Benedikt Árnason (1738-1825) – Bóndi í Hjarðarholti í Laxárdal.

F. 1738 á Ytra-Hóli í Fnjóskadal, d. 17. ágúst 1825 í Hjarðarholti í Laxárdal. For.: Árni Bjarnason b. í Vestari-Krókum í Fnjóskadal og f.k.h. Margrét Benediktsdóttir. Lærði í Hólaskóla og varð stúdent þaðan 1763. Djákni á Hólum í Hjaltadal 1763-1766. Vígðist 24. júní 1766 aðstoðarprestur séra Þorvarðs Bárðarsonar í Felli í Sléttuhlíð. Bóndi á Höfða á Höfðaströnd 1766-1767, í Felli 1767-1769 og í Gröf á Höfðaströnd 1769-1770-. Kann svo að hafa brugðið búi í örfá ár. Bóndi í Blöndudalshólum 1774-1782, á Bergsstöðum 1782-1784 og á Hofi á Skagaströnd 1784-1796 og hafði jafnframt bú í Hvammkoti á Skagaströnd 1784-1785 og á Skeggjastöðum á Skagaströnd 1785-1786. Bóndi á Kvennabrekku í Miðdölum 1796-1804 og í Hjarðarholti 1804-1819, en var í skjóli Stefáns sonar síns á sama stað 1819 til æviloka. Hann var aðstoðarprestur í Fellsprestakalli í Skagafjarðarprófastsdæmi 1766-1767, en sóknarprestur í Fellsprestakalli 1767-1769, að hann vék sjálfviljugur frá prestsskap, því hann hugði sig hafa samsængað konu sinni of snemma. Sigldi samsumars til Kaupmannahafnar og leitaði álits læknadeildar Kaupmannahafnarháskóla á því, hvort frumburður sinn gæti hafa verið getinn í hjónabandi, sem læknadeildin taldi mögulegt. Hann var sóknarprestur í Blöndudalshólaprestakalli 1772-1782, í Bergsstaðaprestakalli 1782-1784, í Hofsprestakalli 1784-1796, í Kvennabrekkuprestakalli í Dalaprófastsdæmi 1796-1804 og í Hjarðarholtsprestakalli í Dalaprófastsdæmi 1804-1821. Prófastur í Dalaprófastsdæmi 1801-1816. Séra Benedikt hafði liprar gáfur, var góður kennimaður, andríkur og málsnjall, ágætur skrifari og sæmilegur búmaður. Hermt er að hann hafi verið stakt góðmenni. – Kona, g. 25. maí 1768, Vilborg Högnadóttir, f. um 1737 á Burstarfelli í Vopnafirði, d. 12. sept. 1818 í Hjarðarholti. For.: Högni Eiríksson b. á Þorbrandsstöðum í Vopnafirði og f.k.h. Gróa Björnsdóttir. Ekki er borið lof á Vilborgu í Prestaæfum Sighvats Grímssonar Borgfirðings. Börn: Björn, f. 18. nóv. 1768 í Felli, verslunarm. í Reykjavík. Hann tók sér nafnið Fjeldsted. Margrét, f. 11. nóv. 1769 í Gröf, g. Jóni Jónssyni pr. á Prestsbakka í Hrútafirði, átti áður son með Birni Einarssyni b. í Dagverðarnesi á Skarðsströnd, þau systkinabörn. Ragnheiður, f. um 1770, d. 24. mars 1785 á Hofi. Stefán, f. 14. maí 1775 í Blöndudalshólum, pr. í Hjarðarholti, kv. Ingveldi Bogadóttur. Högni, dó ungur. (Prestaæfir Sighvats Grímssonar Borgfirðings).

Athugasemd: Freistandi er að geta sér þess til að Stefán Benediktsson hafi verið fæddur á árinu 1776, þó að heimildir greini annað.

(Íslenzkar æviskrár I, 116, III, 196-197 og IV, 313-314; Borgfirzkar æviskrár IV, 462-463 og VI, 48; Dalamenn I, 227 og 443 og II, 212-213; Strandamenn, 91; Staðarfellsætt, 76-77; Ættir Austfirðinga, 362 og 372; Saga frá Skagfirðingum I, 101 og 171; Saga Skagstrendinga og Skagamanna, 52 og 72; HSk. 103, 4to (uppskrift Stefáns Jónssonar úr skjölum í Biskupsskjalasafni B VII – Ársskýrslum presta og prófasta í Skagafjarðarprófastsdæmi 1745-1798), 36; Lbs. 95, fol. (Verslunarb. Hofsóskaupstaðar 1764-1769); Æfir lærðra manna (þáttur Benedikts Árnasonar í Hjarðarholti); Prestaæfir Sighvats Grímssonar Borgfirðings (þáttur Benedikts Árnasonar í Hjarðarholti); Ættatölub. Jóns Espólíns, 1020 og 1491; Ættatölub. Ólafs Snóksdalíns, 386 og 433; Ættatölub. Steingríms Jónssonar, 559, 3883-3885 og 4517).

Benedikt Benediktsson (1707-1773) – Bóndi í Bólstaðarhlíð.

F. um 1707, d. 10. ágúst 1773 á Hofi á Skagaströnd. For. ókunnir. Bóndi í Sveinsstaðahreppi -1741-1742-, í Bólstaðarhlíð -1744-1746- og í Holtastaðakoti í Langadal -1752 til æviloka, en andaðist á Hofi á heimferð af Skaga. Benedikt var trésmiður. Honum var úthlutað gjafakorni 28. des. 1756. – Kona: Katrín (föðurnafn ótilgreint), f. um 1720, á lífi í Holtastaðakoti 1762. For. ókunnir. Árið 1762 voru hjá þeim einn drengur 17 ára og tvær stúlkur 15 og 12 ára. Börn: Guðrún, f. um 1741, g. Jóni Halldórssyni b. í Hvammi í Langadal. Þorsteinn, f. um 1745, b. á Kálfshamri á Skagaströnd, kv. Ragnhildi Sigurðardóttur. Sólrún, f. um 1747 á Geitaskarði í Langadal, húsm. á Skeggsstöðum, g. Jóni Jónssyni. Guðrún, f. um 1750 í Holtastaðakoti, g. Ólafi Sveinssyni b. í Finnstungu.

Athugasemdir: 1) Benedikt var orðinn bóndi í Engihlíðarhreppi 1749. 2) Hægt er að láta sér til hugar koma að Katrín kunni að hafa verið dótturdóttir Ásgríms Hrómundssonar b. á Þorfinnsstöðum í Vesturhópi 1703 og k.h. Sólrúnar Kráksdóttur.

(Annálar 1400-1800 IV, 549; Biskupsskjalasafn B VII; Sýsluskj. Hún. XV, 4, 21. apríl og 7. og 8. júní 1797 og 16. febr. 1799 (dánarbú Þorsteins Benediktssonar á Stóru-Giljá); Dómab. Hún. 8. maí 1742 og 6. maí 1750).

Benedikt Benediktsson (1794-1845) – Bóndi á Refsstöðum.

F. um 1794, d. 30. júní 1845 á Efra-Skúfi í Norðurárdal. For.: Benedikt Jónsson b. á Gili og f.k.h. Katrín Jónsdóttir. Var í fóstri á Grund í Svínadal -1800-1805-og fermdist í Auðkúlusókn 1811. Vinnumaður í Ljótshólum í Svínadal 1817-1818, á Auðólfsstöðum 1818-1819, í Ljótshólum aftur 1820-1821, á Snæringsstöðum í Svínadal 1821-1823 og á Geithömrum í Svínadal 1823-1824. Ráðsmaður í Litladal í Svínavatnshreppi 1824-1826. Vinnumaður á Stóra-Búrfelli í Svínavatnshreppi 1826-1827. Ráðsmaður á Stóra-Búrfelli 1827-1830. Húsmaður í Holti í Svínadal 1830-1831. Bóndi á Refsstöðum á Laxárdal fremri 1831-1832. Húsmaður á Refsstöðum 1832-1833, á Vesturá á Laxárdal fremri 1833-1834 og á Ytra-Skörðugili á Langholti 1834-1835. Vinnumaður að hálfu á Gili og að hálfu í Kolgröf á Efribyggð 1835-1836 og á Gili 1836-1840. Bóndi í Eiríksstaðakoti 1840-1841. Húsmaður á Illugastöðum á Laxárdal fremri 1841-1842, í Núpsöxl á Laxárdal fremri 1842-1843 og á Sneis á Laxárdal fremri 1843-1845. Síðast bóndi á Efra-Skúfi. Benedikt var kunnur blóðtökumaður og verkhagur, drykkjugjarn og kvensamur. Við húsvitjun í Auðkúluprestakalli 1804 er hann sagður baldinn og harðvítugur. – Kona, g. 24. júní 1840, Ingibjörg Guðmundsdóttir, f. 21. ágúst 1816 á Torfustöðum í Núpsdal, d. 5. júlí 1898 á Kirkjuskarði á Laxárdal fremri. For.: Guðmundur Björnsson b. í Syðri-Mjóadal og k.h. Svanhildur Árnadóttir. Ingibjörg fermdist í Bólstaðarhlíðarsókn 1830. Hún bjó ekkja á Efra-Skúfi 1845-1846, en giftist þá Birni Þorleifssyni b. í Ytri-Mjóadal. Barnlaus. Barnsmóðir: Helga Jónsdóttir, f. 11. okt. 1790 í Ljótshólum, d. 22. ágúst 1839 á Stóra-Búrfelli, vk. í Ljótshólum. For.: Jón Sigurðsson vm. á Hrafnabjörgum í Svínadal og barnsm.h. Helga Halldórsdóttir vk. á Hrafnabjörgum. Helga giftist síðar Gísla Jónssyni b. á Snæringsstöðum. Barn: Jón, f. 29. nóv. 1813 í Ljótshólum, b. í Króki á Skagaströnd, kv. Hlíf Sigurðardóttur. Barnsmóðir: Helga Jónsdóttir, f. 9. ágúst 1801 á Auðkúlu í Svínadal, d. 13. sept. 1842 á Ormsstöðum í Eiðaþinghá, heimasæta í Litladal. For.: Jón Jónsson pr. á Auðkúlu og k.h. Ingibjörg Oddsdóttir. Hún var í vinnumennsku í Moshúsum á Miðnesi 1834-1835 og í Kirkjuvogi í Höfnum 1835-1836, en síðast á Ormsstöðum. Helga var greind og skáldmælt, en sögð sérlynd og óþýð. Barn: Sigvaldi, f. 23. sept. 1825 í Litladal, d. 10. júlí 1826 í Eyvindarstaðagerði. Barnsmóðir: Margrét Þórðardóttir, f. 17. febr. 1802 í Hliðsnesi á Álftanesi, d. 15. sept. 1844 í Deild á Álftanesi, heimasæta á Eyvindarstöðum á Álftanesi. For.: Þórður Gíslason b. á Eyvindarstöðum og k.h. Guðríður Pálsdóttir. Margrét giftist síðar Guðmundi Guðmundssyni b. á Eyvindarstöðum. Barn: Benedikt, f. 10. jan. 1826 á Eyvindarstöðum, d. 28. júlí 1874 í Akrakoti á Álftanesi, b. í Akrakoti, kv. Guðríði Halldórsdóttur. Barnsmóðir: Guðrún Ólafsdóttir, f. 24. mars 1807 á Báruseyri á Álftanesi, d. 25. ágúst 1887 á Eyvindarstöðum á Álftanesi, heimasæta á Báruseyri. For.: Ólafur Jónsson b. á Báruseyri og k.h. Vilborg Ásmundsdóttir. Guðrún giftist síðar Magnúsi Hjörtssyni b. á Báruseyri. Barn: Guðrún, f. 31. jan. 1830 á Báruseyri, d. 4. febr. 1830 á sama stað. Barnsmóðir: Ragnhildur Gunnarsdóttir, f. um 1801 á Vífilsstöðum við Vífilsstaðavatn, d. 23. maí 1874 í Melbæ í Leiru, vk. í Reykjavík. For.: Gunnar Alexíusson vm. í Sviðholti á Álftanesi 1801 og k.h. Guðrún Jónsdóttir. Ragnhildur giftist síðar Birni Björnssyni b. í Hrúðurnesi í Leiru. Barn: Guðrún, f. 6. jan. 1831 í Reykjavík, g. Ólafi Bjarnasyni húsmanni í Miðhúsum í Reykjavík. Barnsmóðir: Ingibjörg Bjarnadóttir, f. um 1802 á Neðri-Fitjum í Víðidal, d. 8. jan. 1859 á Vesturá, vk. á Vesturá. For.: Bjarni Bjarnason b. á Neðri-Fitjum og k.h. Ragnhildur Gunnarsdóttir. Ingibjörg giftist síðar Danival Guðmundssyni b. á Vesturá. Barn: Stefán, f. 18. nóv. 1833 á Vesturá, d. 22. apríl 1834 á Úlfagili á Laxárdal fremri.

(Íslenzkar æviskrár III, 191-192; Skagfirzkar æviskrár 1850-1890 V, 98-102; Húnvetningasaga III, 701-702, 728, 739-740, 841 og 887; Saga frá Skagfirðingum III, 66 og 171; Saga Skagstrendinga og Skagamanna, 144 og 152; Æfisaga Gísla Konráðssonar, 179-180; Húnavaka 1976, 91, 1979, 96-99, 1980, 123-124, 1988, 109 og 1994, 85-87; Skiptab. Hún. 22. okt. 1833 og 21. apríl 1845; Skiptab. S-Múl. 15. okt. og 22. nóv. 1842 og 7. júlí og 21. nóv. 1843; Æfir lærðra manna (þáttur Jóns Jónssonar á Auðkúlu); Prestaæfir Sighvats Grímssonar Borgfirðings (þáttur Jóns Jónssonar á Auðkúlu); Ættatölub. Jóns Espólíns, 427-428, 551, 3584, 3925 og 4770; Ættatölub. Ólafs Snóksdalíns, 125, 154, 312-313 (innskotsblöð), 337, 341, 342 og 347; Ættatölub. Steingríms Jónssonar, 250).

Benedikt Björnsson (1615-1674?) – Bóndi í Bólstaðarhlíð.

F. nál. 1615, á lífi 1674. For.: Björn Magnússon b. í Bólstaðarhlíð og k.h. Oddný Jónsdóttir. Bóndi í Bólstaðarhlíð nál. 1650 og á Reynistað í Staðarhreppi nál. 1670. Benedikt hyllti konung í Bólstaðarhlíð 24. maí 1649. Hann varð lögréttumaður úr Hegranesþingi 1666 og hélt Reynistaðarklaustur tvívegis. – Kona, ls. 1645 / g. 1645, Guðrún Þorsteinsdóttir, f. nál. 1625, d. 1698 í Bólstaðarhlíð. For.: Þorsteinn Tyrfingsson pr. í Hvammi í Norðurárdal og k.h. Jórunn Einarsdóttir. Hún var síðast í skjóli Halldóru tengdadóttur sinnar í Bólstaðarhlíð. Benedikt og Guðrún áttu saman barn í lausaleik í Mýrasýslu 1645, og var það fyrsta frillulífisbrot beggja. Börn: Halldóra, f. um 1650, g. Halldóri Jónssyni b. á Gunnsteinsstöðum, átti áður barn með Árna Geirssyni pr. á Reynistað. Oddný, f. um 1651, g. Páli Jónssyni pr. á Höskuldsstöðum á Skagaströnd. Gunnvör, f. um 1653, g. Birni Hrólfssyni b. og lögréttum. í Stóradal í Svínavatnshr. Björn, f. nál. 1650, stúdent í Kaupmannahöfn. Þorsteinn, f. nál. 1650, d. 1. júní 1697, sýslum. í Bólstaðarhlíð, kv. Halldóru Erlendsdóttur, átti áður tvö börn, annað með Guðrúnu Dagsdóttur húsm. á Ytri-Leifsstöðum.

(Íslenzkar æviskrár I, 42, 118-119 og 206, IV, 125 og V, 195; Borgfirzkar æviskrár XII, 407; Íslenzkir Hafnarstúdentar, 38; Lögréttumannatal, 39-40, 68-69 og 221; Sýslumannaæfir I, 587-590; Föðurtún, 112; Annálar 1400-1800 I, 585, II, 149 og III, 279; Hyllingarskjöl 1649, 48; Alþingisb. VII, 234; Dómab. Skag. 13. júní 1674; Ættatölub. Jóns Espólíns, 3391-3392 og 5771-5772; Ættatölub. Jóns Halldórssonar, 264-266; Ættatölub. Jóns Magnússonar, 158, 351 og 464-465; Ættatölub. Ólafs Snóksdalíns, 213 og 559; Ættatölub. Steingríms Jónssonar, 1656 og 2187; Ættatölub. Þórðar Jónssonar, 142, 456 og 477).

Benedikt Björnsson (1807-1847) – Bóndi á Stóru-Mörk.

F. 12. sept. 1807 á Flögu í Vatnsdal, d. 19. febr. 1847 á Stóru-Mörk. For.: Björn Björnsson b. á Breiðabólstað í Vatnsdal og k.h. Þuríður Halldórsdóttir. Var hjá foreldrum sínum á Breiðabólstað 1816 og fermdist í Þingeyrasókn 1821. Bóndi á Breiðabólstað 1832-1833. Vinnumaður á Haukagili í Vatnsdal 1833-1835. Bóndi í Miðhúsum í Vatnsdal 1835-1839. Vinnumaður hjá foreldrum sínum á Breiðabólstað 1839-1840. Bóndi í Hólkoti í Vatnsdal 1840-1841, á Álfgeirsvöllum á Efribyggð 1841-1844 og á Stóru-Mörk 1844 til æviloka. – Kona, g. 16. maí 1835, Björg Sigurðardóttir, f. 2. sept. 1810 á Geithömrum í Svínadal, d. 23. maí 1887 í Suðurholti í Reykjavík. For.: Sigurður Ólafsson b. á Stóru-Mörk og f.k.h. Hólmfríður Jónsdóttir. Björg var hjá foreldrum sínum á Geithömrum 1816 og fermdist í Þingeyrasókn 1825. Hún var vinnukona á Þingeyrum í Þingi 1829-1835. Eftir lát Benedikts giftist hún Jóni Jónssyni b. á Syðra-Hóli á Skagaströnd. Börn: Sigurbjörn, f. 23. mars 1843 á Álfgeirsvöllum, b. í Torfgarði á Langholti, kv. Ingibjörgu Jónsdóttur. Jóhannes, f. 26. júní 1844 á Stóru-Mörk, d. 11. okt. 1844 á sama stað. Kristján, f. 1845 í Bólstaðarhlíðarsókn, d. 27. júní 1846 á Stóru-Mörk. Anna Sigríður, f. 3. júní 1847 á Syðra-Hóli, g. Jóni Ólafssyni b. á Höskuldsstöðum á Skagaströnd.

Athugasemd: Björg er talin fædd 2. sept. 1810 í Prestsþjónustubók Auðkúluprestakalls við skírn, en sögð fædd 26. ágúst 1810 í Prestsþjónustubók Þingeyrasóknar við fermingu.

(Skagfirzkar æviskrár 1890-1910 II, 269-270; Frændgarður II – Ættmeiður, 183; Skiptab. Hún. 27. apríl og 22. maí 1844 og 10. des. 1847; Ættatölub. Jóns Espólíns, 1001, 2798 og 6719; Ættatölub. Ólafs Snóksdalíns, 69, 236 og 499; Ættatölub. Steingríms Jónssonar, 4692).

Benedikt Jónsson (1765-1843) – Bóndi á Gili.

F. um 1765, d. 15. júlí 1843 á Efra-Skúfi í Norðurárdal. For.: Jón Jónsson b. á Stóru-Mörk og k.h. Guðrún Jónsdóttir. Búlaus í Hvammi í Langadal 1791-1792-. Bóndi í Hvammi í Langadal -1793-1794, á Gili 1794-1795, á Ytri-Ey á Skagaströnd 1795-1831 og á Efra-Skúfi 1831 til æviloka og hafði jafnframt bú á Neðra-Skúfi í Norðurárdal 1831-1833. Benedikt var dugnaðarmaður, smiður og vefari, reyndur formaður og sjósóknari, en talinn nokkuð harðlyndur. Hann sigldi framhjá drukknandi mönnum á Húnaflóa árið 1814, án þess að freista þess að bjarga þeim, en vonskuveður var og hefði hann vafalaust lagt sig í lífsháska, hefði hann gert björgunartilraunir. Mennirnir fórust, en Benedikt hlaut ámæli fyrir vikið og var gert að leiggja eið út á það, að ófært hefði verið að koma þeim til hjálpar. Hvorki er borið lof á hann í Húnvetningasögu né í Sögu Skagstrendinga og Skagamanna. – Fyrri kona, g. 26. okt. 1791, Katrín Jónsdóttir, f. um 1765, d. 5. maí 1826 á Ytri-Ey. For.: Jón Halldórsson b. í Hvammi í Langadal og k.h. Guðrún Benediktsdóttir. Katrín var góð kona og gildleg, svo mælt var, að hún léti mjöltunnu til klakks. Börn: Sigurður, f. um 1793 í Holtastaðasókn, b. á Keldulandi á Skagaströnd, kv. fyrr Helgu Steinsdóttir, síðar Álfheiði Ólafsdóttur. Benedikt, f. um 1794, b. í Eiríksstaðakoti, kv. Ingibjörgu Guðmundsdóttur, átti einnig börn með ýmsum öðrum konum. Jón, f. um 1795 á Gili, b. á Neðra-Skúfi, kv. Guðrúnu Árnadóttur. Jón, f. 6. nóv. 1796 á Ytri-Ey, b. á Bergsstöðum á Vatnsnesi, kv. fyrr Solveigu Ólafsdóttur, síðar Sigríði Skúladóttur, átti einnig tvo syni með Helgu Skúladóttur. Þorsteinn, f. 15. nóv. 1797 á Ytri-Ey, d. 20. febr. 1798 á sama stað. Þorsteinn, f. 18. des. 1798 á Ytri-Ey, var hjá foreldrum sínum á Ytri-Ey 1801. Loftur, f. 11. mars 1800 á Ytri-Ey. Guðrún, f. um 1803, d. 17. mars 1845 á Þingeyrum í Þingi, vk. í Hvammi í Vatnsdal 1835, en síðast á Þingeyrum, óg. Seinni kona, g. 4. nóv. 1827, Sigríður Bjarnadóttir, f. um 1798 í Fagranessókn í Skagafjarðarsýslu, d. 2. des. 1857 í Kálfárdal í Gönguskörðum. For.: Bjarni Jónsson b. í Kálfárdal í Gönguskörðum og f.k.h. Guðrún Jónsdóttir. Sigríður bjó ekkja á Efra-Skúfi 1843-1845, en giftist þá Guðmundi Þórarinssyni b. á Efra-Skúfi. Börn: Bjarni, f. 25. nóv. 1827 á Ytri-Ey, d. 21. apríl 1829 á sama stað. Ísleifur, f. 16. jan. 1829 á Ytri-Ey, d. 30. jan. 1829 á sama stað. Katrín, f. 8. mars 1831 á Ytri-Ey, d. 20. mars 1831 á sama stað. Benedikt, f. 9. jan. 1833 á Efra-Skúfi, d. 17. jan. 1843 á sama stað. Bjarni, f. 31. des. 1835 á Efra-Skúfi, b. á Hofi á Skagaströnd, kv. fyrr Guðrúnu Hafliðadóttur, síðar Marínu Karólínu Gísladóttur, átti einnig tvær dætur með Sigurlaugu Jónsdóttur. Barnsmóðir: Þórunn Oddsdóttir, f. um 1787 í Hólabæ, d. 24. júlí 1843 á Húnsstöðum á Ásum, vk. á Ytri-Ey. For.: Oddur Guðbrandsson b. í Hólabæ og k.h. Snjólaug Jónsdóttir. Þórunn var hjá móður sinni á Njálsstöðum á Skagaströnd 1801 og fermdist í Höskuldsstaðasókn 1802. Hún var vinnukona á Hafursstöðum á Skagaströnd 1820-1821, á Kagaðarhóli á Ásum 1821-1825, á Eiðsstöðum í Blöndudal 1825-1828, á Balaskarði á Laxárdal fremri 1828-1829, í Mýrarkoti á Laxárdal fremri 1829-1831 og á Neðri-Mýrum í Refasveit 1831-1835. Barn: Katrín, f. 1813 á Ytri-Ey, g. Hjálmari Jónassyni b. á Vakursstöðum í Hallárdal, átti síðar tvö börn með Guðmundi Ingimundarsyni b. í Skálahnjúki í Gönguskörðum. Barnsmóðir: Sigríður Guðmundsdóttir, f. 23. jan. 1790 á Sölvabakka í Refasveit, d. 3. maí 1867 á Höskuldsstöðum á Skagaströnd, vk. á Ytri-Ey. For.: Guðmundur Gamalíelsson b. á Sölvabakka og k.h. Sigríður Magnúsdóttir. Sigríður giftist síðar Helga Björnssyni b. á Breiðavaði í Langadal og svo Guðmundi Oddssyni b. á Ósi í Nesjum. Barn: Sigurlaug, f. 19. febr. 1822 á Ytri-Ey, g. Pétri Oddssyni b. á Miðgili í Langadal.

(Dalamenn I, 252; Skagfirzkar æviskrár 1850-1890 V, 98-102, 323-325 og 331-335; Skagfirzkar æviskrár 1890-1910 II, 21-22; Húnvetningasaga II, 509-511; Saga frá Skagfirðingum III, 66 og 171; Saga Skagstrendinga og Skagamanna, 79-82; Hlynir og hreggviðir, 69; Hrakhólar og höfuðból, 118-130; Mannaferðir og fornar slóðir, 157; Sagnir um slysfarir í Skefilsstaðahreppi, 23-25; Húnavaka 1979, 98-99; Brandsstaðaannáll, 144; Sýsluskj. Hún. XV, 3, 3. nóv. 1790 og 27. júlí 1791 (dánarbú Guðrúnar Benediktsdóttur í Hvammi) og 22. júní og 23. sept. 1793 (dánarbú Jóns Halldórssonar í Hvammi) og XV, 4, 21. apríl og 7. og 8. júní 1797 og 16. febr. 1799 (dánarbú Þorsteins Benediktssonar á Stóru-Giljá); Dómab. Hún. 13. júní 1814; Skiptab. Hún. 30. sept. 1826, 14. des. 1843, 6. júní 1844 og 2. mars 1846; Ættatölub. Jóns Espólíns, 4770; Ættatölub. Ólafs Snóksdalíns, 312-313 (innskotsblöð) og 337; Ættatölub. Sighvats Grímssonar Borgfirðings, 2424).

Benedikt Steingrímsson (1715-1754) – Bóndi í Gautsdal.

F. nál. 1715, d. 1754. For.: Steingrímur Guðmundsson b. í Gautsdal og k.h. Ingibjörg Guðmundsdóttir. Bóndi á Sauðá í Borgarsveit -1738-1739-, á Kirkjubæ í Norðurárdal -1744-1750- og á Auðólfsstöðum -1751 til æviloka. – Kona: Guðrún Davíðsdóttir, f. um 1702, á lífi í Sólheimum í Svínavatnshreppi 1767. For.: Davíð Bjarnason b. og hreppstj. á Ingveldarstöðum á Reykjaströnd 1703, en síðar á Illugastöðum í Laxárdal ytri, og k.h. Ragnhildur Jónsdóttir. Guðrún var hjá foreldrum sínum á Ingveldarstöðum 1703. Hún bjó ekkja í Sólheimum 1754-1763, en var búlaus í Svínavatnshreppi 1763-1767, vafalítið í Sólheimum allt tímabilið. Guðrúnu var úthlutað gjafakorni 21. des. 1756. Börn: Guðrún, f. um 1737, bústýra í Stafni, óg. og bl. Jón, f. um 1741, b. og hreppstj. í Sólheimum, kv. fyrr Margréti Grímsdóttur, síðar Ingiríði Jónsdóttur. Ingibjörg, f. um 1742, g. Sæmundi Oddssyni pr. í Steinnesi í Þingi.

Athugasemd: Benedikt og Guðrún bjuggu í Sauðárhreppi í Skagafjarðarsýslu til 1741, en munu þá í fardögum hafa farið búferlum að Kirkjubæ, því þar er Jón sonur þeirra talinn fæddur í Manntali á Íslandi 1816.

