Eggert Björnsson (1820-1865) – Bóndi á Brandstöðum.

F. 3. jan. 1820 á Brandsstöðum, d. 3. júní 1865 á Brandsstöðum. For.: Björn Bjarnason b. á Brandsstöðum og k.h. Hólmfríður Helgadóttir. Fermdur í Grímstungusókn 1834. Var hjá foreldrum sínum á Guðrúnarstöðum í Vatnsdal 1835 og á Brandsstöðum 1840. Bóndi á Brandsstöðum 1848 til æviloka. Eggert var góður verkmaður, vínhneigður og oft róstusamur með víni. – Kona, g. 8. okt. 1847, Kristín Ásmundsdóttir, f. 1818 eða 1819 í Reykjasókn í Skagafjarðarsýslu, d. 14. nóv. 1875 í Engihlíð í Langadal. For.: Ásmundur Ásmundsson b. á Írafelli í Svartárdal og k.h. Sesselja Gísladóttir. Kristín fermdist í Goðdalasókn í Skagafjarðarsýslu 1833. Hún var vinnukona á Brandsstöðum 1847-1848 og í Syðra-Tungukoti 1862-1863. Kristín bjó ekkja á Brandsstöðum 1865-1866, en var bústýra hjá Jakobi Jónssyni á sama stað 1866-1868, og gekk að eiga hann örskömmu áður en þau fóru búferlum að Engihlíð. Börn: Björn, f. 14. des. 1848 á Brandsstöðum, d. 8. mars 1872 í Stóradal í Svínavatnshreppi, vm. á Stóru-Mörk 1870, en síðast í Stóradal, ókv. Sesselja Hólmfríður, f. 16. des. 1849 á Brandsstöðum, d. 4. maí 1878 í Engihlíð, síðast vk. í Engihlíð, óg. Ásmundur, f. 4. okt. 1851 á Brandsstöðum, d. 23. des. 1857 á sama stað. Helga, f. 8. febr. 1855 á Brandsstöðum, d. 31. des. 1857 á sama stað. Jón, f. 28. jan. 1856 á Brandsstöðum, d. 19. maí 1856 á sama stað. Barnsmóðir: Guðlaug Steingrímsdóttir, f. 17. sept. 1815 í Hofssókn, d. 14. júní 1900 í Mjóadal, vk. á Guðlaugsstöðum í Blöndudal og á Hrafnabjörgum í Svínadal. For.: Steingrímur Jónsson b. í Kurfi á Skagaströnd og k.h. Sigríður Ólafsdóttir. Börn: Valgerður, f. 20. sept. 1838 á Guðlaugsstöðum, d. 16. jan. 1862 á Brúarlandi í Deildardal, síðast vk. á Brúarlandi, óg. Elínborg, f. 14. des. 1839 á Hrafnabjörgum, g. Bjarna Pálssyni b. á Daufá á Neðribyggð. Barnsmóðir: Guðrún Oddsdóttir, f. um 1809 í Höskuldsstaðasókn, d. 16. ágúst 1869 á Snæringsstöðum í Svínadal, vk. á Brandsstöðum. For.: Oddur Ásgrímsson b. í Svangrund í Refasveit og k.h. Guðrún Jónsdóttir. Hún var bústýra á Stóru-Mörk 1834-1837. Barn: Sigurbjörg, f. 16. maí 1845 á Brandsstöðum, d. 28. febr. 1900 í Gafli í Svínadal, húsk. í Ljótshólum í Svínadal 1890, en síðast í Gafli, óg.

Athugasemd: Eggert er talinn fyrir búi á Brandsstöðum fardagaárið 1862-1863 í framtalsgögnum, en titlaður húsmaður við húsvitjun í Blöndudalshólaprestakalli 1863.

(Íslenzkar æviskrár I, 207; Skagfirzkar æviskrár 1850-1890 II, 4-5 og III, 20-21; Hrakhólar og höfuðból, 184-207; Brandsstaðaannáll, 5-12; Skiptab. Hún. 21. apríl 1845 og 9. okt. 1866; Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3063 og 4408; Ættatölub. Ólafs Snóksdalíns, 442, 639 og 720; Ættatölub. Steingríms Jónssonar, 6121).

Eggert Jónsson (1753-1813) – Bóndi á Bergstöðum, Hvammi, Stafni og Syðri-Leifsstöðum.

F. um 1753, d. 1813 (gr. 1. ágúst 1813) á Kirkjuhóli hjá Víðimýri. For.: Jón Tómasson b. á Eyvindarstöðum og k.h. Ingibjörg Sæmundsdóttir. Bóndi á Fossum 1787-1791. Búlaus í Bólstaðarhlíðarhreppi 1791-1792. Bóndi í Hvammi í Svartárdal 1792-1793, á Bergsstöðum 1793-1804, í Stafni 1804-1805, á Syðri-Leifsstöðum 1805-1808, á Völlum í Vallhólmi 1808-1810 og á Kirkjuhóli 1810 til æviloka. Eggert var mikill ákafamaður og heldur knár. Hann skrifaði undir verslunarkærubréf í Bólstaðarhlíð 20. sept. 1797. – Kona: Halldóra Einarsdóttir, f. um 1747 á Æsustöðum, d. 26. nóv. 1838 í Valadal á Skörðum. For.: Einar Jónsson b. í Ytra-Tungukoti og k.h. Guðrún Sæmundsdóttir. Halldóra var í Blöndudalshólasókn 1755. Sagnir herma að hún hafi í æsku átt heima á Botnastöðum. Hún var búlaus á Eyvindarstöðum 1777-1779, á Auðólfsstöðum 1782-1783- og á Æsustöðum 1785-1786, en bústýra á Æsustöðum 1786-1787-. Hún var próventukona í Valadal -1817 til æviloka. Barnlaus.

(Húnvetningasaga I, 232 og 313 og II, 627-628; Hlynir og hreggviðir, 85; Æfisaga Gísla Konráðssonar, 59; Húnaþing I, 492-495; Biskupsskjalasafn B VII).

Egill Árnason (1685-1738) – Bóndi á Eyvindarstöðum.

F. um 1685, d. 1738 eða 1739. For.: Árni b. í Húnavatnssýslu og k.h. Helga Eyjólfsdóttir húsm. í Sólheimum í Svínavatnshreppi. Var hjá móður sinni í Sólheimum 1703. Bóndi á Eldjárnsstöðum í Blöndudal -1734-1737 og á Eyvindarstöðum 1737 til æviloka. – Kona, ls. 1713 eða 1714, Jórunn Símonsdóttir, f. um 1678, á lífi á Eyvindarstöðum 1739. Foreldrar hennar munu hafa verið Símon b. í Skagafjarðarsýslu og k.h. Steinunn Árnadóttir húsm. á Hafsteinsstöðum í Staðarhr. Jórunn var vinnukona á Reynistað í Staðarhreppi -1702-1703-. Hún bjó ekkja á Eyvindarstöðum 1738-1739-. Egill og Jórunn áttu saman barn í lausaleik í Auðkúluprestakalli 1713 eða 1714, og var það fyrsta frillulífisbrot beggja. Börn: Hallgrímur, f. um 1716, b. á Syðri-Leifsstöðum, kv. Engilráð Auðunsdóttur. Steinvör, f. um 1723, húsm. í Finnstungu, g. Jóni Jónssyni. Símon, f. um 1724, b. í Finnstungu, kv. Málfríði Þorkelsdóttur. Guðný, f. nál. 1715, g. Einari Guðmundssyni b. í Ytra-Tungukoti. Ennfremur kann dóttir þeirra að hafa verið: Steinunn Egilsdóttir, f. um 1709, d. 20. febr. 1771 í Blöndudalshólasókn, bústýra á Kirkjuskarði á Laxárdal fremri, óg., en átti barn með Árna Einarssyni b. í Bólstaðarhlíðarhreppi.

Athugasemd: Steinunn Egilsdóttir er sögð 62 ára við andlát 1771 í Prestsþjónustubók Blöndudalshólaprestakalls, en hefur trúlega verið nokkrum árum yngri.

(Strandamenn, 207; Dómab. Hún. 8. maí 1733; Ættatölub. Jóns Espólíns, 1844-1845; Ættatölub. Ólafs Snóksdalíns, 16 og 807).

Egill Illugason (1682-?) – Bóndi í Hvammi og Kúfastöðum.

F. um 1682. For.: Illugi Sigurðsson b. á Fossum og k.h. Margrét Þorsteinsdóttir. Vinnumaður á Víðimýri í Seyluhreppi -1702-1703-. Bóndi á Kúfustöðum 1708-1709- og hafði jafnframt bú á Fossum -1708-1709- og í Hvammi í Svartárdal 1708-1709-. Bóndi í Hvammi í Svartárdal nál. 1725 og nytjaði jafnframt Teigana. Hann er kenndur við Stafn í Svartárdal. (Húnvetningasaga I, 215). Egils finnst ekki getið meðal þingvitna í Dómabókum Húnavatnssýslu. Má því ætla að hann hafi haldið sig frá opinberum málum og helgað sig búskapnum. – Kona, ls. 1717 eða 1718, Engilráð Bjarnadóttir, f. um 1695, á lífi í Hvammi 1741. For.: Bjarni Jónsson b. í Hvammi og k.h. Kristín Eiríksdóttir. Engilráð var hjá foreldrum sínum í Hvammi 1703. Hún bjó ekkja í Hvammi -1734-1741-. Egill og Engilráð áttu saman barn í lausaleik í Bergsstaðasókn 1717 eða 1718, og var það fyrsta frillulífisbrot beggja. Börn: Jón, f. um 1720, b. í Hvammi, kv. Ingibjörgu Jónsdóttur, átti einnig dóttur með annarri konu. Solveig, f. um 1725, g. Pétri Ólafssyni b. í Hvammi, átti áður dóttur með Ólafi nokkrum. Sigurður, f. nál. 1720, bóndi í Hvammi, ókv., en átti börn með Ólöfu Sigfúsdóttur, Guðrúnu Jónsdóttur og Guðrúnu Auðunsdóttur húsm. á Ytri-Leifsstöðum, eitt með hverri. Ennfremur kann dóttir þeirra að hafa verið: Kristín Egilsdóttir, f. um 1727, vk. á Brún 1762.

(Íslenzkar æviskrár III, 91-92 og IV, 215; Rímnatal II, 77-78; Húnvetningasaga I, 215-216; Saga frá Skagfirðingum I, 159; Feðraspor og fjörusprek, 125-127; Vorþeyr og vébönd, 168, 223 og 225; Söguþættir Gísla Konráðssonar, 134; Dómab. Hún. 1. okt. 1771; Ættatölub. Jóns Espólíns, 3368-3371 og 5566; Ættatölub. Jóns Magnússonar, 475; Ættatölub. Ólafs Snóksdalíns, 542 og 553; Ættatölub. Steingríms Jónssonar, 3680).

Egill Þorbjörnsson (1727-1785) – Bóndi í Gautsdal.

F. um 1727, d. 19. mars 1785 á Höskuldsstöðum á Skagaströnd. For.: Þorbjörn Tómasson b. í Sellandi og k.h. Sigríður Illugadóttir. Bóndi á Eldjárnsstöðum í Blöndudal 1754-1756 og í Gautsdal 1756-1763- og hafði jafnframt bú á Litlu-Mörk 1756-1757. Húsmaður á Höskuldsstöðum -1784 til æviloka. Ekki er borið lof á Egil í Húnvetningasögu. Honum var úthlutað gjafakorni 28. des. 1756. – Kona, g. 7. okt. 1753, Anna Sveinsdóttir, f. um 1725, á lífi 1781. For. ókunnir. Anna var búsett í Svínavatnshreppi -1750-1751- og á Eldjárnsstöðum -1752-1753-. Börn: Jón, f. um 1756, var hjá foreldrum sínum í Gautsdal 1762, en í Auðkúluprestakalli 1767. Solveig, f. um 1759, var hjá foreldrum sínum í Gautsdal 1762. Guðrún, f. um 1760, var hjá foreldrum sínum í Gautsdal 1762. Barnsmóðir: Þórunn Jónsdóttir, f. um 1751, d. 1814 (gr. 20. júní 1814) á Finnsstöðum á Skagaströnd, vk. í Vindhælishreppi. For. ókunnir. Hún var vinnukona á Sæunnarstöðum í Hallárdal 1801. Barneign Egils með Þórunni var fyrsta hórdómssök hans. Barn: Jón, f. 1780 eða 1781 í Vindhælishreppi, vm. á Sæunnarstöðum 1801, ókv. – Barnsfaðir Önnu: Þorleifur Jónsson, f. nál. 1715, vm. í Húnavatnssýslu. For. ókunnir. Barneign Þorleifs með Önnu var önnur hórdómssök hans. Barn þeirra fæddist 1750 eða 1751 í Svínavatnshreppi.

Athugasemd: Anna gæti vel verið samnefnd stúlka sem var í fóstri á Skíðastöðum í Laxárdal ytri 1733, systir Sigríðar Sveinsdóttur sýsluómaga í Skagafjarðarsýslu. Foreldrar þeirra, sem eru ekki nafngreindir, fluttust með dætur sínar úr Eyjafjarðarsýslu í Skagafjarðarsýslu um 1729 og önduðust bæði veturinn 1730-1731. Faðir þeirra mun hafa verið Sveinn Bjarnason vinnumaður á Skíðastöðum 1730.

(Húnvetningasaga I, 216; Feðraspor og fjörusprek, 125; Amma, 246; Biskupsskjalasafn B VII; Dómab. Hún. 1751 (manntalsþing á Svínavatni); Dómab. Skag. 25. nóv. 1730, 23. apríl og 2., 24. og 29. maí 1731 og 9. maí 1733).

Egill Þórðarson (1766-1834) – Bóndi á Bergsstöðum.

F. um 1766 á Bergsstöðum á Vatnsnesi, d. 24. júlí 1834 í Gunnsteinsstaðaseli. For.: Þórður Hafsteinsson b. á Bergsstöðum og k.h. Ragnheiður Egilsdóttir. Ráðsmaður hjá móður sinni á Bergsstöðum 1786-1791. Bóndi á Bergsstöðum 1791-1795, á Bálkastöðum í Miðfirði 1796-1798, á Reynhólum í Miðfirði -1800-1806, á Svertingsstöðum í Miðfirði 1806-1812 og á Bálkastöðum í Miðfirði 1812-1818-. Húsmaður á Bálkastöðum -1819-1820. Bóndi á Heggsstöðum í Miðfirði 1820-1822. Húsmaður á Heggsstöðum 1822-1823, á Reykjum á Reykjabraut 1823-1827, í Bólstaðarhlíð 1827-1828, í Skyttudal 1828-1830 og á Litla-Vatnsskarði á Laxárdal fremri 1830-1831. Bóndi í Gunnsteinsstaðaseli 1831 til æviloka og stóð bú hans til fardaga 1835. Egill var sagður frómlundaður og vel að sér. – Kona, g. 1807, Sigríður Jónsdóttir, f. 11. júní 1790 á Bálkastöðum í Miðfirði, d. 24. maí 1866 í Grænumýrartungu í Hrútafirði. For.: Jón Sveinsson b. og járnsmiður á Söndum í Miðfirði og k.h. Dagbjört Pétursdóttir. Hún var hjá foreldrum sínum á Söndum 1801 og fermdist í Melstaðarsókn 1802. Egill og Sigríður skildu. Eftir skilnaðinn bjó Sigríður á Litla-Ósi á Vatnsnesi -1819-1821, en var í skjóli Ragnheiðar dóttur sinnar í Grafarkoti í Línakradal 1844-1847. Barn: Ragnheiður, f. 17. ágúst 1811 á Svertingsstöðum, g. fyrr Helga Hákonarsyni b. í Grafarkoti, síðar Sigurði Árnasyni b. í Grænumýrartungu. – Barnsfaðir Sigríðar: Brynjólfur Brynjólfsson, f. um 1789 á Syðri-Þverá í Vesturhópi, d. 4. maí 1844 á Mýrum í Hrútafirði, b. á Mýrum. For.: Brynjólfur Brynjólfsson b. á Syðri-Kárastöðum á Vatnsnesi og k.h. Sesselja Erlendsdóttir. Barn: Jón, f. 19. júlí 1819 á Litla-Ósi, b. í Skarði á Vatnsnesi, kv. Ingibjörgu Stefánsdóttur, þau systkinabörn.

