmóðir: Helga Halldórsdóttir, f. 16. apríl 1792 á Másstöðum í Vatnsdal, d. 1. mars 1877 á Grænhóli á Barðaströnd, vk. á Rútsstöðum. For.: Halldór Halldórsson b. í Miðhúsum í Vatnsdal og k.h. Sigríður Magnúsdóttir. Helga var húskona á Grímsstöðum í Breiðuvík 1845. Barn: Helga, f. 3. júní 1819 á Rútsstöðum, d. 10. júlí 1885 á Veðramóti í Gönguskörðum, húsm. í Selhólum í Gönguskörðum, óg., en átti dætur með Skúla Bergþórssyni b. og skáldi á Meyjarlandi á Reykjaströnd og Hálfdani Níelssyni b. í Þórðarseli í Gönguskörðum, eina með hvorum. Hún var bústýra á Hofi á Skagaströnd 1868-1869. Barnsmóðir: Helga Jóhannesdóttir, f. um 1810 á Kimbastöðum í Borgarsveit, d. 25. júní 1870 á Skíðastöðum á Neðribyggð, vk. í Tungu 1835. For.: Jóhannes Sigurðsson vm. í Fagranessókn í Skagafjarðarsýslu og k.h. Kristín Sveinsdóttir. Helga giftist síðar Magnúsi Gunnlaugssyni b. á Gilsbakka í Austurdal, en áður í Bergsstaðaseli. Barn: Guðný, f. 23. apríl 1835 í Tungu, d. 29. maí 1838 á sama stað. – Barnsfaðir Guðnýjar: Jón Guðmundsson, f. 15. maí 1790 í Saurbæ í Vatnsdal, d. 21. maí 1857 í Hrappseyjarbúð á Hellissandi, b. og skáld á Neðri-Torfustöðum í Miðfirði. For.: Guðmundur Jónsson b. á Vatnsenda í Vesturhópi og f.k.h. Sesselja Sveinsdóttir. Barn: Guðrún, f. 6. okt. 1812 á Hrafnabjörgum, vk. á Veðramóti í Gönguskörðum 1845, óg.

(Íslenzkar æviskrár III, 134 og IV, 289; Dalamenn I, 140; Skagfirzkar æviskrár 1850-1890 II, 222-224 og V, 130-131 og 183-185; Húnvetningasaga II, 406; Brandsstaðaannáll, 38; Skiptab. Skag. 30. des. 1847; Ættatölub. Bjarna Jóhannessonar, 683 og 862; Ættatölub. Jóns Espólíns, 2798, 2799, 3064, 5244 og 6719; Ættatölub. Ólafs Snóksdalíns, 68-69 og 490; Ættatölub. Steingríms Jónssonar, 4692, 4693 og 5008-5009).

Jón Oddason (1741-1784) Bóndi á Ytri-Leifsstöðum og Eiríksstöðum .

F. um 1741, d. 1784 á Eiríksstöðum. For.: Oddi Þorbergsson b. í Akrahreppi í Skagafjarðarsýslu og k.h. Guðrún Tómasdóttir. Vinnumaður á Ytri-Leifsstöðum -1762-1763-. Búlaus í Svínavatnshreppi 1764-1767 og í Stóradal í Svínavatnshreppi 1768-1769. Bóndi á Ytri-Leifsstöðum -1773-1777, á Syðri-Leifsstöðum 1777-1781 og á Eiríksstöðum 1781 til æviloka. – Kona: Helga Guðmundsdóttir, f. um 1745, d. 10. sept. 1815 í Litluhlíð í Vesturdal. For.: Guðmundur Bjarnason b. á Hóli og k.h. Helga Jónsdóttir. Helga bjó ekkja á Eiríksstöðum 1784-1785 og í Auðólfsstaðakoti 1785-1786, en giftist þá Bergþóri Jónssyni b. á Þorsteinsstöðum í Tungusveit. Hún var í skjóli Guðmundar sonar síns á Ábæ í Austurdal -1800-1801 og í Litluhlíð 1801 til æviloka. Við húsvitjun í Goðdalaprestakalli 1787 er Helga sögð ráðvönd og mikið vel vinnandi. Barn: Guðmundur, f. um 1771 á Leifsstöðum, b. og hreppstj. í Litluhlíð, kv. Arnbjörgu Eiríksdóttur. Barnsmóðir: Málfríður Einarsdóttir, f. um 1741, vk. í Kálfárdal. For.: Einar Jónsson b. í Ytra-Tungukoti og k.h. Guðrún Sæmundsdóttir. Málfríður var vinnukona á Æsustöðum -1762-1763-. Barn: Málfríður, f. 26. jan. 1779 í Kálfárdal, vk. á Ábæ 1801, óg. – Seinni maður Helgu, g. 28. sept. 1786, Bergþór Jónsson, f. um 1746 á Torfustöðum, d. 23. maí 1820 í Litluhlíð, b. á Þorsteinsstöðum 1779-1787 og á Ánastöðum í Svartárdal 1787-1797. For.: Jón Jónsson b. á Barkarstöðum og k.h. Þórunn Jónsdóttir. Bergþór var hjá foreldrum sínum á Barkarstöðum 1762. Hann var í skjóli Guðmundar stjúpsonar síns á Ábæ -1800-1801 og í Litluhlíð 1801 til æviloka. Við húsvitjun í Goðdalaprestakalli 1787 er Bergþór sagður frómur og vel vinnandi. Barnlaus. – Fyrri kona Bergþórs, g. 4. nóv. 1779, Guðrún Gunnlaugsdóttir, f. um 1744, d. 18. mars 1785 á Þorsteinsstöðum, ekkja Stefáns Hjálmssonar b. á Þorsteinsstöðum. For.: Gunnlaugur Jónsson b. í Bakkakoti í Vesturdal og k.h. Guðrún Sigurðardóttir. Guðrún bjó ekkja á Þorsteinsstöðum 1778-1779. Barnlaus. – Fyrri maður Guðrúnar: Stefán Hjálmsson, f. um 1736, d. 1778 (gr. 28. júní 1778) á Þorsteinsstöðum, b. á Uppsölum í Blönduhlíð -1768-1770 og á Þorsteinsstöðum 1770 til æviloka. For.: Hjálmur Stefánsson b. á Keldulandi á Kjálka og s.k.h. Ástríður Guðmundsdóttir. Börn: Hjálmur, f. um 1767 í Bakkakoti, b. á Hömrum á Fremribyggð, kv. Guðrúnu Rafnsdóttur. Ástríður, f. 1769 (sk. 18. mars 1769) á Uppsölum, g. Steini Ormssyni b. á Þorljótsstöðum í Vesturdal. Bergljót, f. 1769 (sk. 18. mars 1769) á Uppsölum, d. 1769 (gr. 29. sept. 1769) á sama stað. Gríma, f. í jan. 1771 á Þorsteinsstöðum, d. í jan. 1771 á sama stað. Stefán, f. í jan. 1771 á Þorsteinsstöðum, d. í jan. 1771 á sama stað. Gríma, f. 1772 (sk. 9. nóv. 1772) á Þorsteinsstöðum, d. 1772 (gr. 16. nóv. 1772) á sama stað. Ingibjörg, f. 1775 (sk. 4. júlí 1775) á Þorsteinsstöðum, d. 30. maí 1841 á Ánastöðum í Svartárdal, vk. í Bakkakoti 1801, en í Sölvanesi á Fremribyggð 1816, óg., en átti son og dóttur með Einari Sigurðssyni b. á Syðstahóli í Sléttuhlíð og dóttur með Oddi Guðmundssyni b. á Giljum í Vesturdal.

Athugasemdir: 1) Í Manntali á Íslandi 1816 er Bergþór Jónsson talinn fæddur á Torfustöðum og virðist það ótrúverðugt, því foreldrar hans voru búandi á Barkarstöðum um það leyti sem hann fæddist. 2) Þau tvíburasystkin, Gríma og Stefán, börn Stefáns og Guðrúnar, eru sögð skírð 15. jan. 1771, en greftruð 10. jan. 1771 í Prestsþjónustubók Mælifellsprestakalls.

(Skagfirzkar æviskrár 1850-1890 II, 230-233; Saga frá Skagfirðingum II, 14, 58-59 og 158; Hlynir og hreggviðir, 85; Syrpa úr handritum Gísla Konráðssonar I, 186; Huld I, 83; Dómab. Hún. 27. apríl 1770; Dómab. Skag. 20. maí 1750 og 5. maí 1751; Skiptab. Hún. 7. nóv. 1784; Skiptab. Skag. 25. apríl 1797; Ættatölub. Jóns Espólíns, 1629-1630, 2101 og 3965; Ættatölub. Ólafs Snóksdalíns, 536, 683 og 686; Ættatölub. Steingríms Jónssonar, 96, 111, 119 og 4834-4835).

Jón Oddsson (1648-?) Íbúi í Bólstaðarhlíðarhrepp.

hét búandi í Bólstaðarhlíðarhreppi -1648-1649-. Hann hyllti konung í Bólstaðarhlíð 24. maí 1649.

(Hyllingarskjöl 1649, 48).

Jón Oddsson (1719-?)

hét búandi í Bólstaðarhlíðarhreppi -1719-1721-.

Athugasemd: Trúlega er hér um að ræða Jón Oddsson bónda á Brún -1733-1734 og á Torfustöðum 1734-1746-.

(Dómab. Hún. 27. maí 1720 og 19. apríl 1721).

Jón Oddsson (1733-?) Ábúandi á Brún og Torfustöðum

hét búandi á Brún -1733-1734 og á Torfustöðum 1734-1746-. Hann var orðinn bóndi í Bólstaðarhlíðarhreppi 1730.

Athugasemdir: 1) Jón gæti vel verið samnefndur maður sem var bóndi í Bólstaðarhlíðarhreppi -1719-1721-. 2) Kona Jóns gæti vel hafa verið Guðrún Bjarnadóttir, sem bjó á Torfustöðum -1751-1752, þá væntanlega ekkja.

Jón Ólafsson (1682-1740) Bóndi á Syðri-Leifsstöðum.

F. um 1682, d. 1739 eða 1740. Óvíst er um foreldra hans, en hann gæti hafa verið bróðir Kristínar Ólafsdóttur ómaga í Bólstaðarhlíðarhreppi 1703. Var á sveitarframfæri í Bólstaðarhlíðarhreppi -1702-1703-. Bóndi á Syðri-Leifsstöðum -1734 til æviloka. – Kona, ls. 1709 eða 1710, Elín Gísladóttir, f. um 1684, á lífi á Syðri-Leifsstöðum 1746. For. ókunnir. Elín var búsett á Steiná -1702-1703-. Hún bjó ekkja á Syðri-Leifsstöðum 1739-1746-. Jón og Elín áttu saman tvö börn í lausaleik, hið eldra í Bólstaðarhlíðarsókn 1709 eða 1710, hið yngra í Húnavatnssýslu 1715 eða 1716. Ókunnugt um börn.

Jón Ólafsson (1788-1863) Bóndi í Kálfárdal.

F. 9. mars 1788 í Valadal á Skörðum, d. 19. jan. 1863 á Syðri-Leifsstöðum. For.: Ólafur Andrésson b. á Botnastöðum og m.k.h. Björg Jónsdóttir. Fermdur í Glaumbæjarprestakalli í Skagafjarðarsýslu 1800. Var hjá foreldrum sínum í Valadal 1802. Bóndi í Kolgröf á Efribyggð 1814-1832 og í Kálfárdal 1832-1854, en var í skjóli Árna sonar síns í Kóngsgarði 1854-1859 og á Syðri-Leifsstöðum 1859 til æviloka. Jón var harðmannlegur og gildur fyrir sér og besti fjármaður. Hann var orðlagður fyrir meinlausar smálygasögur. – Kona, g. 31. maí 1814, Oddný Árnadóttir, f. 14. júní 1793 á Fjalli í Sæmundarhlíð, d. 7. júní 1862 á Bollastöðum. For.: Árni Helgason b. á Fjalli og k.h. Margrét Björnsdóttir. Oddný var hjá foreldrum sínum á Fjalli 1801 og fermdist í Glaumbæjarprestakalli 1807. Hún var í skjóli Árna sonar síns í Kóngsgarði 1854-1859 og á Syðri-Leifsstöðum 1859-1860, en húskona á Bollastöðum 1860 til æviloka. Börn: Björg, f. um 1813 á Fjalli, g. Sæmundi Jónssyni b. á Syðra-Skörðugili á Langholti. Ólafur, f. 27. júlí 1815 í Kolgröf, d. 23. jan. 1877 í Bólstaðarhlíð, vm. í Valadal 1855, ókv. og bl. Konráð, f. 25. sept. 1816 í Kolgröf, b. í Hátúni á Langholti, kv. Guðrúnu Sveinbjörnsdóttur. Margrét, f. 27. ágúst 1817 í Kolgröf, d. 25. jan. 1821 á sama stað. Helgi, f. 26. sept. 1818 í Kolgröf, b. í Kálfárdal, kv. Ingiríði Þorkelsdóttur, þau systrabörn. Sigþrúður, f. 28. ágúst 1819 í Kolgröf, d. 3. jan. 1827 á sama stað. Margrét, f. 24. maí 1821 í Kolgröf, g. fyrr Árna Þorkelssyni b. í Þórðarseli í Gönguskörðum, þau systrabörn, síðar Sigurði Símonarsyni b. á Steini á Reykjaströnd. Árni, f. 13. júlí 1822 í Kolgröf, b. á Syðri-Leifsstöðum, kv. Sigurlaugu Guðmundsdóttur, þau systkinabörn, átti áður son með Aðalbjörgu Gísladóttur. Jón, f. 29. júlí 1823 í Kolgröf, d. 16. sept. 1823 á sama stað. Hólmfríður, f. 8. sept. 1824 í Kolgröf, d. 20. des. 1824 á sama stað. Andrés, f. 27. okt. 1825 í Kolgröf, b. á Syðri-Leifsstöðum, kv. Valgerði Jónsdóttur. Björn, f. 24. júlí 1827 í Kolgröf, d. 29. sept. 1827 á sama stað. Björn, f. 28. okt. 1828 í Kolgröf, b. í Skarði í Gönguskörðum, kv. Sigríði Símonsdóttur. Sigþrúður, f. 29. okt. 1829 í Kolgröf, g. Eyjólfi Jónassyni b. í Kálfárdal. Hannes, f. 5. febr. 1831 í Kolgröf, d. 8. okt. 1831 á sama stað. Pétur, f. 4. apríl 1832 í Kolgröf, b. í Saurbæ á Neðribyggð, kv. Elísabeti Hallsdóttur. Margrét, f. 12. júní 1834 í Kálfárdal, g. Jóni Sigurðssyni b. í Kóngsgarði.

(Skagfirzkar æviskrár 1850-1890 I, 230-231 og 259-260, II, 3-4, 120-121, 186-187 og 212-213, III, 91-95 og V, 37-39; Skagfirzkar æviskrár 1890-1910 II, 201-202 og III, 239; Húnvetningasaga III, 716-717 og 868; Saga frá Skagfirðingum II, 41, 114, 162 og 175, III, 14 og IV, 13-14, 20 og 123; Svipir og sagnir, 100; Æfisaga Gísla Konráðssonar, 168-170; Húnavaka 1988, 119-122; Skiptab. Skag. 7. júní 1847, 7. júní 1859 og 26. apríl og 26. júní 1860 og 17. ágúst 1877; Ábúendatal í Staðarhreppi – Handrit Jóns Sigurðssonar á Reynistað, 34, 145, 183 og 306; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3930-3932, 4761 og 5494; Ættatölub. Ólafs Snóksdalíns, 312-313 (innskotsblöð), 335, 337 og 341; Ættatölub. Sighvats Grímssonar Borgfirðings, 1364 og 2424).

Jón Ólafsson (1804-1878) Bóndi í Þverárdal.

F. 1804 eða 1805 á Æsustöðum, d. 15. okt. 1878 í Rugludal. For.: Ólafur Jónsson b. á Æsustöðum og f.k.h. Guðrún Eyjólfsdóttir. Var hjá föður sínum á Æsustöðum 1816 og fermdist í Bólstaðarhlíðarsókn 1819. Bóndi í Efri-Lækjardal í Refasveit 1830-1831, í Tungunesi á Bakásum 1831-1834, á Bjarnastöðum í Vatnsdal 1834-1837 og á Hörðubóli í Miðdölum 1837-1844. Vinnumaður á Hnjúkum á Ásum 1844-1845 og að hálfu á Beinakeldu á Reykjabraut 1845-1846. Húsmaður á Litlu-Giljá í Þingi 1846-1848. Bóndi á Stóra-Búrfelli í Svínavatnshreppi 1848-1849, á Þorbrandsstöðum í Langadal 1849-1851, í Blöndudalshólum 1851-1858 og í Þverárdal 1858-1859. Húsmaður í Blöndudalshólum 1859-1860. Bóndi í Blöndudalshólum aftur 1860-1861, á Syðri-Löngumýri í Blöndudal 1861-1865, á Mosfelli í Svínadal 1865-1866, á Litla-Búrfelli í Svínavatnshreppi 1866-1867 og í Köldukinn á Ásum 1867-1869. Húsmaður á Æsustöðum 1869-1870. Þurfamaður í Mjóadal 1870-1871. Húsmaður í Syðra-Tungukoti 1871-1872. Þurfamaður í Rugludal 1874 til æviloka. Jón tapaði sér á efri árum og var þá símasandi um ýmislegt sem fáir skildu eða botnuðu í. – Kona, g. 1. júní 1830, Ingibjörg Hannesdóttir, f. um 1798 í Skyttudal, d. 13. maí 1888 á Undirfelli í Vatnsdal. For.: Hannes Hannesson b. í Skyttudal og k.h. Björg Jónsdóttir. Ingibjörg var hjá foreldrum sínum í Skyttudal 1801 og fermdist í Þingeyrasókn 1813. Hún var vinnukona á Hnjúkum 1844-1846, en í skjóli Einars bróður síns á Mælifellsá 1872-1885 og í skjóli Bjargar bróðurdóttur sinnar á Undirfelli 1885 til æviloka. Börn: Guðrún Björg, f. 15. nóv. 1831 í Tungunesi, d. 8. des. 1831 á sama stað. Ólafur, f. 29. okt. 1832 í Tungunesi, dr. 26. maí 1852 í Blöndudalshólasókn, vm. í Blöndudalshólum, ókv. og bl. Hann drukknaði við grasatekju á Eyvindarstaðaheiði.

(Dalamenn I, 107; Troðningar og tóftarbrot, 41 og 42; Húnavaka 1976, 50-52 og 59-60; Eiðsstaðaætt – Handrit Björns Bjarnasonar á Brandsstöðum; ; Ættatölub. Jóns Espólíns, 1551, 4770-4771, 5493, 5593 og 6849; Ættatölub. Ólafs Snóksdalíns, 312-313 (innskotsblöð), 337, 671, 721-722 og 830).

Jón Ólafsson (1816-1894) Bóndi í Eyvindarstaðagerði, Eyvindarstöðum, Finnstungu og Kálfárdal.