(Saga Skagstrendinga og Skagamanna, 15-16 og 22-24; Fortíð og fyrirburðir, 36-43 og 46-50; Syrpa úr handritum Gísla Konráðssonar I, 257; Dómab. Hún. 5. maí 1750; Dómab. Skag. 28. júlí 1738, 21. apríl 1740 og 19. apríl 1741; Ættatölub. Jóns Espólíns, 1399 (innskotsblað), 2538, 5465-5466, 6134-6153 og 6539; Ættatölub. Ólafs Snóksdalíns, 537; Ættatölub. Steingríms Jónssonar, 75).

Benjamín Sveinsson (1808-1843) – Bóndi í Skyttudal.

F. um 1808, d. 25. júlí 1843 í Skyttudal. For.: Sveinn Sveinsson b. í Tungu í Gönguskörðum og k.h. Valgerður Árnadóttir. Vinnumaður á Heiði í Gönguskörðum -1828-1829. Bóndi í Hvammi á Laxárdal 1829-1839 og í Skyttudal 1839 til æviloka. – Kona, g. 14. okt. 1829, Guðríður Guðmundsdóttir, f. 1800 eða 1801 á Syðra-Hóli á Skagaströnd, d. 2. des. 1860 á Mælifellsá á Efribyggð. For.: Guðmundur Jónsson b. á Hafursvöllum á Skagaströnd og k.h. Guðrún Gunnarsdóttir. Guðríður var hjá foreldrum sínum á Syðra-Hóli 1801 og hjá móður sinni í Útgarði á Skagaströnd 1816. Hún var vinnukona á Heiði -1828-1829. Hún bjó ekkja í Skyttudal 1843-1844, var húskona á sama stað 1844-1849, vinnukona á Skeggsstöðum 1849-1851, barnfóstra á Víðimýri í Seyluhreppi 1851-1860, en síðast á Mælifellsá. Guðríður var greindarkona. Börn: Jakob, f. 4. júlí 1829 í Hvammi, b. í Syðra-Tungukoti, kv. fyrr Rannveigu Jónsdóttur, síðar (Önnu) Lilju Finnbogadóttur, átti einnig son með Rannveigu Magnúsdóttur. Árni, f. 18. júní 1830 í Hvammi, b. í Grundarkoti í Vatnsdal, kv. Lilju Björnsdóttur. Sigurður, f. 13. júlí 1831 í Hvammi, b. á Syðri-Ey á Skagaströnd, kv. Sigríði Björnsdóttur, átti einnig son með Lilju Kristjánsdóttur. Guðmundur, f. 7. ágúst 1832 í Hvammi, d. 14. jan. 1860 í Holtsmúla á Langholti, síðast húsmaður í Holtsmúla, kv. Helgu Jóhannesdóttur. Valgerður, f. 24. sept. 1833 í Hvammi, d. 3. júlí 1857 á Skanski á Álftanesi, síðast vk. á Skansi, óg. Ásgerður, f. 18. okt. 1834 í Hvammi, d. 3. apríl 1905 á Bræðraá í Sléttuhlíð, vk. á Kimbastöðum í Borgarsveit 1870, óg. Sveinbjörn, f. 1. okt. 1836 í Hvammi, b. í Ytra-Tungukoti, kv. Margréti Björnsdóttur, átti einnig syni með Björgu Björnsdóttur og Önnu Þorleifsdóttur, einn með hvorri. Lárus, f. 13. febr. 1838 í Hvammi, d. 28. júní 1865 í Finnstungu, vm. á Reynistað í Staðarhreppi 1860, ókv. Björg, f. 21. nóv. 1839 í Skyttudal, d. 23. mars 1909 í Hvammi í Svartárdal, vk. á Torfustöðum 1870, óg., en átti son með Bjarna Árnasyni b. á Bergsstöðum. Jónas, f. 29. jan. 1843 í Skyttudal, b. á Refsstöðum á Laxárdal fremri, kv. Sigríði Þorvarðsdóttur, átti einnig dætur með Sigurbjörgu Björnsdóttur og Önnu Guðbjörgu Guðmundsdóttur, eina með hvorri, og voru ennfremur kenndir tvíburadrengir af Steinunni Guðmundsdóttur.

(Skagfirzkar æviskrár 1850-1890 V, 209-212 og VI, 128-130; Saga Íslendinga í Norður-Dakota, 454; Feðraspor og fjörusprek, 139-143; Brandsstaðaannáll, 144; Skiptab. Hún. 5. des. 1845; Skiptab. Skag. 1. júlí 1794; Ættatölub. Jóns Espólíns, 1078 og 3795-3796).

Bergur Brandsson (1683-1747?) – Bóndi í Stafni.

F. um 1683, á lífi í Skagafjarðarsýslu 1747. For. ókunnir. Vinnupiltur á Syðri-Löngumýri í Blöndudal -1702-1703-. Bóndi í Stafni -1729-1730- og í Sölvanesi á Fremribyggð -1733-1735-. Bergur var manndómsmaður og gildur bóndi. Veturinn 1729-1730 var harður norðan lands og þraut þá jörð í Stafni. Þá rak Bergur fé sitt á haga að Héraðsdal í Tungusveit, þar sem því var beitt fram yfir páska. Hann ritaði undir kirkjuskjöl Goðdalakirkju 1742 og var skírnarvottur í Miklabæjarprestakalli í Skagafjarðarsýslu 3. des. 1747. – Kona, ls. 1712 eða 1713, Ólöf Sveinsdóttir, f. um 1683. Faðir: Sveinn Jónsson b. í Holti í Svínadal. Hún var hjá föður sínum í Holti 1703. Bergur og Ólöf áttu saman barn í lausaleik í Húnavatnssýslu 1712 eða 1713, trúlega í Auðkúluprestakalli, og var það annað frillulífisbrot hans, en hennar fyrsta. Börn: Þuríður, f. um 1714, g. fyrr Jóni b. í Lýtingsstaðahreppi, síðar Einari Jónssyni b. á Silfrastöðum í Blönduhlíð. Hún bjó ekkja í Ytri-Svartárdal í Svartárdal milli manna. Guðríður, f. um 1715, g. fyrr Jóni b. í Lýtingsstaðahreppi, síðar Gunnari Helgasyni b. á Ferjuhamri í Hegranesi. Hún bjó ekkja í Fremri-Svartárdal í Svartárdal milli manna. Sveinn, f. um 1715, b. og hreppstj. á Geitaskarði í Langadal, kv. fyrr Sigríði Stefánsdóttur, síðar Guðrúnu Bessadóttur. Brandur, f. um 1718, b. á Stekkjarflötum í Austurdal, kv. Guðrúnu Ásgrímsdóttur. Soffía, f. um 1723, g. Guðmundi Erlendssyni b. á Reykjarhóli hjá Víðimýri, átti áður son með Þorsteini b. í Skagafjarðarsýslu. Margrét, f. um 1725, g. Guðmundi Grettissyni b. á Selá á Skaga. Hún var húskona í Kolgröf á Efribyggð 1762, þá ógift. Sigþrúður, f. nál. 1715, g. Erlendi Jónssyni b. og hreppstj. í Sólheimum í Blönduhlíð. Sesselja, f. nál. 1715, vk. í Skagafjarðarsýslu, átti dóttur með Jóni Sæmundssyni b. á Reykjum á Reykjaströnd. Jón, f. nál. 1720, vm. í Skagafjarðarsýslu, ókv., en átti 1768 dóttur með Guðleifu Finnbogadóttur. Hann er sagður hafa skriðið hvert vatnsfall. Barnsmóðir: Ingveldur Brandsdóttir, f. um 1663, vk. í Svínavatnssókn. For. ókunnir. Ingveldur var vinnukona á Ytri-Löngumýri í Blöndudal -1702-1703-. Barn: Þórunn, f. 1708 eða 1709 í Svínavatnssókn, húsm. í Breiðargerði í Tungusveit 1762, átti dóttur með Magnúsi Magnússyni b. og hreppstj. í Sólheimum í Svínavatnshreppi.

Athugasemd: Sveinn Bergsson, sonur Bergs og Ólafar, gaf vitnisburð um Teigana í Svartárdal 1. okt. 1771. Í þeim vitnisburði sagðist hann hafa verið í Stafni, næsta bæ við Kúfustaði, frá því hann var 1 árs og til þess hann var 19 ára. Má því ætla, að Bergur og Ólöf hafi byrjað búskap í Stafni um 1716 og farið þaðan búferlum að Sölvanesi í fardögum 1733.

(Fortíð og fyrirburðir, 53-54; Annálar 1400-1800 I, 640-641; Skjalasafn prófasta; Dómab. Hún. 1. okt. 1771; Dómab. Skag. 17. maí 1734 og 10. maí 1768; Skiptab. Skag. 1. júlí 1794; HSk. 1289, 4to; Ættatölub. Jóns Espólíns, 1077-1078; Ættatölub. Ólafs Snóksdalíns, 499).

Bessi Einarsson (1545-?) – Bóndi á auðólfstöðum.

F. nál. 1545. Faðir: Einar Bessason b. á Auðólfsstöðum. Bóndi á Auðólfsstöðum nál. 1585. – Kona: Guðrún Magnúsdóttir, f. nál. 1550. For.: Magnús Gunnsteinsson b. á Strjúgsstöðum og k.h. Halldóra Þórðardóttir. Ókunnugt um börn.

(Lögréttumannatal, 269-270 og 369; Sýslumannaæfir I, 448; Menn og menntir IV, 578).

Bessi Jónsson (1637-1703?) – Bóndi í Nýlendu

F. um 1637, á lífi í Nýlendu 1703. For. ókunnir. Bóndi í Nýlendu -1701-1703-. – Ókunnugt um kvonfang, en dóttir hans var: Guðrún, f. um 1681, bústýra hjá föður sínum í Nýlendu 1703. Ennfremur kunna synir hans að hafa verið: Tómas Bessason, f. um 1664, vinnumaður á Gunnsteinsstöðum 1703. Erlendur Bessason, f. um 1674, vinnumaður á Gunnsteinsstöðum 1703.

Athugasemd: Bessi kynni að vera sami maður og bjó í Hvammi í Langadal -1699-1700-. Þá bjó þar maður með Bessanafni, en föðurnafn hans er ekki tilgreint.

Bessi Oddsson (1680-1735) – Bóndi á Gunnsteinsstöðum.

F. um 1680, á lífi á Gunnsteinsstöðum 1735. For.: Oddur b. í Húnavatnssýslu og k.h. Þóra Bessadóttir, síðar g. Einari Jónssyni b. í Kálfárdal. Vinnumaður í Þverárdal -1702-1703-. Bóndi á Mánaskál á Laxárdal fremri -1708-1709- og hafði jafnframt bú í Mýrarkoti á Laxárdal fremri 1708-1709-. Bóndi á Gunnsteinsstöðum -1734-1735-. Hann var kallaður Glímu-Bessi og Sterki-Bessi. – Kona: Gróa Árnadóttir, f. um 1668, á lífi í Þverárdal 1703. For. ókunnir. Gróa var vinnukona í Þverárdal -1702-1703-. Barn: Oddur, f. um 1702, b. á Úlfagili á Laxárdal fremri, kv. Guðríði Guðmundsdóttur.

Athugasemd: Bessi var bóndi í Vindhælishreppi -1719-1721-.

(Vorþeyr og vébönd, 213; Dómab. Hún. 29. maí 1720 og 16. apríl 1721; Ættatölub. Jóns Espólíns, 5167; Ættatölub. Ólafs Snóksdalíns, 651; Ættatölub. Steingríms Jónssonar, 3600).

Bessi Sveinsson (1650-1700) – Bóndi á Stóru- Mörk.

F. nál. 1650, á lífi á Stóru-Mörk 1700. For. ókunnir. Bóndi á Stóra-Mörk -1699-1700-. Kona: Sesselja Bessadóttir, f. nál. 1650. For.: Bessi Björnsson b. á Norðurlandi og k.h. Halldóra Rafnsdóttir. Börn: Guðrún. (Ættatölub. Jóns Espólíns, 5169). Jón. (Ættatölub. Jóns Espólíns, 5168). Jón. (Ættatölub. Jóns Espólíns, 5168). Þóra. (Ættatölub. Jóns Espólíns, 5169).

Athugasemd: Ekki hefur tekist að staðfæra syni Bessa og Sesselju í Manntali á Íslandi 1703. En dæturnar eru væntanlega Guðrún Bessadóttir, sem var í vinnumennsku á Auðólfsstöðum 1703, sögð 24 ára og Þórunn Bessadóttir, sem var í vinnumennsku í Þverárdal 1703, sögð 22 ára, og væri þá eiginnafn hennar misritað í ættatölum.

(Ættatölub. Jóns Espólíns, 5168-5169; Ættatölub. Ólafs Snóksdalíns, 651; Ættatölub. Steingríms Jónssonar, 3600).

Bessi Þorbergsson (1717-1780) – Bóndi á Gili.

F. um 1717, d. 1780 eða 1781. Bóndi í Villinganesi í Tungusveit -1752-1763- og á Gili -1771 til æviloka. – Fyrri kona: Guðrún Jónsdóttir, f. um 1703, á lífi í Villinganesi 1762. Óvíst er um foreldra hennar, en hún er sögð ættuð frá Hlíð. (Ættatölub. Jóns Espólíns, 3966; Ættatölub. Ólafs Snóksdalíns, 686; Ættatölub. Steingríms Jónssonar, 112). Mun þar vera átt við Bjarnastaðahlíð í Vesturdal. Árið 1762 voru hjá þeim þrír drengir 20, 17 og 13 ára og þrjár stúlkur 27, 19 og 16 ára. Ókunnugt um börn. Seinni kona: Guðrún Ólafsdóttir, f. um 1723, á lífi á Gili 1785, ekkja Jóns Jónssonar b. á Gili. For.: Ólafur Bjarnason b. á Steiná og f.k.h. Guðrún Björnsdóttir. Guðrún bjó ekkja á Gili 1780-1785. Hún er sögð hafa dáið af skaðlegu meini. Ókunnugt um börn.

(Vorþeyr og vébönd, 222; Syrpa úr handritum Gísla Konráðssonar I, 186; Huld I, 83; Húnavaka 1969, 58; Dómab. Hún. 6. maí 1772; Ættatölub. Jóns Espólíns, 2144 og 3966; Ættatölub. Ólafs Snóksdalíns, 213 og 686; Ættatölub. Steingríms Jónssonar, 112-113 og 764).

Bjarni (1699 – 1702) – Steiná

hét búandi á Steiná -1699-1702.

Bjarni Arngrímsson (1692-1750) – Bóndi í Fjósum.

F. um 1692, á lífi í Engihlíðarhreppi 1750. For.: Arngrímur Björnsson b. í Torfmýri í Blönduhlíð og k.h. Solveig Snorradóttir. Var hjá foreldrum sínum í Torfmýri 1703. Bóndi á Fjósum -1733-1746- og í Engihlíðarhreppi 1749-1750-. – Ókunnugt um kvonfang, en sonur hans mun hafa verið: Illugi Bjarnason, f. nál. 1720, b. í Hvammi á Laxárdal fremri, kv. Guðrúnu Þorláksdóttur. Ennfremur kann dóttir hans að hafa verið: Solveig Bjarnadóttir, f. um 1723, g. Einari Böðvarssyni b. á Fremstagili í Langadal.

Athugasemdir: Bjarni var orðinn bóndi í Bólstaðarhlíðarhreppi 1728. Hann fór búferlum úr Bólstaðarhlíðarhreppi í Engihlíðarhrepp í fardögum 1749.

(Dómab. Hún. 29. apríl 1749 og 6. maí 1750; Sýslumannaæfir I, 596; Ættatölub. Jóns Espólíns, 3346 og 5083; Ættatölub. Ólafs Snóksdalíns, 213; Ættatölub. Steingríms Jónssonar, 89).

Bjarni Einarsson (1752-1820) – Bóndi á Torfustöðum, Strjúgstöðum og Skeggstöðum .

F. um 1752 á Fremstagili í Langadal, d. 6. apríl 1820 á Skeggsstöðum. For.: Einar Böðvarsson b. á Fremstagili og k.h. Solveig Bjarnadóttir. Fermdur í Holtastaðasókn 1766, þá sagður 14 ára. Búlaus í Köldukinn á Ásum 1782-1783-. Bóndi í Engihlíð í Langadal -1784-1785, á Strjúgsstöðum 1785-1796, á Torfustöðum 1796-1805 og á Skeggsstöðum 1805-1818. Búlaus á Skeggsstöðum 1818 til æviloka. Bjarni keypti Torfustaði af Árna Sigurðssyni bónda á Brún fyrir 60 ríkisdali 16. júní 1794. Hann var stefnuvottur í Bólstaðarhlíðarhreppi. Hann skrifaði undir verslunarkærubréf í Bólstaðarhlíð 20. sept. 1797. – Kona: Guðrún Jónsdóttir, f. um 1750 í Grímstungukoti í Vatnsdal, d. 18. okt. 1825 á Skeggsstöðum. For.: Jón Þorvarðsson b. í Köldukinn og k.h. Guðrún Jannesdóttir. Guðrún bjó ekkja á Skeggsstöðum 1821 til æviloka og stóð bú hennar til fardaga 1826. Barn: Rósa, f. um 1783 í Köldukinn, g. Þorkeli Jónssyni b. á Skeggsstöðum, átti áður son með Jónasi Björnssyni b. á Botnastöðum.

(Húnvetningasaga II, 624 og 635; Feðraspor og fjörusprek, 125; Húnaþing I, 492-495; Biskupsskjalasafn B VII; Alþingisb. XVII, 242; Ættatölub. Jóns Espólíns, 3373; Ættatölub. Ólafs Snóksdalíns, 312-313 (innskotsblöð), 482 og 553; Ættatölub. Steingríms Jónssonar, 3680).

Bjarni Eiríksson (1683-1753) – Bóndi í Nýlendu.

F. um 1683, á lífi í Nýlendu 1753. For. ókunnir. Vinnupiltur á Miðgili í Langadal -1702-1703-. Bóndi í Nýlendu -1734-1753. – Ókunnugt um kvonfang og börn.

Athugasemd: Bjarni var orðinn bóndi í Bólstaðarhlíðarhreppi 1721.

(Dómab. Hún. 17. apríl 1722).

Bjarni Gíslason (1800-1863) – Bóndi í Stóru-Mörk.

F. 12. nóv. 1800 á Mosfelli í Svínadal, d. 30. jan. 1863 í Öxl í Þingi. For.: Gísli Halldórsson b. á Hofi í Vatnsdal og f.k.h. Þórunn Hallgrímsdóttir. Var hjá foreldrum sínum á Mosfelli 1801 og fermdist í Svínavatnssókn 1815. Léttapiltur í Stóradal í Svínavatnshreppi -1816-1817-. Vinnumaður á Stóra-Búrfelli í Svínavatnshreppi -1821-1822, á Geithömrum í Svínadal 1822-1827, á Stóru-Mörk 1827-1831, á Gili 1831-1832, á Hrafnabjörgum í Svínadal 1832-1833 og í Gafli í Svínadal 1833-1834. Bóndi á Stóru-Mörk 1834-1837. Ráðsmaður á Másstöðum í Vatnsdal 1837-1844 og í Öxl 1844-1846. Bóndi í Öxl 1846 til æviloka. – Kona, g. 18. nóv. 1851, Arndís Þorleifsdóttir, f. 25. apríl 1832 á Bakka í Vatnsdal, d. 19. júlí 1908 í Skyttudal. For.: Þorleifur Þorgrímsson b. á Bakka og s.k.h. Ingibjörg Pétursdóttir. Arndís var hjá móður sinni í Öxl 1845 og fermdist í Þingeyrasókn 1846. Hún bjó ekkja í Öxl 1863-1867, en giftist þá Jónasi Skúlasyni b. á Grund í Vesturhópi. Börn: Ingibjörg, f. 7. nóv. 1852 í Öxl, d. 6. okt. 1869 á Syðra-Hóli á Skagaströnd, var síðast hjá móður sinni á Syðra-Hóli. Pétur, f. 24. júlí 1854 í Öxl, verslunarþjónn í Höfðakaupstað 1880, ókv., en átti dóttur með Friðriku Önnu Hansen. Þorleifur Bjarni, f. 3. maí 1857 í Öxl, vm. á Tindum á Ásum 1880, ókv. Arndís Helga, f. 8. júní 1859 í Öxl, g. Jóni Birni Stefánssyni b. í Hvammi á Laxárdal. Sigurlaug Guðrún, f. 5. apríl 1861 í Öxl, bjó með Guðmundi Þórðarsyni b. í Skyttudal. Barnsmóðir: Hólmfríður Þórðardóttir, f. um 1797 í Eyvindarstaðagerði, d. 3. júní 1857 í Heiðarseli í Gönguskörðum, vk. á Geithömrum. For.: Þórður Jónsson b. á Kúfustöðum og k.h. Hólmfríður Bjarnadóttir. Hólmfríður giftist síðar Árna Guðmundssyni b. og smið á Finnsstöðum á Skagaströnd. Barn: Guðrún, f. 31. des. 1824 á Geithömrum, g. Jóhanni Pétri Þorleifssyni b. á Efri-Mýrum í Refasveit. Barnsmóðir: Anna Jónsdóttir, f. um 1809 í Reynistaðarsókn í Skagafjarðarsýslu, d. 31. ágúst 1855 í Kálfárdal, vk. á Eyvindarstöðum. For.: Jón Þorleifsson b. á Hjaltabakka á Ásum 1801, en síðar á Gvendarstöðum á Staðarfjöllum, og k.h. Sigríður Guðmundsdóttir. Barn: Guðrún, f. 22. okt. 1832 á Eyvindarstöðum, d. 27. okt. 1832 á Steiná.

(Skagfirzkar æviskrár 1850-1890 V, 5-6; Frændgarður I, 296-297; Saga frá Skagfirðingum III, 107; Feðraspor og fjörusprek, 53-54; Húnavaka 1969, 58-59 og 1970, 158; Skiptab. Hún. 29. okt. 1834, 22. okt. 1835, 18. nóv. 1843, 1. apríl 1844, 21. apríl 1845, 18. febr. 1856, 30. des. 1863 og 30. des. 1884; Skiptab. Skag. 27. maí 1841; Ábúendatal í Staðarhreppi – Handrit Jóns Sigurðssonar á Reynistað, 289; Eiðsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 3702, 3929, 4022, 5113 og 5991-5992; Ættatölub. Ólafs Snóksdalíns, 37, 342, 709, 710 og 721; Ættatölub. Sighvats Grímssonar Borgfirðings, 1363; Ættatölub. Steingríms Jónssonar, 5115).

Bjarni Guðmundsson (1681-1703) – Torfustöðum.

F. um 1681. For.: Guðmundur Árnason b. á Torfustöðum og k.h. Guðrún Þórðardóttir. Var hjá foreldrum sínum á Torfustöðum 1703. Mun hafa verið búandi í Bólstaðarhlíðarhreppi. – Kona hans virðist hafa verið: Agnes Bjarnadóttir, f. um 1684. For.: Bjarni Konráðsson b. á Steiná og k.h. Þórdís Jónsdóttir. Agnes var hjá foreldrum sínum á Hóli 1703. Sonur þeirra mun hafa verið: Guðmundur Bjarnason, f. um 1706, b. á Hóli, kv. Helgu Jónsdóttur.

Athugasemd: Hægt er að láta sér til hugar koma að Bjarni kunni að hafa verið ráðsmaður á búi föður síns á Torfustöðum 1708-1709-.

(Vorþeyr og vébönd, 219 og 221).

Bjarni Gunnsteinsson (1702-1759) – Bóndi í Bólstaðarhlíð og Torfustöðum.

F. um 1702, á lífi á Torfustöðum 1759. For.: Gunnsteinn Arnþórsson b. á Efri-Mýrum í Refasveit og k.h. Ólöf Bjarnadóttir. Var hjá foreldrum sínum á Efri-Mýrum 1703. Bóndi í Holtastaðakoti í Langadal -1733-1741- og í Glaumbæ í Langadal -1744-1746-. Búlaus í Bólstaðarhlíð -1751-1752. Bóndi í Bólstaðarhlíð 1752-1753 og á Torfustöðum 1753-1759-. Hann bjó á Torfustöðum til æviloka, en ekki er vitað hvenær hann dó. – Kona: Helga Jónsdóttir, f. um 1703, á lífi á Torfustöðum 1762. For.: Jón Jónsson b. á Æsustöðum og f.k.h. Sigríður Halldórsdóttir. Helga bjó ekkja á Torfustöðum -1762-. Börn: Gunnsteinn, f. um 1730, var hjá móður sinni á Torfustöðum 1762. Sigríður, f. um 1732, g. Einari Jónssyni b. á Torfustöðum.

(Dómab. Hún. 30. apríl 1767; Ættatölub. Jóns Espólíns, 2891 og 3322; Ættatölub. Jóns Magnússonar, 513; Ættatölubók Ólafs Snóksdalíns, 213; Ættatölub. Steingríms Jónssonar, 704).

Bjarni Ísaksson (1725-?) – Bóndi í Hvammi á Laxárdal fremri.

F. nál. 1725. Faðir: Ísak Bjarnason b. í Miðhópi í Víðidal. Bóndi í Hvammi á Laxárdal fremri 1756-1759-. Bjarna var úthlutað gjafakorni 28. des. 1756. – Kona: Solveig Einarsdóttir, f. um 1723, d. 20. nóv. 1772 í Blöndudalshólasókn. Faðir: Einar Árnason b. í Syðri-Mjóadal. Solveig var búlaus í Bólstaðarhlíðarhreppi 1755-1756, en vinnukona á Eiríksstöðum -1762-1763-, þá ekkja. Börn: Bjarni, f. um 1761, var hjá móður sinni á Eiríksstöðum 1762. Magnús, f. 1762, b. á Ánastöðum á Vatnsnesi, ókv. og bl.

(Sýsluskj. Hún. XV, 3, 10. nóv. 1791 (dánarbú Magnúsar Bjarnasonar á Ánastöðum).

Bjarni Jónsson (1630-1672) – Bóndi á Eyvindarstöðum.

F. nál. 1630, d. 1672 á Eyvindarstöðum. Faðir: Jón Egilsson b. á Eyvindarstöðum. Bóndi á Eyvindarstöðum -1662 til æviloka. Bjarni varð lögréttumaður úr Húnavatnsþingi 1669. – Kona: Guðrún Árnadóttir, f. nál. 1640. For.: Árni Daðason b. og lögréttum. á Stóru-Ásgeirsá í Víðidal og k.h. Elín Pétursdóttir. Guðrún bjó ekkja á Eyvindarstöðum 1672-1675-, en giftist svo Jóni Þorleifssyni b. á Eyvindarstöðum. Börn: Jón, f. um 1661, b. á Eiðsstöðum í Blöndudal, kv. Sesselju Sigurðardóttur. Davíð, f. um 1664, b. og hreppstj. á Ingveldarstöðum á Reykjaströnd, kv. Ragnhildi Jónsdóttur. Kristín, f. um 1667, g. Birni Snorrasyni b. á Skeggsstöðum. Þuríður, f. um 1668, g. Halldóri Jónssyni b. og bryta á Svaðastöðum í Hofstaðabyggð. Ólafur, f. nál. 1665, b. á Norðurlandi eða Suðurlandi, kv. Höllu Einarsdóttur. Hann sigldi á yngri árum. Bjarni. (Ættatölub. Jóns Magnússonar, 457).

Athugasemd: Í Ættatölubók Jóns Magnússonar greinir að móðir Bjarna hafi verið Guðríður Guðmundsdóttir, Indriðasonar. Það fær ekki staðist tímans vegna.

(Lögréttumannatal, 56-57; Sýslumannaæfir I, 531; Íslenzkir ættstuðlar II, 78; Saga Skagstrendinga og Skagamanna, 15-16, 22-24 og 28-29; Fortíð og fyrirburðir, 39-43; Föðurtún, 132; Annálar 1400-1800 I, 360 og III, 160; Ættatölub. Jóns Espólíns, 604-606 og 1399; Ættatölub. Jóns Magnússonar, 457-458 og 523; Ættatölub. Ólafs Snóksdalíns, 52, 479, 487 og 514; Ættatölub. Sighvats Grímssonar Borgfirðings, 594 og 1883-1884; Ættatölub. Steingríms Jónssonar, 10, 306 og 3584).

Bjarni Jónsson (1663-1708) – Bóndi í Stafni og Hvammi.