(Strandamenn, 5-6, 99 og 173; Skiptab. Hún. 29. des. 1834; Ættatölub. Jóns Espólíns, 3655, 4674 og 6860; Ættatölub. Ólafs Snóksdalíns, 680 og 807; Ættatölub. Steingríms Jónssonar, 5085).

Einar – Gautsdal

hét búandi í Gautsdal -1701-1702.

Einar – Hvammi á Laxárdal

hét búandi í Hvammi á Laxárdal fremri -1699-1702.

Einar Árnason (1676-1746) – Bóndi á Syðri-Mjóadal.

F. um 1676, á lífi á Geitaskarði í Langadal 1746. For. ókunnir. Vinnumaður í Hvammi á Laxárdal fremri -1702-1703-. Bóndi í Syðri-Mjóadal -1708-1709-, á Þorbrandsstöðum í Langadal -1733-1740 og á Geitaskarði 1740-1746-. – Ókunnugt um kvonfang, en börn hans voru: Árni, f. um 1706, b. í Kálfárdal, kv. fyrr Ragnhildi Jónsdóttur, síðar Ingveldi Þorsteinsdóttur. Vilborg, f. um 1721, g. Halldóri Ísakssyni b. á Eiríksstöðum. Solveig, f. um 1723, g. Bjarna Ísakssyni b. í Hvammi á Laxárdal fremri.

(Vorþeyr og vébönd, 212; Sýsluskj. Hún. XV, 3, 10. nóv. 1791 (dánarbú Magnúsar Bjarnasonar á Ánastöðum).

Einar Árnason (1730-1785) – Bóndi á Hóli.

F. um 1730, d. 1785 á Hóli. For.: Árni Einarsson b. í Bólstaðarhlíðarhreppi og f.k.h. Gróa Grímsdóttir. Bóndi á Hóli -1762 til æviloka og stóð bú hans til fardaga 1786. – Kona: Halldóra Jónsdóttir, f. um 1733, á lífi á Hóli 1762. For.: Jón Jónsson b. á Stóru-Mörk og k.h. Guðríður Hannesdóttir. Barnlaus.

(Húnvetningasaga I, 286 og II, 359-360; Fortíð og fyrirburðir, 161; Skiptab. Hún. 5. okt. 1785; Ættatölub. Ólafs Snóksdalíns, 312-313 (innskotsblöð).

Einar Auðunsson (1725-1803) – Bóndi á Torfustöðum og Steinárgerði.

F. um 1725, d. 20. júní 1803 á Búðum í Staðarsveit. For.: Auðun Jónsson b. og hreppstj. í Hraunsási í Hálsasveit og k.h. Guðrún Ásbjörnsdóttir. Bóndi á Torfustöðum 1752-1753 og í Steinárgerði 1753-1754-. Búsettur á Stóru-Seylu á Langholti -1763-1764- og í Blönduhlíð í Hörðudal -1775-. Vinnumaður í Grundarfjarðarkaupstað 1782-1787, á Kálfárvöllum í Staðarsveit 1794-1795 og í Vatnsholti í Staðarsveit 1795-1802. Húsmaður á Bakkafit við Búðir 1802 til æviloka. Einari seldi Sigurði Jónssyni 2 hundruð í Eiríksstaðakoti 13. nóv. 1754. Honum var úthlutað gjafakorni 1. apríl 1757. – Kona: ónafngreind, á lífi 1774. Ókunnugt um börn. Barnsmóðir: Þórunn Tómasdóttir, f. um 1749, d. 24. sept. 1800 á Fallandastöðum í Hrútafirði, vk. á Stað í Hrútafirði. For.: Tómas Sigurðsson b. í Hrútatungu í Hrútafirði og k.h. Ingibjörg Magnúsdóttir. Þórunn giftist síðar Pétri Péturssyni vinnumanni í Staðarsókn í Hrútafirði. Barn: Sesselja, f. 1774 (sk. 13. júlí 1774) á Stað, d. 27. apríl 1852 á Saxahóli undir Jökli, húskona í Litlu-Tungu í Miðfirði 1816, óg., en átti dætur með Eggert Pálssyni b. á Heggsstöðum í Miðfirði og Gunnlaugi Gunnlaugssyni vm. á Dalgeirsstöðum í Miðfirði, eina með þeim fyrrnefnda og tvær með þeim síðarnefnda.

Athugasemdir: 1) Hægt er að láta sér til hugar koma að Einar kunni að hafa gengið að eiga Guðrúnu Bjarnadóttur sem bjó á Torfustöðum -1751-1752, þá væntanlega ekkja. 2) Einars finnst ekki getið í skrám yfir framteljendur í Bólstaðarhlíðarhreppi eftir 1754, en í Skýrslum um gjafakorn 1756-1757 er hann kenndur við Steinárgerði. Verður seint úr því skorið hvort hann kunni að hafa hafst þar við tíundarlaus eftir 1754, því býlið er ekki nefnt á nafn í Manntalsbókum Húnavatnssýslu mörg næstu ár.

(Borgfirzkar æviskrár I, 89; Strandamenn, 47; Dómab. Skag. 1. júní 1756 og 3. mars 1764; Ættatölub. Jóns Espólíns, 3651-3652 og 3711; Ættatölub. Ólafs Snóksdalíns, 15-16 og 813; Ættatölub. Steingríms Jónssonar, 3993, 4250 og 5128-5129).

Einar Bessason (1520-?) – Bóndi á Auðólfsstöðum.

F. nál. 1520. Föðuramma hans var Matthildur Daðadóttir sýslum. í Snóksdal í Miðdölum, Arasonar. Bóndi á Auðólfsstöðum nál. 1560. – Kona ókunn. Börn: Bessi, f. nál. 1545, b. á Auðólfsstöðum, kv. Guðrúnu Magnúsdóttur. Jón, f. nál. 1545, b. og lögréttum. í Skagafjarðarsýslu, kv. Helgu Guðmundsdóttur. Ragnhildur, f. nál. 1550, g. Þórði Magnússyni b. á Strjúgi.

(Íslenzkar æviskrár V, 107; Lögréttumannatal, 269-270 og 369; Sýslumannaæfir I, 448; Rímnatal II, 144; Menn og menntir IV, 578).

Einar Bjarnason (1795-1874) – Bóndi á Bergsstöðum.

F. 17. maí 1795 á Stóru-Ökrum í Blönduhlíð, d. 20. júní 1874 á Bakka á Skagaströnd. For.: Bjarni Einarsson b. í Þorsteinsstaðakoti í Tungusveit og k.h. Ásta Björnsdóttir. Var hjá foreldrum sínum á Syðri-Mælifellsá á Efribyggð 1802 og fermdist í Reykjasókn í Skagafjarðarsýslu 1816. Bóndi í Saurbæ á Neðribyggð 1824-1828, á Þorsteinsstöðum í Tungusveit 1828-1833 og á Fossum 1833-1834. Vinnumaður á Bergsstöðum 1834-1835. Húsmaður á Brandsstöðum 1835-1836 og í Sólheimum í Svínavatnshreppi 1836-1837. Bóndi í Holtastaðakoti í Langadal 1837-1839. Vinnumaður á Njálsstöðum á Skagaströnd 1839-1840. Bóndi á Kjalarlandi á Skagaströnd 1840-1842 og á Hafursstöðum á Skagaströnd 1842-1847. Húsmaður í Hafursstaðakoti á Skagaströnd 1847-1848. Bóndi á Efri-Mýrum í Refasveit 1848-1849. Vinnumaður á Auðkúlu í Svínadal 1849-1850, á Hrafnabjörgum í Svínadal 1850-1851, á Auðkúlu aftur 1851-1852 og á Svínavatni í Svínavatnshreppi 1852-1853. Húsmaður á Holtastöðum í Langadal 1853-1854- og á Sneis á Laxárdal fremri -1855-1856. Vinnumaður á Svínavatni aftur 1856-1857 og á Geithömrum í Svínadal 1857-1858. Húsmaður á Geithömrum 1858-1859. Vinnumaður í Glaumbæ á Langholti 1861-1862 og á Grund í Svínadal 1862-1867. Húsmaður hjá Bjarna syni sínum á Blöndubakka í Refasveit 1867-1868 og var í skjóli hans á sama stað 1868-1872, en á sveitarframfæri á Bakka 1872 til æviloka. Einar var kunnur hestamaður og hestaprangari á sinni tíð. Það var mælt, að hann hellti brennivíni í bikkjur sínar til að lífga þær og seldi síðan sem fjörhesta. – Kona, g. 29. nóv. 1822, Sigríður Sveinsdóttir, f. 23. maí 1789 á Brúnastöðum í Tungusveit, d. 23. apríl 1853 á Svínavatni. For.: Sveinn Jónsson b. í Litladal í Tungusveit og k.h. Þorbjörg Bjarnadóttir. Sigríður var hjá foreldrum sínum í Litladal 1802 og hjá föður sínum á sama stað 1816. Hún var vinnukona á Brenniborg á Neðribyggð 1822-1823 og á Kirkjuhóli hjá Víðimýri 1823-1824. Húskona á Auðkúlu 1849-1852 og á Svínavatni 1852 til æviloka. Börn: Bjarni, f. 16. júní 1825 í Saurbæ, b. í Efri-Lækjardal í Refasveit, kv. Hólmfríði Guðmundsdóttur, átti áður dætur með Ingiríði Jóhannesdóttur og Kristínu Þorvarðsdóttur, eina með hvorri. Ragnheiður, f. 8. júlí 1826 í Saurbæ, var hjá foreldrum sínum á Kjalarlandi 1840, en fór frá Höfðakaupstað til Kaupmannahafnar 1845. Jórunn, f. 5. nóv. 1827 í Saurbæ, g. Jóhanni Jónssyni b. á Þorbrandsstöðum í Langadal. – Barnsfaðir Sigríðar: Jón Guðmundsson, f. 4. júní 1794 á Grund í Hrafnagilshreppi, d. 3. júní 1862 í Borgargerði í Borgarsveit, b. á Veðramóti í Gönguskörðum. For.: Guðmundur Þorsteinsson b. á Jódísarstöðum á Staðarbyggð og barnsm.h. Guðrún Árnadóttir vk. á Grund. Barn: Pétur Frímann, f. 15. jan. 1824 á Kirkjuhóli, b. í Hólabæ, kv. fyrr Ingibjörgu Hafsteinsdóttur, síðar Guðrúnu Þorsteinsdóttur, átti áður dóttur með Dagbjörtu Eyjólfsdóttur og son með Guðrúnu Jónsdóttur.

(Íslenzkar æviskrár II, 322-323; Skagfirzkar æviskrár 1850-1890 III, 242-243; Frændgarður II – Ættmeiður, 185-186; Niðjatal Jóns prests Þorvarðarsonar, 138; Saga frá Skagfirðingum II, 72 og 168; Hrakhólar og höfuðból, 94-117; Æfisaga Gísla Konráðssonar, 138-140 og 143; Dómab. Skag. 6. maí 1825; Skiptab. Skag. 8. mars 1847; Ábúendatal í Inn-Eyjafirði – Handrit Stefáns Aðalsteinssonar í Reykjavík, 2574-2576; Ættatölub. Jóns Espólíns, 1077 og 4403; Ættatölub. Ólafs Snóksdalíns, 498).

Einar Gíslason

hét búandi í Bólstaðarhlíðarhreppi -1648-1649-. Hann hyllti konung í Bólstaðarhlíð 24. maí 1649.

Einar Guðmundsson (1715-1759) – Bóndi í Ytra-Tungukoti.

F. nál. 1715, á lífi á Geithömrum í Svínadal 1759. For. ókunnir. Búlaus í Bólstaðarhlíðarhreppi -1740-1741-. Bóndi í Ytra-Tungukoti -1744-1746- og á Geithömrum 1747-1759. – Kona, g. 10. nóv. 1743, Guðný Egilsdóttir, f. nál. 1715, á lífi á Geithömrum 1755. For.: Egill Árnason b. á Eyvindarstöðum og k.h. Jórunn Símonsdóttir. Börn: Guðmundur, f. um 1745 í Ytra-Tungukoti, b. á Gunnfríðarstöðum á Bakásum, kv. Ósk Jónsdóttur, átti áður dóttur með Sesselju Bjarnadóttur. Magnús, f. um 1749 á Geithömrum, b. og hreppstj. á Stóra-Ósi í Miðfirði, kv. Guðrúnu Gísladóttur, átti einnig son með Signýju Sveinsdóttur.

Athugasemd: Hægt er að láta sér til hugar koma að Einar kunni að hafa verið sonur Guðmundar Illugasonar b. í Syðra-Tungukoti 1708.

(Biskupsskjalasafn B VII; Ættatölub. Ólafs Snóksdalíns, 807).

Einar Guðmundsson (1830-1875) – Bóndi á Botnastöðum og Syðri-Leifsstöðum.

F. 25. jan. 1830 í Þverárdal, d. 3. maí 1875 í Hítardal í Hraunhreppi. For.: Guðmundur Einarsson b. í Þverárdal og k.h. Margrét Jónasdóttir. Var hjá foreldrum sínum í Þverárdal 1840 og fermdist í Bólstaðarhlíðarsókn 1843. Bóndi í Þverárdal 1853-1861, í Kálfárdal 1861-1863 og á Gili 1863-1864. Húsmaður á Gili 1864-1866. Bóndi á Botnastöðum 1866-1867. Húsmaður á Botnastöðum 1867-1869. Bóndi á Syðri-Leifsstöðum 1869-1870. Húsmaður í Þverárdal 1870-1871 og í Hvammi á Laxárdal 1871-1872-. Búsettur hjá Jónasi bróður sínum í Hítardal 1874 til æviloka. – Kona, g. 14. júní 1853, Björg Jónasdóttir, f. 18. ágúst 1831 á Gili, d. 21. jan. 1897 í Garðbæ á Eyrarbakka. For.: Jónas Einarsson b. á Gili og k.h. Guðrún Illugadóttir. Björg var hjá foreldrum sínum á Gili 1840 og fermdist í Bólstaðarhlíðarsókn 1845. Hún var húskona í Hvammi í Svartárdal -1873-1874 og í Skyttudal á Laxárdal fremri 1874-1875. Vinnukona í Hítardal 1875-1876 og á Staðarhrauni í Hraunhreppi 1876-1885, en var hjá Guðrúnu dóttur sinni á Eyrarbakka 1885 til æviloka. Börn: Jónas, f. 26. júní 1854 í Þverárdal, dr. 12. apríl 1890 við Eyrarbakka, vm. á Mælifellsá á Efribyggð 1880, ókv., en átti syni með Kristínu Márusdóttur og Björgu Eyjólfsdóttur, einn með hvorri. Guðmundur, f. 28. júní 1855 í Þverárdal, d. 16. okt. 1855 á sama stað. Guðrún, f. 2. nóv. 1856 í Þverárdal, d. 21. des. 1936 í Reykjavík, g. Halldóri Gíslasyni trésmið á Eyrarbakka 1901, en síðar í Reykjavík. Guðmundur, f. 18. okt. 1859 í Þverárdal, d. 1. sept. 1860 á sama stað. Einar Guðmundur, f. 11. júlí 1862 í Kálfárdal, d. 17. nóv. 1863 á Gili. Ingibjörg Margrét, f. 29. júlí 1863 á Gili, d. 8. mars 1864 á Gili. Margrét, f. 16. febr. 1865 á Gili, d. 24. febr. 1865 á sama stað. Ingibjörg, f. 17. ágúst 1866 á Botnastöðum, g. Kristjáni Loftssyni b. í Tröð í Fróðárhreppi. Guðmundur Klemens, f. 9. okt. 1871 í Hvammi á Laxárdal, d. 18. mars 1874 í Hvammi í Svartárdal.