F. 15. jan. 1816 á Eyvindarstöðum, d. 20. júlí 1894 á Brandsstöðum. For.: Ólafur Tómasson b. á Eyvindarstöðum og f.k.h. Ingiríður Guðmundsdóttir. Var hjá foreldrum sínum á Eyvindarstöðum 1816 og fermdist í Blöndudalshólasókn 1830. Bóndi í Eyvindarstaðagerði 1840-1853, á Eyvindarstöðum 1853-1854, í Eyvindarstaðagerði aftur 1854-1859, í Finnstungu 1859-1860, í Kálfárdal 1860-1861 og í Eyvindarstaðagerði enn 1861-1862. Húsmaður í Rugludal 1862-1863, á Brandsstöðum 1863-1864, í Stóradal í Svínavatnshreppi 1864-1865 og á Eyvindarstöðum 1865-1866. Bóndi í Stóradalsseli í Sléttárdal 1867-1868. Húsmaður á Brandsstöðum aftur 1868-1870. Bóndi í Teigakoti 1870-1871, á Fossum 1871-1873 og í Barkarstaðagerði 1873-1877. Húsmaður í Barkarstaðagerði 1877-1878 og á Eyvindarstöðum aftur 1878-1879, en var í skjóli Ólafs sonar síns á Brandsstöðum 1879 til æviloka. – Fyrri kona, g. 3. ágúst 1843, Kristín Snæbjörnsdóttir, f. 7. júlí 1814 á Gilsstöðum í Vatnsdal, d. 17. febr. 1854 á Eyvindarstöðum. For.: Snæbjörn Snæbjörnsson b. í Forsæludal í Vatnsdal og k.h. Kolfinna Bjarnadóttir. Kristín var hjá foreldrum sínum á Gilsstöðum 1816 og fermdist í Undirfellssókn 1829. Börn: Ólafur, f. 16. mars 1844 í Eyvindarstaðagerði, b. í Stafni, kv. Guðrúnu Jónasdóttur. Kolfinna, f. 18. júní 1845 í Eyvindarstaðagerði, d. 4. júlí 1845 á sama stað. Magnús, f. 2. nóv. 1846 í Eyvindarstaðagerði, d. 8. júní 1850 í Holti í Svínadal. Seinni kona, g. 10. júní 1855, Ragnhildur Sveinsdóttir, f. 22. sept. 1811 á Hnjúkum á Ásum, d. 26. júlí 1872 í Enni í Refasveit, ekkja Þorleifs Þorleifssonar b. í Kambakoti á Skagaströnd. For.: Sveinn Halldórsson b. á Hnjúkum og s.k.h. Margrét Illugadóttir. Jón og Ragnhildur skildu. Hún var hjá Kristófer bróður sínum í Enni -1860-1867, en í skjóli Helgu dóttur sinnar á sama stað 1867 til æviloka. Barnlaus. Sambýliskona: Sigurlaug Kristjánsdóttir, f. 22. febr. 1829 á Litla-Vatnsskarði á Laxárdal fremri, d. 7. maí 1904 í Klampenborg á Vatneyri í Patreksfirði. For.: Kristján Jónsson b. á Litla-Vatnsskarði og k.h. Sigurlaug Jónsdóttir. Sigurlaug var hjá foreldrum sínum á Litla-Vatnsskarði 1835 og fermdist í Holtastaðasókn 1843. Hún var vinnukona í Holtastaðakoti í Langadal -1845-1846, á Gilsstöðum í Vatnsdal 1846-1849, á Geitaskarði í Langadal 1849-1850, á Hnjúki í Vatnsdal 1850-1851, á Gilsstöðum aftur 1851-1853, á Kornsá í Vatnsdal 1853-1854, í Miðhópi í Víðidal 1854-1855 og í Vatnsdalshólum í Vatnsdal 1855-1856. Sigurlaug var bústýra hjá Jóni í Finnstungu 1859-1860, í Kálfárdal 1860-1861, í Eyvindarstaðagerði 1861-1862 og í Rugludal 1862-1863, en húskona í Engihlíð í Langadal 1864-1865. Vinnukona í Sauðanesi á Ásum 1865-1866 og á Eyvindarstöðum 1866-1867. Húskona á Vesturá á Laxárdal fremri 1867-1868 og á Litla-Vatnsskarði 1868-1869. Vinnukona á Núpi á Laxárdal fremri 1869-1870. Hún var bústýra hjá Jóni í Teigakoti 1870-1871, á Fossum 1871-1873 og í Barkarstaðagerði 1873-1877, en vinnukona í Barkarstaðagerði 1877-1878, á Eyvindarstöðum aftur 1878-1879, á Brún 1879-1880, á Brandsstöðum 1880-1885 og á Brún aftur 1885-1886. Húskona á Barkarstöðum 1886-1887. Vinnukona á Brún enn 1887-1888, en var í skjóli Elísabetar dóttur sinnar á Hallgilsstöðum í Fnjóskadal 1888-1895, í Norður-Botni í Tálknafirði 1895-1900 og á Vatneyri 1900 til æviloka. Börn: Elísabet, f. 10. sept. 1861 í Eyvindarstaðagerði, g. Ingólfi Kristjánssyni b. í Norður-Botni. Solveig Sigurbjörg, f. 27. nóv. 1862 í Rugludal, g. Kristófer Tómassyni b. á Brenniborg á Neðribyggð. Margrét, f. 26. júní 1871 á Fossum, d. 5. júní 1872 á sama stað. Barnsmóðir: Ingunn Steingrímsdóttir, f. 5. júlí 1811 á Geldingaskarði á Skagaströnd, d. 1. febr. 1868 á Ípishóli á Langholti, bústýra í Eyvindarstaðagerði og húskona á Bergsstöðum. For.: Steingrímur Jónsson b. í Kurfi á Skagaströnd og k.h. Sigríður Ólafsdóttir. Ingunn var bústýra hjá Jóni í Eyvindarstaðagerði -1842-1843. Hún giftist síðar Gísla Jónssyni b. í Skinþúfu í Vallhólmi. Börn: Guðmundur, f. 21. ágúst 1842 í Eyvindarstaðagerði, b. í Holtakoti í Biskupstungum, kv. Valgerði Hafliðadóttur. Andrés, f. 11. sept. 1843 á Bergsstöðum, d. 10. apríl 1851 í Skinþúfu. – Barnsfaðir Kristínar: Björn Guðmundsson, f. 6. des. 1811 í Ási í Vatnsdal, d. 29. jan. 1883 í Valdarási í Víðidal, b. á Ytri-Löngumýri í Blöndudal. For.: Guðmundur Halldórsson b. í Ási og k.h. Halldóra Bjarnadóttir. Barn: Hólmfríður, f. 30. jan. 1842 í Forsæludal, d. 18. okt. 1920 á Gimli í Nýja-Íslandi, vk. í Valdarási 1880, en síðar búsett í Selkirk í Manitoba, óg., en átti dóttur með Páli Hjálmarssyni vm. á Harastöðum í Vesturhópi 1855. Hólmfríður gekk undir nafninu Freda Byron vestra. Hún var bústýra á Ytri-Löngumýri 1868-1869. – Barnsfaðir Ragnhildar: Jón Halldórsson húsmaður á Kirkjuhóli hjá Víðimýri. Barn: Guðrún, f. 20. jan. 1837 á Gili, d. 21. jan. 1837 á sama stað. – Barnsfaðir Sigurlaugar: Sigurður Guðmundsson, f. 24. apríl 1829 í Brekku í Þingi, d. 6. júní 1873 á Másstöðum í Vatnsdal, b. á Másstöðum. For.: Guðmundur Þorsteinsson b. á Hólabaki í Þingi og k.h. Rósa Jónsdóttir. Barn: Gísli, f. 29. sept. 1855 í Vatnsdalshólum, d. 22. mars 1858 í Blöndudalshólum.

(Skagfirzkar æviskrár 1850-1890 II, 55-57; Skagfirzkar æviskrár 1890-1910 III, 217-218; Kennaratal á Íslandi I, 315; Ættarskrá Bjarna Þorsteinssonar, 359, 361 og 362; Ættir Þingeyinga IV, 67 og 68; Hrakhólar og höfuðból, 7-18, 22-24 og 186-187; Húnavaka 1970, 158-160 og 1978, 67-69; Skiptab. Hún. 29. okt. 1838, 18. nóv. 1843, 1. og 27. apríl, 22. maí og 30. des. 1844, 21. apríl 1845, 6. júní og 18. sept. 1846, 8. des. 1847, 20. des. 1854 og 3. júní 1864; Eiðsstaðaætt – Handrit Björns Bjarnasonar á Brandsstöðum; Skeggsstaðaætt – Handrit Björns Bjarnasonar á Brandsstöðum; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 275, 2126, 3932-3933 og 4772; Ættatölub. Ólafs Snóksdalíns, 334, 336, 342, 442, 477, 508, 719-720, 721 og 827; Ættatölub. Steingríms Jónssonar, 101, 3902, 5384 og 6121).

Jón Pálsson (1789-1873) Bóndi á Fossum og Stafni.

F. um 1789 á Torfustöðum, d. 29. nóv. 1873 á Mið-Vatni á Efribyggð. For.: Páll Einarsson b. á Steiná og k.h. Guðrún Ólafsdóttir. Var í fóstri á Eiríksstöðum 1801. Vinnumaður á Eiríksstöðum -1813-1833 og á Kirkjuhóli hjá Víðimýri 1833-1834. Bóndi á Fossum 1834-1836, í Stafni 1836-1838, á Álfgeirsvöllum á Efribyggð 1838-1850, á Reykjavöllum á Neðribyggð 1850-1856, á Álfgeirsvöllum aftur 1856-1860 og á Mið-Vatni 1860-1871, en var í skjóli Þorgríms sonar síns á sama stað 1871 til æviloka. – Kona, g. 4. okt. 1833, Margrét Halldórsdóttir, f. 2. apríl 1813 á Hóli, d. 12. febr. 1888 í Efra-Lýtingsstaðakoti í Tungusveit. For.: Halldór Halldórsson b. á Kirkjuhóli og k.h. Guðbjörg Jónsdóttir. Margrét var í fóstri á Hóli 1816 og fermdist í Bergsstaðasókn 1827. Hún var í skjóli Þorgríms sonar síns á Mið-Vatni 1871-1872. Húskona í Brekkukoti á Efribyggð 1872-1873. Vinnukona á Reykjum í Tungusveit 1873-1874. Húskona á Steinsstöðum í Tungusveit 1874-1875, en var í skjóli Jóns sonar síns á Reykjum í Tungusveit 1875-1876, á Mið-Vatni 1876-1878 og í Efra-Lýtingsstaðakoti 1878 til æviloka. Börn: Þorgrímur, f. 9. nóv. 1834 á Fossum, d. 28. júlí 1837 í Stafni. Halldór, f. 22. ágúst 1836 í Stafni, húsmaður í Syðra-Tungukoti, kv. Ingibjörgu Jónatansdóttur. Þorbjörg, f. 18. maí 1838 á Álfgeirsvöllum, d. 7. okt. 1838 á sama stað. Þorbjörg, f. 30. ágúst 1839 á Álfgeirsvöllum, d. 17. sept. 1839 á sama stað. Þorgrímur, f. 5. nóv. 1841 á Álfgeirsvöllum, b. á Mið-Vatni, kv. Steinunni Jóhannsdóttur. Þorbjörg, f. 21. febr. 1844 á Álfgeirsvöllum, g. fyrr Stefáni Stefánssyni b. á Syðri-Leifsstöðum, síðar Sigurði Stefánssyni b. í Geysirbyggð í Nýja-Íslandi. Jón, f. 14. sept. 1845 á Álfgeirsvöllum, b. á Stóru-Seylu á Langholti, kv. Björgu Pétursdóttur. Páll, f. 27. ágúst 1848 á Álfgeirsvöllum, b. á Hafgrímsstöðum í Tungusveit, kv. Sigríði Lárusdóttur. Engilráð, f. 9. okt. 1850 á Reykjavöllum, d. 30. apríl 1933 í Selkirk í Manitoba, g. fyrr Ólafi Helgasyni vm. á Ytri-Kotum í Norðurárdal 1880, síðar Jóhanni Jóhannssyni Sigurður skipstj. í Manitoba. Kristján, f. 27. ágúst 1854 á Reykjavöllum, d. 21. apríl 1858 á Álfgeirsvöllum.

(Íslenzkar æviskrár VI, 385-386; Skagfirzkar æviskrár 1850-1890 II, 103-106 og III, 129-131, 197-198, 224-226 og 248-249; Skagfirzkar æviskrár 1890-1910 II, 164-165; Vestur-íslenzkar æviskrár I, 177-178 og 275-276 og II, 101-102; Brot af landnámssögu Nýja-Íslands, 55-56 og 65-67; Icelandic River Saga, 264-269 og 360-362; Faith and Fortitude – A History of the Geysir District 1880-1980, 236-237 og 318-319; Krossaætt II, 598-629; Húnavaka 1970, 158; Almanak Ólafs Thorgeirssonar 1932, 77-78; Lögberg 7. sept. 1933; Skiptab. Hún. 18. nóv. 1843, 1. apríl 1844 og 21. apríl 1845; Eiðsstaðaætt – Handrit Björns Bjarnasonar á Brandsstöðum; Guðmundur í Hvammi – Handrit Kristínar Sigvaldadóttur á Skeggsstöðum; Ættatölub. Jóns Espólíns, 5618; Ættatölub. Ólafs Snóksdalíns, 312-313 (innskotsblöð) og 720).

Jón Pétursson (1777-1842) Prestur og bóndi í Bólstaðarhlíð.

F. 7. sept. 1777 á Mýlaugsstöðum í Aðaldal, d. 8. des. 1842 á Auðkúlu í Svínadal. For.: Pétur Sigurðsson b. á Einarsstöðum í Reykjadal og k.h. Guðrún Jónsdóttir. Lærði í Hólaskóla og varð stúdent þaðan með ágætum vitnisburði 1799. Húsmaður í Bólstaðarhlíð 1800-1801-. Bóndi í Bólstaðarhlíð 1802-1803, á Ytra-Hóli á Skagaströnd 1803-1818 og á Höskuldsstöðum á Skagaströnd 1818-1839 og hafði jafnframt bú í Hvammshlíð í Norðurárdal 1818-1819 og á Efri-Mýrum í Refasveit 1835-1839. Bóndi í Steinnesi í Þingi 1839 til æviloka. Vígðist 17. júlí 1803 aðstoðarprestur séra Jónasar Benediktssonar á Höskuldsstöðum. Hann var aðstoðarprestur í Höskuldsstaðaprestakalli 1803-1817, en sóknarprestur í Höskuldsstaðaprestakalli 1817-1838 og í Þingeyraklaustursprestakalli 1838-1841. Prófastur í Húnavatnsprófastsdæmi 1833 til æviloka. Séra Jón var vel gefinn og siðprúður, stilltur í dagfari og framgöngu, góður predikari og lipur kennimaður. Hann var framkvæmdasamur og vandvirkur, hagur og fjölhæfur. Á árunum 1821-1822 byggði hann upp öll bæjarhús á Höskuldsstöðum og vorið 1827 reisti hann nýja timburkirkju á staðnum í stað fallinnar torfkirkju. Árið 1840 byggði hann upp Steinnesbæ í líkingu við það sem hann hafði gert á Höskuldsstöðum. Furðaði marga á því hverju hann fékk áorkað. Árið 1834 fékk séra Jón heiðurspening frá Danakonungi. – Kona, g. 16. júní 1801, Elísabet Björnsdóttir, f. um 1782 á Hofi á Skagaströnd, d. 16. febr. 1851 á Melstað í Miðfirði. For.: Björn Jónsson pr. í Bólstaðarhlíð og f.k.h. Ingibjörg Ólafsdóttir. Elísabet var hjá foreldrum sínum í Bólstaðarhlíð 1801. Hún bjó ekkja í Steinnesi 1842-1843. Húskona í Steinnesi 1843-1848, en var í skjóli Elísabetar dóttur sinnar á Melstað 1848-1849 og í skjóli Þórunnar dóttur sinnar á sama stað 1849 til æviloka. Elísabet var afbragðskona. Börn: Björn, f. 26. des. 1802 í Bólstaðarhlíð, pr. á Tjörn á Vatnsnesi, kv. Solveigu Markúsdóttur. Pétur, f. 22. febr. 1804 á Ytra-Hóli, b. í Bæ í Hrútafirði, kv. fyrst Guðrúnu Jónsdóttur, svo Sigríði Helgadóttur, síðast Kristínu Bjarnadóttur. Ingibjörg, f. 13. des. 1805 á Ytra-Hóli, g. Stefáni Þorvaldssyni pr. í Stafholti í Stafholtstungum, þau systrabörn. Guðrún, f. 27. mars 1807 á Ytra-Hóli, g. Sveini Níelssyni pr. í Blöndudalshólum. Jón, f. 16. nóv. 1808 á Ytra-Hóli, pr. í Steinnesi, kv. Elínu Einarsdóttur. Halldór, f. 25. febr. 1810 á Ytra-Hóli, pr. og alþingism. á Hofi í Vopnafirði, kv. fyrr Gunnþórunni Ingibjörgu Ragnheiði Gunnlaugsdóttur, þau systrabörn, síðar Valgerði Ólafsdóttur. Ólafur, f. 5. okt. 1811 á Ytra-Hóli, b. og alþingism. á Sveinsstöðum í Þingi, kv. Oddnýju Ólafsdóttur. Elísabet, f. 13. júlí 1813 á Ytra-Hóli, g. Böðvari Þorvaldssyni pr. á Melstað. Stefán, f. 7. febr. 1815 á Ytra-Hóli, b. í Mýrarkoti á Laxárdal fremri, kv. fyrr Margréti Pétursdóttur, síðar Gróu Sveinsdóttur. Þórunn, f. 21. ágúst 1816 á Ytra-Hóli, g. Þórarni Böðvarssyni pr. á Melstað, þau sytrabörn. Sigurgeir, f. 22. nóv. 1817 á Ytra-Hóli, d. 26. júní 1819 á Höskuldsstöðum. Sigurbjörg, f. 19. mars 1819 á Höskuldsstöðum, d. 21. mars 1819 á sama stað. Sigurbjörg, f. 17. júlí 1820 á Höskuldsstöðum, g. Þorláki Stefánssyni pr. á Auðólfsstöðum. Hólmfríður, f. 14. okt. 1821 á Höskuldsstöðum, d. 29. okt. 1821 á sama stað. stúlka, f. 14. júní 1824 á Höskuldsstöðum. Hún fæddist andvana. drengur, f. 4. okt. 1825 á Höskuldsstöðum. Hann fæddist andvana.

(Íslenzkar æviskrár I, 227-228, 229-230 og 296, II, 262-263, III, 201 og 248, IV, 63-64, 343 og 371-372 og V, 70-71 og 167-168; Borgfirzkar æviskrár I, 511-512 og XI, 26-27; Dalamenn III, 230-231; Saga Hraunshverfis á Eyrarbakka, 66; Skagfirzkar æviskrár 1850-1890 IV, 174-176; Skyggir skuld fyrir sjón II, 47; Strandamenn, 71 og 341-342; Önfirðingar, 339; Niðjatal Þorvalds Böðvarssonar prests í Holti undir Eyjafjöllum og Björns Jónssonar prests í Bólstaðarhlíð, 3-12, 29-31, 51 og 58-79; Ættir Austfirðinga, 108; Ættir Síðupresta, 76-86; Ættir Þingeyinga IV, 9; Saga frá Skagfirðingum III, 136-137 og IV, 14 og 38-39; Saga Skagstrendinga og Skagamanna, 83; Mannaferðir og fornar slóðir, 201-203; Brandsstaðaannáll, 71-73, 140 og 178; Annáll nítjándu aldar II, 160 og 314-315; Skiptab. Hún. 7. nóv. 1843; Æfir lærðra manna (þáttur Jóns Péturssonar í Steinnesi); Prestaæfir Sighvats Grímssonar Borgfirðings (þáttur Jóns Péturssonar í Steinnesi); Ættatölub. Jóns Espólíns, 356 og 3917; Ættatölub. Ólafs Snóksdalíns, 534-535 og 676; Ættatölub. Steingríms Jónssonar, 100 og 4800).