F. um 1663, á lífi í Hvammi í Svartárdal 1708. For.: Jón Bjarnason b. í Stafni og k.h. Geirlaug Þorbjörnsdóttir. Bóndi í Stafni nál. 1690 og í Hvammi -1699-1708-. Bjarni var hálfvisinn, giftist þó og átti börn. Hann átti hálfan Hvamm. – Kona: Kristín Eiríksdóttir, f. um 1656, á lífi í Hvammi 1703. Óvíst er um foreldra hennar, en hún var systir Guðnýjar Eiríksdóttur k. Þórðar Þórðarsonar b. á Botnastöðum. Þær gætu hafa verið dætur Eiríks Jónssonar b. í Bólstaðarhlíðarhreppi og k.h. Valgerðar Tómasdóttur. – Börn: Ingveldur, f. um 1682, var hjá foreldrum sínum í Hvammi 1703, átti 1706 eða 1707 barn með Guðmundi Jónssyni vm. á Kúfustöðum. Engilráð, f. um 1695, g. Agli Illugasyni b. í Hvammi. Guðríður, f. um 1698, húsm. í Hvammi, óg., en átti börn með Þorsteini Illugasyni b. í Syðri-Mjóadal og Eiríki Þórðarsyni b. í Litladalskoti á Sléttárdal, þau systrabörn, eitt með hvorum.

(Íslenzkir ættstuðlar II, 147; Vorþeyr og vébönd, 167 og 223; Dómab. Hún. 9. maí 1733; Lbs. 86, 4to, 30. mars 1731 (hjúskaparleyfi Eiríks Þórðarsonar og Guðríðar Bjarnadóttur); Ættatölub. Jóns Espólíns, 5564 og 5566; Ættatölub. Jóns Magnússonar, 16; Ættatölub. Ólafs Snóksdalíns, 637; Ættatölubók Steingríms Jónssonar, 3577).

Bjarni Jónsson (1720-1795) – Bóndi á Steiná.

F. um 1720, d. 1. jan. 1795 á Steiná. Óvíst er um foreldra hans, en hann var bróðir Ingibjargar Jónsdóttur k. Þorkels Þorsteinssonar b. í Meðalheimi á Ásum. Bóndi á Guðrúnarstöðum í Vatnsdal 1754-1759-, á Marðarnúpi í Vatnsdal -1762-1763- og á Steiná -1773 til æviloka. Bjarni keypti Steiná. – Kona, ls. 1752 eða 1753, Margrét Þórðardóttir, f. um 1723, d. 1785 á Steiná. Óvíst er um foreldra hennar, en hún var systir Látra-Þórðar heimilismanns á Steiná 1790. Bjarni og Margrét áttu saman barn í lausaleik í Áshreppi 1752 eða 1753, og var það fyrsta frillulífisbrot hans. Árið 1762 voru hjá þeim tveir drengir 2 og 3 ára og ein stúlka 8 ára. Börn: Guðrún, f. um 1754 á Marðarnúpi, g. Ólafi Jónssyni b. á Ytri-Leifsstöðum. Magnús, f. um 1758, b. á Steiná, ókv. Jón, f. um 1763 á Marðarnúpi, b. í Steinárgerði, kv. Guðbjörgu Þorsteinsdóttur. Margrét, f. um 1766, g. Jóni Jónssyni b. á Steiná. drengur, sem dó á unglingsaldri árið 1781 með þeim hætti að hann ,,tálgaði spýtu, skarst í lærið að innanverðu, deyði tveimur nóttum síðar af blóðrás.” (Annálar 1400-1800 IV, 579). – Barnsfaðir Margrétar: Magnús. Barn: Jón, f. um 1743, b. í Þúfum í Óslandshlíð, kv. Björgu Þorsteinsdóttur.

Athugasemd: Í Húnvetningasögu greinir að Bjarni hafi búið á Kötlustöðum í Vatnsdal 1766.

(Húnvetningasaga I, 301-302 og II, 673-674; Vorþeyr og vébönd, 222-223; Húnavaka 1978, 52; Annálar 1400-1800 IV, 579; Sýsluskj. Hún. XV, 4, 28. jan. 1795 (dánarbú Bjarna Jónssonar á Steiná); Dómab. Hún. 23. apríl 1754 og 10. sept. og 22. okt. 1757; Skiptab. Hún. 29. des. 1785, 10. júní 1795, 23. febr. 1819 og 3. júní 1830; Steinárætt – Handrit Péturs Sigurðssonar á Skeggsstöðum).

Bjarni Jónsson (1774-1830) – Bóndi í Finnstungu.

F. um 1774 í Vatnshlíð, d. 10. ágúst 1830 í Finnstungu. For.: Jón Bjarnason b. í Vatnshlíð og s.k.h. Sigríður Erlendsdóttir. Var á sveitarframfæri á Æsustöðum -1786-1787-. Fermdur í Bergsstaðaprestakalli 1790, þá sagður 16 ára. Vinnumaður á Æsustöðum -1799-1801-. Bóndi á Litla-Búrfelli í Svínavatnshreppi 1808-1812, á Stóra-Búrfelli í Svínavatnshreppi 1812-1816 og í Finnstungu 1816 til æviloka. – Kona, g. 12. nóv. 1807, Elín Helgadóttir, f. 4. sept. 1785 á Litla-Búrfelli, d. 24. apríl 1859 í Finnstungu. For.: Helgi Guðmundsson b. á Litla-Búrfelli og s.k.h. Guðrún Bjarnadóttir. Elín fermdist í Auðkúluprestakalli 1798. Hún bjó ekkja í Finnstungu 1830-1853, en var í skjóli Vilborgar dóttur sinnar á Smyrlabergi á Ásum 1853-1856 og í Finnstungu 1856 til æviloka. Börn: Guðrún, f. 12. ágúst 1808 á Litla-Búrfelli, d. 1813 á Stóra-Búrfelli. Vilborg, f. 30. nóv. 1809 á Litla-Búrfelli, g. Jakobi Jónssyni b. á Brandsstöðum. Helgi, f. 1815 á Stóra-Búrfelli, d. 12. apríl 1835 í Meðalheimi á Ásum, síðast vm. í Meðalheimi, ókv. Jón, f. 20. ágúst 1819 í Finnstungu, d. 31. ágúst 1819 á sama stað. Jón, f. 11. okt. 1823 í Finnstungu, pr. í Vogi á Fellsströnd, kv. Helgu Árnadóttur, átti einnig börn með Steinunni Jónsdóttur, Þuríði Guðbrandsdóttur og Ingibjörgu Rósinkarsdóttur, eitt með hverri.

Athugasemd: Helgi Bjarnason er sagður fæddur 17. nóv. 1816 við fermingu í Blöndudalshólasókn 1830. Ártalið er rangt, en dagsetningin kann að vera rétt.

(Íslenzkar æviskrár III, 70-71; Dalamenn II, 187; Strandamenn, 92; Vestur-Skaftfellingar II, 157 og 303 og IV, 67; Guðfræðingatal II, 527-528; Ormsætt II, 519; Föðurtún, 129; Biskupsskjalasafn B VII; Skiptab. Hún. 1. júní 1831 og 3. maí 1836; Ættatölub. Ólafs Snóksdalíns, 526).

Bjarni Jónsson (1795-1828) – Bóndi í Stafni.

F. um 1795 á Steiná, d. 2. jan. 1828 á sama stað. For.: Jón Jónsson b. á Steiná og 2.k.h. Margrét Bjarnadóttir. Var hjá foreldrum sínum á Steiná 1801 og hjá föður sínum á sama stað 1816. Bóndi í Stafni 1820-1827 og á Álfgeirsvöllum á Efribyggð 1827 til æviloka. Hann var jarðsettur á Bergsstöðum. – Fyrri kona, g. 9. okt. 1820, Helga Jónsdóttir, f. 1768 (sk. 20. febr. 1768) á Silfrastöðum í Blönduhlíð, d. 30. júní 1824 í Stafni, ekkja Sigurðar Jónssonar b. í Stafni. For.: Jón Gunnarsson b. í Stafni og s.k.h. Margrét Eggertsdóttir. Barnlaus. Seinni kona, g. 26. sept. 1826, Margrét Magnúsdóttir, f. 17. maí 1806 á Álfgeirsvöllum, d. 20. febr. 1866 á Skorrastað í Norðfirði. For.: Magnús Þorsteinsson b. á Álfgeirsvöllum og k.h. Rut Konráðsdóttir. Margrét var hjá móður sinni og stjúpa á Álfgeirsvöllum 1816 og fermdist í Reykjasókn í Skagafjarðarsýslu 1820. Hún bjó ekkja á Álfgeirsvöllum 1828-1830, en giftist þá Páli Halldórssyni b. á Álfgeirsvöllum. Margrét bjó með seinni manni sínum á Álfgeirsvöllum 1830-1832, í Kolgröf á Efribyggð 1832-1838 og á Álfgeirsvöllum aftur 1838-1845. Hún var vinnukona á Starrastöðum á Fremribyggð 1845-1846 og í húsmennsku með seinni manni sínum á Álfgeirsvöllum 1846-1847. Páll og Margrét skildu að borði og sæng 1847. Eftir skilnaðinn var Margrét vinnukona í Gilhaga á Fremribyggð 1847-1850 og á Bergsstöðum 1850-1853. Húskona á Barkarstöðum 1853-1854. Vinnukona í Hvammi í Svartárdal 1854-1856, á Syðri-Leifsstöðum 1856-1857, í Hvammi aftur 1857-1858, á Skorrastað 1858-1861, á Hólum í Norðfirði 1861-1862 og á Skorrastað aftur 1862 til æviloka. Barn: Jón, f. 19. mars 1827 í Stafni, d. 21. mars 1827 á sama stað. Barnsmóðir: Kristín Ólafsdóttir, f. 29. maí 1793 í Tröllakoti á Tjörnesi, d. 20. júlí 1843 á Fossi á Skaga, vk. á Steiná. For.: Ólafur Jónsson b. á Kaldbak á Tjörnesi og s.k.h. Guðrún Jónsdóttir. Kristín giftist síðar Jóni Guðmundsson vm. á Fossi 1840, en áður b. í Mánavík á Skaga. Hún var vinnukona í Þórðarseli í Gönguskörðum 1835. Bjarni og Kristín voru systkinabörn. Barn: Ólafur, f. 17. júlí 1818 á Steiná, d. 19. júlí 1818 á sama stað. – Seinni maður Margrétar, g. 23. júní 1830, Páll Halldórsson, f. 4. febr. 1801 í Miðhúsum í Vatnsdal, d. 22. sept. 1896 á Mælifelli á Fremribyggð, b. á Álfgeirsvöllum og í Kolgröf. For.: Halldór Halldórsson b. í Miðhúsum og k.h. Sigríður Magnúsdóttir. Páll var hjá foreldrum sínum í Miðhúsum 1816 og fermdist í Þingeyrasókn 1817. Hann var vinnupiltur á Þingeyrum í Þingi 1817-1819 og á Geithömrum í Svínadal 1819-1820-. Vinnumaður í Ljótshólum í Svínadal -1821-1822, á Másstöðum í Vatnsdal 1822-1823, á Eiðsstöðum í Blöndudal 1823-1826 og í Brekkukoti á Efribyggð 1826-1827-, en ráðsmaður hjá Margréti á Álfgeirsvöllum 1828-1830. Páll var vinnumaður á Álfgeirsvöllum 1845-1846. Húsmaður á sama stað 1846-1850. Bóndi á Álfgeirsvöllum enn 1850-1851. Húsmaður á Reykjavöllum á Neðribyggð 1851-1856 og hafði jafnframt bú á Álfgeirsvöllum 1851-1856. Húsmaður á Álfgeirsvöllum aftur 1856-1858. Bóndi á Álfgeirsvöllum enn 1858-1859. Húsmaður á Álfgeirsvöllum enn 1859-1860, á Mið-Vatni á Efribyggð 1860-1861 og á Álfgeirsvöllum enn 1861-1862. Bóndi á Álfgeirsvöllum enn 1862-1864. Húsmaður í Kolgröf 1864-1865 og hafði jafnframt bú á Álfgeirsvöllum 1864-1865. Bóndi á Álfgeirsvöllum enn 1865-1870. Húsmaður á Mið-Vatni aftur 1870-1871. Búsettur á Tunguhálsi í Tungusveit 1871-1872, á Álfgeirsvöllum 1872-1875 og á Syðsta-Vatni á Efribyggð 1875-1882-. Hann var í skjóli Bjarna sonar síns á Daufá á Neðribyggð 1883-1884 og í skjóli Elínborgar ekkju hans á sama stað 1884-1886, en á sveitarframfæri í Hamarsgerði á Fremribyggð 1886-1889 og á Mælifelli 1889 til æviloka. Páll var skýrleiksmaður og góðmenni. Börn: Margrét, f. 14. apríl 1829 á Álfgeirsvöllum, dr. 17. apríl 1866 í Húseyjarkvísl í Skagafjarðarsýslu, síðast vk. á Skúfsstöðum í Hjaltadal, óg. Guðbjörg, f. 11. des. 1830 á Álfgeirsvöllum, g. Guðmundi Sveinssyni vm. í Neðri-Skálateigi í Norðfirði 1870. Magnús, f. 12. jan. 1832 á Álfgeirsvöllum, b. í Teigakoti, kv. Kristínu Eiríksdóttur, bjó síðar með Margréti Sigfúsdóttur. Jón, f. 11. maí 1833 í Kolgröf, d. 14. júní 1848 á Mælifelli, síðast vp. á Mælifelli. Halldór, f. 18. júní 1834 í Kolgröf, d. 5. febr. 1835 á sama stað. Bjarni, f. 4. ágúst 1835 í Kolgröf, b. á Daufá, kv. Elínborgu Eggertsdóttur. Guðmundur, f. 16. febr. 1837 í Kolgröf. Guðlaug, f. 11. nóv. 1838 á Álfgeirsvöllum, g. Birni Kristjánssyni Skagfjörð b. á Kirkjuhóli hjá Víðimýri. Þorbjörg, f. 28. des. 1842 á Álfgeirsvöllum, g. Sveini Stefánssyni b. í Ormsstaðahjáleigu í Norðfirði 1870.

Athugasemd: Pétur Sigurðsson á Skeggsstöðum taldi barnsföður Kristínar Ólafsdóttur hafa verið yngri albróður og alnafna Bjarna. Það stangast á við upplýsingar í prestsþjónustubókum.

(Skagfirzkar æviskrár 1850-1890 III, 20-21, 28-31, 170-171 og 188-189; Saga Íslendinga í Norður-Dakota, 279-280; Ættir Austfirðinga, 279; Ættir Þingeyinga XII, 147; Saga frá Skagfirðingum II, 17, 64, 78 og 159 og III, 37-38, 66 og 167; Gríma hin nýja IV, 27; Föðurtún, 122-123; Skagfirzkur annáll 1847-1947 I, 83; Skiptab. Hún. 26. nóv. 1824; Skiptab. Skag. 6. júlí 1827 og 31. mars 1829; Steinárætt – Handrit Péturs Sigurðssonar á Skeggsstöðum; Lbs. 1122, 4to, 244; Ættatölub. Jóns Espólíns, 465-467, 469-470, 2798 og 6719; Ættatölub. Ólafs Snóksdalíns, 68-69, 234, 236, 412, 640 og 830; Ættatölub. Steingríms Jónssonar, 3988, 4692, 4782, 4942 og 5432-5433).

Bjarni Jónsson (1801-1868) – Bóndi á Kúfustöðum.

F. um 1801 í Bergsstaðasókn, d. 3. des. 1868 í Gafli í Svínadal. For.: Jón Jónsson b. á Steiná og 2.k.h. Margrét Bjarnadóttir. Var hjá foreldrum sínum á Steiná 1814. Vinnupiltur á Þröm í Blöndudal 1818-1819 og á Nautabúi á Neðribyggð 1819-1820. Vinnumaður á Bergsstöðum 1820-1821 og í Stafni 1821-1822, en á Bergsstöðum aftur 1830-1831. Bóndi á Kúfustöðum 1831-1850. Vinnumaður í Stóradal í Svínavatnshreppi 1852-1860 og á Mosfelli í Svínadal 1860-1862. Búsettur á Holtastöðum í Langadal 1862-1863, en var í skjóli bróðursonar síns Sigurðar Jónssonar á Eldjárnsstöðum í Blöndudal 1863-1864, í skjóli Jóns sonar síns í Auðkúluseli í Sléttárdal -1865-1866 og í Gafli 1866 til æviloka. Bjarni var með stærstu mönnum á vöxt, mikill hestamaður og átti ágæta hesta, sérstaklega einn, sem var annálaður fjörhestur, rauður að lit. Hann var drykkjumaður, hávaðasamur og orðljótur drukkinn, en góður drengur inn við beinið og gerði ekki flugu mein. Þegar Bjarni var ölvaður reið hann fram og aftur, kveðandi, hóandi og sigandi, og rak upp mikil org er hann reið heim að bæjum. Stundum hræddi hann fólk og gengur rómuð saga af viðskiptum hans við Arnór Árnason sýslumann á Ytri-Ey á Skagaströnd. Hann var kallaður Hái-Bjarni og Hljóða-Bjarni. – Kona, g. 30. nóv. 1830, Sigríður Styrsdóttir, f. um 1801 á Heggsstöðum í Andakíl, d. 17. mars 1872 í Gafli. For.: Styr Pétursson b. á Heggsstöðum 1801 og k.h. Þóra Þórðardóttir. Sigríður var vinnukona á Bergsstöðum 1826-1827, á Steiná 1827-1829, á Bergsstöðum aftur 1829-1830 og á Kúfustöðum 1830-1831. Hún var talin fyrir búi þeirra hjóna á Höll 1850-1852. Sigríður var húskona í Höfn í Melasveit 1852-1855, en vinnukona á Læk í Leirársveit 1855-1856 og í Stóradal 1856-1857. Húsmóðir í Stóradalsseli í Sléttárdal 1857-1860 og í Auðkúluseli 1860-1861, en var í skjóli Jóns sonar síns á sama stað -1865-1866. Húsmóðir í Stóradalsseli aftur 1866-1867. Húskona á Smyrlabergi á Ásum 1867-1868. Búsett á Ásum á Bakásum 1868-1869, en var í skjóli Jóns sonar síns í Gafli 1869 til æviloka. Börn: Margrét, f. 10. apríl 1832 á Kúfustöðum, d. 11. apríl 1832 á sama stað. Jón, f. 7. júní 1833 á Kúfustöðum, b. á Syðri-Leifsstöðum, kv. Hólmfríði Kristjánsdóttur. Ólafur, f. 3. jan. 1835 á Kúfustöðum, b. í Grundarkoti, bjó með Sigurbjörgu Einarsdóttur, en átti áður dóttur með Ingiríði Pétursdóttur. Margrét, f. 25. des. 1836 á Kúfustöðum, d. 13. maí 1838 á sama stað. Þóra, f. 18. febr. 1839 á Kúfustöðum, d. 22. febr. 1839 á sama stað. Jón, f. 16. okt. 1840 á Kúfustöðum, b. í Kárdalstungu í Vatnsdal, bjó með Ingibjörgu Jónsdóttur, átti áður börn með Sigríði Pálmadóttur, Guðrúnu Magnúsdóttur og Margréti Friðriksdóttur, eitt með hverri. Gísli, f. 4. ágúst 1842 á Kúfustöðum, d. 2. des. 1842 á sama stað. Guðmundur, f. 4. ágúst 1842 á Kúfustöðum, d. 29. nóv. 1842 á sama stað. Margrét, f. 3. sept. 1844 á Kúfustöðum, g. fyrr Jónasi Sigurðssyni b. í Marðarnúpsseli í Svínadal. síðar Benóný Guðmundssyni b. á Flögu í Vatnsdal. Þóra, f. 10. júní 1846 á Kúfustöðum, d. 16. júní 1846 á sama stað. Barnsmóðir: Halldóra Tómasdóttir, f. 13. nóv. 1791 á Kálfsá í Ólafsfirði, d. 23. okt. 1869 í Stóragerði í Óslandshlíð, vk. í Enni í Viðvíkursveit. For.: Tómas Jónsson b. á Brúnastöðum í Tungusveit og k.h. Vigdís Magnúsdóttir. Halldóra giftist síðar Jóni Vigfússyni b. í Þúfum í Óslandshlíð. Barn: Tómas, f. 12. okt. 1818 í Enni, b. á Nýlendi á Höfðaströnd, kv. Geirlaugu Eiríksdóttur. Barnsmóðir: Svanhildur Jónsdóttir, f. um 1793 í Reynistaðarsókn í Skagafjarðarsýslu, d. 1. nóv. 1858 í Stóru-Brekku á Höfðaströnd, vk. á Steiná. For.: Jón Þorsteinsson b. á Hryggjum á Staðarfjöllum og s.k.h. Guðbjörg Einarsdóttir. Svanhildur var bústýra á Steiná 1834-1836. Barn: Sigríður, f. 4. febr. 1822 á Steiná, g. Jónasi Sigurðssyni b. í Grafargerði á Höfðaströnd. Barnsmóðir: Ólöf Jónsdóttir, f. um 1788 í Mýrakoti á Höfðaströnd, d. 9. mars 1860 í Blöndudalshólum, vk. í Stafni. For.: Jón Guðmundsson b. á Hrauni í Sléttuhlíð og k.h. Ólöf Sveinsdóttir. Ólöf var gift Guðmundi Illugasyni vm. í Rugludal 1816. Hún var hjá foreldrum sínum í Mýrakoti 1801. Barn:

Sigurbjörg (1822-?) – Stafni.

, f. 15. júní 1822 í Stafni, g. Birni Björnssyni b. á Geithömrum í Svínadal. – Barnsfaðir Sigríðar: Gísli Brandsson, f. 28. mars 1800 á Ytra-Skörðugili á Langholti, d. 28. maí 1854 á Akri á Skaga, b. á Akri. For.: Brandur Brandsson b. á Ytra-Skörðugili og k.h. Bríet Jónsdóttir. Barn: Rósa, f. 2. sept. 1828 á Steiná, d. 6. sept. 1828 á sama stað.

(Borgfirzkar æviskrár I, 269, IX, 451-452 og XI, 121; Skagfirzkar æviskrár 1850-1890, I, 264, II, 48-50 og 191-193, III, 21-22 og V, 218-220; Húnvetningasaga III, 843; Saga frá Skagfirðingum I, 118 og 176 og II, 70 og 167; Fortíð og fyrirburðir, 21-22; Hlynir og hreggviðir, 113-114; Sagnaþættir Gísla Konráðssonar, 164-181; Söguþættir Gísla Konráðssonar, 12-13 og 15-16; Syrpa úr handritum Gísla Konráðssonar I, 274-280; Sagnaþættir Þjóðólfs, 277 og 281-283; Skagfirzk fræði VI, 63 og 67-69; Föðurtún, 122-123; Saga Íslendinga í Vesturheimi IV, 118-119; Húnvetningur – ársrit Húnvetningafélagsins á Akureyri 1960, 19-26; Skiptab. Hún. 1. maí 1860; Ábúendatal í Staðarhreppi – Handrit Jóns Sigurðssonar á Reynistað, 286; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 3523, 3962-3963 og 4604; Ættatölub. Ólafs Snóksdalíns, 357, 523 og 651; Ættatölub. Steingríms Jónssonar, 5332).

Bjarni Konráðsson (1654-1723) – Bóndi á Hóli.

F. um 1654, á lífi í Bólstaðarhlíðarhreppi 1723. Óvíst er um foreldra hans, en hann var bróðir Tómasar Konráðssonar b. á Reykjarhóli hjá Víðimýri 1703 og á Valabjörgum á Skörðum 1713. Bóndi á Hóli -1701-1709- og hafði jafnframt bú á Steiná -1708-1709- og á Torfustöðum 1708-1709-. Bóndi á Steiná nál. 1715. Bjarni var mikill búhöldur og efnaðist vel. Hann eignaðist Steiná eins og hún lagði sig, keypti 19 hundruð í jörðinni af Halldóru Erlendsdóttur húsfreyju í Bólstaðarhlíð fyrir 29 hundruð í lausafé 27. júlí 1711 og 21 hundrað í jörðinni af Sigurði Einarssyni bónda á Geitaskarði í Langadal fyrir 31 hundrað og 60 álnir í lausafé 27. júlí 1711. Þá keypti hann Þorsteinsstaði í Tungusveit af Eggert Jónssyni bónda á Stóru-Ökrum í Blönduhlíð fyrir lausafé 23. ágúst 1717. Bjarni undirritaði hluta jarðabókarskýrslu úr Bólstaðarhlíðarhreppi 8. nóv. 1708. – Kona: Þórdís Jónsdóttir, f. um 1655, á lífi á Hóli 1703. For. ókunnir. Börn: Agnes, f. um 1684, var hjá foreldrum sínum á Hóli 1703. Einar, f. um 1687, var hjá foreldrum sínum á Hóli 1703. Jón, f. um 1688, var hjá foreldrum sínum á Hóli 1703. Guðný, f. um 1693, var hjá foreldrum sínum á Hóli 1703. Ólafur, f. um 1695, b. á Steiná, kv. fyrr Guðrúnu Björnsdóttur, síðar Guðbjörgu Tómasdóttur, þau bræðrabörn, átti einnig tvo syni með Björgu Magnúsdóttur húsmóður á Bollastöðum.

Athugasemd: 1) Ólafur Bjarnason, sonur Bjarna og Þórdísar, gaf vitnisburð um Teigana í Svartárdal 21. júní 1771. Sagðist hann þá hafa komið 6 vetra gamall að Hóli og þá verið hjá föður sínum 9 ár, en svo farið að Steiná, næsta bæ. Má því ætla, að Bjarni og Þórdís hafi reist bú á Hóli annað hvort í fardögum 1700 eða í fardögum 1701 og farið þaðan búferlum að Steiná annað hvort í fardögum 1709 eða í fardögum 1710. Síðari tímamörkin virðast sennilegri. 2) Agnes Bjarnadóttir, dóttir Bjarna og Þórdísar, mun hafa verið kona Bjarna Guðmundssonar b. í Bólstaðarhlíðarhreppi.

(Vorþeyr og vébönd, 166-167 og 221-222; Söguþættir Gísla Konráðssonar, 126; Húnavaka 1969, 53-55 og 57-59; Magnús Ketilsson III, 497; Alþingisb. X, 95 og 396; Dómab. Hún. 27. maí 1720, 19. apríl 1721, 12. maí 1723 og 21. júní 1771; Ættatölub. Jóns Espólíns, 2144 og 5646; Ættatölub. Jóns Magnússonar, 269; Ættatölub. Ólafs Snóksdalíns, 213 og 679; Ættatölub. Steingríms Jónssonar, 764 og 4087).

Bjarni Oddsson (1818-1872) – Bóndi á Eiríkstöðum.

F. 1818 á Brún, d. 6. maí 1872 á Eiríksstöðum. For.: Oddur Ólafsson b. í Rugludal og k.h. Ingunn Jónsdóttir. Var hjá foreldrum sínum á Brún 1827 og fermdist í Bergsstaðaprestakalli 1832. Ráðsmaður hjá móður sinni í Steinárgerði 1837-1838, í Eyvindarstaðagerði 1838-1840, á Steiná 1840-1842 og á Brenniborg á Neðribyggð 1842-1844. Ráðsmaður á Eiríksstöðum 1844-1845. Bóndi á Eiríksstöðum 1845-1851 og í Eiríksstaðakoti 1851-1868 og hafði jafnframt bú á Eiríksstöðum 1865-1868. Bóndi á Eiríksstöðum 1868 til æviloka. – Kona, g. 9. maí 1845, Málfríður Jónatansdóttir, f. 9. febr. 1805 í Eyvindarstaðagerði, d. 2. okt. 1883 í Eiríksstaðakoti, ekkja Péturs Eyjólfssonar á Eiríksstöðum. For.: Jónatan Jónsson b. í Eyvindarstaðagerði og k.h. Margrét Þorkelsdóttir. Málfríður bjó ekkja á Eiríksstöðum 1872-1873, en var í skjóli Jóns sonar síns í Kolgröf á Efribyggð 1873-1876 og í skjóli Sigfúsar sonar síns á Eiríksstöðum 1876-1877. Hún var húskona á Eiríksstöðum 1877-1879 og í Eiríksstaðakoti 1879 til æviloka. Börn: Pétur, f. 18. júní 1845 á Eiríksstöðum, d. 28. júní 1845 á sama stað. Margrét Ingunn, f. 25. jan. 1847 á Eiríksstöðum, g. fyrr Finnboga Þorlákssyni b. á Þorsteinsstöðum í Tungusveit, síðar Einari Ólafssyni b. á Þorsteinsstöðum, átti áður tvær dætur með Hirti Hjálmarssyni b. og hreppstj. á Skíðastöðum í Laxárdal ytri.