(Íslenzkar æviskrár V, 414-415; Borgfirzkar æviskrár VII, 191-192; Dalamenn II, 185 og III, 153 og 159; Búsæld og barningur, 150; Hrakhólar og höfuðból, 47-49; Húnavaka 1979, 109-110; Morgunblaðið 30. des. 1936 og 24. apríl 1937; Skiptab. Hún. 21. sept. 1858; Eiðsstaðaætt – Handrit Björns Bjarnasonar á Brandsstöðum; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1399, 4759 og 4761; Ættatölub. Ólafs Snóksdalíns, 312-313 (innskotsblöð), 336, 337, 338 og 722).

Einar Hannesson (1803-1891) – Bóndi á Brún og Skeggjastöðum.

F. 1803 í Skyttudal, d. 3. júlí 1891 á Undirfelli í Vatnsdal. For.: Hannes Hannesson b. í Skyttudal og k.h. Björg Jónsdóttir. Var hjá foreldrum sínum á Tindum á Ásum 1816. Bóndi á Brún 1834-1837, á Skeggsstöðum 1837-1851, á Víðimýri í Seyluhreppi 1851-1860 og á Mælifellsá á Efribyggð 1860-1885, en var í skjóli Bjargar dóttur sinnar á Undirfelli 1885 til æviloka. Einar var manndómsmaður og merkisbóndi. Hann átti Brún, og Syðri-Mælifellsá og Ytri-Mælifellsá keypti hann og sameinaði í eina jörð. – Fyrri kona, g. 2. okt. 1834, Ingibjörg Arnljótsdóttir, f. 21. ágúst 1806 á Guðlaugsstöðum í Blöndudal, d. 8. mars 1839 á Skeggsstöðum. For.: Arnljótur Illugason b. og hreppstj. á Guðlaugsstöðum og k.h. Rannveig Jónsdóttir. Ingibjörg var hjá foreldrum sínum á Guðlaugsstöðum 1816 og fermdist í Svínavatnssókn 1820. Börn: drengur, f. 27. júlí 1835 á Brún. Hann fæddist andvana. stúlka, f. 4. apríl 1837 á Brún. Hún fæddist andvana. Seinni kona, g. 23. apríl 1840, Sigurlaug Eyjólfsdóttir, f. 21. nóv. 1819 á Gili, d. 10. febr. 1892 á Undirfelli. For.: Eyjólfur Jónasson b. á Syðra-Þverfelli og f.k.h. Björg Einarsdóttir. Sigurlaug var fóstruð af móðurforeldrum sínum Einari Jónssyni og Valgerði Jónsdóttur í Þverárdal og fermdist í Bólstaðarhlíðarsókn 1833. Hún var bústýra hjá Einari á Skeggsstöðum 1839-1840, en í skjóli Bjargar dóttur sinnar á Undirfelli 1885 til æviloka. Sigurlaug var meðalkona á vöxt með grá augu. Hún var greind og vel að sér, hafði fagra rithönd og var vel hagmælt. Börn: Ingibjörg, f. 11. sept. 1840 á Skeggsstöðum, g. Ólafi Guðmundssyni b. í Húsey í Vallhólmi. Jónas, f. 7. nóv. 1841 á Skeggsstöðum, b. í Kambakoti á Skagaströnd, kv. fyrr Þorbjörgu Gísladóttur, þau systkinabörn, síðar Guðrúnu Stefánsdóttur. Björg, f. 12. júlí 1843 á Skeggsstöðum, d. 25. júlí 1843 á sama stað. Hannes, f. 4. sept. 1844 á Skeggsstöðum, d. 18. maí 1865 á Akureyri, vm. á Mælifellsá, ókv. Björg, f. 2. nóv. 1845 á Skeggsstöðum, d. 23. sept. 1846 á sama stað. Einar, f. 17. maí 1848 á Skeggsstöðum, d. 12. nóv. 1861 á Akureyri, var hjá foreldrum sínum á Mælifellsá 1860. Valgerður, f. 11. nóv. 1849 á Skeggsstöðum, d. 30. jan. 1850 á sama stað. Björg, f. 13. sept. 1851 á Víðimýri, g. Hjörleifi Einarssyni pr. á Undirfelli, en áður í Blöndudalshólum. Eyjólfur, f. 28. nóv. 1852 á Víðimýri, b. á Reykjum í Tungusveit, kv. Margréti Þormóðsdóttur. Sigþrúður, f. 31. okt. 1854 á Víðimýri, var hjá foreldrum sínum á Mælifellsá 1860. Egill, f. 7. júní 1856 á Víðimýri, d. 12. mars 1886 á Undirfelli, var hjá foreldrum sínum á Mælifellsá 1880, en síðast hjá systur sinni á Undirfelli, ókv., en átti son með Guðrúnu Jónasdóttur.

(Íslenzkar æviskrár II, 364-365; Skagfirzkar æviskrár 1850-1890 III, 39-42, 69-72 og 153-154; Skagfirzkar æviskrár 1890-1910 II, 55-56 og 222-223; The Point and Beyond – Arnes and District 1876-1990, 83-92; Hnausa Reflections – A History of the Breiðavík District 1876-2004, 284-286, 296-297 og 300-303; Guðfræðingatal I, 466-468; Ættir Austfirðinga, 429 og 647; Búsæld og barningur, 150; Húnavaka 1976, 50-52 og 1977, 91-95; Almanak Ólafs Thorgeirssonar 1915, 83; Lögberg 3. sept. og 26. nóv. 1914; Skiptab. Hún. 18. des. 1834, 12. okt. 1891 og 1. mars 1892; Eiðsstaðaætt – Handrit Björns Bjarnasonar á Brandsstöðum; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 184, 4759, 4760, 4770-4771, 5493 og 6849; Ættatölub. Ólafs Snóksdalíns, 312-313 (innskotsblöð), 336, 337, 533, 640, 721-722 og 830).

Einar Jónasson (1833-1899) – Bóndi á Gili.

F. 28. jan. 1833 á Gili, d. 5. nóv. 1899 á Botnastöðum. For.: Jónas Einarsson b. á Gili og k.h. Guðrún Illugadóttir. Ólst upp hjá föðurbróður sínum Guðmundi Einarssyni og konu hans Margréti Jónasdóttur í Þverárdal og fermdist í Bólstaðarhlíðarsókn 1847. Hann var vinnumaður hjá Illuga bróður sínum á Gili 1856-1857 og hjá Björgu systur sinni í Þverárdal 1858-1861. Húsmaður á Gili 1861-1864. Bóndi á Gili 1864-1868. Húsmaður á Botnastöðum 1868-1872, í Finnstungu 1872-1874, í Ytra-Tungukoti 1874-1876, í Þverárdal 1876-1877, í Skyttudal 1877-1879, í Þverárdal aftur 1879-1880 og í Skyttudal aftur 1880-1881. Vinnumaður á Skeggsstöðum 1881-1883. Húsmaður í Eiríksstaðakoti 1883-1884. Lausamaður á Skeggsstöðum 1884-1885. Vinnumaður á Skeggsstöðum aftur 1885-1886. Húsmaður í Skyttudal enn 1886-1888 og í Vatnshlíð 1888-1889. Vinnumaður á Brandsstöðum 1889-1890. Húsmaður á Brandsstöðum 1890-1892, í Eyvindarstaðagerði 1892-1895, í Kálfárdal 1895-1896 og á Brandsstöðum aftur 1896-1899, en síðast á Botnastöðum. Einar var allgildur til burða og liðtækur verkmaður, afar drykkfelldur, raddmaður góður og kvað mjög laglega. Lík hans var það fyrsta sem var jarðsett í nýjum kirkjugarði í Bólstaðarhlíð. – Barnsmóðir: Dagbjört Kráksdóttir, f. 28. ágúst 1838 á Steiná, d. 31. maí 1895 á Brandsstöðum, vk. í Bólstaðarhlíð. For.: Krákur Jónsson b. í Steinárgerði og k.h. Helga Þórðardóttir. Dagbjört bjó síðar með Birni Guðmundssyni b. í Steinárgerði. Barn: Jónas, f. 3. sept. 1866 í Bólstaðarhlíð, b. á Kúfustöðum, kv. Margréti Guðmundsdóttur. Jónas var við skírn lýstur sonur Einars Jakobssonar vm. á Botnastöðum.

(Íslenzkar æviskrár V, 414-415; Hrakhólar og höfuðból, 47-49; Svipir og sagnir, 152; Troðningar og tóftarbrot, 40, 45, 51-54 og 58; Húnavaka 1979, 109-110; Skiptab. Hún. 21. sept. 1858; Eiðsstaðaætt – Handrit Björns Bjarnasonar á Brandsstöðum; Skeggsstaðaætt – Handrit Björns Bjarnasonar á Brandsstöðum; Guðmundur í Hvammi – Handrit Kristínar Sigvaldadóttur á Skeggsstöðum; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 1399 og 4759; Ættatölub. Ólafs Snóksdalíns, 336, 338 og 722).

Einar Jónsson (1658-1708) – Bóndi í Kálfárdal,Syðri-Mjóadal og Gautsdal.

F. um 1658, á lífi í Gautsdal 1708. For. ókunnir. Bóndi í Kálfárdal nál. 1690, í Syðri-Mjóadal -1699-1703- og í Gautsdal -1708-. – Fyrri kona: Þóra Bessadóttir, f. nál. 1650. For.: Bessi Björnsson b. á Norðurlandi og k.h. Halldóra Rafnsdóttir. Börn: Þóra, f. um 1688, vk. í Bólstaðarhlíðarhreppi, óg., en átti börn með Marteini Jónssyni b. í Hólabæ og Hrómundi Eiríkssyni b. í Haga í Þingi, eitt með hvorum. Oddur, f. um 1689, var hjá föður sínum í Syðri-Mjóadal 1703. Seinni kona, ls. 1699 eða 1700, Ingibjörg Pálsdóttir, f. um 1673, á lífi í Syðri-Mjóadal 1703. For. ókunnir. Einar og Ingibjörg áttu saman barn í lausaleik í Bólstaðarhlíðarhreppi 1699 eða 1700, og var það fyrsta frillulífisbrot beggja. Ókunnugt um börn. – Fyrri maður Þóru: Oddur. For. ókunnir. Börn: Bessi, f. um 1680, b. á Gunnsteinsstöðum, kv. Gróu Árnadóttur. Ólafur, f. nál. 1680, var í Reykholtssókn í Borgarfjarðarsýslu 1700. Þóra. (Ættatölub. Jóns Espólíns, 5166).

(Vorþeyr og vébönd, 212; Dómab. Hún. 12. maí 1723; Kaupmálab. Reykholts 21. des. 1700; Ættatölub. Jóns Espólíns, 5166-5168; Ættatölub. Ólafs Snóksdalíns, 651; Ættatölub. Steingríms Jónssonar, 3600).

Einar Jónsson (1715-1755) – Bóndi á Æsustöðum og Ytra-Tungukoti.

F. nál. 1715, d. 1754 eða 1755. For.: Jón Jónsson b. á Æsustöðum og s.k.h. Helga Einarsdóttir. Búlaus á Æsustöðum -1734-1735- og -1740-1741-. Bóndi á Æsustöðum -1744-1753 og í Ytra-Tungukoti 1753-1754-. – Kona: Guðrún Sæmundsdóttir, f. um 1717, á lífi á Æsustöðum 1787. For. ókunnir. Guðrún var vinnukona í Blöndudalshólasókn -1755-1756-, en í skjóli Halldóru dóttur sinnar á Æsustöðum -1786-1787-. Börn: Málfríður, f. um 1741, vk. í Kálfárdal, óg., en átti barn með Jóni Oddasyni b. á Eiríksstöðum. Halldóra, f. um 1747 á Æsustöðum, g. Eggert Jónssyni b. á Syðri-Leifsstöðum.

Athugasemdir: 1) Í Hlynum og hreggviðum er Einari ruglað saman við Einar Jónsson b. á Hæli á Ásum -1731-1741- og í Vatnsdalshólum í Vatnsdal -1742-1753, og dætrum þeirra hnappað saman í einn systkinahóp. 2) Guðrún gæti vel verið samnefnd kona sem var í vinnumennsku á Fossum 1762, sögð 44 ára.

(Hlynir og hreggviðir, 84-86; Biskupsskjalasafn B VII).

Einar Jónsson (1735-1785) – Bóndi á Fossum og Skottastöðum.

F. um 1735, d. 1785 á Skottastöðum. Faðir: Jón Jónsson b. í Skagafjarðarsýslu. Vinnumaður í Stafni -1762-1763-. Bóndi á Fossum -1773-1777 og á Skottastöðum 1777 til æviloka. – Kona: Guðrún Ólafsdóttir, f. um 1731, d. 16. apríl 1812 í Teigakoti í Tungusveit. For.: Ólafur Sigurðsson b. í Stafni og k.h. Valgerður Guðmundsdóttir. Guðrún var vinnukona í Stafni -1762-1763-, en í skjóli Þorbjargar bróðurdóttur sinnar á Eiríksstöðum -1789-1800 og Elínar dóttur sinnar í Teigakoti 1800 til æviloka. Barn: Elín, f. um 1763 í Stafni, g. Gísla Jónssyni b. í Teigakoti.

Athugasemd: Föðurnafn Guðrúnar hefur misritast í Manntali á Íslandi 1801. Þar er hún ranglega skráð Jónsdóttir.

(Skagfirðingabók 1967, 141-142; Skiptab. Hún. 25. maí 1785; Ættatölub. Jóns Espólíns, 471 og 4606; Ættatölub. Ólafs Snóksdalíns, 36).

Einar Jónsson (1738-1785) – Bóndi á Torfustöðum.

F. um 1738, d. 1785 á Torfustöðum. For.: Jón Jónsson b. á Barkarstöðum og k.h. Þórunn Jónsdóttir. Búsettur á Barkarstöðum -1756-1757-. Bóndi á Torfustöðum -1762-1767-, á Barkarstöðum -1773-1778 og á Torfustöðum aftur 1778 til æviloka. Einari var úthlutað gjafakorni 28. des. 1756. – Kona: Sigríður Bjarnadóttir, f. um 1732, d. 23. jan. 1812 á Hafgrímsstöðum í Tungusveit. For.: Bjarni Gunnsteinsson b. á Torfustöðum og k.h. Helga Jónsdóttir. Sigríður bjó ekkja á Torfustöðum 1785-1788 og á Hóli 1788-1790. Hún var í skjóli Ragnheiðar dóttur sinnar á Kárastöðum í Hegranesi 1791-1793 og á Ytri-Kotum í Norðurárdal -1801-1802-, en síðast í skjóli Bjarna sonar síns á Hafgrímsstöðum. Börn: Bjarni, f. um 1763 á Torfustöðum, b. í Þorsteinsstaðakoti í Tungusveit, kv. Ástu Björnsdóttur. Ragnheiður, f. um 1767, g. Sigurði Sigurðssyni b. í Borgargerði í Norðurárdal.

Athugasemd: Föðurnafn Sigríðar hefur misritast í Manntali á Íslandi 1801. Þar er hún ranglega skráð Jónsdóttir.

(Saga frá Skagfirðingum II, 72 og 168; Dómab. Hún. 30. apríl 1767; Skiptab. Hún. 16. júní 1784 og 26. maí 1785; Skiptab. Skag. 14. apríl 1810 og 19. júní 1826; Ættatölub. Jóns Espólíns, 1631, 4403 og 4604; Ættatölub. Ólafs Snóksdalíns, 413; Ættatölub. Steingríms Jónssonar, 4836-4837 og 5258).

Einar Jónsson (1766-1853) – Húsmaður í þverárdal.