Jón Rafnsson (1808-1888). Bóndi í Sellandi, Hóliog í Rugludal.

F. 15. júlí 1808 á Vindheimum í Tungusveit, d. 31. mars 1888 á Fjósum. For.: Rafn Jónsson b. í Litladalskoti í Tungusveit og barnsm.h. Margrét Eiríksdóttir vk. á Vindheimum, síðar húsm. í Pottagerði í Staðarhreppi. Var hjá föður sínum og stjúpu á Þorsteinsstöðum í Tungusveit 1816 og fermdist í Mælifellssókn í Skagafjarðarsýslu 1822. Léttadrengur í Villinganesi í Tungusveit 1823-1824-. Vinnumaður á Hofi í Vesturdal -1830-1831-, í Sölvanesi á Fremribyggð -1832-1834, í Stafni 1834-1835, í Ytri-Svartárdal í Svartárdal 1835-1837, í Hvammi í Svartárdal 1837-1841, á Grænhóli í Borgarsveit 1841-1842, í Valadal á Skörðum 1842-1843 og á Syðri-Leifsstöðum 1843-1845. Bóndi í Sellandi 1845-1852, á Hóli 1852-1854 og í Rugludal 1854-1874. Húsmaður í Sellandi 1874-1875 og á Valabjörgum á Skörðum 1875-1876. Bóndi í Teigakoti 1876-1877 og í Eyvindarstaðagerði 1877-1880. Húsmaður í Teigakoti 1880-1881. Bóndi í Barkarstaðagerði 1881-1884, en var á sveitarframfæri á Fjósum 1884-1885. Hann var í skjóli barna sinna í Laufási á Neðribyggð 1885-1886, en á sveitarframfæri á Fjósum aftur 1886 til æviloka. Jón var lágur vexti en harðgerður og snar. – Kona, g. 7. maí 1841, Sigurlaug Þórðardóttir, f. um 1799 í Eyvindarstaðagerði, d. 13. febr. 1874 í Rugludal. For.: Þórður Jónsson b. á Kúfustöðum og k.h. Hólmfríður Bjarnadóttir. Sigurlaug var hjá foreldrum sínum í Eyvindarstaðagerði 1801 og á Kúfustöðum 1816. Hún var vinnukona á Syðri-Leifsstöðum -1821-1822, í Álftagerði hjá Víðimýri 1822-1824, í Hvammi í Svartárdal 1824-1833, á Sveinsstöðum í Tungusveit 1833-1837, í Hvammi aftur 1837-1840 og á Fossum 1840-1841, en húskona í Valadal 1841-1842. Börn: Ólafur, f. 19. ágúst 1839 í Hvammi, b. í Kóngsgarði, kv. Margréti Jónsdóttur, átti einnig dóttur með Jóhönnu Kristjánsdóttur. Ingibjörg, f. 2. febr. 1842 í Valadal, d. 28. sept. 1842 á sama stað. Sambýliskona: Elísabet Sigríður Gísladóttir, f. 24. okt. 1850 á Eiðsstöðum í Blöndudal, d. 1. júní 1904 í Akureyrarprestakalli í Eyjafjarðarsýslu. For.: Gísli Sigurðsson b. á Stóru-Mörk og k.h. Ásdís Magnúsdóttir. Elísabet var hjá foreldrum sínum í Auðkúluseli í Sléttárdal 1860, en fermdist í Blöndudalshólasókn 1865. Hún var í húsmennsku með Jóni í Sellandi 1874-1875 og á Valabjörgum 1875-1876, en bústýra hjá honum í Teigakoti 1876-1877 og í Eyvindarstaðagerði 1877-1880. Hún var í húsmennsku með Jóni í Teigakoti 1880-1881, en bústýra hjá honum í Barkarstaðagerði 1881-1884. Elísabet var vinnukona á Svínavatni í Svínavatnshreppi 1884-1885, á Ásum á Bakásum 1885-1886, á Mosfelli í Svínadal 1886-1887, í Sólheimum í Svínavatnshreppi 1887-1894 og á Ásum aftur 1894-1895, en í húsmennsku með sambýlismanni sínum Páli Pálssyni í Köldukinn á Ásum 1895-1896, á Kagaðarhóli á Ásum 1896-1897 og á Litla-Búrfelli í Svínavatnshreppi 1897-1898, að þau reistu bú í Stóradalsseli í Sléttárdal. Elísabet var mesta myndarkona. Börn: Kristín, f. 1871 (sk. 2. nóv. 1871) í Rugludal, d. 5. júní 1872 á sama stað. Ásdís, f. 16. apríl 1873 í Rugludal, g. (Oddbert) Sveini Guðmundssyni b. í Kúskerpi í Refasveit. Gísli, f. 18. jan. 1877 í Teigakoti, b. í Saurbæ í Vatnsdal, kv. Katrínu Grímsdóttur, átti áður dóttur með Guðrúnu Gísladóttur. Kristín, f. 9. ágúst 1883 í Tungunesi á Bakásum, g. Birni Björnssyni b. á Geithömrum í Svínadal. Barnsmóðir: Steinunn Oddsdóttir, f. 26. apríl 1807 á Giljum í Vesturdal, d. 8. júní 1869 í Holtsmúla á Langholti, heimasæta á Giljum og húskona á Hömrum á Fremribyggð. For.: Oddur Guðmundsson b. á Giljum og k.h. Guðrún Gísladóttir. Steinunn bjó síðar með Guðmundi Magnússyni b. í Syðra-Vallholti í Vallhólmi, en áður í Bólstaðarhlíð. Börn: Guðbjörg, f. 28. mars 1831 á Giljum, g. Jóni Gíslasyni b. í Laufási á Neðribyggð. Margrét, f. 10. febr. 1833 á Hömrum, d. 20. okt. 1902 í Borgarey í Vallhólmi, síðast bústýra í Borgarey, óg., en átti þrjú börn með Birni Gíslasyni vm. í Stafni 1870. Barnsmóðir: Guðbjörg Árnadóttir, f. um 1799 á Hóli, d. 23. apríl 1847 í Stafni, vk. í Stafni. For.: Árni Jónsson b. á Hóli og k.h. Margrét Guðmundsdóttir. Guðbjörg var áður gift Jóhannesi Jóhannssyni b. í Rugludal. Barn: Árni, f. 20. des. 1834 í Stafni, b. og smiður á Klifi í Viðfirði 1880, kv. Ingibjörgu Jónsdóttur. Barnsmóðir: Guðrún Guðmundsdóttir, f. 19. ágúst 1816 á Ystagili í Langadal, d. 6. júlí 1852 á Hóli, vk. í Sellandi. For.: Guðmundur Sveinsson b. á Ystagili og k.h. Guðrún Jónsdóttir. Guðrún var hjá foreldrum sínum á Ystagili 1816 og fermdist í Holtastaðasókn 1830. Hún var vinnukona í Sellandi 1850, en síðast á Hóli. Barn: Jónas, f. 4. nóv. 1847 í Sellandi, d. 21. júní 1929 við Markerville í Alberta, b. í Mountainbyggð í Norður-Dakota 1883-1888, en síðan við Markerville, kv. Margréti Sigurbjörgu Bjarnadóttur. Þau tóku sér ættarnafnið Húnford vestra. – Barnsfaðir Sigurlaugar: Ásmundur Þorleifsson, f. um 1801 á Stóru-Mörk, d. 22. apríl 1856 í Skálahnúki í Gönguskörðum, b. í Móbergsseli í Litla-Vatnsskarði. For.: Þorleifur Þorleifsson b. á Stóru-Mörk og k.h. Ingibjörg Jónsdóttir. Barn: Áslaug, f. 14. júlí 1834 í Gilhagaseli á Gilhagadal, d. 19. ágúst 1881 á Tyrfingsstöðum á Kjálka, vk. á Uppsölum í Blönduhlíð 1860, en síðar á Tyrfingsstöðum, óg. Barnsfaðir Sigurlaugar: Árni Sigurðsson, f. um 1803 í Stafni, d. 2. sept. 1878 á Torfustöðum, b. á Torfustöðum. For.: Sigurður Jónsson b. í Stafni og f.k.h. Helga Jónsdóttir. Barn: Hólmfríður, f. 22. mars 1837 í Bergsstaðasókn, d. 31. maí 1894 á Auðkúlu í Svínadal, vk. á Torfustöðum 1880, en síðar á Auðkúlu, óg., en átti dætur með Birni Guðmundssyni húsmanni á Kirkjuhóli hjá Víðimýri 1870 og Gunnari Gunnarssyni vm. í Utanverðunesi í Hegranesi 1880, eina með hvorum.

Athugasemd: Árni Jónsson var af sumum talinn launsonur Jóns Sigurðssonar b. í Stafni. Í því samhengi er vert að veita því athygli að Jónas Húnford nefnir Árna ekki á nafn þegar hann telur upp systkini sín í æviágripi í Almanaki Ólafs Thorgeirssonar.

(Skagfirzkar æviskrár 1850-1890 II, 5-6, 95-96, 124-126, 153-154, 230-233 og 286-287 og IV, 238-240; Skagfirzkar æviskrár 1890-1910 III, 229-230; Saga Íslendinga í Norður-Dakota, 408-409; Niðjatal Jóns prests Þorvarðarsonar, 7; Syðri-Reykjaættin, 27-38; Ættir Austfirðinga, 433; Feðraspor og fjörusprek, 53-54; Hlynir og hreggviðir, 96-97, 105 og 115-118; Mannaferðir og fornar slóðir, 211; Sagnaþættir Gísla Konráðssonar, 156-157; Syrpa úr handritum Gísla Konráðssonar I, 158 og II, 142-143; Föðurtún, 136; Húnavaka 1969, 58-59 og 1981, 115-116; Almanak Ólafs Thorgeirssonar 1911, 52-55 og 1930, 169; Heimskringla 3. júlí 1929; Skiptab. Hún. 30. nóv. 1843, 2. maí 1846, 21. jan. 1853 og 30. des. 1884; Skiptab. Skag. 27. maí 1841; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 466-467, 473, 3807-3808 og 3929; Ættatölub. Ólafs Snóksdalíns, 37, 235, 442 og 499; Ættatölub. Steingríms Jónssonar, 251).

Jón Sigfússon (1824-1860) Bóndi í Skyttudal.

F. 22. mars 1824 í Selhaga, d. 23. ágúst 1860 í Efstaholti í Reykjavík. For.: Sigfús Oddsson b. í Eiríksstaðakoti og k.h. Björg Jónasdóttir. Var hjá móður sinni í Bólstaðarhlíð 1835 og fermdist í Bólstaðarhlíðarsókn 1839. Vinnupiltur hjá Ingibjörgu systur sinni á Guðrúnarstöðum í Vatnsdal 1840-1842. Vinnumaður í Bólstaðarhlíð 1842-1845 og hjá móður sinni í Skyttudal 1845-1849. Húsmaður í Skyttudal 1849-1850. Bóndi í Skyttudal 1850-1852 og í Brautarholti á Kjalarnesi 1852-1855. Húsmaður í Efstaholti 1855 til æviloka. Jón hafði framfæri sitt af sjósókn eftir að hann fluttist til Reykjavíkur. – Kona, g. 28. júní 1849, Sigríður Jónsdóttir, f. 2. apríl 1827 í Stöðlakoti í Reykjavík, d. 3. júlí 1898 á Desjarmýri í Borgarfirði eystra. For.: Jón Jónsson sjóm. á Bergsstöðum í Reykjavík og k.h. Sigríður Hannesdóttir. Sigríður var hjá foreldrum sínum á Bergsstöðum 1840 og fermdist í Seltjarnarnesþingum í Gullbringusýslu 1841. Hún var húskona í Efstaholti 1855-1863, á Hjalla í Reykjavík 1863-1864, hjá Guðmundi bróður sínum á Bergsstöðum í Reykjavík 1865-1867, í Efstaholti aftur 1867-1868, í Stafni í Reykjavík 1868-1869, í Jónshúsi í Reykjavík 1869-1870 og í Hlíðarhúsum í Reykjavík 1870-1872. Bústýra hjá Ólafi Guðlaugssyni húsmanni á sama stað 1872-1873, en gekk þá að eiga hann. Sigríður bjó með seinni manni sínum í Hlíðarhúsum 1873-1889, en var í skjóli Bjargar dóttur sinnar á Desjarmýri 1889 til æviloka. Börn: Sigríður Margrét, f. 31. ágúst 1850 í Skyttudal, d. 13. júlí 1861 í Efstaholti. Björg, f. 15. mars 1852 í Skyttudal, g. Einari Vigfússyni pr. á Desjarmýri. Guðmundur, f. 8. jan. 1854 í Brautarholti, dr. 22. apríl 1869 við Akurey á Kollafirði, var síðast hjá móður sinni í Stafni. Jón, f. 15. júlí 1856 í Efstaholti, pr. á Hofi á Skagaströnd, kv. Þorbjörgu Maríu Einarsdóttur, átti áður son með Guðnýju Ólafsdóttur, stjúpsystur sinni. Sigfús, f. 3. maí 1859 í Efstaholti, d. 20. júlí 1860 á sama stað. – Seinni maður Sigríðar, g. 25. jan. 1873, Ólafur Guðlaugsson, f. 22. apríl 1816 á Helgafelli í Mosfellssveit, d. 5. mars 1894 á Gerðhömrum í Dýrafirði, húsmaður í Hlíðarhúsum 1844-1889. For.: Guðlaugur Ólafsson b. á Helgafelli og k.h. Solveig Sigurðardóttir. Ólafur var hjá foreldrum sínum á Helgafelli 1822 og fermdist í Mosfellsprestakalli í Kjósarsýslu 1830. Hann var í skjóli Þórðar sonar síns á Gerðhömrum 1889 til æviloka. Ólafur hafði framfæri sitt af sjósókn. Hann var fátækrafulltrúi í Reykjavík. Barnlaus. – Fyrri kona Ólafs, g. 1. nóv. 1844, Sesselja Halldóra Guðmundsdóttir, f. 1. ágúst 1821 í Hlíðarhúsum, d. 18. maí 1870 á sama stað. For.: Guðmundur Jónsson útvegsb. og hafnsögum. í Hlíðarhúsum og k.h. Halldóra Björnsdóttir. Sesselja var hjá foreldrum sínum í Hlíðarhúsum 1835 og fermdist í Seltjarnarnesþingum 1836. Börn: Halldóra, f. 18. júlí 1843 í Hlíðarhúsum, d. 28. júlí 1843 á sama stað. Guðmundur, f. 16. des. 1844 í Hlíðarhúsum, d. 25. júlí 1899 á sama stað, húsmaður í Hlíðarhúsum, bjó með Álfrúnu Einarsdóttur. Halldóra, f. 8. ágúst 1847 í Hlíðarhúsum, d. 28. júlí 1911 á Þingeyri í Dýrafirði, g. Magnúsi Árnasyni húsmanni í Holti á Vatnsleysuströnd 1890. Solveig, f. 23. maí 1851 í Hlíðarhúsum, d. 28. maí 1851 á sama stað. Guðlaugur, f. 22. ágúst 1853 í Hlíðarhúsum, d. 9. sept. 1853 á sama stað. Guðný, f. 8. okt. 1857 í Hlíðarhúsum, g. Kristgeir Jónssyni b. á Gilstreymi í Lundarreykjadal, átti áður son með Jóni Jónssyni pr. á Hofi, stjúpbróður sínum. Þórður Guðlaugur, f. 24. apríl 1863 í Hlíðarhúsum, pr. á Söndum í Dýrafirði, kv. Maríu Ísaksdóttur.

(Íslenzkar æviskrár I, 390-391, III, 208 og V, 521-522; Borgfirzkar æviskrár VII, 88-90; Grafningur og Grímsnes, 47-50 og 54-56; Ölfusingar, 164-165; Vestur-íslenzkar æviskrár I, 215-216; Wagons to Wings – History of Lundar and Districts 1872-1980, 511; Guðfræðingatal I, 309-310 og II, 555-556 og 918-919; Ættir Austfirðinga, 668 og 669; Frændgarður II – Ættmeiður, 190; Búsæld og barningur, 150; Mannaferðir og fornar slóðir, 75-76; Almanak Ólafs Thorgeirssonar 1906, 101 og 1923, 101; Lögberg 19. maí 1894 og 12. okt. 1905; Annáll nítjándu aldar III, 419-420; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1142, 1181-1182 og 4761; Ættatölub. Ólafs Snóksdalíns, 337 og 390-391).

Jón Sigurðsson (1753-1825) Bóndi á Skeggstöðum og Torfustöðum.

F. um 1753 á Brún, d. 21. ágúst 1825 á sama stað. For.: Sigurður Jónsson b. á Brún og k.h. Guðbjörg Jónsdóttir. Var hjá foreldrum sínum á Brún 1762. Bóndi á Skeggsstöðum 1787-1805 og á Torfustöðum 1805 til æviloka. Jón skrifaði undir verslunarkærubréf í Bólstaðarhlíð 20. sept. 1797. – Fyrri kona: Sigríður Björnsdóttir, f. um 1754, á lífi á Torfustöðum 1814. For.: Björn Ólafsson b. á Bergsstöðum og k.h. Ingiríður Jónsdóttir. Sigríður var hjá foreldrum sínum á Kúfustöðum 1762. Börn: Björn, f. um 1788 á Skeggsstöðum, b. á Kúfustöðum, kv. Helgu Ásgrímsdóttur, átti einnig dætur með Ólöfu Jónsdóttur og Kristínu Hallgrímsdóttur, eina með hvorri. Sigurður, f. um 1789 á Skeggsstöðum, b. á Fossum, kv. fyrr Sigríði Þórðardóttur, síðar Marsibil Jónsdóttur. Seinni kona, g. 19. okt. 1818, Una Jónsdóttir, f. um 1772 á Fjalli í Sléttuhlíð, d. 11. ágúst 1846 á Grófargili á Langholti. For.: Jón Jónsson b. á Núpi á Laxárdal fremri og k.h. Guðrún Hallsdóttir. Una fermdist í Glaumbæjarprestakalli í Skagafjarðarsýslu 1787. Hún var vinnukona á Hóli 1800-1801- og á Syðri-Leifsstöðum -1813-1817-. Hún bjó ekkja á Torfustöðum 1825-1828, en var vinnukona á Refsstöðum á Laxárdal fremri 1828-1829-, í Núpsöxl á Laxárdal fremri -1830-1831, á Torfalæk á Ásum 1831-1835-, í Krossanesi í Vallhólmi 1838-1840 og á Grófargili 1840 til æviloka. Við húsvitjun í Glaumbæjarprestakalli 1840 er Una sögð sérlynd og við veg að sér. Barnlaus.

(Húnaþing I, 492-495; Ættatölub. Jóns Espólíns, 2131 og 4604-4605; Ættatölub. Ólafs Snóksdalíns, 529).

Jón Sigurðsson (1791-1860). Bóndi á Stóru-Mörk.