(Skagfirzkar æviskrár 1890-1910, I, 58-59 og 126-128 og III, 58-60; Búsæld og barningur, 146; Hlynir og hreggviðir, 25-27; Ritsafn Stefáns Jónssonar á Höskuldsstöðum IV, 125-126; Skeggsstaðaætt – Handrit Björns Bjarnasonar á Brandsstöðum; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 1178, 3395 og 4775; Ættatölub. Ólafs Snóksdalíns, 312-313 (innskotsblöð), 335, 337 og 559; Ættatölub. Sighvats Grímssonar Borgfirðings, 636-637; Ættatölub. Steingríms Jónssonar, 5387).

Bjarni Ólafsson (1727-1802) – Bóndi á Skottastöðum, Steiná og Fossum.

F. um 1727, d. 1802 á Fossum. For.: Ólafur Bjarnason b. á Steiná og s.k.h. Guðbjörg Tómasdóttir. Húsmaður á Steiná -1762-1763-. Bóndi á Skottastöðum -1773-1777, á Fossum 1777-1785, á Skottastöðum aftur 1785-1790, á Steiná 1790-1791 og á Fossum aftur 1791 til æviloka. – Kona: Hólmfríður Jónsdóttir, f. um 1740, á lífi á Fossum 1804. For.: Jón Auðunsson pr. á Bergsstöðum og k.h. Helga Illugadóttir. Hólmfríður bjó ekkja á Fossum 1802-1805. Börn: Helga, f. um 1761, var hjá foreldrum sínum á Steiná 1762. Hólmfríður, f. um 1763 á Steiná, g. Þórði Jónssyni b. á Kúfustöðum. Sigurlaug, f. um 1770 á Steiná, g. Bjarna Sveinssyni b. í Eiríksstaðakoti. Hjálmar, f. um 1782, var hjá foreldrum sínum á Fossum 1801. Hann var vitskertur.

(Íslenzkar æviskrár III, 56; Vorþeyr og vébönd, 222; Húnavaka 1969, 58-59 og 1976, 90-91; Sýsluskj. Hún. XV, 4, 25. júní 1802 (dánarbú Bjarna Ólafssonar á Fossum); Skiptab. Hún. 24. nóv. 1802; Ættatölub. Jóns Espólíns, 3928-3929; Ættatölub. Ólafs Snóksdalíns, 342; Ættatölub. Sighvats Grímssonar Borgfirðings, 1363; Ættatölub. Steingríms Jónssonar, 3994).

Bjarni Pétursson (1682-1739) – Bóndi í Eiríkstaðakoti.

F. um 1682, d. 1738 eða 1739. For. ókunnir. Vinnumaður í Bólstaðarhlíð -1702-1703-. Bóndi í Eiríksstaðakoti -1733 til æviloka. – Kona, ls. 1713 eða 1714, Guðrún Grímsdóttir, f. um 1688, á lífi í Bólstaðarhlíð 1762. Óvíst er um foreldra hennar, en hún var í ætt við Guðmund Þorsteinsson b. í Þverárdal. Guðrún var heimilisstúlka á Sneis á Laxárdal fremri -1702-1703-. Hún bjó ekkja í Eiríksstaðakoti 1738-1740, en var í Bólstaðarhlíð -1762-. Bjarni og Guðrún áttu saman barn í lausaleik í Bólstaðarhlíðarsókn 1713 eða 1714, og var það fyrsta frillulífisbrot beggja. Barn: Pétur, f. um 1716, vm. í Bólstaðarhlíð 1762, kv. Steinunni Guðmundsdóttur, átti einnig börn með Hallberu Snjólfsdóttur, Guðbjörgu Hallgrímsdóttur og Guðrúnu Ásmundsdóttur, eitt með hverri.

(Fortíð og fyrirburðir, 36; Dómab. Skag. 1. apríl 1773; Ættatölub. Jóns Espólíns, 2129 og 4328; Ættatölub. Ólafs Snóksdalíns, 532).

Bjarni Sveinsson (1747-1811) – Bóndi í Skyttudal.

F. 1747 (sk. 20. mars 1747) á Lómatjörn í Höfðahverfi, á lífi á Blöndubakka í Refasveit 1811. For.: Sveinn Guðmundsson b. í Ystuvík í Grýtubakkahreppi og k.h. Guðlaug Jónsdóttir. Var hjá móður sinni í Ystuvík 1769. Bóndi á Nolli á Kjálka -1772-, á Tunguhálsi í Tungusveit -1781-1787, í Ytra-Vallholti í Vallhólmi 1787-1794, í Skyttudal 1794-1796, á Litla-Vatnsskarði á Laxárdal fremri -1797-1801- og á Eldjárnsstöðum í Blöndudal 1802-1805. Vinnumaður á Guðlaugsstöðum í Blöndudal 1806-1807. Húsmaður á Ásum á Bakásum 1807-1808. Bóndi á Blöndubakka -1810-1811. Við húsvitjun í Goðdalasókn 1786 er Bjarni sagður frómur og vel vinnandi. Sagnir herma að hann hafi þótt forn í skapi og margkunnugur. – Kona, g. 10. okt. 1769, Guðrún Gunnlaugsdóttir, f. um 1736 á Tunguhálsi, d. 21. okt. 1819 á sama stað. For.: Gunnlaugur Gunnarsson b. á Hóli í Tungusveit og k.h. Herdís Ingimundardóttir. Guðrún var hjá systur sinni Freygerði Gunnlaugsdóttur og manni hennar Steini Jónssyni á Þorsteinsstöðum á Kjálka 1769. Hún var ekki hjá bónda sínum við Manntal á Íslandi 1801 og er óljóst hvar hún hefur þá haldið sig. Hún var þurfakona í Gilhaga á Fremribyggð -1816-1817-, en síðast á Tunguhálsi. Við húsvitjun í Goðdalasókn 1786 er Guðrún sögð vinnusöm og góðvirk. Barn: Guðrún, f. 1772 (sk. 22. maí 1772) á Nolli, g. Birni Magnússyni b. á Löngumýri í Vallhólmi.

(Ættir Þingeyinga II, 71; Syrpa úr handritum Gísla Konráðssonar I, 32-33; Skiptab. Skag. 17. des. 1847; Ættatölub. Jóns Espólíns, 5463 og 5550).

Bjarni Sveinsson (1776-1855) – Bóndi á Fossum og Rugludal.

F. um 1776 í Vogum á Vatnsleysuströnd, d. 22. jan. 1855 á Steiná. Óvíst er um foreldra hans, en hann gæti hafa verið bróðir Magnúsar Sveinssonar húsmanns í Tumakoti í Vogum 1817. Fermdur í Kálfatjarnarsókn í Gullbringusýslu 1791. Vinnumaður á Húsatóftum á Skeiðum 1801-1804. Bóndi á Fossum 1805-1832, í Rugludal 1832-1836, í Syðra-Tungukoti 1836-1839 og í Eiríksstaðakoti 1839-1840, en var þurfamaður á Steiná 1840 til æviloka. – Kona: Sigurlaug Bjarnadóttir, f. um 1770 á Steiná, d. 1. júlí 1847 á Brandsstöðum. For.: Bjarni Ólafsson b. á Fossum og k.h. Hólmfríður Jónsdóttir. Sigurlaug var þurfakona á Brandsstöðum 1840 til æviloka. Barn: Sveinn, f. um 1806 á Fossum, b. á Syðri-Leifsstöðum, kv. Ólöfu Oddsdóttur.

(Skagfirzkar æviskrár 1850-1890 I, 251; Syrpa úr handritum Gísla Konráðssonar I, 76-77; Þjóðsögur Jóns Árnasonar II, 168-169; Ættatölub. Jóns Espólíns, 3928-3929; Ættatölub. Ólafs Snóksdalíns, 342; Ættatölub. Steingríms Jónssonar, 3994).

Bjarni Sveinsson (1801-1844) – Bóndi á Strjúgstöðum.

F. 2. mars 1801 á Hólabaki í Þingi, dr. 14. des. 1844 í Blöndu. For.: Sveinn Sveinsson b. á Hólabaki og k.h. Guðrún Þorsteinsdóttir, síðar húsm. í Hólabæ. Fermdur í Þingeyrasókn 1815. Var hjá móður sinni á Hólabaki 1816. Bóndi á Strjúgsstöðum 1824-1830. Lausamaður á Örlygsstöðum á Skagaströnd 1830-1831 og á Syðra-Hóli á Skagaströnd 1831-1832. Vinnumaður á Syðra-Hóli 1832-1834. Heimilisfastur á Gili 1834-1835-. Vinnumaður á Þorbrandsstöðum í Langadal -1839-1840, í Höfnum á Skaga 1840-1842- og á Vindhæli á Skagaströnd -1843-1844. Bóndi á Strjúgsstöðum aftur frá fardögum 1844 til æviloka. Bjarni var glæsilegur og gáfaður, framgjarn og slægvitur, áræðinn og úrræðagóður, drengskaparmaður í aðra röndina og fékk gott orð síðustu ár ævi sinnar. Hann var góður smiður og skartmaður í klæðaburði. Bjarni átti í ýmsum útistöðum og lá undir grun um margvíslegt misferli, en kunni alltaf að búa svo um hnútana, að hann hefði útgöngudyr og flestum var hann lægnari að flækja svo net réttvísinnar að þau héldu honum ekki. Þó hann sýndist oft fara á tæpasta vaði reyndist svo, að lítt var hægt að sanna á hann sakir. Bjarni fórst í vök á Blöndu suður og niður undan Holtastöðum ásamt bróður sínum Sveini Sveinssyni bónda í Hólabæ og sambýlismanni sínum Kristjáni Guðmundssyni bónda á Strjúgsstöðum. Voru þeir að flytja stóra og þunga eikarkistu á sleða frá Geitaskarði að Strjúgsstöðum. – Kona, g. 10. okt. 1823, Sigríður Jónsdóttir, f. 20. júní 1797 á Keldulandi á Skagaströnd, d. 19. nóv. 1826 á Strjúgsstöðum. For.: Jón Sveinsson b. á Strjúgsstöðum og k.h. Guðrún Guðmundsdóttir. Sigríður var hjá foreldrum sínum á Keldulandi 1801 og á Strjúgsstöðum 1816. Hún var bústýra á Strjúgsstöðum 1819-1820 og á Kirkjubæ í Norðurárdal 1820-1821, en með manni sínum á Hólabaki 1823-1824. Börn: Jón, f. 26. sept. 1824 á Strjúgsstöðum, b. á Strjúgsstöðum, bjó með Ólöfu Jónsdóttur, átti einnig son með Sigurlaugu Sæmundsdóttur húsm. á Stóru-Mörk og dóttur með Guðrúnu Magnúsdóttur húsm. á Stóru-Mörk. Ingibjörg, f. 30. okt. 1826 á Strjúgsstöðum, d. 13. nóv. 1826 á sama stað. Barnsmóðir: Þorbjörg Jónsdóttir, f. 12. okt. 1801 á Gunnfríðarstöðum á Bakásum, d. 8. júlí 1859 á Litla-Vatnsskarði á Laxárdal fremri, vk. á Strjúgsstöðum. For.: Jón Jónsson b. á Kárastöðum á Bakásum og f.k.h. Sigríður Hannesdóttir. Barn: Gísli, f. 17. jan. 1828 á Strjúgsstöðum, b. í Strjúgsstaðaseli, ókv. og bl. Barnsmóðir: Ingibjörg Jónsdóttir, f. 27. okt. 1801 í Stóradal í Svínavatnshreppi, d. 17. júní 1854 á Kirkjubæ í Norðurárdal, húsm. í Nýjabæ í Nesjum. For.: Jón Jónsson b. á Syðra-Hóli og k.h. Halldóra Ingjaldsdóttir. Barn: Ingibjörg, f. 27. nóv. 1833 á Syðra-Hóli, bjó með Hjálmari Jónassyni b. í Bakkagerði á Skagaströnd. – Barnsfaðir Sigríðar: Árni Jónsson, f. 20. ágúst 1790 á Syðra-Hóli á Skagaströnd, d. 2. febr. 1828 á Sneis á Laxárdal fremri, b. á Strjúgsstöðum. For.: Jón Árnason b. á Sneis og k.h. Helga Markúsdóttir. Barn: Jón, f. 10. júní 1820 á Strjúgsstöðum, d. 23. okt. 1820 á Kirkjubæ.

Athugasemdir: 1) Í Mannaferðum og fornum slóðum segir að Bjarni hafi fyrst verið í vist á Syðra-Hóli rúmlega tvítugur. Það á sér ekki stoð í skjallegum heimildum. 2) Í Manntali á Íslandi 1835 er Bjarni sagður vegna yfirvalda ráðstöfunar burttekinn úr vist á Njálsstöðum.

(Skagfirzkar æviskrár 1850-1890 V, 157-159; Ljósmæður á Íslandi I, 243-244; Húnvetningasaga II, 613-614, 619, 665 og 677-679 og III, 695, 703, 867-868, 883-885 og 888-889; Hrakhólar og höfuðból, 97-98 og 118-130; Mannaferðir og fornar slóðir, 200-211; Ævisaga Sigurðar Ingjaldssonar frá Balaskarði, 11; Föðurtún, 81, 84 og 495-496; Húnavaka 1976, 58-59 og 1989, 138, 141-143, 148-151 og 159-163; Brandsstaðaannáll, 150; Annáll nítjándu aldar II, 206-207 og 225-226; Landsyfirréttardómar IV, 35-47 og 439-440; Skiptab. Hún. 31. maí 1825, 13. des. 1827, 2. júní 1840, 27. apríl og 22. maí 1844 og 11. jan. 1860; Ættatölub. Jóns Espólíns, 3914; Ættatölub. Ólafs Snóksdalíns, 442 og 535; Ættatölub. Steingríms Jónssonar, 6123).

Bjarni Þorvarðsson (1692- 1771) – Bóndi í Stafni og Skottastöðum.

F. um 1692, á lífi 1771. For.: Þorvarður Björnsson b. í Bólstaðarhlíðarhreppi og k.h. Guðrún Snorradóttir. Var með móður sinni í Bólstaðarhlíðarhreppi 1703, en síðar um þrettán ára skeið hjá föðursystur sinni Þórunni Björnsdóttur og manni hennar Grími Jónssyni á Stóra-Vatnsskarði á Skörðum. Bóndi á Valabjörgum á Skörðum -1733-1734, í Stafni 1734-1738 og á Skottastöðum 1738-1757. Búsettur í Valadal á Skörðum -1765-1766-. Bjarni gaf vitnisburð um landamerki milli jarðanna Stóra-Vatnsskarðs á Skörðum og Fjalls í Sæmundarhlíð 24. ágúst 1765 og annan vitnisburð um Teigana í Svartárdal 6. apríl 1771. Honum var úthlutað gjafakorni 8. jan. 1757. – Kona: Helga Jónsdóttir, f. nál. 1705, á lífi á Skottastöðum 1755. For. ókunnir. Börn: Jón, var hjá foreldrum sínum í Bergsstaðaprestakalli 1755. Katrín, var hjá foreldrum sínum í Bergsstaðaprestakalli 1755.

(Vorþeyr og vébönd, 224; Alþingisb. XV, 298-299; Biskupsskjalasafn B VII; Skjalasafn prófasta; Dómab. Hún. 21. júní 1771; Dómab. Skag. 11. ágúst 1733).

Björn – Brandstöðum

hét búandi á Brandsstöðum -1699-1700-.

Björn – Syðra-Tungukoti

hét búandi í Syðra-Tungukoti -1699-1700-.

Hugsanlega:

Björn Erlendsson f. nál. 1630. For. ókunnir. Bóndi í Húnavatnssýslu. – Ókunnugt um kvonfang, en börn hans voru: Helga, f. um 1663, húsm. í Syðra-Tungukoti, óg., en átti son með Jóni Þorleifssyni b. á Eyvindarstöðum. Þórunn, f. um 1666, g. Grími Jónssyni b. á Syðri-Leifsstöðum. Þorvarður, f. nál. 1660, b. í Bólstaðarhlíðarhreppi, kv. Guðrúnu Snorradóttur.

Athugasemd: Ennfremur kann dóttir Björns að hafa verið Guðrún Jónsdóttir, sem bjó ekkja á Ytri-Löngumýri í Blöndudal 1703, sögð 51 árs, og væri þá föðurnafn hennar misritað í Manntali á Íslandi 1703, en rétt með farið í Ættatölub. Jóns Espólíns, 6842. Illugi Jónsson, sonur Guðrúnar á Ytri-Löngumýri, og Valgerður Þorvarðsdóttir, dóttir Þorvarðs í Bólstaðarhlíðarhreppi, áttu saman barn í lausaleik 1717 eða 1718 í Auðkúluprestakalli, og eru þá sögð systkinabörn í legorðsmálaskjölum.

(Skjalasafn prófasta; Ættatölub. Jóns Espólíns, 1173 og 6842; Ættatölub. Ólafs Snóksdalíns, 36).

Björn Arason (1735-1805) – Bóndi í Syðri Mjóadal.

F. um 1735, d. 22. sept. 1805 á Reykjum á Reykjabraut. For.: Ari Björnsson b. í Syðri-Mjóadal og k.h. Arndís Björnsdóttir. Bóndi í Syðri-Mjóadal 1757-1794, en var í skjóli Ólafs sonar síns á sama stað 1794-1798 og á Reykjum 1798 til æviloka. Björn var skáldmæltur, smiður og vefari, og mikill búhöldur. Hann fékk verðlaun frá Danakonungi fyrir mótekju 10. sept. 1790. – Kona: Ingibjörg Illugadóttir, f. um 1729, d. 14. júlí 1816 á Beinakeldu á Reykjabraut. For.: Illugi Jónsson b. á Reykjum og k.h. Margrét Sæmundsdóttir. Ingibjörg var í skjóli Ólafs sonar síns í Syðri-Mjóadal 1794-1798, á Reykjum 1798-1810, í Brekku í Þingi 1810-1813 og á Beinakeldu 1813 til æviloka. Börn: Ingibjörg, f. um 1762, var hjá foreldrum sínum í Syðri-Mjóadal 1762. Oddný, f. um 1762, g. Sigurði Gíslasyni b. í Hvammi á Laxárdal fremri 1801. Margrét, f. um 1767 í Mjóadal, g. Árna Helgasyni b. á Fjalli í Sæmundarhlíð. Ólafur, f. um 1769 í Mjóadal, b. í Syðri-Mjóadal, kv. Gróu Ólafsdóttur. Ari, dó rúmt tvítugur. (Ættatölub. Jóns Espólíns, 6843). Illugi, dó ungur. (Ættatölub. Jóns Espólíns, 6843). Ingibjörg, dó rúmt tvítug. (Ættatölub. Jóns Espólíns, 6843). Jón, dó ungur. (Ættatölub. Jóns Espólíns, 6843).

(Íslenzkar æviskrár V, 453; Húnvetningasaga II, 446; Troðningar og tóftarbrot, 101; Húnavaka 1976, 92-93; Norðri 1859 (nr. 11 og 12), 48; Alþingisb. XVII, 73; Ábúendatal í Staðarhreppi – Handrit Jóns Sigurðssonar á Reynistað, 34; Ættatölub. Jóns Espólíns, 6842-6844; Ættatölub. Ólafs Snóksdalíns, 125 og 496-497 (innskotsblöð); Ættatölub. Sighvats Grímssonar Borgfirðings, 2436-2437).

Björn Árnason (1790-1838) – Bóndi í Rugludal og Kálfárdal.

F. 14. des. 1790 á Fjalli í Sæmundarhlíð, d. 2. des. 1838 í Sólheimum í Sæmundarhlíð. For.: Árni Helgason b. á Fjalli og k.h. Margrét Björnsdóttir. Var hjá foreldrum sínum á Fjalli 1801 og fermdist í Glaumbæjarprestakalli í Skagafjarðarsýslu 1805. Vinnumaður í Brekku í Þingi 1812-1813, á Beinakeldu á Reykjabraut 1813-1814 og í Brekku aftur 1814-1815. Ráðsmaður á Hurðarbaki á Ásum 1815-1816. Bóndi á Auðnum í Sæmundarhlíð 1816-1817, í Rugludal 1817-1822, í Kálfárdal 1822-1832 og í Sólheimum 1832 til æviloka. Björn var lítill vexti og eigi sjálegur, kapplyndur og heldur þunglyndur en ærið góðgjörðasamur við snauða menn er ómegð áttu. Hann keypti Selhaga af Eyjólfi Jónassyni bónda í Selhaga. Fyrri kona, g. 7. okt. 1817, Björg Þorkelsdóttir, f. 1773 í Eiríksstaðakoti, d. 30. maí 1828 í Kálfárdal. For.: Þorkell Þorleifsson ráðsm. í Eiríksstaðakoti og k.h. Ingiríður Jónsdóttir. Björg var hjá móður sinni og stjúpa í Kálfárdal 1801. Hún var bústýra í Selhaga 1813-1814. Vinnukona í Selhaga 1814-1815, en bjó í Hvammi á Laxárdal 1815-1816 og í Hvammi í Langadal 1816-1817. Barnlaus. Seinni kona, g. 2. okt. 1828, Valgerður Klemensdóttir, f. 17. maí 1790 í Höfnum á Skaga, d. 20. jan. 1861 í Sólheimum, ekkja Björns Jónssonar pr. í Bólstaðarhlíð. For.: Klemens Jónsson b. á Auðólfsstöðum og k.h. Margrét Guðmundsdóttir. Valgerður bjó ekkja í Sólheimum 1838-1843, en giftist þá Jóni Árnasyni b. í Sólheimum. Eftir lát hans bjó hún ekkja í Sólheimum 1859 til æviloka. Hún var jarðsett í Bólstaðarhlíð. Valgerður var hin mætasta kona, alvörugefin, trygglynd og góðhjörtuð, og fékk almannalof fyrir mannkosti. Barnlaus. – Þriðji maður Valgerðar, g. 27. apríl 1843, Jón Árnason, f. 19. okt. 1815 á Fjalli, d. 14. okt. 1859 í Sólheimum, b. í Sólheimum 1843 til æviloka. For.: Árni Helgason b. á Fjalli og barnsm.h. Guðrún Þorvaldsdóttir vk. á Fjalli, síðar g. Birni Árnasyni b. á Auðnum. Jón ólst upp hjá föður sínum og stjúpu á Fjalli og fermdist í Víðimýrarsókn í Skagafjarðarsýslu 1829. Hann var vinnumaður hjá móður sinni og stjúpa á Auðnum 1832-1842-. Barnlaus. – Barnsmóðir Jóns: Sigríður Gísladóttir, f. 7. okt. 1795 á Rangárvöllum í Kræklingahlíð, d. 2. júní 1883 á Skeggjastöðum á Skagaströnd, vk. á Auðnum. For.: Gísli Jónsson b. á Rangárvöllum og k.h. Guðrún Sigfúsdóttir. Sigríður giftist síðar Þorsteini Tómassyni b. í Syðra-Vallholti í Vallhólmi. Barn: Sigríður, f. 11. jan. 1834 á Auðnum, húskona á Dúki í Sæmundarhlíð 1860, óg., en átti dóttur með Halldóri Sigurðssyni vm. í Stapakoti í Innri-Njarðvík 1860. Barnsmóðir Jóns: Guðbjörg Evertsdóttir, f. 19. maí 1830 á Gili, d. 16. mars 1921 í Markerville í Alberta, vk. í Hólkoti í Staðarhreppi og á Bessastöðum í Sæmundarhlíð. For.: Evert Jónsson b. í Mýrakoti á Höfðaströnd og barnsm.h. Sæunn Sigurðardóttir vk. á Gili. Guðbjörg giftist síðar Guðmundi Þorvaldssyni b. í Sólheimum. Börn: Valgerður, f. 25. des. 1853 í Hólkoti, g. Guðmundi Kjartanssyni ráðsm. í Ketu í Hegranesi. Bjarni, f. 12. okt. 1856 á Bessastöðum, b. á Auðnum, kv. Þorbjörgu Jóhannsdóttur.

(Íslenzkar æviskrár I, 227-228; Skagfirzkar æviskrár 1850-1890 I, 23-24, 28-29 og 82-83 og IV, 106-107, 172-177 og 347-349; Húnvetningasaga II, 664 og III, 690, 692-693, 716, 752 og 834; Saga frá Skagfirðingum II, 41 og 162, III, 124 og 151-152 og IV, 20 og 123; Búsæld og barningur, 133-135; Hlynir og Hreggviðir, 25-27; Æfisaga Gísla Konráðssonar, 146-147 og 168-170; Húnavaka 1988, 107-108 og 114; Brandsstaðaannáll, 130; Almanak Ólafs Thorgeirssonar 1922, 108; Lögberg 7. apríl 1921; Norðri 1861 (nr. 29 og 30), 120; Skiptab. Hún. 21. apríl 1845; Skiptab. Skag. 7. júní 1859 og 25. apríl 1860; Ábúendatal í Staðarhreppi – Handrit Jóns Sigurðssonar á Reynistað, 23, 24, 28, 34, 36 og 37; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 552-553, 575, 1178, 4762 og 5493-5495; Ættatölub. Ólafs Snóksdalíns, 126, 312-313 (innskotsblöð), 335 og 337; Ættatölub. Sighvats Grímssonar Borgfirðings, 559-560, 636-637 og 2424-2425; Ættatölub. Steingríms Jónssonar, 5483-5484).

Björn Bjarnason (1789-1859) – Bóndi á Brandsstöðum.

F. 31. okt. 1789 í Holti í Svínadal, d. 22. nóv. 1859 á Brandsstöðum. For.: Bjarni Bjarnason b. og hreppstj. í Holti og k.h. Hólmfríður Jónsdóttir. Var hjá foreldrum sínum í Holti 1801 og fermdist í Svínavatnssókn í Húnavatnssýslu 1803. Bóndi á Brandsstöðum 1816-1821 og hafði jafnframt bú á Guðrúnarstöðum í Vatnsdal -1820-1821. Bóndi á Guðrúnarstöðum 1821-1836 og hafði jafnframt bú á Brandsstöðum 1835-1836. Bóndi á Brandsstöðum aftur 1836 til æviloka. Björn er sagður hafa verið meðalmaður á vöxt, vel eygður og yfirbragðið greindarlegt, talinn góðgjarn, ráðhollur og hjálpsamur. Hann var greindur og athugull, stórfróður og stálminnugur, hægur í fasi og yfirlætislaus, alla jafna hlédrægur og óhlutdeilinn, ómannblendinn í hópi ókunnugra og hélt sig nær alfarið frá opinberum málum. Hann þótti sérlegur og undarlegur í sumum háttum, en traustur og áreiðanlegur í öllum skiptum. Á heimili var hann oftast fálátur og þurr á manninn, kaldrænn í tilsvörum, en hafði til að vera kíminn og segja gamanyrði. Björn var mikill búhöldur, hygginn og farsæll, bjó á allan hátt snorturlega og varð vel efnaður. Hann eignaðist Brandsstaði og byggði þar reisulegan og sterkviðaðan bæ í sama stíl og þá var títt. Björn var afkastamikill fræðimaður og sagnaritari. Hann ritaði Um árferði (Brandsstaðaannál) og Um Hlíðarhrepp (Yfirlit um Hlíðarhrepp 1852-1853), og tók saman tvö niðjatöl, Eiðsstaðaætt og Skeggsstaðaætt. Hann var einn af hvatamönnum að stofnun Lestrarfélags Blönddælinga. Björn hafði makaskipti á Saurbæ á Neðribyggð fyrir hálfan Hól við Ólaf Björnsson bónda á Hóli 15. mars 1838. – Kona: Hólmfríður Helgadóttir, f. um 1792 á Brandsstöðum, d. 30. nóv. 1851 á sama stað. For.: Helgi Þórðarson b. á Brandsstöðum og f.k.h. Ólöf Símonsdóttir. Hún var hjá foreldrum sínum á Brandsstöðum 1801. Hólmfríður var iðjusöm og vel verki farin, góðlynd og velviljuð en enginn skörungur. Hún var löngum heilsuveil er á ævina leið. Börn: Helgi, f. 17. nóv. 1816 á Brandsstöðum, b. á Brandsstöðum, kv. Ólöfu Guðmundsdóttur. Eggert, f. 3. jan. 1820 á Brandsstöðum, b. á Brandsstöðum, kv. Kristínu Ásmundsdóttur, átti áður dætur með Guðlaugu Steingrímsdóttur og Guðrúnu Oddsdóttur ráðsk. á Stóru-Mörk, tvær með þeirri fyrrnefndu og eina með þeirri síðarnefndu. Símon, f. 29. sept. 1826 á Guðrúnarstöðum, d. 3. sept. 1828 á sama stað.