F. 1766 á Skeggsstöðum, d. 31. des. 1853 á Gili. For.: Jón Jónsson b. á Skeggsstöðum og k.h. Björg Jónsdóttir. Bóndi í Þverárdal 1791-1835. Húsmaður í Þverárdal 1835-1837. Bóndi á Stóra-Vatnsskarði á Skörðum 1837-1851, en var í skjóli Jónasar sonar síns á Gili 1851 til æviloka. Einar gerðist snemma atgervismaður að kröftum og fjöri, sjómaður mikill og vel hagur. Hann var hinn mesti léttleikamaður, glaðvær og góður félagsmaður og mjög vinsæll. Hann var fátæklingum ávallt mikil hjálparhella og manna gestrisnastur. Á manndómsárum sínum reri hann syðra á vertíðum og hafði af því mikinn ábata. Einar keypti Þverárdal fyrir 476 ríkisdali á uppboði Hólastólsjarða árið 1802. Hann skrifaði undir verslunarkærubréf í Bólstaðarhlíð 20. sept. 1797. – Fyrri kona, g. 1790, Valgerður Jónsdóttir, f. um 1763 í Saurbæ í Vatnsdal, d. 20. júlí 1834 í Þverárdal. For.: Jón Jónsson b. á Gilsstöðum í Vatnsdal og s.k.h. Valgerður Sigurðardóttir. Hún var vinnukona í Höfnum á Skaga -1784-1787- og í Holtastaðasókn -1788-1789-. Valgerður var góð kona, stillt og hversdagsgæf og ekki margmál að jafnaði. Börn: Björg, f. um 1793 í Þverárdal, g. Eyjólfi Jónassyni b. á Gili, þau systkinabörn. Guðmundur, f. 1796 í Þverárdal, b. í Þverárdal, kv. Margréti Jónasdóttur, þau systkinabörn, átti einnig son með Ósk Pétursdóttur. Eyjólfur, f. um 1797 í Þverárdal, d. 13. maí 1817 í Bólstaðarhlíðarsókn, vm. í Þverárdal, ókv. Hann fórst í snjóflóði í Hlíðarfjalli. Jónas, f. 8. mars 1801 í Þverárdal, b. á Gili, kv. Guðrúnu Illugadóttur, átti einnig dóttur með Dagbjörtu Kráksdóttur. Seinni kona, g. 10. okt. 1837, Halldóra Jónsdóttir, f. um 1783 í Fagranessókn í Skagafjarðarsýslu, d. 5. júní 1851 á Stóra-Vatnsskarði, ekkja Magnúsar Jónssonar b. á Stóra-Vatnsskarði. For.: Jón Jónsson b. í Tungu í Gönguskörðum og s.k.h. Guðbjörg Jónsdóttir. Halldóra var vinnukona á Fjósum -1800-1801- og á Hryggjum á Staðarfjöllum -1819-1820, en bústýra á Stóra-Vatnsskarði 1820-1821. Barnlaus. – Barnsfaðir Valgerðar: Björn Guðmundsson, f. um 1749 á Þorkelshóli í Víðidal, d. 3. júní 1821 á Auðólfsstöðum, b. á Auðólfsstöðum. For.: Guðmundur Björnsson b. á Auðólfsstöðum og k.h. Margrét Björnsdóttir. Barn þeirra fæddist 1788 í Holtastaðasókn. – Fyrri maður Halldóru, g. 4. nóv. 1821, Magnús Jónsson, f. 1793 (sk. 18. okt. 1793) í Álftagerði hjá Víðimýri, d. 12. mars 1837 á Stóra-Vatnsskarði, b. á Stóra-Vatnsskarði 1819 til æviloka. For.: Jón Bjarnason b. og skytta í Álftagerði og k.h. Anna Jónsdóttir. Magnús var í fóstri á Stóra-Vatnsskarði 1801 og fermdist í Glaumbæjarprestakalli í Skagafjarðarsýslu 1810. Hann var vinnumaður á Stóra-Vatnsskarði -1817-1819. Magnús þótti skýr og allvel að sér. Börn: Guðrún, f. 4. ágúst 1822 á Stóra-Vatnsskarði, d. 21. febr. 1827 á sama stað. Guðbjörg, f. 29. okt. 1823 á Stóra-Vatnsskarði, d. 17. mars 1837 á sama stað. Sigurður, f. 26. apríl 1826 á Stóra-Vatnsskarði, d. 19. febr. 1827 á sama stað. – Barnsmóðir Magnúsar: Helga Gísladóttir, f. 5. júlí 1802 á Starrastöðum á Fremribyggð, d. 2. sept. 1847 á Hafsteinsstöðum í Staðarhreppi, vk. á Stóra-Vatnsskarði. For.: Gísli Oddsson pr. á Hafsteinsstöðum og f.k.h. Agnes Bjarnadóttir. Helga var gift Sveini Jónssyni b. í Köldukinn á Ásum 1824-1828. Hún giftist síðar Gunnari Magnússyni b. á Hafsteinsstöðum. Barn: Sigurður, f. 14. okt. 1831 á Stóra-Vatnsskarði, b. á Búrfellshóli í Svínavatnshreppi, kv. Ósk Guðmundsdóttur.

(Íslenzkar æviskrár II, 72 og V, 414-415; Skagfirzkar æviskrár 1850-1890 I, 88-90 og II, 32-34; Húnvetningasaga II, 424 og 526 og III, 358-359 og 864-865; Saga frá Skagfirðingum III, 72, 116, 135, 136 og 175 og IV, 14; Búsæld og barningur, 133 og 148-150; Hlynir og hreggviðir, 21-22; Hrakhólar og höfuðból, 46-47; Mannaferðir og fornar slóðir, 104; Svipir og sagnir, 98-102; Jón Ósmann ferjumaður, 39; Sagnablöð hin nýju, 148-150 og 163-164; Húnaþing I, 492-495; Húnavaka 1969, 50-51 og 1976, 91-92; Norðri 1854 (nr. 7 og 8), 31; Hrakfallabálkur, 105-106; Brandsstaðaannáll, 44, 53 og 78; Annáll nítjándu aldar III, 70; Dómab. Skag. 15. júní 1801; Skiptab. Hún. 1. maí 1835 og 21. apríl 1845; Skiptab. Skag. 1. júlí 1794 og 4. okt. 1837; Verslunarb. Hofsóskaupstaðar 1787-1788, 47; Ábúendatal í Staðarhreppi – Handrit Jóns Sigurðssonar á Reynistað, 95 og 214; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 426-427, 606, 1688, 2146, 3789 og 4758-4759; Ættatölub. Ólafs Snóksdalíns, 235, 336 og 432 (innskotsblað); Ættatölub. Sighvats Grímssonar Borgfirðings, 559-560 og 2434-2435; Ættatölub. Steingríms Jónssonar, 4821 og 6128).

Einar Jónsson (1823-1901) – Bóndi í Syðri-Mjóadal og Skyttudal.

F. 11. maí 1823 í Sogni í Kjós, d. 27. okt. 1901 í Neðri-Lækjardal í Refasveit. For.: Jón Einarsson b. í Reynivalla-Vesturkoti í Kjós og k.h. Jarþrúður Þórarinsdóttir. Var á sveitarframfæri í Hvammi í Kjós 1835. Vinnumaður í Tungunesi á Bakásum 1846-1851. Bóndi í Syðri-Mjóadal 1851-1858 og í Skyttudal 1858-1862 og hafði jafnframt bú í Syðri-Mjóadal 1858-1860. Bóndi á Fremstagili í Langadal 1862-1881. Húsmaður hjá Erlendi syni sínum á sama stað 1881-1882. Bóndi á Neðra-Skúfi í Norðurárdal 1882-1884, á Síðu í Refasveit 1884-1896 og í Kúskerpi í Refasveit 1896-1897. Húsmaður hjá Guðmundi syni sínum í Engihlíð í Langadal 1897-1901, en síðast hjá Guðrúnu dóttur sinni í Neðri-Lækjardal. – Fyrri kona, g. 24. nóv. 1851, Guðrún Guðmundsdóttir, f. 1. ágúst 1822 í Syðri-Mjóadal, d. 7. júní 1870 á Fremstagili. For.: Guðmundur Björnsson b. í Syðri-Mjóadal og k.h. Svanhildur Árnadóttir. Guðrún var hjá foreldrum sínum í Syðri-Mjóadal 1835 og fermdist í Bólstaðarhlíðarsókn 1836. Börn: Erlendur, f. 12. okt. 1852 í Syðri-Mjóadal, b. á Fremstagili, kv. Sigríði Þorkelsdóttur, bjó áður með Sigurlaugu Eggertsdóttur. Svanhildur, f. 25. nóv. 1853 í Syðri-Mjóadal, g. Jakob Bjarna Jakobssyni b. á Efra-Skúfi í Norðurárdal. Elísabet, f. 8. nóv. 1854 í Syðri-Mjóadal, húsm. á Síðu, óg. og bl. María, f. 28. maí 1856 í Syðri-Mjóadal, d. 17. des. 1857 á sama stað. Guðrún, f. 4. ágúst 1857 í Syðri-Mjóadal, g. Bjarna Helgasyni b. í Neðri-Lækjardal, átti áður dóttur með Stefáni Valdimar Stefánssyni b. á Ytra-Hóli á Skagaströnd. Guðmundur, f. 7. okt. 1859 í Skyttudal, b. í Engihlíð, kv. Ingibjörgu Stefánsdóttur. Björg, f. 29. júlí 1861 í Skyttudal, d. 14. mars 1862 á sama stað. Jón, f. 8. des. 1862 á Fremstagili, d. 18. júlí 1864 á sama stað. Jóhanna Sigríður, f. 5. des. 1865 á Fremstagili, d. 25. mars 1866 á sama stað. Seinni kona, g. 19. nóv. 1874, Sigríður Guðmundsdóttir, f. 10. júlí 1830 í Syðri-Mjóadal, d. 14. sept. 1897 í Engihlíð. For.: Guðmundur Björnsson b. í Syðri-Mjóadal og k.h. Svanhildur Árnadóttir. Sigríður var hjá foreldrum sínum í Syðri-Mjóadal 1840 og fermdist í Bólstaðarhlíðarsókn 1845. Hún var vinnukona hjá Einari og Guðrúnu í Syðri-Mjóadal 1851-1852, á Stóra-Vatnsskarði á Skörðum 1852-1854, á Steiná 1854-1856, á Gili 1856-1859, á Stóra-Vatnsskarði aftur 1859-1867 og hjá Einari og Guðrúnu á Fremstagili 1867-1870, en bústýra hjá Einari á sama stað 1870-1874. Við húsvitjun í Glaumbæjarprestakalli 1865 er Sigríður sögð allvel greind og skikkanleg. Barnlaus.

(Kjósarmenn, 192; Fremra-Hálsætt II, 7 og 37-46; Húnavaka 1976, 91 og 1988, 109; Skagfirðingabók 1968, 180; Skiptab. Hún. 3. júlí 1856; Ættatölub. Jóns Espólíns, 551 og 3584; Ættatölub. Ólafs Snóksdalíns, 125 og 347).

Einar Torfason (1705-1739) – Bóndi í Hólabæ.

F. nál. 1705, á lífi í Hólabæ 1739. For.: Torfi Þorvarðsson b. á Beitistöðum í Leirársveit og k.h. Sæunn Sigurðardóttir. Bóndi í Hólabæ -1734-1739-. – Kona: Sigríður Magnúsdóttir, f. um 1705, d. 11. jan. 1785 í Auðólfsstaðakoti. Móðir hennar mun hafa verið Valgerður Jónsdóttir húsm. á Vesturlandi eða Norðurlandi, síðar g. Katli Jónssyni b. í Bólstaðarhlíðarhreppi. Sigríður bjó ekkja í Hólabæ -1740-1741-, en var hjá Solveigu dóttur sinni á Kirkjubæ í Norðurárdal -1756-1757-. Hún bjó ekkja á Neðra-Skúfi í Norðurárdal 1758-1763-, en var síðast í skjóli Ketils sonar síns í Auðólfsstaðakoti. Sigríði var úthlutað gjafakorni 8. jan. 1757. Börn: Solveig, f. um 1728, g. Guðmundi Guðmundssyni b. á Kirkjubæ. Ketill, f. um 1730, b. í Auðólfsstaðakoti, kv. Ingiríði Jónsdóttur, átti áður son með Þórdísi nokkurri. Magnús, f. um 1733, b. á Neðra-Skúfi.

Athugasemd: 1) Í ættatölubókum er greint frá því, að kona Einars hafi verið dóttir Ketils Jónssonar b. í Bólstaðarhlíðarhreppi. Það fær ekki staðist, en hún mun hafa verið stjúpdóttir hans. 2) Í Almanaki Ólafs Thorgeirssonar er sonur Einars ranglega talinn Páll Einarsson b. á Steiná.

(Borgfirzkar æviskrár XI, 380; Almanak Ólafs Thorgeirssonar 1932, 77; Ættatölub. Jóns Espólíns, 813, 1383-1384 og 4772; Ættatölub. Jóns Halldórssonar, 113 og 248; Ættatölub. Ólafs Snóksdalíns, 203, 208, 312-313 (innskotsblöð) og 337; Ættatölub. Steingríms Jónssonar, 481-482 og 1884).

Einar Vigfússon (1665-1747) – Bóndi í Blöndudalshólum.

F. um 1665, d. 1746 eða 1747. Faðir: Vigfús Magnússon b. í Seyluþingsókn í Skagafjarðarsýslu. Bóndi í Dæli í Sæmundarhlíð -1700-1703-, á Stóru-Seylu á Langholti -1712-1713-, í Blöndudalshólum -1734-1735-, í Tungunesi á Bakásum -1736-1743 og á Ytri-Löngumýri 1743 til æviloka. – Fyrri kona: Guðrún Einarsdóttir, f. um 1663. For. ókunnir. Börn: Jórunn, f. um 1699, var hjá foreldrum sínum í Dæli 1703. Einar, f. um 1700, var hjá foreldrum sínum í Dæli 1703. Ingveldur, f. um 1701, var hjá foreldrum sínum í Dæli 1703. Bergur, f. um 1704, b. á Hnjúkum á Ásum. Björn, f. um 1707, b. í Brekkukoti á Efribyggð. Vigfús, f. nál. 1705, hestam. á Hólum í Hjaltadal 1745, en ómagi á Grófargili á Langholti 1753. Seinni kona, ls. 1740 eða 1741, Valgerður Jónsdóttir, f. nál. 1715, dr. 14. okt. 1755 í Blöndu. For. ókunnir. Hún bjó ekkja á Ytri-Löngumýri 1747-1752, en var síðast búsett á Eyvindarstöðum, ,,hrapaði þar fyrir neðan bæinn”, ritar prestur í kirkjubók við greftrun hennar. Einar og Valgerður áttu saman barn í lausaleik í Svínavatnshreppi 1740 eða 1741. Barn: Guðrún, f. 1740 eða 1741 í Tungunesi, g. Magnúsi Jónssyni b. í Eiríksstaðakoti. – Barnsfaðir Valgerðar: Símon Sigurðsson, f. um 1676, á lífi í Húnavatnssýslu 1755, b. á Mosfelli í Svínadal. For.: Sigurður Guðmundsson b. í Keldudal í Hegranesi og k.h. Vildís Símonsdóttir. Í skýrslu um munaðarlaus og þurfandi ungmenni í Blöndudalshólasókn 1755 segir um Símon og Valgerði, ,,hann flakkandi, hún félaus ekkja” og ,,hann lausingi, hún ekkja snauð.” Fyrri barneign Símonar með Valgerði var önnur hórdómssök hans. Börn: Guðrún, f. 1749 eða 1750 í Svínavatnshreppi, var í Blöndudalshólasókn 1755. Þorsteinn, f. 1749 eða 1750 í Svínavatnshreppi, b. á Skinnastöðum á Ásum. Hann var í Blöndudalshólasókn 1755. Sigríður, f. 1752 eða 1753 á Eyvindarstöðum, g. Hrólfi Þorsteinssyni b. á Ípishóli á Langholti, átti áður dætur með Jóni Jónssyni b. á Refsstöðum á Laxárdal fremri og Sveini Jónssyni b. í Finnstungu, eina með hvorum.