F. 4. okt. 1791 á Hausastöðum á Álftanesi, d. 21. febr. 1860 í Ásbjarnarnesi í Vesturhópi. For.: Sigurður Þórðarson húsmaður á Hausastöðum og k.h. Anna Jónsdóttir. Var í fóstri í Mölshúsum á Álftanesi 1801 og fermdist í Garðaprestakalli í Gullbringusýslu 1805. Vinnumaður á Elliðavatni í Seltjarnarneshreppi 1816-1817, í Nesi við Seltjörn 1817-1818, á Syðri-Löngumýri í Blöndudal 1818-1819-, á Svínavatni í Svínavatnshreppi -1826-1827, í Holti í Svínadal 1827-1830 og á Stóra-Búrfelli í Svínavatnshreppi 1830-1832. Bóndi á Stóru-Mörk 1832-1835. Vinnumaður á Ásum á Bakásum 1835-1837. Húsmaður á Hamri á Bakásum 1837-1838, á Ásum 1838-1841, á Svínavatni 1841-1845, í Ljótshólum í Svínadal 1845-1847, á Auðkúlu í Svínadal 1847-1852, á Hnjúkum á Ásum 1852-1853, á Geitaskarði í Langadal 1853-1854, á Ásum 1854-1855 og á Hrafnabjörgum í Svínadal 1855-1857. Próventumaður í Ásbjarnarnesi 1857 til æviloka. – Kona, g. 13. okt. 1830, Signý Höskuldsdóttir, f. í ágúst 1793 í Tungu í Gönguskörðum, d. 20. jan. 1875 á Vigdísarstöðum á Vatnsnesi. For.: Höskuldur b. í Tungu og k.h. Guðbjörg Jónsdóttir. Signý var hjá móður sinni á Heiði í Gönguskörðum 1801. Hún var vinnukona á Sveinsstöðum í Tungusveit -1816-1819, í Staðarseli á Staðarfjöllum 1819-1820, á Hafsteinsstöðum í Staðarhreppi 1820-1821, á Sveinsstöðum 1821-1822, í Ölduhrygg í Svartárdal 1822-1823, á Stóra-Vatnsskarði á Skörðum 1823-1827, í Holti 1827-1830 og á Stóra-Búrfelli 1830-1832. Signý var próventukona í Ásbjarnarnesi 1857-1863, á Dalgeirsstöðum í Miðfirði 1863-1871 og á Vigdísarstöðum 1871 til æviloka. Barnlaus. Barnsmóðir: Guðrún Gísladóttir, f. 2. sept. 1792 á Orrastöðum á Ásum, d. 19. apríl 1854 á Kálfárvöllum í Staðarsveit, vk. á Svínavatni. For.: Gísli Einarsson b. á Orrastöðum og k.h. Sigríður Hákonardóttir. Guðrún giftist síðar Gísla Guðmundssyni b. á Holtastöðum í Langadal. Barn: Anna, f. 5. okt. 1826 á Svínavatni, d. 29. des. 1826 á sama stað. Barnsmóðir: Gróa Gísladóttir, f. 17. jan. 1807 í Stóru-Vogum á Vatnsleysuströnd, d. 29. maí 1862 í Bollagörðum á Seltjarnarnesi, vk. í Skjaldarkoti á Vatnsleysuströnd. For.: Gísli Sigurðsson b. á Hjallasandi á Kjalarnesi 1816 og barnsm.h. Guðrún Pálsdóttir vk. í Stóru-Vogum, síðar g. Þorsteini Þorsteinssyni b. í Gesthúsum á Seltjarnarnesi 1816. Gróa var vinnukona í Nesi við Seltjörn 1845. Börn: Sigurður, f. 16. nóv. 1828 í Skjaldarkoti, var hjá föður sínum á Stóru-Mörk 1834. Anna, f. 3. mars 1830 í Skjaldarkoti, g. Einari Hjörtssyni b. í Bollagörðum á Seltjarnarnesi.

(Bollagarðaætt, 11-25 og 317; Skiptab. Skag. 1. júlí 1794; Ættatölub. Jóns Espólíns, 606, 3789 og 6331; Ættatölub. Ólafs Snóksdalíns, 786; Ættatölub. Steingríms Jónssonar, 147).

Jón Sigurðsson (1792-1852) Bóndi í Stafni.

F. um 1792 í Stafni, d. 7. jan. 1862 á Steiná. For.: Sigurður Jónsson b. í Stafni og s.k.h. Helga Jónsdóttir. Var hjá foreldrum sínum í Stafni 1801 og 1814. Bjó með fyrri konu sinni á Hóli 1816-1817 og var hún skráð fyrir búinu það fardagaár. Húsmaður á Bollastöðum 1817-1818. Bóndi á Þröm í Blöndudal 1818-1822, á Eldjárnsstöðum 1822-1826 og í Stafni 1826-1848. Húsmaður í Stafni 1848-1849. Ráðsmaður í Valadal á Skörðum 1849-1850. Bóndi í Stafni aftur 1850-1859. Húsmaður í Stafni aftur 1859-1860. Próventumaður á sama stað 1860-1861, en var búsettur á Steiná 1861 til æviloka. Jón var greindur og nokkuð sérsinna, stórgeðja og örlyndur, og hneigður til drykkju. Hann var þjóðhagasmiður og góður búhöldur, átti vænan og kyngóðan bústofn og afbragðs hesta. Hann var mikill hestamaður og ferðamaður og lengi gangnaforingi á Eyvindarstaðaheiði. – Fyrri kona, g. 1815 eða 1816, Margrét Guðmundsdóttir, f. um 1766 á Eiríksstöðum, d. 15. nóv. 1848 í Stafni, ekkja Árna Jónssonar b. á Hóli. For.: Guðmundur Jónsson b. á Syðri-Leifsstöðum og k.h. Margrét Árnadóttir. Margrét var góð kona og hafði almenningsálit. Barnlaus. Seinni kona, g. 6. júní 1851, Ingibjörg Ólafsdóttir, f. 16. mars 1790 í Valadal, d. 15. júní 1869 í Litluhlíð í Vesturdal, ekkja Guðmundar Eyjólfssonar ráðsm. á Barkarstöðum. For.: Ólafur Andrésson b. á Botnastöðum og m.k.h. Björg Jónsdóttir. Hún var í skjóli Sigurlaugar dóttur sinnar á Syðri-Leifsstöðum 1859-1860 og í skjóli Ólafs sonar síns í Litluhlíð 1860 til æviloka. Ingibjörg var sögð nokkuð fégjörn. Barnlaus. Barnsmóðir: Guðbjörg Árnadóttir, f. um 1799 á Hóli, d. 23. apríl 1847 í Stafni, vk. í Stafni. For.: Árni Jónsson b. á Hóli og k.h. Margrét Guðmundsdóttir. Guðbjörg var áður gift Jóhannesi Jóhannssyni b. í Rugludal. Barn: Margrét, f. 12. júní 1833 í Stafni, g. Bjarna Ólafssyni b. í Stafni. Margrét var við skírn lýst dóttir Magnúsar Jónssonar vm. á Hóli í Tungusveit. Ennfremur töldu sumir að Jón væri faðir að öðru barni Guðbjargar Árnadóttur. Barnið var: Árni, f. 20. des. 1834 í Stafni, b. og smiður á Klifi í Viðfirði 1880, kv. Ingibjörgu Jónsdóttur. Árni var við skírn lýstur sonur Jóns Rafnssonar vm. í Stafni.

(Skagfirzkar æviskrár 1850-1890 II, 124-126 og III, 91-95; Ættir Austfirðinga, 433; Húnvetningasaga II, 359 og III, 729; Saga frá Skagfirðingum III, 131; Hlynir og hreggviðir, 93-125; Svipir og sagnir, 100; Æfisaga Gísla Konráðssonar, 5; Föðurtún, 124-125; Húnavaka 1978, 57; Dómab. Hún. 3. des. 1833; Skiptab. Hún. 2. des. 1843 og 18. mars 1850; Skeggsstaðaætt – Handrit Björns Bjarnasonar á Brandsstöðum; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 466-467, 3807-3808, 3930-3932 og 4761; Ættatölub. Ólafs Snóksdalíns, 335, 341, 412 og 543; Ættatölub. Steingríms Jónssonar, 5433).

Jón Sigurðsson (1806-1859) Bóndi á Skeggstöðum og Brún.

F. 10. júlí 1806 á Völlum í Vallhólmi, d. 17. júní 1859 í Málmey á Skagafirði. For.: Sigurður Jónsson b. í Stafni og s.k.h. Helga Jónsdóttir. Var hjá móður sinni í Stafni 1816, en fermdist í Mælifellssókn í Skagafjarðarsýslu 1820. Bóndi á Skeggsstöðum 1834-1837 og á Brún 1837-1850. Húsmaður á Barkarstöðum 1850-1853. Bóndi á Barkarstöðum 1853-1856 og hafði jafnframt bú á Brún 1854-1855. Bóndi á Brún aftur 1856-1857 og í Málmey 1857 til æviloka. Jón var vel meðalmaður á hæð og grannvaxinn, bjartur á hár og skegg, heldur langleitur og rjóður í andliti. Hann var greindur og nokkuð sérsinna, vel lesinn og framfarasinnaður, stórgeðja og örlyndur, og hneigður til drykkju. Hann var fyrsti hvatamaður að stofnun Jarðabótafélags Svínavatns- og Bólstaðarhlíðarhreppa árið 1842. Jón seldi Brún Guðmundi Jónssyni bónda á Torfustöðum fyrir 1200 ríkisdali 11. okt. 1856. – Kona, g. 9. okt. 1834, Guðrún Þorkelsdóttir, f. um 1814 á Neðra-Skúfi í Norðurárdal, d. 28. jan. 1865 á Eiríksstöðum. For.: Þorkell Jónsson b. á Skeggsstöðum og k.h. Rósa Bjarnadóttir. Guðrún var hjá foreldrum sínum á Neðra-Skúfi 1817 og fermdist í Bólstaðarhlíðarsókn 1828. Jón og Guðrún skildu 1857. Eftir skilnaðinn bjó Guðrún á Barkarstöðum 1857-1859 og í Syðra-Tungukoti 1859-1860. Hún var húskona á Gili 1860-1862, í Syðra-Tungukoti 1862-1864 og á Eiríksstöðum 1864 til æviloka. Börn: Þorkell, f. 7. maí 1837 á Skeggsstöðum, b. í Heiðarseli í Gönguskörðum, kv. Maríu Stefánsdóttur. María, f. 14. des. 1838 á Brún, d. 22. júní 1851 á Barkarstöðum. Helga, f. 26. maí 1840 á Brún, d. 14. ágúst 1840 á sama stað. Sigurður, f. 7. júní 1842 á Brún, b. í Bæ á Höfðaströnd, kv. Halldóru Björnsdóttur. Olgeir Matthías, f. 23. febr. 1844 á Brún, d. 31. ágúst 1856 á sama stað. Helga, f. 16. apríl 1848 á Brún, var hjá móður sinni í Syðra-Tungukoti 1860. Konráð, f. 8. jan. 1850 á Brún, vm. að Á í Unadal 1870, ókv. Guðmundur, f. 11. okt. 1851 á Barkarstöðum, d. 23. maí 1899 í Reykjavík, lyfjaafgreiðslum. í Reykjavík, kv. Unu Gísladóttur. María Elísabet, f. 5. sept. 1855 á Barkarstöðum, d. 5. júlí 1933 í Vancouver í British Columbia, g. Þorkeli Jónssyni trésmið á Ísafirði. Sambýliskona: Guðrún Pálsdóttir, f. 16. okt. 1815 í Saurbæ í Holtum, d. 3. mars 1890 í Kuðungi í Vestmannaeyjum. For.: Páll Jónsson pr. og skáld á Kirkjubæ í Vestmannaeyjum og k.h. Guðrún Jónsdóttir. Guðrún var hjá foreldrum sínum í Saurbæ 1816 og fermdist í Kirkjubæjarsókn í Vestmannaeyjum 1832. Hún bjó með manni sínum á Kirkjubæ í Vestmannaeyjum 1843-1854, en var á ferð á Hrafnhólum á Kjalarnesi við Manntal á Íslandi 1855. Húskona á Steinbrekku í Mosfellssveit 1855-1856. Vinnukona á Fossum 1856-1857, en var bústýra hjá Jóni í Málmey 1857-1859. Bústýra í Kólgu á Miðnesi 1870-1871. Viðloðandi á Flankastöðum á Miðnesi 1871-1872. Húskona á Kirkjubæ 1875-1876, í Kró í Vestmannaeyjum 1876-1878 og í Grímshjalli í Vestmannaeyjum 1878-1880, en var á sveitarframfæri í Kuðungi 1880 til æviloka. Guðrún var há og grönn, vel á sig komin, þunnleit í andliti og föl yfirlitum, með svart hár. Hún var svipmikil og ekki aldæla í skapi, stórgáfuð, prýðilega skáldmælt og mjög hraðkvæð. Var hún talin ákvæðaskáld eins og faðir hennar. Einnig lék hún á langspil. Hún var blind síðustu æviárin. Barn: stúlka, f. 12. febr. 1860 í Syðra-Tungukoti. Hún fæddist andvana og var tekin ,,með verkfærum af J. Skaptason lækni”, ritar prestur í kirkjubók. Barnsmóðir: Svanborg Oddsdóttir, f. 11. júní 1819 í Bjarnastaðahlíð í Vesturdal, d. 10. sept. 1852 á sama stað, vk. á Brún. For.: Oddur Jónsson b. á Þorsteinsstöðum í Tungusveit og k.h. Ingibjörg Brynjólfsdóttir. Svanborg giftist síðar Stefáni Ásmundssyni b. á Kúfustöðum. Barn: Eiríkur, f. 24. okt. 1848 á Brún, smali á Kúfustöðum 1870, ókv. Barnsmóðir: Guðrún Sigurðardóttir, f. 26. sept. 1824 á Kjartansstöðum á Langholti, d. 4. apríl 1853 í Kóngsgarði, vk. á Eiríksstöðum. For.: Sigurður Sigurðsson b. á Kjartansstöðum og s.k.h. Sigríður Þorsteinsdóttir. Guðrún giftist síðar Þorsteini Gíslasyni b. í Kóngsgarði. Barn: Jón, f. 25. sept. 1850 á Eiríksstöðum, b. á Hólabaki í Þingi, kv. Jósefínu Guðrúnu Ólafsdóttur, átti einnig son með Björgu Stefánsdóttur. – Barnsfaðir Guðrúnar Þorkelsdóttur: Þorsteinn Gíslason, f. 21. júní 1800 á Tjörnum í Saurbæjarhreppi, d. 18. okt. 1871 í Eiríksstaðakoti, b. í Kóngsgarði. For.: Gísli Þorsteinsson b. á Kolgrímastöðum í Saurbæjarhreppi og k.h. Guðrún Kjartansdóttir. Barn: Þorsteinn, f. 12. júlí 1832 á Skeggsstöðum, d. 15. júní 1837 á sama stað. – Maður Guðrúnar Pálsdóttur, g. 17. nóv. 1843, Ólafur Guðmundsson, f. 17. jan. 1798 á Bryggjum í Austur-Landeyjum, d. 14. júlí 1869 í Götu í Vestmannaeyjum, b. á Kirkjubæ. For.: Guðmundur Ólafsson b. í Bakkahjáleigu í Austur-Landeyjum og f.k.h. Ingibjörg Jónsdóttir. Ólafur var hjá foreldrum sínum á Bryggjum 1801 og fermdist í Krosssókn í Rangárvallasýslu 1811. Hann var talinn dugnaðarmaður og þjóðhagasmiður. Guðrún og Ólafur skildu 1854. Barnlaus. – Fyrri kona Ólafs, g. 1. des. 1822, Helga Ólafsdóttir, f. 11. maí 1798 á Efra-Hvoli í Hvolhreppi, d. 27. mars 1840 á Kirkjubæ. For.: Ólafur Þórarinsson b. í Litla-Gerði í Hvolhreppi og k.h. Þjóðlaug Jónsdóttir. Helga var hjá foreldrum sínum í Litla-Gerði 1801 og fermdist í Stórólfshvolssókn í Rangárvallasýslu 1811. Hún var vinnukona í Þorlaugargerði í Vestmannaeyjum 1816. Börn: Guðmundur, f. 1822 á Kirkjubæ, d. 1822 á sama stað. Steinunn, f. 1. nóv. 1823 á Kirkjubæ, d. 7. nóv. 1823 á sama stað. Höskuldur, f. 14. mars 1825 á Kirkjubæ, d. 17. mars 1825 á sama stað. Ingunn, f. 28. mars 1826 á Kirkjubæ. Helgi, f. 7. júní 1827 á Kirkjubæ, d. 15. júní 1827 á sama stað. Böðvar, f. 9. okt. 1828 á Kirkjubæ, d. 17. okt. 1828 á sama stað. Margrét, f. 9. okt. 1828 á Kirkjubæ, d. 15. júní 1890 í Stakkagerði í Vestmannaeyjum, húsk. í Götu 1870, óg., en átti son með Ólafi Gíslasyni húsmanni í Ottahúsi í Vestmannaeyjum og son og dóttur með Nicolai Heinrich Thomsen verslunarstj. í Godthaab í Vestmannaeyjum. Helgi, f. 17. des. 1829 á Kirkjubæ, d. 17. des. 1829 á sama stað. Guðrún, f. 13. des. 1830 á Kirkjubæ, d. 19. des. 1830 á sama stað. Sveinn, f. 16. des. 1831 á Kirkjubæ, d. 22. des. 1831 á sama stað. Gróa, f. 1. júní 1833 á Kirkjubæ, d. 8. júní 1833 á sama stað. Anna, f. 6. ágúst 1834 á Kirkjubæ, d. 10. ágúst 1834 á sama stað. Davíð, f. 12. apríl 1836 á Kirkjubæ, d. 10. sept. 1875 í Ögurþingum í Ísafjarðarsýslu, járnsmiður á Gemlufalli í Dýrafirði 1870, ókv. Ingibjörg, f. 19. okt. 1837 á Kirkjubæ, d. 21. febr. 1838 á sama stað. drengur, f. 19. okt. 1837 á Kirkjubæ. Hann fæddist andvana.

Athugasemdir: 1) Í Skiptab. Hún. 28. júní 1866 er Guðrún Þorkelsdóttir sögð hafa dáið í Hvammi í Svartárdal. Það stangast á við kirkjubækur. 2) Við Manntal á Íslandi 1. okt. 1860 er Guðrún Þorkelsdóttir skráð búandi í Syðra-Tungukoti með son sinn Þorkel Jónsson sem fyrirvinnu. Af öðrum heimildum má ráða að þau mæðgin hafa brugðið búi síðar á árinu. Við húsvitjun í Blöndudalshólasókn við nýjár 1861 er Syðra-Tungukot sagt standa í eyði í vetur. 3) Guðmundur Ólafsson, sonur Ólafs og Helgu, er sagður fæddur 30. nóv. 1822, en greftraður 8. nóv. 1822 í Prestsþjónustubók Kirkjubæjarsóknar í Vestmannaeyjum.

(Íslenzkar æviskrár IV, 126-127 og VI, 479; Holtamannabók I, 341-342; Landeyingabók, 31-32; Skagfirzkar æviskrár 1850-1890 II, 184-186 og III, 209-210 og 249-250; Skagfirzkar æviskrár 1890-1910 I, 291-292 og II, 167-169; Ljósmæður á Íslandi I, 197-198; Lyfjafræðingatal, 69-70; Húnvetningasaga II, 359 og III, 729 og 913; Hlynir og hreggviðir, 93-95; Æfisaga Gísla Konráðssonar, 5; Gestur I, 205-213; Skrudda III, 9-217; Úr fórum Jóns Árnasonar I, 51-54, 55-57, 114-116 og 148-152; Föðurtún, 124-125; Almanak Ólafs Thorgeirssonar 1934, 78; Skiptab. Hún. 2. des. 1843 og 28. júní 1866; Skiptab. Skag. 27. des. 1854; Ættatölub. Bjarna Jóhannessonar, 708; Ættatölub. Jóns Espólíns, 466-467, 3807-3808 og 4353; Ættatölub. Ólafs Snóksdalíns, 412, 482 og 543; Ættatölub. Steingríms Jónssonar, 5061 og 5433).