(Íslenzkar æviskrár I, 207; Frændgarður II – Ættmeiður, 184; Feðraspor og fjörusprek, 11; Hrakhólar og höfuðból, 184-207; Vorþeyr og vébönd, 228-229; Úr fórum Jóns Árnasonar I, 86-87; Föðurtún, 131-132; Húnavaka 1978, 49; Norðri 1859 (nr. 29 og 30), 120; Brandsstaðaannáll, 5-12, 86 og 124; Annáll nítjándu aldar III, 68; Skiptab. Hún. 21. apríl 1845; Eiðsstaðaætt – Handrit Björns Bjarnasonar á Brandsstöðum; Ættatölub. Ólafs Snóksdalíns, 720).

Björn Björnsson (1821-1877) – Bóndi í Skyttudal.

f. 11. júní 1821 á Valabjörgum á Skörðum, d. 17. apríl 1877 á Syðsta-Vatni á Efribyggð. For.: Björn Ólafsson b. á Valabjörgum og k.h. Margrét Björnsdóttir. Var hjá foreldrum sínum á Valabjörgum 1835 og fermdist í Víðimýrarsókn í Skagafjarðarsýslu 1836. Bóndi í Valadal á Skörðum 1845-1849 og í Syðra-Vallholti í Vallhólmi 1849-1850. Húsmaður hjá Andrési bróður sínum í Stokkhólma í Vallhólmi 1850-1851. Bóndi á Valabjörgum 1851-1852, í Skyttudal 1852-1858 og á Valabjörgum aftur 1858-1865. Húsmaður á Valabjörgum 1865-1867. Bóndi á Starrastöðum á Fremribyggð 1867-1875. Húsmaður á Skíðastöðum á Neðribyggð 1875-1876 og á Syðsta-Vatni 1876 til æviloka. Björn var allgreindur, bóngóður og greiðvikinn. Hann var vefari. – Kona, g. 25. júní 1844, Halldóra Jónsdóttir, f. 8. sept. 1815 á Leifsstöðum, d. 17. ágúst 1887 á Reykjavöllum á Neðribyggð. For.: Jón Auðunsson b. á Syðri-Leifsstöðum og k.h. Helga Kráksdóttir. Halldóra var hjá foreldrum sínum á Syðri-Leifsstöðum 1816 og fermdist í Bergsstaðasókn 1830. Hún var vinnukona í Hvammi í Vatnsdal 1839-1842, í Holti í Svínadal 1842-1843 og á Valabjörgum 1843-1845, húskona á Skíðastöðum 1875-1876 og á Syðsta-Vatni 1876-1878, en bjó ekkja í Ölduhrygg í Svartárdal 1878-1879 og var Andrés sonur hennar ráðsmaður hjá henni það ár. Hún var í skjóli Andrésar sonar síns í Ölduhrygg 1879-1883, á Hafgrímsstöðum í Tungusveit 1883-1885 og á Reykjavöllum 1885 til æviloka. Halldóra var allgreind, gestrisin og greiðvikin. Börn: Lárus Þórarinn, f. 19. ágúst 1844 á Valabjörgum, b. á Skíðastöðum, kv. Guðrúnu Stefánsdóttur, þau systkinabörn. Björn Jón, f. 10. jan. 1847 í Valadal, b. á Hafgrímsstöðum, kv. (Þuríði) Ingibjörgu Brynjólfsdóttur. Björn, f. 12. júní 1851 á Valabjörgum, d. 30. jan. 1920 í Víðirnesbyggð í Nýja-Íslandi, vm. í Fremri-Svartárdal í Svartárdal 1880, ókv. Jón Andrés, f. 4. júlí 1857 í Skyttudal, b. á Reykjavöllum, kv. Guðrúnu Jóhannesdóttur.

Athugasemd: Í Skagfirzkum æviskrám 1850-1890 er sonur Björns og Halldóru ranglega talinn Magnús Björnsson sem dó 30. júlí 1846 á Valabjörgum. Hann var fæddur 4. júní 1846 á Álfgeirsvöllum á Efribyggð.

(Skagfirzkar æviskrár 1850-1890 III, 23-24, 25-26, 31-32 og 164-165; Skagfirzkar æviskrár 1890-1910 III, 4-5; Brot af landnámssögu Nýja-Íslands, 44; Frá austri til vesturs, 227; Icelandic River Saga, 214-216 og 660-661; Saga frá Skagfirðingum II, 114 og 175; Búsæld og barningur, 132; Bólu-Hjálmarssaga, 170; Húnavaka 1976, 92 og 96 og 1988, 109; Almanak Ólafs Thorgeirssonar 1921, 84, 1925, 94, 1931, 73-74 og 1932, 131; Lögberg 28. febr. og 27. mars 1924 og 17. mars 1932; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 477, 551, 577 og 3931; Ættatölub. Ólafs Snóksdalíns, 126, 341, 342 og 534).

Björn Gíslason (1774-1813) – Bóndi í Finnstungu og Rugludal.

F. um 1774, d. 25. nóv. 1813 í Rugludal. For.: Gísli Jónsson b. á Gili og k.h. Guðrún Símonsdóttir. Fermdur í Bergsstaðaprestakalli 1790, þá sagður 16 ára. Bóndi í Finnstungu 1799-1803 og í Rugludal 1803 til æviloka. Björn dó af slysförum. Er hann sagður hafa hrapað í Blöndugili á hjarnfönn eða orðið fyrir snjóflóði. – Kona, g. 20. júlí 1798, Þuríður Ingjaldsdóttir, f. um 1763 á Stóru-Seylu á Langholti, d. 26. maí 1841 á Völlum í Vallhólmi. For.: Ingjaldur Þorláksson b. og silfursmiður á Grófargili á Langholti og k.h. Elín Eggertsdóttir. Þuríður var vinnukona í Stóradal í Svínavatnshreppi 1786-1792- og í Blöndudalshólaprestakalli -1796-1797-. Hún bjó ekkja í Rugludal 1813-1817 og í Hvammi í Langadal 1817-1818, var bústýra á Löngumýri í Vallhólmi 1818-1823, en giftist þá Birni Magnússyni b. á Löngumýri. Þuríður bjó með seinni manni sínum á Löngumýri 1823-1827, var með honum í húsmennsku á Bakka í Vallhólmi 1827-1838-, en síðast í skjóli stjúpdóttur sinnar Guðlaugar Björnsdóttur á Völlum. Í legorðsskýrslu úr Húnavatnssýslu 1796 er Þuríður sögð ferðug og fjölhæf. Barn: Kristján, f. um 1799 í Hvammi í Langadal, b. í Mýrarkoti á Laxárdal fremri, kv. Sigríði Benediktsdóttur, átti einnig dóttur með Elínu Þorsteinsdóttur. – Seinni maður Þuríðar, g. 28. sept. 1823, Björn Magnússon, f. um 1766 á Brenniborg á Neðribyggð, d. 30. júlí 1846 á Völlum, b. á Löngumýri 1793-1827. For.: Magnús Sveinsson b. á Löngumýri og f.k.h. Þórunn Björnsdóttir. Hann var í skjóli Guðlaugar dóttur sinnar á Völlum -1840-1845, en vinnumaður á sama stað 1845 til æviloka. Björn var hraustmenni. Hann keypti Löngumýri á uppboði Hólastólsjarða árið 1802. Barnlaus. Barnsfaðir Þuríðar: Þorsteinn Jónsson, f. um 1729, vm. í Stóradal. For. ókunnir. Barn: Kristján, f. 19. júlí 1788 í Stóradal, d. 5. ágúst 1788 á sama stað. Barnsfaðir Þuríðar: Jón Bjarnason, f. um 1764, vm. í Blöndudalshólaprestakalli. For. ókunnir. Barn þeirra fæddist 1796 í Blöndudalshólaprestakalli. – Fyrri kona Björns Magnússonar, g. 24. okt. 1793, Guðrún Bjarnadóttir, f. 1772 (sk. 22. maí 1772) á Nolli á Kjálka, d. 1811 (gr. 9. ágúst 1811) á Löngumýri. For.: Bjarni Sveinsson b. í Skyttudal og k.h. Guðrún Gunnlaugsdóttir. Guðrún andaðist úr holdsveiki. Börn: Guðlaug, f. 3. mars 1794 á Löngumýri, g. Jóni Þorsteinssyni b. á Völlum. Ragnheiður, f. 28. maí 1795 á Löngumýri. Magnús, f. 1798, d. 10. maí 1798 á Löngumýri. Þórunn, f. um 1799 á Löngumýri, d. 2. mars 1827 á Hafgrímsstöðum í Tungusveit, vk. í Krossanesi í Vallhólmi 1817, en síðast á Hafgrímsstöðum, óg. Guðrún, f. 8. jan. 1801 á Löngumýri, g. Jens Jónssyni b. í Selhólum í Gönguskörðum. Barnsmóðir Björns Magnússonar: Arnþrúður Magnúsdóttir, f. um 1776 á Hóli í Tungusveit, d. 10. febr. 1861 á sama stað, vk. á Löngumýri. For.: Magnús Gunnlaugsson b. á Hóli og k.h. Solveig Brandsdóttir. Barn: Guðvarður, f. 1797 á Löngumýri, b. í Hléskógum í Höfðahverfi, kv. Björgu Hrólfsdóttur. Barnsmóðir Björns Magnússonar: Anna Böðvarsdóttir, f. 1788 á Djúpárbakka á Þelamörk, d. 16. mars 1839 á Veðramóti í Gönguskörðum, vk. á Löngumýri. For.: Böðvar Guðmundsson b. á Djúpárbakka og k.h. Þóranna Jónsdóttir. Barn: Anna, f. 1810 (sk. 6. sept. 1810) á Löngumýri, g. fyrr Guðmundi Jónssyni húsmanni á Hafsteinsstöðum í Staðarhreppi 1840, síðar Guðmundi Sigurðssyni b. á Ingveldarstöðum í Hjaltadal, átti einnig dóttur með Hannesi Einarssyni b. í Beingarði í Hegranesi.

(Skagfirzkar æviskrár 1850-1890 I, 78-80, 106-107 og 165 og VI, 73-75; Saga frá Skagfirðingum III, 149-150; Sagnaþættir Gísla Konráðssonar, 60; Syrpa úr handritum Gísla Konráðssonar II, 197-198; Æfisaga Gísla Konráðssonar, 30-31, 79, 105 og 124-125; Ævisaga Sigurðar Ingjaldssonar frá Balaskarði, 11; Skriðuföll og snjóflóð II, 238; Skagfirðingabók 1970, 116; Annáll nítjándu aldar I, 175; Biskupsskjalasafn B VII; Sýsluskj. Hún. XV, 7, 27. apríl og 23. maí 1814 (dánarbú Björns Gíslasonar í Rugludal); Skiptab. Hún. 29. okt. 1802, 21. júní 1803, 23. maí 1814 og 28. des. 1831; Skiptab. Skag. 3. apríl 1812, 18. okt. 1841, 5. júní og 17. des. 1847; Ábúendatal í Staðarhreppi – Handrit Jóns Sigurðssonar á Reynistað, 46; Ættatölub. Jóns Espólíns, 860, 3914, 5137 og 5463; Ættatölub. Ólafs Snóksdalíns, 502 og 535; Ættatölub. Steingríms Jónssonar, 349).

Björn Guðmundsson – Eyvindarstöðum

hét búandi á Eyvindarstöðum 1573-.

Athugasemd: Björn gæti vel verið samnefndur maður sem var nefndur í dóm við Vallnalaug í Vallhólmi 12. júlí 1592.

(Alþingisb. II, 290-293; Bréfab. Guðbrands byskups Þorlákssonar, 55-56).

Björn Guðmundsson (1749-1821) – Bóndi Auðólfsstöðum.

F. um 1749 á Þorkelshóli í Víðidal, d. 3. júní 1821 á Auðólfsstöðum. For.: Guðmundur Björnsson b. á Auðólfsstöðum og k.h. Margrét Björnsdóttir. Bóndi í Höfnum á Skaga 1775-1788 og á Auðólfsstöðum 1788-1816 og hafði jafnframt bú í Höfnum 1788-1790, en var í skjóli Ólafs sonar síns á Auðólfsstöðum 1816 til æviloka. Hann var hreppstjóri og sáttanefndarmaður í Bólstaðarhlíðarhreppi. Björn var hraustmenni, mikill verkmaður og ótrauður, bæði á sjó og landi, hagsýnn og hygginn og hafði hinar bestu forsagnir til hvers sem var. Hann var mikil aflakló og sótti fastar veiðiskap en landiðjuna meðan hann bjó í Höfnum. Hann varð vel efnaður. Björn keypti hálfan Hól af Sesselju Jónsdóttur húsfreyju í Þorgeirsstaðahlíð í Miðdölum fyrir 50 ríkisdali 30. júní 1788, og galt auk þess 6 ríkisdali fyrir þau kúgildi sem fylgdu jarðarhlutanum. Hann skrifaði undir verslunarkærubréf í Bólstaðarhlíð 20. sept. 1797. – Kona: Ingibjörg Steinsdóttir, f. um 1753 á Hrauni á Skaga, d. 16. júlí 1843 á Valabjörgum á Skörðum. For.: Steinn Steinsson b. á Hrauni og k.h. Guðrún Sveinsdóttir. Ingibjörg var hjá foreldrum sínum á Hrauni 1762. Hún var í skjóli Ólafs sonar síns á Auðólfsstöðum 1816-1836, í skjóli Margrétar tengdadóttur sinnar á sama stað 1836-1842 og í skjóli Margrétar dóttur sinnar á Valabjörgum 1842 til æviloka. Börn: Guðrún, f. um 1779 í Höfnum, g. Sigurði Gíslasyni b. í Skyttudal, átti áður son með Árna Guðmundssyni vm. á Guðlaugsstöðum í Blöndudal. Ingibjörg, f. um 1782 í Höfnum, g. Jónasi Gunnlaugssyni b. á Þverá í Núpsdal, átti áður dóttur og son með Sigfúsi Þorleifssyni b. á Efstalandi í Öxnadal. Hún var bústýra í Skyttudal 1829-1833. Ólafur, f. 1785 eða 1786 í Höfnum, b. á Auðólfsstöðum, kv. Margréti Snæbjörnsdóttur. Guðmundur, f. um 1788 á Auðólfsstöðum, b. í Syðri-Mjóadal, kv. Svanhildi Árnadóttur. Margrét, f. um 1789 á Auðólfsstöðum, g. Gísla Guðmundssyni b. á Bollastöðum. Margrét, f. um 1791 í Holtastaðasókn, g. Birni Ólafssyni b. á Valabjörgum. Ásta, f. um 1792 á Auðólfsstöðum, g. Jóni Helgasyni b. í Syðri-Mjóadal. Barnsmóðir: Valgerður Jónsdóttir, f. um 1763 í Saurbæ í Vatnsdal, d. 20. júlí 1834 í Þverárdal, vk. í Holtastaðasókn. For.: Jón Jónsson b. á Gilsstöðum í Vatnsdal og s.k.h. Valgerður Sigurðardóttir. Valgerður giftist síðar Einari Jónssyni b. í Þverárdal. Barn þeirra fæddist 1788 í Holtastaðasókn.

(Íslenzkar æviskrár V, 334; Dalamenn I, 77; Skagfirzkar æviskrár 1850-1890 III, 31-32; Saga frá Skagfirðingum II, 44; Saga Skagstrendinga og Skagamanna, 43-44, 46, 54 og 59; Búsæld og barningur, 129-133; Feðraspor og fjörusprek, 125-126; Svipir og sagnir, 117 og 208; Ritsafn Eiðs Guðmundssonar á Þúfnavöllum I, 136 og III, 100; Merkir Íslendingar III, 165; Blanda I, 203-204 og 286; Húnaþing I, 492-495; Húnavaka 1976, 91-92 og 1988, 109-114; Brandsstaðaannáll, 45-46; Alþingisb. XVII, 506; Ættatölub. Jóns Espólíns, 550-551; Ættatölub. Ólafs Snóksdalíns, 125-126 og 829; Ættatölub. Sighvats Grímssonar Borgfirðings, 559-560).

Björn Guðmundsson (1825-1886) – Bóndi í Steinárgerði.

F. 22. apríl 1825 í Rugludal, d. 14. sept. 1886 í Steinárgerði. For.: Guðmundur Magnússon b. í Bólstaðarhlíð og k.h. Ingibjörg Jóhannesdóttir. Var í fóstri í Bakkakoti í Refasveit 1835, en léttapiltur á Hafsteinsstöðum í Staðarhreppi 1839-1840, hjá föðurafa sínum í Hvammi í Svartárdal 1840-1841 og á Álfgeirsvöllum á Efribyggð 1841-1842. Smali á Eiríksstöðum 1842-1843. Vinnumaður í Syðra-Tungukoti 1843-1845, á Syðri-Löngumýri í Blöndudal 1845-1846, á Kárastöðum í Hegranesi 1846-1848, í Vík í Staðarhreppi 1848-1850 og á Ríp í Hegranesi 1850-1851. Bóndi á Bessastöðum í Sæmundarhlíð 1851-1853, í Holtsmúla á Langholti 1853-1854 og á Kjartansstöðum á Langholti 1854-1862. Húsmaður á Kjartansstöðum 1862-1863. Vinnumaður á Bollastöðum 1863-1867. Ráðsmaður í Steinárgerði 1867-1869. Bóndi í Steinárgerði 1869-1877. Húsmaður á sama stað 1877-1879. Bóndi í Steinárgerði aftur 1879-1886. Síðast húsmaður á sama stað. Björn var talinn laus í ráði, lítill búmaður og var jafnan fátækur. – Fyrri kona, g. 1848 eða 1849, Sigríður Bjarnadóttir, f. 23. maí 1818 á Reykjavöllum á Neðribyggð, d. 7. júní 1862 á Kjartansstöðum. For.: Bjarni Jónsson b. og skytta á Sjávarborg í Borgarsveit og k.h. Guðrún Þorsteinsdóttir. Sigríður var hjá foreldrum sínum á Sjávarborg 1835 og hjá móður sinni á sama stað 1840. Hún var vinnukona í Borgargerði í Borgarsveit -1845-1846-, í Vík 1849-1850 og á Ríp 1850-1851. Sigríður var talin dugnaðarkona, þrekmikil og vel greind. Börn: Guðrún, f. 17. júlí 1849 í Vík, g. Þorsteini Þorkelssyni b. á Syðri-Leifsstöðum. Bjarni, f. 7. apríl 1851 á Ríp, d. 10. okt. 1852 á Bessastöðum. Bjarni, f. 10. okt. 1853 í Holtsmúla, b. á Eyvindarstöðum, kv. Guðrúnu Illugadóttur. Stefán, f. 19. sept. 1855 á Kjartansstöðum, d. 20. maí 1859 á sama stað. Sigurður, f. 20. ágúst 1857 á Kjartansstöðum, d. 5. júlí 1883 í Landakoti á Álftanesi, vm. í Steinárgerði, ókv. Stefán, f. 24. sept. 1860 á Kjartansstöðum, d. 14. febr. 1947 í Selkirk í Manitoba, trésmiður í Selkirk, kv. Kristínu Árnadóttur. Ennfremur kunna börn þeirra að hafa verið: drengur, f. 1852, d. 1852 (gr. 5. sept. 1852) á Bessastöðum. stúlka, f. 1852, d. 1852 (gr. 5. sept. 1852) á Bessastöðum. Þessir tvíburar fæddust andvana. Seinni kona, g. 25. nóv. 1870, Ingigerður Kráksdóttir, f. 5. júní 1836 á Steiná, d. 3. júní 1873 í Steinárgerði. For.: Krákur Jónsson b. í Steinárgerði og k.h. Helga Þórðardóttir. Ingigerður var hjá foreldrum sínum í Steinárgerði 1850 og fermdist í Bergsstaðasókn 1851. Hún var vinnukona í Þverárdal 1856-1857, á Eiríksstöðum 1857-1858, á Eyvindarstöðum 1858-1860, á Bergsstöðum 1860-1862, á Eyvindarstöðum aftur 1862-1864 og í Vatnshlíð 1864-1865. Bústýra hjá föður sínum í Steinárgerði 1865-1867, en var talin fyrir búi á sama stað 1867-1869 og var Björn ráðsmaður hjá henni þau ár. Börn: Magnús, f. 5. júlí 1867 í Steinárgerði, b. á Syðri-Löngumýri í Blöndudal, kv. Guðrúnu Arnljótsdóttur. Sigríður María, f. 24. maí 1869 í Steinárgerði, d. 23. júní 1869 á sama stað. Guðmundur Pétur, f. 18. júní 1870 í Steinárgerði, d. 9. júní 1938 í Selkirk, trésmiður á Sauðárkróki og í Selkirk, kv. (Ragnheiði) Birgittu Sigfríði Árnadóttur. Sigríður María, f. 5. júní 1871 í Steinárgerði, d. 26. júní 1901 á Akureyrarspítala, vk. á Brandsstöðum 1890, en síðast á Bollastöðum, óg. Björn, f. 30. maí 1873 í Steinárgerði, d. 8. júlí 1873 á sama stað. Sambýliskona: Dagbjört Kráksdóttir, f. 28. ágúst 1838 á Steiná, d. 31. maí 1895 á Brandsstöðum. For.: Krákur Jónsson b. í Steinárgerði og k.h. Helga Þórðardóttir. Hún var bústýra hjá Birni í Steinárgerði 1873-1886, en síðan í skjóli Guðrúnar dóttur sinnar á Brandsstöðum til æviloka. Börn: Þorlákur, f. 21. júlí 1872 í Steinárgerði, d. 7. ágúst 1872 á sama stað. Björn, f. 3. júlí 1874 í Steinárgerði, d. 11. febr. 1875 á sama stað. Sveinbjörg Ingigerður, f. 9. ágúst 1875 í Steinárgerði, d. 1. júní 1914 í Reykjavík, g. Eggert Leví Snæbjörnssyni verslunarm. í Reykjavík. Barnsmóðir: Kristín Guðmundsdóttir, f. 22. mars 1800 á Nýlendi á Höfðaströnd, d. 8. jan. 1884 í Mjóadal, húsm. á Kristínarhóli. For.: Guðmundur Þorsteinsson vm. í Skagafjarðarsýslu og barnsm.h. Þorgerður Jónsdóttir vk. á Nýlendi, áður g. Skúla Sigurðssyni b. á Fyrirbarði í Fljótum, síðar g. Jóni Skúlasyni b. á Naustum á Höfðaströnd. Barn: Solveig Guðbjörg, f. 7. nóv. 1845 í Gautsdal, g. Ragúel Jóhannssyni b. í Mjóadal. – Barnsfaðir Sigríðar ókunnur. Barn: Rannveig Jónsdóttir, f. 1845 í Sjávarborgarsókn, d. 3. nóv. 1845 í Borgargerði. – Barnsfaðir Ingigerðar: Eyjólfur Guðmundsson, f. 1. nóv. 1819 á Barkarstöðum, d. 10. okt. 1878 á Hvalsnesi á Rosmhvalanesi, b. á Barkarstöðum. For.: Guðmundur Eyjólfsson ráðsm. á Barkarstöðum og k.h. Ingibjörg Ólafsdóttir. Barn: Björg, f. 23. sept. 1856 í Þverárdal, d. 9. ágúst 1858 á Eyvindarstöðum.

(Íslenzkar æviskrár IV, 281; Skagfirzkar æviskrár 1850-1890 I, 30 og 235-237 og II, 41-42, 82-84 og 124-126; Kennaratal á Íslandi II, 160-161; Meiðastaðaætt, 55-56 og 76-78; Saga frá Skagfirðingum III, 91; Feðraspor og fjörusprek, 53; Svipir og sagnir, 159-169; Sagnablöð hin nýju, 148-164; Skagfirðingabók 1966, 164-184; Almanak Ólafs Thorgeirssonar 1939, 107 og 1948, 85; Heimskringla 5. mars 1947; Lögberg 2. júní 1932, 16. júní 1938 og 6. mars 1947; Skiptab. Hún. 29. apríl 1858, 30. des. 1884 og 17. des. 1887; Skiptab. Skag. 27. maí 1841; Ábúendatal í Staðarhreppi – Handrit Jóns Sigurðssonar á Reynistað, 258; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 3929, 4605, 4772 og 4775; Ættatölub. Ólafs Snóksdalíns, 37, 312-313 (innskotsblöð), 337 og 499; Ættatölub. Steingríms Jónssonar, 5433).

Björn Guðmundsson (1830-1900) – Bóndi á Fjósum og Gili.

F. 10. maí 1830 á Barkarstöðum, d. 30. júní 1900 á Skefilsstöðum á Skaga. For.: Guðmundur Eyjólfsson ráðsm. á Barkarstöðum og k.h. Ingibjörg Ólafsdóttir. Var hjá foreldrum sínum í Valadal á Skörðum 1840 og fermdist í Víðimýrarsókn í Skagafjarðarsýslu 1844. Vinnumaður á Valabjörgum á Skörðum 1851-1852, í Skyttudal 1852-1854, í Stafni 1854-1857 og á Kúfustöðum 1857-1859. Húsmaður í Steinárgerði 1859-1861. Bóndi í Kolgröf á Efribyggð 1861-1862, á Fjósum 1862-1864, á Gili 1864-1868, á Reykjum í Tungusveit 1868-1869, á Ytra-Mallandi á Skaga 1869-1884 og á Gauksstöðum á Skaga 1884-1893. Hann var í skjóli Péturs sonar síns á Gauksstöðum 1893-1899, en síðast í skjóli Guðrúnar dóttur sinnar á Skefilsstöðum. Björn var hið mesta þrekmenni og vel syndur. Hann sótti sjó á yngri árum, var í áhöfn hjá Gísla Andréssyni bónda og formanni á Reykjum á Reykjaströnd í hinstu för hans, og komst þá af við illan leik. – Kona, g. 15. nóv. 1861, Sigríður Pétursdóttir, f. 16. febr. 1838 í Fagranessókn í Skagafjarðarsýslu, d. 23. des. 1893 á Gauksstöðum. For.: Pétur Bjarnason b. á Reykjum í Tungusveit og k.h. Guðrún Pétursdóttir. Sigríður var hjá foreldrum sínum á Reykjum á Reykjaströnd 1845. Börn: Anna Sigríður, f. 20. apríl 1862 í Kolgröf, var hjá foreldrum sínum á Ytra-Mallandi 1870. Pétur, f. 5. júní 1863 á Fjósum, b. á Gauksstöðum, kv. Ingibjörgu Bjarnadóttur. Pétur, f. 2. apríl 1866 á Gili, d. 14. júní 1866 á sama stað. Guðmundur, f. 12. ágúst 1867 á Gili, b. á Syðra-Vatni á Efribyggð, kv. Önnu Jóhannesdóttur. Guðrún Ingibjörg, f. 5. jan. 1869 á Reykjum, g. Birni Ólafssyni b. á Skefilsstöðum. Björn, f. 22. júní 1872 á Ytra-Mallandi, dr. 7. nóv. 1896 á Fossvík við Skaga, vm. á Gauksstöðum, ókv. og bl. Sigurlaug Ragnheiður, f. 3. ágúst 1874 á Ytra-Mallandi, bjó með Birni Friðbjörnssyni b. á Selá á Skaga. Barnsmóðir: Soffía Eyjólfsdóttir, f. 13. mars 1832 á Daufá á Neðribyggð, á lífi í Ballard í Washington 1900, vk. í Stafni. For.: Eyjólfur Ólafsson b. á Daufá og k.h. Halldóra Jónsdóttir. Soffía bjó síðar með Sölva Sölvasyni b. á Brandsstöðum. Björn og Soffía voru systkinabörn. Barn: Magnús, f. 9. júlí 1856 í Stafni, vm. í Auðkúluseli í Sléttárdal 1870, en síðar á Brandsstöðum.

(Skagfirzkar æviskrár 1850-1890 I, 209-210 og II, 124-126; Skagfirzkar æviskrár 1890-1910 I, 35-36 og 239-240, II, 31-32 og 77-78 og III, 31-32; Saga Íslendinga í Norður-Dakota, 274-275; Saga frá Skagfirðingum II, 114 og 175; Sagnir um slysfarir í Skefilsstaðahreppi, 162-164; Sagnablöð hin nýju, 133-134; Húnavaka 1987, 81-83; Skagfirzkur annáll 1847-1947 I, 51-52; Annáll nítjándu aldar III, 46; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 1638, 2136, 3931, 4605 og 4760; Ættatölub. Ólafs Snóksdalíns, 335, 341 og 684).