Athugasemdir: 1) Einar var orðinn bóndi í Bólstaðarhlíðarhreppi 1728. 2) Það er afar freistandi að geta sér þess til að Valgerður hafi verið alsystir Bjargar Jónsdóttur k. Jóns Jónssonar b. á Skeggsstöðum.

(Húnvetningasaga II, 607; Saga frá Skagfirðingum I, 157-158; Biskupsskjalasafn B VII; Alþingisb. XIV, 154; Dómab. Hún. 9. maí 1750, 1. maí 1760, 14. maí 1761 og 27. apríl 1770; Dómab. Skag. 26. apríl 1678, 11. og 12. júní og 16. ágúst 1745 og 3. maí 1753; Ættatölub. Jóns Espólíns, 3960-3962, 4732 og 5569; Ættatölub. Jóns Magnússonar, 18; Ættatölub. Ólafs Snóksdalíns, 703; Ættatölub. Steingríms Jónssonar, 3577).

Eiríkur Hrómundsson (1674-1708) – Bóndi í Skyttudal.

F. um 1674, á lífi í Skyttudal 1708. For.: Hrómundur Bjarnason b. í Ketu á Skaga og k.h. Þorgerður Eiríksdóttir húsm. í Finnstungu. Bóndi í Skyttudal -1701-1708-. Eiríkur undirritaði hluta jarðabókarskýrslu úr Bólstaðarhlíðarhreppi 13. nóv. 1708. – Kona: Ingibjörg Bjarnadóttir, f. um 1667, á lífi í Skyttudal 1703. Börn: Hrómundur, f. um 1701, b. í Haga í Þingi, átti barn með Þóru Einarsdóttur. Vigdís, f. um 1702, var hjá foreldrum sínum í Skyttudal 1703.

(Vorþeyr og vébönd, 153-154; Ættatölub. Ólafs Snóksdalíns, 186).

Eiríkur Jónsson. F. nál. 1630. Óvíst er um foreldra hans, en hann var bróðir Runólfs Jónssonar b. í Bólstaðarhlíðarhreppi og Sesselju Jónsdóttur k. Jóns Magnússonar b. í Bólstaðarhlíðarhreppi. Mun hafa verið búandi í Bólstaðarhlíðarhreppi. Hann var kallaður Geitna-Eiríkur. – Kona: Valgerður Tómasdóttir, f. um 1635, á lífi á Fjósum 1703. Óvíst er um foreldra hennar, en hún var systir k. Halls Magnússonar b. í Húnavatnssýslu. Þær gætu hafa verið dætur Tómasar Árnasonar b. á Strjúgsstöðum. Valgerður var í skjóli Tómasar sonar síns á Fjósum -1702-1703-. – Börn: Tómas, f. um 1662, b. á Fjósum, kv. Margréti Sveinsdóttur. Jón, f. um 1665, var hjá bróður sínum á Fjósum 1703. Sveinn, f. um 1669, b. á Skeggsstöðum, kv. Guðrúnu Jónsdóttur. Þuríður, f. um 1676, var hjá bróður sínum á Fjósum 1703. Guðrún, f. um 1682, var hjá bróður sínum á Fjósum 1703. Ennfremur kunna dætur þeirra að hafa verið: Kristín Eiríksdóttir, f. um 1656, g. Bjarna Jónssyni b. í Hvammi í Svartárdal. Guðný Eiríksdóttir, f. um 1663, g. Þórði Þórðarsyni b. á Botnastöðum.

(Vorþeyr og vébönd, 216; Annálar 1400-1800 I, 351; Dómab. Hún. 9. maí 1733, 1. maí 1760, 14. maí 1761 og 27. apríl 1770; Dómab. Skag. 30. apríl 1751; Ættatölub. Jóns Espólíns, 5568; Ættatölub. Ólafs Snóksdalíns, 703).

Eiríkur Jónsson (1705-1785) – Bóndi í Þverárdal.

F. 1705 eða 1706 í Goðdalaprestakalli í Skagafjarðarsýslu, d. 3. febr. 1785 í Geldingaholti í Seyluhreppi. For.: Jón Andrésson b. í Skagafjarðarsýslu og k.h. Guðrún Jónsdóttir. Bóndi í Þverárdal -1733-1746- og í Dæli í Sæmundarhlíð -1752-1767-, en var síðast í skjóli Guðlaugar dóttur sinnar í Geldingaholti, ,,vitur maður, merkis smiður, vel að sér”, ritar prestur í kirkjubók við greftrun hans. Eiríki var úthlutað gjafakorni 31. jan. 1757. – Fyrri kona: Guðlaug Jónsdóttir, f. 1698 í Dalasýslu. For.: Jón Magnússon b. á Stóru-Ásgeirsá í Víðidal og barnsm.h. Elín Bjarnadóttir heimasæta á Kambsnesi í Laxárdal. Guðlaug var hjá föður sínum í Búðardal á Skarðsströnd 1703, en búsett í Reynistaðarsókn í Skagafjarðarsýslu -1718-1719-. Börn: Jón, f. um 1724, b. og smiður í Drápuhlíð í Helgafellssveit og í Hrísdal í Miklaholtshreppi, kv. fyrst Þóru Einarsdóttur, svo Kristínu Ögmundsdóttur, síðast Þuríði Þorsteinsdóttur. Helga, f. um 1726, g. Jóni Sigurðssyni b. á Þverá í Blönduhlíð 1762, en síðar á Stóru-Ökrum í Blönduhlíð. Ragnheiður, f. um 1728, g. Þorvarði Jónssyni b. á Þverá í Blönduhlíð 1762, en síðar í Brekkukoti fremra í Blönduhlíð. Jón, f. um 1732, b. á Syðra-Skörðugili á Langholti, kv. Guðríði Björnsdóttur. Kristín, f. um 1736, húsm. í Dæli í Fljótum 1790-1791, en vk. Syðra-Skörðugili 1801-1802, móðir Jóhannesar Sæmundssonar vm. í Höskuldsstaðasókn. Guðlaug, f. um 1738 í Þverárdal, g. Erlendi Runólfssyni b. í Geldingaholti, síðast ráðsm. í Ytra-Tungukoti. Solveig, f. nál. 1730, vk. í Skagafjarðarsýslu, móðir Jóns Jónssonar í Hafnarfirði. Seinni kona: Þórdís Guðmundsdóttir, f. um 1712, á lífi í Dæli 1762. For.: Guðmundur Björnsson b. í Bólstaðarhlíðarhreppi og k.h. Helga Árnadóttir. Árið 1762 voru hjá þeim tveir drengir 13 og 7 ára og tvær stúlkur 24 og 12 ára. Þau áttu börn. (JS. 597, 4to). – Barnsfaðir Guðlaugar: Páll Ólafsson, f. um 1692, dr. 7. maí 1719 í Héraðsvötnum í Skagafjarðarsýslu, þénari á Sjávarborg í Borgarsveit. For.: Ólafur Ólafsson b. á Haukagili í Vatnsdal og barnsm.h. Ólöf Sigurðardóttir bústýra á Kolugili í Víðidal. Páll var hjá móðurfólki sínu á Kolugili 1703. Barn: Elín, f. 1718 eða 1719 í Reynistaðarsókn, vk. í Skagafjarðarsýslu, óg., en átti barn með Jóni Jónssyni vm. í Skagafjarðarsýslu.

Athugasemd: Eiríkur var orðinn bóndi í Bólstaðarhlíðarhreppi 1730.

(Íslenzkar æviskrár III, 219-220; Dalamenn II, 326 og III, 63; Sýslumannaæfir II, 690-696; Saga frá Skagfirðingum I, 44 og 159; Annálar 1400-1800 I, 513-514 og 623-624, II, 410 og 688 og III, 333-334; Sýsluskj. Gullbr. og Kjós. XIV, 1.c, 24. júní og 6. júlí 1798 (dánarbú Bjarna Jónssonar í Reykjavík); Dómab. Hún. 14. maí 1737 og 10. maí 1756; Dómab. Skag. 5. maí 1767; Hjónabandsleyfi úr Hólabiskupsdæmi 1795 (Sveinn Erlendsson og Steinunn Jónsdóttir); JS. 597, 4to; Ættatölub. Jóns Espólíns, 561, 1081, 1640, 1646, 2253-2254, 3064-3066, 4741-4742 og 6542; Ættatölub. Jóns Magnússonar, 33, 88, 160 og 221; Ættatölub. Ólafs Snóksdalíns, 573-574, 685 og 762; Ættatölub. Steingríms Jónssonar, 112, 963-966, 3587 og 3595).

Eiríkur Jónsson (1751-1801) – Bóndi á Eyvindarstöðum.

F. um 1751, d. 1801. For.: Jón Tómasson b. á Eyvindarstöðum og k.h. Ingibjörg Sæmundsdóttir. á Eyvindarstöðum. Fermdur í Blöndudalshólasókn 1766. Bóndi á Eyvindarstöðum 1791 til æviloka. Eiríkur skrifaði undir verslunarkærubréf í Bólstaðarhlíð 20. sept. 1797. – Kona, g. 2. febr. 1797, Guðríður Símonsdóttir, f. um 1753, d. 1. febr. 1839 á Kagaðarhóli á Ásum. For.: Símon Egilsson b. í Finnstungu og k.h. Málfríður Þorkelsdóttir. Guðríður bjó ekkja á Eyvindarstöðum 1801-1810. Hún var húskona í Holti á Ásum 1812-1815, í Skrapatungu á Laxárdal fremri 1816-1817 og á Kagaðarhóli 1817 til æviloka. Barnlaus.

(Húnaþing I, 492-495; Biskupsskjalasafn B VII; Ættatölub. Jóns Espólíns, 1844; Ættatölub. Sighvats Grímssonar Borgfirðings, 638).

Eiríkur Jónsson (1800-1886) – Bóndi í Ytri-Tungukoti.

F. um 1800 í Rugludal, d. 7. júní 1886 í Brekku í Þingi. For.: Jón Jónsson b. í Finnstungu og f.k.h. Guðlaug Erlendsdóttir. Var hjá foreldrum sínum í Rugludal 1801 og hjá föður sínum í Finnstungu 1816. Bóndi í Ytra-Tungukoti 1823-1824, á Kirkjuskarði á Laxárdal fremri 1824-1836, á Fremstagili í Langadal 1836-1847 og á Stóru-Giljá í Þingi 1847-1859. Húsmaður í Holti á Ásum 1859-1860, í Glaumbæ í Langadal 1860-1861, á Ystagili í Langadal 1861-1864, á Sjávarborg í Borgarsveit 1864-1866 og á Stóru-Giljá 1866-1868. Hann var í skjóli Helgu dóttur sinnar á Stóru-Giljá 1868-1871, í skjóli Jóns sonar síns á Hæli á Ásum 1871-1874 og á Beinakeldu á Reykjabraut 1874-1876, í skjóli Sigurlaugar dóttur sinnar í Brekku -1878-1880, í skjóli Jóns sonar síns á Gauksmýri í Línakradal 1880-1885 og í skjóli Sigurlaugar dóttur sinnar í Brekku 1885 til æviloka. Eiríkur var hár maður og herðabreiður, nokkuð stórskorinn ásýndum, góðmannlegur en ekki fríður, sérlyndur, fáskiptinn og hversdags gæfur. Hann var mjög greindur og hneigður til bókar, verkmaður góður, er hann var kominn til vinnu. Hann varð blindur í elli. – Kona, g. 8. nóv. 1822, Guðrún Jónsdóttir, f. 3. des. 1793 á Giljum í Vesturdal, d. 5. júlí 1864 á Sjávarborg. For.: Jón Jónsson b. á Giljum og k.h. Guðrún Gísladóttir. Guðrún var hjá foreldrum sínum á Giljum 1801 og fermdist í Goðdalaprestakalli í Skagafjarðarsýslu 1807. Hún var hjá móður sinni á Giljum 1816, en vinnukona í Finnstungu 1818-1823. Guðrún var tæplega í meðallagi á vöxt, snotur álitum, dökkhærð og hárprúð, hvatleg í fari og framgöngu, glaðlynd og léttlynd, starfsöm og mikill vinnuvíkingur. Hún vílaði ekki fyrir sér að tæta hrosshár og raka gærur, en það voru talin karlmannsverk. Það bar við að hún hvatti mann sinn til verka og ýtti á börn sín og hjú. Börn: Guðlaug, f. 22. okt. 1822 í Finnstungu, g. Magnúsi Péturssyni b. í Holti á Ásum. Helga, f. 23. apríl 1824 í Ytra-Tungukoti, g. Jóni Jónssyni b. á Stóru-Giljá. Jón, f. 8. apríl 1825 á Kirkjuskarði, d. 7. maí 1826 á sama stað. Jón, f. 1826, d. 24. maí 1826 á Kirkjuskarði. Guðrún, f. 21. maí 1827 á Kirkjuskarði, d. 18. sept. 1827 á sama stað. Ólöf, f. 25. júlí 1828 á Kirkjuskarði, d. 6. ágúst 1838 á Fremstagili, var í fóstri á Brandsstöðum 1835. Jón, f. 16. ágúst 1829 á Kirkjuskarði, b. á Gauksmýri, kv. fyrr Halldóru Jónsdóttur, síðar Elínu Jónsdóttur. Sigurlaug, f. 2. sept. 1830 á Kirkjuskarði, g. Jóhannesi Eyjólfssyni b. í Brekkukoti í Þingi. Sveinn, f. 7. okt. 1831 á Kirkjuskarði, b. í Grundarkoti, kv. Ósk Gunnlaugsdóttur. Guðmundur, f. 8. maí 1834 á Kirkjuskarði, d. 14. jan. 1835 á sama stað. Guðmundur, f. 23. maí 1835 á Kirkjuskarði, d. 23. maí 1859 á Stóru-Giljá, vm. á Stóru-Giljá, ókv., en átti son með Kristjönu Jónsdóttur.

Athugasemd: Í Manntali á Íslandi 1860 eru Eiríkur og Guðrún talin húsfólk í Holti á Ásum. Það stangast á við kirkjubækur og sóknarmannatöl.

(Íslenzkar æviskrár VI, 352; Skagfirzkar æviskrár 1850-1890 II, 230-233; Skagfirzkar æviskrár 1890-1910 I, 303-304; Feðraspor og fjörusprek, 58-77; Sagnir um slysfarir í Skefilsstaðahreppi, 145-149 og 152-153; Húnavaka 1977, 80; Ættatölub. Jóns Espólíns, 3065; Ættatölub. Ólafs Snóksdalíns, 526, 558, 574 og 668; Ættatölub. Steingríms Jónssonar, 966).

Eiríkur Þorsteinsson. F. um 1666, á lífi í Ytra-Tungukoti 1708. For. ókunnir. Bóndi í Ytra-Tungukoti -1699-1708-. – Kona: Kristín Oddsdóttir, f. um 1663, á lífi í Ytra-Tungukoti 1703. For. ókunnir. Barn: Sveinn, f. um 1697, b. á Litla-Vatnsskarði á Laxárdal fremri.

(Vorþeyr og vébönd, 230).

Erlendur Guðmundsson (1806-1886) – Bóndi í Grundarkoti.