Jón Sigurðsson (1831-1903) Bóndi Barkarstaðagerði, Bergstaðagarði og Kóngsgarði.

F. 13. júlí 1831 á Hóli, d. 1. apríl 1903 á Valabjörgum á Skörðum. For.: Sigurður Jónsson b. á Fossum og s.k.h. Marsibil Jónsdóttir. Var hjá foreldrum sínum á Fossum 1840, en fermdist í Auðkúlusókn 1846. Var á ferð á Hrafnhólum á Kjalarnesi við Manntal á Íslandi 1855. Húsmaður á Steinbrekku í Mosfellssveit 1855-1856. Vinnumaður á Fossum 1856-1858. Húsmaður í Bergsstaðaseli 1858-1859. Vinnumaður á Valabjörgum 1859-1860. Bóndi í Víðimýrarseli hjá Víðimýri 1860-1862. Húsmaður í Hringey í Vallhólmi 1862-1863 og í Minni-Akragerði í Blönduhlíð 1863-1864. Bóndi í Fjallhúsum í Blönduhlíð 1864-1867. Húsmaður í Fjallhúsum 1867-1871. Bóndi í Barkarstaðagerði 1871-1872, í Bergsstaðagarði 1872-1877, í Teigakoti 1877-1882 og á Vindheimum 1882-1883. Húsmaður á Hóli 1883-1887. Bóndi í Kóngsgarði 1889-1892, en var í skjóli Andrésar sonar síns á sama stað 1892-1894. Bóndi í Kóngsgarði aftur 1894-1896. Þurfamaður á Eyvindarstöðum 1896-1897, en var með Hjálmari syni sínum á Eldjárnsstöðum í Blöndudal 1897-1898 og á Syðri-Leifsstöðum 1898-1899. Þurfamaður í Steinárgerði 1899-1900 og í Hringey 1900-1901, en var í skjóli Hjálmars sonar síns á Hóli 1901-1902 og á Valabjörgum 1902 til æviloka. Jón var smiður. Hann varð blindur á efstu árum. – Kona, g. í okt. eða í nóv. 1864, Margrét Jónsdóttir, f. 12. júní 1834 í Kálfárdal, d. 24. okt. 1899 á Skottastöðum. For.: Jón Ólafsson b. í Kálfárdal og k.h. Oddný Árnadóttir. Margrét var hjá foreldrum sínum í Kálfárdal 1840 og fermdist í Bólstaðarhlíðarsókn 1848. Hún var vinnukona á Ytra-Þverfelli 1854-1855, í Húsey í Vallhólmi 1855-1856, í Álftagerði hjá Víðimýri 1856-1857, í Kóngsgarði 1857-1859 og á Valabjörgum 1859-1860, en bústýra hjá Jóni í Víðimýrarseli 1860-1862, í Hringey 1862-1863 og í Minni-Akragerði 1863-1864. Húskona á Ytra-Þverfelli 1887-1889. Þurfakona á Eyvindarstöðum 1896-1897, en var með Hjálmari syni sínum á Eldjárnsstöðum 1897-1898 og á Syðri-Leifsstöðum 1898-1899. Síðast þurfakona á Skottastöðum. Börn: Margrét, f. 24. mars 1861 í Víðimýrarseli, d. 24. mars 1861 á sama stað. Ingibjörg, f. 18. maí 1862 í Víðimýrarseli, g. Þorláki Tómasi Björnssyni b. í Saurbæ á Langanesströnd. Andrés, f. 12. jan. 1866 í Fjallhúsum, b. á Ytra-Þverfelli, kv. Sigurlaugu Friðriksdóttur, átti einnig börn með Hólmfríði Benjamínsdóttur. Hjálmar, f. 29. nóv. 1869 í Fjallhúsum, b. á Hóli, kv. Guðrúnu Ástu Ingimundardóttur.

Athugasemd: Heimildum ber ekki saman um giftingardag Jóns og Margrétar. Í Prestsþjónustubók Miklabæjarprestakalls í Blönduhlíð eru þau sögð hafa gifst 16. okt. 1864. En í Prestsþjónustubók Miklabæjarsóknar í Blönduhlíð eru þau sögð hafa gifst 18. nóv. 1864.

(Skagfirzkar æviskrár 1850-1890 II, 186-187; Skagfirzkar æviskrár 1890-1910 III, 5-6 og 134-135; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3931, 4605 og 5494; Ættatölub. Ólafs Snóksdalíns, 335, 337 og 341).

Jón Símonsson (1681-1753) Bóndi á Brandsstöðum.

F. um 1681, d. 1752 eða 1753. For.: Símon Gíslason b. á Brandsstöðum og k.h. Þórunn Brandsdóttir. Var hjá móður sinni á Brandsstöðum 1703. Bóndi á Brandsstöðum -1708 til æviloka. – Kona: Guðný Jónsdóttir, f. um 1683, á lífi á Brandsstöðum 1754. Móðir: Halldóra Jónsdóttir húsm. á Norðurlandi. Guðný var vinnukona í Skyttudal -1702-1703-. Hún bjó ekkja á Brandsstöðum 1752-1754-. Börn: Halldóra, f. um 1718, g. Gísla Ólafssyni b. á Brandsstöðum. Árni, f. um 1720, b. í Stafni, kv. Guðrúnu Jónsdóttur. Símon, f. um 1724, b. á Brandsstöðum, kv. Ingigerði Brandsdóttur. Helga, f. um 1726 á Brandsstöðum, g. fyrr Halldóri Árnasyni b. á Fossum, síðar Jóni Jónssyni b. í Rugludal.

(Vorþeyr og vébönd, 172 og 228-229; Húnavaka 1977, 78-82; Dómab. Hún. 1. maí 1760, 14. maí 1761 og 27. apríl 1770; Skiptab. Hún. 29. okt. 1802; Skeggsstaðaætt – Handrit Björns Bjarnasonar á Brandsstöðum; Ættatölub. Ólafs Snóksdalíns, 536).

Jón Sveinsson (1648-?) Íbúi í Bólstaðarhlíðarhreppi.

hét búandi í Bólstaðarhlíðarhreppi -1648-1649-. Hann hyllti konung í Bólstaðarhlíð 24. maí 1649.

Athugasemd: Trúlega er hér um að ræða Jón Sveinsson b. á Torfustöðum -1662-1663-.

(Hyllingarskjöl 1649, 48).

Jón Sveinsson (1625-1663?) Bóndi á Torfustöðum.

F. nál. 1625, á lífi á Torfustöðum 1663. For. ókunnir. Bóndi á Torfustöðum -1662-1663-. – Ókunnugt um kvonfang, en sonur hans var: drengur, f. um 1660. Hann hvarf snögglega að kvöldlagi vorið 1663.

Jón gæti vel verið samnefndur maður sem hyllti konung í Bólstaðarhlíð 24. maí 1649.

(Annálar 1400-1800 I, 362, II, 196 og IV, 296; Hyllingarskjöl 1649, 48; Alþingisb. VII, 23).

Jón Sveinsson (1710-1749) Bóndi í Litlu-Mörk.

F. nál. 1710, á lífi í Vindhælishreppi 1749. For. ókunnir. Bóndi á Litlu-Mörk 1738-1739, á Kirkjubæ í Norðurárdal 1739-1741- og á Neðstabæ í Norðurárdal -1744-1746-. – Ókunnugt um kvonfang og börn.

(Dómab. Hún. 26. apríl 1749).

Jón Sveinsson (1764-1843) Bóndi á Strjúgsstöðum.

F. 1764 (sk. 12. maí 1764) á Neðstabæ í Norðurárdal, d. 14. júlí 1843 á Strjúgsstöðum. For.: Sveinn Sveinsson b. í Háagerði á Skagaströnd og k.h. Sigríður Jónsdóttir. Vinnumaður á Spákonufelli á Skagaströnd -1784-1785 og í Höfðakaupstað 1785-1787-. Ráðsmaður hjá móður sinni í Háagerði -1789-1790. Bóndi á Keldulandi á Skagaströnd 1790-1806 og á Strjúgsstöðum 1806-1816. Húsmaður á sama stað 1816-1829 og hafði jafnframt bú á Sneis á Laxárdal fremri 1818-1819. Bóndi á Strjúgsstöðum aftur 1829-1839. Húsmaður á sama stað 1839 til æviloka. Jón var nafntogaður eljumaður og mikill fjáraflamaður, en jafnframt hinn mesti maurapúki og svíðingur. Átti hann óhæga setu í því ófriðarbæli sem Langidalur var. Sjálfur var hann lítt vinsæll sökum ágirndar sinnar og nísku og sífellt umsetinn af þjófum og misindismönnum er hremma vildu maura hans. En hvernig sem að Jóni var sótt, þraukaði hann og sat að reytum sínum og sýndi í öllu frábæra þrautseigju og að hann var hvorki kjarklaus né ístöðulítill. Jón sótti á yngri árum sjó frá Hafnabúðum á Skaga, en síðar fór hann jafnan suður á vetrum og reri í Keflavík á Suðurnesjum, var formaður á skipi og fengsæll. Hann átti Strjúgsstaði. – Kona, g. 1788, Guðrún Guðmundsdóttir, f. 1754 (sk. 13. júlí 1754) á Neðri-Mýrum í Refasveit, d. 3. mars 1827 á Strjúgsstöðum. For.: Guðmundur Guðmundsson b. á Kirkjubæ í Norðurárdal og k.h. Solveig Einarsdóttir. Hún var vinnukona á Spákonufelli -1788-1790. Guðrún var sögð hæglætiskona, frómlynd og dygg. Börn: Halldór, f. 1789 á Spákonufelli, b. á Strjúgsstöðum, kv. Helgu Jónsdóttur. Guðmundur, f. 1793 á Keldulandi, d. 3. ágúst 1793 á sama stað. Sigríður, f. 20. júní 1797 á Keldulandi, g. Bjarna Sveinssyni b. á Strjúgsstöðum, þau þremenningar, átti áður son með Árna Jónssyni b. á Strjúgsstöðum. Stefán, f. 8. apríl 1799 á Keldulandi, d. 10. jan. 1800 á sama stað.

Athugasemd: Jón og Guðrún hafa gengið í hjúskap 31. okt. eða 31. des.

(Húnvetningasaga II, 366, 612-614, 619, 667-668, 672, 677 og 678 og III, 696; Saga Skagstrendinga og Skagamanna, 24, 59 og 80-81; Mannaferðir og fornar slóðir, 204-205 og 210-211; Svipir og sagnir, 116; Syrpa úr handritum Gísla Konráðssonar I, 258; Húnavaka 1989, 138-140, 141-143 og 159-161; Alþingisb. XVII, 67-69; Skiptab. Hún. 3. maí 1827 og 10. apríl 1844; Ættatölub. Ólafs Snóksdalíns, 442; Ættatölub. Steingríms Jónssonar, 6123).

Jón Tómasson (1700-1762) Bóndi í Skyttudal.

F. um 1700, á lífi í Skyttudal 1762. For.: Tómas Sigurðsson b. í Elivogum á Langholti og k.h. Ásný Árnadóttir. Var hjá foreldrum sínum á Kárastöðum í Hegranesi 1703. Búlaus í Bólstaðarhlíð 1738-1739. Bóndi í Skyttudal 1739-1762-. Jóni var úthlutað gjafakorni 28. des. 1756. – Kona: Guðfinna Ólafsdóttir, f. 1712 eða 1713 í Másstaðasókn, á lífi í Skyttudal 1762. For.: Ólafur Pétursson b. á Kringlu á Ásum og barnsm.h. Þuríður Björnsdóttir vk. í Másstaðasókn. Guðfinna var búlaus í Svínavatnshreppi 1735-1736. Hún bjó ekkja á Litlu-Mörk -1737-1738, en var búlaus í Finnstungu 1738-1739. Ókunnugt um börn. – Fyrri maður Guðfinnu: Jón. Barn: Þuríður, f. um 1734 á Búrfelli í Svínavatnshreppi, g. Guðmundi Oddssyni b. í Skyttudal.

(Dómab. Hún. 26. apríl 1770; Ættatölub. Jóns Espólíns, 1180; Ættatölub. Jóns Magnússonar, 502; Ættatölub. Ólafs Snóksdalíns, 36, 534 og 536; Ættatölub. Sighvats Grímssonar Borgfirðings, 636; Ættatölub. Steingríms Jónssonar, 3677).

Jón Tómasson (1709-1787) Bóndi á Eiríksstöðum og Eyvindarstöðum.

F. 1709 eða 1710 í Auðkúluprestakalli, d. 1787. For.: Tómas Eiríksson b. á Fjósum og k.h. Margrét Sveinsdóttir húsm. á Eiríksstöðum. Búlaus í Hvammi í Svartárdal -1734-1735-, í Bólstaðarhlíðarhreppi -1737-1738 og á Eiríksstöðum 1738-1739. Bóndi á Eiríksstöðum 1739-1741- og á Eyvindarstöðum -1744 til æviloka. Jón gaf vitnisburð um Teigana í Svartárdal 21. júní 1771. Honum var úthlutað gjafakorni 28. des. 1756. – Kona: Ingibjörg Sæmundsdóttir, f. um 1720, á lífi á Eyvindarstöðum 1791. For.: Sæmundur Eggertsson b. á Eiríksstöðum og k.h. Halldóra Eyjólfsdóttir. Hún bjó ekkja á Eyvindarstöðum 1787-1791. Árið 1762 voru hjá þeim fimm drengir 22, 19, 11, 9 og 8 ára og tvær stúlkur 7 og 3 ára. Börn: Magnús, f. um 1740, b. í Eiríksstaðakoti, kv. Guðrúnu Einarsdóttur. Tómas, f. um 1741, b. í Bólstaðarhlíðarhreppi, kv. Sesselju Árnadóttur. Jón, f. um 1750 á Eyvindarstöðum, b. og hreppstj. í Miðhópi í Víðidal, kv. Margréti Sveinsdóttur. Eiríkur, f. um 1751, b. á Eyvindarstöðum, kv. Guðríði Símonsdóttur. Eggert, f. um 1753, b. á Syðri-Leifsstöðum, kv. Halldóru Einarsdóttur. Sigríður, f. um 1755 á Eyvindarstöðum, g. Ólafi Jónssyni b. á Kúfustöðum. Margrét, f. um 1759 á Eyvindarstöðum, g. Þorsteini Steindórssyni b. á Kúfustöðum.

(Húnvetningasaga I, 313 og II, 627-628; Hlynir og hreggviðir, 20; Biskupsskjalasafn B VII; Alþingisb. XV, 636-637 og XVI, 15-16; Dómab. Hún. 21. júní 1771; Dómab. Skag. 22. apríl 1763; Skiptab. Hún. 27. okt. 1803, 23. júní 1815 og 19. maí og 29. ágúst 1826; Hjónabandsleyfi úr Hólabiskupsdæmi 1788 (Jón Jónsson og Margrét Sveinsdóttir); Ættatölub. Jóns Espólíns, 1843, 1844 og 3929).

Jón Þorbjörnsson(1649-1703?) Bóndi í Vatnshlíð.

F. um 1649, á lífi í Vatnshlíð 1703. Óvíst er um foreldra hans, en hann gæti hafa verið bróðir Guðrúnar Þorbjörnsdóttur vk. í Vatnshlíð 1703. Bóndi í Vatnshlíð -1699-1703-. Jón varð fyrir þeim búsifjum árið 1699 að skemma hans brann með öllu því sem í henni var. Orsakaðist bruninn af illa vöktuðum tóbakseldi. – Kona: Guðrún Jónsdóttir, f. um 1637, á lífi í Vatnshlíð 1703. For. ókunnir. Ókunnugt um börn. Barnsmóðir: Margrét Helgadóttir, f. nál. 1655, vk. í Húnavatnssýslu. Barneign Jóns með Margréti var fyrsta hórdómssök hans. Barn þeirra fæddist 1687 eða 1688 í Húnavatnssýslu.

(Vorþeyr og vébönd, 214; Hrakfallabálkur, 39; Annálar 1400-1800 IV, 318).

Jón Þorkelsson (1751-1822) Bóndi í Gauksdal og Litla-Vatnsskarði.

F. um 1751 á Framnesi í Blönduhlíð, d. 15. júlí 1822 í Gautsdal. For.: Þorkell Jónsson b. á Stóra-Vatnsskarði á Skörðum og k.h. Ragnhildur eða Rannveig (heimildum ber ekki saman um eiginnafnið) Sigfúsdóttir. Bóndi á Víðimýri í Seyluhreppi -1779-1785, í Gautsdal 1785-1802 og á Litla-Vatnsskarði á Laxárdal fremri 1802-1819, en var í skjóli Kristjáns sonar síns á sama stað 1819-1820 og í skjóli Helgu dóttur sinnar í Gautsdal 1820 til æviloka. Jón skrifaði undir verslunarkærubréf í Bólstaðarhlíð 20. sept. 1797. – Kona: Solveig Jónsdóttir, f. um 1742 á Geithömrum í Svínadal, d. 25. febr. 1829 í Gautsdal. For.: Jón Þorláksson b. á Ytri-Ey á Skagaströnd og k.h. Helga Sveinsdóttir. Solveig var í skjóli Helgu dóttur sinnar í Gautsdal -1826 til æviloka. Hún var kölluð átján para Solveig vegna skjótvirkni sinnar við prjónaskap. Börn: Helga, f. um 1774 í Brekku hjá Víðimýri, g. Jóhannesi Jónssyni b. í Gautsdal. Kristján, f. um 1778 á Víðimýri, b. á Litla-Vatnsskarði, kv. Sigurlaugu Jónsdóttur. Hann fermdist í Bergsstaðaprestakalli 1792, þá sagður 15 ára.

(Húnvetningasaga II, 510 og 620; Saga Skagstrendinga og Skagamanna, 80; Húnaþing I, 492-495; Verslunarb. Hofsóskaupstaðar 1782, 91; Biskupsskjalasafn B VII; Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 2126; Ættatölub. Ólafs Snóksdalíns, 508 og 724-725; Ættatölub. Steingríms Jónssonar, 100-101).

Jón Þorleifsson (1640-1703?) Bóndi á Eyvindarstöðum.