Björn Guðmundsson (1839-1898) – Bóndi í Gauksdal.

F. 16. ágúst 1839 í Umsvölum í Þingi, d. 16. apríl 1898 á Æsustöðum. For.: Guðmundur Loftsson b. í Umsvölum og k.h. Þórunn Björnsdóttir. Ólst upp hjá föðursystur sinni Önnu Loftsdóttur og manni hennar Guðmundi Jónssyni á Bakka í Vatnsdal. Vinnumaður á Höskuldsstöðum á Skagaströnd -1860-1861, í Sauðanesi á Ásum 1861-1862, í Syðri-Mjóadal 1862-1863 og í Þverárdal 1863-1864. Lausamaður á Stóru-Mörk 1864-1865. Húsmaður á sama stað 1865-1866. Lausamaður í Hvammi á Laxárdal 1866-1867. Ráðsmaður í Gautsdal 1867-1869. Bóndi í Gautsdal 1869-1877. Húsmaður á sama stað 1877-1881. Bóndi í Gautsdal aftur 1881-1882. Húsmaður á sama stað aftur 1882-1887. Bóndi á Sneis á Laxárdal fremri 1887-1893. Húsmaður á sama stað 1893-1895. Hann var síðast í skjóli Pálma stjúpsonar síns á Æsustöðum. Björn þótti skýrleiksmaður og góður drengur, hagmæltur og hraðkvæður, söngmaður mikill, afburða lesari og orðlagður vefari, kátur og spaugsamur og nokkuð ölkær. Hann keypti sér konunglegt lausamannsleyfi fyrið ærið fé og var því nefndur Konungs-Björn. – Kona, g. 8. nóv. 1869, Guðrún Pálmadóttir, f. 17. febr. 1824 á Efri-Mýrum í Refasveit, d. 12. júní 1895 í Gautsdal, ekkja Sigurðar Sigurðssonar b. í Gautsdal. For.: Pálmi Jónsson b. í Sólheimum í Svínavatnshreppi og barnsm.h. Danhildur Gísladóttir vk. á Efri-Mýrum, síðar g. Jóni Þorkelssyni b. í Skrapatungu á Laxárdal fremri og svo Eiríki Guðmundssyni b. í Neðri-Lækjardal í Refasveit. Guðrún bjó ekkja í Gautsdal 1867-1869 milli manna og var Björn fyrirvinna hjá henni þau ár. Hún var húskona hjá Guðrúnu dóttur sinni á Sneis 1893-1894, en síðast í skjóli Pálma sonar síns í Gautsdal. Barnlaus.

(Hjónin Jakob Lárusson Bergstað og Guðný Ragnhildur Hjartardóttir frá Litla-Enni á Blönduósi, 76-78; Feðraspor og fjörusprek, 195-197; Fortíð og fyrirburðir, 91-93; Hrakhólar og höfuðból, 148-149; Troðningar og tóftarbrot, 14-17, 149, 241 og 260-261; Húnavaka 1976, 48-49; Skiptab. Hún. 31. maí 1843 og 20. apríl 1847; Ættatölub. Jóns Espólíns, 4760; Ættatölub. Ólafs Snóksdalíns, 335).

Björn Jónsson (1728-1821) – Bóndi í Syðra-Tungukoti.

F. um 1728 á Steiná, d. 31. maí 1821 á Eyvindarstöðum. For. ókunnir. Bóndi í Hagakoti á Sléttárdal 1756-1758, í Litladalskoti á Sléttárdal 1758-1762, á Höllustöðum í Blöndudal 1762-1765, á Þröm í Blöndudal 1768-1771, á Eldjárnsstöðum í Blöndudal 1771-1785 og í Syðra-Tungukoti 1785-1805. Þurfamaður á Eyvindarstöðum 1808 til æviloka. Björn varð karlægur og blindur. – Kona: ónafngreind, f. um 1722, á lífi á Höllustöðum 1762. For. ókunnir. Árið 1762 var hjá þeim ein stúlka 12 ára. Barn: Guðbjörg, f. um 1750, var hjá föður sínum í Syðra-Tungukoti 1801.

Athugasemd: 1) Björn kynni að vera samnefndur maður sem bjó á Stóra-Búrfelli í Svínavatnshreppi 1750-1751. Þá bjó þar maður með Björnsnafni, en föðurnafn hans er ekki tilgreint. 2) Björn kynni að vera sami maður og bjó í Hagakoti 1753-1754. Þá bjó þar maður með Björnsnafni, en föðurnafn hans er ekki tilgreint.

(Húnavaka 1976, 90-91).

Björn Jónsson (1749-1825) – Bóndi í Bólstaðarhlíð.

F. 1749 í Hindisvík á Vatnsnesi, d. 11. ágúst 1825 í Bólstaðarhlíð. For.: Jón Árnason b. í Bólstaðarhlíð og f.k.h. Margrét Jónsdóttir. Var í fóstri hjá móðurömmu sinni Guðrúnu Jónsdóttur í Hindisvík 1762. Lærði í Hólaskóla og varð stúdent þaðan með ágætum vitnisburði 1770. Hann er sagður hafa sótt sjó frá Skagaströnd og Suðurlandi næstu ár. Bóndi á Steinnýjarstöðum á Skagaströnd 1777-1780 og á Hofi á Skagaströnd 1780-1784 og hafði jafnframt bú í Álfhóli á Skagaströnd 1782-1783. Bóndi í Bólstaðarhlíð 1784 til æviloka. Vígðist 4. maí 1777 aðstoðarprestur séra Eiríks Jónssonar á Hofi. Hann var aðstoðarprestur í Hofsprestakalli 1777-1779, en sóknarprestur í Hofsprestakalli 1779-1784 og í Bergsstaðaprestakalli 1784 til æviloka. Einnig var hann sáttanefndarmaður í Bólstaðarhlíðarhreppi. Séra Björn var tæpur meðalmaður á vöxt, rauðleitur í andliti, greppileitur og eigi dáfríður. Hann missti sjón á öðru auga sínu ársgamall í sótt nokkurri og brá jafnan hendi yfir það heila, er hann sá til. Hann var vel gefinn og vel lærður, enda talinn með bestu kennimönnum, mikill mælskumaður og predikaði alltaf blaðalaust. Hann er talinn hafa þýtt guðsorðarit eftir Ph. Doddridge. Einnig þýddi hann úr dönsku forboð Jóns Guðmundssonar sýslumanns í Vík í Mýrdal til Jörundar hundadagakonungs. Séra Björn var hagmæltur, mjög orðhagur og skjótur til svars, mikill fjörmaður og gleðimaður, gamansamur og hafði stundum í frammi smáhrekki við fólk. Hann var talinn kvenhollur og eignaði almannarómur honum þrjú börn sem skrifuð voru á aðra. Séra Björn var mjög starfsamur og féll aldrei verk úr hendi, ágætur bóndi og vann öll búverk á manndómsárum sínum, enda veitti honum ekki af því, þar sem hann var fátækur framan af ævi, en á síðari árum komst hann í góð efni. Hann var rausnarmaður í útlátum, þá hann vildi það við hafa. Hann var góður vefari og fékk verðlaun frá Danakonungi fyrir vefnað 10. sept. 1790. Sigurður Guðmundsson skólameistari á Akureyri gaf honum kenningarnafnið ,,hinn dætrum frjóvi”. Séra Björn skrifaði undir verslunarkærubréf í Blöndudalshólum 26. sept. 1797. – Fyrri kona: Ingibjörg Ólafsdóttir, f. um 1747, d. í júlí 1816 í Bólstaðarhlíð. For.: Ólafur Jónsson b. á Frostastöðum í Blönduhlíð og k.h. Kristín Björnsdóttir. Frá þeim hjónum er rakin Bólstaðarhlíðarætt. Börn: Margrét, f. um 1777 á Steinnýjarstöðum, g. fyrr Arnóri Árnasyni pr. á Bergsstöðum, síðar Þorsteini Ólafssyni b. á Æsustöðum. Kristín, f. um 1779 á Steinnýjarstöðum, g. Þorvaldi Böðvarssyni pr. og skáldi í Holti undir Eyjafjöllum. Guðrún, f. um 1780, g. Jónasi Benediktssyni pr. á Höskuldsstöðum á Skagaströnd. Elísabet, f. um 1782 á Hofi, g. Jóni Péturssyni b. í Bólstaðarhlíð. Ingibjörg, f. 2. okt. 1787 í Bólstaðarhlíð, g. fyrr Guðmundi Jónssyni b. á Ytri-Mælifellsá á Efribyggð, síðar Páli Magnússyni b. og hreppstj. á Ytri-Mælifellsá. Þóra, f. 2. okt. 1787 í Bólstaðarhlíð, g. Böðvari Þorvaldssyni pr. á Melstað í Miðfirði. Ingibjörg, f. um 1789 í Bólstaðarhlíð, g. fyrr Sigurði Snorrasyni sýslum. á Stóru-Giljá í Þingi, síðar Benedikt Jónassyni b. á Stóru-Giljá. Þórunn, f. 6. jan. 1791 í Bólstaðarhlíð, g. Gunnlaugi Oddssyni Oddsen pr. á Lambastöðum á Seltjarnarnesi. Hún var bústýra í Bólstaðarhlíð 1816-1817. Ennfremur áttu Björn og Ingibjörg þrjú börn sem dóu ung eða stálpuð. (Ættatölub. Jóns Espólíns, 3916). Seinni kona, g. 22. maí 1817, Valgerður Klemensdóttir, f. 17. maí 1790 í Höfnum á Skaga, d. 20. jan. 1861 í Sólheimum í Sæmundarhlíð. For.: Klemens Jónsson b. á Auðólfsstöðum og k.h. Margrét Guðmundsdóttir. Valgerður var hjá foreldrum sínum í Höfnum 1801 og fermdist í Hofsprestakalli 1804. Hún var vinnukona í Bólstaðarhlíð -1816-1817. Valgerður bjó ekkja í Bólstaðarhlíð 1825-1827, var í húsmennsku á sama stað 1827-1828, en giftist þá Birni Árnasyni b. í Kálfárdal. Barnlaus.

Athugasemd: Freistandi er að geta sér þess til að Þórunn Björnsdóttir hafi verið fædd á árinu 1792, þó að heimildir greini annað.

(Íslenzkar æviskrár I, 81-82, 129-130, 227-228 og 296, II, 216-217, III, 46, 248 og 330, IV, 267 og V, 240-241; Borgfirzkar æviskrár I, 255 og 511-512 og XIII, 14-15; Kjósarmenn, 174-175; Seltirningabók, 94; Skagfirzkar æviskrár 1850-1890 I, 198-199 og IV, 172-177; Skyggir skuld fyrir sjón II, 47; Strandamenn, 341-342; Önfirðingar, 218, 375-376 og 377; Kennaratal á Íslandi II, 284-285; Sýslumannaæfir I, 250-251, 587-588 og 626-628; Frændgarður II – Ættmeiður, 189; Niðjatal Þorvalds Böðvarssonar prests í Holti undir Eyjafjöllum og Björns Jónssonar prests í Bólstaðarhlíð, 1-88; Sjómenn og sauðabændur, 206-215; Húnvetningasaga II, 626-627; Saga frá Skagfirðingum I, 97 og 170, III, 89, 124 og 151-152 og IV, 20 og 123; Saga Skagstrendinga og Skagamanna, 49 og 52; Búsæld og barningur, 133-135; Æfisaga Gísla Konráðssonar, 146-147; Föðurtún, 112-113; Húnaþing I, 492-495; Húnavaka 1976, 93-95 og 1988, 107-108 og 114; Norðri 1861 (nr. 29 og 30), 120; Brandsstaðaannáll, 93; Annálar 1400-1800 VI, 209; Annáll nítjándu aldar I, 214 og 346-347; Íslands Árbækur XII, 38-39; Alþingisb. XVII, 73 og 297; Skiptab. Hún. 5. og 20. júní og 21. des. 1826 og 21. apríl 1845; Lbs. 696, 8vo (Minnisbók Jóns Espólíns); Ábúendatal í Staðarhreppi – Handrit Jóns Sigurðssonar á Reynistað, 36 og 37; Æfir lærðra manna (þáttur Björns Jónssonar í Bólstaðarhlíð); Prestaæfir Sighvats Grímssonar Borgfirðings (þáttur Björns Jónssonar í Bólstaðarhlíð); Ættatölub. Jóns Espólíns, 552-553, 574-575 og 3916-3918; Ættatölub. Ólafs Snóksdalíns, 126, 228 og 534-535; Ættatölub. Steingríms Jónssonar, 100, 291 og 5483-5484).

Björn Jónsson (1788-1846) – Bóndi og Smiður á Kúfustöðum.

F. um 1788 á Skeggsstöðum, d. 6. júlí 1846 á Rútsstöðum í Svínadal. For.: Jón Sigurðsson b. á Torfustöðum og f.k.h. Sigríður Björnsdóttir. Var hjá foreldrum sínum á Skeggsstöðum 1801 og á Torfustöðum 1814. Bóndi á Kúfustöðum 1815-1837. Lausamaður á Hofi í Vesturdal -1840-1841. Húsmaður í Þorsteinsstaðakoti í Tungusveit 1841-1846, en andaðist á ferð á Rútsstöðum. Björn var smiður. – Kona, g. 1815, Helga Ásgrímsdóttir, f. 1775 (sk. 28. des. 1775) á Álfgeirsvöllum á Efribyggð, d. 27. nóv. 1847 á Unastöðum í Kolbeinsdal. For.: Ásgrímur Pétursson b. á Kirkjubæ í Norðurárdal og k.h. Jórunn Björnsdóttir. Helga var fóstruð af móðurbróður sínum Ólafi Björnssyni og konu hans Guðrúnu Jónsdóttur á Barkarstöðum. Hún fermdist í Bergsstaðaprestakalli 1792, þá sögð 17 ára. Hún var vinnukona á Barkarstöðum -1799-1814-. Björn og Helga skildu 1837. Eftir skilnaðinn var Helga þurfakona í Stafni -1839-1840, en í skjóli frændfólks síns á Framnesi í Blönduhlíð 1840-1842, í Gilkoti á Neðribyggð 1842-1843, á Traðarhóli í Hjaltadal 1843-1847 og síðast á Unastöðum. Barn: drengur, f. 16. okt. 1817 á Kúfustöðum. Hann fæddist andvana. Barnsmóðir: Ólöf Jónsdóttir, f. um 1788 í Mýrakoti á Höfðaströnd, d. 9. mars 1860 í Blöndudalshólum, vk. á Kúfustöðum. For.: Jón Guðmundsson b. á Hrauni í Sléttuhlíð og k.h. Ólöf Sveinsdóttir. Ólöf var gift Guðmundi Illugasyni vm. í Rugludal 1816. Hún var hjá foreldrum sínum í Mýrakoti 1801. Barn: Sigríður, f. 10. mars 1826 á Kúfustöðum, d. 12. okt. 1827 á sama stað. Barnsmóðir: Kristín Hallgrímsdóttir, f. um 1810 í Rugludal, d. 20. febr. 1874 á Sleitustöðum í Kolbeinsdal, vk. á Kúfustöðum. Móðir: Solveig Magnúsdóttir vk. í Rugludal, síðar húsk. í Króki á Skagaströnd. Kristín var á sveitarframfæri á Eiríksstöðum 1816 og fermdist í Bergsstaðasókn 1825. Hún var bústýra í Mikley í Vallhólmi 1845, en í Lágubúð á Bæjarklettum 1860. Barn: Sigríður, f. 10. júní 1836 á Kúfustöðum, d. 21. apríl 1911 á Eyvindarstöðum, vk. á Bollastöðum 1880, óg., en átti dóttur með Vigfúsi Höskuldsson b. á Gunnfríðarstöðum á Bakásum og son með Jónasi Gíslasyni.

Athugasemdir: 1) Faðir Kristínar kann vel að hafa verið Hallgrímur (föðurnafn ótilgreint) bóndi í Ytra-Tungukoti 1807-1808. 2) Föðurnafn Kristínar hefur misritast í Manntali á Íslandi 1845. Þar er hún ranglega skráð Þorleifsdóttir.

(Biskupsskjalasafn B VII; Skiptab. Hún. 28. apríl 1840; Ættatölub. Jóns Espólíns, 4403-4404 og 4604-4605).

Björn Jónsson (1800-1859) – Bóndi á Stóru-Mörk.

F. 7. des. 1800 í Ytra-Vallholti í Vallhólmi, d. 10. mars 1859 á Hjaltabakka á Ásum. For.: Jón Jónsson b. í Skinþúfu í Vallhólmi og k.h. Margrét Jónsdóttir. Var hjá foreldrum sínum í Ytra-Vallholti 1801 og fermdist í Glaumbæjarprestakalli í Skagafjarðarsýslu 1814. Vinnumaður í Saurbæ á Neðribyggð 1827-1828, í Syðra-Vallholti í Vallhólmi 1828-1829, í Geldingaholti í Seyluhreppi 1829-1831, í Ljótshólum í Svínadal 1833-1843, í Miðhúsum í Vatnsdal 1843-1844 og á Stóru-Mörk 1844-1845. Bóndi á Stóru-Mörk 1845-1846. Húsmaður í Hvammi á Laxárdal 1846-1848 og á Stóru-Mörk 1848-1850. Vinnumaður á Gili 1850-1854, í Syðri-Mjóadal 1854-1857, á Ytri-Ey á Skagaströnd 1857-1858 og á Hjaltabakka 1858 til æviloka. – Kona, g. 1844, Sigurlaug Sæmundsdóttir, f. 29. júlí 1810 í Gröf í Víðidal, d. 30. júlí 1901 á Grenjaðarstað í Aðaldal. For.: Sæmundur Jónsson vm. á Stað í Súgandafirði 1816 og barnsm.h. Ingibjörg Halldórsdóttir vk. á Lækjamóti í Víðidal 1816. Sigurlaug var á sveitarframfæri í Böðvarshólum í Vesturhópi 1819-1824-. Hún var vinnukona í Böðvarshólum -1826-1834, á Neðra-Núpi í Miðfirði 1834-1835-, á Skárastöðum í Miðfirði -1836-1837, á Snæringsstöðum í Svínadal 1837-1841, í Móbergsseli í Litla-Vatnsskarði 1841-1842 og á Snæringsstöðum 1842-1845. Hún var vinnukona í Hvammi á Laxárdal 1848-1850, á Grund í Svínadal 1850-1857, í Ljótshólum 1857-1860, í Stóradal í Svínavatnshreppi 1860-1864 og í Ljótshólum aftur 1864-1865, en í skjóli Rósu dóttur sinnar á Stóru-Seylu á Langholti 1865-1868 og á Ásum á Bakásum 1868-1873. Hún var vinnukona á Eiríksstöðum 1873-1876, en í skjóli Benedikts sonar síns á Helgastöðum í Reykjadal 1876-1877 og á Grenjaðarstað 1877 til æviloka. Lýsingar til hjúskapar með Birni og Sigurlaugu hófust 11. ágúst 1844. Barn: Guðmundur, f. 15. júní 1850 í Hvammi, d. 8. mars 1940 á Húsavík, húsmaður á Litla-Vatnsskarði á Laxárdal fremri 1880, en síðar í Fagranesi í Aðaldal, kvæntur Guðfinnu Sigurveigu Jónsdóttur, átti áður dóttur með Lilju Jónsdóttur. Barnsmóðir: Ásdís Þórðardóttir, f. 6. júlí 1794 í Búðarnesi í Hörgárdal, d. 19. mars 1874 á Marbæli í Óslandshlíð, vk. í Skinþúfu. For.: Þórður Magnússon b. í Saurbæ í Hörgárdal og k.h. Rósa Guðmundsdóttir. Ásdís var vinnukona á Skúfsstöðum í Hjaltadal 1845. Börn: Guðbjörg, f. 28. mars 1826 í Skinþúfu, d. 1. júní 1826 á sama stað. Sigurður, f. 28. júlí 1827 í Skinþúfu, b. á Marbæli, kv. Hólmfríði Gunnlaugsdóttur, átti einnig dóttur með Jóhönnu Marenu Jóhannsdóttur. drengur, f. 3. sept. 1828 í Skinþúfu. Hann fæddist andvana. – Barnsfaðir Sigurlaugar: Einar Einarsson, f. 14. mars 1798 á Grund í Vesturhópi, d. 18. febr. 1863 á Stóru-Borg í Vesturhópi, vm. í Böðvarshólum. For.: Einar Einarsson b. í Gröf á Vatnsnesi og barnsm.h. Kristín Jónsdóttir vk. á Grund, síðar g. Sæmundi Brynjólfssyni b. í Bjarghúsum í Vesturhópi. Barn: Sigurbjörg, f. 2. mars 1833 í Böðvarshólum, d. 4. ágúst 1929 á Gili, vk. á Haukagili í Vatnsdal 1870, óg., en átti börn. Hún var bústýra í Grundarkoti 1876-1886 og í Mýrarkoti á Laxárdal fremri 1889-1891. Barnsfaðir Sigurlaugar: Jón Jónsson, f. 24. júlí 1815 á Snæringsstöðum í Svínadal, d. 15. júlí 1860 í Múlasókn í Þingeyjarsýslu, vm. í Hnausakoti í Miðfirði og á Snæringsstöðum. For.: Jón Jónsson b. á Snæringsstöðum og barnsm.h. Margrét Þórðardóttir vk. á Snæringsstöðum, síðar húsm. í Hjaltabakkakoti á Ásum. Jón var ráðsm. á Litlu-Giljá í Þingi 1849-1851. Börn: Björn, f. 19. júlí 1836 á Skárastöðum, dr. 22. maí 1864 á Reykjum á Reykjabraut, vm. á Eiðsstöðum í Blöndudal 1860, en síðast á Reykjum, ókv. Lilja, f. 15. sept. 1837 á Snæringsstöðum, d. 31. okt. 1838 á sama stað. Barnsfaðir Sigurlaugar: Kristján Jónsson, f. 1798 eða 1799 á Eiðsstöðum í Blöndudal, d. 28. maí 1866 í Stóradal, b. í Stóradal. For.: Jón Jónsson b. á Snæringsstöðum og k.h. Sigríður Jónsdóttir. Börn: Benóný, f. 23. sept. 1839 á Snæringsstöðum, dr. í mars 1877 í Atlanshafi, vm. á Svalbarða á Álftanesi 1870, ókvæntur, en átti son með Elísabeti Jónsdóttur og tvær dætur með Þórdísi Jónsdóttur. Benóný var við skírn lýstur sonur Kristjáns Guðmundssonar vm. á Rútsstöðum í Svínadal, en jafnan skrifaður Hansson. Benedikt, f. 5. nóv. 1840 á Snæringsstöðum, pr. á Grenjaðarstað, kv. fyrr Regínu Magdalenu Hansdóttur Sívertsen, síðar (Ólöfu) Ástu Þórarinsdóttur. Benedikt var við skírn lýstur sonur Jóns Sveinssonar vm. á Snæringsstöðum. Rósa, f. 8. okt. 1844 á Snæringsstöðum, g. Stefáni Jónssyni b. á Fjósum. Rósa var við skírn lýst dóttir Björns Jónssonar vm. á Stóru-Mörk, eiginmanns móður hennar. Barnsfaðir Sigurlaugar: Jón Bjarnason, f. 26. sept. 1824 á Strjúgsstöðum, d. 11. júní 1896 í Kálfárdal, b. á Strjúgsstöðum. For.: Bjarni Sveinsson b. á Strjúgsstöðum og k.h. Sigríður Jónsdóttir. Barn: Jakob, f. 23. ágúst 1846 í Hvammi, d. 5. sept. 1846 á Stóru-Mörk.

(Íslenzkar æviskrár I, 133, III, 49 og V, 427-428; Skagfirzkar æviskrár 1850-1890 I, 128-129, II, 284-286, V, 157-159 og VI, 296-298; Skagfirzkar æviskrár 1890-1910 III, 107-108; Niðjatal Hallgríms Péturssonar og Guðríðar Símonardóttur I, 341-345; Saga frá Skagfirðingum III, 78-79 og 172; Mannaferðir og fornar slóðir, 200-211; Misskipt er manna láni III, 36-38; Svipir og sagnir, 170-175; Ritsafn Eiðs Guðmundssonar á Þúfnavöllum II, 94: Húnavaka 1980, 120-123, 1981, 123-125, 1991, 45-47 og 1994, 125-140; Annáll nítjándu aldar III, 233 og IV, 270; Dómab. Skag. 24. mars og 13. og 21. apríl 1829 og 21. nóv. og 27. og 28. des. 1833; Skiptab. Hún. 14. maí 1846, 29. nóv. 1861 og 31. des. 1864; Ættatölub. Jóns Espólíns, 364, 1645, 3668 og 3789; Ættatölub. Ólafs Snóksdalíns, 684 og 809; Ættatölub. Steingríms Jónssonar, 4846 og 5094).

Björn Jónsson (1821-1890) – Ráðsmaður í Hvammi.

F. 25. jan. 1821 á Leifsstöðum, d. 9. des. 1890 í Hamarsgerði á Fremribyggð. For.: Jón Auðunsson b. á Syðri-Leifsstöðum og k.h. Helga Kráksdóttir. Var hjá foreldrum sínum á Syðri-Leifsstöðum 1835 og fermdist í Bergsstaðasókn sama ár. Smali á Syðri-Leifsstöðum -1839-1841-. Vinnumaður í Hvammi í Svartárdal -1842-1843. Ráðsmaður í Hvammi í Svartárdal 1843-1845. Vinnumaður á Syðri-Leifsstöðum 1845-1846, á Sveinsstöðum í Tungusveit 1846-1851-, á Breið í Tungusveit -1852-1853-, á Sveinsstöðum aftur -1854-1856, á Ánastöðum í Svartárdal 1856-1857, á Sveinsstöðum enn 1857-1858, í Litladalskoti í Tungusveit 1858-1860, á Uppsölum í Blönduhlíð 1860-1861, á Sveinsstöðum 1861-1862, á Skottastöðum 1862-1864, á Syðri-Leifsstöðum aftur 1864-1865, á Ysta-Vatni á Efribyggð 1865-1866 og á Stóra-Vatnsskarði á Skörðum 1866-1867. Húsmaður á Kúfustöðum 1867-1868. Vinnumaður á Starrastöðum á Fremribyggð 1868-1869. Þurfamaður á Hömrum á Fremribyggð 1869-1870. Húsmaður á Starrastöðum 1870-1871. Þurfamaður á Hömrum aftur 1871-1872, í Efra-Lýtingsstaðakoti í Tungusveit 1874-1875, á Álfgeirsvöllum á Efribyggð 1875-1876, á Ánastöðum í Svartárdal 1876-1877 og 1880-1881, í Gilhaga á Fremribyggð -1883-1884, á Mælifelli á Fremribyggð 1885-1886, á Brúnastöðum í Tungusveit 1886-1888, í Efra-Lýtingsstaðakoti aftur 1888-1889 og á Þorsteinsstöðum í Tungusveit 1889-1890, en síðast í Hamarsgerði. Björn varð heilsulaus á efri árum. Hann var auknefndur lóri. – Barnsmóðir: Sigríður Helgadóttir, f. 22. maí 1843 á Hofi í Vatnsdal, d. 6. nóv. 1911 á Akureyri, vk. á Krithóli á Neðribyggð. For.: Helgi Helgason b. í Miðhúsum í Vatnsdal og barnsm.h. Ingibjörg Jónsdóttir vk. á Hofi. Sigríður giftist síðar Guðmundi Kristjánssyni b. í Hring í Blönduhlíð. Barn: Hannes, f. 28. ágúst 1862 á Krithóli.

(Sjómenn og sauðabændur, 275-279; Húnavaka 1976, 96; Ættatölub. Jóns Espólíns, 477 og 577; Ættatölub. Ólafs Snóksdalíns, 342 og 534; sagnir gamalla Bólhlíðinga).

Björn Magnússon (1702-1766) – Prestur og Bóndi Bergsstöðum.