F. 24. febr. 1806 á Móbergi í Langadal, d. 13. des. 1886 í Eyjarkoti á Skagaströnd. For.: Guðmundur Sigurðsson b. á Móbergi og k.h. Elín Helgadóttir. Var hjá foreldrum sínum á Móbergi 1817 og fermdist í Holtastaðasókn 1822. Vinnumaður í Hvammi í Langadal -1823-1824 og á Auðkúlu í Svínadal 1824-1825. Búlaus á Móbergi 1825-1826. Vinnumaður á Holtastöðum í Langadal -1828-1829. Bóndi í Hvammi í Langadal 1829-1831 og á Breiðavaði í Langadal 1831-1832. Brá þá búi í eitt ár. Bóndi í Engihlíð í Langadal 1833-1834. Vinnumaður á Breiðavaði 1834-1835, á Stóru-Giljá í Þingi 1835-1837 og á Geitaskarði í Langadal 1837-1838. Húsmaður á Sneis á Laxárdal fremri 1838-1839. Bóndi á Tungubakka á Laxárdal fremri 1839-1846. Húsmaður í Tungu í Gönguskörðum 1846-1847. Bóndi á Stóru-Mörk 1847-1848 og á Litla-Vatnsskarði á Laxárdal fremri 1848-1849. Húsmaður á Sneis 1849-1850- og á Gunnsteinsstöðum -1851-1852. Bóndi í Gunnsteinsstaðaseli 1852-1853 og í Gautsdal 1853-1854. Húsmaður í Gautsdal 1854-1855. Bóndi í Grundarkoti 1855-1860. Húsmaður í Grundarkoti 1860-1861, á Kirkjuskarði á Laxárdal fremri 1861-1862 og á Strjúgsstöðum 1862-1866. Erlendur var í skjóli Guðmundar sonar síns á Litla-Vatnsskarði 1867-1870, í skjóli Þórönnu dóttur sinnar á Illugastöðum á Laxárdal fremri 1870-1871 og í skjóli Guðmundar sonar síns á Vestra-Reyni á Akranesi 1871-1872. Hann var þurfamaður á Neðri-Mýrum í Refasveit 1872-1873 og á Tungubakka 1873-1874, en í skjóli Þórönnu dóttur sinnar á Illugastöðum 1874-1875 og í skjóli Sólbjargar dóttur sinnar á Syðra-Hóli á Skagaströnd 1875-1883 og í Eyjarkoti 1883 til æviloka. – Kona, g. 30. sept. 1828, Sigríður Símonsdóttir, f. 16. maí 1809 í Flugumýrarsókn í Skagafjarðarsýslu, d. 7. ágúst 1867 á Litla-Vatnsskarði. For.: Símon Jónsson vm. á Sölvabakka í Refasveit 1817 og k.h. Guðrún Sæmundsdóttir. Sigríður var hjá föður sínum á Sölvabakka 1817, en fermdist í Holtastaðasókn 1824. Hún var vinnukona í Sólheimum í Svínavatnshreppi 1824-1828, á Holtastöðum 1828-1829, í Sólheimum 1832-1833, í Köldukinn á Ásum 1834-1835, á Stóru-Giljá 1835-1837 og á Geitaskarði 1837-1838. Börn: Björn, f. 14. nóv. 1828 á Holtastöðum, b. á Stóra-Búrfelli í Svínavatnshreppi, kv. Hólmfríði Halldórsdóttur. Jóhannes, f. 20. febr. 1830 í Hvammi, b. í Strjúgsstaðaseli, kv. Ástu Björnsdóttur, átti áður dóttur með Önnu Jónsdóttur. Erlendur, f. 23. febr. 1832 á Breiðavaði, b. í Grundarkoti, kv. Ingibjörgu Sigurðardóttur, var einnig kennt barn af Málfríði Björnsdóttur. Lárus, f. 2. febr. 1834 í Engihlíð, b. í Eyvindarstaðagerði, kv. Sigríði Hjálmarsdóttur. Guðmundur, f. 24. apríl 1837 á Stóru-Giljá, b. á Strjúgsstöðum, kv. Hólmfríði Stefánsdóttur. Ósk, f. 4. sept. 1838 á Sneis, d. 4. okt. 1838 á sama stað. Þóranna, f. 4. okt. 1840 á Tungubakka, g. Hirti Guðmundssyni b. á Blálandi í Hallárdal. Hjörleifur, f. 5. nóv. 1841 á Tungubakka, d. 8. júlí 1843 á sama stað. Jón, f. 9. júlí 1843 á Tungubakka, d. 16. júlí 1843 á sama stað. Salóme Sigríður, f. 16. febr. 1845 á Tungubakka, g. Birni Jónssyni b. á Bakka á Skagaströnd. Pálmi, f. 18. sept. 1849 á Sneis, b. í Hvammi á Laxárdal, kv. Jórunni Sveinsdóttur, var einnig kennt barn af Sigurlaugu Friðriksdóttur. Þorsteinn, f. 2. júlí 1851 á Gunnsteinsstöðum, d. 3. júní 1852 á sama stað. Barnsmóðir: Sólbjörg Jónsdóttir, f. 28. júlí 1806 á Kárastöðum á Bakásum, d. 29. júlí 1834 í Holtastaðakoti í Langadal, vk. í Holtastaðakoti. For.: Jón Jónsson b. á Kárastöðum og f.k.h. Sigríður Hannesdóttir. Barn: Sólbjörg, f. 4. nóv. 1833 í Holtastaðakoti, g. Felix Felixsyni b. í Harastaðakoti á Skagaströnd, átti áður son með Kaprasíusi Kaprasíussyni b. á Syðri-Ey á Skagaströnd.

Athugasemd: Lárus Erlendsson var af sumum talinn launsonur Pálma Jónssonar b. í Sólheimum.

(Borgfirzkar æviskrár III, 238-239; Kjósarmenn, 106-107; Skagfirzkar æviskrár 1850-1890 II, 248-250; Skagfirzkar æviskrár 1890-1910 III, 5-6; Skagfirzkar æviskrár 1910-1950 IV, 222-225; Ljósmæður á Íslandi I, 542; Bólu-Hjálmar – Niðjar og ævi, 75-154; Feðraspor og fjörusprek, 137-138; Hrakhólar og höfuðból, 100; Svipir og sagnir, 193-205; Söguþættir Gísla Konráðssonar, 146; Föðurtún, 148 og 195; Húnavaka 1976, 58-59; Norðri 1861 (nr. 5 og 6), 23-24; Skiptab. Hún. 31. maí 1825, 9. des. 1834, 2. júní 1840 og 27. apríl og 22. maí 1844; Skiptab. Skag. 30. des. 1847; Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1182 og 3371; Ættatölub. Ólafs Snóksdalíns, 336, 553 og 725).

Erlendur Runólfsson (1748-1819) – Ráðsmaður í Ytra-Tungukoti.

F. um 1748 í Hátúni á Langholti, d. 8. nóv. 1819 í Ytra-Tungukoti. For.: Runólfur Erlendsson b. í Hátúni og k.h. Ragnheiður Bergsdóttir. Bóndi í Geldingaholti í Seyluhreppi -1781-1801. Húsmaður í Rugludal 1800-1801-. Búlaus í Finnstungu -1803-1806-. Ráðsmaður í Ytra-Tungukoti -1810 til æviloka. Hann var hreppstjóri í Seyluhreppi í Skagafjarðarsýslu 1783-1797. Erlendur var með hæstu mönnum á vöxt. Hann var mjög bókhneigður og þótti nokkuð sérlundaður. Jón Espólín setti honum grafskrift að bón Þorsteins sonar hans og birtist hún í Klausturpóstinum. – Kona: Guðlaug Eiríksdóttir, f. um 1738 í Þverárdal, d. 16. júní 1821 á Ytri-Brekkum í Blönduhlíð. For.: Eiríkur Jónsson b. í Þverárdal og f.k.h. Guðlaug Jónsdóttir. Guðlaug var húskona í Geldingaholti 1801-1802-, en í skjóli Sveins sonar síns á Ytri-Brekkum -1816 til æviloka. Guðlaug var mesta heiðurskona. Börn: Guðlaug, f. um 1767, g. Jóni Jónssyni b. í Finnstungu. Þorsteinn, f. um 1768 í Hátúni, b. í Syðra-Tungukoti, kv. Sigríði Jónsdóttur. Sveinn, f. um 1769 í Hátúni, b. og smiður á Ytri-Brekkum, kv. Steinunni Jónsdóttur, þau systrabörn. Barnsmóðir: Ingibjörg Ólafsdóttir, f. um 1745 á Uppsölum á Staðarbyggð, d. 13. mars 1832 á Dýrfinnustöðum í Blönduhlíð, vk. í Glaumbæjarsókn í Skagafjarðarsýslu. For.: Ólafur Jónsson b. og skáld í Þverbrekku í Öxnadal og k.h. Sigríður Þorláksdóttir. Ingibjörg var gift Þorleifi Jónssyni b. á Varmavatnshólum í Öxnadal 1765-1767, á Þverá í Öxnadal 1767-1768, á Uppsölum í Hörgárdal 1768-1770 og í Hólum í Öxnadal 1770-1772. Hún var vinnukona á Stóru-Mörk 1801. Barn: Þóra, f. 1778 í Glaumbæjarsókn, g. Sigurði Ásgrímssyni b. og smið á Smiðjuhóli í Álftaneshreppi.

(Íslenzkar æviskrár IV, 62; Borgfirzkar æviskrár X, 21; Húnvetningasaga II, 544-546; Saga frá Skagfirðingum I, 79, 118, 159 og 176; Feðraspor og fjörusprek, 64; Æfisaga Gísla Konráðssonar, 31; Húnvetningur 1995, 102-104; Sýsluskj. Gullbr. og Kjós. XIV, 1.c, 24. júní og 6. júlí 1798 (dánarbú Bjarna Jónssonar í Reykjavík); Dómab. Skag. 24. júlí 1777, 28. maí 1783 og 10. maí 1797; Hjónabandsleyfi úr Hólabiskupsdæmi 1795 (Sveinn Erlendsson og Steinunn Jónsdóttir); Lbs. 86, 4to, 14. apríl 1747 (hjúskaparleyfi Runólfs Erlendssonar og Ragnheiðar Bergsdóttur); Prestaæfir Sighvats Grímssonar Borgfirðings (þáttur Gunnlaugs Oddssonar á Lambastöðum); Ættatölub. Jóns Espólíns, 2253-2254, 3063-3066, 4024 og 6870-6871; Ættatölub. Ólafs Snóksdalíns, 409b og 573-574; Ættatölub. Steingríms Jónssonar, 963-966 og 4547).

Eyjólfur Eyjólfsson (1726-1802) – Bóndi á Strjúgstöðum og Sneis.

F. um 1726, á lífi á Auðólfsstöðum 1802. For.: Eyjólfur Ormsson b. í Nýlendu og k.h. Margrét Guðmundsdóttir. Sagnir herma að Eyjólfur hafi verið í vinnumennsku í Stóradal í Svínavatnshreppi á yngri árum. Bóndi á Strjúgsstöðum -1751-1758, á Sneis á Laxárdal fremri 1758-1775, á Móbergi í Langadal 1775-1778, á Strjúgsstöðum 1778-1785 og á Móbergi 1785-1801. Búsettur á Auðólfsstöðum 1801-1802-. Sagnir herma að hann hafi verið í skjóli Guðrúnar dóttur sinnar á Æsustöðum. Hann var lengi hreppstjóri og þótti röggsamur og atkvæðamikill. Eyjólfur var gildur meðalmaður á vöxt, fríður sýnum, hárið rauðgult og tók ofan fyrir herðar. Hann var glaður í viðmóti, skemmtinn, fróður í sögum og fleiru, söngmaður ágætur og ritaði fagra hönd, er þá þótti. Skartsmaður var hann og unni fegurð allri. Þegar hann bjó á Sneis átti hann ellefu nautgripi, alla svarthjálmótta. Þótti honum sá nautalitur fegurstur. Má af því marka að hann unni eigi minna fegurð en hagsmunum. – Kona: Helga Jónsdóttir, f. um 1728, á lífi á Móbergi 1801, ekkja Jóns Jónssonar b. á Strjúgsstöðum. Hún er sögð hafa verið dóttir Jóns og Guðnýjar, búandi hjóna á Húnsstöðum á Ásum. Helga var sögð góð kona. Árið 1762 voru hjá þeim tveir drengir 14 og 5 ára og tvær stúlkur 9 og 8 ára. Börn: Solveig, f. um 1749 á Strjúgsstöðum, g. Jóni Gíslasyni b. á Stóru-Mörk. Elísabet, f. um 1754, var hjá foreldrum sínum á Móbergi 1801, en búlaus á Þorbrandsstöðum í Langadal -1810-1811- og á Fremstagili í Langadal 1813-1814, óg. Ketill, f. um 1756, b. á Strjúgsstöðum, kv. Guðrúnu Hallsdóttur. Guðrún, f. um 1762, g. Ólafi Jónssyni b. á Æsustöðum. Barnsmóðir: Guðrún Aradóttir, f. um 1769, d. 18. maí 1827 í Kalmansvík í Akranesi, vk. á Móbergi og í Haga í Þingi. For.: Ari Gissurarson b. í Grundarkoti í Vatnsdal og k.h. Sigríður Tómasdóttir. Guðrún giftist síðar Gamalíel Jónssyni b. á Beinakeldu á Reykjabraut. Börn: Jón, f. 1795 á Móbergi, b. í Höfðakoti í Eyrarsveit, kv. fyrr Kristínu Guðnadóttur, síðar Málfríði Dagfinnsdóttur, átti einnig börn með Kristínu Sigurðardóttur, Margréti Illugadóttur, Önnu Þorsteinsdóttur og Kristínu Jensdóttur, eitt með hverri. Guðrún, f. 3. ágúst 1796 í Haga, d. 4. okt. 1796 á sama stað.

Athugasemdir: 1) Helga er talin 34 ára í Manntali á Íslandi 1762, en 79 ára í Manntali á Íslandi 1801. 2) Í Ættum Skagfirðinga hermir að Helga hafi verið dóttir Odds Bessasonar bónda á Úlfagili á Laxárdal fremri, en það virðist vera gersamlega út í hött. Í Manntali á Íslandi 1801 er Helga skráð Jónsdóttir.

(Borgfirzkar æviskrár II, 365-366; Dalamenn I, 395; Ættir Skagfirðinga, 335; Syrpa úr handritum Gísla Konráðssonar I, 41; Saga Natans Ketilssonar og Skáld-Rósu, 3-11; Sagan af Natan Ketilssyni, 3; Biskupsskjalasafn B VII; Sýsluskj. Hún. XV, 4, 18. maí 1802 (dánarbú Ketils Eyjólfssonar á Strjúgsstöðum); Alþingisb. XV, 636-637; Skiptab. Hún. 28. sept. 1802; Ættatölub. Ólafs Snóksdalíns, 297).

Eyjólfur Eyjólfsson (1795-1860) – Bóndi á Barkarstöðum.

F. 1795 á Eiríksstöðum, d. 16. des. 1860 á Geithömrum í Svínadal. For.: Eyjólfur Jónsson b. á Eiríksstöðum og k.h. Þorbjörg Pétursdóttir. Var hjá foreldrum sínum á Eiríksstöðum 1801 og hjá móður sinni á sama stað 1816. Bóndi á Eiríksstöðum 1836-1837 og á Barkarstöðum 1837-1853. Húsmaður í Holti í Svínadal 1853-1855. Vinnumaður í Sólheimum í Svínavatnshreppi 1855-1857, í Litladal í Svínavatnshreppi 1857-1858, á Auðkúlu í Svínadal 1858-1859 og á Geithömrum 1859 til æviloka. Eyjólfur varð drykkfelldur og dofnaði upp. – Kona, g. 27. sept. 1834, Kristín Jónsdóttir, f. um 1791 í Holtastaðasókn, d. 3. júní 1862 á Geithömrum. For.: Jón Jónsson b. á Refsstöðum á Laxárdal fremri og k.h. Ingibjörg Guðmundsdóttir. Kristín var hjá móður sinni á Refsstöðum 1801. Hún var vinnukona á Auðólfsstöðum -1820-1821 og á Eiríksstöðum 1821-1836, en í Holti 1855-1857, á Auðkúlu 1857-1859 og á Geithömrum 1859 til æviloka. Barn: Björg, f. 19. sept. 1835 á Eiríksstöðum, g. Illuga Ásmundssyni b. í Holti í Svínadal.