F. nál. 1640, d. 1702 eða 1703. For.: Þorleifur Ólafsson pr. í Finnstungu og barnsm.h. Guðríður vk. í Finnstungu. Bóndi á Eyvindarstöðum í Blöndudal -1676-1702-. Jón sigldi á yngri árum og var erlendis um tveggja ára skeið. – Kona, kl. 20. maí 1675, Guðrún Árnadóttir, f. nál. 1640, ekkja Bjarna Jónssonar b. á Eyvindarstöðum. For.: Árni Daðason b. og lögréttum. á Stóru-Ásgeirsá í Víðidal og k.h. Elín Pétursdóttir. Hún bjó ekkja á Eyvindarstöðum 1672-1675- milli manna. Jón og Guðrún voru þremenningar að frændsemi. Börn: Sesselja, f. um 1679, g. Sigurði Magnússyni pr. á Tunguhálsi í Tungusveit. Guðríður, f. um 1681, g. fyrr Árna Guðmundssyni b. á Eyvindarstöðum, síðar Þorkeli Björnssyni b. á Eyvindarstöðum. Barnsmóðir ókunn. Barn: Guðmundur, f. um 1666, vm. á Kúfustöðum 1703, ókv., en átti börn með Þórunni Pálsdóttur og Ingveldi Bjarnadóttur, tvö með þeirri fyrrnefndu. Barnsmóðir: Guðrún Jónsdóttir, f. um 1671, á lífi í Blöndudalshólaprestakalli 1711, vk. í Húnavatnssýslu. Faðir: Jón stígandi. Guðrún var vinnukona í Blöndudalshólum -1702-1703-. Barn: Bergljót, f. um 1693, var á Eyvindarstöðum 1703, síðar vk. í Blöndudalshólasókn, átti 1718 eða 1719 barn með Sveini Jónssyni. Barnsmóðir: Helga Björnsdóttir, f. um 1663, á lífi á Höllustöðum í Blöndudal 1703, húsm. í Syðra-Tungukoti. Faðir: Björn Erlendsson b. í Húnavatnssýslu. Barn: Björn, f. um 1702, var hjá móður sinni á Höllustöðum 1703. Alls er Jón talin hafa átt 4 launbörn.

(Lögréttumannatal, 56-57; Íslenzkir ættstuðlar II, 78; Saga Skagstrendinga og Skagamanna, 28; Hlynir og hreggviðir, 15-21; Annálar 1400-1800 IV, 319; Magnús Ketilsson III, 265; Prestastefnudómar og bréfab. Gísla biskups Þorlákssonar, 455, 460 og 462; Ættatölub. Jóns Espólíns, 606-607, 1173-1174, 1184-1185 og 3415-3416; Ættatölub. Jóns Halldórssonar, 135; Ættatölub. Jóns Magnússonar, 458 og 502; Ættatölub. Ólafs Snóksdalíns, 36 og 479; Ættatölub. Sighvats Grímssonar Borgfirðings, 633 og 1883; Ættatölub. Steingríms Jónssonar, 10 og 2090-2091).

Jón Þórólfsson (1635-1699) Bóndi í Hvammi í Laxárdal fremri.

F. nál. 1635, á lífi 1699. Óvíst er um foreldra hans, en hann var albróðir Odds Þórólfssonar b. í Skagafjarðarsýslu og hálfbróðir Þórarins Oddssonar b. á Hellulandi í Hegranesi 1664, en síðar í Ásgeirsbrekku í Viðvíkursveit. Bóndi í Saurbæjarparti í Skagafjarðarsýslu -1665-1666- og í Hvammi á Laxárdal fremri -1688-1689-, en var í Finnstungu -1696-. Jón var blindur. Fjármunir voru teknir upp á heimili hans af Jakobi Egilssyni árið 1688 og spratt af því langvinnur málarekstur. Jón seldi Hvamm Þorsteini Benediktssyni sýslumanni í Bólstaðarhlíð fyrir lausafé, en ekki var gengið formlega frá kaupunum fyrr en eftir andlát sýslumanns. – Ókunnugt um kvonfang og börn.

(Annálar 1400-1800 I, 591; Alþingisb. VIII, 233, 247, 264, 425, 472-473 og 544, IX, 17-18, 82, 98-99, 101 og 151).

Jón Þorsteinsson (1751-?) ábúandi í Hvammi á Laxárdal fremri.

hét búandi í Hvammi á Laxárdal fremri -1751-1752. Hann seldi Hvamm Birni Sveinssyni bónda á Illugastöðum í Laxárdal ytri fyrir 80 ríkisdali 26. okt. 1751.

Athugasemd: Má vera að hér sé kominn:

Jón Þorsteinsson (1716-1779) Bóndi á Innstalandi.

F. um 1716, d. 1778 eða 1779 á Innstalandi á Reykjaströnd. For. ókunnir. Bóndi á Innstalandi -1752 til æviloka. – Fyrri kona: Sigríður Jónsdóttir, f. um 1715, á lífi á Innstalandi 1762. For. ókunnir. Börn: Sigurður, f. um 1747, b. í Hólkoti á Reykjaströnd, kv. Guðrúnu Filippusdóttur. Arnbjörg, f. um 1748, g. fyrr Jóni Sæmundssyni b. í Hólakoti á Reykjaströnd, síðar Ara Péturssyni b. í Hólakoti. Ingveldur, f. um 1749 á Innstalandi, g. Sigurði Jónssyni b. og hreppstj. í Krossanesi í Vallhólmi. Seinni kona: Þórunn Jónsdóttir, f. nál. 1735, á lífi á Innstalandi 1780. For. ókunnir. Ókunnugt um börn. Ennfremur var dóttir Jóns: Þorgerður, f. um 1773 á Innstalandi, g. Guðmundi Ólafssyni b. á Hamri í Hegranesi, átti áður son með Gunnlaugi Gunnlaugssyni b. á Ingveldarstöðum á Reykjaströnd.

Athugasemd: Hægt er að láta sér til hugar koma að hér muni vera um að ræða Þórunni Jónsdóttur, sem var í vinnumennsku á Neðri-Mýrum í Refasveit 1801, sögð 73 ára.

(Saga frá Skagfirðingum II, 47-48; Alþingisb. XIV, 81; Dómab. Skag. 10. maí 1752, 24. maí 1762 og 7. sept. 1799; Skiptab. Skag. 10. júlí 1779 og 30. des. 1847; Verslunarb. Hofsóskaupstaðar 1782, 142; Ættatölub. Jóns Espólíns, 1637, 3064, 3369 og 3789).

Jón Þorsteinsson (1773-?) Ábúandi í Gautsdal

hét búandi í Gautsdal -1773-1783-.

Athugasemd: Kona Jóns gæti vel hafa verið Guðrún Jónsdóttir, sem bjó í Gautsdal -1784-1785, þá væntanlega ekkja.

Jón Þorvaldsson (1625-1666?) Bóndi í Þverárdal.

F. nál. 1625, á lífi í Þverárdal 1666. Faðir: Þorvaldur Skúlason b. í Vindhælishreppi og 1.k.h. Guðrún Erlendsdóttir. Bóndi í Þverárdal -1650-1666-. Jón hyllti konung í Bólstaðarhlíð 24. maí 1649. Með samþykki konu sinnar seldi hann hálfan Þverárdal föðurbróður sínum Þorláki Skúlasyni biskupi á Hólum í Hjaltadal fyrir 40 hundruð í lausafé 9. sept. 1648. – Kona: Sesselja Jónsdóttir, f. nál. 1625. Faðir: Jón Jónsson b. á Norðurlandi. Börn: Þorgrímur, f. um 1655, lögréttum. í Reykjahlíð í Mývatnssveit, kv. Margréti Bergsdóttur, átti áður son með annarri konu. Guðmundur. (Ættatölub. Ólafs Snóksdalíns, 694). Jón. (Ættatölub. Jóns Espólíns, 4949). Steinunn. (Ættatölub. Jóns Espólíns, 4949).

(Lögréttumannatal, 550; Sýslumannaæfir I, 509; Hyllingarskjöl 1649, 48-49; Alþingisb. VI, 254; Bréfab. Þorláks biskups Skúlasonar, 179, 189 og 272-273; Prestastefnudómar og bréfab. Gísla biskups Þorlákssonar, 123 og 135-136; Ættatölub. Jóns Espólíns, 3085 og 4948-4949; Ættatölub. Jóns Magnússonar, 489; Ættatölub. Ólafs Snóksdalíns, 213 og 694; Ættatölub. Steingríms Jónssonar, 1839 og 3365-3366; Ættatölub. Þórðar Jónssonar, 255).

Jónas Björnsson (1780-1863) Bóndi á Botnastöðum.

F. 1780 á Reykjum á Reykjaströnd, d. 10. febr. 1863 í SyðraTungukoti. For.: Björn Jónsson lausam. á Daðastöðum á Reykjaströnd og barnsm.h. Ingibjörg Jónsdóttir heimasæta á Reykjum. Vinnumaður á Reynistað í Staðarhreppi -1800-1801- og á Valabjörgum á Skörðum -1810-1811-. Bóndi á Botnastöðum 1812-1843, en var í skjóli Helgu stjúpdóttur sinnar á sama stað 1843-1862 og í skjóli Halldórs sonar síns í Syðra-Tungukoti 1862 til æviloka. – Kona: Helga Jónsdóttir, f. um 1761 á Fossum, d. 6. ágúst 1842 á Botnastöðum, ekkja Sigfúsar Sveinssonar b. á Botnastöðum. For.: Jón Jónsson b. í Rugudal og k.h. Helga Jónsdóttir. Barnlaus. Barnsmóðir: Sigríður Grímólfsdóttir, f. um 1771 í Geitagerði hjá Reynistað, d. 2. maí 1826 á Reykjarhóli hjá Víðimýri, vk. á Reynistað. For.: Grímólfur Egilsson b. í Geitagerði og s.k.h. Þuríður Finnbogadóttir. Hún var vinnukona í Stóru-Gröf á Langholti -1800-1801-, en húsmóðir í Torfgarði á Langholti 1815-1818. Jónas og Sigríður áttu saman tvö börn í lausaleik í Reynistaðarsókn í Skagafjarðarsýslu, hið eldra 1798, hið yngra 1800. Barn: Rósa, f. 1798 á Reynistað, g. Hannesi Þorvaldssyni b. á Reykjarhóli. Barnsmóðir: Rósa Bjarnadóttir, f. um 1783 í Köldukinn á Ásum, d. 29. okt. 1841 í SyðraTungukoti, heimasæta á Skeggsstöðum. For.: Bjarni Einarsson b. á Skeggsstöðum og k.h. Guðrún Jónsdóttir. Rósa giftist síðar Þorkeli Jónssyni b. á Skeggsstöðum. Barn: Halldór, f. 11. júlí 1810 á Skeggsstöðum, b. í Syðra-Tungukoti, kv. fyrst Oddnýju Halldórsdóttur, svo Sigríði Gísladóttur, síðast Unu Jóhannesdóttur.

(Skagfirzkar æviskrár 1850-1890 II, 118-119 og 298-301; Húnvetningasaga II, 600, 624 og 635; Feðraspor og fjörusprek, 138; Þjóðsögur Jóns Árnasonar III, 13; Húnavaka 1977, 79-81; Landsyfirréttardómar II, 24-26 og 53-56; Dómab. Hún. 29. mars 1815; Skiptab. Hún. 24. maí 1843 og 16. des. 1844; Skiptab. Skag. 15. okt. 1770 og 30. des. 1847; Ættatölub. Jóns Espólíns, 3370; Ættatölub. Ólafs Snóksdalíns, 482, 553 og 574; Ættatölub. Steingríms Jónssonar, 3680).

Jónas Einarsson (1801-1859) Bóndi í Þverárdal, á Gili og Stóru-Mörk.

F. 8. mars 1801 í Þverárdal, d. 8. des. 1859 á Gili. For.: Einar Jónsson b. í Þverárdal og f.k.h. Valgerður Jónsdóttir. Var hjá foreldrum sínum í Þverárdal 1816. Bóndi í Þverárdal 1822-1823, á Gili 1823-1824, á Stóru-Mörk 1824-1831 og á Gili aftur 1831-1856 og hafði jafnframt bú á Holtastöðum í Langadal 1846-1847 og 1855-1856 og í Selhaga 1847-1851. Húsmaður á Gili 1856 til æviloka. Hann var hreppstjóri og sáttamaður í Bólstaðarhlíðarhreppi og viðriðinn flest sveitarmál. Jónas var hár vexti og fríður sýnum, gildur fyrir sér, góðgjarn og drenglundaður, nafntogaður risnumaður, vinsæll og virtur. Hann var mikill búhöldur og jarðabótamaður, sléttaði í túni og færði út, hlóð túngarð, byggði vel bæ sinn og gerði tilraun með áveitu. Einnig aðstoðaði hann Klemens Klemensson við bæjarbyggingu í Bólstaðarhlíð og smíði kirkna í Bólstaðarhlíð og á Holtastöðum. Jónas keypti Gil og bjó þar vel. Hann var einn af helstu forgöngumönnum að stofnun Búnaðarfélags Svínavatns- og Bólstaðarhlíðarhreppa. Hann varð yfirvarðforingi, er kláðavörðurinn var settur, 1858. – Kona, g. 10. okt. 1822, Guðrún Illugadóttir, f. um 1800 á Eyvindarstöðum, d. 14. nóv. 1855 á Gili. For.: Illugi Gíslason b. á Eyvindarstöðum og k.h. Þuríður Ásmundsdóttir. Guðrún var hjá foreldrum sínum á Eyvindarstöðum 1801 og í Holti í Svínadal 1816. Hún var væn kona og atkvæðamikil, glaðlynd og örlát. Börn: Illugi, f. 30. ágúst 1825 á Stóru-Mörk, b. í Sellandi, kv. Ingibjörgu Ólafsdóttur. Sigríður, f. 26. okt. 1829 á Stóru-Mörk, g. Gísla Ólafssyni jarðyrkjum. í Reykjavík, átti áður dóttur, opinberlega kennda Birni Guðmundssyni b. og söðlasmið í Ásbjarnarnesi í Vesturhópi, en almennt álitna laundóttur Hinriks Hinrikssonar pr. á Bergsstöðum. Hún var bústýra á Gili 1866-1868. Björg, f. 18. ágúst 1831 á Gili, g. Einari Guðmundssyni b. á Syðri-Leifsstöðum, þau bræðrabörn. Einar, f. 28. jan. 1833 á Gili, b. á Gili, ókv., en átti son með Dagbjörtu Kráksdóttur ráðsk. í Steinárgerði. Barnsmóðir: Dagbjört Kráksdóttir, f. 28. ágúst 1838 á Steiná, d. 31. maí 1895 á Brandsstöðum, húsk. á Gili. For.: Krákur Jónsson b. í Steinárgerði og k.h. Helga Þórðardóttir. Dagbjört bjó síðar með Birni Guðmundssyni b. í Steinárgerði. Barn: Guðrún, f. 27. ágúst 1859 á Gili, g. Ólafi Jónssyni b. í Stafni.

(Íslenzkar æviskrár V, 414-415 og II, 74; Borgfirzkar æviskrár III, 52; Skagfirzkar æviskrár 1850-1890 I, 30 og II, 32-34; Frændgarður I, 289-290; Ættarskrá Bjarna Þorsteinssonar, 373; Sjómenn og sauðabændur, 223; Húnvetningasaga III, 913; Saga frá Skagfirðingum III, 39, 135 og 151-152; Hrakhólar og höfuðból, 46-49; Troðningar og tóftarbrot, 40; Föðurtún, 116; Húnavaka 1979, 107-110 og 1988, 118; Norðri 1856 (nr. 1 og 2), 8, 1859 (nr. 33 og 34), 136 og 1860 (nr. 5 og 6), 23; Brandsstaðaannáll, 194 og 218; Annáll nítjándu aldar III, 70; Skiptab. Hún. 21. apríl 1845 og 21. sept. 1858; Eiðsstaðaætt – Handrit Björns Bjarnasonar á Brandsstöðum; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1399, 4759 og 5486; Ættatölub. Ólafs Snóksdalíns, 336, 338 og 722; Ættatölub. Sighvats Grímssonar Borgfirðings, 2435).

Jónas Eyjólfsson (1821-1859) Bóndi á Fjósum.

F. 24. júlí 1821 á Gili, d. 19. apríl 1859 á Fjósum. For.: Eyjólfur Jónasson b. á Syðra-Þverfelli og f.k.h. Björg Einarsdóttir. Ólst upp hjá móðurbróður sínum Jónasi Einarssyni og konu hans Guðrúnu Illugadóttur á Gili og fermdist í Bólstaðarhlíðarsókn 1835. Húsmaður í Selhaga 1852-1853. Vinnumaður á Fjósum 1853-1858. Bóndi á Fjósum 1858 til æviloka. – Kona, g. 14. júní 1853, Dýrborg Árnadóttir, f. 22. nóv. 1835 í Vatnshlíð, d. 1. mars 1863 á Gili. For.: Árni Þorbergsson b. á Fjósum og k.h. Guðbjörg Magnúsdóttir. Dýrborg var hjá foreldrum sínum á Fjósum 1845 og fermdist í Bólstaðarhlíðarsókn 1850. Hún bjó ekkja á Fjósum 1859-1861 og á Gili 1861 til æviloka. Börn: Guðrún, f. 4. okt. 1856 á Fjósum, g. Pétri Guðmundssyni b. í Umsvölum í Þingi, átti áður son með Agli Einarssyni vm. á Mælifellsá á Efribyggð 1880. Jónas Illugi, f. 15. apríl 1858 á Fjósum, b. í Ytri-Njarðvík í Vatnsleysustrandarhreppi, kv. Oddbjörgu Þorsteinsdóttur.

(Búsæld og barningur, 150; Skiptab. Hún. 21. des. 1861 og 29. des. 1864; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 4759 og 4760; Ættatölub. Ólafs Snóksdalíns, 312-313 (innskotsblöð), 336 og 337).

Jónas Hannesson (1820) Bóndi á Bergsstöðum og Barkarstöðum.