F. 21. des. 1702 á Espihóli í Hrafnagilshreppi, d. 23. des. 1766 á Grenjaðarstað í Aðaldal. For.: Magnús Björnsson b. á Espihóli og k.h. Sigríður Jónsdóttir. Var hjá foreldrum sínum á Espihóli 1703. Lærði í Hólaskóla og varð stúdent þaðan 1722. Djákni á Munkaþverá á Staðarbyggð 1722-1724. Hann var skráður í stúdentatölu í Kaupmannahafnarháskóla 21. okt. 1724, og lauk þaðan embættisprófi í guðfræði 13. febr. 1726. Bóndi á Bergsstöðum 1726-1742 og á Grenjaðarstað 1742 til æviloka. Hann var sóknarprestur í Bergsstaðaprestakalli 1726-1741 og í Grenjaðarstaðaprestakalli 1741 til æviloka. Einnig var hann prófastur í Húnavatnsprófastsdæmi 1734-1741. Hann sigldi til Kaupmannahafnar 1740 til þess að sækja um biskupsembætti á Hólum, en hafði ekki erindi sem erfiði. Séra Björn var með fríðari mönnum, skörulegur og höfðinglyndur, gestrisinn og örlátur, glaðvær og kurteis, og talinn forspár. Hann var góður skrifari og vel skáldmæltur. Í Landsbókasafni eru varðveitt kvæði og sálmar eftir hann. Hann þýddi úr dönsku guðfræðiritið Kristinn húsfaðir eftir Hans Windekilde og lét prenta það í Kaupmannahöfn 1741. Hann varð mjög auðugur að jarðeignum. – Fyrsta kona, g. 20. júlí 1727, Margrét Ólafsdóttir, f. um 1696, d. 1729 eða 1730 á Bergsstöðum. For.: Ólafur Guðmundsson pr. á Hrafnagili í Hrafnagilshreppi og k.h. Anna Stefánsdóttir. Margrét var hjá foreldrum sínum á Hrafnagili 1703, en hjá Stefáni bróður sínum á Höskuldsstöðum á Skagaströnd -1726-1727. Hún andaðist af barnsförum. Börn: Anna, f. um 1728, g. Lárusi Hannessyni Scheving b. á Urðum í Svarfaðardal 1762, en síðast í Garði í Aðaldal. Margrét, d. 1729. (Prestaæfir Sighvats Grímssonar Borgfirðings). Vigfús, d. 1729. (Prestaæfir Sighvats Grímssonar Borgfirðings). Önnur kona, km. 12. apríl 1731 / g. 1731, Margrét Einarsdóttir, f. um 1682, d. 1742 á Bergsstöðum, ekkja Guðmundar Steinssonar Bergmann b. á Sjávarborg í Borgarsveit. For.: Einar Einarsson pr. í Göðrum á Álftanesi og k.h. Þóra Torfadóttir. Margrét var þrígift og Björn seinasti maður hennar. Hún bjó ekkja á Sjávarborg 1719-1721 og 1723-1731 milli manna. Þegar Björn fór búferlum frá Bergsstöðum að Grenjaðarstað var Margrét orðin rúmliggjandi og varð eftir á Bergsstöðum í umsjá Önnu dóttur hans. Margrét var mannkostakona. Barnlaus. Þriðja kona, g. 13. okt. 1743, Elín Benediktsdóttir, f. 29. sept. 1720 á Einarsstöðum í Reykjadal, d. 2. nóv. 1788 á Skinnastöðum í Öxarfirði. For.: Benedikt Þorsteinsson lögm. í Rauðaskriðu í Skriðuhverfi og k.h. Þórunn Björnsdóttir. Elín ólst upp hjá biskupsekkjunni Þrúði Þorsteinsdóttur á Víðivöllum í Blönduhlíð og á Hlíðarenda í Fljótshlíð. Hún bjó ekkja á Grenjaðarstað 1766-1768, á Halldórsstöðum í Laxárdal 1768-1770 og á Stóru-Laugum í Reykjadal 1770-1774, en var í skjóli Vigfúsar sonar síns á Skinnastöðum 1774 til æviloka. Elín var há vexti, fríð sýnum og fönguleg. Hún var framúrskarandi hannyrðakona. Árið 1762 voru hjá þeim Birni og Elínu þrír drengir 11, 6 og 5 ára og þrjár stúlkur 14, 5 og 1/2 árs. Börn: Benedikt, f. 1744 (sk. 13. okt. 1744) á Grenjaðarstað, pr. á Breiðabólstað í Vesturhópi, ókv. og bl. Magnús, f. 1746 (sk. 11. mars 1746) á Grenjaðarstað, pr. í Glaumbæ í Reykjadal, kv. Kristínu Stefánsdóttur. Þrúður, f. 1747 (sk. 23. júní 1747) á Grenjaðarstað, d. 29. mars 1758 á sama stað. Þórunn, f. 1748 (sk. 5. júní 1748) á Grenjaðarstað, g. Magnúsi Jónssyni pr. í Saurbæ í Saurbæjarhreppi, þau systkinabörn. Guðrún, f. 1749 (sk. 23. júní 1749) á Grenjaðarstað, d. 27. júní 1749 á sama stað. Vigfús, f. 1751 (sk. 10. jan. 1751) á Grenjaðarstað, pr. í Garði í Kelduhverfi, kv. fyrr Guðlaugu Andrésdóttur, síðar Kristínu Þórðardóttur. Einar, f. 1755 (sk. 8. júlí 1755) á Grenjaðarstað, pr. í Þingmúla í Skriðdal, kv. fyrr Þórunni Þorgrímsdóttur, síðar Kristínu Einarsdóttur. Guðrún, f. 1756 (sk. 9. des. 1756) á Grenjaðarstað, var hjá bróður sínum í Garði í Kelduhverfi 1801, óg. og bl. Þrúður, f. 1762 (sk. 6. maí 1762) á Grenjaðarstað, d. 6. okt. 1762 á sama stað. – Fyrsti maður Margrétar Einarsdóttur: Benedikt Magnússon Bech, f. 1674, dr. 7. maí 1719 í Héraðsvötnum í Skagafjarðarsýslu, b. í Möðrufelli í Hrafnagilshreppi 1701-1704-, á Reynistað í Staðarhreppi 1709-1713 og á Sjávarborg 1713 til æviloka. For.: Magnús Sigurðsson pr. á Kvíabekk í Ólafsfirði og k.h. Valgerður Ásgrímsdóttir. Benedikt lærði í Hólaskóla og varð stúdent þaðan. Hann var skráður í stúdentatölu í Kaupmannahafnarháskóla 26. okt. 1694 og var þar að námi í tvö ár. Hann var á Íslandi 1696-1698 og í Kaupmannahöfn 1698-1699. Sagnir herma að hann hafi verið djákni á Möðruvöllum í Hörgárdal um skeið, en misst það embætti vegna skírlífisbrots. Benedikt var spítalahaldari í Möðrufelli 1701-1709, ráðsmaður á Hólum í Hjaltadal 1708-1709, klausturhaldari á Reynistað 1708-1714, sýslumaður í Skagafjarðarsýslu 1707 til æviloka, framan af í allri sýslunni, en sleppti helmingi hennar við Jens Madsen Spendrup 1715. Hann var búsettur á Hólum 1708-1709. Hann tók sér nafnið Bech. Benedikt var hávaxinn og þrekinn, karlmenni að burðum, fríður sýnum, vel að sér og mikill hugvitsmaður, skarpgáfaður og mikill málafylgjumaður, margvís og forspár. Hann var góðmenni, talinn kvenhollur og eignaði almannarómur honum eitt barn sem skrifað var á annan. Benedikt var skáldmæltur og orti bæði á íslensku og latínu. Í Landsbókasafni er varðveitt mikið af kveðskap eftir hann, og sálmar hans Það andlega tvípartaða bænareykelsi var prentað á Hólum 1723, 1731 og 1740. Barn: Hjalti, f. nál. 1705, dó ungur. (Sýslumannaæfir I, 403). Annar maður Margrétar Einarsdóttur, g. 1721, Guðmundur Steinsson Bergmann, f. um 1699, dr. 9. maí 1723 við Reykjaströnd í Skagafjarðarsýslu, b. á Sjávarborg 1721 til æviloka. For.: Steinn Jónsson biskup á Hólum í Hjaltadal og k.h. Valgerður Jónsdóttir. Guðmundur var hjá foreldrum sínum á Setbergi í Eyrarsveit 1703. Hann lærði í Hólaskóla og varð stúdent þaðan. Var síðan kennari við Hólaskóla um tveggja ára skeið. Hann var skráður í stúdentatölu í Kaupmannahafnarháskóla 23. nóv. 1719, og lauk þaðan embættisprófi í guðfræði 16. apríl 1720. Skólameistari á Hólum 1720 til æviloka. Hann tók sér nafnið Bergmann. Guðmundur var vænn ásýndum með glóbjart hár sem féll á herðar niður, drykkfelldur og ör með víni. Hann var merkur maður og vel að sér, skáldmæltur og orti bæði á íslensku og latínu. Framan við fyrstu útgáfu af Vídalínspostillu eru prentuð nokkur erindi eftir hann. Barn: Halldóra. (Ættatölub. Steingríms Jónssonar, 421). – Barnsmóðir Benedikts: Steinunn Guðmundsdóttir, f. um 1667, vk. á Stóra-Eyrarlandi í Hrafnagilshreppi 1703. For. ókunnir. Steinunn var gift Jóni Hákonarsyni vm. í Eyjafjarðarsýslu. Barn: Þuríður, f. 1703 í Eyjafjarðarsýslu, g. fyrr Pétri Ketilssyni b. í Syðra-Tungukoti, síðar Ólafi Þorsteinssyni b. í Blöndudalshólum.

Athugasemdir: 1) Björn Magnússon og Margrét Einarsdóttir eru ýmist talin hafa gifst 6. maí eða 16. maí eða 7. okt. 1731. 2) Benedikt Magnússon Bech og Margrét Einarsdóttir voru komin í hjúskap við Manntal á Íslandi 1703.

(Íslenzkar æviskrár I, 117-118, 119, 142-143, 236-237, 341 og 343, II, 183-184, III, 412, 436 og 452-453, IV, 48 og 351-352 og V, 44-45; Borgfirzkar æviskrár XI, 66-67; Svarfdælingar II, 71; Íslenzkir Hafnarstúdentar, 38, 46-47, 54, 61-62, 65, 69-70, 113 og 113-114; Biskupasögur Sögufélagsins II, 173-184; Skólameistarasögur, 204-205; Sýslumannaæfir I, 117-122, 242-244, 258-262 og 403-406; Ættir Austfirðinga, 365-369 og 617-623; Saga frá Skagfirðingum I, 32, 34-35, 40-41, 43-44, 46-47, 57, 68-69, 137, 139 og 145; Syrpa úr handritum Gísla Konráðssonar II, 229, 237-243 og 247-249; Sauðárkrókskirkja og formæður hennar, 20-22; Annálar 1400-1800 I, 490, 513-514, 522-523, 614, 623-624, 629, 636, 642 og 645, II, 410, 412-418 og 688, III, 333-334 og 338-339, IV, 413, 481, 525-526, 614, 648-649 og 655 og V, 57, 193, 349 og 429 og VI, 38-39, 54, 143, 299, 404, 469 og 498; Jarðabréf frá 16. og 17. öld – Útdrættir, 229, 233 og 264; Alþingisb. XI, 227 og 495, XII, 38, 246, 308, 385 og 510-511, XIII, 60, 107, 176, 281, 364 og 442, XIV, 30, 484 og 514 og XV, 62, 98, 107, 115, 433 og 539-540; Dómab. Eyj. 12. maí 1697 og 29. apríl 1704; Prestastefnub. Björns biskups Þorleifssonar og Steins biskups Jónssonar 11., 12. og 13. sept. 1703; JS. 304, 4to; Ábúendatal í Inn-Eyjafirði – Handrit Stefáns Aðalsteinssonar í Reykjavík, 350, 410, 505-509 og 713-714; Æfir lærðra manna (þættir Benedikts Magnússonar Bech á Sjávarborg, Björns Magnússonar á Grenjaðarstað og Guðmundar Steinssonar Bergmann á Sjávarborg); Prestaæfir Sighvats Grímssonar Borgfirðings (þáttur Björns Magnússonar á Grenjaðarstað); Ættatölub. Jóns Espólíns, 241-245, 525, 563, 574, 756 og 4321; Ættatölub. Jóns Magnússonar, 215, 249, 416, 419, 447 og 488; Ættatölub. Ólafs Snóksdalíns, 228, 410, 457, 465-466, 472 og 828; Ættatölub. Steingríms Jónssonar, 6b, 165-167, 290, 295, 420-421, 1222, 1225-1226, 1982 og 4125-4126).

Björn Magnússon (1767-1812) – Bóndi í Syðra-Tungukori og Skyttudal.

F. um 1767, d. 28. maí 1812 í Skyttudal. For.: Magnús Björnsson b. á Blöndubakka í Refasveit og k.h. Sigríður Einarsdóttir. Vinnumaður í Holtastaðakoti í Langadal -1798-1799- og í Syðra-Tungukoti -1800-1801-. Búlaus á Syðri-Leifsstöðum -1803-1804 og á Hóli 1804-1805. Bóndi í Syðra-Tungukoti 1805-1807, í Hvammi í Langadal -1808-1811 og í Skyttudal 1811 til æviloka. – Kona: Guðrún Kráksdóttir, f. um 1786 í Stafni, d. 20. júlí 1817 í Skyttudal. For.: Krákur Sveinsson b. á Syðri-Leifsstöðum og s.k.h. Kristín Sveinsdóttir. Guðrún var hjá föður sínum á Syðri-Leifsstöðum 1801. Hún bjó ekkja í Skyttudal 1812 til æviloka og stóð bú hennar til fardaga 1818. Börn: Stefán, f. um 1809 í Hvammi, b. á Holtastöðum í Langadal, kv. Ingiríði Ólafsdóttur. Friðrik, f. um 1810 í Hvammi, b. í Selhaga, kv. Sigurlaugu Sigurðardóttur. Steinunn, f. 3. júní 1811 í Skyttudal, g. fyrr Stefáni Jónssyni b. á Syðri-Leifsstöðum, þau systrabörn, síðar Þorsteini Þorsteinssyni b. í Breiðargerði í Tungusveit. Barnsmóðir: Guðrún Þorvaldsdóttir, f. um 1752, vk. í Blöndudalshólaprestakalli. For. ókunnir. Guðrún var vinnukona á Eiðsstöðum í Blöndudal -1800-1801-. Hún var ekkja. Barn þeirra fæddist 1791 í Blöndudalshólaprestakalli. Barnsmóðir: Helga Jónsdóttir, f. í júlí eða í ágúst 1779 í Höskuldsstaðasókn, á lífi á Refsstöðum á Laxárdal fremri 1804, vk. á Refsstöðum. For.: Jón Jónsson b. á Refsstöðum og k.h. Ingibjörg Guðmundsdóttir. Barn: Sigríður, f. 1798 á Refsstöðum, g. fyrr Birni Sveinssyni b. í Skyttudal, síðar Pétri Jónssyni b. á Hofstöðum í Hofstaðabyggð.

Athugasemd: Friðrik Björnsson er sagður fæddur 6. okt. 1811 við fermingu í Holtastaðasókn 1826. Ártalið er rangt, en dagsetningin kann að vera rétt.

(Skagfirzkar æviskrár 1850-1890 II, 238-239 og VI, 329-330 og 370-371; Sjómenn og sauðabændur, 265-269; Icelandic River Saga, 216-217; Húnavaka 1978, 54; Skagfirðingabók 1992, 30-31; Sýsluskj. Hún. XV, 3, 29. apríl og 1. júlí 1794 (dánarbú Jóns Jónssonar á Refsstöðum) og XV, 7, 5. maí 1814 (dánarbú Björns Magnússonar í Skyttudal); Skiptab. Hún. 5. maí 1814, 25. maí 1818 og 5. okt. 1860; Ættatölub. Jóns Espólíns, 476-478 og 5619-5620; Ættatölub. Ólafs Snóksdalíns, 312-313 (innskotsblöð), 342, 415, 547-548, 831 og 832; Ættatölub. Steingríms Jónssonar, 252 og 4952).

Björn Ólafsson (1729-1816) – Bóndi í Hvammi á Laxárdal og Botnastöðum.

F. um 1729, d. 18. febr. 1816 á Orrastöðum á Ásum. For.: Ólafur Tumason b. á Svínavatni í Svínavatnshreppi og k.h. Steinunn Björnsdóttir. Búlaus í Svínavatnshreppi 1751-1760. Bóndi í Hvammi á Laxárdal -1762-1763-, á Botnastöðum -1773-1775, á Hóli í Sæmundarhlíð -1776-1784 og í Vík í Staðarhreppi 1784-1787. Húsmaður í Litlu-Gröf á Langholti -1789-1790 og í Glæsibæ í Staðarhreppi 1790-1791-. Hann var í skjóli Ólafs sonar síns á Hrafnabjörgum í Svínadal -1800-1805-, en síðast í skjóli Björns sonar síns á Orrastöðum. Björn keypti Hvamm á Laxárdal fremri af nafna sínum Birni Sveinssyni bónda á Illugastöðum í Laxárdal ytri fyrir 17 hundruð og 93 álnir í Svínavatni 1. okt. 1752. – Fyrri kona, g. 1761, Helga Hallsdóttir, f. um 1727, d. 1776 eða 1777 á Hóli í Sæmundarhlíð. For.: Hallur Þorsteinsson b. á Brandagili í Hrútafirði og k.h. Björg Aradóttir. Börn: Steinunn, f. um 1763 í Hvammi, húsm. í Engihlíð í Langadal, óg. Ólafur, f. um 1765 í Hvammi, b. á Hrafnabjörgum, kv. Halldóru Ólafsdóttur. Helga, f. um 1767, á lífi á Hóli 1777. Seinni kona: Guðrún Símonsdóttir, f. um 1738, d. 12. okt. 1813 á Hæli á Ásum, ekkja Samsons Bjarnasonar b. á Húsabakka á Glaumbæjareyjum. For.: Símon Þórðarson b. í Utanverðunesi í Hegranesi og k.h. Helga Egilsdóttir. Guðrún var í Hofstaðaþingum í Skagafjarðarsýslu 1754, þá sögð 16 ára, en hjá foreldrum sínum í Utanverðunesi 1762. Hún var búsett í Glaumbæjarsókn í Skagafjarðarsýslu -1775-, þá ekkja, en vinnukona í Litlu-Gröf -1789-1790 og í Glæsibæ 1790-1791-. Hún var í skjóli Guðrúnar dóttur sinnar í Öxnatungu í Víðidal -1800-1801- og í skjóli Björns sonar síns á Hæli 1809 til æviloka. Guðrún var orðlögð söngkona og þótti mjög raddfögur. Börn: Björn, f. um 1778 á Hóli, b. í Hrútatungu í Hrútafirði, kv. Þórdísi Björnsdóttur, átti einnig syni með Margréti Þorsteinsdóttur og Guðrúnu Gísladóttur, einn með hvorri. Jósevæn, f. um 1780 á Hóli, vk. á Marbæli á Langholti 1835, óg., en átti dóttur með Helga Guðmundssyni b. á Ytra-Hóli á Skagaströnd. Björg, f. um 1782 á Hóli, bústýra í Sveinskoti á Reykjaströnd 1835, óg., en átti syni með Jóni Sveinssyni vm. á Eiðsstöðum í Blöndudal og Erlendi Eyjólfssyni húsmanni í Torfgarði á Langholti, einn með hvorum. – Fyrri maður Guðrúnar, g. 21. mars 1763, Samson Bjarnason, f. um 1726, b. á Hellulandi í Hegranesi 1762-1763, í Utanverðunesi 1763-1766, á Sjávarborg í Borgarsveit 1766-1770- og á Húsabakka um 1771. Faðir: Bjarni Þórðarson b. á Grund í Svínadal. Samson var hraustmenni eins og hann átti kyn til. Haustið 1745 lenti hann í slagsmálum við Bertel Simonsen Öeland undirkaupmann í Höfðakaupstað, en Einar Nikulásson bóndi á Söndum í Miðfirði skildi þá. Samson og Guðrún voru fátæk og komu hagir þeirra til umræðu á manntalsþingi á Ríp 24. apríl 1769. Árið 1762 voru hjá Samsoni tveir drengir 16 og 15 ára. Börn: Bjarni, f. 1763 (sk. 30. maí 1763) í Utanverðunesi, b. í Brekkukoti í Þingi 1801, en síðar í Skarðsseli í Langadal, kv. Málfríði Björnsdóttur, átti áður son með Sæunni Einarsdóttur. Guðrún, f. 1764 (sk. 5. ágúst 1764) í Utanverðunesi, g. Jóni Þorsteinssyni b. í Öxnatungu 1801, átti áður börn með Ólafi Ólafssyni vm. í Vík í Staðarhreppi og Jóni Einarssyni b. á Sauðá í Borgarsveit, eitt með hvorum. Gísli, f. 1765 (sk. 30. ágúst 1765) í Utanverðunesi, d. 9. sept. 1765 á Hamri í Hegranesi. Halldóra, f. 1766 eða 1767, g. Sigurði Brandssyni b. á Grundarlandi í Unadal 1803, en síðar í Holtsmúla á Langholti. Samson, f. 1768 (sk. 15. febr. 1768) í Rípursókn í Skagafjarðarsýslu, b. í Stóru-Gröf á Langholti 1801, en síðar í Geitagerði hjá Reynistað, kv. Ingibjörgu Jónsdóttur. Barnsfaðir Guðrúnar: Jón Jónsson, f. nál 1745, vm. í Glaumbæjarsókn. For. ókunnir. Barn þeirra fæddist 1775 í Glaumbæjarsókn. Í legorðsskýrslu úr Skagafjarðarsýslu 1775 segir um Jón og Guðrúnu, ,,bæði aldeilis félaus, hún hefur áður gift verið og átt börn eftir mann sinn, fyrir hverjum ekkert annað liggur en sveitin.”

Athugasemd: Í Ættatölub. Ólafs Snóksdalíns eru þær systur Jósevæn og Björg, dætur Björns og Guðrúnar, sagðar laundætur Björns, en það er út í hött.

(Skagfirzkar æviskrár 1850-1890 II, 195-197 og IV, 264-265; Niðjatal Gunnlaugs Björnssonar, 10-12; Saga frá Skagfirðingum II, 60; Feðraspor og fjörusprek, 45 og 99-100; Ritsafn Stefáns Jónssonar á Höskuldsstöðum III, 126; Æfisaga Gísla Konráðssonar, 9-10; Huld II, 84-85; Byggðasaga Skagafjarðar II, 240; Húnavaka 1979, 115-116; Biskupsskjalasafn B VII; Dómab. Hún. 30. apríl 1746, 24. maí 1752, 2. maí 1755 og 19. júní 1794; Dómab. Skag. 24. apríl 1769, 1. júní 1792, 2. nóv. 1818 og 21. maí 1821; Skiptab. Hún. 25. apríl 1826 og 26. nóv. 1827; Skiptab. Skag. 13. júní og í ágúst 1777 og 29. ágúst 1845; Verslunarb. Hofsóskaupstaðar 1782, 27 og 159; Lbs. 95, fol. (Verslunarb. Hofsóskaupstaðar 1764-1769); Ábúendatal í Staðarhreppi – Handrit Jóns Sigurðssonar á Reynistað, 211 og 283; Ættatölub. Jóns Espólíns, 1179, 1638-1639 og 5084; Ættatölub. Jóns Magnússonar, 502; Ættatölub. Ólafs Snóksdalíns, 36, 403, 533-534 og 684; Ættatölub. Sighvats Grímssonar Borgfirðings, 636; Ættatölub. Steingríms Jónssonar, 119, 1624 og 3677).

Björn Ólafsson (1730-1785) – Fálkafangari og Bóndi í Stafni og víðar.

F. um 1730, d. 1785 á Bergsstöðum. For.: Ólafur Sigurðsson b. í Stafni og k.h. Valgerður Guðmundsdóttir. Bóndi í Eiríksstaðakoti 1753-1757, á Hóli 1757-1758, á Eiríksstöðum 1758-1759-, á Kúfustöðum -1762-1763-, á Geitaskarði í Langadal nál. 1765, í Stafni -1768-1777, í Bólstaðarhlíð 1777-1783- og á Bergsstöðum 1784 til æviloka. Björn var hraustmenni. Hann var fálkafangari. Hinn 12. sept. 1772 sótti hann um að fá að stunda áfram fálkaveiðar í Akrahreppi og Lýtingsstaðahreppi, en á þeim slóðum hafði hann veitt fálka um margra ára skeið. – Kona: Ingiríður Jónsdóttir, f. um 1733, d. 1792. For.: Jón Jónsson b. á Barkarstöðum og k.h. Þórunn Jónsdóttir. Ingiríður bjó ekkja á Bergsstöðum 1785 til æviloka og stóð bú hennar til fardaga 1793. Börn: Sigríður, f. um 1754, g. Jóni Sigurðssyni b. á Torfustöðum. Sigurlaug, f. um 1766 á Geitaskarði, húsm. á Barkarstöðum, óg., en átti son með Eyjólfi Jónssyni ráðsm. á Eiríksstöðum. Jón, var hjá foreldrum sínum í Bergsstaðaprestakalli 1755. Barnsmóðir: Jarþrúður Jónsdóttir, f. um 1748 á Syðri-Mælifellsá á Efribyggð, d. 20. ágúst 1825 í Hvammi í Svartárdal, vk. á Geitaskarði. For.: Jón Stefánsson b. á Syðri-Mælifellsá og k.h. Jarþrúður Sveinsdóttir. Jarþrúður giftist síðar Jóni Jónssyni b. í Engihlíð í Langadal. Barn: Magnús, f. 1767 eða 1768 á Geitaskarði, b. í Hvammi í Svartárdal, kv. fyrr Þuríði Jónsdóttur, síðar Björgu Jónsdóttur, átti einnig dóttur með Guðlaugu Jónsdóttur.

(Íslenzkar æviskrár V, 436; Húnvetningasaga I, 286 og II, 452-453; Biskupsskjalasafn B VII; Skjalasafn Rentukammers B4, 2, 9 (12. sept. 1772) og B5, 3, 45 (1. ágúst 1773); Alþingisb. XV, 59; Dómab. Hún. 26. apríl 1768 og 27. apríl 1769; Skiptab. Hún. 27. maí 1785; Ættatölub. Jóns Espólíns, 1077 og 4604-4605; Ættatölub. Ólafs Snóksdalíns, 499).

Björn Ólafsson (1771-1827) – Bóndi Bollastöðum..

F. um 1771 í Mjóadal, d. 23. okt. 1827 í Sellandi. For.: Ólafur Arason b. í Ytri-Mjóadal og k.h. Guðrún Illugadóttir. Bóndi á Bollastöðum 1794-1812 og hafði jafnframt bú í Sellandi 1794-1799. Bóndi í Sellandi 1812 til æviloka og hafði jafnframt bú á Hóli 1817-1818. Björn skrifaði undir verslunarkærubréf í Bólstaðarhlíð 20. sept. 1797. – Kona, g. 14. okt. 1795, Þórunn Helgadóttir, f. um 1755 í Þverárdal, d. 23. maí 1839 á Torfustöðum, ekkja Guðmundar Jónssonar b. á Bollastöðum. For.: Helgi Jónsson b. í Þverárdal og k.h. Sigþrúður Árnadóttir. Þórunn bjó ekkja í Sellandi 1827-1828, en var í skjóli Ólafs sonar síns á sama stað 1828-1835 og á Hóli 1835-1836-, en síðast í skjóli Guðmundar sonar síns á Torfustöðum. Hún var orðlögð dugnaðarkona. Börn: Guðmundur, f. um 1796 á Bollastöðum, b. á Torfustöðum, kv. Valgerði Eyjólfsdóttur. Ólafur, f. um 1800 á Bollastöðum, b. á Hóli, kv. Sigríði Hinriksdóttur.

(Skagfirzkar æviskrár 1850-1890 VI, 30-34; Saga frá Skagfirðingum II, 44; Hlynir og hreggviðir, 100-101; Húnaþing I, 492-495; Húnavaka 1976, 92-93; Skeggsstaðaætt – Handrit Björns Bjarnasonar á Brandsstöðum; Ættatölub. Jóns Espólíns, 5495 og 6843-6844; Ættatölub. Ólafs Snóksdalíns, 312-313 (innskotsblöð), 337, 338d og 496-497 (innskotsblöð); Ættatölub. Sighvats Grímssonar Borgfirðings, 2424).

Björn Ólafsson (1817-1853) – Bóndi á Auðólfsstöðum.