(Ferðraspor og fjörusprek, 127; Svipir og sagnir, 100; Húnavaka 1979, 112; Sýsluskj. Hún. XV, 3, 29. apríl og 1. júlí 1794 (dánarbú Jóns Jónssonar á Refsstöðum); Skiptab. Hún. 26. febr. 1844 og 5. okt. 1860; Skeggsstaðaætt – Handrit Björns Bjarnasonar á Skeggsstöðum; Ættatölub. Jóns Espólíns, 4605-4606 og 4759-4760; Ættatölub. Ólafs Snóksdalíns, 335, 336 og 831; Ættatölub. Steingríms Jónssonar, 4952).

Eyjólfur Guðmundsson (1819-1878) – Bóndi Ytri-Svartárdal.

F. 1. nóv. 1819 á Barkarstöðum, d. 10. okt. 1878 á Hvalsnesi á Rosmhvalanesi. For.: Guðmundur Eyjólfsson ráðsm. á Barkarstöðum og k.h. Ingibjörg Ólafsdóttir. Var hjá foreldrum sínum á Barkarstöðum 1835 og fermdist í Bergsstaðasókn sama ár. Vinnumaður á Stóra-Vatnsskarði á Skörðum 1845-1846. Bóndi á Brenniborg á Neðribyggð 1850-1851. Vinnumaður í Kolgröf á Efribyggð 1851-1852. Bóndi í Ytri-Svartárdal í Svartárdal 1852-1853. Vinnumaður á Breið í Tungusveit 1853-1854, í Stafni 1854-1855 og í Steinárgerði 1855-1856. Bóndi á Barkarstöðum 1856-1857. Húsmaður á Steiná 1857-1859 og á Stóru-Mörk 1859-1860. Bóndi í Móbergsseli í Litla-Vatnsskarði 1860-1863. Vinnumaður á Fjósum 1863-1864. Húsmaður á Fossum 1864-1865 og á Brún 1865-1866. Síðast haustmaður á Hvalsnesi, ,,skikkanlegur, meinhægur, fékkst við blóðtöku”, ritar prestur í kirkjubók við greftrun hans. – Kona, g. 9. sept. 1849, Rannveig Klemensdóttir, f. 25. apríl 1827 á Vöglum í Blönduhlíð, d. 14. mars 1897 á Sæunnarstöðum í Hallárdal. For.: Klemens Þorkelsson b. á Syðstu-Grund í Blönduhlíð og k.h. Guðrún Gunnlaugsdóttir. Rannveig var hjá foreldrum sínum á Vöglum 1840 og fermdist í Miklabæjarsókn í Blönduhlíð 1841. Hún var vinnukona í Valadal á Skörðum 1848-1849, en húskona á sama stað 1849-1850. Þurfakona í Barkarstaðagerði 1863-1864 og á Fossum 1864-1865. Húskona á Brún 1865-1866, í Kóngsgarði 1866-1870, á Syðri-Leifsstöðum 1870-1871, á Skottastöðum 1871-1874, í Syðra-Tungukoti 1874-1877, í Eyvindarstaðagerði 1877-1878 og á Þorbrandsstöðum í Langadal 1878-1883. Lausakona í Hvammshlíð í Norðurárdal 1883-1884. Húskona á Hafursstöðum á Skagaströnd 1884-1885 og á Vindhæli á Skagaströnd 1885-1886. Lausakona á Njálsstöðum á Skagaströnd 1886-1888. Húskona í Eyvindarstaðagerði aftur 1889-1892, en var í skjóli Ólafs sonar síns á Syðri-Löngumýri í Blöndudal 1892-1893, í Hólabæ 1893-1894 og á Sæunnarstöðum 1894 til æviloka. Börn: Guðmundur, f. 20. jan. 1850 í Valadal, d. 13. júní 1908 á Hofi í Vesturdal, vm. í Litluhlíð í Vesturdal 1890, ókv. Ingibjörg Guðrún, f. 24. júní 1851 í Kolgröf, d. 17. apríl 1864 á Brún. Eyjólfur, f. 24. des. 1855 í Steinárgerði, d. 7. júní 1868 í Barkarstaðagerði. Björn, f. 7. júní 1859 á Steiná, d. 15. sept. 1859 á Stóru-Mörk. Ólafur, f. 29. mars 1863 í Móbergsseli, b. í Hólabæ, kv. Guðbjörgu Jónsdóttur. Guðmundur, f. 29. júní 1865 á Brún, d. 1. nóv. 1865 á sama stað. Barnsmóðir: Ingigerður Kráksdóttir, f. 5. júní 1836 á Steiná, d. 3. júní 1873 í Steinárgerði, vk. í Þverárdal. For.: Krákur Jónsson b. í Steinárgerði og k.h. Helga Þórðardóttir. Ingigerður giftist síðar Birni Guðmundssyni b. í Steinárgerði. Barn: Björg, f. 23. sept. 1856 í Þverárdal, d. 9. ágúst 1858 á Eyvindarstöðum.

Athugasemd: Eiginnafn Ólafs Eyjólfssonar, sonar Eyjólfs og Rannveigar, hefur misritast í kirkjubók í færslunni um fæðingu og skírn hans. Þar er hann ranglega nefndur Gunnlaugur.

(Skagfirzkar æviskrár 1850-1890 II, 41-42 og 124-126 og VI, 206-208; Saga frá Skagfirðingum II, 79; Ritsafn Eiðs Guðmundssonar á Þúfnavöllum III, 69; Refskinna I, 83; Skeggsstaðaætt – Handrit Björns Bjarnasonar á Brandsstöðum; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 3931, 4605 og 4760; Ættatölub. Ólafs Snóksdalíns, 335 og 341).

Eyjólfur Jónasson (1794-1859) – Bóndi á Gili, Fjósum og Selhaga.

F. 9. sept. 1794 á Ytri-Ey á Skagaströnd, d. 12. okt. 1859 á Syðra-Þverfelli. For.: Jónas Jónsson b. á Gili og k.h. Ingibjörg Jónsdóttir. Var hjá foreldrum sínum á Gili 1801 og 1816. Bóndi á Gili 1819-1823 og hafði jafnframt bú á Fjósum 1819-1823. Húsmaður á Gili 1823-1824 og hafði jafnframt bú á Fjósum 1823-1824. Bóndi á Gili 1824-1825 og hafði jafnframt bú á Fjósum 1824-1825. Bóndi á Fjósum 1825-1828 og hafði jafnframt bú í Selhaga 1826-1827. Bóndi í Selhaga 1828-1829. Vinnumaður á Auðólfsstöðum 1829-1830, í Reykjavík 1830-1831, í Sjávarhólum á Kjalarnesi 1831-1834, á Korpúlfsstöðum í Mosfellssveit 1834-1836-, í Kollafirði á Kjalarnesi 1839-1841 og í Þverárkoti á Kjalarnesi 1842-1846. Húsmaður á Skeggsstöðum 1847-1849. Bóndi á Ytra-Þverfelli 1849-1851. Húsmaður á Ytra-Þverfelli 1851-1852 og hafði jafnframt bú í Selhaga 1851-1852. Bóndi á Syðra-Þverfelli 1852 til æviloka og stóð bú hans til fardaga 1860. Eyjólfur var meðalmaður á vöxt og liðlega vaxinn, jarpur á hár, hvítleitur, með jafna kinn. Hann var glettinn og hnyttinn í tilsvörum, mjög geðríkur, harðvítugur og ófyrirleitinn, hefnigjarn og kappsamur. Átti hann í ýmsum útistöðum og mun hafa orðið frægastur af skiptum sínum við Pétur Skúlason bónda á Gili og Elís Oddsson smið, en syðra skarst í odda með honum og Magnúsi Sigurðssyni hreppstjóra á Ketilsstöðum á Kjalarnesi. Eyjólfur reri á vetrarvertíðum á Suðurnesjum á yngri árum og mun hafa orðið formaður. Hann lærði söðlasmíði syðra upp úr 1830. Eyjólfur seldi Selhaga Birni Árnasyni bónda í Kálfárdal. – Fyrri kona, g. 25. sept. 1819, Björg Einarsdóttir, f. um 1793 í Þverárdal, d. 8. ágúst 1822 á Gili. For.: Einar Jónsson b. í Þverárdal og f.k.h. Valgerður Jónsdóttir. Hún var hjá foreldrum sínum í Þverárdal 1801 og 1816. Björg var vel að sér, mikil vexti og raddkona hin besta. Hún var valkvendi og bætti mjög um ráð bónda síns. Hún andaðist af barnsförum. Eyjólfur og Björg voru systkinabörn. Börn: Sigurlaug, f. 21. nóv. 1819 á Gili, g. Einari Hannessyni b. á Skeggsstöðum. Jónas, f. 24. júlí 1821 á Gili, b. á Fjósum, kv. Dýrborgu Árnadóttur. Björg, f. 1822 á Gili, d. 17. nóv. 1822 á Gunnsteinsstöðum. Seinni kona, g. 14. júní 1853, Málhildur Gísladóttir, f. 4. ágúst 1801 í Lambhúsum á Kjalarnesi, d. 30. júlí 1882 á Möðruvöllum í Kjós, ekkja Guðmundar Jónssonar b. í Þverárkoti. For.: Gísli Vilhjálmsson vm. í Móum á Kjalarnesi 1801 og k.h. Guðrún Magnúsdóttir. Málhildur var í vinnumennsku með fyrra manni sínum í Þverárkoti -1822-1823-. Hún bjó ekkja í Þverárkoti 1842-1846 milli manna. Hún var vinnukona á Bakka á Kjalarnesi 1846-1847, í Lykkju á Kjalarnesi 1847-1848 og í Þverárdal 1848-1849. Eftir lát Eyjólfs var hún í skjóli Vigdísar dóttur sinnar á Syðra-Skörðugili á Langholti 1859-1863, á Halldórsstöðum á Langholti 1863-1870 og á Möðruvöllum 1870 til æviloka. Málhildur var greindarkona. Barnlaus. Barnsmóðir: Guðrún Helgadóttir, f. um 1798 á Barkarstöðum, d. 12. des. 1871 í Brekku í Þingi, vk. á Gili. For.: Helgi Árnason b. í Stafni og f.k.h. Guðrún Höskuldsdóttir. Guðrún giftist síðar Jóhanni Jónssyni b. á Eyjólfsstöðum í Vatnsdal. Barn: Jóhannes, f. 17. okt. 1823 á Gili, b. í Brekku, kv. Sigurlaugu Eiríksdóttur. Barnsmóðir: Ólöf Þorleifsdóttir, f. 9. okt. 1795 í Kambakoti á Skagaströnd, á lífi á Ytra-Þverfelli 1861, húsm. á Ytra-Þverfelli. For.: Þorleifur Markússon b. í Kambakoti og barnsm.h. Ólöf Eyvindsdóttir vk. í Kambakoti. Börn: Sigurbjörg, f. 4. apríl 1824 á Gili, g. Gunnlaugi Guðmundssyni b. í Selhaga. Sigurbjörg var við skírn lýst dóttir Ketils Ketilssonar vm. á Gili. Eyjólfur, f. 30. sept. 1825 í Selhaga, b. í Kálfárdal, kv. Sigþrúði Jónsdóttur. Eyjólfur var við skírn lýstur sonur Jónasar Jónatanssonar vm. í Eyvindarstaðagerði og jafnan skrifaður Jónasson. Barnsmóðir: Halldóra Vigfúsdóttir, f. 29. sept. 1793 á Þröm á Langholti, d. 1. júní 1870 á Kirkjubæ í Norðurárdal, vk. á Neðstabæ í Norðurárdal. For.: Vigfús Erlendsson b. á Þröm og k.h. Valgerður Jónsdóttir. Hún var vinnukona á Gunnsteinsstöðum 1845. Eyjólfur og Halldóra voru systrabörn. Barn: stúlka, f. 13. júlí 1829 á Neðstabæ. Hún fæddist andvana. Barnsmóðir: Guðríður Ingjaldsdóttir, f. 8. apríl 1802 í Króki í Grafningi, d. 20. apríl 1870 í Hlöðunesi á Vatnsleysuströnd, vk. í Lambhaga í Mosfellssveit. For.: Ingjaldur Sigurðsson b. í Króki og s.k.h. Borghildur Guðbrandsdóttir. Guðríður giftist síðar Guðmundi Jónssyni b. í Hvassahraunskoti á Vatnsleysuströnd 1845. Barn: Kristján, f. 11. apríl 1832 í Lambhaga, d. 21. okt. 1832 á sama stað. Barnsmóðir: Gunnhildur Vigfúsdóttir, f. 12. ágúst 1797 í Norður-Gröf á Kjalarnesi, d. 18. febr. 1868 á Ferstiklu á Hvalfjarðarströnd, vk. á Mosfelli í Mosfellssveit. For.: Vigfús Halldórsson b. á Suður-Reykjum í Mosfellssveit og k.h. Valgerður Ívarsdóttir. Hún var vinnukona í Álfsnesi á Kjalarnesi 1845. Barn: Pétur, f. 18. júlí 1833 á Mosfelli, dr. 21. mars 1859 á Faxaflóa, vm. í Reykjavík 1855, ókv. Barnsmóðir: Þórey Oddsdóttir, f. 26. jan. 1798 á Hrafnkelsstöðum í Garði, d. 26. jan. 1858 í Hrólfsskála á Seltjarnarnesi, vk. á Korpúlfsstöðum. For.: Oddur Guðmundsson b. á Eyri í Kjós og k.h. Guðrún Þorkelsdóttir. Hún var vinnukona í Hrólfsskála 1845. Barn: Eyjólfur, f. 15. júlí 1835 á Korpúlfsstöðum, b. á Blálandi í Hallárdal, kv. Þorgerði Guðmundsdóttur, átti áður son með Sigurlaugu Stefánsdóttur. Barnsmóðir: Málhildur Þórðardóttir, f. 1799 (sk. 29. des. 1799) á Moldnúpi undir Eyjafjöllum, d. 25. júlí 1861 í Reykjavík, vk. í Kollafirði. For.: Þórður Pálsson b. á Moldnúpi og k.h. Oddný Helgadóttir. Hún var vinnukona í Vallanesi á Völlum 1845. Barn: stúlka, f. 13. febr. 1841 í Kollafirði. Hún fæddist andvana. Eyjólfur vildi ekki gangast við stúlkunni. Barnsmóðir: Valgerður Erlendsdóttir, f. 15. maí 1798 á Minna-Mosfelli í Mosfellssveit, d. 16. ágúst 1852 í Þerney á Kollafirði, vk. í Kollafirði. For.: Erlendur Bjarnason b. á Minna-Mosfelli og k.h. Sigríður Eyjólfsdóttir. Hún var vinnukona í Leirvogstungu í Mosfellssveit 1845. Barn: Sigríður, f. 11. ágúst 1841 í Kollafirði, g. Oddi Ásmundssyni b. í Hrísdal í Miklaholtshreppi, átti áður þrjú börn með Jóhanni Ármannssyni b. í Marðarnúpsseli í Svínadal. Barnsmóðir: Guðrún Gísladóttir, f. 2. apríl 1821 í Villinganesi í Tungusveit, d. 21. júní 1866 í Gilhagaseli á Gilhagadal, vk. á Grófargili á Langholti. For.: Gísli Jónsson b. á Hrauni í Tungusveit og k.h. Sigríður Ólafsdóttir. Barn: Eyjólfur Helgi, f. 24. febr. 1853 á Grófargili, d. 6. apríl 1857 í Þorsteinsstaðakoti í Tungusveit. Eyjólfur eldri vildi ekki gangast við Eyjólfi yngra og var drengurinn skrifaður Guðrúnarson. – Fyrri maður Málhildar Gísladóttur: Guðmundur Jónsson, f. 11. des. 1797 á Lágafelli í Mosfellssveit, d. 1. okt. 1842 í Þverárkoti, b. í Þverárkoti 1826 til æviloka. For.: Jón Guðmundsson húsmaður á Lágafelli 1801 og k.h. Málfríður Jónsdóttir. Guðmundur var hjá foreldrum sínum á Lágafelli 1801 og fermdist í Mosfellsprestakalli í Kjósarsýslu 1811. Börn: Helga, f. 1821 eða 1822, var hjá foreldrum sínum í Þverárkoti 1840. Málfríður, f. 1825, d. 1. júlí 1825 í Þverárkoti. Jósef, f. 1826, d. 11. jan. 1827 í Þverárkoti. Jósef, f. 1827 (sk. 27. ágúst 1827) í Þverárkoti. Gísli, f. 1828, d. 8. mars 1828 í Þverárkoti. Vigdís, f. 4. okt. 1830 í Mosfellssókn í Kjósarsýslu, g. fyrr Sæmundi Jónssyni b. á Syðra-Skörðugili 1860, síðar Ásmundi Kristjánssyni b. á Möðruvöllum 1870, átti einnig dóttur með Friðbirni Björnssyni b. í Hvammkoti á Skaga. Guðmundur, f. 8. des. 1831 í Þverárkoti, d. 11. des. 1831 á sama stað.