F. 9. okt. 1820 á Reykjarhóli hjá Víðimýri, á lífi á Syðri-Leifsstöðum 1870. For.: Hannes Þorvaldsson b. á Reykjarhóli og k.h. Rósa Jónasdóttir. Ólst upp hjá móðurafa sínum Jónasi Björnssyni og konu hans Helgu Jónsdóttur á Botnastöðum og fermdist í Bólstaðarhlíðarsókn 1835. Vinnumaður á Litlu-Seylu á Langholti 1845-1847-. Húsmaður á Litlu-Seylu -1848-1849. Bóndi á Íbishóli á Langholti 1849-1850. Vinnumaður á Litlu-Seylu aftur 1850-1852 og á Bergsstöðum 1852-1855. Húsmaður á Barkarstöðum 1855-1856. Bóndi á Barkarstöðum 1856-1859, á Litlu-Seylu 1859-1860, í Torfmýri í Blönduhlíð 1860-1864 og í Hólabæ 1864-1867. Húsmaður á Ásum á Bakásum 1867-1868. Bóndi á Brandsstöðum 1868-1869 og á Syðri-Leifsstöðum 1869-1870. – Kona, g. 14. nóv. 1846, Margrét Jónsdóttir, f. 11. maí 1827 á Löngumýri í Vallhólmi, d. 29. okt. 1916 á Brandsstöðum. For.: Jón Þorvaldsson b. á Litlu-Seylu og sambýlisk.h. Soffía Jónsdóttir. Margrét var hjá foreldrum sínum á Litlu-Seylu 1835 og fermdist í Glaumbæjarsókn í Skagafjarðarsýslu 1841. Hún var húskona á Torfustöðum 1870-1871. Vinnukona á Brún 1871-1872- og á Torfustöðum -1873-1879. Húskona á Eiríksstöðum 1879-1884. Vinnukona á Skottastöðum 1884-1887. Húskona á Ytra-Þverfelli 1887-1889, á Fjósum 1889-1891 og á Skottastöðum 1891-1892. Ráðskona á Skottastöðum 1893-1894. Vinnukona á Stóra-Vatnsskarði á Skörðum 1894-1895 og í Valagerði á Skörðum 1895-1896, en var í skjóli Þorvalds sonar síns í Kálfárdal 1898-1899. Vinnukona á Syðri-Leifsstöðum 1899-1901, en var í skjóli Þorvalds sonar síns í Selhaga 1901-1902-. Vinnukona í Valadal á Skörðum 1903-1905. Þurfakona á Skeggsstöðum 1905-1906 og á Hóli 1906-1907. Vinnukona í Valadal aftur 1908-1910. Húskona í Valagerði 1910-1911. Tökukona í Geldingaholti í Seyluhreppi 1912-1914 og á Grófargili á Langholti 1914-1915. Þurfakona í Eiríksstaðakoti 1915-1916, en síðast á Brandsstöðum. Margrét var í minna meðallagi á vöxt, kvik á fæti og mun hafa verið grannvaxin á yngri árum. Börn: Helga Elín, f. 24. sept. 1847 á Litlu-Seylu, g. Þorkeli Jónssyni b. í Mánavík á Skaga. Jón Hannes, f. 6. febr. 1849 á Litlu-Seylu, d. 8. júní 1866 í Syðri-Mjóadal, síðast vm. í Syðri-Mjóadal. Soffía Filippía, f. 8. apríl 1850 á Ípishóli, g. Þorkeli Jónssyni b. í Mánavík. Rósa Sigríður, f. 8. apríl 1851 á Litlu-Seylu, d. 11. ágúst 1934 á Grófargili, húsk. á Kirkjuhóli hjá Víðimýri, óg., en átti son með Stefáni Stefánssyni vm. á Víðimýri í Seyluhreppi. Bjarni, f. 13. júní 1852 á Bergsstöðum, d. 17. sept. 1892 í Glaumbæ á Langholti, vm. á Víðimýri 1880, en síðast í Glaumbæ, kv. fyrr Guðrúnu Björnsdóttur, síðar Ingibjörgu Klementínu Björnsdóttur. Guðmundur, f. 6. mars 1854 á Bergsstöðum, d. 10. sept. 1860 á Fjósum. Ingibjörg, f. 11. mars 1856 á Barkarstöðum, d. 11. júní 1861 á Skorrastað í Norðfirði. Guðrún, f. 22. apríl 1857 á Barkarstöðum, d. 26. júlí 1858 á sama stað. Anna, f. 22. maí 1859 á Litlu-Seylu, vk. í Stafni 1880, óg. Þorkell, f. 19. okt. 1860 í Torfmýri, dr. 8. nóv. 1879 á Skagafirði, síðast vm. á Barkarstöðum. Þorvaldur, f. 10. sept. 1864 í Hólabæ, b. í Kárahlíð, kv. Sigríði Sigmundsdóttur. Ingibjörg, f. 13. mars 1866 í Hólabæ, d. 25. júní 1868 á Stóru-Mörk. Jónína Ingibjörg, f. 14. ágúst 1868 á Brandsstöðum, d. 7. febr. 1966 á Bessastöðum í Sæmundarhlíð, vk. í Holtskoti í Seyluhreppi 1910, óg.

(Skagfirzkar æviskrár 1850-1890 II, 118-119, 195-197 og 198-199; Skagfirzkar æviskrár 1890-1910 III, 327-329; Sagnir um slysfarir í Skefilsstaðahreppi, 135; Skagfirzkur annáll 1847-1947 I, 157; Skiptab. Hún. 16. des. 1844).

Jónas Ísleifsson (1820-1886) Húsmaður á Skottastöðum.

F. 31. júlí 1820 á Gili, d. 17. febr. 1886 í Strjúgsstaðaseli. For.: Ísleifur Jóhannesson vm. á Breiðavaði í Langadal og barnsm.h. Sigurlaug Jónasdóttir heimasæta á Gili, síðar g. Sigurði Árnasyni b. og hreppstj. á Ytri-Ey á Skagaströnd. Var hjá móður sinni í Ytri-Ey 1835 og fermdist í Höskuldsstaðasókn sama ár. Léttapiltur á Geitaskarði í Langadal 1838-1839. Vinnumaður á Báruseyri á Álftanesi 1844-1845, á Gunnsteinsstöðum 1845-1848, á Guðlaugsstöðum í Blöndudal 1848-1849, í Stóradal í Svínavatnshreppi 1852-1853, á Fjalli í Sæmundarhlíð 1853-1854, á Guðrúnarstöðum í Vatnsdal 1854-1855, í Stóradal aftur 1855-1856, á Njálsstöðum á Skagaströnd 1856-1857, á Fossi á Skaga 1857-1858, á Hofi á Höfðaströnd 1858-1859-, á Hofsósi -1860-1861, á Akureyri 1861-1862 og í Saurbæ í Saurbæjarhreppi 1862-1864. Húsmaður í Miðgerði í Saurbæjarhreppi 1864-1865. Vinnumaður í Syðri-Mjóadal 1865-1866. Húsmaður á Skottastöðum 1866-1867, í Syðra-Tungukoti 1867-1868, í Mjóadal 1869-1870 og 1871-1872- og í Gautsdal 1874-1875. Vinnumaður á Ytri-Löngumýri í Blöndudal 1875-1876. Húsmaður í Hvammi í Svartárdal 1876-1877, á Skottastöðum 1877-1878 og í Gilhagaseli á Gilhagadal 1878-1883. Bóndi í Víðimýrarseli hjá Víðimýri 1883-1885. Húsmaður í Strjúgsstaðaseli 1885 til æviloka. – Kona, g. 26. sept. 1863, Sigríður Þorsteinsdóttir, f. 9. okt. 1834 í Hólakoti í Saurbæjarhreppi, d. 12. mars 1907 á Sauðárkróki. For.: Þorsteinn Þorsteinsson b. í Hólakoti og s.k.h. Guðný Friðfinnsdóttir. Sigríður var hjá foreldrum sínum í Hólakoti 1845 og fermdist í Hólasókn í Eyjafjarðarsýslu 1849. Hún var vinnukona á Jórunnarstöðum í Saurbæjarhreppi 1858-1859, í Saurbæ í Saurbæjarhreppi 1859-1863, í Miklagarði í Saurbæjarhreppi 1863-1864 og á Auðólfsstöðum 1865-1866. Húskona á Litla-Vatnsskarði á Laxárdal fremri 1870-1871, í Gautsdal -1873-1875, í Hvammi í Svartárdal 1875-1877 og á Mánaskál á Laxárdal fremri 1886-1887, en var í skjóli Guðnýjar dóttur sinnar í Heiðarseli í Gönguskörðum 1887-1892, á Sauðárkróki 1892-1893, á Hlíðarenda í Borgarsveit 1893-1897, í Árbæ á Sauðárkróki 1897-1901 og á Háeyri á Sauðárkróki 1901 til æviloka. Börn: Kristín, f. 28. sept. 1863 í Miklagarði, d. 23. sept. 1867 í Þverárdal. Guðný, f. 10. ágúst 1866 á Skottastöðum, g. Magnúsi Benediktssyni b. í Heiðarseli. Rut, f. 1872 í Holtastaðasókn, d. 18. sept. 1932 í San Diego í Kaliforníu, g. Jóni Sigurðssyni b. við Elfros í Saskatchewan. Þau tóku sér ættarnafnið Laxdal vestra. Barnsmóðir: Guðrún Jónsdóttir, f. 20. jan. 1836 í Strjúgsstaðaseli, d. 8. mars 1875 í Syðra-Tungukoti, vk. á Fjalli. For.: Jón Guðmundsson b. á Strjúgsstöðum og k.h. Guðrún Einarsdóttir. Hún var vinnukona á Kárastöðum í Hegranesi 1860, en húskona í Syðra-Tungukoti 1864-1866 og 1873 til æviloka. Barn: Margrét, f. 19. sept. 1853 á Fjalli, d. 19. júní 1890 á Litlu-Seylu á Langholti, vk. á Bessastöðum í Sæmundarhlíð 1880, óg.

Athugasemd: Rut Jónasdóttir er sögð fædd 11. júlí 1873 í Holtastaðakoti í Almanaki Ólafs Thorgeirssonar. Ártalið er rangt, en dagsetningin kann að vera rétt.

(Íslenzkar æviskrár V, 478-479; Borgfirzkar æviskrár VII, 295; Skagfirzkar æviskrár 1850-1890 III, 154-156; Skagfirzkar æviskrár 1890-1910 I, 212-214; Búsæld og barningur, 150-163 og 170-171; Troðningar og tóftarbrot, 40; Syrpa úr handritum Gísla Konráðssonar II, 336-350; Föðurtún, 495; Almanak Ólafs Thorgeirssonar 1917, 91-92, 1933, 125 og 1939, 66-67; Ábúendatal í Inn-Eyjafirði, 1447-1449; Skeggsstaðaætt – Handrit Björns Bjarnasonar á Brandsstöðum; Ættatölub. Bjarna Jóhannessonar, 55; Ættatölub. Jóns Espólíns, 4761 og 4774-4775; Ættatölub. Ólafs Snóksdalíns, 312-313 (innskotsblöð) og 337).

Jónas Jónatansson (1796-1872) Bóndi á Eiríksstöðum.

F. um 1796 í Bergsstaðasókn, d. 23. júlí 1872 í Stóradal í Svínavatnshreppi. For.: Jónatan Jónsson b. í Eyvindarstaðagerði og k.h. Margrét Þorkelsdóttir. Var hjá foreldrum sínum í Finnstungu 1801. Búlaus í Eyvindarstaðagerði 1830-1831. Vinnumaður á Ytri-Löngumýri í Blöndudal 1831-1832. Bóndi á Ytri-Löngumýri 1832-1834. Vinnumaður í Sólheimum í Svínavatnshreppi 1834-1837, á Eiríksstöðum 1837-1842, í Hvammi í Vatnsdal 1842-1843 og í Sólheimum aftur 1843-1845. Húsmaður í Sólheimum 1845-1848. Bóndi í Sólheimum 1848-1849 og á Eiríksstöðum 1849-1850. Húsmaður í Sólheimum aftur 1850-1867 og í Stóradal 1867-1871. Vinnumaður í Stóradal 1871 til æviloka. – Kona, g. 11. okt. 1845, Valgerður Sæmundsdóttir, f. 12. júlí 1807 á Litlu-Seylu á Langholti, á lífi í Sólheimum 1866. For.: Sæmundur Jónsson b. á Litlu-Seylu og s.k.h. Valgerður Magnúsdóttir. Valgerður var hjá foreldrum sínum á Litlu-Seylu 1817 og fermdist í Glaumbæjarsókn í Skagafjarðarsýslu 1820. Hún var vinnukona í Krossanesi í Vallhólmi -1829-1832 og á Stóra-Vatnsskarði á Skörðum 1832-1833. Bústýra í Eiríksstaðakoti 1833-1836-. Vinnukona á Gili -1839-1840, á Syðri-Löngumýri í Blöndudal 1840-1841-, á Litla-Búrfelli í Svínavatnshreppi -1843-1844 og í Sólheimum 1844-1846. Barnlaus. Barnsmóðir: Rósída Jónsdóttir, f. 7. júní 1797 á Húnsstöðum á Ásum, d. 12. des. 1872 í Strjúgsstaðaseli, vk. í Eyvindarstaðagerði. For.: Jón Gíslason b. á Húnsstöðum og k.h. Steinunn Þórðardóttir. Barn: Sigfús, f. 23. sept. 1827 í Eyvindarstaðagerði, d. 20. febr. 1833 á Ytri-Löngumýri. Barnsmóðir: Helga Ólafsdóttir, f. 28. febr. 1808 í Blöndudalshólum, d. 7. ágúst 1880 í Eiríksstaðakoti, vk. í Glaumbæ í Langadal. For.: Ólafur Tómasson pr. í Blöndudalshólum og k.h. Helga Sveinsdóttir. Helga var vinnukona í Engihlíð í Langadal 1845. Hún var sjóndöpur og varð að síðustu blind, en svo lyktnæm, að undrum sætti, og hafði aðdáanlega fagra söngrödd. Barn: Helga, f. 9. okt. 1836 í Glaumbæ, húsk. í Miðhúsum í Þingi 1870, óg., en átti son með Hannesi Þorleifssyni vm. á Þingeyrum í Þingi 1870. Þá er Jónas talinn hafa átt barn með Valgerði Pálsdóttur húsm. á Miðhúsum í Austurdal 1850, en ekki hefur tekist að finna staðfestingu á því. (Húnvetningasaga II, 570). Ennfremur gekkst Jónas við barni Ólafar Þorleifsdóttur, f. 9. okt. 1795 í Kambakoti á Skagaströnd, á lífi á Ytra-Þverfelli 1861, húsm. á Ytra-Þverfelli. For.: Þorleifur Markússon b. í Kambakoti og barnsm.h. Ólöf Eyvindsdóttir vk. í Kambakoti. Barnið var: Eyjólfur, f. 30. sept. 1825 í Selhaga, b. í Kálfárdal, kv. Sigþrúði Jónsdóttur. Hann var launsonur Eyjólfs Jónassonar b. á Syðra-Þverfelli, en jafnan skrifaður Jónasson. – Barnsfaðir Valgerðar: Sölvi Jónsson, f. um 1798 í Sjávarborgarsókn í Skagafjarðarsýslu, d. 21. maí 1873 í Hvammi á Laxárdal, vm. á Nautabúi á Neðribyggð 1835. For.: Jón Jónsson b. á Breiðstöðum í Gönguskörðum og k.h. Sigríður Magnúsdóttir. Barn: Sigurlaug, f. 28. mars 1830 í Krossanesi, g. Jónasi Frímanni Sigurðssyni b. í Hvammi á Laxárdal.

(Íslenzkar æviskrár III, 88; Skagfirzkar æviskrár 1850-1890 VI, 65-70; Húnvetningasaga II, 570; Saga frá Skagfirðingum II, 111, 114 og 175; Búsæld og barningur, 146; Hlynir og hreggviðir, 25-27; Ritsafn Stefáns Jónssonar á Höskuldsstöðum IV, 123-127; Æfisaga Gísla Konráðssonar, 5; Sagnablöð hin nýju, 229-231; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1081, 1178, 1183, 1880, 3795, 4165 og 4775; Ættatölub. Ólafs Snóksdalíns, 312-313 (innskotsblöð), 335, 337 og 546-547; Ættatölub. Sighvats Grímssonar Borgfirðings, 636-637; Ættatölub. Steingríms Jónssonar, 1274 og 4795).

Jónas Jónsson (1765-1818) Bóndi á Gili.

F. um 1765 á Ytri-Ey á Skagaströnd, d. í júní 1818 á Njálsstöðum á Skagaströnd. For.: Jón Jónsson b. á Ytri-Ey og k.h. Ingibjörg Jónsdóttir. Bóndi á Ytri-Ey 1791-1795 og á Gili 1795 til æviloka. Jónas var mikill vexti og vel vaxinn, dökkhærður, ljóslitaður í andliti, stilltur að jafnaði, en geðríkur undir, tryggur og vinfastur, þrekmaður mikill á alla lund og karlmenni að burðum. Ungur að aldri vandist hann sjómennsku og reri suður, þegar hann þótti hafa burði til. Reri hann suður í Keflavík flestar vetrarvertíðir, var þar formaður, kappsamur og aflasæll. Hann bjó stórbúi á Gili og efnaðist vel. Jónas keypti Gili af Gísla Jónssyni bónda á sama stað fyrir 80 ríkisdali 11. jan. 1792. Hann keypti Kelduland á Kjálka og Stekkjarflatir á Kjálka af Sigurði Ólafssyni bónda á Stóra-Vatnsskarði á Skörðum, en hafði makaskipti á þeim jörðum fyrir Efri-Torfustaði í Miðfirði við Pétur Skúlason bónda á Þorleifsstöðum í Blönduhlíð. Jónas skrifaði undir verslunarkærubréf í Bólstaðarhlíð 20. sept. 1797. – Kona, g. 30. des. 1791, Ingibjörg Jónsdóttir, f. um 1760 á Skeggsstöðum, d. 4. febr. 1847 á Eyjólfsstöðum í Vatnsdal. For.: Jón Jónsson b. á Skeggsstöðum og k.h. Björg Jónsdóttir. Ingibjörg var hjá foreldrum sínum á Skeggsstöðum 1762. Hún bjó ekkja á Gili 1818-1820 og hafði jafnframt bú á Fjósum 1819-1820. Hún var húskona á Gili 1820-1821, en reisti þá bú á Geithömrum í Svínadal og giftist síðar á því sama ári Sigurði Sigurðssyni b. á Geithömrum. Ingibjörg var heldur lítil vexti, ekki fríð sýnum, en snotur á fæti, glaðsinna, örlynd og skapstór, lagin til búskapar og umsýslukona mikil. Börn: Margrét, f. 15. júní 1792 á Ytri-Ey, g. Guðmundi Einarssyni b. í Þverárdal, þau systkinabörn. Björg, f. 16. júlí 1793 á Ytri-Ey, g. fyrr Sigfúsi Oddssyni b. í Selhaga, síðar Guðmundi Árnasyni b. í Skyttudal. Eyjólfur, f. 9. sept. 1794 á Ytri-Ey, b. á Syðra-Þverfelli, kv. fyrr Björgu Einarsdóttur, þau systkinabörn, síðar Málhildi Gísladóttur, átti einnig börn með ýmsum öðrum konum. Sigurlaug, f. 1795 á Gili, g. Sigurði Árnasyni b. og hreppstj. í Höfnum á Skaga, átti áður börn með Ísleifi Jóhannessyni vm. á Breiðavaði í Langadal og Jóhanni Jónssyni b. á Holtastöðum í Langadal, tvö með þeim fyrrnefnda og eitt með þeim síðarnefnda. Ingibjörg, f. 26. júní 1797 á Gili, d. 1797 á Syðra-Hóli á Skagaströnd. Hún var skírð í Höskuldsstaðasókn. Einar, f. um 1798 á Gili, d. 18. febr. 1835 í Reykjavík, kaupm. í Reykjavík, kv. Margréti Höskuldsdóttur.

(Íslenzkar æviskrár V, 478-479; Frændgarður I, 292-293; Frændgarður II – Ættmeiður, 190; Húnvetningasaga II, 360; Saga frá Skagfirðingum III, 56, 110 og 170; Búsæld og barningur, 144-189; Hlynir og hreggviðir, 22 og 26; Svipir og sagnir, 98-102 og 116; Syrpa úr handritum Gísla Konráðssonar II, 338, 342 og 344-345; Æfisaga Gísla Konráðssonar, 88-89; Föðurtún, 115-116; Húnaþing I, 492-495; Húnavaka 1981, 120-123; Skagfirðingabók 1970, 126; Brandsstaðaannáll, 53 og 162; Alþingisb. XVII, 255; Dómab. Skag. 1. maí 1810; Skiptab. Hún. 27. maí 1819, 10. júní og 29. des. 1847; Lbs. 696, 8vo (Minnisbók Jóns Espólíns); Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 4760-4761 og 4776; Ættatölub. Ólafs Snóksdalíns, 312-313 (innskotsblöð), 335 og 337; Ættatölub. Sighvats Grímssonar Borgfirðings, 2422-2424 og 2433).

Jónas Jónsson (1818-1900) Ráðsmaður á Bergsstöðum.