F. 8. júní 1817 á Auðólfsstöðum, dr. 5. maí 1853 í Eyhildarholtskvísl í Héraðsvötnum. For.: Ólafur Björnsson b. á Auðólfsstöðum og k.h. Margrét Snæbjörnsdóttir. Var hjá foreldrum sínum á Auðólfsstöðum 1817 og fermdist í Holtastaðasókn 1832. Ráðsmaður hjá móður sinni á Auðólfsstöðum 1836-1843. Bóndi á Ríp í Hegranesi 1843-1844, á Auðólfsstöðum 1844-1851 og í Eyhildarholti í Hegranesi 1851 til æviloka. – Kona, g. 14. júlí 1843, Filippía Hannesdóttir, f. 15. júlí 1819 í Kýrholti í Viðvíkursveit, d. 15. sept. 1908 í Pine Valley í Manitoba. For.: Hannes Bjarnason pr. á Ríp og k.h. Sigríður Jónsdóttir. Filippía fermdist í Rípursókn í Skagafjarðarsýslu 1833. Hún var vinnukona á Auðólfsstöðum 1839-1841 og á Stóru-Seylu á Langholti 1841-1843. Hún bjó ekkja í Eyhildarholti 1853-1855, en giftist þá Markúsi Árnasyni b. í Eyhildarholti. Filippía bjó með seinni manni sínum í Eyhildarholti 1855-1857, á Hafsteinsstöðum í Staðarhreppi 1857-1859, í Keflavík í Hegranesi 1859-1871, á Gvendarstöðum á Staðarfjöllum 1871-1872 og í Brennigerði í Borgarsveit 1872-1876, en var með honum í vinnumennsku í Garði í Hegranesi 1876-1877-. Hún bjó með honum á Ríp 1880-1881, en var með honum í húsmennsku í Ketu í Hegranesi 1881-1883. Hún var húskona hjá Magnúsi syni sínum í Hjaltastaðakoti í Blönduhlíð 1883-1884 og hjá Rögnvaldi syni sínum í Réttarholti í Blönduhlíð 1884-1886, en fór þá til Vesturheims og var síðast í skjóli Filippíu dóttur sinnar í Pine Valley. Filippía skrifaði minningargrein um Björn í Norðra. Börn: Björn, f. 3. sept. 1841 á Stóru-Seylu, d. 28. jan. 1842 í Hvammi á Laxárdal. Ólafur, f. 20. nóv. 1843 á Ríp, pr. á Ríp, ókv. og bl. Margrét, f. 24. nóv. 1844 á Auðólfsstöðum, g. Pétri Björnssyni b. á Ytri-Brekkum í Blönduhlíð. Ingibjörg, f. 6. júní 1846 á Auðólfsstöðum, d. 10. júlí 1846 á sama stað. Björn Hannes, f. 29. sept. 1847 á Auðólfsstöðum, d. 22. maí 1874 í Hvammi í Laxárdal ytri, húsmaður í Hvammi, kv. Sigurlaugu Björnsdóttur. Rögnvaldur, f. 9. okt. 1848 á Auðólfsstöðum, d. 1. okt. 1849 í Mjóadal. Rögnvaldur, f. 26. nóv. 1850 á Auðólfsstöðum, b. í Réttarholti, kv. Freyju Jónsdóttur. Ingibjörg, f. 29. sept. 1852 í Eyhildarholti, d. 23. júní 1858 á Hafsteinsstöðum. Björnonía Filippía, f. 23. nóv. 1853 í Eyhildarholti, d. 28. mars 1933 í Winnipeg í Manitoba, g. fyrr Bjarna Bjarnasyni vm. á Syðsta-Vatni á Efribyggð, síðar Jóhanni Magnússyni b. í Pine Valley. Barnsmóðir: Guðrún Sigurðardóttir, f. 27. ágúst 1814 á Torfalæk á Ásum, d. 17. maí 1900 á Eiðsstöðum í Blöndudal, vk. á Auðólfsstöðum. For.: Sigurður Sveinsson b. á Akri í Þingi og k.h. Þórunn Þorláksdóttir. Guðrún giftist síðar Jónasi Kristjánssyni b. á Barkarstöðum og svo Sigvalda Sigurðssyni b. í Hvammi á Laxárdal. Barn: Magnús, f. 28. jan. 1843 á Auðólfsstöðum, b. á Selnesi á Skaga, kv. Ingibjörgu Vigfúsdóttur. – Seinni maður Filippíu, g. 13. okt. 1855, Markús Árnason, f. 17. júní 1827 á Egilsá í Norðurárdal, d. 6. ágúst 1883 í Hjaltastaðakoti, b. í Eyhildarholti, á Hafsteinsstöðum, í Keflavík, á Gvendarstöðum, í Brennigerði og á Ríp. For.: Árni Jónsson b. í Garði í Hegranesi og k.h. Sigríður Magnúsdóttir. Markús var hjá foreldrum sínum í Garði 1840 og fermdist í Rípursókn 1841. Hann var búlaus á Ríp 1879-1880, en talinn búandi á hluta jarðarinnar fardagaárið 1880-1881. Börn: Sigríður, f. 7. okt. 1856 í Eyhildarholti, g. Haraldi Sigurðssyni b. á Miklabæ í Óslandshlíð. Árni, f. 1857 í Reynistaðarsókn, d. 8. mars 1865 í Keflavík. Magnús, f. 27. nóv. 1858 á Hafsteinsstöðum, b. og skáld í Hjaltastaðakoti, kv. fyrr Jónínu Helgu Hallsdóttur, síðar Lárentínu Mikaelínu Sigurðardóttur. Sigurður, f. 24. júlí 1860 í Keflavík, vm. á Hólum í Hjaltadal 1880 og í Kálfanesi í Steingrímsfirði 1890, ókv. Jón, f. 25. sept. 1862 í Keflavík, d. 4. apríl 1950 í Winnipeg, umsjónarm. í Winnipeg, kv. Margréti Rakel Jóhannsdóttur.

(Íslenzkar æviskrár II, 304-305, IV, 31 og V, 440-441; Dalamenn III, 400-401; Skagfirzkar æviskrár 1850-1890 I, 34-35, 188-189, 191-192 og 211-212 og II, 228-230; Skagfirzkar æviskrár 1890-1910 I, 25-26 og 248-249, II, 208-209 og III, 123-124; Saga Íslendinga í Norður-Dakota, 167-169; Múraratal og steinsmiða I, 322; Ættarskrá Bjarna Þorsteinssonar, 371-373; Sjómenn og sauðabændur, 264-265; Saga frá Skagfirðingum III, 117 og IV, 12 og 122; Búsæld og barningur, 132-133; Hrakhólar og höfuðból, 47-49; Húnavaka 1988, 109-112; Almanak Ólafs Thorgeirssonar 1909, 100, 1934, 39 og 1949, 21-27; Norðri 1853 (nr. 9 og 10), 40 og (nr. 19 og 20), 80; Vesturfaraskrá, 268; Skagfirzkur annáll 1847-1947 I, 28; Annáll nítjándu aldar II, 364; Steinárætt – Handrit Péturs Sigurðssonar á Skeggsstöðum; Ættatölub. Jóns Espólíns, 275, 551, 1075, 1857 og 5121; Ættatölub. Ólafs Snóksdalíns, 125, 282, 284, 477 og 611; Ættatölub. Steingríms Jónssonar, 96, 3902, 4897 og 5008).

Björn Ólafsson (1821-1873) – Bóndi í Finnstungu.

F. 9. sept. 1821 á Auðólfsstöðum, d. 7. febr. 1873 í Finnstungu. For.: Ólafur Björnsson b. á Auðólfsstöðum og k.h. Margrét Snæbjörnsdóttir. Var hjá foreldrum sínum á Auðólfsstöðum 1835 og fermdist í Holtastaðasókn sama ár. Bóndi á Auðólfsstöðum 1843-1844. Húsmaður í Syðri-Mjóadal 1844-1845. Vinnumaður í Syðri-Mjóadal 1845-1846-, á Gunnsteinsstöðum -1849-1851 og í Gautsdal 1851-1852. Bóndi í Engihlíð í Langadal 1852-1856, á Ystagili í Langadal 1856-1861 og í Finnstungu 1861 til æviloka. Björn var vel meðalmaður á vöxt, þéttvaxinn, svartur á hár og skegg, nefstór, í stórlátara lagi, hæglátur og festulegur, vel greindur, rökfastur og lét ógjarna hlut sinn. – Kona, g. 13. maí 1852, Anna Lilja Jóhannsdóttir, f. 20. febr. 1826 á Þorbrandsstöðum í Langadal, d. 12. jan. 1888 í Eyvindarstaðagerði. For.: Jóhann Jónsson b. á Þorbrandsstöðum og k.h. Elísabet Vormsdóttir. Anna var hjá foreldrum sínum á Þorbrandsstöðum 1840 og fermdist í Holtastaðasókn sama ár. Hún var vinnukona í Heiðarbæ í Þingvallasveit 1841-1842- og á Þingvöllum í Þingvallasveit -1845-1847. Hún bjó ekkja í Finnstunga 1873-1875, en var bústýra á Syðri-Leifsstöðum 1875-1876. Anna bjó ekkja Syðri-Leifsstöðum 1876-1877, í Eiríksstaðakoti 1877-1880, í Eyvindarstaðagerði 1880-1883, á Skottastöðum 1883-1884 og í Eiríksstaðakoti aftur 1884-1887, og taldist hún fyrir búinu 1884-1885 og 1886-1887, en (Jóhannes) Sigvaldi sonur hennar, sem jafnan fylgdi móður sinni, var skráður fyrir búinu 1885-1886. Anna var húskona í Eyvindarstaðagerði 1887 til æviloka. Börn: Ingibjörg, f. 28. júní 1853 í Engihlíð, d. 29. mars 1858 á Ystagili. Jóhannes, f. 2. ágúst 1854 í Engihlíð, d. 3. apríl 1858 á Ystagili. Sigríður, f. 30. ágúst 1855 í Engihlíð, d. 27. jan. 1856 á sama stað. Sigvaldi, f. 1. okt. 1856 í Engihlíð, d. 7. apríl 1858 á Ystagili. Jóhannes Sigvaldi, f. 9. júlí 1858 á Ystagili, b. á Skeggsstöðum, kv. Hólmfríði Bjarnadóttur. Ingibjörg Sigríður, f. 31. júlí 1860 á Ystagili, d. 11. nóv. 1860 á sama stað. Ingibjörg, f. 26. júní 1861 í Finnstungu, d. 11. júní 1945 í Struthers í Ohio, g. Benedikt Frímannssyni kjötkaupmanni á Gimli í Nýja-Íslandi. Sigríður, f. 19. sept. 1862 í Finnstungu, d. 7. maí 1913 á Skeggsstöðum, vk. í Rugludal 1901, óg. og bl. Arnljótur, f. 17. jan. 1864 í Finnstungu, d. 16. ágúst 1946 á Gimli, fylkislögregluþjónn á Gimli, kv. Jórunni Sigríði Ólafsdóttur. Hann tók sér ættarnafnið Olson ytra. Ólafur, f. 14. febr. 1865 í Finnstungu, b. á Árbakka á Skagaströnd, kv. Sigurlaugu Sigurðardóttur, átti einnig dóttur og son með Kristínu Bjarnadóttur. Björn, f. 23. okt. 1866 í Finnstungu, d. 22. júní 1933 í Winnipeg í Manitoba, lögregludómari á Gimli, kv. Guðrúnu Sólmundsdóttur. Hann tók sér ættarnafnið Olson ytra. Rannveig, f. 13. des. 1869 í Finnstungu, d. 2. apríl 1910 á Höllustöðum í Blöndudal, vk. á Kúfustöðum 1901, óg., en átti son með Jónasi Árnasyni vm. á Skeggsstöðum 1901. Margrét, f. 1872 (sk. 25. apríl 1872) í Finnstungu, d. 6. júní 1873 á sama stað.

Athugasemd: Sigvaldi Björnsson, sonur Björns og Önnu, er talinn fæddur í Engihlíð við skírn bæði í Prestsþjónustubók Blöndudalshólaprestakalls og í Prestsþjónustubók Holtastaðasóknar, og virðist það ótrúverðugt, því samkvæmt framtalsgögnum voru foreldrar hans komnir að Ystagili um það leyti sem hann fæddist.

(Íslenzkar æviskrár V, 454; Skagfirzkar æviskrár 1850-1890 VII, 242; Vestur-íslenzkar æviskrár III, 217-221; Bergsætt III, 49-50; Ættarskrá Bjarna Þorsteinssonar, 371-373; Búsæld og barningur, 132-133; Hrakhólar og höfuðból, 47-49; Troðningar og tóftarbrot, 39-41; Húnavaka 1988, 109-112; Ættatölub. Jóns Espólíns, 275, 551, 4210 og 5589; Ættatölub. Ólafs Snóksdalíns, 125, 477, 540 og 716-717 (innskotsblað); Ættatölub. Steingríms Jónssonar, 3902 og 5023).

Björn Óttarsson. F. nál. 1615, á lífi í Bólstaðarhlíðarhreppi 1649. Óvíst er um foreldra hans, en hann gæti hafa verið sonur Óttars b. á Skottastöðum. Bóndi í Bólstaðarhlíðarhreppi -1648-1649-. Björn hyllti konung í Bólstaðarhlíð 24. maí 1649. – Ókunnugt um kvonfang, en sonur hans hefur verið: Óttar, f. um 1648, b. í Ytri-Mjóadal, kv. Sigríði Þorsteinsdóttur.

(Hyllingarskjöl 1649, 48-49).

Björn Snorrason (1662-1719) – Bóndi á Skeggstöðum.

F. um 1662, á lífi 1719. For. ókunnir. Bóndi á Skeggsstöðum -1699-1703- og á Breiðavaði í Langadal -1708-1709-. Björn tók eina smjörskrínu frá Margréti Hallgrímsdóttur árið 1718 og spratt af því smávægilegt málastapp. Hann keypti Björnólfsstaði í Langadal af bræðrunum Jóni Eiríkssyni bónda á Útibleiksstöðum í Miðfirði og Teiti Eiríkssyni lögréttumanni á Efra-Núpi í Miðfirði fyrir 15 hundruð í lausafé 26. febr. 1718. – Kona: Kristín Bjarnadóttir, f. um 1667, á lífi 1745. For.: Bjarni Jónsson b. á Eyvindarstöðum og k.h. Guðrún Árnadóttir. Kristín bjó ekkja á Björnólfsstöðum -1733-1735-. Hún seldi Bjarna syni sínum 6 hundruð í Björnólfsstöðum fyrir 6 hundruð í lausafé 5. jan. 1745. Börn: Sigríður, f. um 1696, var hjá foreldrum sínum á Skeggsstöðum 1703. Þorsteinn, f. um 1700, b. í Stafni, kv. Guðríði Tómasdóttur. Bjarni, f. um 1710, b. á Breiðavaði, kv. Guðrúnu Eiríksdóttur.

(Lögréttumannatal, 56-57; Saga Skagstrendinga og Skagamanna, 28; Vorþeyr og vébönd, 216; Alþingisb. X, 437-438 og 548; Dómab. Hún. 11. maí 1734; Dómab. Skag. 28. apríl 1745; Ættatölub. Jóns Espólíns, 605; Ættatölub. Jóns Magnússonar, 458; Ættatölub. Ólafs Snóksdalíns, 479; Ættatölub. Steingríms Jónssonar, 306).

Björn Sveinsson (1798-1829) – bóndi í Skyttudal.

F. um 1798 í Geldingaholti í Seyluhreppi, d. 11. ágúst 1829 á Syðri-Brekkum í Blönduhlíð. For.: Sveinn Erlendsson b. á Ytri-Brekkum í Blönduhlíð og k.h. Steinunn Jónsdóttir. Var hjá foreldrum sínum í Geldingaholti 1802 og á Ytri-Brekkum 1816. Bóndi í Skyttudal 1823-1825 og á Ytri-Brekkum 1825-1829, en síðast á Syðri-Brekkum. – Kona: Sigríður Björnsdóttir, f. 1798 á Refsstöðum á Laxárdal fremri, d. 29. ágúst 1875 á Hofstöðum í Hofstaðabyggð. For.: Björn Magnússon b. í Skyttudal og barnsm.h. Helga Jónsdóttir vk. á Refsstöðum. Sigríður var hjá móðurfólki sínu á Refsstöðum 1801. Hún var vinnukona í Gautsdal -1816-1821 og á Svaðastöðum í Hofstaðabyggð 1821-1823. Hún bjó ekkja á Syðri-Brekkum 1829-1832, en giftist þá Pétri Jónssyni b. á Syðri-Brekkum. Hún bjó með seinni manni sínum á Syðri-Brekkum 1832-1849 og á Hofstöðum 1849-1875. Börn: Gísli, f. 3. maí 1824 í Skyttudal, d. 2. okt. 1827 á Ytri-Brekkum. Erlendur, f. 22. júlí 1825 á Ytri-Brekkum, b. í Ytri-Svartárdal í Svartárdal, kv. Rut Jónsdóttur. Björn, f. 26. sept. 1829 á Syðri-Brekkum, b. í Ytri-Svartárdal, kv. Rut Jónsdóttur, átti einnig syni með Maríu Kristínu Guðmundsdóttur og Þorbjörgu Pétursdóttur ráðsk. í Grundarkoti, einn með hvorri. – Seinni maður Sigríðar, g. 17. okt. 1832, Pétur Jónsson, f. um 1800 á Lóni í Viðvíkursveit, d. 24. mars 1898 á Hofstöðum, b. á Syðri-Brekkum 1832-1849 og á Hofstöðum 1849-1875. For.: Jón Björnsson b. og smiður á Lóni og s.k.h. Sigurlaug Jónsdóttir. Pétur var hjá foreldrum sínum á Lóni 1801 og 1816, en í skjóli Sigurðar sonar síns á Hofstöðum 1875 til æviloka. Hann var hreppstjóri í Akrahreppi í Skagafjarðarsýslu 1837-1840 og í Viðvíkurhreppi í Skagafjarðarsýslu 1851-1854, 1857-1858 og 1872-1875. Pétur var ekki íhlutunarsamur um mál annarra, en traustur og fastur fyrir, ef á reyndi. Pétur og Sigríður voru bæði sparsöm, hagsýn og atorkumikil. Börn: Björn, f. 22. júní 1834 á Syðri-Brekkum, b. og hreppstj. á Hofstöðum, kv. fyrr Margréti Sigríði Pálsdóttur, síðar Unu Jóhannesdóttur, átti áður dóttur með Margréti Skúladóttur. Sigurður, f. 3. júní 1843 á Syðri-Brekkum, b. á Hofstöðum, kv. Björgu Jónsdóttur.

Athugasemd: Björn og Sigríður voru komin í hjúskap árið 1824.

(Skagfirzkar æviskrár 1850-1890 II, 12-14, 38-39 og 238-239 og IV, 309-311; Skagfirzkar æviskrár 1890-1910 I, 37-39 og 276-278; Sjómenn og sauðabændur, 258-260 og 265-269; Saga frá Skagfirðingum III, 121; Ritsafn Stefáns Jónssonar á Höskuldsstöðum I, 141 og IV, 190-191; Skiptab. Hún. 16. nóv. 1833 og 5. okt. 1860; Skiptab. Skag. 24. júní 1830, 13. maí 1845 og 15. mars 1847; Ættatölub. Bjarna Jóhannessonar, 658; Ættatölub. Jóns Espólíns, 3065, 4546-4547 og 5619-5620; Ættatölub. Ólafs Snóksdalíns, 312-313 (innskotsblöð), 548, 553, 574, 831 og 832; Ættatölub. Steingríms Jónssonar, 252, 965 og 4546).

Björn Vigfússon (1758-1787) – Bóndi á Brandsstöðum.

F. um 1758, d. 1787. For.: Vigfús Björnsson b. á Syðri-Löngumýri í Blöndudal og f.k.h. Halldóra Jónsdóttir húsm. í Nýlendu. Var í Auðkúluprestakalli 1767, þá sagður 9 ára. Bóndi á Brandsstöðum -1784 til æviloka. Björn andaðist úr kverkameini. – Kona, g. 27. nóv. 1783, Ólöf Símonsdóttir, f. um 1764 á Brandsstöðum, d. 25. maí 1822 á sama stað. For.: Símon Jónsson b. á Brandsstöðum og k.h. Ingigerður Brandsdóttir. Ólöf bjó ekkja á Brandsstöðum 1787-1791, en giftist þá Helga Þórðarsyni b. á Brandsstöðum. Barn: Símon, f. 1785.

(Fortíð og fyrirburðir, 57-58; Hrakhólar og höfuðból, 188; Biskupsskjalasafn B VII; Eiðsstaðaætt – Handrit Björns Bjarnasonar á Brandsstöðum; Ættatölub. Ólafs Snóksdalíns, 719).

Björn Þorleifsson (1725-1759) – Bóndi í Vatnshlíð.

F. nál. 1725, d. 22. jan. 1759 í Vatnshlíð á Skörðum. For. ókunnir. Bóndi í Vatnshlíð 1756 til æviloka. Björn beið bana í skriðuhlaupi sem féll á bæinn í Vatnshlíð, sligaði hann allan og fyllti af vatni og krapi. Honum var úthlutað gjafakorni 8. jan. 1757. – Kona: Ólöf Ólafsdóttir, f. nál. 1725, d. í jan. 1759 á Stóra-Vatnsskarði á Skörðum. For.: Ólafur Jónsson b. í Valadal á Skörðum og k.h. Þórey Gísladóttir. Ólöfu var bjargað úr bænum degi eftir að skriðan hljóp á hann. Hún var flutt að Stóra-Vatnsskarði, þar sem hún andaðist fáum dögum síðar af meiðslum sem hún hafði hlotið. Ókunnugt um börn.

Athugasemd: Hægt er að láta sér til hugar koma að Björn kunni að hafa verið sonur Þorleifs Björnssonar b. í Húnavatnssýslu.

(Húnvetningasaga I, 225-226; Saga frá Skagfirðingum I, 167; Feðraspor og fjörusprek, 45; Fortíð og fyrirburðir, 43-45; Æfisaga Gísla Konráðssonar, 22; Skriðuföll og snjóflóð I, 374-377; Hrakfallabálkur, 63-65; Annálar 1400-1800 IV, 507 og 607-608 og VI, 115-116; Íslands Árbækur X, 47; Ættatölub. Jóns Espólíns, 1179 og 1847; Ættatölub. Ólafs Snóksdalíns, 36 og 340; Ættatölub. Jóns Magnússonar, 502; Ættatölub. Steingríms Jónssonar, 3677 og 4823).

Björn Þorleifsson (1809-1866) – Bóndi í Ytri-Mjóadal og Skyttudal.

F. 24. des. 1809 í Ytri-Mjóadal, d. 6. júní 1866 í Skyttudal. For.: Þorleifur Þorleifsson b. í Ytri-Mjóadal og k.h. Guðrún Ólafsdóttir. Var hjá móður sinni í Ytri-Mjóadal 1816 og fermdist í Bólstaðarhlíðarsókn 1826. Bóndi í Ytri-Mjóadal 1839-1866, en síðast í Skyttudal. Sumir afkomendur hans urðu kunnir kvæðamenn. – Fyrri kona, g. 14. okt. 1842, Sigríður Jónsdóttir, f. um 1816 í Syðri-Mjóadal, d. 20. apríl 1845 í Ytri-Mjóadal. For.: Jón Helgason b. í Syðri-Mjóadal og k.h. Ásta Björnsdóttir. Sigríður var hjá foreldrum sínum á Hróarsstöðum á Skagaströnd 1826 og fermdist í Hofssókn 1831. Hún var bústýra hjá Birni í Ytri-Mjóadal 1840-1842. Börn: Ingibjörg, f. 31. mars 1842 í Ytri-Mjóadal, g. Gísla Guðmundssyni b. í Strjúgsstaðaseli. Margrét, f. 20. júlí 1843 í Ytri-Mjóadal, d. 31. júlí 1843 á sama stað. Ólafur, f. 19. des. 1844 í Ytri-Mjóadal, vm. á Húsum í Holtum 1880, ókv., en átti dóttur með Guðrúnu Friðfinnsdóttur. Seinni kona, g. 19. okt. 1846, Ingibjörg Guðmundsdóttir, f. 21. ágúst 1816 á Torfustöðum í Núpsdal, d. 5. júlí 1898 á Kirkjuskarði á Laxárdal fremri, ekkja Benedikts Benediktssonar b. í Eiríksstaðakoti. For.: Guðmundur Björnsson b. í Syðri-Mjóadal og k.h. Svanhildur Árnadóttir. Ingibjörg bjó ekkja í Skyttudal 1866-1869, en var í skjóli Frímanns sonar síns á sama stað 1869-1870. Húskona í Hólabæ 1870-1871. Vinnukona í Hólabæ 1871-1872, en var í skjóli Sigríðar dóttur sinnar í Glaumbæ í Langadal 1872-1873 og í Skyttudal 1873-1874. Húskona í Skyttudal 1874-1876, en var í skjóli Sigríðar dóttur sinnar í Brennigerði í Borgarsveit 1876-1879 og á Kirkjuskarði 1879 til æviloka. Börn: Björn, f. 25. júní 1846 í Ytri-Mjóadal, d. 1846 (gr. 25. ágúst 1846) á sama stað. Frímann Guðmundur, f. 21. okt. 1847 í Ytri-Mjóadal, b. í Skyttudal, kv. fyrr Solveigu Jónsdóttur, síðar Valgerði Guðmundsdóttur, átti einnig dóttur með Helgu Eiríksdóttur. Sigríður, f. 2. okt. 1849 í Ytri-Mjóadal, g. Stefáni Guðmundssyni b. í Skyttudal. Jóhann Benedikt, f. 25. apríl 1851 í Ytri-Mjóadal, d. 3. des. 1857 á sama stað. Guðrún, f. 5. apríl 1853 í Ytri-Mjóadal, d. 5. júlí 1882 í Hvammi í Langadal, g. Bjarna Jónassyni vm. á Víðimýri í Seyluhreppi 1880. Björn, f. 19. sept. 1856 í Ytri-Mjóadal, b. í Grundarkoti, kv. fyrr Kristínu Sveinsdóttur, síðar Halldóru Friðbjörnsdóttur.

(Íslenzkar æviskrár V, 321-322; Skagfirzkar æviskrár 1910-1950 I, 45-49; Hjónin Jakob Lárusson Bergstað og Guðný Ragnhildur Hjartardóttir frá Litla-Enni á Blönduósi, 78-80; Búsæld og barningur, 132; Feðraspor og fjörusprek, 45; Troðningar og tóftarbrot, 58 og 265-266; Húnavaka 1976, 91, 1981, 119 og 1988, 109; Silfurplötur Iðunnar, 258 og 265-266; Skiptab. Hún. 8. mars 1837, 14. des. 1846 og 1. nóv. 1847; Ættatölub. Jóns Espólíns, 551, 1183, 3584 og 6844; Ættatölub. Ólafs Snóksdalíns, 125, 347 og 496-497 (innskotsblöð).

Brandur Eiríksson (1658-1735) – Bóndi í Finnstungu og Kóngsgarði.

F. um 1658, á lífi á Kárastöðum á Bakásum 1735. For. ókunnir. Bóndi í Finnstungu -1699-1700-, í Kóngsgarði -1701-1709- og á Kárastöðum -1734-1735-. – Kona: Þorbjörg Jónsdóttir, f. um 1661, á lífi í Kóngsgarði 1703. For. ókunnir. Börn: Kolfinna, f. um 1694, var hjá foreldrum sínum í Kóngsgarði 1703. Margrét, f. um 1698, var hjá foreldrum sínum í Kóngsgarði 1703. Guðrún, f. um 1699, var hjá foreldrum sínum í Kóngsgarði 1703.

(Vorþeyr og vébönd, 226).

Brandur Jónsson (1705- 1746) – Bóndi í Hvammi í Laxárdal.

F. nál. 1705, á lífi á Holtastöðum í Langadal 1746. For. ókunnir. Bóndi í Engihlíð í Langadal 1738-1740 og í Hvammi á Laxárdal fremri 1740-1741-. Búlaus í Engihlíðarhreppi -1744-1745 og á Holtastöðum 1745-1746-. – Ókunnugt um kvonfang og börn.

Brandur Salómonsson (1696-1756) – Bóndi í Rugludal.

F. um 1696, d. 11. apríl 1756 í Blöndudalshólasókn. For.: Salómon Sigurðsson b. í Rugludal og k.h. Ólöf Brandsdóttir. Bóndi í Rugludal -1734-1753, en var í skjóli Ingigerðar dóttur sinnar á sama stað 1753 til æviloka, ,,gamall [og] guðhræddur”, ritar prestur í kirkjubók við greftrun hans. – Kona: Guðrún Jónsdóttir, f. nál. 1695, d. 8. mars 1755 í Rugludal. For. ókunnir. Barn: Ingigerður, f. um 1723, g. Símoni Jónssyni b. á Brandsstöðum.

(Vorþeyr og vébönd, 226 og 228-229).