(Borgfirzkar æviskrár IV, 100 og IX, 23; Kjósarmenn, 399-400 og 401-402; Skagfirzkar æviskrár 1850-1890 I, 15 og 259-260, II, 32-34, 53-55 og 98-100 og III, 39-42; Skagfirzkar æviskrár 1890-1910 I, 68-69; Snæfellingar og Hnappdælingar II, 410-411; Niðjatal Hallgríms Péturssonar og Guðríðar Símonardóttur I, 195-216; Húnvetningasaga II, 417-418, 424, 534-537, 541, 546-547, 550-551, 581, 599-602, 607, 623-625, 630-631, 634-638, 641-645, 647-651 og 675-679 og III, 712, 728, 882-883 og 900-901; Saga frá Skagfirðingum III, 151-152; Búsæld og barningur, 150; Feðraspor og fjörusprek, 65; Hrakhólar og höfuðból, 97-98; Svipir og sagnir, 100 og 116; Syrpa úr handritum Gísla Konráðssonar II, 344-345; Þáttr Eyjólfs og Péturs, 3-88; Skuldaskil, 167-172; Föðurtún, 107, 115-116, 218 og 496; Húnaþing III, 299; Húnavaka 1988, 63-65, 118-122 og 127-131 og 1989, 107-164; Hrakfallabálkur, 115-116; Landsyfirréttardómar III, 155-160 og 395 og VI, 69-72 og 109-112; Skiptab. Gullbr. og Kjós. 12. nóv. 1844; Skiptab. Hún. 27. maí 1823, 21. apríl 1845 og 21. des. 1861; Skiptab. Skag. 5. maí 1813 og 7. mars 1867; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 4760-4761; Ættatölub. Ólafs Snóksdalíns, 312-313 (innskotsblöð) og 337; Ættatölub. Sighvats Grímssonar Borgfirðings, 2422-2423).

Eyjólfur Jónasson (1825-1892) – Bóndi á Ytra-Þverárfelli og Kálfárdal.

F. 30. sept. 1825 í Selhaga, d. 24. mars 1892 í Kálfárdal. For.: Eyjólfur Jónasson b. á Syðra-Þverfelli og barnsm.h. Ólöf Þorleifsdóttir húsm. á Ytra-Þverfelli. Var í fóstri í Selhaga 1835 og fermdist í Bólstaðarhlíðarsókn 1840. Ráðsmaður hjá móður sinni á Ytra-Þverfelli 1842-1848. Vinnumaður í Holtskoti í Seyluhreppi 1848-1849 og í Kálfárdal 1849-1850. Ráðsmaður hjá móður sinni á Ytra-Þverfelli aftur 1850-1853. Bóndi á Ytra-Þverfelli 1853-1863 og í Kálfárdal 1863-1886. Húsmaður hjá Elísabeti dóttur sinni á sama stað 1886-1887. Bóndi í Kálfárdal aftur 1887-1891, en var í skjóli Þórunnar dóttur sinnar á sama stað 1891 til æviloka. Eyjólfur var lágur vexti og þrekinn, dökkur á hár og skegg, lágróma og röddin dimm. Hann var hreinskiptinn og drengur góður, fáskiptinn um annarra hagi, en lét ógjarna hlut sinn við hvern sem hann átti. – Kona, g. 14. júní 1853, Sigþrúður Jónsdóttir, f. 29. okt. 1829 í Kolgröf á Efribyggð, d. 16. mars 1907 á Krithóli á Neðribyggð. For.: Jón Ólafsson b. í Kálfárdal og k.h. Oddný Árnadóttir. Sigþrúður var hjá foreldrum sínum í Kálfárdal 1835 og fermdist í Bólstaðarhlíðarsókn 1843. Hún var vinnukona á Ytra-Þverfelli 1850-1853, í húsmennsku með Jóni syni sínum í Kálfárdal 1891-1895, en síðan í skjóli hans á Gili 1895-1896 og á Krithóli 1896 til æviloka. Börn: Björg, f. 23. nóv. 1850 á Ytra-Þverfelli, d. 27. jan. 1883 á Nautabúi á Neðribyggð, vk. á Eiríksstöðum 1880, óg., en átti syni með Jónasi Guðmundssyni b. í Glaumbæ í Langadal og Jónasi Einarssyni vm. á Mælifellsá á Efribyggð 1880, einn með hvorum. Elísabet, f. 13. apríl 1854 á Ytra-Þverfelli, g. Sigurði Finnbogasyni b. í Kálfárdal. Jóhann, f. 26. júlí 1856 á Ytra-Þverfelli, d. 2. febr. 1907 á Skíðastöðum í Laxárdal ytri, vm. á Skíðastöðum, bjó með Ingibjörgu Guðjónsdóttur, átti einnig son með Guðlaugu Kristjánsdóttur. Jón, f. 7. ágúst 1859 á Ytra-Þverfelli, b. á Gili, kv. Ingibjörgu Björnsdóttur. Oddný, f. 14. maí 1863 á Ytra-Þverfelli, d. 27. mars 1871 í Kálfárdal. Konráð, f. 6. sept. 1866 í Kálfárdal, d. 3. mars 1953 í Churchbridge í Saskatchewan, b. á Hólnum í Þingvallabyggð í Saskatchewan, kv. fyrr Guðbjörgu Sveinsdóttur, síðar Maríu Guðbrandsdóttur. Þórunn Dýrborg, f. 26. sept. 1870 í Kálfárdal, g. Þorleifi Klemens Klemenssyni b. á Botnastöðum. Stefán, f. 21. okt. 1873 í Kálfárdal, b. á Fjósum, ókv.

Athugasemd: Eyjólfur var við skírn lýstur sonur Jónasar Jónatanssonar vm. í Eyvindarstaðagerði og jafnan skrifaður Jónasson.

(Skagfirzkar æviskrár 1890-1910 II, 121-122, 152-153 og 271-273; Vestur-íslenzkar æviskrár II, 91-92 og VI, 166-168; Búsæld og barningur, 150; Föðurtún, 107; Húnavaka 1978, 63 og 1988, 63-65, 118-122 og 129-131; Lögberg 21. maí 1953; Tímarit Þjóðræknisfélags Íslendinga 1955, 119; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3931, 4760, 5494 og 5619; Ættatölub. Ólafs Snóksdalíns, 312-313 (innskotsblöð), 335, 337, 341, 390-391 og 809).

Eyjólfur Jónsson (1690-1764) – Bóndi í Ytra-Tungukoti..

F. nál. 1690, á lífi á Kárastöðum á Bakásum 1764. For. ókunnir. Bóndi í Ytra-Tungukoti -1734-1735- og á Kárastöðum -1736-1757, en var í skjóli Jóns sonar síns á sama stað 1757-1764-. – Ókunnugt um kvonfang, en synir hans voru: Jón, f. um 1735, b. á Kárastöðum, kv. Sigríði Þorbjörnsdóttur. Sigurður, f. nál. 1735, vm. í Húnavatnssýslu, faðir Sveins Sigurðssonar.

Athugasemd: Eyjólfur var orðinn bóndi í Bólstaðarhlíðarhreppi 1721.

(Vorþeyr og vébönd, 218; Dómab. Hún. 17. apríl 1722 og 5. maí 1764).

Eyjólfur Jónsson (1743-1807) – Bóndí í Hvammi og Eiríksstöðum.

F. 1743, d. 16. maí 1807 á Eiríksstöðum. For.: Jón Jónsson b. á Skeggsstöðum og k.h. Björg Jónsdóttir. Var hjá foreldrum sínum á Skeggsstöðum 1762. Búlaus á Skeggsstöðum 1780-1786. Bóndi í Hvammi í Svartárdal 1786-1787 og á Eiríksstöðum 1787 til æviloka. Hann var stefnuvottur í Bólstaðarhlíðarhreppi. Eyjólfur var dyggur og duglegur, góður fjármaður, þrifinn og hagnýtinn, eignaðist gott bú og gagnsamt og hafði miklar heynægtir. Á manndómsárum sínum reri hann syðra á vertíðum og hafði af því mikinn ábata. Eyjólfur eignaðist Hvamm og hálft Gil, en seldi þær jarðeignir bróður sínum Guðmundi Jónssyni bónda í Þverárdal. Hann keypti Eiríksstaði. Síðar keypti hann Eiríksstaðakot af Guðmundi Jónssyni bónda á Spákonufelli á Skagaströnd. Eyjólfur skrifaði undir verslunarkærubréf í Bólstaðarhlíð 20. sept. 1797. – Kona, g. 1786, Þorbjörg Pétursdóttir, f. um 1759 í Stafni, d. 23. jan. 1836 á Eiríksstöðum. For.: Pétur Ólafsson b. í Hvammi í Svartárdal og k.h. Solveig Egilsdóttir. Þorbjörg var hjá foreldrum sínum í Stafni 1762. Hún bjó ekkja á Eiríksstöðum 1807 til æviloka. Börn: Björg, f. um 1787 á Eiríksstöðum, g. Ólafi Tómassyni b. á Eyvindarstöðum. Valgerður, f. 1789 á Eiríksstöðum, g. Guðmundi Björnssyni b. á Torfustöðum. Pétur, f. um 1793 á Eiríksstöðum, b. á Eiríksstöðum, kv. Málfríði Jónatansdóttur. Eyjólfur, f. 1795 á Eiríksstöðum b. á Barkarstöðum, kv. Kristínu Jónsdóttur. Alls áttu Eyjólfur og Þorbjörg 5 börn. – Barnsfaðir Þorbjargar: Gísli Jónsson, f. um 1745, vm. á Torfustöðum. For.: Jón Ingimundarson b. á Vatni á Höfðaströnd og k.h. Sesselja Sigurðardóttir. Gísli var hjá móður sinni og stjúpa á Litlahóli í Viðvíkursveit 1762. Barn: Ingiríður, f. 1777 í Hvammi í Svartárdal, d. 18. ágúst 1849 á Barkarstöðum, vk. á Eiríksstöðum, óg. Hún fermdist í Bergsstaðaprestakalli 1792, þá sögð 16 ára.

(Húnvetningasaga I, 286-287 og II, 358-359; Búsæld og barningur, 148-149; Feðraspor og fjörusprek, 127; Hlynir og hreggviðir, 22; Svipir og sagnir, 98-102; Saga I, 213; Húnaþing I, 492-495; Biskupsskjalasafn B VII; Sýsluskj. Hún. XV, 6, 15. júní 1807 (dánarbú Eyjólfs Jónssonar á Eiríksstöðum); Skiptab. Hún. 28. júlí 1807, 19. maí 1836 og 26. febr. 1844; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 2112-2113, 4605-4606 og 4759-4760; Ættatölub. Ólafs Snóksdalíns, 335, 336, 538 og 539; Ættatölub. Sighvats Grímssonar Borgfirðings, 2433; Ættatölub. Steingríms Jónssonar, 76-77).

Eyjólfur Jónsson (1761-1843) – Ráðsmaður á Eiríksstöðum og Barkarstöðum.

F. 1761 á Skeggsstöðum, d. 16. febr. 1843 á Barkarstöðum. For.: Jón Jónsson b. á Skeggsstöðum og k.h. Björg Jónsdóttir. Var hjá foreldrum sínum á Skeggsstöðum 1762. Búlaus í Þverárdal 1791-1792 og í Bólstaðarhlíðarhreppi 1792-1793. Vinnumaður í Þverárdal -1799-1803-. Ráðsmaður á Eiríksstöðum -1810-1837 og á Barkarstöðum 1837-1840. Húsmaður á Barkarstöðum 1840 til æviloka. Eyjólfur var hagleiksmaður og smíðaði og lagfærði hvað eina sem Eiríksstaðabúið þarfnaðist. Hann var alltaf heilsugóður og stóð við slátt síðasta sumarið sem hann lifði. Barnsmóðir: Sigurlaug Björnsdóttir, f. um 1766 á Geitaskarði í Langadal, d. 23. okt. 1839 á Flugumýri í Blönduhlíð, húsm. á Barkarstöðum. For.: Björn Ólafsson b. á Bergsstöðum og k.h. Ingiríður Jónsdóttir. Barn: Guðmundur, f. um 1790 á Bergsstöðum, ráðsm. á Barkarstöðum, kv. Ingibjörgu Ólafsdóttur, átti einnig son með Helgu Þórðardóttur.

Athugasemd: Guðmundur Eyjólfsson var af sumum talinn launsonur Björns Jónssonar pr. í Bólstaðarhlíð.

(Skagfirzkar æviskrár 1850-1890 II, 124-126; Húnvetningasaga II, 453; Saga frá Skagfirðingum III, 89; Svipir og sagnir, 98-102; Föðurtún, 113; Brandsstaðaannáll, 145; Skiptab. Hún. 26. febr. 1844; Skiptab. Skag. 17. júní 1844; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 4605, 4759 og 4760; Ættatölub. Ólafs Snóksdalíns, 335; Ættatölub. Sighvats Grímssonar Borgfirðings, 2433).

Eyjólfur Ormsson (1682-?) – Bóndi í Nýlendu.

F. um 1682. For. ókunnir. Vinnumaður á Strjúgsstöðum -1702-1703-. Bóndi í Nýlendu -1708-1709-, á Úlfagili á Laxárdal fremri -1719-1720- og á Kirkjuskarði á Laxárdal fremri -1722-1723-. Eyjólfur undirritaði hluta jarðabókarskýrslu úr Bólstaðarhlíðarhreppi 14. nóv. 1708. – Kona: Margrét Guðmundsdóttir, f. um 1682, d. 2. febr. 1766 í Holtastaðasókn. Faðir: Guðmundur Sveinsson b. á Kirkjuskarði. Margrét var hjá föður sínum á Kirkjuskarði 1703. Hún bjó ekkja á Strjúgsstöðum -1733-1734, á Refsstöðum á Laxárdal fremri 1734-1735-, á Strjúgsstöðum -1737-1741- og á Refsstöðum -1744-1746-. Börn: Guðrún, f. um 1724, g. Ólafi Helgasyni b. á Þorbrandsstöðum í Langadal. Eyjólfur, f. um 1726, b. á Strjúgsstöðum, kv. Helgu Jónsdóttur. Jón, f. nál. 1720, búsettur í Kaupmannahöfn. Ennfremur áttu þau hjón fleiri dætur.

Athugasemd: Eyjólfur var bóndi í Engihlíðarhreppi fardagaárið 1720-1721.

(Vorþeyr og vébönd, 210-211; Syrpa úr handritum Gísla Konráðssonar I, 63-64; Saga Natans Ketilssonar og Skáld-Rósu, 3-6; Sagan af Natan Ketilssyni, 3-5; Dómab. Hún. 28. maí 1720, 17. apríl 1721, 6. okt. 1722 og 11. maí 1723).