F. 21. des. 1818 í Hjarðarholti í Laxárdal, d. 2. okt. 1900 í Arnarholtskoti í Stafholtstungum. For.: Jón Jónsson pr. á Bergsstöðum og k.h. Dýrfinna Jónsdóttir. Fermdur í Bergsstaðasókn 1834. Ráðsmaður hjá móður sinni á Bergsstöðum 1839-1841. Bóndi í Keflavík í Hegranesi 1841-1843, í Arnarholti í Stafholtstungum 1843-1878- og í Arnarholtskoti -1880-1888. Húsmaður í Arnarholtskoti 1888 til æviloka. – Kona, g. 16. okt. 1841, Björg Stefánsdóttir, f. 15. júlí 1822 í Keflavík, d. 29. sept. 1877 í Arnarholti. For.: Stefán Sigurðsson b. í Keflavík og f.k.h. Þorbjörg Þorláksdóttir. Björg var hjá foreldrum sínum í Keflavík 1835 og fermdist í Rípursókn í Skagafjarðarsýslu 1836. Börn: Jón, f. 28. júlí 1842 í Keflavík, d. 22. okt. 1842 á sama stað. Jón, f. 15. des. 1843 í Arnarholti, dr. 23. nóv. 1880, vm. á Minni-Vatnsleysu á Vatnsleysuströnd 1876, ókv. og bl. Stefán, f. 1. jan. 1847 í Arnarholti, d. 12. jan. 1847 á sama stað. Páll, f. 13. des. 1847 í Arnarholti, d. 1. jan. 1848 á sama stað. Dýrfinna, f. 28. apríl 1849 í Arnarholti, d. 11. maí 1849 á sama stað. Dýrfinna, f. 17. des. 1850 í Arnarholti, d. 23. júlí 1869 á sama stað. Stefán, f. 18. sept. 1852 í Arnarholti, d. 23. okt. 1923 í Reykjavík, lengst búsettur í Noregi, kv. konu sem heimildir nafngreina ekki. Páll Friðrik, f. 1. okt. 1853 í Arnarholti, b. í Vörum í Garði, bjó með Sigríði Magnúsdóttur. Jóhann, f. 14. nóv. 1855 í Arnarholti, d. 18. apríl 1869 á sama stað. Þorbjörn, f. 13. júlí 1857 í Arnarholti, d. 9. apríl 1895 í Leith í Skotlandi, kaupm. í Reykjavík, bjó með Guðbjörgu Bjarnadóttur. Barnsmóðir: Guðrún Guðmundsdóttir, f. 19. ágúst 1816 á Ystagili í Langadal, d. 6. júlí 1852 á Hóli, vk. á Bergsstöðum. For.: Guðmundur Sveinsson b. á Ystagili og k.h. Guðrún Jónsdóttir. Guðrún var hjá foreldrum sínum á Ystagili 1816 og fermdist í Holtastaðasókn 1830. Hún var vinnukona í Sellandi 1850, en síðast á Hóli. Barn: Ásta, f. 17. mars 1841 á Bergsstöðum, d. 22. mars 1921 í Gerðum í Garði, vk. á Kleppjárnsreykjum í Reykholtsdal 1890, óg. og bl. Barnsmóðir: Helga Þorláksdóttir, f. 25. des. 1835 í Litlu-Skógum í Stafholtstungum, d. 15. jan. 1888 á Hlíðarhúsastíg í Reykjavík, vk. í Arnarholti. For.: Þorlákur Eyleifsson b. í Litlu-Skógum og k.h. Sigríður Magnúsdóttir. Helga giftist síðar Bjarna Guðmundssyni b. í Litlu-Skógum. Barn: Helgi, f. 11. nóv. 1855 í Arnarholti, b. í Vallaseli í Andakíl, kv. Halldóru Guðmundsdóttur.

Athugasemd: Björg er talin fædd 15. júlí 1822 í Prestsþjónustubók Rípursóknar við skírn, en sögð fædd 15. júní 1822 í sömu prestsþjónustubók við fermingu.

(Íslenzkar æviskrár III, 197; Borgfirzkar æviskrár I, 329, IV, 354, V, 481, VI, 48-49 og 376, X, 533 og XII, 174-175 og 261; Ættarskrá Bjarna Þorsteinssonar, 67-68; Saga frá Skagfirðingum III, 142 og 177; Mannaferðir og fornar slóðir, 211; Þjóðólfur 10. maí 1895; Skiptab. Hún. 30. nóv. 1843, 2. maí 1846 og 21. jan. 1853; Ættatölub. Ólafs Snóksdalíns, 442 og 499).

Jónas Kristjánsson (1790-1829) Bóndi á Gili.

F. 21. maí 1790 í Klömbrum í Vesturhópi, d. 22. maí 1829 á Botnastöðum. For.: Kristján Bjarnason b. á Neðri-Þverá í Vesturhópi og k.h. Guðrún Magnúsdóttir. Var hjá foreldrum sínum á Neðri-Þverá 1801 og fermdist í Vesturhópshólasókn 1809. Vinnumaður á Kötlustöðum í Vatnsdal -1816-1817, á Bergsstöðum 1817-1818-, í Steinárgerði -1819-1820-, á Barkarstöðum -1821-1822 og á Skeggsstöðum 1822-1826. Bóndi á Gili 1826-1829. Síðast vinnumaður á Botnastöðum. – Kona, g. 31. júlí 1825, Guðrún Ólafsdóttir, f. 1784 í Bergsstaðasókn, d. 6. sept. 1846 í Litluhlíð í Vesturdal. For.: Ólafur Bjarnason b. í Hólabæ og k.h. Steinunn Pálsdóttir. Guðrún var hjá foreldrum sínum í Hólabæ 1801. Hún var vinnukona á Barkarstöðum -1816-1823- og á Skeggsstöðum -1825-1826. Húskona á Botnastöðum 1829-1831. Vinnukona á Bergsstöðum 1831-1834, á Barkarstöðum aftur 1834-1836-, á Bergsstöðum aftur -1838-1839, í Húsey í Vallhólmi 1839-1841, á Brenniborg á Neðribyggð 1841-1842-, á Víðimýri í Seyluhreppi 1844-1845 og í Litluhlíð 1845 til æviloka. Börn: Steinunn, f. 23. des. 1821 á Barkarstöðum, d. 6. des. 1826 á Skeggsstöðum. Guðrún, f. 7. ágúst 1826 á Gili, d. 16. apríl 1892 á Eiríksstöðum, vk. í Þorsteinsstaðakoti í Tungusveit 1850, óg. Kristján, f. 8. nóv. 1827 á Gili, d. 5. júní 1828 á sama stað. Barnsmóðir: Ólöf Jónsdóttir, f. um 1788 í Mýrakoti á Höfðaströnd, d. 9. mars 1860 í Blöndudalshólum, vk. í Stafni. For.: Jón Guðmundsson b. á Hrauni í Sléttuhlíð og k.h. Ólöf Sveinsdóttir. Ólöf var gift Guðmundi Illugasyni vm. í Rugludal 1816. Hún var hjá foreldrum sínum í Mýrakoti 1801. Barn: Sigurbjörg, f. 18. des. 1819 í Stafni, d. 7. júní 1821 á sama stað. – Barnsfaðir Guðrúnar: Árni Auðunsson, f. um 1789, dr. 10. mars 1812 við Kjalarnes í Kjósarsýslu, prestssonur í Blöndudalshólum. For.: Auðun Jónsson pr. í Blöndudalshólum og k.h. Halldóra Jónsdóttir. Barnið fæddist 1806 í Hólabæ. Árni vildi ekki gangast við því.

Athugasemd: Í Manntali á Íslandi 1816 er Guðrún Ólafsdóttir talin fædd á Litla-Vatnsskarði, en það er rangt, því foreldrar hennar voru ekki komnir að Litla-Vatnsskarði um það leyti sem hún fæddist.

(Íslenzkar æviskrár I, 107; Húnavaka 1976, 95-96; Skiptab. Hún. 18. des. 1830; Ættatölub. Jóns Espólíns, 3794, 4604 og 6929-6930; Ættatölub. Ólafs Snóksdalíns, 462).

Jónas Kristjánsson (1827-1855) Bóndi á Barkarstöðum og Brún.

F. 16. apríl 1827 í Þverárdal, d. 19. júlí 1855 á Brún. For.: Kristján Guðmundsson b. á Torfustöðum og barnsm.h. Sigurrós Vigfúsdóttir vk. í Þverárdal, síðar g. Finni Finnssyni b. í Laugarbrekku í Reykjarhóli. Var á sveitarframfæri á Eiríksstöðum 1835 og fermdist í Bergsstaðasókn 1841. Vinnumaður á Barkarstöðum -1845-1849. Bóndi á Barkarstöðum 1849-1850 og á Brún 1850 til æviloka. – Kona, g. 12. okt. 1847, Guðrún Sigurðardóttir, f. 27. ágúst 1814 á Torfalæk á Ásum, d. 17. maí 1900 á Eiðsstöðum í Blöndudal. For.: Sigurður Sveinsson b. á Akri í Þingi og k.h. Þórunn Þorláksdóttir. Guðrún var hjá foreldrum sínum á Akri 1816 og fermdist í Þingeyrasókn 1830. Hún var vinnukona á Orrastöðum á Ásum 1832-1838, á Tindum á Ásum 1838-1841, á Auðólfsstöðum 1841-1843, í Köldukinn 1843-1844, á Gili 1844-1845 og á Barkarstöðum 1845-1849. Guðrún bjó ekkja á Brún 1855-1856 og í Hvammi á Laxárdal 1856-1857, en giftist þá Sigvalda Sigurðssyni b. í Hvammi. Börn: Ingiríður, f. 14. des. 1846 á Barkarstöðum, g. Benjamín Frímannssyni b. í Holtastaðareit á Ásum. Guðrún, f. 22. okt. 1849 á Barkarstöðum, d. 28. júní 1869 í Sólheimum í Svínavatnshreppi, síðast vk. í Sólheimum, óg. Sigurður Pétur, f. 17. sept. 1852 á Brún, b. í Dallandsparti í Borgarfjarðarhreppi 1890, kv. Munveigu Andrésdóttur, átti áður dóttur með Guðnýju Guðmundsdóttur. Sigríður, f. 9. ágúst 1854 á Brún, d. 17. okt. 1857 í Hvammi.

(Skagfirzkar æviskrár 1850-1890 I, 34-35 og II, 42-44; Skagfirzkar æviskrár 1890-1910 II, 208-209; Ættir Austfirðinga, 285; Skiptab. Hún. 21. apríl 1845 og 17. apríl 1856).

Jónas Sigfússon (1816-1875) Bóndi í Fjósaseli.

F. 13. sept. 1816 í Selhaga, d. 10. maí 1875 á Syðri-Steinnýjarstöðum á Skagaströnd. For.: Sigfús Oddsson b. í Eiríksstaðakoti og k.h. Björg Jónasdóttir. Var hjá föður sínum á Fjósum 1827 og fermdist í Bergsstaðasókn 1831. Vinnumaður í Eiríksstaðakoti 1840-1843- og á Fjósum -1844-1846. Bóndi á Balaskarði á Laxárdal fremri 1846-1848. Vinnumaður á Ásum á Bakásum 1848-1849. Húsmaður á Kirkjuhóli hjá Víðimýri 1849-1850 og í Brekku hjá Víðimýri 1850-1851. Bóndi á Grófargili á Langholti 1851-1858 og í Finnstungu 1858-1859. Húsmaður á Fjósum 1859-1861, í Selhaga 1861-1862, á Skeggsstöðum 1862-1863 og á Skottastöðum 1863-1864. Vinnumaður á Skottastöðum 1864-1865. Bóndi í Fjósaseli 1865-1868. Húsmaður í Eiríksstaðakoti 1868-1869, í Kálfárdal 1870-1871 og í Barkarstaðagerði 1871-1872-. Búsettur á Bollastöðum 1873 til æviloka. – Kona, g. 23. okt. 1845, Margrét Ólafsdóttir, f. 7. des. 1824 í Valadal á Skörðum, d. 21. maí 1894 á Þverá í Norðurárdal. For.: Ólafur Andrésson b. á Botnastöðum og s.k.h. Helga Þorbergsdóttir. Margrét var hjá móður sinni og stjúpa í Valadal 1835 og fermdist í Víðimýrarsókn í Skagafjarðarsýslu 1839. Hún var vinnukona á Fjósum 1845-1846, á Ásum 1848-1849, á Hjaltabakka á Ásum 1859-1861, á Skottastöðum 1864-1865, í Syðri-Mjóadal 1868-1870, á Æsustöðum 1870-1871, í Mjóadal 1871-1873, á Torfalæk á Ásum 1873-1875 og í Mjóadal aftur 1875-1887. Hún var í skjóli Guðbjargar dóttur sinnar í Stóradalsseli í Sléttárdal 1887-1888 og á Hamri á Bakásum 1888-1889, en í skjóli Bjargar dóttur sinnar á Búrfellshóli í Svínavatnshreppi 1889-1890 og á Þverá 1890 til æviloka. Börn: Sigfús, f. 23. jan. 1849 á Ásum, b. og grenjaskytta í Hringey í Vallhólmi, kv. Margréti Guðmundsdóttur, bjó síðar með Björgu Guðmundsdóttur. Guðbjörg, f. 12. maí 1850 í Krossanesi í Vallhólmi, bjó með Jósef Jósefssyni b. á Hamri, átti áður syni með Jónasi Jónssyni vm. á Æsustöðum 1870 og Þórði Þorsteinssyni vm. í Nýjabæ á Seltjarnarnesi 1870, einn með hvorum. Helga Halldóra, f. 29. apríl 1853 á Grófargili, g. Stefáni Valdimar Stefánssyni b. á Ytra-Hóli á Skagaströnd. Margrét, f. 12. ágúst 1854 á Grófargili, d. 11. sept. 1854 á sama stað. Margrét, f. 5. des. 1855 á Grófargili, d. 2. febr. 1922 í Winnipeg í Manitoba, g. Jóni Helgasyni í Winnipeg. Þau tóku sér ættarnafnið Henderson vestra. Eyjólfur, f. 27. mars 1857 á Grófargili, d. 5. jan. 1937 í Neskaupstað, vm. í Merkinesi í Höfnum 1890, ókv. Björg, f. 6. des. 1858 í Finnstungu, d. 4. okt. 1860 á Fjósum. Björg, f. 12. júlí 1862 á Skeggsstöðum, bjó með Jóni Ágúst Jónatanssyni b. á Núpi á Laxárdal fremri, átti áður son með Birni Jóhannssyni vm. í Mjóadal. Bergljót, f. 29. okt. 1864 á Skottastöðum, léttastúlka á Steiná 1880, en síðar vk. á Hjaltabakka. Hannes Baldvin, f. 10. júní 1867 í Fjósaseli, d. 6. okt. 1867 á sama stað. Barnsmóðir: Solveig Önundardóttir, f. 26. sept. 1848 á Skottastöðum, d. 8. febr. 1917 í Dæli í Sæmundarhlíð, vk. á Skottastöðum og á Hóli. For.: Önundur Jónsson vm. á Torfustöðum 1850 og barnsm.h. Guðrún Árnadóttir heimasæta á Skottastöðum, síðar g. Guðmundi Jónssyni b. á Hóli. Hún var bústýra á Halldórsstöðum á Langholti 1887-1888, í Elivogum á Langholti 1888-1900 og í Laufási á Neðribyggð 1900-1906. Börn: Önundur, f. 18. nóv. 1864 á Skottastöðum, b. í Dæli, kv. (Margréti) Elísabeti Davíðsdóttur. Björn, f. 3. nóv. 1865 á Hóli, b. í Syðra-Tungukoti, kv. Björgu Steinsdóttur.

(Íslenzkar æviskrár V, 344; Skagfirzkar æviskrár 1850-1890 III, 91-95 og 158-159; Skagfirzkar æviskrár 1890-1910 I, 99 og 332-333 og IV, 183-184; Skagfirskar æviskrár 1910-1950 IV, 165-168; Stéttartal bókagerðarmanna I, 255-256; Frændgarður II – Ættmeiður, 190; Móaætt á Skagaströnd, 20-23; Búsæld og barningur, 150; Sagnaþættir Gísla Konráðssonar, 187-188; Syrpa úr handritum Gísla Konráðssonar II, 151; Æfisaga Gísla Konráðssonar, 6; Almanak Ólafs Thorgeirssonar 1923, 101; Skeggsstaðaætt – Handrit Björns Bjarnasonar á Brandsstöðum; Guðmundur í Hvammi – Handrit Kristínar Sigvaldadóttur á Skeggsstöðum; Ættatölub. Jóns Espólíns, 1142, 1181-1182, 3932, 4609 og 4761; Ættatölub. Ólafs Snóksdalíns, 337, 341 og 390-391).

Jónatan Jónsson (1770-1844) Bóndi á Steiná, Finnstungu og Eyvindarstaðagerði .

F. um 1770 á Ytri-Ey á Skagaströnd, d. 22. maí 1844 á Eiríksstöðum. For.: Jón Jónsson b. á Ytri-Ey og k.h. Ingibjörg Jónsdóttir. Fermdur í Höskuldsstaðasókn 1785. Vinnumaður á Finnsstöðum á Skagaströnd 1790-1791-. Búlaus á Gili 1796-1797. Bóndi á Steiná 1797-1799, í Finnstungu 1799-1803 og í Eyvindarstaðagerði 1803-1830. Húsmaður í Eiríksstaðakoti 1830-1832 og á Ytri-Löngumýri í Blöndudal 1832-1834, en var í skjóli Málfríðar dóttur sinnar á Eiríksstöðum 1834 til æviloka. Jónatan var mannskapsmaður og sagður ,,ríflegur á fótum”, sem væntanlega ber að skilja svo að hann hafi borið sig vel. – Kona, g. 1796, Margrét Þorkelsdóttir, f. 1772 í Eiríksstaðakoti, d. 22. jan. 1845 á Eiríksstöðum. For.: Þorkell Þorleifsson ráðsm. í Eiríksstaðakoti og k.h. Ingiríður Jónsdóttir. Margrét ólst upp hjá móðurömmu sinni Björgu Jónsdóttur á Skeggsstöðum -1785-1787 og í Þverárdal 1787-1790-. Hún var í skjóli Málfríðar dóttur sinnar á Eiríksstöðum 1834 til æviloka. Margrét var lagleg og fjörug, mikið vel vinnandi og elskuð af ættfólki sínu. Börn: Jónas, f. um 1796 í Bergsstaðasókn, b. á Eiríksstöðum, kv. Valgerði Sæmundsdóttur, átti áður son með Rósídu Jónsdóttur og dóttur með Helgu Ólafsdóttur. Ingibjörg, f. um 1797 á Gili, d. 3. nóv. 1818 í Þverárdal, vk. í Selhaga 1816, óg. Hannes, f. 1799 eða 1800 í Finnstungu, b. í Teigakoti, kv. fyrr Sigríði Símonsdóttur, síðar Sigríði Sigurðardóttur, átti einnig son með Margréti Guðmundsdóttur. Málfríður, f. 9. febr. 1805 í Eyvindarstaðagerði, g. fyrr Pétri Eyjólfssyni b. á Eiríksstöðum, síðar Bjarna Oddssyni b. á Eiríksstöðum. Jón, f. 7. jan. 1807 í Eyvindarstaðagerði, b. á Krithóli á Neðribyggð, kv. Ingibjörgu Arnþórsdóttur. Björg, dó ung. (Ættatölub. Jóns Espólíns, 1178). Ingiríður, dó ung. (Ættatölub. Jóns Espólíns, 1178). Alls áttu Jónatan og Margrét 8 börn.

(Skagfirzkar æviskrár 1850-1890 II, 171 og V, 249-250; Húnvetningasaga II, 360; Búsæld og barningur, 144-146; Hlynir og hreggviðir, 23 og 25-27; Ritsafn Stefáns Jónssonar á Höskuldsstöðum IV, 125-126; Syrpa úr handritum Gísla Konráðssonar II, 338; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1178 og 4775; Ættatölub. Ólafs Snóksdalíns, 312-313 (innskotsblöð), 335 og 337; Ættatölub. Sighvats Grímssonar Borgfirðings, 636-637 og 2422).